မောင်စာဂ
မေတ္တာဖြင့် ပေးကမ်းခြင်းဟုဆိုရာတွင် ပစ္စည်းလွှဲပြောင်း ရေးအက်ဥပဒေ၊ ပဋိညာဉ်အက် ဥပဒေတို့အရ ပေးကမ်း ခြင်းရှိသည်။ ဓလေ့ထုံးတမ်းဥပဒေအရ ပေးကမ်းခြင်းရှိသည်။ မည်သည့်နည်းဖြင့် ပေးကမ်းခြင်းပြုသည်ဖြစ်စေ၊ ပြဋ္ဌာန်းဥပဒေများနှင့် ညီညွတ်ပါမှ သို့မဟုတ် ဓလေ့ ထုံးတမ်းနှင့်အညီဖြစ်ပါမှ ပေးကမ်းခြင်းအထမြောက် မည်။ ဤသို့မဟုတ်လျှင် ''ပေးကားပေး၏မရ'' ဆိုသလို ဖြစ်သွားနိုင်သည်။
သို့ပါ၍ ''မေတ္တာဖြင့်ပေးကမ်းခြင်း'' ဆိုင်ရာ သိသင့် သိထိုက်သည်များကို မှတ်သားမိသမျှ ပြန်လည်မျှ ဝေပါရစေ။
မေတ္တာဖြင့်ပေးကမ်းခြင်းဟူသည် ...
''မေတ္တာဖြင့်ပေးကမ်းခြင်း'' ဆိုသည်မှာ ရှိနေသော ရွှေ့ပြောင်းနိုင်သည့် ပစ္စည်း သို့မဟုတ် မရွှေ့မပြောင်း နိုင်သည့် ပစ္စည်းတစ်ခုကို ပေးသူက ရယူသူသို့ အဖိုးစား နားမရှိဘဲ အလိုအလျောက် လွှဲပြောင်းပေးရာ ရယူသူက ဖြစ်စေ၊ ၄င်းအတွက်ဖြစ်စေ လက်ခံယူခြင်းဖြစ်သည်။ (ပစ္စည်းလွှဲပြောင်း ခြင်း ဥပဒေပုဒ်မ ၁၂၂)
မည်သို့သော ပစ္စည်းကို ပေးကမ်းနိုင်သနည်း ...
မရွှေ့မပြောင်းနိုင်သည့် ပစ္စည်းသာမက ရွှေ့ပြောင်း နိုင် သည့် ပစ္စည်းကိုပါ မေတ္တာဖြင့် ပေးခြင်းပြုနိုင်သည်။ ဒြပ်ရှိသည့်ပစ္စည်းကိုသာ ပေးနိုင်သည်။ ထို့ပြင် ပေးကမ်း ချိန်၌ ထိုပစ္စည်းသည် ရှိနေရမည်။ နောင်တစ်ချိန်တွင် ပေါ်ပေါက်လာမည့် သို့မဟုတ် ရရှိလာမည့်ပစ္စည်းကို ပေးကမ်းခြင်း မပြုနိုင်။ အလားတူပင် အတိအကျဖော်ပြ ခြင်း မပြုနိုင်သည့် ပစ္စည်းသည်လည်း မေတ္တာဖြင့် ပေး နိုင်သော ပစ္စည်းတစ်ရပ်မဖြစ်နိုင်။ (ပုဒ်မ ၁၂၂ နှင့် ၁၂၄)
မေတ္တာဖြင့်ပေးခြင်းတွင် မည်သည့်အချက်များလိုပါသနည်း ...
