ရဲစွဲချက်အရ အမှုများတွင် ရုံးရှေ့ လာရောက်သော သက်သေများကို မစစ်ဆေးဘဲ Informant (သတင်းပေးသူ)ကို ဦးစွာစစ်ဆေးပြီးမှ ကျန်သက်သေများကို စစ်ဆေးရမည်ဟု ပြဌာန်းချက်ရှိမရှိ။
Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
ရဲစွဲချက် အရ တရားရုံးသို့ တရားစွဲတင်ပို့လာသောအမှုများတွင် ရဲစွဲချက်ပါ သက်သေစာရင်းတွင် ပါရှိသူများကို ရဲပုံစံ - ၁၀၄ ဖြင့် ဆင့်ဆိုကြလေ့ ရှိပါသည်။
တစ်ခါတစ်ရံ ယင်းသက်သေစာရင်းပါ အစီအစဉ်အတိုင်း စဉ် (၁) Informant (သတင်းပေးသူ)ကို တရားစွဲအဖွဲ့အစည်းမှ အကြောင်းကိစ္စတစ်ရပ်ရပ်ဖြင့် ရုံးရှေ့ တင်ပို့ ခြင်း မပြုနိုင်ပဲ ကျန် တရားလိုပြသက်သေများကို ဦးစွာ ရုံးရှေ့ တင်ပို့ပေးသည်ကို မကြာခဏ ဆိုသလိုကြုံတွေ့ရပါသည်။
ထိုအခါ တရားခံဘက်မှ
“တရားလိုကို မစစ်ရသေး၍ ရုံးရှေ့ လာရောက်သော သက်သေများကို စစ်ဆေးခြင်းမပြုရန်”
စောဒကတက် ကန့်ကွက်မှုပြုကြ သည်ကို တွေ့ရှိရပါသည်။
တစ်ခါတစ်ရံ "အမှုလိုက် ဥပဒေအရာရှိ" ကိုယ်တိုင်မှပင်
ယင်းသို့သော ကန့်ကွက်မှုကိုပြုသည်ကို အံ့သြဖွယ်တွေ့ရှိရပါသည်။
ယင်းသို့သောအခြေအနေတွင် ရုံးရှေ့လာရောက်သော သက်သေများကို မစစ်ဆေးဘဲပြန်လွှတ်ရန်သင့်ပါသလား။
ရဲစွဲချက် အရ တရားစွဲတင်ပို့လာသောအမှုများတွင် Informant (သတင်းပေးသူ)ကို ဦးစွာစစ်ဆေးပြီးမှ ကျန်သက်သေများကိုစစ်ဆေးရန် ဥပဒေအရ ကန့်သတ်ချက်ရှိပါသလား။
---------
ပြစ်မှုဆိုင်ရာ အမှုများတွင် တရားလိုသည် နိုင်ငံတော်ဖြစ်ခြင်း။
Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
ပြစ်မှုဆိုင်ရာ အမှုများ၏သဘောသဘာဝမှာ တရားမမှုများကဲ့သို့ ပုဂ္ဂလိက ဆိုင်ရာ အခွင့်အရေး ထိခိုက်နစ်နာမှုမျိုးမဟုတ်ဘဲ နိုင်ငံတော်က အရေးတယူပြု၍ စီမံဆောင်ရွက်လျက် ရှိသည့် ရာဇ၀တ်မှုခင်း များဖြစ်ကြောင်း ဦးမောင်ကိုပါ ၃ နှင့် ပြည်ထောင်စုမြန်မာနိုင်ငံတော်ပါ -၂ (၁၉၉၆၊ မတစ၊ စာ - ၁၆၉) တွင် ညွှန်ပြပါသည်။
