ဦးကျော်အေး
ရန်ကုန်တိုင်း၊ ခရိုင်တရားရုံး တစ်ရုံးက လူသတ်မှုတစ်မှုကို ရုပ်သိမ်းခွင့်ပြုလိုက်တာနဲ့ ပတ်သက်လို့ သတင်းမီဒီယာလောကနှင့် လူမှုကွန်ရက်မှာ အတော်လေး ဆူဆူညံညံဖြစ်သွားခဲ့တယ်။ ဒါပေမဲ့ ဒီဆောင်းပါးရဲ့ ရည်ရွယ်ချက်က အဲဒီအမှုအကြောင်း ဝေဖန်ဆွေးနွေးဖို့ မဟုတ်ပါဘူး။ လွတ်လပ်စွာ တရားစီရင်ရေးမူအရ စာရေးသူအနေနှင့် တရားရုံးက စစ်ဆေးဆဲအမှုတွေမှာ ဝေဖန်လေ့မရှိဘူးဆိုတာကို ဦးစွာပြောထားပါရစေ။
လွတ်လပ်စွာ တရားစီရင်ရေးနှင့် ပတ်သက်လို့ ကျနော်ပြောချင်တာလေး ရှိတာကြောင့် လူမှုကွန်ရက် ကျနော့်ကဏ္ဍကနေပြီး ကျနော်က ဒီလို ဆွ ပေးလိုက်တယ်-
"တရားစီရင်ရေးမလွတ်လပ်တာ ဘာကြောင့်လဲ၊ တရားခံပေါ်ပြီ။ ဘယ်မှာလဲ၊ မသိဘူး၊ Facebook ထဲမှာ ရှာကြည့်လိုက်"
လူမှုကွန်ရက်မှာ ဒီလိုတင်လိုက်တော့ လူ ၂၉၀ လောက်က 'like' လုပ်ပြီး လူ ၃၀ ကျော်လောက်က 'share 'လုပ်ကြတယ်။ 'comments' ရေးသူ ၂၀ လောက်က 'တွေ့တယ်' လို့ပြောကြပြီး ရှေ့နေဖြစ်ပုံရသူ ၂ ဦးကတော့ ၆၆ (ဃ)က ကာ ထားလို့ ဘာမျှမမြင်ရပါဘူးတဲ့။ သူတို့ 'တွေ့တယ်' လို့ပြောသူတွေ၊ သူတို့မြင်တဲ့သူတွေ ဘယ်သူတွေဖြစ်မယ်ဆိုတာ ကျနော်ရိပ်စားမိပေမဲ့ ကျနော့်မြင်စေချင်တဲ့ လူတွေမဟုတ်ဘူးဆိုတာတော့ သေချာတယ်။ ကျနော်မြင်စေချင်တဲ့သူတွေက အဲဒီအမှုကိစ္စနှင့် ပတ်သက်ပြီးလူမှု ကွန်ရက်နှင့်သတင်းမီဒီယာတွေမှာ ဝေဖန်နေကြသူတွေဖြစ်ပါတယ်။ သူတို့ကတော့ အမှုအဖြစ်အပျက်ကိုလည်း သေချာမသိ၊ တရားရုံး အမှုတွဲပါ အကြောင်းခြင်းရာများကိုလည်း ဘာမျှမသိ၊ ဥပဒေကိုလည်း နားမလည်ဘဲနှင့် ဘုမသိ၊ ဘမသိဆိုသလို ဆိုင်ရာအာဏာ ပိုင်တွေနှင့်တရားစီရင်ရေးကို အဆိုးမြင်ဝါဒနှင့် ပုတ်ခတ်ဝေဖန်နေကြသူတွေဖြစ်ပါတယ်။
သူတို့တွေဝေဖန်ရာမှာ နှစ်ပိုင်းရှိတယ်၊ သူတို့ရဲ့ပစ်မှတ်အဖြစ် ရည်မှန်းထားသူ အာဏာပိုင်တွေကို တရားစီရင်ရေးမှာ ၀င်စွက် ဖက်တယ်လို့ စွပ်စွဲတာနှင့် တာဝန်ရှိသူတွေကို အဂတိလိုက်စားတယ်လို့ ထင်ကြေးနှင့်စွပ်စွဲတာတွေပဲဖြစ်ပါတယ်။ သူတို့စွပ်စွဲဝေဖန် တာတွေမှာ မှန်တာတွေပါနိုင်သလို သူတို့ဆန္ဒစွဲနှင့် ရမ်းသမ်းပြောကြတာတွေဖြစ်လို့ မှားတာတွေလည်းရှိမှာ သေချာပါတယ်။ ဒီကိစ္စနှင့် ပတ်သက်လို့ ပြောလို့တဲ့အချက်က တရားရုံးကစစ်ဆေးဆဲ အမှုတွေမှာ သူတို့ဝေဖန်နေတာတွေဟာလည်း လွတ်လပ်စွာ တရားစီရင်ရေး ကိစ္စမှာဝင်ရောက်စွက်ဖက်နေခြင်း ဖြစ်တယ်ဆိုတာကို သူတို့ကိုယ်တိုင် မသိရှိကြဘူးဆိုတာပဲဖြစ်တယ်။
အဲဒီလိုဝေဖန် ခြင်းအားဖြင့် သက်ဆိုင်ရာပုဂ္ဂိုလ်တွေက တာဝန်အရဆောင်ရွက်ဆုံးဖြတ်ကြရာမှာ သူတို့အပေါ်ဖိအား (pressure) တွေဖြစ်ပေါ်စေပြီး ဘယာဂတိ ကိုကျုးလွန်အောင် တွန်းပို့နေခြင်းဖြစ်တယ်ဆိုတာကိုလည်း သူတို့သတိပြုမိကြမယ်မဟုတ်ဘူး။ တချို့ကိစ္စတွေမှာဆိုရင် တရားရုံးကို မထီမဲ့မြင်ပြုမှုကို ကျုးလွန်နေကြတာကိုတောင် သူတို့ကိုယ်တိုင်သိရှိပုံမရကြပါဘူး။ ဒီအချက်ကလည်း ဒီဆောင်းပါးကို ရေးဖြစ်တဲ့ အကြောင်းပြချက်တစ်ချက် ဖြစ်ပါတယ်။
တစ်ခေတ်တစ်ခါတုန်းကတော့ တရားစီရင်ရေးမှာ " ပြည်သူ့အသံနာခံရမယ်၊ ပြည်သူ့အမြင်ကို ထည့်ပြီးစဉ်းစားရမယ် " ဆိုတဲ့ အသံတွေ ခေတ်စားခဲ့ဖူးတယ်။ ဒီလိုပြောမှလည်း နိုင်ငံရေးသမားဖြစ်တဲ့ခေတ်ပေကိုး။ ပါတီထိပ်တန်းလူကြီးတွေ၊ ကိုယ့်ထက်ရာထူး အဆင့်မြင်သူတွေကို ပြန်ပြီးအတွန့်မတက်ရဲခဲ့ပေမဲ့ ကုိုိယ်နှင့်အဆင့်တူသူများနှင့် ဆွေးနွေးရာမှာတော့ "အဲ့ဒီလိုဆိုတော့ ငါ့မိန်းမ ဈေးသွားရင် ကြားလာခဲ့တာကို ပြည်သူ့အမြင်လို့ သတ်မှတ်ရမှာလား၊ ဆိုက်ကားသမားတွေ ကုန်ထမ်းသမားတွေ၊ ခေါင်းရွက်ဗျတ်ထိုး ဈေးသည်တွေ ပြောကြတာကိုပဲ ပြည်သူ့အသံလို့ ဆိုရမှာလား" လို့ဘုကျကျ ပြန်ပြောတော့ ပဋိပက္ခတွေ ဖြစ်ပွားခဲ့ကြရတယ်။
