အာမခံ (သို့မဟုတ်) ခံဝန်ချုပ်သည်ဆိုရာဝယ်
xxxxxxxxxxxxxxxxxxxxxxxxxxxxxxxxTUN MYO HTAY
စွပ်စွဲခံရသူတစ်ဦးအား တရားရုံးသို့ တရားစွဲတင်ပို့ခြင်းမပြုမီ ရဲအရာရှိက စုံစမ်းထောက်လှမ်းနေစဉ်ကာလအတွင်း သို့မဟုတ် တရားရုံးရှေ့ မှုခင်းကိစ္စတစ်ရပ်ရပ် ပြုလုပ်ဆောင်ရွက်နေစဉ်ကာလအတွင်း အာမခံဖြင့်လွှတ်ထားသည့်အခါ ထိုစွပ်စွဲခံရ သူအား ခံဝန်ချုပ်ဆိုရပါသည်။ အကယ်၍ စွပ်စွဲခံရသူမှာ အရွယ်မရောက်သေးသူ တစ်ဦးဖြစ်နေပါက ကျင်ထုံးပုဒ်မ ၅၁၄ခ နှင့် တရားရုံးများလက်စွဲအပိုဒ် ၅၂၀အရ ၄င်းကို ခံဝန်ချုပ်ဆိုမည့်အစား အာမခံသူတစ်ဦး သို့မဟုတ် အများက ချုပ်ဆိုသော ခံဝန်ကို ချုပ်ဆိုရပါသည်။
ပြစ်မှုဆိုင်ရာကျင့်ထုံးဥပဒေပုဒ်မ ၄၉၉ တွင် အောက်ပါအတိုင်းပြဌာန်းထားပါသည်။
မည်သူ့ကိုမဆို အာမခံဖြင့် သို့မဟုတ် သူ၏ ကိုယ်တိုင်ခံဝန်ချုပ်ဖြင့် မလွှတ်မီ သက်ဆိုင်ရာ ရဲအရာရှိ၊ သို့မဟုတ် တရားရုံးက လုံလောက် သည်ဟုထင်မြင်သည့် ငွေကြေးပမာဏအတွက် ခံဝန်ချုပ်တစ်ခုကို အဆိုပါ သူအားလည်းကောင်း၊ ထိုသူအား အာမခံဖြင့်လွှတ်သောအခါ ခံဝန်ချုပ်၌ ဖော်ပြထားသော အချိန် နှင့် နေရာတွင် ထိုသူ လာရောက်စေပါမည်။ ထို့ပြင် သက်ဆိုင်ရာ ရဲအရာရှိ သို့မဟုတ် တရားရုံးက အခြားနည်း မညွှန်ကြားသေး သမျှ ထိုကဲ့သို့ ဆက်လက်လာရောက်စေပါမည်ဟု တာဝန်ယူသည့် တစ်ဦး သို့မဟုတ် တစ်ဦးထက်ပိုသော လုံလောက်သည့်အာမခံသူများအား လည်း ကောင်းချုပ်ဆိုစေရမည်။
ပြစ်မှုဆိုင်ရာကျင့်ထုံးဥပဒေပုဒ်မ၅၀၀(၁)အရ ခံဝန်ချုပ်ကို ချုပ်ဆိုပြီးလျှင်ပြီး ချင်း ရောက်ရှိရန် ခံဝန်ချုပ်ဆိုပေးရသူကို လွှတ်ရမည်။ ထိုသူသည် အကျဉ်းထောင်၌ရှိ နေပါက အာမခံခွင့်ပြုသောတရားရုံးက ထိုသူအားလွှတ်ရန် အကျဉ်းထောင်တာဝန်ခံ အရာရှိထံ အမိန့်တစ်ရပ်ထုတ်ဆင့်ရမည်။ အဆိုပါအရာရှိသည် တရားရုံး၏အမိန့်ကိုရရှိ သောအခါ ထိုသူကိုလွှတ်ရမည်ဖြစ်ပါသည်။
++++++++++++++++++++++++++