ပြစ်မှုဆိုင်ရာ ကျင့်ထုံးဥပဒေပုဒ်မ ၁၉၅ မှ ၁၉၉ ပါ ပြစ်မှုများ၊ ပုဒ်မ - ၄၈၀၊ ၄၈၅၊ ပုဒ်မ - ၁၃၂ တို့ တွင်ဖော်ပြထားသည့် ကိစ္စရပ်များအပ အခြားပြစ်မှုဆိုင်ရာအမှုများကို မည်သူက တရားစွဲဆိုရမည်ဟု ပြဌာန်း ထားခြင်းမရှိပေ။ ပြစ်မှုဆိုင်ရာအမှုအားလုံးအတွက် တရားလို မှာ နိုင်ငံတော်သာ ဖြစ်သည် ဟု ဦးဥာဏ်လင်းအောင် နှင့် ပြည်ထောင် စုမြန်မာနိုင်ငံတော် ပါ ၂ (၂၀၀၆ ၊ မတစ၊ စာ -၇၅) တွင် လမ်းညွှန်သည်။
သို့ဖြစ်ရာ “တရားလိုကိုမစစ်ရသေး၍” ဟူသော စောဒက တက်ချက်၊ ကန့်ကွက်ချက်မှာ မှန်ကန်ခြင်း မရှိကြောင်းမြင်သာပါသည်။
----
တရားစွဲဆိုမှု ပုံစံ (၂)မျိုး။
xxxxxxxxxxxxxxxxxxxx
ယေဘူယျအားဖြင့် တရားရုံးသို့ ပြစ်မှုဆိုင်ရာအမှုများကို စွဲဆိုတင်ပို့သည့် နည်းလမ်း (၂)ရပ် ရှိပါသည်။
ပြစ်မှုဆိုင်ရာကျင့်ထုံးဥပဒေပုဒ်မ - ၁၉၀(၁)(က) အရ တိုင်တန်းချက်ဖြင့်လည်းကောင်း၊
ပုဒ်မ - ၁၉၀(၁)(ခ) အရ ရဲအရာရှိတစ်ဦးက စာဖြင့်ရေးသားအစီရင်ခံစာ
( ရဲစွဲချက်) ဖြင့်လည်းကောင်း ရောက်ရှိပါသည်။
----
တိုင်တန်းချက် နှင့် ရဲစွဲချက် တူသလား။
Xxxxxxxxxxxxxxxxxxxxxxxxxxxxxxxxxxx
ပြစ်မှုဆိုင်ရာကျင့်ထုံးဥပဒေပုဒ်မ - ၄ (၁) (ဇ)တွင် Complaint (တိုင်တန်းချက်) ကို အဓိပ္ပါယ် ဖွင့်ဆိုထားပြီး Report of police officer ( ရဲအစီရင်ခံစာ (၀ါ) ရဲစွဲချက်) မပါဝင်ကြောင်းပြဌာန်းထားပါသည်။
ရဲစွဲချက်ဟုခေါ်သော ရဲအစီရင်ခံစာသည် တိုင်တန်းချက်မဟုတ် ကြောင်း မသီတာအေး နှင့် ပထစ ပါ-၂ (၂၀၀၉၊ မတစ၊ စာ - ၆၅) တွင် ညွှန်ပြပါသည်။
ထို့ကြောင့် တိုင်တန်းချက် သည် ရဲစွဲချက် မဟုတ်သကဲ့သို့ ရဲစွဲချက်ဖြင့် တင်ပို့လာသောအမှုများသည် လည်း Complaint (တိုင်တန်းချက်) မဟုတ်ကြောင်းမြင်သာပါသည်။
--------
Complainant (တိုင်တန်းသူ) နှင့် Informant (သတင်းပေးသူ) တူသလား။
Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
တိုင်တန်းချက်အရမှုခင်းများသည် Complainant (တိုင်တန်းသူ) ၏ရေးသားတိုင်တန်းချက်အရ အမှုစတင်ခြင်းဖြစ်ပါသည်။
ရဲစွဲချက်အရ အမှုများသည် ပြစ်မှုဆိုင်ရာကျင့်ထုံးဥပဒေပုဒ်မ - ၁၅၄ အရ Informant (သတင်းပေးသူ)၏ သတင်းပေးချက်အရ အမှု စတင်ခြင်းဖြစ်ပါသည်။