ဒါကြောင့် တရားစီရင်ရေးနှင့်ပတ်သက်ရင် ပြည်သူတွေအနေနှင့် မှန်ကန်စွာဝေဖန် သုံးသပ်နိုင်အောင် တရားစီရင်ရေးရဲ့ အခြေခံမူတစ်ရပ်ကို ပြောထားပါရစေ။ တရားသူကြီးတစ်ဦးအနေနှင့် အမှုတစ်မှုကို ဆုံးဖြတ်တဲ့အခါ ရုံးရှေ့မှာနှစ်ဖက် သက်သေများရဲ့ ထွက်ဆိုချက်တွေနှင့် သူတို့တင်ပြတဲ့ စာရွက်စာတမ်း၊ ရုပ်ဝတ္ထု အထောက်အထားတွေအပေါ်မှာပဲ စဉ်းစားဆင်ခြင် သုံးသပ်ပြီး ဥပဒေနှင့်အညီ ဆုံးဖြတ်ရတာဖြစ်ပါတယ်။ အပြင်ကကြားတာတွေ၊ သိရှိထားတာတွေ (imported knowledge) ကိုထည့်သွင်း မစဉ်းစားရပါဘူး။
အပြင်မှာ ပြစ်မှုကျုးလွန်ခဲ့တာ မှန်ချင်မှန်မယ်၊ တရားရုံးအမှုတွဲပါ သက်သေခံချက်များအရ ပြစ်မှုကျုးလွန်ကြောင်း သက်သေထင်ရှား ခြင်းမရှိရင် တရားခံကို အပြစ်ပေးလို့မရပါဘူး။ ဒါဟာယဉ်ကျေးတဲ့ နိုင်ငံတိုင်းက လက်ခံကျင့်သုံးနေတဲ့ ရာဇ၀တ် တရားစီရင်ရေးဆိုင်ရာ မူ ပဲဖြစ်ပါတယ်။ ဒီမူကိုလက်မခံဘဲ တစ်ဆင့်ကြားစကားတွေကို နာခံပြီး တရားစီရင်မယ်ဆိုရင်တော့ ဂျပန်ခေတ်က ဂျပန်စစ်ဗိုလ်ရဲ့ တရားစီရင်ရေး၊ လွတ်လပ်ရေးခေတ်မှာ တောခိုကွန်မြူနစ်တွေရဲ့ တရားစီရင်မျိုးပဲဖြစ်ပါလိမ့်မယ်။ (ကိုယ့်အလှည့်ကျရင် ဒီအချက်ကို ပိုပြီးနားလည်ပါလိမ့်မယ်)။ ဒါကြောင့် တရားသူကြီးတွေကို အကြံပေးချင်တာက အဲဒီပြည်သူ့ အမြင်ဆိုတာတွေကို လုံးဝဂရုမစိုက်ပါနဲ့။ လူမှုကွန်ရက်မှာ ထင်ရာမြင်ရာ ရမ်းသမ်းရေးနေကြတာတွေကို မဖတ်ရင်တော့ အကောင်းဆုံးပါပဲ။ မဟုတ်ရင်ဖိအားတွေ (ကြောက်စိတ်တွေ) ၀င်မှာဖြစ်လို့ပါ။
နောက်ပြီးတရားသူကြီးများ အပါအ၀င် တရားစီရင်ရေးကဏ္ဍမှာ ပါဝင်ဆောင်ရွက်နေကြသူတွေ အားလုံးကိုတရားရေးရာ စာစောင်တစ်ခုရဲ့ အမှာစာမှာ ဆရာကြီး ဒေါက်တာမောင်မောင် ကိုးကားဖော်ပြထားတဲ့ အမေရိကန် (သို့မဟုတ် အင်္ဂလိပ်) တရားဝန်ကြီးတစ်ဦး (အမည်မမှတ်မိ)ရဲ့ မိန့်ကြားချက်ကို စကားလက်ဆောင်အဖြစ် ပါးလိုက်ပါရစေ။ အဲ့ဒါကတော့ "တရားသူကြီး တစ်ဦးဟာ ပထမ ရိုးသားရမယ်၊ ဒုတိယ သတ္တိရှိရမယ်၊ တတိယ ဥပဒေကို နည်းနည်းပါးပါး သိထားရင်တော့ လုပ်ငန်းမှာ အထောက်အကူ ဖြစ်ပါလိမ့်မယ်" တဲ့။ တတိယအချက်အရ ဥပဒေသိပ်တတ်ဖို့မလိုဘူးလို့ ဆိုလိုတာမဟုတ်ဘူးနော်။ သူ့ထက်ပိုပြီးအရေးကြီးတဲ့ ပထမအချက် (၂)ချက်ကို ပိုပြီးပေါ်လွင်စေချင်လို့ တတိယအချက်ကို 'မှိန်' ပြီးပြထားတာလို့ နားလည် ကြရမယ်။ ရိုးသားရမယ် ဆိုတာကတော့ ဆန္ဒာဂတိ ကိုဆိုလိုတာဖြစ်ပြီး သတ္တိရှိရမယ်ဆိုတာကတော့ ဘယာဂတိ (ကြောက်လန့်သော ကြောင့်မဟုတ်မမှန်ဆုံးဖြတ်ခြင်း) ကိုရည်ညွန်းခြင်း ဖြစ်ပါတယ်။
ဆက်လက်ပြီးတော့ ဆောင်းပါးခေါင်းစဉ်ပါ အကြောင်းအရာဖြစ်တဲ့ အမှုရုပ်သိမ်းခြင်းဆိုင်ရာ အကြောင်းပြောပါမယ်။ ဒီအ ကြောင်းမပြောမီ စာဖတ်သူများကြိုတင်သိရှိထားဖို့လိုတဲ့ အမှုရုပ်သိမ်းခြင်းဆိုင်ရာ ဥပဒေအခြေခံ သဘောတရားများကို ဦးစွာပြောထား ပါရစေ။
အချို့ပြည်သူတွေအနေနှင့် ကျေအေးခြင်းနှင့် အမှုရုပ်သိမ်းခြင်းတို့ကို ကွဲကွဲပြားပြားမသိရှိကြဘဲ ကျေအေးခြင်းနှင့်ရုပ်သိမ်း ခြင်းတို့ကို ရောထွေးနားလည်ထား ကြပုံရတယ်။ ကျေအေးခြင်းနှင့် မတူကြပါဘူး၊ တစ်ကဏ္ဍစီဖြစ်ပါတယ်။ ရှေးဦးစွာအမှုသည်အချင်း ချင်းကျေအေးခြင်း ကိစ္စကိုပြောပါမယ်။အမှုသည်အချင်းချင်း ကျေအေးကြလို့ အမှုပြီးပြတ်ခွင့်ရှိခြင်းနှင့် ပတ်သက်ပြီး ရာဇ၀တ်ကျင့်ထုံးဥပဒေ၊ ပုဒ်မ ၃၄၅ မှာ ပြဋ္ဌာန်းပေးထားပါတယ်။ ကျေအေးခွင့်ရှိတဲ့အမှုမှာလည်း နှစ်မျိုးနှစ်စားရှိပါတယ်။ ပထမတစ်မျိုးက အမှုကိုကျေအေးပိုင်ခွင့်ရှိသူကတင် ပြလျှောက်ထားလာလျှင် တရားရုံးက ကျေအေးခွင့်ပေးရမဲ့အမှုမျိုးဖြစ်ပြီး၊ ဒုတိယအမျိုးအစားကတော့ အမှုကိုကျေအေးပိုင်ခွင့်ရှိသူက တင်ပြလျှောက်ထားသော်လည်း တရားရုံးကခွင့်ပြုမှသာလျှင် ကျေအေးခွင့်ရတဲ့ အမှုအမျိုးအစားဖြစ်ပါတယ်။ အဲ့ဒီအမှုနှစ်မျိုးစလုံး ကိုပြစ်မှုအမျိုးအစား၊ ရာဇသတ်ပုဒ်မနှင့် ကျေအေးခွင့်ရှိသူတို့ကို ဖော်ပြတဲ့ဇယား(၂)ခုနှင့် ပုဒ်မ ၃၄၅ မှာပြဋ္ဌာန်းထားပါတယ်။ အဓိကအချက်ကတော့ နစ်နာသူတရားလိုကသာ ကျေအေးခွင့်ရှိခြင်းဖြစ်ပြီး (၂) မျိုးစလုံးမှာ အမှုစစ်နေတဲ့တရားရုံးကို ကျေအေးခွင့် ရှိသူက လျှောက်လွှာတင်ရမှာဖြစ်ပါတယ်။ အမှုကျေအေးတဲ့ကိစ္စမှာတော့ ပြဿနာပေါ်ပေါက်လေ့မရှိပါဘူး။
