မောင်ရင့်မာ ၊ကျောင်းကုန်း၊
(၁)
“သိပ်အလေးထားဖို့လိုတာပေါ့။ ဒါက့့ လူတစ်ယောက်ရဲ့အသက်မွေးမှုဘ၀ပဲ”
မှတ်မိကြဦးမည်ထင်ပါသည်။ ပါမောက္ခတစ်ဦးကို သူ၏၀န်ကြီးဌာနက၀န်ထမ်းစည်းမျဉ်းစည်းကမ်းများနှင့်အညီ စုံစမ်း စစ်ဆေးမှုတစ်စုံတစ်ရာမပြု လုပ်ခဲ့ဘဲ အချိန်မစေ့မီ အတင်းအကြပ်အငြိမ်းစားယူစေခဲ့ခြင်းနှင့်စပ်လျဉ်း၍ အဆိုပါ ပါမောက္ခက သူမ၏အခြေခံအခွင့်အရေး နစ်နာပါသည်ဆိုသောအကြောင်းပြချက်ဖြင့် ပြည်ထောင်စုတရားလွှတ်တော်ချုပ်သို့ စာချွန်တော် အမိန့်ထုတ်ပေးရန်လျှောက်ထားခဲ့ခြင်း၊ ပြည်ထောင်စုတရားလွှတ်တော်ချုပ်က ဥပဒေနှင့်ညီညွတ်ခြင်းမရှိသောဝန်ကြီးဌာန၏ အမိန့်ကို အာဏာပေးစာချွန်တော်အမ်ိန့် (Writ of Mandamus) ထုတ်ဆင့်၍ပယ်ဖျက်ခဲ့ခြင်း၊ အဆိုပါကိစ္စရပ်များသည် စာနယ် ဇင်းမီဒီယာ၌ အုတ်အော်သောင်းတင်း ဖြစ်ခဲ့ခြင်း-စသည်တို့ကို မှတ်မိကြဦးမည်ထင်ပါသည်။
“ဌာနတစ်ခုက သူ့ဝန်ထမ်းတွေ အငြိမ်းစားယူဖို့ လပိုင်းပဲလိုတော့တဲ့အချိန်မှာ ရာထူးတစ်ဆင့် တိုးပေးလိုက်တာမျိုး
ရှိတယ်။ဌာနတစ်ခုကတော့ဖြင့် အငြိမ်းစားယူဖို့ နှစ်နှစ်လိုသေးတဲ့ဝန်ထမ်းကိုရာထူးတိုးစာမေးပွဲဖြေခွင့်မပြု တာမျိုးလည်း ရှိ ပြန်တယ်။ ဘယ်ဌာနရဲ့လုပ်ရပ်က ဥပဒေနဲ့ညီသလဲ၊ဘယ်ဌာနရဲ့လုပ်ပုံက ဥပဒေနဲ့မညီဘူးလဲ”
“နိုင်ငံ့ဝန်ထမ်းနည်းဥပဒေမှာတော့ အငြိမ်းစားယူဖို့ နှစ်နှစ်ပဲလိုတဲ့ဝန်ထမ်းကို ရာထူးတိုးမပေးရဘူးဆိုတာ မပါဘူး”
“၀န်ထမ်းဆိုတာနိုင်ငံသားပါပဲ။နိုင်ငံသားတစ်ဦးရဲ့အခွင့်အရေးကိုချိုးဖောက်ပစ်ဖို့ အခြေခံဥပဒေကခွင့်ပြုမထားပါဘူး။ ဒါက မှားယွင်းပြုလုပ်မှုတစ်ခုပါ။ဌာနအဖွဲ့အစည်းတစ်ခုမှာ တစ်ဘ၀လုံးပုံပြီး ဦးဆွေးဆံမြည့်အမှုထမ်းခဲ့တဲ့ ၀န်ထမ်းတွေရဲ့မျှော် လင့်ချက်နဲ့အနာဂတ်ကို ဘယ်သူကပဲဖြစ်ဖြစ် အလေးထားဖို့ မလိုအပ်ဘူးလားဗျာ”
“သိပ်အလေးထားဖို့လိုတာပေါ့။ ဒါက့့့ လူတစ်ယောက်ရဲ့အသက်မွေးမှုဘ၀ပဲ”