ပေးသူနှင့် လက်ခံသူရှိရမည်။ ပေးကမ်းသော ပစ္စည်းသည် လက်ရှိပစ္စည်းဖြစ်ရန်လိုသည်။ ပေးသူက မိမိ အလိုအလျောက် အဖိုးစားနားမရှိဘဲ ပေးခြင်းဖြစ်ရမည်။ ပေးသူက မိမိပိုင်ပစ္စည်းကို လွှဲပြောင်းပေးရမည်။ ပေးသောပစ္စည်းကို လက်ခံသူက ပေးသူအသက်ရှင်ဆဲ ပေးနိုင်သည့် အခြေအနေရှိစဉ် လက်ခံရမည်၊ (၂ဝဝ၁ ခုနှစ်၊ မတစ၊ ၃၉၂)(၂ဝဝ၇ ခုနှစ်၊ မတစ၊ ၅၂)
''ပစ္စည်းလွှဲပြောင်းခြင်း အက်ဥပဒေ ပုဒ်မ ၁၂၂ တွင် ''အပိုင်ပေးခြင်း'' ဆိုသည်မှာ တည်ဆဲရွှေ့ပြောင်းနိုင် သောပစ္စည်း သို့မဟုတ် မရွှေ့ပြောင်းနိုင်သောပစ္စည်းကို အပိုင်ပေးသူဟုခေါ်တွင် သူက အပိုင်ရသူဟုခေါ်တွင် သူသို့ အဖိုးစားနားမရှိဘဲ အလိုအလျောက်လွှဲပြောင်း ပေးရာ အပိုင်ရ သူကဖြစ်စေ၊ ၄င်းအတွက်ဖြစ်စေ လက်ခံရယူခြင်းဖြစ်သည်'' ဟုပြဋ္ဌာန်းထားရာ ''အပိုင်ပေးခြင်း''တွင် တည်ဆဲပစ္စည်းကို ပေးကမ်းခြင်းနှင့် ပေးကမ်းခြင်းကို အပိုင်ရသူကဖြစ်စေ၊ ၄င်းအတွက်ဖြစ်စေ လက်ခံရယူခြင်းစသည့်အချက်များနှင့် ပြည့်စုံလျှင် အပိုင်ပေးခြင်းအထမြောက်သည်။ အပိုင်ပေးသော ပစ္စည်းသည် အပိုင်ပေးသူလက်ရှိဖြစ်ရမည်။ အပိုင်ပေးသော ပစ္စည်းကိုအပိုင်ရသူက လက်ရောက် ရရှိရမည်ဟု ပစ္စည်းလွှဲပြောင်းခြင်း အက်ဥပဒေ ပုဒ်မ ၁၂၂ ပါ ပြဋ္ဌာန်းချက်က မဆိုလိုကြောင်း ပေါ်လွင်သည်။ (၂ဝ၁၅ ခုနှစ်၊ မတစ၊ ၁၃၇)
မေတ္တာဖြင့်ပေးခြင်းကို ပေးသူအသက်ရှင်လျက်ရှိစဉ် ပစ္စည်းအားပေးနိုင်သည့် အခြေအနေ ရှိခိုက်ပေးမှသာ အထမြောက်သည်။ မေတ္တာဖြင့်ပေးခြင်း အထမမြောက်မီ ပေးသူသေဆုံးသွားလျှင် ပေးရာမရောက်နိုင်။ အလားတူပင် ပေးသူကပစ္စည်းကို ပေးနိုင်သည့်အခြေအနေ မရှိလျှင် မေတ္တာဖြင့်ပေးခြင်း အထမြောက်မည်မဟုတ်။ ဥပမာအားဖြင့် မြန်မာဓလေ့ထုံးတမ်းဥပဒေအရ သေခါ နီး ပေးကမ်းခြင်းသည် အတည်မဖြစ်သည့်အလျောက် ပေးသူက သေခါနီးဆဲဆဲသေမည်ဟု ယူဆပြီး ပစ္စည်း ကို မေတ္တာဖြင့် မပေးနိုင်။ (၁၉၄၉ ခုနှစ်၊ မတစ၊ ၄၇၁ လွှတ်တော်)
အပိုင်ပေးခြင်းကို လက်ခံကြောင်း ထင်ရှားရမည် ...
အပိုင်ပေးသူဘက်မှ အပိုင်ပေးခြင်းကို လက်ခံသူ ဘက်မှ လက်ခံကြောင်း အပိုင်ပေး စာချုပ် ၌မပါ။ သို့ သော် အပိုင်ပေးစာချုပ်ချုပ်ဆိုပြီးနောက် အပိုင်ရသူ အမည်သို့ ပြောင်းခြင်း၊ အပိုင်ရသူ အမည်ဖြင့် အခွန် အခကောက်ခံခြင်း၊ အပိုင်ရသူက အပိုင်ပေးပစ္စည်း၏ ငှားရမ်းခများနှင့် အကျိုးအမြတ်ခံစားခြင်းတို့အရ အပိုင်ပေးစာချုပ်ကို လက်ခံကြောင်း ကောက်ချက်ချနိုင် သည်ဟု ပြဆိုထား သည်။ (၁၉၄၉ ခုနှစ်၊ မတစ၊ ၃၃၈ လွှတ်တော်)
ဤစီရင်ထုံးပါ ''acceptance of a gift'' ဟူသော ပြဆိုချက်ကို ထောက်ချင့်ပါက ပုဒ်မ ၁၂၂ ပါ ''accepted'' သည် အပိုင်ပေးခြင်း၊ gift ကို လက်ခံခြင်း သာဖြစ်ကြောင်း ပေါ်လွင်သည်။ (၂ဝ၁၅ ခုနှစ်၊ မတစ၊ ၁၃၇)
မည်သူတို့ကပေးနိုင်သနည်း ...