အမှုရုပ်သိမ်းခွင့်ကိစ္စမှာလည်း နှစ်မျိုးနှစ်စားရှိပါတယ်။ ပထမတစ်မျိုးက နစ်နာသူက တရားရုံးသို့ တိုက်ရိုက်(ဦးတိုက်)လျှောက် ထားမှုများကို ရာဇ၀တ်ကျင့်ထုံးဥပဒေ ပုဒ်မ ၂၄၈ အရ အမှုတိုင်ကြားလျှောက်ထားသူ (ဦးတိုက်လျှောက်ထားသူ)က ပြန်လည်ရုပ်သိမ်း ခွင့်ရှိတဲ့အမှုမျိုးဖြစ်ပါတယ်။ အမှုစစ်တဲ့တရားသူကြီးက ခွင့်ပြုမှသာ ရုပ်သိမ်းခွင့်ရမှာဖြစ်ပါတယ်။ တိုင်ကြားသူအနေနှင့် သူတစ်ပါး၏ ခြိမ်းခြောက်မှုကြောင့်မဟုတ်ဘဲ ၎င်း၏သဘောဆန္ဒအလျှောက် ရုပ်သိမ်းလိုတာဖြစ်ရင် တရားရုံးက ၎င်း၏လျှောက်ထားမှုကိုငြင်းပယ် လေ့မရှိတာကြောင့် ပြဿနာအထူးအထွေ ပေါ်ပေါက်ခြင်းမရှိပါဘူး။
ဒုတိယအမျိုးအစားဖြစ်တဲ့ အမှုရုပ်သိမ်းခြင်းကတော့ ရာဇ၀တ်ကျင့်ထုံးဥပဒေ ပုဒ်မ ၄၉၄ အရ၊ အမှုတွင် တရားလိုရှေ့နေ အဖြစ် လိုက်ပါဆောင်ရွက်နေတဲ့ အစိုးရရှေ့နေက ၄င်းလိုက်ပါဆောင်ရွက်နေတဲ့အမှုကို ရုပ်သိမ်းခြင်းဖြစ်ပါတယ်။ (တတိယ အမှုရုပ်သိမ်း နည်းဖြစ်တဲ့ ရာဇ၀တ်ကျင့်ထုံးဥပဒေ ပုဒ်မ ၃၃၃ အရ၊ နိုင်ငံတော်ရှေ့နေချုပ်က တရားလွတ်တော်မှာ ဂျုရီစနစ်နှင့် စစ်ဆေးနေတဲ့ အမှုရုပ်သိမ်းခြင်းကို ၁၉၄၅ခုနှစ် နောက်ပိုင်းမှာ ဆက်လက်ကျင့်သုံးခြင်းမရှိတော့လို့ ထည့်သွင်းရေတွက်ဖော်ပြခြင်း မပြုတော့ပါဘူး။)
ပုဒ်မ ၄၉၄ က အစိုးရရှေ့နေကိုရော တရားရုံးကိုပါ အလွန်ကျယ်ပြန့်တဲ့အာဏာကို ပေးထားပါတယ်။ အစိုးရရှေ့နေက အမှုကို ရုပ်သိမ်းရာမှာ ခိုင်လုံတဲ့အကြောင်းပြချက်ကို တင်ပြရမယ်လို့ ပြဋ္ဌာန်းထားခြင်းမရှိသလို တရားရုံးကအမှုကို ရုပ်သိမ်းခွင့်ပြု မပြု ဆုံးဖြတ်ရာမှာလည်း အကြောင်းပြချက် ဖော်ပြရမယ်လို့ ပြဋ္ဌာန်းချက်မရှိပါဘူး။ အမှုရုပ်သိမ်းတာကို မကျေနပ်လို့ ပြင်ဆင်မှု တင်လာ ရင်ပြင်ဆင်မှုတရားရုံးအနေနှင့် အောက်ရုံး၏ ဆုံးဖြတ်ချက်မှန် မမှန် သုံးသပ်နိုင်ဖို့အတွက် မူလတရားရုံး၏ အမိန့်မှာအမှုကို ရုပ်သိမ်းခွင့်ပြုခြင်းနှင့်ပတ်သက်ပြီး အကြောင်းပြချက်ဖော်ပြရမယ်လို့ အိန္ဒိယတရားလွှတ်တော်အချို့က ဆုံးဖြတ်မှုရှိသော်လည်း အဲဒီလို လုပ်ဖို့မလိုဘူးလို့ ဆုံးဖြတ်တဲ့ စီရင်ထုံးတွေလည်းရှိပါတယ်။ ဒီတော့အမှုရုပ်သိမ်းခြင်းကိစ္စမှာ တရားလိုရှေ့နေအဖြစ် လိုက်ပါဆောင်ရွက် နေတဲ့ အစိုးရရှေ့နေကသာအမှုကို ရုပ်သိမ်းခွင့်ရှိတယ်ဆိုတဲ့အချက်နှင့် အစိုးရရှေ့နေက အမှုရုပ်သိမ်းခွင့် လျှောက်ထားသော်လည်း အမှုစစ်တရားရုံးက သဘောတူမှသာ (ခွင့်ပြုမှသာ) ရုပ်သိမ်းခြင်း အတည်ဖြစ်တယ်ဆိုတဲ့အချက် (၂)ချက်ကို သိထားလျှင် စာဖတ်သူ အဖို့လုံလောက်ပါပြီ။
(စကားစပ်မိလို့ပြောရဦးမယ်။ အဲ့ဒီပုဒ်မမှာပါတဲ့ Public Prosecutor ကို 'အစိုးရရှေ့နေ' လို့ဘာသာပြန်တာက သူ့ကိုအစိုးရ ကခန့်ထားလို့လားမသိဘူး။ အမှန်က တိုက်ရိုက်ဘာသာပြန်ဆိုမယ်ဆိုရင် "Public" ဆိုတာ ' ပြည်သူတွေ ' ကိုရည်ညွှန်းတာဖြစ်လို့ "ပြည်သူ့ရှေ့နေ" လို့ဘာသာပြန်သင့်တာပါ။ အစိုးရရှေ့နေတွေကို ပြည်သူတွေက " ဆွဲချ " လို့ခေါ်ကြတာကတော့ လက်တွေ့လုပ်ရ တာကိုအကြောင်းပြုပြီး ခေါ်ကြတာဖြစ်လို့ မှန်သင့်သလောက် မှန်ပါတယ်။ မြန်မာဇာတ်ပွဲတွေမှာ လူကြမ်းကောင်းလျှင် ဇာတ်နာ (ဇာတ်လမ်းကောင်း) သလို ရာဇ၀တ်မှုတွေစစ်ဆေးရမှာလည်း " ဆွဲချ " ကောင်းလေအမှုမှန်လေပဲဗျ။)
