မြန်မာဓလေ့ထုံးတမ်းဥပဒေအရ လက်ထပ်ထိမ်းမြားခြင်းပြုရာတွင်...
ထိမ်းမြားခြင်းပြုရာတွင်သတိပြုရန်အချက်များ
(၁) အသက်အရွယ်
(၂) သဘောတူညီမှု
(၃) မိန်းမသည်လွတ်လပ်သူဖြစ်ခြင်း
(၁) အသက်အရွယ်
++++++++++++
မြန်မာဗုဒ္ဓဘာသာယောက်ျားတစ်ယောက်သည် ကျန်းမာရေး နှင့်ပြည့်စုံလျှင် မည်သည့်အရွယ်၌မဆို ထိမ်းမြားလက်ထပ်နိုင်ကြောင်း နှင့် မိဘ အုပ်ထိန်းသူတို့၏ သဘောတူညီချက်ရယူရန်မလိုပေဟု မောင်သိန်းမောင် နှင့် မစော ( အတွဲ - ၆၊ ရန်ကုန်စီရင်ထုံး၊ စာ -၃၄၀) တွင် ပြဆိုပါသည်။မြန်မာဗုဒ္ဓဘာသာ မိန်းကလေးတစ်ယောက်သည် အသက် ၂၀ ပြည့်လျှင် မိဘသဘောတူညီချက်မရဘဲ မိမိနှစ်သက်သူနှင့် လက်ထပ်ခွင့်ရှိသည်။ အသက် ၂၀ မပြည့်လျှင် မိဘသဘောတူညီမှုမရရှိပါက ထိမ်းမြား လက်ထပ်ခြင်းသည် တရားမ၀င်ပေ ဟု မခင်စန်းဝင်း နှင့် မောင်တင်မြင့် ( ၁၉၇၇ ၊ မတစ၊ စာ ၁၂)တွင် ညွှန်ပြသည်။ သို့ရာတွင် အသက် ၂၀ မပြည့်သေးသော မိန်းကလေးသည် တစ်ခုလပ်တစ်လင်ကွာ နှင့် မုဆိုးမ များဖြစ်လျှင် မိဘသဘောတူညီချက်ယူရန်လိုမည်မဟုတ်ပါ။
ပြစ်မှုဆိုင်ရာဥပဒေ ပုဒ်မ - ၉၀ တွင် သဘောတူညီချက်ပေးနိုင်သည့် အသက်သည် ၁၂ နှစ်ဖြစ်ပါသည်။ ပြစ်မှုဆိုင်ရာဥပဒေပုဒ်မ - ၃၆၁ အရ ဥပဒေနှင့်အညီအုပ်ထိန်းသူထံမှလူကို ခိုးယူမှု၌ ယောက်ျားလေး ၏ အသက်ကန့်သတ်ချက်သည် ၁၄ နှစ် ဖြစ်ပါသည်။ မိန်းကလေး၏ အသက် ကန့်သတ်ချက်သည် ၁၆ နှစ်ဖြစ်ပါ သည်။ ၁၄ နှစ်အောက်
ယောက်ျာလေးကိုသော်လည်းကောင်း၊ အသက် ၁၆ နှစ်အောက်မိန်းကလေးကိုသော် လည်းကောင်း၊ အုပ်ထိန်းသူ သဘောမတူဘဲ ဆောင်ယူလျှင် ပြစ်မှုဆိုင်ရာဥပဒေပုဒ်မ - ၃၆၁ ဖြစ်ပေမည်။
သို့ဆိုလျှင် အသက် ၁၄ နှစ်အောက်ယောက်ျာလေးကိုသော်လည်းကောင်း၊ အသက် ၁၆ နှစ်အောက်မိန်းကလေးကိုသော် လည်းကောင်း၊ အဆိုပါယောက်ျား(၀ါ)မိန်းကလေး၏
မိဘ (သို့မဟုတ်) အုပ်ထိန်းသူ၏ သဘောတူညီချက်မပါဘဲ ထိမ်းမြားလက်ထပ်သူ ယောက်ျား