ပစ္စည်းကိုပေးသူသည် ပစ္စည်းအား လွှဲပြောင်းပေး နိုင်သူဖြစ်ရမည်။ အရွယ်ရောက်ပြီးသူတိုင်း၊ ပဋိညာဉ်ပြု နိုင်သူတိုင်းသည် ပစ္စည်းကို မေတ္တာဖြင့် ပေးနိုင်သည်။
ပစ္စည်းလွှဲပြောင်းခြင်း ဥပဒေ (ပုဒ်မ ၇) ။
မည်သူ့တို့ကလက်ခံနိုင်သနည်း ...
အရွယ်ရောက်ပြီးသူဖြစ်စေ၊ အရွယ်မရောက်သေး သူဖြစ်စေ လက်ခံသူဖြစ်နိုင်သည်။ အတိအကျ သို့မဟုတ် အတိအကျသတ်မှတ်၍ရသည့် ပုဂ္ဂိုလ်ဖြစ်ရန် လိုသည်။ သို့မှသာ ထိုပုဂ္ဂိုလ် သို့မဟုတ် ၄င်း၏ကိုယ်စား မေတ္တာဖြင့် ပေးခြင်းကိုလက်ခံခြင်း သို့မဟုတ် ငြင်းပယ် ခြင်း ပြုနိုင်မည်ဖြစ်သည်။ အသက်ရှိ မဟုတ်သည့် အသင်းအဖွဲ့၊ ဘုရားပုထိုးများ သည်လည်း လက်ခံသူဖြစ် နိုင်သည်။ အသင်း၏အမှုဆောင်အဖွဲ့၊ ဘုရားပုထိုး၏ ဂေါပကအဖွဲ့တို့သည် အသင်းအဖွဲ့၊ ဘုရားပုထိုး ကိုယ်စားပေးကမ်းသည့်ပစ္စည်းကို လက်ခံနိုင်သည်။ ငြင်းပယ်နိုင်သည်။
သတိပြုရန်အချက်မှာ မရွှေ့မပြောင်းနိုင်သည့် ပစ္စည်းလွှဲပြောင်းခြင်း (ကန့်သတ်မှု) ဥပဒေအရ မရွှေ့ မပြောင်းနိုင်သော ပစ္စည်းကို နိုင်ငံခြားသားအား အပိုင် ပေးလျှင် တရားမဝင် ပျက်ပြယ်ကြောင်း သိရှိရန်လိုသည်။ (၁၉၇၅ ခုနှစ်၊ မတစ၊ စာ ၈၄) (၁၉၅၉ ခုနှစ်၊ မတစ ၁ လွှတ်တော်)
အလိုအလျောက်ပေးခြင်းဖြစ်ရမည် ...
မေတ္တာဖြင့်ပေးခြင်း အထမြောက်ရန်အလို့ငှာ အရေး ကြီးသည့် လိုအပ်ချက်တစ်ရပ်မှာ ပေးသူသည် ရယူသူ သို့မဟုတ် အခြားသူတစ်ဦး၏ သွေးဆောင်ဖြားယောင်းမှု၊ အကျပ်ကိုင်မှု၊ မလျော်သြဇာအသုံးချမှု စသည်တို့ မပါဘဲ မိမိသဘောအတိုင်း အလိုအလျောက်ပေးရန်လိုသည်။
အဖိုးစားနားမပါဘဲ ပေးခြင်းဖြစ်ရမည် ...