တိုင်တန်းချက်အရ အမှုများကို ပြစ်မှုဆိုင်ရာကျင့်ထုံးဥပဒေပုဒ်မ - ၂၀၀ အရ တရားရုံးက Complainant (တိုင်တန်းသူ) ကို ချက်ချင်းစစ်ဆေးရပါသည်။ ထို့နောက် အမှုအား လက်ခံအရေးယူ ဆောင်ရွက်သည့်အခါ ကျင့်ထုံးပုဒ်မ - ၂၀၄ အရ တရားခံအား ရုံးရှေ့ဆင့်ဆို၍ တရားခံရုံးရှေ့ရောက်လျှင်
အမှုစစ်ဆေးခြင်း ဆောင်ရွက်ရပါသည်။
ရဲစွဲချက်အရ အမှုများသည် ပြစ်မှုဆိုင်ရာကျင့်ထုံးဥပဒေပုဒ်မ - ၁၅၄ အရ Informant (သတင်းပေးသူ)၏ သတင်းပေးချက်အရ ပထမ သတင်းပေး တိုင်ချက် (FIR) ရေးဖွင့်ပြီး ရဲတပ်ဖွဲ့မှ စုံစမ်းထောက်လှမ်းပြီးနောက် ကျင့်ထုံးပုဒ်မ - ၁၇၀ အရ တရားရုံးသို့ အမှုစစ်ဆေးရန် တင်ပို့ပါသည်။
ဆိုလိုချင်သည်မှာ တိုင်တန်းချက်(ဦးတိုက်မှု)ကို Complainant (တိုင်တန်းသူ) ကပြုလုပ်ပြီး ပထမသတင်းပေးတိုင်ချက် (F.I.R) ကို Informant (သတင်းပေးသူ) ကပြုလုပ်ပါသည်။
သို့ဖြစ်ရာ Complainant (တိုင်တန်းသူ) နှင့် Informant (သတင်းပေးသူ) တို့သည် မတူညီကြောင်း တွေ့မြင်နိုင်ပါသည်။
----
ကျင့်ထုံးပုဒ်မ - ၂၄၄(၁) နှင့် ၂၅၂(၁) တွင် တိုင်တန်းသူအား (ရှိခဲ့လျှင်) ဦးစွာစစ်ဆေးရန် ပြဌာန်းထားချက်သည် Complaint (တိုင်တန်းချက်)အရ အမှုကို ရည်ညွှန်းခြင်းဖြစ်ခြင်း။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
သမ္မာန်မှုစစ်ဆေးနည်းတွင် ပြစ်မှုဆိုင်ရာကျင့်ထုံးဥပဒေပုဒ်မ - ၂၄၄(၁)တွင် “ရာဇ၀တ်တရားသူကြီး သည် ပုဒ်မ ၂၄၃ အရ တရားခံ အပေါ် ပြစ်မှုထင်ရှားစီရင်ခြင်းမပြုလျှင် သို့မဟုတ် တရားခံက ယင်းသို့ ၀န်ခံ ခြင်းမပြုလျှင် တိုင်တန်းသူအား (ရှိခဲ့လျှင်) ဆက်လက်ကြားနာရမည်။ ထိုပြင် တရားလိုဘက်မှ တင်ပြသော သက်သေခံချက်များကို ရယူပြီးနောက် -----------------------------“ ဟု ပြဌာန်းထားပါသည်။
ဝရမ်းမှုစစ်ဆေးနည်းတွင် ပြစ်မှုဆိုင်ရာကျင့်ထုံးဥပဒေပုဒ်မ - ၂၅၂(၁)တွင် “ရာဇ၀တ်တရားသူကြီး ရှေ့သို့ တရားခံ ရောက်ရှိသည့်အခါ သို့မဟုတ် တရားခံကို တင်ပို့သည့်အခါ ရာဇ၀တ်တရားသူကြီးသည် တိုင်တန်းသူအား (ရှိခဲ့လျှင်) ဆက်လက်စစ်ဆေးကြားနာရမည်။ ထို့ပြင် တရားလိုဘက်မှ တင်ပြသော သက်သေခံချက်ကို ရယူရမည်။” ဟု ပြဌာန်းထားပါသည်။
အဆိုပါ ကျင့်ထုံးပုဒ်မ - ၂၄၄(၁) နှင့် ၂၅၂(၁) တွင် တိုင်တန်းသူအား (ရှိခဲ့လျှင်)ဦးစွာစစ်ဆေးရန် ပြဌာန်းထားပါသည်။ မူရင်းပြဌာန်းချက်မှာ the complainant (if any) ဖြစ်ပါသည်။