(၀ါ) မိန်းကလေး နှင့် သက်သေများ၊ ထိမ်းမြားခြင်းပြုပေးသူများ၊ ယင်းသို့ထိမ်းမြားခြင်းကို သဘောတူသည့် မိန်းကလေးမိဘများသည် ပြစ်မှုဆိုင်ရာ ဥပဒေပုဒ်မ - ၃၆၁အရ ဥပဒေနှင့်အညီအုပ်ထိန်းသူထံမှလူကို ခိုးယူမှု နင့် ယင်းအမှုကို အားပေးကူညီမှုများတွင် အကျုံးဝင်ဖွယ်ရာအကြောင်းရှိပါသည်။
အကယ်၍ အမျိုးသမီးသည် အသက် ၁၄ နှစ်အောက်မိန်းကလေးဖြစ်လျှင် ပြစ်မှုဆိုင်ရာ
ဥပဒေပုဒ်မ- ၃၇၅(မုဒိမ်းမှု)တွင် အကျုံးဝင်မည်ဖြစ်၍ မိဘဖြစ်သူ သဘောတူစေကာမူ ထိမ်းမြားလက်ထပ်ခြင်းပြုသူယောက်ျားလေး နှင့် ထိမ်းမြားလက်ထပ်ပေးသူ များသည် ပြစ်မှုဆိုင်ရာဥပဒေပုဒ်မ- ၃၇၅(မုဒိမ်းမှု) နှင့် မုဒိမ်းမှုကိုအားပေးကူညီမှုတွင် အကျုံးဝင်ဖွယ်ရာအကြောင်းရှိပါသည်။
(၂) သဘောတူညီမှု
+++++++++++++
မြန်မာ့ဓလေ့ထုံးတမ်းဥပဒေအရ ထိမ်းမြားလက်ထပ်ရေး၌ ကာယကံရှင်များဖြစ်ကြသော ယောက်ျား နှင့် မိန်းမတို့သဘောတူညီမှုမှာ အရေးကြီးဆုံးအချက်ပင်ဖြစ်သည်။ သတို့သား နှင့် သတို့သမီးတို့ ဆန္ဒ အလျောက် လွတ်လပ်စွာပေးသည့် သဘောတူညီမှုမရှိပါလျှင် ထိမ်းမြားလက်ထပ်မှုသည် တရားဥပဒေ နှင့် မညီညွှတ်ပေ။ တည်မြဲခိုင်မာမှုမရှိပေ ဟု မောင်စိန်ညွန့် နှင့် မအေးကြည် (၁၉၆၂၊မတစ၊စာ-၄၀၄) တွင် ထုံးဖွဲ့ထားပါသည်။
မိန်းမသည် အရွယ်ရောက်ပြီးသူဖြစ်စေ၊ အရွယ်မရောက်သေးသူဖြစ်စေ၊ ၄င်း၏ဆန္ဒကို ဆန့်ကျင်ပြီး မိဘများက ထိမ်းမြားလက်ထပ်မပေးနိုင်ပေ။ မောင်ထိုက် နှင့် မချို (၁၈၉၇-၀၁) စာ- ၁၉၇ တွင်ကြည့်ပါ။
(၃) မိန်းမသည်လွတ်လပ်သူဖြစ်ရန်လိုခြင်း။
++++++++++++++++++++++++++
မိန်းမတစ်ယောက်သည် ထိမ်းမြားလက်ထပ်ခြင်းပြုရန် လွတ်လပ်သူဖြစ်ရန် လိုပါသည်။ လင်ယောက်ျားရှိပါလျက် ထပ်မံထိမ်းမြားလက်ထပ်သည့် ဗုဒ္ဓဘာသာဝင်မိန်းမသည် ပြစ်မှုဆိုင်ရာဥပဒေပုဒ်မ - ၄၉၄ နှင့် အကျုံးဝင်မည်ဖြစ်ပြီး ထိုမိန်းမကို ထိမ်းမြားလက်ထပ်သောယောက်ျားသည် လင်ရှိမယားဖြစ်ကြောင်း သိလျက်နှင့်ထိမ်းမြားလက်ထပ်ခြင်းဖြစ်ပါကပြစ်မှုဆိုင်ရာဥပဒေပုဒ်မ - ၄၉၇ နှင့် အကျုံးဝင်ဖွယ်ရာရှိပါသည်။