ကျွန်တော်သည် အစိုးရအရာထမ်းအမှုထမ်းများ စုဆုံ၍ပြောဆိုနေကြသောစကားဝိုင်းသို့ အမှတ်မထင်ရောက်ရှိသွား
ခဲ့ခြင်းဖြစ်ပြီး ထိုစကားဝိုင်းမှပြန်ခဲ့သည့်တိုင် ဝေါဟာရတစ်ခုကိုစွဲလမ်းနေခဲ့မိပါသည်။ “လူတစ်ယောက်ရဲ့ အသက်မွေးမှုဘ၀” ဆိုသောဝေါဟာရပဲဖြစ်သည်။လူတစ်ယောက်ရဲ့အသက်မွေးမှုဘ၀ဆိုသည်မှာ လူတိုင်းလူတိုင်းနှင့်သက်ဆိုင်ပါသည်။
“၀န်ထမ်းတစ်ယောက်ရဲ့အသက်မွေးမှုဘ၀” ဆိုသည်ထက် များစွာကျယ်ပြန့်နက်ရှိုင်းပါသည်။
မည်သူ၏အသက်မွေးမှုဘ၀၌မဆိုအနိမ့်ဆုံးအားဖြင့်သူ့မိသားစု၏မှီခိုရာ၊ကိုးစားရာဖြစ်ပါသည်။လုံခြုံ နွေးထွေးရာဖြစ် ပါသည်။သူ့ဝန်းကျင်၊ သူ့ကမ္ဘာ၏ ယုံကြည်မှုဖြစ်နိုင်ပါသည်။သူ့အပေါ် အကဲဖြတ်သောမှတ်ကျောက်နှင့် ဂုဏ်သိက္ခာ ဖြစ်နိုင်ပါ သည်။ မည်မျှကြီးကျယ်၍ မည်မျှမြင့်မားသောသူပင်ဖြစ်စေကာမူ လူတစ်ယောက်၏အသက်မွေးမှုဘ၀ကို မိမိ၏အတ္ထနောမတိ သက်သက်ဖြင့်မထီမဲ့မြင်ပြုခွင့်မရှိ-ဟု ထင်ပါသည်။ အဘယ်ကြောင့်ဆိုသော် ထိုသို့ မထီမဲ့မြင်ပြုသောသူတို့၌လည်း အသက် မွေးမှုဘ၀တစ်ခုစီရှိသောကြောင့်ဖြစ်ပါသည်။လူတိုင်းလူတိုင်းတို့၌ အသက်မွေးမှုဘ၀ကိုယ်စီရှိကြသောကြောင့်ဖြစ်ပါသည်။
(၂)
ကျွန်တော်ပြောလိုသည်မှာ လူတစ်ယောက်၏အသက်မွေးမှုဘ၀နှင့်စပ်လျဉ်းသည့်အကြောင်း ဖြစ်ပါသည်။
ကံဇာတ်ဆရာက နေရာချထားသောကြောင့်-ဟုဆိုပါစို့။ ရွေးချယ်ခဲ့ရသည့်အသက်မွေးမှု ဘ၀အလျောက် ကျွန်တော် ကျင်လည်ကျက်စားခဲ့ရသည်မှာ တရားစီရင်မှုနယ်ပယ်ဖြစ်ပါသည်။တရားစီရင်မှုဆိုသည်မှာ လူတို့ပြုလုပ်ပြဌာန်းသည့် ဥပဒေ၊ နည်းဥပဒေများအရ သက်ရှိလူသားတို့က သက်ရှိလူသားတို့အပေါ်တရားစီရင်ရသည့်အလုပ်ဖြစ်ပါသည်။ အမှားအယွင်းမကင်း သည့်အလုပ်ဖြစ်ပါသည်။စိတ်ခံစားမှုထက် ဆင်ခြင်ဥာဏ်နှင့်တာဝန်တာထမ်းကို အလေးပေးရသည့်အလုပ် ဖြစ်ပါသည်။ စွပ်စွဲ ခံရသူတို့ကိုအပြစ်မရှိ၍ လွှတ်ပစ်ရသည်ကနည်းပြီး ပြစ်မှုထင်ရှား၍အပြစ်ပေးရသည်က များလေရာ တရားသူကြီးဆိုသည်မှာ ခံစားစာနာတတ်သည့်အသည်းနှလုံးမျိုးရှိပါ့မလား-ဟုပင် သံသယရှိစရာကောင်းသည့်အလုပ်မျိုးဖြစ်ပါသည်။