အထက်တွင်ဆိုခဲ့ပြီးဖြစ်သည့်အတိုင်း Complainant (တိုင်တန်းသူ)ဟု သုံးနှုန်းထားသဖြင့် Complaint (တိုင်တန်းချက်) အရ အမှုအား ရည်ညွှန်းခြင်းဖြစ်ကြောင်းမြင်သာပါသည်။
F.I.R အရ စုံစမ်းထောက်လှမ်း၍ ရဲစွဲချက်ဖြင့် တရားစွဲတင်ပို့လာသော အမှုမဟုတ်ကြောင်းမြင်သာပါသည်။
-------
ရဲစွဲချက် အရ တရားစွဲတင်ပို့လာသောအမှုများတွင် Informant (သတင်းပေးသူ) ကို ဦးစွာစစ်ဆေးပြီးမှ ကျန်သက်သေများကို စစ်ဆေးရမည်ဟု ပြစ်မှုဆိုင်ရာကျင့်ထုံးဥပဒေတွင် ပြဌာန်းထားခြင်းရှိမရှိ။
Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
ကျင့်ထုံးပုဒ်မ - ၂၄၄(၁) နှင့် ၂၅၂(၁) တွင် တိုင်တန်းသူအား (ရှိခဲ့လျှင်) ဦးစွာစစ်ဆေးရန် ပြဌာန်းချက် သည် တိုင်တန်းချက်အရ အမှု (၀ါ) ဦးတိုက်မှုများ နှင့်သာ သက်ဆိုင်သည့် အနေအထားတွင် ရဲစွဲချက် အရ တရားစွဲတင်ပို့လာသောအမှုများ အတွက် ကန့်သတ်ချက် မရှိကြောင်း
တွေ့မြင်နိုင်ပါသည်။
အထက်တွင်ဆိုခဲ့ပြီးဖြစ်သည့်အတိုင်း ပြစ်မှုများတွင် တရားလို အဖြစ် နိုင်ငံတော်ကရပ်တည်ပေးလျက်ရှိသဖြင့် Informant (သတင်းပေးသူ)သည် သက်သေ(witness) သာဖြစ်ပါသည်။
သက်သေကို မည်သည့် အစီအစဉ်အတိုင်း စစ်ဆေးရန်ဖြစ်ကြောင်း ဥပဒေ ပြဌာန်းချက်မရှိပါ။ သက်သေခံဥပဒေပုဒ်မ - ၁၃၅ အရ တရားသူကြီး၏ လုပ်ပိုင်ခွင့်ဖြစ်ပါသည်။
-----
တရားရုံးများလက်စွဲ
Xxxxxxxxxxxxxxxxx
တရားရုံးများလက်စွဲအပိုဒ် - ၄၄၁ နှင့် ၄၄၅ တွင် တိုင်လျှောက်သူ ရှိလျှင် ဦးစွာကြားနာစစ်ဆေး ရန် ပြဌာန်းထားပါသည်။ တိုင်လျှောက်သူ ဆိုသောစကားရပ်အရ ဦးတိုက်မှုကို ရည်ညွှန်းခြင်းဖြစ်ကြောင်း မြင်သာ ပါသည်။
တရားရုံးများလက်စွဲအပိုဒ် - ၄၆၄ တွင်
အမှုကိုစတင်စစ်ဆေးရာ၌ စစ်ဆေးမှုကိုတဆက်တည်း
ဆောင်ရွက်နိုင်စေရန် နှင့် သက်သေများ စစ်မေးခြင်းနှင့် စပ်လျဉ်း၍ သက်သေခံချက်တွင် ထွက်ဆိုမည့် ဖြစ်ပျက်ပုံကြောင်းခြင်းရာကို အကောင်းဆုံး ထွက်ပေါ်နိုင်စေမည့် အစီအစဉ်ဖြင့် ဆောင်ရွက်နိုင်စေရန် အလို့ငှာ၊ စစ်ဆေးစီရင်ခြင်းကိုဖြစ်စေ၊ စုံစမ်း စစ်ဆေးခြင်းကိုဖြစ်စေ၊ ကာလအနည်းငယ် မျှ ရွှေ့ဆိုင်းရန် တခါတရံ လိုအပ်မည့် အမှုများတွင်မှတပါး တရားလိုဘက် သက်သေများ၊ သို့တည်းမဟုတ် တရားခံဘက် သက်သေများအားလုံး စုံလင်အောင် မလာရောက်သည့်အတွက် အမှုကိုရွှေ့ဆိုင်းသည့်အလေ့အထ မရှိစေရ တားမြစ်သည်။