ရာဇ၀တ်ကျင့်ထုံးဥပဒေ ပုဒ်မ ၄၉၄ အရ အမှုရုပ်သိမ်းခြင်းနှင့် ပက်သက်ပြီး သမိုင်းတစ်လျှောက်မှာ လက်တွေ့ဆောက်ရွက် ခဲ့ကြတာကို ပြည်သူတွေ သိရှိနားလည်းထားရင် အမှုရုပ်သိမ်းတဲ့ကိစ္စမှာ မှန်ကန်စွာ နားလည်နိုင်မှာဖြစ်လို့ လက်တွေ့ဆောင်ရွက်ပုံ အကြောင်းကိုလည်း ပြောပြပါဦးမယ်။
ရာဇ၀တ်ကျင့်ထုံးဥပဒေ ပုဒ်မ ၄၉၄ အရ အစိုးရရှေ့နေက အမှုကိုရုပ်သိမ်းခွင့် ရှိတယ်ဆိုရာမှာ အဲ့ဒီအမှုမှာ တရားလို (နိုင်ငံတော်) ဘက်ကလိုက်ပါဆောင်ရွက်နေတဲ့ အစိုးရရှေ့နေကိုပဲ ဆိုလိုတာပါ။(ယခုအခါမှာ ဥပဒေအရာရှိတွေက အစိုးရရှေ့နေ အဖြစ်ဆောင်ရွက်နေတာဆိုတော့ အမှုမှာလိုက်ပါဆောင်ရွက်နေသူ မဟုတ်တဲ့ အခြားဥပဒေအရာရှိက အမှုကိုရုပ်သိမ်းခွင့်မရှိပါဘူး)။ ၁၉၇၃ ခုနှစ် မတိုင်မီအထိ အစိုးရရှေ့နေဆိုတာ ခရိုင်တစ်ခုမှာ တစ်ဦးတည်းပဲရှိတာပါ။
အထက်တန်းရှေ့နေနှင့် တရားလွှတ်တော် ရှေ့နေတွေထဲက မည်သူမဆို အစိုးရရှေ့နေအဖြစ် ဆောင်ရွက်လိုတယ်ဆိုရင် သက်ဆိုင်ရာ ခရိုင်ရာဇ၀တ်တရားသူကြီး (ခရိုင်ဝန်) ထံလျှောက်ထား ကြရပါတယ်။ ခရိုင်ဝန်က ရွေးချယ်ထောက်ခံသူကို တရားရေးဝန်ကြီးဌာန အတွင်းဝန်က နိုင်ငံတော်သမ္မတဆိုတဲ့ ရာထူးအမည်ကို သုံးစွဲကာ 'အမိန့်အရ' ဆိုပြီး ခန့်ထားလေ့ရှိပါတယ်။ အဲဒီခေတ်က အစိုးရရှေ့နေတွေဟာ လခစားဝန်ထမ်းတွေ မဟုတ်ကြပါဘူး။ Retaining fee လို့ခေါ်တဲ့ထောက်ပံ့ကြေး ၁၂၆ ကျပ်နှင့်အမှုတစ်မှုချင်း (per diem) အတွက်အမှုလိုက်ခ တနေ့ကို ၂၄ ကျပ် ရကြ ပါတယ်။ အစိုးရမပါဝင်တဲ့ တရားမမှုတွေမှာတော့ ပုဂ္ဂိုလ်ကအနေနှင့်အမှု လိုက်ပါခွင့်ရှိပါတယ်။ (၁၉၇၂ ခုနှစ်နှင့် ၁၉၇၃ ခုနှစ်အတွင်းမှာ တရားစီရင်ရေးစနစ်သစ်စတင်တော့ အစိုးရရှေ့နေကိုအမှုတစ်မှုချင်းအလိုက် (ad hoc Public Prosecutor) အဖြစ်သက်ဆိုင်ရာ မြို့နယ်လုံခြုံရေးနှင့် အုပ်ချုပ်မှုကော်မတီက ခန့်ထားပါတယ်။ သူတို့ကတော့ လစဉ်ထောက်ပံ့ကြေး မရတော့ဘဲ အမှုလိုက်ခပဲရပါတယ်။)
ဒီတော့အစိုးရရှေ့နေဆိုတာ ရာဇ၀တ်မှု၊ တရားမမှုတွေမှာ အစိုးရ (နိုင်ငံတော်) ကိုယ်စားအမှုလိုက်ပါဖို့ အစိုးရကဌားရမ်း ထားတဲ့ရှေ့နေဖြစ်ပါတယ်။ ရာဇ၀တ်မှုတွေမှာ နိုင်ငံတော်အစိုးရကပဲ တရားလိုဖြစ်တာကြောင့် အစိုးရရှေ့နေကအမှုကို ရုပ်သိမ်းတယ် ဆိုတာဟာလည်း နိုင်ငံတော်က အမှုကိုရုပ်သိမ်းတဲ့ သဘောပဲဖြစ်ပါတယ်။ အစိုးရရှေ့နေက သက်ဆိုင်ရာခရိုင်ဝန် (ခရိုင်ရာဇ၀တ် တရားသူကြီး) မှတဆင့် တရားရေးဝန်ကြီးဌာန (အစိုးရ) ကိုတာဝန်ခံရပါတယ်။ ရှေ့နေဆိုတာအမှုသည်ရဲ့ သဘောတူညီချက်နှင့် ဆောင်ရွက်ရတာဖြစ်သလို အစိုးရရှေ့နေဆိုတာလည်း သူ့အမှုသည်ဖြစ်တဲ့အစိုးရရဲ့ညွန်ကြားချက်ကို လိုက်နာရတာပဲ။ အမှုရုပ်သိမ်းတဲ့ ကိစ္စမှာတော့ အမှုတစ်မှုမှာ လိုက်ပါဆောင်ရွက်နေရင်း ဥပဒေရဲ့လိုအပ်ချက်အရ သူ့ကိုယ်ပိုင်ဆုံးဖြတ်ချက်နှင့် အမှုရုပ်သိမ်းရတာ ရှိသလို အစိုးရက (ခရိုင်ဝန်) မှတဆင့် ညွှန်ကြားချက်အရ အမှုရုပ်သိမ်းရတာလည်းရှိပါတယ်။
အမှုလိုက်ရင်း ဥပဒေရဲ့လိုအပ်ချက်အရ သူ့ကိုယ်ပိုင်ဆုံးဖြတ်ချက်နှင့် ဆောင်ရွက်ရတဲ့ကိစ္စတွေက ဥပမာ၊ တရားခံတစ်ဦးကို တရားလိုဘက်သက်သေအဖြစ် ပြောင်းလဲလိုတဲ့အခါ၊ ရာဇ၀တ်ကျင့်ထုံးဥပဒေ ပုဒ်မ ၃၃၇ အရအစိုးရသက်သေ (ဖော်ကောင်) အဖြစ် ပြောင်းလဲအသုံးပြုလိုတဲ့အခါ၊ တရားခံအပေါ် သက်သေအထောက်အထားမရှိဘဲ ရဲတပ်ဖွဲ့က မှားယွင်းစွဲဆိုထားတဲ့အခါမျိုးတွေမှာ သူ့ကိုယ်ပိုင်ဆုံးဖြတ်ချက်အရ အမှုကိုရုပ်သိမ်းခွင့်ရှိပါတယ်။ အစိုးရက အမှုရုပ်သိမ်းတဲကိစ္စမှာတော့ အစိုးရအနေနှင့်အကြောင်း အမျိုးမျိုးရှိနိုင်ပါတယ်။ ဥပဒေက အလွန်ကျယ်ပြန့်တဲ့ အာဏာကိုပေးထားတာဖြစ်လို့ပါ။