မေတ္တာဖြင့် ပေးသည့်ကိစ္စတွင် ထူးခြားသည့်အချက်မှာ အဖိုးစားနား လုံးဝမပါခြင်းဖြစ်သည်။ အဖိုးစားနား ဆိုသည်မှာ ငွေ သို့မဟုတ် ငွေနှင့်တန်ဖိုးဖြတ်၍ရသည့် ပစ္စည်းကို ဆိုလိုသည်။ အခြား အခြားသော ပစ္စည်း လွှဲပြောင်းမှုများတွင် အနည်းနှင့်အများဆိုသလို ပစ္စည်းအတွက် အဖိုးစားနား ပေးရသော်လည်း မေတ္တာဖြင့် ပေးရာ၌ အဖိုးစားနား လုံးဝပေးရန်မလို။
အသိသက်သေနှစ်ဦး လက်မှတ်ထိုးရန်လိုသည် ...
မေတ္တာဖြင့်ပေးသည့်စာချုပ်တွင် ပေးသူကိုယ်တိုင် ဖြစ်စေ၊ ၄င်း၏ကိုယ်စား လက်မှတ်ထိုးနိုင်သူကဖြစ်စေ၊ လက်မှတ်ရေးထိုးပြီး အနည်းဆုံးသက်သေနှစ်ဦးက အသိသက်သေအဖြစ် လက်မှတ်ထိုးရန်လိုသည်။ မရွှေ့ မပြောင်းနိုင်သည့် ပစ္စည်းဖြစ်ပါက ထိုကဲ့သို့ လက်မှတ် ရေးထိုးထားသည့် စာချုပ်ကို မှတ်ပုံတင်ပြီးမှသာ မေတ္တာ ဖြင့်ပေးခြင်း အထမြောက်သည်။ ရွှေ့ပြောင်းနိုင်သည့် ပစ္စည်း ဖြစ်ပါမူ မှတ်ပုံတင်စာချုပ် ချုပ်ဆို၍ဖြစ်စေ၊ လက်ရောက်ပေးအပ်ခြင်းဖြင့်ဖြစ်စေ ပြုလုပ်နိုင်သည်။ (၁၉၆၆ ခုနှစ်၊ မတစ၊ ၇၅၅) (၁၉၄၈ ခုနှစ်၊ မတစ၊ ၇၁၇) (၁၉၉၅ ခုနှစ်၊ မတစ၊ ၈၄)
မြန်မာ့ဓလေ့ထုံးတမ်းဥပဒေနှင့် မေတ္တာဖြင့်ပေးခြင်း သဘောအဓိပ္ပာယ် ...
ပစ္စည်းကို မေတ္တာဖြင့်ပေးခြင်းသည် သာမန်အားဖြင့် ပစ္စည်းလွှဲပြောင်းခြင်းဥပဒေ၊ ပဋိညာဉ် ဥပဒေတို့နှင့်သာ သက်ဆိုင်သည်။ သို့ရာတွင် ထိုကဲ့သို့ မေတ္တာဖြင့်ပေးခြင်းသည် ဘာသာရေး၊ ထိမ်းမြားလက်ထပ်ရေး၊ အမွေ ဆက်ခံရေးတို့နှင့်ပတ်သက်လာလျှင် မြန်မာ့ဓလေ့ ထုံးတမ်းဥပဒေ အရ ခိုင်မာခြင်း ရှိ မရှိ ညှိနှိုင်းဆုံးဖြတ်ရသည်။ ရှင်ပြုချိန် ပေးကမ်းခြင်းသည် ဘာသာရေးနှင့် သက်ဆိုင်မည်ဖြစ်သည်။ [အတွဲ ၂ အထက်မြန်မာပြည် စီရင်ထုံး (၁၉ဝ၂-ဝ၃) ၁]
ဘိုးဘွားများက မြေးများကို မေတ္တာဖြင့်ပေးခြင်းသည် အမွေဆက်ခံခြင်းနှင့် သက်ဆိုင်သည်။ ဘိုးဘွားများ သေဆုံးသည့်အခါ မြေးများသည် ၄င်းတို့၏ဦးကြီး၊ ဦးလေးတို့နှင့် ယှဉ်ပြိုင်၍ အမွေခွဲရာ၌ မနစ်နာစေရန် ဘိုးဘွားများက အမွေပေးခဲ့ခြင်းဖြစ်သည်။ [အတွဲ ၃ အထက်မြန်မာပြည် စီရင်ထုံး (၁၉၁၇-၂ဝ)၂၂၈]