မြန်မာ့ဓလေ့ထုံးတမ်းဥပဒေအရ ထိမ်းမြားလက်ထပ်ကြသည့် ဓလေ့ထုံးစံများ။
(၁) အခမ်းအနားပြုလုပ်၍ မိဘဆွေမျိုးများအား ကန်တော့ခြင်း၊ မိတ်သင်္ဂဟများအား ကျွေးမွေးခြင်း ၊ ဘုန်းကြီးဆွမ်းကျွေးခြင်း၊
(၂) တရားရုံးတွင် ကျမ်းကျိန်းဆို၍ ထိမ်းမြားခြင်း။
(၃) နှစ်ဦးသဘောတူ သက်သေလူကြီးများရှေ့မှောက်တွင် ကတိစာချုပ်ပြုလုပ်ချုပ်ဆိုထိမ်းမြားခြင်း။
(၁) အခမ်းအနားပြုလုပ်၍ မိဘဆွေမျိုးများအား ကန်တော့ခြင်း၊ မိတ်သင်္ဂဟများအား ကျွေးမွေးခြင်း ၊ ဘုန်းကြီးဆွမ်းကျွေးခြင်း
မြန်မာ့ဓလေ့ထုံးတမ်းဥပဒေအရ ထိမ်းမြားလက်ထပ်ခြင်းတရားဝင်စေရန် အခမ်းအနားမလိုပေ။ မအေးမယ် နှင့် မကြည်ကြည် ( ၁၉၄၈၊မတစ၊ စာ-၆၂၅) တွင်ကြည့်ပါ။ သို့ရာတွင် ယခုခေတ်တွင် အခမ်းအနားပြုလုပ်၍ မိဘဆွေမျိုးများအား ကန်တော့ခြင်း၊ မိတ်သင်္ဂဟများအား ကျွေးမွေးခြင်း ၊ ဘုန်းကြီးဆွမ်းကျွေးခြင်း တို့မှာ ဓလေ့ထုံးတမ်းပင်ဖြစ်နေပြီဖြစ်သည်။
(၂) တရားရုံးတွင် ကျမ်းကျိန်ဆို၍ ထိမ်းမြားခြင်း
တရားရုံးတွင် ကတိသစ္စာပြုခြင်းမှာ တရားသူကြီး၏ရှေ့မှောက်တွင် မိမိတို့၏ လွတ်လပ်သည့်ဆန္ဒအရ နှစ်ဦးသဘောတူ အကြင်လင်မယားအဖြစ်ပေါင်းသင်းနေထိုင်ကြပါမည်ဟု ကျမ်းကျိန်လွှာပြုလုပ်ခြင်းဖြစ်ပါ သည်။ တရားရုံးများကလည်း ဤကဲ့သို့လင်မယားအဖြစ်ပေါင်းသင်းနေထိုင် ကြပါမည်ဟု ကျမ်းကျိန်လွှာပြု လုပ်ခြင်းများကို လူမှုရေးကိစ္စအားကူညီသည့်အနေဖြင့် လက်ခံဆောင်ရွက်ပေးလျက်ရှိပါသည်။
မောင်ကြည် နှင့် မအုန်းမြင့်(၁၉၆၈ခုနှစ်၊ တရားမပထမအယူခံမှုအမှတ်-၆၁) တွင် ယခုခေတ် ဓလေ့ထုံးတမ်းအရ နှစ်ဦးသဘောတူ ထိမ်းမြား လက်ထပ်ခဲ့ကြောင်း အထောက်အထား ရှိပါက ပေါင်းသင်းခြင်းမပြုစေကာမူ လင်မယားအရာ မြောက်သည်ဆိုသော စီရင်ထုံးများပင်ရှိနေသည် ဟူ၍လည်းကောင်း၊ မြန်မာဗုဒ္ဓဘာသာ လူမျိုးများသည်ယခုအခါ