အာမခံတောင်းဆိုသော ငွေအရေအတွက်သည် မများလွန်းစေရ။
xxxxxxxxxxxxxxxxxxxxxxxxxxxxxxxxပြစ်မှုဆိုင်ရာကျင့်ထုံးဥပဒေပုဒ်မ ၄၉၈(၂)တွင် ဤအခန်းအရ ချုပ်ဆိုသော ခံဝန်ချုပ်တိုင်း၏ငွေအရေအတွက်သည် အခြေအနေအရမများလွန်းစေရ ဟု ကန့်သတ် ထားပါသည်။
++++++++++++++++++++++++++
အာမခံအတွက် ပိုင်ဆိုင်မှုအထောက်အထားများတောင်းခံရန်မလိုအပ်ခြင်း။
xxxxxxxxxxxxxxxxxxxxxxxxxxxxxxxxအာမခံကိစ္စသည် Personal Bond သာ ဖြစ်ပါသည်။ ပုဂ္ဂလိကချုပ်ဆိုတဲ့ ခံဝန်များသာလျှင်ဖြစ်ပြီး ခံဝန်ဖောက်ဖျက်လျှင်လည်း ပြစ်မှုဆိုင်ရာကျင့်ထုံးဥပဒေပုဒ်မ ၅၁၄ အရ ဆိုင်ရာ ပုဂ္ဂိုလ်တွေအပေါ်တွင်သာ အရေးယူ၍ရသောခံဝန်မျိုးဖြစ်ပါသည်။
အာမခံသည့်သူသည် ခံဝန်ချုပ်ကို လျော်နိုင်လောက်တဲ့ အခြေအနေရှိမရှိကို တရားရုံးက စိစစ်ဖို့ လိုအပ်သည်မှာမှန်သော်လည်း အာမခံသူတွင် အာမခံပစ္စည်းများ တကယ်ရှိမရှိ စိစစ်ရန် မလိုအပ်ပါ။ အာမခံသူတင်ပြသော ပစ္စည်းများသည် အပေါင် ပေးသွင်းမှုပြုခြင်း မဟုတ်၍ဖြစ်ပါသည်။
အိမ်ခြေရာခြေရှိကြောင်း ရပ်ကွက်ကထောက်ခံပြီး ထိုသူ ပေးလျော်နိုင် လောက်သည့်အခြေအနေ တွေ့ရှိရလျှင် အာမခံကိုလက်ခံရန် လုံလောက်ပြီဖြစ်ပါ သည်။ ယုတ်စွအဆုံး အိမ်ခွန်၊ မြေခွန်ဆောင်ထားသော အခွန်ပြေစာလေးယူလာပြီး ကျနော့်မှာအိမ်ရှိပါတယ်ဟု ပြနိုင်လျှင်ပင် ခံဝန်ချုပ်ဆိုရန် လုံလောက်ပြီဖြစ်ပါသည်။
အကယ်၍ တရားခံထွက်ပြေးလျှင် အာမခံသူတင်ပြလာသည့် သူပိုင် မရွှေ့ မပြောင်းနိုင်သော ပစ္စည်းကို ကျင့်ထုံးပုဒ်မ ၅၁၄ အရ အရေးယူခွင့်မရှိပါ။ ကျင့်ထုံးပုဒ်မ ၅၁၄ အရ အရေးယူခွင့်ရှိသောပစ္စည်းမှာ ရွှေ့ပြောင်းနိုင်သောပစ္စည်းသာဖြစ်ပါသည်။ အာမခံတဲ့လူတွင် လျော်နိုင်လောက်တဲ့အနေအထားရှိမရှိကို တီးခေါက်ကြည့်ခြင်းသာ ဖြစ်ပါသည်။
(ကျမ်းကိုး- ဆရာဦးမြ၊ တရားရေးဝန်ထမ်းများအရည်အသွေးမြင့်သင်တန်း ပို့ချချက်များ၊ စာ-၁၅၄၊၁၅၅၊၁၅၆)