မရွှေ့မပြောင်းနိုင်သည့် ပစ္စည်းကိုပေးသူက ဘုန်းကြီး တစ်ပါးအား လှူဒါန်းရာ လှူဒါန်းသည့် စာချုပ်၌ ပေးသူ ကွယ်လွန်ပြီးနောက် ပစ္စည်းကိုရောင်းချ၍ ရောင်းရ ငွေဖြင့် ဖော်ပြထားသည့်ကိစ္စများဆောင်ရွက်ပေးရန် စည်းကမ်းချက်များပါရှိသည်။ ထိုမေတ္တာဖြင့်ပေးသော စာချုပ်မှာ အမှန်အားဖြင့် သေတမ်းစာဖြစ်၍ မြန်မာ ဗုဒ္ဓဘာသာဝင်တို့အနေဖြင့် ပြုလုပ်ခွင့်မရှိ။ (အတွဲ ၅၊ ရန်ကုန် ၃၇၁)
တစ်နည်းဆိုရသော် ပေးသူသေဆုံးပြီးမှသာ မေတ္တာ ဖြင့်ပေးသည့် စာချုပ်သည် အတည်ဖြစ်သည့်သဘော သက်ရောက်လျှင် ပေးသူသည် သေတမ်းစာရေးသားရာ ရောက်သဖြင့် မြန်မာဗုဒ္ဓဘာသာဝင်များ အနေဖြင့် ပြုလုပ်ခွင့်မရှိ။ (အတွဲ ၁ဝ ရန်ကုန် ၂၂၄)
သေခါနီးဆဲဆဲ မေတ္တာဖြင့်ပေးခြင်း ...
ပစ္စည်းကို မေတ္တာဖြင့်ပေးသူသည် အသက်ရှင်ရန် မျှော်လင့်ချက်လုံးဝမရှိဘဲ သေခါနီးဆဲဆဲ အိပ်ရာပေါ်၌ လဲနေချိန်တွင် မိမိ၏သဘောအတိုင်း ပစ္စည်းကို ရယူသူအား လွှဲပြောင်းပေးခြင်းကို သေခါနီးဆဲဆဲပေးခြင်းဟု ခေါ်သည်။ (၁၉၄၆ ခုနှစ်၊ ရန်ကုန်စီရင်ထုံး ၁၃၉)
သေခါနီးဆဲဆဲ မေတ္တာဖြင့်ပေးခြင်းမှာ စင်စစ်အားဖြင့် ပေးသူသည် ၄င်းသေဆုံးသည့်အခါမှ ပေးရန်ရည်ရွယ်၍ ပြုလုပ်သည်ဟုကောက်ယူရမည်ဖြစ်၍ သေတမ်းစာ ပြုလုပ်သည့် နည်းလမ်းတစ်ခုဖြစ်သည်ဟု ယူဆရမည်။ မြန်မာဗုဒ္ဓဘာသာများတွင် သေတမ်းစာပြုလုပ်ပြီး မိမိ၏ပစ္စည်းကို ခွဲဝေပေးကမ်းခွင့်မရှိ၍ မြန်မာ့ဓလေ့ထုံးတမ်း ဥပဒေကို ချိုးဖောက်ရာရောက်သဖြင့် အတည်မဖြစ် နိုင်။ (အတွဲ ၁ဝ ရန်ကုန် ၂၂၄)
သေတမ်းစာ ...
သေတမ်းစာဆိုသည်မှာ ပစ္စည်းရှင်က မိမိကွယ်လွန် သောအခါ မိမိ၏ပစ္စည်းကို မည်သို့ မည်ပုံစီမံခန့်ခွဲလို ကြောင်းနှင့် ၄င်း၏ရည်ရွယ်ချက်ကို ဖော်ထုတ်ထားသည့် တရားဝင်ကြေညာ စာတမ်းဖြစ်သည်။ (၂ဝဝ၁ ခုနှစ်၊ မတစ၊ ၃၉၂)
သေတမ်းစာပြုလုပ်၍ မေတ္တာဖြင့်ပေးခြင်း ...