“စီရင်ချက်ဆိုတာ မြေကွက်ချပေးသလို လက်သိပ်ထိုးလုပ်လို့ရတာမဟုတ်ဘူး။ တရားခံရဲ့မျက်နှာကို စေ့စေ့ကြည့်ပြီး မှ သွေးအေးအေးနဲ့ အမိန့်ချရတာဗျ”
မြန်မာပြည်အလယ်ပိုင်းမြို့တစ်မြို့၌ ထိုသို့ပြောလေ့ဆိုလေ့ရှိသော တရားသူကြီးလေးတစ်ဦးနှင့် ကြုံဆုံခဲ့ဖူးပါသည်။
တစ်နေ့သော် ကျွန်တော့်ကို သူက “ဘတ်စေ့သုံးစေ့လောက်ဘယ်မှာရနိုင်မလဲ” မေးပါသည်။
ဘာလုပ်ဖို့လဲ- ဆိုတော့ သူ့တရားရုံးမှ ဘီလစ်စာရေးကြီး ထိန်းသိမ်းထားသည့်သက်သေခံငွေ(အမေရိကန်ဒေါ်လာ-၁၀၀နှင့် ဘတ်စေ့-၃စေ့)ပျောက်ဆုံး နေသဖြင့် ၎င်းတို့တရားသူကြီးများကစိုက်ထုတ်ပေးရန် ရှာဖွေနေခြင်းဖြစ်ကြောင်း၊ အမှတ်အသားမပါသောငွေစက္ကူဖြစ်သဖြင့် ဒေါ်လာကိုရှာဖွေဝယ်ယူ၍ရသော်လည်း ထိုင်းနိုင်ငံသုံး ဘတ်စေ့ကိုရှာမရသဖြင့် မြ၀တီဘက်သို့ လူလွှတ်ဝယ်ယူရန် စီမံနေ ကြောင်း ပြောပါသည်။
“နေပါဦး၊ကိုယ့်လူက အဲဒီဘီးလစ်စာရေးကြီးကိ်ု အရေးယူရမှာမဟုတ်ဘူးလား”
“အရေးယူဖို့ဆို သူ့ကိုအမှုဖွင့်ရမှာဗျ။သိတဲ့အတိုင်းပုဒ်မ၆(၁) ဒါမှမဟုတ် အပက-၃ပဲ။ဘီးလစ်ကြီးက အသက်၆၀ပြည့်
ခါနီးပြီ။အားကိုးလောက်တဲ့သားသမီးလည်းရှိတာမဟုတ်ဘူး။ပြီးတော့၊သူအလွဲသုံးစားလုပ်ပစ်တယ်ဆိုတာမသေချာဘူး။သူ့အရင်ဘီးလစ်စာရေးကြီးရုတ်တရက်သေသွားတာကိုသူကဆက်ခံရတာ။သူ့ရဲ့ဘ၀ကိုဖျက်ဆီးပစ်မယ့်အစားတစ်ကြိမ်တော့အခွင့် အရေးပေးကြည့်လိုက်မယ်အကိုရာ။ သူ့ကိုကယ်မယ်၊ ကျွန်တော်တို့ စုပြီးစိုက်လျော်ဖို့ ဆုံးဖြတ်လိုက်ပြီ”
ကံအားလျော်စွာ ကျွန်တော့်ရုံးမှ တရားရေးအရာရှိ ဒေါ်သိန်းသိန်းနှင်းက “ဘတ်စေ့သုံးစေ့ကျွန်မပေးမယ်လေဆရာ။ ကျွန်မတို့ငယ်ငယ်က အိမ်မှာဇယ်တောက်ကစားနေကြတာ။ပြန်ရှာပေးပါ့မယ်” ဟုပြောသည်။သူမ၏ဖခင်သည်ယခင်က နိုင်ငံ ခြားငွေလဲလှယ်ရေးဘဏ်မှ အရာရှိကြီးတစ်ဦးဖြစ်သည်။