သာဓကတစ်ခုအနေနှင့် ဖော်ပြရရင် ၂၀၁၅ ခုနှစ်၊ ဒုတိယအကြိမ် ပြည်သူလွှတ်တော် သက်တမ်းအစမှာ လက်ရှိအစိုးရက ယခင်အစိုးရလက်ထက်မှာ ဆန္ဒပြမှုနှင့် တရားစွဲထားတဲ့ ကျောင်းသားတွေရဲ့အမှုများကို ရုပ်သိမ်းခဲ့ပါတယ်။ အဲ့ဒီလိုရုပ်သိမ်းရာမှာ အစိုးရအနေနှင့် ဥပဒေအရ ဘာအကြောင်းပြချက်မှပေးရန် တာဝန်မရှိပါဘူး။ (သက်ဆိုင်ရာ ဥပဒေအရာရှိအနေနှင့် ဥပဒေအရ အကြောင်းပြချက်ပေးရန် မလိုအပ်သော်လည်း အမှုရုပ်သိမ်းခွင့် လျှောက်လွှာမှာ အမှုရုပ်သိမ်းရတဲ့ အကြောင်းပြချက်ကို ဖော်ပြတာလည်း ရှိနိုင်ပါတယ်။ ဒါကတော့ လုပ်ရိုး လုပ်စဉ် သဘောသာ ဖြစ်ပါတယ်။)
အမှုရုပ်သိမ်းတဲ့အခါ အစိုးရကပဲ ညွှန်ကြားလို့ ရုပ်သိမ်းတာပဲဖြစ်ဖြစ်၊ အစိုးရရှေ့နေက အလုပ်သဘောအရ လိုအပ်လို့ ရုပ်သိမ်းတာပဲဖြစ်ဖြစ် တရားရုံးကို ရုပ်သိမ်းလွှာတင်လိုက်တာနဲ့ အမှုကပိတ်သွားမှာ မဟုတ်ပါဘူး။ တရားရုံးက ခွင့်ပြုမိန့်ချမှတ်မှသာ အမှုကပြီးဆုံးသွားမှာ ဖြစ်ပါတယ်။ အမှုရုပ်သိမ်းခြင်းနှင့် ပတ်သက်လို့ တရားသူကြီးက ဆုံးဖြတ်ရာမှာလည်း အကြောင်းပြချက် ဖော်ပြရန် ဥပဒေအရမလိုသော်လည်း တရားစီရင်ရေးဆိုင်ရာမူများအရ ဆုံးဖြတ်ရတာဖြစ်လို့ အမှုရုပ်သိမ်းခွင့်ပြုတဲ့ အမိန့်မှာ အကြောင်းပြချက်တွေ ရေးလေ့ရှိကြတာကလည်း လုပ်ရိုးလုပ်စဉ်သဘောဖြစ်ပါတယ်။ အမှန်မှာတော့ "အစိုးရရှေ့နေ၏လျှောက်ထား ချက်အရဤအမှုကို ရုပ်သိမ်းခွင့်ပြုလိုက်သည်" ဟုဆိုပြီး အမိန့်ချမှတ်ရင်လည်း မှားတယ်လို့ပြောခွင့်မရှိပါဘူး။
၁၉၇၄ ခုနှစ်မတိုင်မီ အထိတော့ အစိုးရရှေ့နေက အမှုရုပ်သိမ်းတာမျိုး အလွန်ရှားပါးပါတယ်။ ပြဿနာပေါ်ပေါက်တာလည်း မကြားရဖူးပါဘူး။ တည်ဆဲရာဇ၀တ်ကျင့်ထုံးဥပဒေကို ပြဋ္ဌာန်းတဲ့ ၁၈၉၈ ခုနှစ်ကနေ ၁၉၇၄ ခုနှစ်လောက်အထိ အမှုရုပ်သိမ်းခြင်းနှင့် ပတ်သက်လို့ စီရင်ထုံးအနည်းငယ်သာ ရှိခဲ့ခြင်းကိုထောက်ရူပြီး အမှုရုပ်သိမ်းခြင်းကိစ္စမှာ ပြဿနာအလွန်နည်းခဲ့တယ်လို့ ပြောရခြင်း ဖြစ်ပါတယ်။
ပြဿနာရဲ့မူလအစကတော့ ၁၉၇၂ ခုနှစ်က စတင်ခဲ့တဲ့ တရားစီရင်ရေးနှင့်အုပ်ချုပ်ရေးစနစ် ပြောင်းလဲမှုလို့ဆိုရမှာ ဖြစ်ပါတယ်။ ၁၉၇၂ ခုနှစ် ဇူလိုင်လမှာ ထုတ်ဝေခဲ့တဲ့ "ပြည်သူ့တရားရုံးလက်စွဲ၊ စာစောင် ၁ ၊ ရာဇ၀တ်တရားစီရင်ရေး"၊ အခန်း ၂ ၊ စာမျက်နှာ ၁၉ အပိုဒ် (၂၉) မှ (၃၁) အထိမှာ "ကြေအေးခွင့်ပြုခြင်း" (မူလသတ်ပုံအတိုင်း) ဆိုတဲ့ခေါင်းစဉ်ခွဲနှင့် ဖော်ပြထားပါတယ်။
ထို့နောက် အပိုဒ် (၃၂) မှာတော့ "ကြေအေးခွင့်မရှိသည့် ပြစ်မှုများတွင် အမှုသည်များက ကြေအေးလိုပါက အမှုကိုပြန်လည် ရုပ်သိမ်းရန် တရားရေးကော်မတီသို့ တိုက်ရိုက်သော်လည်းကောင်း၊ ရုံးတွင်သော်လည်းကောင်း လျှောက်ထားနိုင်သည်။ ရုံးသို့ လျှောက်ထားလျင် ၎င်းလျှောက်ထားချက်ကို တရားရေးကော်မတီသို့ ပေးပို့ရမည်။ တရားရေးကော်မတီမှ အမှုကိုရုပ်သိမ်းခြင်း မပြုမီ အမှုကိုရပ်ဆိုင်းထားရမည်။ အမှုများရုပ်သိမ်းရေးအတွက် ရာဇ၀တ်ကျင့်ထုံးပုဒ်မ ၄၉၄ ပါအာဏာများကို မြို့နယ်လုံခြုံရေးနှင့် အုပ်ချုပ်မှုကော်မတီသို့ အပ်နှင်းထားပြီးဖြစ်သည်။ ရုပ်သိမ်းခွင့်လျှောက်လွှာကို တရားရေးကော်မတီမှ ဆုံးဖြတ်ပြီး မြို့နယ်လုံခြုံရေးနှင့် အုပ်ချုပ်မှုကော်မတီသို့ တင်ပြရန်ဖြစ်သည်" လို့ဖော်ပြထားပါတယ်။ လူသတ်မှု၊ လူသေမှု၊ လုယက်မှုများ၊ ဓားပြမှုများနှင့် လူခိုးမှု တို့ကိုတော့ ပြည်နယ်/တိုင်း လုံခြုံရေးနှင့် အုပ်ချုပ်မှုကော်မတီ၏ သဘောတူညီချက်ရပြီးမှသာ ဆောင်ရွက်ရန်ဖြစ်သည် လို့လည်း ဆက်လက်ဖော်ပြထားပါတယ်။