ချွေတာရေးကိုရှေ့ရှုလျက် ပကာသနဖက်သော ထိမ်းမြားလက်ထပ်
သည့် အခမ်းအနားကို ကြီးကြီးကျယ်ကျယ် ကျင်းပခြင်းမပြုတော့ဘဲ တရားသူကြီးရှေ့တွင် အကြင်လင်မယားအဖြစ် နေထိုင်ရန်ရည်ရွယ်ကြောင်း
ကတိပြုကာပေါင်းသင်းကြသည့် ဓလေ့ထုံးစံကိုလိုက်နာဆောင်ရွက်ရာတွင် မည်သို့မည်ပုံကတိပြုရမည်ဟု ဥပဒေအရ ပုံစံသတ်မှတ်ထားခြင်းမရှိ၊ ဟုလည်းကောင်း ဖော်ပြထားသည်။
မြန်မာ့ဓလေ့ထုံးတမ်းဥပဒေ ကျမ်းပြု ဆရာဦးမြစိန်က အထက်ပါ စီရင်ထုံးကိုထောက်ထား၍ မြန်မာဗုဒ္ဓဘာသာ အရွယ်ရောက်သည့်
ယောက်ျားနှင့် မိန်းမတို့သည် နှစ်ဦးသဘောတူ တရားရုံးသို့သွားကာ ကျမ်းကျိန်ဆိုပြီးထိမ်းမြားလက်ထပ်ခဲ့ပါက လင်မယားအဖြစ်လူသိရှင်ကြား အထင်အရှားပေါင်းသင်းမှု မရှိစေကာမူ တရားဝင်အကြင် လင်မယားအရာ မြောက်ကြောင်း မှတ်ချက်ပြုခဲ့ပါသည်။
The Oaths Act ပုဒ်မ- ၄ နှင့် တရားမကျင့်ထုံးဥပဒေပုဒ်မ - ၁၃၉ အရတွင် ကျမ်းကျိန်လွှာပြုလုပ်ပေးပိုင်ခွင့်ရှိသူများကို ဖော်ပြထားပါသည်။ တရားရုံးများ
နှင့် တရားသူကြီးများသည် ယင်းဥပဒေပြဌာန်းချက်အရ ကျမ်းကျိန်လွှာ ပြုလုပ်ခွင့်အာဏာ (၀ါ) ကျမ်းသစ္စာတိုက်ခွင့်ကို ရရှိကြခြင်းဖြစ်ပါသည်။ ယင်းပြဌာန်းချက်တွင် အကျုံးမ၀င်သူများအနေဖြင့် ကျမ်းကျိန်လွှာပြုလုပ်ထိမ်းမြားပေးခွင့်ရှိမည်မဟုတ်ပါ။
(၃) နှစ်ဦးသဘောတူ သက်သေလူကြီးများရှေ့မှောက်တွင် ကတိစာချုပ်ပြုလုပ် ချုပ်ဆိုထိမ်းမြားခြင်း။
မြန်မာ့ဓလေ့ထုံးတမ်းဥပဒေအရ ထိမ်းမြားပေးခြင်းပြုနိုင်ခွင့်ကို မည်သူတစ်ဦးတစ်ယောက်ကိုမျှ သီးခြား အခွင့်အာဏာအပ်နှင်းထားခြင်းမရှိပါ။
သို့ဖြစ်ရာ အခြားသူများ (ဥပမာ - ရှေ့နေရှေ့ရပ်များ၊ ဥပဒေအရာရှိများ၊ ရပ်/ကျေးအုပ်ချုပ်ရေးမှူးများ၊ အခြားဂုဏ်သရေရှိပုဂ္ဂိုလ်များ)