မြန်မာ့ဓလေ့ထုံးတမ်းဥပဒေအရ မြန်မာဗုဒ္ဓ ဘာသာဝင်များသည် သေတမ်းစာရေးသားခွင့် မရှိဆိုသောအချက်မှာ ယနေ့အထိ အခိုင်အမာ အတည် ဖြစ်လျက်ရှိသည်။ (အောက်မြန်မာပြည် ရွေးချယ်ထား သည့် စီရင်ထုံးများ ၉၅)
သို့ရာတွင် မြန်မာဗုဒ္ဓဘာသာဝင် အချို့သည် ထို ဥပဒေသဘောတရားကို ရှောင်တိမ်းလိုသည့်သဘောဖြင့် သေတမ်းစာအဖြစ် အကျိုးသက်ရောက်သည့် မေတ္တာဖြင့်ပေးသော စာချုပ်စာတမ်းများ ချုပ်ဆိုကြ သည်ကို တွေ့ရသည်။ မိခင်ဖြစ်သူက သားသမီးငါးဦးရှိ သည့်အနက် သုံးဦးအား မြေကိုမေတ္တာဖြင့် ပေးသည့် စာချုပ်ချုပ်ဆိုခဲ့ရာ ထိုစာချုပ်တွင် မိခင်သေဆုံးမှသာ မေတ္တာဖြင့်ပေးခြင်း အတည်ဖြစ်သည်ဆိုသော စည်းကမ်းချက်ပါရှိနေသဖြင့် ထိုစာချုပ်သည် စင်စစ်မေတ္တာ ဖြင့် ပေးသောစာချုပ်မဟုတ်ဘဲ သေတမ်းစာသာဖြစ် သည့်အလျောက် ဥပဒေနှင့်ကိုက်ညီခြင်းမရှိ။ (အတွဲ ၁ ရန်ကုန် ၃၅၁)
မည်သည့်အတိုင်းအတာအထိ ပေးနိုင်သနည်း ...
လူတစ်ဦးသည် မိမိပိုင်ဆိုင်သော ပစ္စည်းကို မိမိ၏ဆန္ဒအလျောက် မေတ္တာဖြင့် ပေးခွင့်ရှိသည်ဆိုခြင်းမှာ အခြေခံသဘောတရားပင်ဖြစ်သည်။ သို့ရာတွင် မြန်မာ့ ဓလေ့ထုံးတမ်းဥပဒေအရ မြန်မာဗုဒ္ဓဘာသာဝင်တစ်ဦး သည် မိမိ၏အမွေစား အမွေခံများ၏ အခွင့်အရေးကို ဆုံးရှုံးနစ်နာ အောင် မိမိတွင်ရှိသမျှ ပစ္စည်းအားလုံးကို မေတ္တာဖြင့်ပေးခြင်းမပြုနိုင်။ (၁၉၄၉ ခုနှစ်၊ မတစ၊ ၄၇၁)။ ပေးလျှင်ပျက်ပြယ်သည်။ (၁၉၈၃ ခုနှစ်၊ မတစ၊ ၁၉၁) (၁၉၉၁ ခုနှစ်၊ မတစ၊ ၁၄၉ စုံညီ)
ရာဇသတ်၊ ဓမ္မသတ်နှင့် မနုကျယ်ဓမ္မသတ်တို့တွင် ကြက်မကြီးသည် ရှာဖွေခဲ့သော အစာများကို ကြက် သူငယ်များအနက် တစ်ကောင်တည်းကိုသာ ပေးငြားသော် ကြက်သူငယ်တို့ လုယက် စားသောက်ကြမည်ဖြစ်၍ မသင့်လျော်သည့်နည်းတူ အမွေရှင်က အမွေဆိုင်တစ်ဦး တည်းကိုသာ စုပုံ၍ပေးခြင်းမပြုရ။ ပေးခဲ့သော် အတည် မဖြစ်စေရဟု ဖော်ပြထားသည်မှာ မှတ်သားစရာပင်။
ဇနီးနှင့်ခင်ပွန်းနှစ်ဦးပိုင်ပစ္စည်းများကို ခင်ပွန်းက ဖြစ်စေ၊ ဇနီးကဖြစ်စေ ခင်ပွန်း သို့မဟုတ် ဇနီးသည်၏ သဘောတူညီချက်မရှိဘဲ မေတ္တာဖြင့်ပေးလျှင် ပေးသည့် ပစ္စည်း၌ ပေးသူ၏အကျိုးခံစားခွင့်ရှိသော အစုအတွက် သာ အတည်ဖြစ်သည်။ သဘောတူညီချက်မပေးသည့် ခင်ပွန်း သို့မဟုတ် ဇနီးသည်၏ အကျိုးခံစားခွင့် ထိခိုက် ခြင်းမရှိ။ (အတွဲ ၁ဝ ရန်ကုန် ၂၆၁ နှင့် အတွဲ ၉ ရန်ကုန် ၅၂၄)
မေတ္တာဖြင့်ပေးခြင်း ဟုတ် မဟုတ် မည်သို့စိစစ်မည်နည်း ...