တရားသူကြီးလေးက ဘတ်စေ့သုံးစေ့ကိုရွှေပြားလေးတွေကဲ့သို့ ၀မ်းသာအားရလက်ခံယူရှာပါသည်။
“အေဂျေကရိုနင်ရေးတဲ့စာတစ်ပုဒ်ဖတ်ဖူးလားအကို။ဆုံဆို့နာဖြစ်လို့ လေပြွန်ကို ခက်ခက်ခဲခဲခွဲစိတ်ထားတဲ့လူနာတစ် ဦးဟာအကြောက်လွန်နေတဲ့သူနာပြုဆရာမတစ်ဦးရဲ့ပေါ့ဆမှုကြောင့်ထိခိုက်နစ်နာခဲ့ရသတဲ့။ဆရာဝန်က အကြီးအကျယ်စိတ် ဆိုးတယ်။ဆရာမကိုပြင်းပြင်းထန်ထန်အရေးယူပြီးဆေးကောင်စီတင်ဖို့လုပ်တယ်။ဒါပေမဲ့ကျွန်မကိုနောက်တစ်ကြိမ်ကြိုးစားခွင့် ပေးပါလို့-ဆရာမကတောင်းပန်တာကိုစဉ်းစားပြီးလက်ခံခဲ့တယ်။နောင်အနှစ်၂၀ ကြာတော့ ကလေးသူငယ်စောင့်ရှောက်ရေး ဂေဟာက အင်မတန်စည်းစနစ်ကြီးပြီးစံနမူနာယူကြရတဲ့သူနာပြုဆရာမအုပ်ကြီးဖြစ်နေတာကို ပြန်တွေ့ရသတဲ့”
တရားစီရင်မှုနယ်တွင် တရားစီရင်မှုကိုစီးပွားရေးလုပ်ငန်းတစ်ခုကဲ့သို့လုပ်ကိုင်နေသူမျိုး မရှိ-ဟုကျွန်တော်မဆိုပါ။မဆိုိ ၀ံ့ပါ။သို့သော်ဤသို့သောနှလုံးသားနှင့်တရားသူကြီးမျိုးရှိနေသေးခြင်းအတွက် ကျွန်တော်အလွန်ပီတိဖြစ်ရပါသည်။
နောင်အနှစ်-၂၀ ကြာသောအခါ သူ့ကို ခရိုင်တရားသူကြီးအဖြစ်ကျွန်တော်ပြန်တွေ့ရသည်။ မိတ်ဆွေတစ်ယောက်နှင့် အတူ တရားရုံးသို့ လိုက်ပါသွားရင်း ခရိုင်တရားသူကြီးအမည်ကိုမေးမိရာ “သူ” ဖြစ်နေသဖြင့် သူ၏ရုံးခန်းထဲသို့ အမှတ်မထင် ၀င်ရောက်ခဲ့မိခြင်းဖြစ်ပါသည်။ကျွန်တော်ဝင်သွားသောအခါ သူ့ရှေ့ကစာရေးမလေးကို စကားပြောလက်စ-ဖြစ်နေသည်။
“ရှေ့နေလိုင်စင်လဲတယ်ဆိုတာ အသက်မွေးမှုဘ၀လေကွာ။ဒါက-သူတို့အတွက် ထမင်းစားလက်မှတ်ပဲ။ တော်ရုံ လို အပ်နေတာလေးတွေရှိရင်လည်း လိုက်လျောပြီး လုပ်ပေးလိုက်ပါ။ ဒီအတွက် မုန့်ဖိုးတွေဘာတွေပေးရင်မယူရဘူးနော်”