အထက်ပါပြဌာန်းချက်အရ သာမန်အားဖြင့် တရားလိုဘက် သက်သေများ စုံလင်အောင် မလာရောက်သည့်အတွက် အမှုကို
ရွှေ့ဆိုင်းသည့် အလေ့အထ မရှိစေရပါ။
တရားရုံးများလက်စွဲအပိုဒ် ၄၆၆ တွင်လည်း သက်သေတို့ကို အခြားသော နေ့ရက်၌ တဖန် လာရောက်ကြရန် ပြောဆိုသည့် အလေ့အထ မရှိစေရ တားမြစ်သည်ဟု ပြဌာန်းထားပါသည်။
-----
သက်သေစစ်ဆေးခြင်း နှင့် ပတ်သက်သော ညွှန်ကြားချက်အမှာစာများ
Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
တရားရုံးများညွှန်ကြားလွှာအမှတ် - ၁၄/၁၉၅၃ တွင်
ရာဇ၀တ်မှုများတွင် အထူးမသင့်လျော်သည့် အကြောင်းများ မရှိခဲ့လျှင် ရုံးတော်သို့ သက်သေခံရောက်လာသော သက်သေတစ်ဦး တစ်ယောက်ကိုပင် မစစ်ဆေးဘဲ ၄င်းတို့ နေရပ်များသို့ ပြန်သွားခိုင်းရာ၌ သက်သေများ မကျေနပ် စိတ်ပျက်တတ်သည်။ အမှုများ ကြားနာရာ တွင်လည်း ပိုမို ကြန့်ကြာသွားမည့်အကြောင်းဖြစ်ပါသည်။ အစိုးရ အတွက်လည်း သက်သေစရိတ် များပိုပြီးကုန်ရန် လမ်းဖြစ်ပါသည်။
သို့ဖြစ်၍ ရုံးတော်သို့ ရောက်လာသော သက်သေများကို မပျက်မကွက် စစ်ဆေးရန် ညွှန်ကြားထားပါသည်။
တရားရုံးများညွှန်ကြားလွှာအမှတ် - ၃/၁၉၆၆ တွင်
လာရောက်သမျှသက်သေကို ရက်မရွှေ့ဘဲ စစ်ဆေးရန် ၊ ရုံးသို့ သက်သေခံလာသော သက်သေတစ်ဦးတစ်ယောက်ကို မစစ်ဆေးဘဲ ပြန်ခိုင်းလျှင် မကျေနပ်ဖြစ်မည်။ အစိုးရအတွက်လည်း သက်သေစရိတ်များ ကုန်မည်။ အမှုသည်များသဘောတူရုံ မျှနှင့်သော်လည်းကောင်း၊ သို့မဟုတ် ရှေ့နေ မလာမရောက်သည့် အတွက်ကြောင့်သော်လည်းကောင်း ၊ အမှု ရွှေ့ဆိုင်းရန်အကြောင်း မလုံလောက်သည်ကို သတိပြုရမည်။ သက်သေအစုံအလင် မရောက်ကြသည့်အတွက် လာရောက်သော သက်သေတို့ကို စစ်မေးခြင်းမပြုဘဲ အမှုရွှေ့ဆိုင်းခြင်းမပြုရ။ ဟု ညွှန်ကြားပါသည်။
တရားရုံးချုပ်၏ (၇-၁၂-၁၉၈၈) စာအမှတ် - ၁၁၇/စု-၁၉/၁၃(ထွေ)၈၈ တွင်