ဒီညွှန်ကြားချက်ကိုကြည့်ရင် အမှုရုပ်သိမ်းခွင့်ကိစ္စဟာ အုပ်ချုပ်ရေးကိစ္စဖြစ်လို့ အုပ်ချုပ်ရေးနည်းလမ်းအတိုင်း ဆုံးဖြတ်စေတာ ဟာမှန်ကန်ပေမဲ့ ရာဇ၀တ်ကျင့်ထုံးဥပဒေ၊ ပုဒ်မ ၃၄၅ အရ ကျေအေးခွင့်မရှိတဲ့ ကြီးလေးသောထောင်ဒဏ်နှင့် သေဒဏ်ထိုက်သင့် စေနိုင်တဲ့ အမှုကြီးများကိုပါ အမှုသည် နှစ်ဖက်တို့ ကျေအေးကြမယ်ဆိုရင် ကျေအေးခွင့်ရှိပြီး အစိုးရက ၎င်းအမှုကို ရုပ်သိမ်းပေးမယ် ဆိုတဲ့အချက်ကို တွေ့ရမှာဖြစ်ပါတယ်။ ဒါဟာ ဥပဒေပြုအဖွဲ့ကပြဋ္ဌာန်းတဲ့ ဥပဒေမဟုတ်ဘဲ အုပ်ချုပ်ရေးဆိုင်ရာ ညွှန်ကြားချက်ဖြင့် ဥပဒေပြုတဲ့သဘော၊ အာဏာမရှိဘဲ ဥပဒေပြုတဲ့သဘောဖြစ်ပေမဲ့ ခေတ်အခြေအနေအရ ဘယ်သူကမှတော့ စောကြောခြင်း မလုပ်ခဲ့ကြပါဘူး။
တစ်ဖန် ၁၉၇၄ ခုနှစ်မှာ စတင်အာဏာတည်ခဲ့တဲ့ ပြည်ထောင်စုဆိုရှယ်လစ်သမ္မတမြန်မာနိုင်ငံ ဖွဲ့စည်းပုံအခြေခံဥပဒေမှာ ဒီမူကိုထည့်သွင်းပြဋ္ဌာန်းထားတာ တွေ့ရပြန်ပါတယ်။ ပုဒ်မ ၁၀၁ ရဲ့ ပုဒ်မခွဲ (င) မှာ ပြည်သူအချင်းချင်းနှင့်ပတ်သတ်သော အမှုကိစ္စများကို ဥပဒေခွင့်ပြုချက် ဘောင်အတွင်း၌ ဖြစ်နိုင်သမျှ ကျေအေးပြီးပြတ်စေရန် ဆောင်ရွက်ခြင်း လို့ပြဋ္ဌာန်းထားပါတယ်။ နောင်မှာ ဆက်လက်ပြဋ္ဌာန်းတဲ့ တရားစီရင်ရေးဆိုင်ရာဥပဒေ အဆက်ဆက်မှာလည်း ဒီအချက်ဟာ တရားစီရင်ရာမှာ လိုက်နာရမဲ့ မူတစ်ရပ်အဖြစ် ပြဋ္ဌာန်းပါရှိခဲ့ပါတယ်။
ရာဇ၀တ်ကျင့်ထုံးဥပဒေ ပုဒ်မ ၃၅၄ အရ နစ်နာသူတရားလိုက ကျေအေးခွင့်ရှိတဲ့ပြစ်မှုအမျိုးအစားတွေမှာ ပြစ်ဒဏ်ကြီးလေး တဲ့ပြစ်မှုကြီးတွေပါဝင်ခြင်းမရှိပေမဲ့ ဖွဲ့စည်းပုံအခြေခံ ဥပဒေ၊ ပုဒ်မ ၁၀၁ (င) ပါ မူအရဆိုရင် သေဒဏ်ထိုက်သင့်တဲပြစ်မှုကြီးများ အပါအ၀င် မည်သည့်ပြစ်မှုကိုမဆို ကျေအေးခွင့်ရှိကြောင်း ယူဆနိုင်လောက်အောင် အဓိပ္ပာယ်အလွန် ကျယ်ပြန့်တာကိုတွေ့ရမှာ ဖြစ်ပါတယ်။ ဒါပေမဲ့ အဲဒီပုဒ်မခွဲမှာ အသုံးပြုထားတဲ့ "ဥပဒေခွင့်ပြုချက်ဘောင်အတွင်း၌ ဖြစ်နိုင်သမျှ ကျေအေးပြီးပြတ် စေရန်" ဆိုတဲ့ စကားရပ်ကို ထောက်ရူမယ်ဆိုရင်တော့လည်း ပုဒ်မ ၃၄၅ ပါ သတ်မှတ်ချက်ဘောင်အတွင်းကသာ ဆောင်ရွက်ရမယ်လို့ ဆိုလိုခြင်းဖြစ် သလားဆိုပြီး တွေးတောစဉ်းစားစရာ ရှိနေတာကိုလည်း တွေ့ရပြန်ပါတယ်။ နောက်ပြီးဒီကိစ္စမှာ မူသာရှိပြီး ဒီမူကိုအကောင်အထည် ဖော်ဖို့လုပ်ထုံးလုပ်နည်းလည်း မရှိသေးတော့ လုပ်ငန်းဆောင်ရွက်ကြရာမှာ တစ်ရုံးတစ်ထုံးဆိုသလို လုပ်ပုံလုပ်နည်းမတူညီမူ တွေလည်း ရှိခဲ့ပါတယ်။
ဒါကြောင့် ထို့စဉ်ကပြည်သူတရားသူကြီးအဖွဲ့က "ပုဒ်မ ၄၉၄ အရ အမှုရုပ်သိမ်းရာတွင် လုပ်ထုံးလုပ်နည်းနှင့် ပက်သတ်သော အခက်အခဲနှင့် ပြဿများရှိလာသောကြောင့် သင့်မြတ်သော မူ တစ်ရပ်ကို ချမှတ်ပေးပါရန်" နိုင်ငံတော်ကောင်စီသို့ တင်ပြခဲ့တဲ့ အတွက် နိုင်ငံတော်ကောင်စီက မူများချမှတ်ပြီး ပြည်သူတရားသူကြီးအဖွဲ့ထံ လမ်းညွှန်ပြန်ကြားခဲ့ပါတယ်။ အဲ့ဒီလမ်းညွှန်မှုများအတိုင်း ပြည်သူတရားသူကြီးအဖွဲ့ကလည်း ရာဇ၀တ်ကျင့်ထုံးဥပဒေ၊ ပုဒ်မ ၄၉၄ အရ အမှုရုပ်သိမ်းခြင်းနှင့် ပတ်သတ်လို့ ညွှန်ကြားချက်အမှတ် (၁၁/၇၅) ကို ထုတ်ပြန်ခဲ့ခြင်းဖြစ်ပါတယ်။ အဲဒီညွှန်ကြားချက်မှာ "ပြည်သူတရားစီရင်ရေး လေ့ကျင့်စဉ်အခါက ထုတ်ပြန်ထားခဲ့သော ပြည်သူ့တရားရုံး လက်စွဲစာစောင် ၁ (ရာဇ၀တ်တရားစီရင်ရေး)၊ အခန်း ၂ ပါ အမှုများရုပ်သိမ်းခြင်း လုပ်ထုံးလုပ်နည်းကို ဤညွှန်ကြားချက်ဖြင့် လွှမ်းမိုးပြီးဖြစ်သည်ဟု မှတ်ယူရမည်" ဖြစ်ကြောင်းကိုလည်း ဖော်ပြထားပါတယ်။