ဧည့်သည်ရှေ့ဖြစ်သဖြင့် ဟန်ဆောင်ပန်ဆောင်ပြောနေခြင်းမဟုတ်ကြောင်းကို ကျွန်တော်အကြွင်းမဲ့ယုံကြည်ပါသည်။ သူဖြစ်နေသောကြောင့်လည်း ပိုလို့ယုံကြည်ပါသည်။ကျွန်တော်က “ဒါလည်း အေဂျေ ကရိုနင်ပဲလား” ဟုမေးလိုက်ရာ သူနည်း နည်းကြောင်သွားပါသည်။“ဘတ်စေ့သုံးစေ့လေ” ဟုပြောတော့မှ လွန်ခဲ့သောအနှစ်-၂၀ ကျော်ုကို သူသတိရသွားပုံပေါ်သည်။
“ဒီတစ်ခါတော့ အေဂျေကရိုနင်မဟုတ်ဘူး၊ကျွန်တော့်မိန်းမပါအကို” ဟုဆိုသဖြင့် ကျွန်တော်က ဆက်မေးရသည်။
“ဟိုတလောက နေ့လည်ဘက်ကျွန်တော်အိမ်ပြန်သွားတော့ မိန်းမက အိမ်ရှေ့ခရေပင်မှာလာနားတဲ့ငှက်ကလေးတွေ ဆက်ရက်လေးတွေကိုအစာကျွေးနေတယ်အစ်ကို။ဆန်စေ့လေးတွေကိုပက်ပက်ကျွေးနေရင်း သူ့ပါးစပ်ကတဖွဖွရွတ်နေတယ်။ ကျွန်တော်ကအသာရပ်ကြည့်နေတာ။ သူ့ပါးစပ်က တဖွဖွရွတ်နေတာကို ကြားရအောင် နားစိုက်ထောင်ကြည့်ရတယ်။ မင်းတို့ အခုလို ရှာဖွေစားသောက်ရလွယ်ကူသလို ငါတို့လည်း ရှာဖွေစားသောက်ရတာလွယ်ကူပါစေတဲ့။ အဲဒီမှာ ကျွန်တော်ဖျတ်ခနဲ ပွင့်သွားတာ။ လူတစ်ယောက်ရဲ့အသက်မွေးမှုဘ၀ဟာ သိပ်အရေးကြီးတာပဲမဟုတ်လား အကို”
ထိုနေ့ရက်က ကျွန်တော်သည် ညီအရွယ်ခရိုင်တရားသူကြီး၏ အပြုအမူကို ကြည်နူးကျေနပ်နေမိပါသည်။
တရားရုံး ဆိုသည်မှာ အငြင်းအခုံတွေ၊ထောင်တွေတန်းတွေ၊ငိုကြွေးမြည်တမ်းသံတွေနှင့် ပြည့်နှက် နေတတ်သော နေရာတစ်ခု ဖြစ်ပါ သည်။ အနိဌာရုံများသာပဲ အားကောင်းကောင်းနှင့်လွှမ်းမိုးနေတတ်သောနေရာတစ်ခုဖြစ်ပါသည်။ ထိုသို့သောနေရာဌာန၌ ခံစားစာနာတတ်သောနှလုံးသားတစ်စုံကို ရှင်းရှင်းသန့်သန့်ကြီး တွေ့မြင်လိုက်ရသဖြင့် ကမ္ဘာ လောကသည် ကျွန်တော်တို့ထင်သလောက်မဆိုးသေးပါကလား-ဟု ဖြေသိမ့်စရာရှိပါသည်။
များစွာသောသူတို့သည် သမိုင်းကို သင်ခန်းစာမယူတတ်ချေ။သင်ခန်းစာယူနိုင်သောဥာဏ်ပညာ မကပ်ငြိတတ်ချေ။ သို့တည်းမဟုတ်-သင်ခန်းစာယူနိုင်သောဥာဏ်ပညာကို ၎င်းတို့၏လောဘ၊ဒေါသ၊မာန်မာန၊အာဃာတများဖြင့် သိပ်သည်းစွာ ဖုံးအုပ်ထားတတ်သည်။ထို့ကြောင့်၊ဥာဏ်ပညာမဲ့သူတို့နှင့်မခြား မိုက်မဲတတ်ချေသည်။ ထို့ကြောင့်လည်း သမိုင်းဆိုသည်မှာ ဥာဏ်ပညာကင်းမဲ့သည့် လူတို့၏အမိုက်အမဲမှတ်တမ်းကြီးဖြစ်သည်-ဟု အက်ဒွပ်ဂစ်ဘွန်းကပြောခဲ့ခြင်းဖြစ်တန်ရာပါသည်။