ရဲအရေးပိုင်သောအမှုများ တွင် တရားလိုပြသက်သေများ အများအပြားရှိသည့်အနက် တရားလိုကိုသာ မလာမချင်းဆင့်ခေါ်နေပြီး အခြား တရားလိုပြသက်သေများအား ဆင့်ခေါ်ခြင်း၊ စစ်ဆေးခြင်းမရှိ၍ ကြန့်ကြာနေမှုများအား “ဥပဒေ၀န်ထမ်းရှိနေ သဖြင့် ရောက်ရှိနေမည့် သက်သေများအား ဆက်လက်စစ်ဆေးရန်လိုသည်။” ဟု မှာကြားပါသည်။
-----
သက်သေစစ်ဆေးပုံ။
Xxxxxxxxxxxxxxxxxxx
သက်သေများကို သက်သေအမှတ် (၁) (ရဲစွဲချက်အရ) မှ စတင် စစ်ဆေးရမည်ဟု ပြဌာန်းထားခြင်း မရှိပါ။ မည်သူ့ကိုစတင်စစ်ဆေးရမည်၊ မည်သူ့ကို စစ်ပြီးလျှင် မည်သူ့ကို ဆက်လက်စစ်ဆေးရမည်ဆိုသော ကိစ္စမှာ သက်သေခံဥပဒေပုဒ်မ - ၁၃၅ အရတရားသူကြီး၏ လုပ်ပိုင်ခွင့်ဖြစ်ပါသည်။
အမှုသည်၏ အခွင့်အရေး မဟုတ်ပါ။ လာသောသက်သေများကို မစစ်ဆေးဘဲ ပြန်လွှတ်လျှင် သက်သေများအဖို့ မည်မျှ ဒုက္ခရောက် သည်ကို ကိုယ်ချင်းစာကြစေချင်ပါသည်။
လာသောသက်သေများကို ဒုက္ခမပေးသင့်ပါ။ သက်သေများကို အစီအစဉ်ကျကျ စစ်ဆေးရမည်မှာ မှန်ပါသည်။
ပြစ်မှုကျူးလွန်ကြောင်းသိရှိသော သက်သေကို ပထမ စစ်ဆေးပြီးနောက် ၄င်းအား ထောက်ခံသော သက်သေများကို စစ်ဆေးမှသာ အစီအစဉ်ကျမည်ဖြစ်ပါသည်။
ပင်မသက်သေကမလာဘဲ ၄င်းအား ထောက်ခံမည့်သက်သေက လာသည့်အချက်တွင် အစီအစဉ်မကျ မည်စိုး၍ လာသည့်သက်သေကို မစစ်ဆေးဘဲထားလျှင် သင့်မြတ်မည်မဟုတ်ပါ။
သက်သေစရိတ်ပိုမိုကုန်ကျပါ မည်။ သက်သေအနေဖြင့် ရုံးသို့ နောက်တစ်ကြိမ်လာရလျှင် အနည်း နှင့် အများ ကသိကအောက်ဖြစ်ပေလိ့မ်မည်။
သက်သေစုံသည့်အမှုတွင်မူ မျက်မြင်သက်သေကို စစ်ဆေးပြီးမှ ထောက်ခံသည့်သက်သေများကိုစစ်ဆေးရန်ဖြစ်ပါသည်။
ပင်မသက်သေမလာသည့်အမှုတွင်မူ ထောက်ခံသည့်သက်သေလာပါက ပင်မသက်သေလာသည် အထိ မစောင့်ဘဲ လာသည့်သက်သေကို စစ်ဆေးသင့်ပါသည်။
ဦးမြ ၊ သောင်းပြောင်းထွေလာဥပဒေပြသနာ အမှတ် - ၆ ၊ စာ - ၁၆၇ မှ ၁၇၃
------
တင်ပြချက်။
Xxxxxxxxxxx
ရဲစွဲချက်အရ အမှုများတွင် ရုံးရှေ့ လာရောက်သောသက်သေများကို မစစ်ဆေးဘဲ Informant (သတင်းပေးသူ)ကို ဦးစွာစစ်ဆေးပြီးမှ ကျန်သက်သေများကိုစစ်ဆေးရမည်ဟု ပြဌာန်းချက်ရှိမရှိပါကြောင်း နှင့်
လာရောက်သောသက်သေများကို စစ်ဆေးရန်ဖြစ်ပါကြောင်း လေ့လာတင်ပြအပ်ပါသည်။
လေးစားစွာဖြင့်။