စာချုပ်တစ်ခုသည် မေတ္တာဖြင့်ပေးသည့် စာချုပ်ဖြစ်ပါ သလော၊ ရောင်းချသည့်စာချုပ်ဖြစ်ပါ သလောဆိုသည့် ပြဿနာကို ဆုံးဖြတ်ရာ၌ စာချုပ်ပါစကားရပ်များသာမက ထိုစာချုပ်ဖြစ်ပေါ်လာသည့် ပတ်ဝန်းကျင် အထောက် အထားများကို စိစစ်ရန်လိုမည်ဖြစ်သည်။ စာချုပ်တွင် ဖော်ပြထားသည့်စကားရပ်သည် နှစ်ဦးနှစ်ဘက် သဘောတူထားကြသည့်အတိုင်း ရည်ရွယ်ထားကြသည့် အတိုင်း ဖြစ်ချင်မှဖြစ်မည်။ သို့ဖြစ်ရာ မေတ္တာဖြင့်ပေး သည်ဟု စာချုပ်၌ ဖော်ပြထားစေကာမူ စင်စစ်အားဖြင့် မေတ္တာဖြင့် ပေးခြင်းမဟုတ်ဘဲ ရောင်းချခြင်းသာဖြစ် နိုင်သည်။ မေတ္တာဖြင့်ပေးခြင်းနှင့် ရောင်းချ ခြင်းတို့၏ အဓိကကွာခြားချက်မှာ ရောင်းချခြင်းတွင် ရောင်းချသည့် ပစ္စည်းအတွက် အဖိုးစားနား ပေးခြင်း၊ ပေးရန်ကတိပြု ခြင်းရှိပြီး မေတ္တာဖြင့်ပေးခြင်းတွင် ပေးသည့်ပစ္စည်း အတွက် လုံးဝအဖိုးစားနား မရှိခြင်းဖြစ်သည်။ (၁၉၆၁ ခုနှစ်၊ မတစ၊ ၃၉၅ လွှတ်တော်)
အစဉ်အလာကောင်းကို ထိန်းသိမ်းစောင့်ရှောက်ကြပါ ...
မေတ္တာဖြင့်ပေးကမ်းခြင်းပြုကြရာတွင် ပြဋ္ဌာန်းဥပဒေ များ၊ ဓလေ့ထုံးတမ်းဥပဒေများနှင့်အညီဖြစ်စေရေးအတွက် ဖော်ပြပါစီရင်ထုံးများကို လေ့လာမှတ်သားသင့်သည်။ ဤသည်မှာ အညွှန်းသဘောမျှသာဖြစ်သည်။ စီရင်ထုံးအကျယ်ဖတ်ရန် လိုပါမည်။ ဆောင်သင့်တာ ဆောင်၍ ရှောင်သင့်တာရှောင်ရပါမည်။ လိုက်နာသင့် သည်များ လိုက်နာရပါမည်။ ဥပဒေနှင့်အညီ ဆောင် ရွက်ခြင်းဖြင့် ဥပဒေစိုးမိုးမှုဖြစ်စေသည်။ မိမိ၏ရည်မှန်း ချက်အထမြောက်မည်။
မေတ္တာဖြင့် ပေးကမ်းခြင်းပြုရာတွင် စေတနာသဒ္ဓါ တရားထက်သန်မှု၊ ရက်ရက်ရောရော ရှိမှုတို့သည် လေးစားထိုက်၊ ဂုဏ်ယူထိုက်၊ မြတ်နိုးထိုက်သည့် အစဉ် အလာကောင်း တစ်ရပ် ဖြစ်သည်။ ထိုအစဉ်အလာ ကောင်း တစ်ရပ်ကို ပြုမူဆောင်ရွက်ကြရာတွင် ပြဋ္ဌာန်း ဥပဒေ၊ ဓလေ့ထုံးတမ်းဥပဒေများနှင့်အညီ လိုက်နာ ဆောင်ရွက်ကြခြင်းဖြင့် ဆက်လက်ထိန်းသိမ်းစောင့် ရှောက်ကြပါစို့ဟု ဆန္ဒပြုလိုက်ပါရစေ။
မောင်စာဂ