ကျွန်တော်တို့သည် ဝေးကွာသောသမိုင်းဖြစ်စဉ်များကို ဒဏ္ဍာရီပုံပြင်သဖွယ်အာရုံခံစားမှုဖြင့် ဖတ်ခဲ့ကြပါသည်။ နည်း နည်းပို၍ ဥာဏ်ရှိသူတို့က သမိုင်းဇာတ်ဆောင်တို့ကို ၀တ္ထုရုပ်ရှင်ထဲမှ ဇာတ်ဆောင်သာသာမျှသဘောပိုက်လျက် စာနာခံစား နိုင်ဖို့ကြိုးစားကြည့်တတ်ပါသည်။ သို့သော် ဒေါက်တာသန်းထွန်းပြောသလို “သမိုင်းကို မအအောင်” သင်ခန်းစာယူချင်သည့် အမှတ်သတိဖြင့် ဖတ်ရှုဆင်ခြင်ရန်ပျက်ကွက်သည်က များပါသည်။ပျက်ကွက်သူက များပါသည်။
မကြာသေးမီက အခွင့်အာဏာမဲ့သောသူတို့ကို အခွင့်အာဏာရှိသောသူတို့က ချေမှုန်းဖို့ကြိုးပမ်းခဲ့သည်ကို မမေ့ကြ သေး-ဟုထင်ပါသည်။မိမိတို့အယူအဆ၊မိမိတို့အကျိုးစီးပွား၊ မိမိတို့လိုလားချက်နှင့်ဆန့်ကျင်သူ၊ ဆန့်ကျင်တန်ရာရှိသူတို့အား လူ့အဖွဲ့အစည်း၏အပြင်အပသို့ တွန်းပို့၍ ကာလများစွာပိတ်လှောင်ထားစေခဲ့ခြင်း၊လူတစ်ယောက်၏မာနနှင့်တန်ဖိုးကို လူသား မဆန်အောင်ပင်လျှင် ပိုးစိုးပက်စက်ချိုးဖဲ့နှိပ်ကွပ်ခဲ့ခြင်း၊ ပြုခဲ့သည်ကို မမေ့ခဲ့သေးဟုထင်ပါသည်။ စင်စစ် ထိုမျှမကပါ။
၎င်းတို့နှင့်ဆန့်ကျင်သောသူတွင်မကထိုသူ့မိသားစု၏လုံခြုံမှုနှင့်အသက်မွေးမှုဘ၀ကိုပါ ကျီးလန့်စာစားဖြစ်အောင်ပြုခဲ့ ကြသည်။ကတိမ်းကပါးဖြစ်အောင် ခြိမ်းခြောက်ဖျက်ဆီးခြင်း ပြုခဲ့ကြသည်။ဆရာဝန်ကို ဆေးမကုနိုင်အောင်၊ စာရေးဆရာကို စာမရေးနိုင်အောင်၊ဈေးသည်ကိုဈေးမရောင်းနိုင်အောင်၊ယုတ်စွအဆုံး လူရွှင်တော်ကို ပြက်လုံးမထုတ်နိုင်အောင်၊နည်းလမ်းအ မျိုးမျိုးနှင့် ပိတ်ပင်ခဲ့ကြသည်။ဤသည်တို့ကို-တိုင်းနိုင်ငံ၊စည်ပင် ဖွံ့ဖြိုးသာယာအောင် ပြုပြင်တည်ဆောက်သည့် မွန်မြတ်သော