ရှေ့မှောက်တွင်လည်း ထိမ်းမြားလက်ထပ်ခြင်း ပြုနိုင်ပြီး ၄င်းတို့ကလည်း မိမိတို့ရှေ့မှောက်၌ ထိမ်းမြားလက်ထပ်ခြင်းပြုကြကြောင်း သက်သေအဖြစ် အသိအမှတ်ပြု လက်မှတ် ရေးထိုးပေးခြင်းပြုနိုင်ပါသည်။ ယင်းသို့ပြုလုပ်ကြရာတွင် ထိုသူများ အနေဖြင့် ကျမ်းကျိန်လွှာပြု ထိမ်းမြားပေးပိုင်ခွင့်မရှိသဖြင့် နှစ်ဦးသဘောတူ ထိမ်းမြားလက်ထပ်ခြင်း ကတိစာချုပ် ဖြင့်သာ ထိမ်းမြားလက်ထပ်ပေးနိုင်မည်ဖြစ်ပါသည်။
အထက်တွင်ဆိုခဲ့သည့်အတိုင်း ထိမ်းမြားလက်ထပ်ခြင်းပြုရာတွင် အသက်အရွယ်၊ သဘောတူညီချက်၊ မိန်းမသည် လွတ်လပ်သူဖြစ်ခြင်း တို့ကို ထောက်ထားလျက် သက်သေများရှေ့ နှစ်ဦးသဘောတူ ထိမ်းမြား လက်ထပ်ခြင်းစာချုပ်ချုပ်ဆို ထိမ်းမြားလက်မှတ်ရေးထိုးကြခြင်းကို
မြန်မာဓလေ့ထုံးတမ်းဥပဒေအရ ထိမ်းမြားလက်ထပ်ကြောင်း သက်သေခံသည့် စာတမ်းအမှတ်အသားအဖြစ် လက်မှတ်ရေးထိုးသည်ဟု မှတ်ယူရမည်ဖြစ်ပါသည်။
ဒါကြောင့် ယနေ့ခေတ်တွင် ဥပဒေအရာရှိများသည် ကျမ်းကျိန်လွှာမဟုတ်ဘဲ သဘောတူစာချုပ် အဖြစ် ပြုလုပ်၍ မိမိရှေ့မှောက်လက်မှတ်ရေးထိုးကြောင်း ဂုဏ်သရေရှိ ပုဂ္ဂိုလ်အဖြစ်ထိမ်းမြားလက်ထပ် ပေးကြပါသည်။
ရှေ့နေချုပ်ရုံး၏ ၁/၉၈ ညွှန်ကြားချက်ကိုကြည့်ပါ။
သတိထားရန်အချက်သည် ready made ထိမ်းမြားခြင်းစာချုပ်များသည် သဘောတူ စာချုပ်အသွင် ရေးသားထားခြင်းမဟုတ်ဘဲ ကျမ်းကျိန်လွှာ အဖြစ်ရေးသားထားသော စာချုပ်များဖြစ်သဖြင့် ယင်းစာချုပ် များတွင် ကျမ်းကျိန်လွှာအတွက် တံဆိပ်ခေါင်း- ၁၅၀ သာထမ်းဆောင်ထားခြင်း ၊ ကျမ်းကျိန်ဆိုသည့် အရေးအသားများဖြစ်ခြင်းကြောင့် သဘောတူ စာချုပ်အသွင် ပြုပြင်ချုပ်ဆိုရေးသားကြရန် လိုအပ်မည်ဖြစ်ပါသည်။
ယင်းသို့ သဘောတူကတိစာချုပ်ပြုလုပ်ထိမ်းမြားကြရာတွင် တံဆိပ်ခေါင်းအက်ဥပဒေ ၊- ဇယား- ၁၊ အမှတ်စဉ် - ၅(ဃ) အရ
တံဆိပ်ခေါင်း ကျပ် ၃၀၀ ထမ်းဆောင်ရန်ဖြစ်ပါကြောင်းလေ့လာ တင်ပြအပ်ပါသည်။ ။