အထက်ပါညွှန်ကြားချက်အမှတ် (၁၁/၇၅) ကိုအခြေခံပြီး ယခင်ရှေ့နေချုပ်ရုံးကလည်း ၁၉၈၈ ခုနှစ် ပြစ်မှုဆိုင်ရာအမှုများကို ရုပ်သိမ်းခြင်းကိစ္စမှာ ဥပဒေရုံးအဆင့်ဆင့်က လိုက်နာဆောင်ရွက်ရမဲ့ လုပ်ထုံးလုပ်နည်းများကို ထုတ်ပြန်ခဲ့ပါတယ်။ အုပ်ချုပ်ရေးနှင့် တရားစီရင်ရေးစနစ် ပြောင်းလဲလာပုံနှင့်အညီ ၎င်းလုပ်ထုံးလုပ်နည်းများကိုလည်းအခါအားလျှော်စွာ ပြင်ဆင်ချက်များ ထုတ်ပြန်ခဲ့ရာမှာ နောက်ဆုံးအတည်ဖြစ်နေတဲ့ လုပ်ထုံးလုပ်နည်းကတော့ ၂၀၁၆ ခုနှစ် ဇန်န၀ါရီလ ၇ ရက်နေ့မှာ ပြည်ထောင်စုအစိုးရအဖွဲ့ရဲ့သဘော တူညီချက်နှင့် ပြည်ထောင်စုရှေ့နေချုပ်ရုံးက ထုတ်ပြန်ကြေညာထားတဲ့ ပြည်ထောင်စုရှေ့နေချုပ် နည်းဥပဒေများ၊ အခန်း (၉) ၊ နည်းဥပဒေ ၁၂၀ မှ ၁၂၇ အထိမှာ ဖော်ပြထားတဲ့ လုပ်ထုံးလုပ်နည်းများ ဖြစ်ပါတယ်။ ဒီလုပ်ထုံးလုပ်နည်းအရ အမှုရုပ်သိမ်းခြင်း ကိစ္စကို ဒေသန္တရအစိုးရ၊ တရားစွဲဆိုတဲ့ ဌာနတို့နှင့်ညှိနှိုင်းပြီး သက်ဆိုင်ရာဥပဒေအရာရှိက ဆုံးဖြတ်ဆောင်ရွက်ရမှာ ဖြစ်ကြောင်း တွေ့ရှိရပါတယ်။
နိုင်ငံတော်ကောင်စီရဲ့ လမ်းညွှန်ချက်အရ ပြည်သူတရားသူကြီးအဖွဲ့ရဲ့ ညွှန်ကြားချက်အမှတ် (၁၁/၇၅) မှာ ဖော်ပြထားတဲ့ အမှုရုပ်သိမ်းခြင်းကိစ္စမှာ လိုက်နာဆောင်ရွက်ရမည့် အချက်များ၊ ထည့်သွင်းစဉ်းစားရမည့် အချက်များကတော့ အောက်ပါအတိုင်း ဖြစ်ပါတယ်။
(က) တရားရုံးသည်မိမိစစ်နေဆဲ မည်သည့်ပြစ်မှုဆိုင်ရာအမှုတွင်မဆို ရုပ်သိမ်းခွင့်ပြုရန် လျှောက်ထားလာသည့်ကိစ္စများ၌ အောက်ပါ အတိုင်း လိုက်နာဆောင်ရွက်ရမည် –
(၁) အမှုကိုရုပ်သိမ်းရေးအတွက် ဥပဒေ၀န်ထမ်းကသော်လည်းကောင်း၊ ဥပဒေ၀န်ထမ်းမရှိလျှင် ပြည်သူ့ဥပဒေအကျိုးဆောင် အဖွဲ့က တာဝန်ပေးအပ်ထား သူကသော်လည်းကောင်း တရားစီရင်ရေးအဖွဲ့သို့ လျှောက်ထားလာလျှင် လက်ခံစဉ်းစား ရမည်၊
(၂) အမှုများရုပ်သိမ်းခွင့်ပြုရန် အမှုသည်များထံမှ တိုက်ရိုက်တင်ပြသော လျှောက်လွှာများကို လက်ခံစဉ်းစားခြင်း မပြုရ။
(၃) အမှုသည်များထံမှ တိုက်ရိုက်လျှောက်ထားလာကြလျှင် လျှောက်လွှာကို သက်ဆိုင်ရာ ပြည်သူ့ရဲတပ်ဖွဲ့၊ သို့မဟုတ် တရားစွဲဆိုသည့်အဖွဲ့အစည်းသို့ ပေးပို့ရမည်။
(ခ) ဥပဒေ၀န်ထမ်းကဖြစ်စေ၊ ဥပဒေ၀န်ထမ်းမရှိလျှင် ပြည်သူ့ဥပဒေအကျိုးဆောင်အဖွဲ့က တာဝန်ပေးအပ်ထားသူကဖြစ်စေ တင်ပြ သည့်အမှုရုပ်သိမ်းရေးကိစ္စများကို နိုင်ငံတော်ကောင်စီက ချမှတ်ထားသော လမ်းညွှန်ချက်နှင့်ညီ၊ မညီ ကြည်ရူရမည်။ မညီညွှတ်ပါက သက်ဆိုင်ရာ ဥပဒေ၀န်ထမ်း၊ သို့မဟုတ် တာဝန်ပေးအပ်ထားသူထံသို့ လျှောက်လွှာကို ပြန်လည်ပေးရမည်။
(ဂ) အောက်ပါအခြေအနေ တစ်ရပ်ရပ်ကြောင့် အမှုရုပ်သိမ်းခွင့်တောင်းခံခြင်း၊ ဟုတ်မဟုတ်စဉ်းစားသုံးသပ်ရမည် –
(၁) တရားလိုဘက်က ပြစ်မှုထင်ရှားပေါ်လွင်အောင် သက်သေနှင့် သက်သေအထောက်အထားများ မတင်ပြနိုင်ခြင်း၊
(၂) အမှုကိုတရားစွဲတင်ပြီးမှ စွပ်စွဲခံရသူတစ်ဦးကိုဖြစ်စေ၊ အချို့ကိုဖြစ်စေ သက်သေအဖြစ် ပြောင်းလဲအသုံးပြုရန်အကြောင်း ပေါ်ပေါက်လာလျှင် အဆိုပါ စွပ်စွဲခံရသူအပေါ်တွင် စွဲဆိုသောအမှုကို ရုပ်သိမ်းရန် လိုအပ်လာခြင်း၊
(၃) အမှုကို စစ်ဆေးနေစဉ်အတွင်း အမှုသည်များသည် သွေးရင်းသားရင်းများဖြစ်နေကြ၍ အမှန်တရားကို ထုတ်ဖော်ပြောဆိုမည် မဟုတ်သောကြောင့် အမှုကို ဆက်လက်စစ်ဆေးခြင်းအားဖြင့် အကျိုးထူးဖွယ်ရာ မမြင်ခြင်း၊
(ဃ) ရုပ်သိမ်းခွင့်ပြုခြင်းအားဖြင့် အလားတူအမှုမျိုး တိုးတက်ဖြစ်ပွားလာစေရန် အကြောင်းရှိ၊ မရှိ စဉ်းစားသုံးသပ်ရမည်၊
(င) အထက်ပါအချက်များအပြင် သက်ဆိုင်ရာ ပြည်သူကောင်စီ အလုပ်အမှုဆောင်အဖွဲ့၏ သဘောထားမှတ်ချက်ကိုလည်း ဂရုပြု၍ ထည့်သွင်းစဉ်းစားရမည်။
အထက်မှာဖော်ပြထားတဲ့ အမှုရုပ်သိမ်းရေးဆိုင်ရာညွှန်ကြားချက်ပါ လုပ်ထုံးလုပ်နည်းများကိုစီစစ်ကြည့်တဲ့အခါ တရားရုံးက ကျင့်သုံးလေ့မရှိတဲ့၊ လက်တွေ့ဆောင်ရွက်ရာမှာလည်း သဘာဝမကျတဲ့ အောက်ပါအချက်များကိုတွေ့ရှိပါတယ် –