ကုသိုလ်ဖြစ်လုပ်ငန်းကြီးများသဖွယ် အစီအမံများစနစ်တကျချမှတ်ဆောင်ရွက်ခဲ့ကြသည်။မရှက်မကြောက်လုပ်ခဲ့ကြသည်။ထို သူတို့အမှန်တကယ်ရှိခဲ့ကြသည်။ထိုသူတို့သည် ယခုအခါ မည်သည့်နေရာသို့ရောက်နေပါပြီနည်း။မဝေးသောသမိုင်းက သူတို့ ကို မည်သည့်နေရာ၌ ထားလိုက်ပါပြီနည်း။
ထိုသူတို့က ချိုးဖဲ့ခဲ့၊နှိပ်ကွပ်ခဲ့သူတို့ကိုကော သမိုင်းက မည်သည့်နေရာ၌ ထားလိုက်ပါပြီနည်း။
အပြီးတိုင်ကြေပြုန်း၊ပျက်သုဉ်းသွားသူတို့မရှိ-ဟုမဆိုလိုပါ။ရှိခဲ့ပါသည်။အသေအချာပဲရှိခဲ့ပါသည်။သို့သော် ထိုသူတို့ကို စွန့်လွှတ်အနစ်နာခံသူများအဖြစ် မဝေးသောသမိုင်းကလွမ်းမောစွာမှတ်တမ်းတင်နေသည်။မကြေပြုန်း၊မပျက်သုဉ်းဘဲ ရှင်သန် ကျန်ရစ်သူတို့သည်မီးသင်းသံကဲ့သို့ပို၍မာကျောလာသည်။ဂုဏ်ပြုအပ်သောသူရဲကောင်းများအဖြစ် သူတို့ကိုကမ္ပည်းထိုးသည့် ပေလွှာမှတ်တမ်းမှာ တောက်ပနေသည်။
(၃)
“တေးဆိုနေတဲ့ငှက်တစ်ကောင်ကို၊တောင်ပံလိန်ချိုးလိုက်တာ၊ဘယ်သူလဲ” ဟိုတုန်းခါကကျွန်တော်ရေးခဲ့ဖူးသည့်ကဗျာ တစ်စကိုပြန်သတိရနေမိပါသည်။ လူတစ်ယောက်၏ အသက်မွေးမှုဘ၀ဆိုသည်မှာ သူနှင့် သူ၏မိသားစုအတွက် တေးဆိုနေ သည့် ငှက်တစ်ကောင်ဖြစ်ပါသည်။သူ၏ကမ္ဘာလောကအတွက်လည်း တေးဆိုငှက်ပဲဖြစ်ပါသည်။
လူတစ်ယောက်၏ အသက်မွေးမှုဘ၀ကို စာနာခြင်းကင်းစွာ အကြင်နာမဲ့ ချိုးဖဲ့၊ဖျက်ဆီးပစ်လိုက်ခြင်းမှာ တေးဆိုနေ သောငှက်တစ်ကောင်ကို တောင်ပံလိန်ချိုးလိုက်ခြင်းပဲဖြစ်ပါသည်။လူ့အဖွဲ့အစည်းတစ်ရပ်ကို ပြစ်မှုကျူးလွန်ရာရောက်ပါသည်။ ကမ္ဘာလောကသည် တေးဆိုငှက်များကြောင့်သာ ကျက်သရေရှိစွာလှပနေခြင်းဖြစ်ပါသည်။ တေးဆိ်ုငှက်တို့၏တောင်ပံများကို လိန်ချိုးပြီးမှ ကောင်းကင်သို့ပျံတက်ဖို့ကြိုးပမ်းသည့် ငှက်တို့အား ကမ္ဘာလောကက မည်သို့မှတ်တမ်းတင်ပါလိမ့်နည်း။
မိတ်ဆွေ။ သင့့်  ပျံသန်းနိုင်ဖို့ရာအတွက် တေးဆိုနေသောငှက်တစ်ကောင်ကို တောင်ပံလိန်ချိုးခဲ့ဖူးပါသလား။ ။