(၁)အထက်အပိုဒ် (က)၊ အပိုဒ်ခွဲ (၂) (၃)၊ အပိုဒ် (ခ) တို့မှာ အမှုများရုပ်သိမ်းခွင့်ပြုရန် အမှုသည်များက တရားရုံးသို့ တိုက်ရိုက်တင်ပြတဲ့ လျှောက်လွှာတွေကို လက်မခံရလို့ဆိုပြီးမှ အဲ့ဒီလျှောက်လွှာများကို သက်ဆိုင်ရာ ပြည်သူရဲတပ်ဖွဲ့ သို့မဟုတ် တရားစွဲတဲ့အဖွဲ့ထံ ပေးပို့ရမယ်ဆိုတာက ရှေ့ နောက်ဆန့်ကျင်နေတဲ့အပြင် တရားရုံးများအနေနှင့် ၎င်းင်းထံ တင်ပြလာတဲ့ လျှောက်လွှာတွေနှင့် ပတ်သက်ပြီး ဥပဒေနှင့်အညီ ဆုံးဖြတ်ဖို့သာဖြစ်ပြီး ဥပဒေနှင့်မညီဘဲ တင်ပြလာတဲ့ လျှောက်ကိုတော့ လက်မခံဘဲ ပယ်ဖို့ပဲရှိပါတယ်။ အဲ့ဒီလျှောက်လွှာကို တခြားဌာနတစ်ခုသို့ ပို့ပေးဖို့တာဝန်မရှိပါဘူး။ တရားစီရင်ရေး ကိစ္စများကိုဆောင်ရွက်ရာမှာ စာပေးစာယူနည်းဖြင့်လည်း ဆောင်ရွက်လေ့မရှိပါဘူး။ တရားခွင်မှာဘဲ နှစ်ဖက်အမှုသည်များ သို့မဟုတ် ၎င်းတို့၏ရှေ့နေများကို ကြားနာပြီးဆုံးဖြတ်ရပါတယ်။
(၂)အမှုရုပ်သိမ်းခွင့် ပေးသင့်မသင့် စဉ်းစားရာမှာလည်း တရားလိုဘက်က ၎င်းင်း၏အမှုထင်ရှားအောင် သက်သေခံအထောက် အထားများမတင်ပြနိုင်ခြင်း၊ အမှုသည်များဟာ သွေးရင်းသားရင်းများဖြစ်တာကြောင့် အမှန်တရားကို ထုတ်ဖော်ပြောဆို မှာမဟုတ်ခြင်း ဆိုတာတွေကလည်း သဘာဝမကျပါဘူး။ တရားရုံးကို စွဲတင်တဲ့အမှုတိုင်းမှာ ဥပဒေအရာရှိရဲ့စီစစ်အကြံ ပြုချက်အရ စွဲတင်ကြရတာဆိုတော့ သက်သေခံအထောက်အထား မရှိဘဲနဲ့တရားစွဲတင်ဖို့ဆိုတာ မဖြစ်သင့်တဲ့ကိစ္စပါ။ သက်သေခံအထောက်အထားမရှိဘဲ တရားခံတစ်ဦးကို တရားစွဲတာဟာ ငွေကြေးနှင့်တန်ဖိုးဖြတ်လို့ မရတဲ့နစ်နာမှု၊ လူအခွင့်အရေး ဆုံးရှုံးမှုကိုဖြစ်ပေါ်စေမှာ ဖြစ်ပါတယ်။ တရားရုံးရှေ့မှာ သက်သေများက အမှန်အတိုင်း ထွက်ဆိုမှုမရှိတဲ့ ကိစ္စမှာလည်း တရားခံအပေါ်စွဲချက်တင်ဖို့ သက်သေခံချက်မရှိရင် တရားရုံးက တရားခံကို တရားရှင် လွှတ်ရမှာဖြစ်လို့ အဲဒီအမှုမျိုးကို ရုပ်သိမ်းပေးဖို့ လိုမယ်မဟုတ်ပါဘူး။
(၃)အမှုကိုရုပ်သိမ်းခွင့်ပြုခြင်းအားဖြင့် အလားတူအမှုမျိုး တိုးတက်ဖြစ်ပွားလာစေရန် အကြောင်းရှိမရှိ စဉ်းစားရမည်ဆိုတာ ကလည်းကြားလို့ကောင်းပြီး မှန်သယောင်ယောင်ဖြစ်ပေမဲ့ လက်တွေမှာတော့ ဘယ်သူကမှ မှန်ကန်အောင် ကြိုတင်ခန့် မှန်းနိုင်မှာမဟုတ်ပါဘူး။ အမှုကိုရုပ်သိမ်းလိုက်တာကြောင့် အလားတူအမှုမျိုးတိုးပွားဖို့ ဖြစ်နိုင်ခြေနည်းပါတယ်။
ချုပ်ပြီးပြောရမယ်ဆိုရင်တော့ ၁၉၇၄ ခုနှစ်၊ ပြည်ထောင်စုဆိုရှယ်လစ်သမ္မတမြန်မာနိုင်ငံဖွဲ့စည်းပုံအခြေခံဥပဒေပါ ပြည်သူ အချင်းချင်းနှင့်ပတ်သက်သောအမှုကိစ္စများကို ဥပဒေခွင့်ပြုချက်ဘောင်အတွင်း၌ ဖြစ်နိုင်သမျှ ကျေအေးပြီးပြတ်စေရန် ဆောင်ရွက်ခြင်း ဆိုတဲ့မူအရ အမှုရုပ်သိမ်းခြင်းပြုတဲ့ကိစ္စမှာ အောက်ဖော်ပြပါပြဿများ ပေါ်ပေါက်တာကိုတွေ့ရှိကြရမှာဖြစ်ပါတယ်။
(၁) အမှုသည်အချင်းချင်း ကျေအေးခြင်းကိုအကြောင်းပြုပြီး အမှုကိုရုပ်သိမ်းပေးတဲ့ကိစ္စမှာ 'အမှုရုပ်သိမ်းပေးစေလိုပါက ငွေမည်မျှပေးရမယ်' ဆိုပြီး တရားလိုဘက်က တရားခံထံမှ ငွေညှစ်တောင်းခံခြင်း၊ တရားခံဘက်မှလည်း 'တရားလို၏ အသက်နှင့် ဂုဏ်သိက္ခာကိုထိခိုက်အောင်လုပ်မည်' ဖြစ်ကြောင်းတရားလိုအားခြိမ်းခြောက်ခြင်း သို့မဟုတ် တစ်နည်းနည်း ဖြင့်အကျပ်ကိုင်မှုများရှိခြင်း၊
(၂) ရာဇ၀တ်ကျင့်ထုံးဥပဒေတွင် အမှုသည်များက မိမိတို့အချင်းချင်း အမှုကိုကျေအေးခွင့်ရှိခြင်းနှင့် အစိုးရ(နိုင်ငံတော်)က အမှုရုပ်သိမ်းပေးခြင်းတို့ကို တစ်ကဏ္ဍစီခွဲခြား၍ ပြဋ္ဌာန်းထားသော်လည်း အထက်ဖော်ပြပါ ညွှန်ကြားချက်အမှတ် (၁၁/၇၅) ကိုရုပ်သိမ်းပြီး မူလရှိပြီးဥပဒေအတိုင်းသာ ဆက်လက်ဆောင်ရွက်သွားမယ်ဆိုပါက ယခုပေါ်ပေါက်လျက်ရှိသော အကြောင်းခြင်းရာဆိုင်ရာနှင့် ဥပဒေဆိုင်ရာ ပြဿများပပျောက် သွားမဲ့အပြင် အစိုးရအနေနှင့်လည်း အုပ်ချုပ်ရေးနှင့်တရားစီရင်ရေးဆိုင်ရာ လိုက်နာရမြဲမူဝါဒများအရ ရုပ်သိမ်းသင့်တဲ့အမှုများကို သင့်မြတ်သလို ရုပ်သိမ်းခွင့်ရှိမှာဖြစ်ပါကြောင်း။
ဦးကျော်အေး