အာမခံသူများတွင် မရွှေ့မပြောင်းနိုင်သောပစ္စည်းများရှိကြောင်း အာမခံ ခံဝန်ချုပ်ကျောဘက်တွင် ဖော်ပြလေ့ရှိသည်။ အမှန်တော့ လိုအပ်သည်မဟုတ်။ ၄င်း ပစ္စည်းများကို အာမခံသွင်းခြင်းမဟုတ်၊ ဟုတ်ပါမူ ခံဝန်ချုပ်ကို မှတ်ပုံတင်ရပေလိမ့် မည်။ ခံဝန်ချုပ်ကို တံဆိပ်ခေါင်းခွန်ထမ်းဆောင်ခြင်းမှ ကင်းလွတ်ခွင့်ပေးထားသော် လည်း (တရားရုံးများလက်စွဲစာပိုဒ် ၁၀၁ကိုကြည့်ပါ) မရွှေ့မပြောင်းနိုင်သောပစ္စည်းကို အာမခံအဖြစ်ပေးသွင်းပါက စာချုပ်စာတမ်းမှတ်ပုံတင်အက်ဥပဒေ ပုဒ်မ ၁၇(၁)(ခ)အရ မှတ်ပုံတင်ရမည်ဖြစ်သည်။( ဦးမြ ၊ သောင်းပြောင်းထွေလာဥပဒေ ပြဿနာအမှတ် - ၆ ၊ စာ - ၁၆၃ )
ခံဝန်ချုပ်အစား အာမခံငွေ တင်သွင်းစေရန်ခွင့်ပြုနိုင်ခြင်း။
xxxxxxxxxxxxxxxxxxxxxxxxxxxxxxxxပြစ်မှုဆိုင်ရာကျင့်ထုံးဥပဒေပုဒ်မ ၅၁၃ အရ တရားခံတစ်ဦးကို အာမခံခွင့်ပြု သည့်အခါ ခံဝန်ချုပ်ဆိုစေမည့်အစား တရားရုံးက သတ်မှတ်သည့်အရေအတွက်ရှိ သောငွေတစ်ရပ်ကိုဖြစ်စေ၊ အစိုးရငွေပေးကတိစာချုပ်ကိုဖြစ်စေ တင်သွင်းစေရန် ခွင့်ပြု နိုင်ပါသည်။
တရားရုံးများလက်စွဲအပိုဒ် ၅၁၉ တွင် ခံဝန်ချုပ်ကို ချုပ်ဆိုစေမည့်အစား တရားရုံးသည် မည်သည့်အမှုတွင်မဆို မိမိသတ်မှတ်သည့် ငွေအရေအတွက်ရှိ ငွေကို ဖြစ်စေ၊ အစိုးရ ငွေချေးသက်သေခံလက်မှတ်များကိုဖြစ်စေ တင်သွင်းစေရန်ခွင့်ပြုနိုင် သည်ဟု ဖော်ပြထားပါသည်။
++++++++++++++++++++++++++
အာမခံမလုံလောက်သောအခါ လုံလောက်သောအာမခံပေးရန် အမိန့်ချမှတ်နိုင်သည့် အာဏာ
xxxxxxxxxxxxxxxxxxxxxxxxxxxxxxxxပြစ်မှုဆိုင်ရာကျင့်ထုံးဥပဒေ ပုဒ်မ ၅၀၁ အရ မှားယွင်းမှု၊ လိမ်လည်မှု သို့မ
ဟုတ် အခြားအကြောင်းတစ်ခုခုကြောင့် မလုံလောက်သောအာမခံသူများကို လက်ခံ ထားပြီးဖြစ်လျှင် သို့မဟုတ် ထိုအာမခံသူများသည် နောက်ပိုင်းတွင် မလုံလောက်ဖြစ် လာလျှင် တရားရုံးသည် အာမခံဖြင့်လွှတ်ထားသူကို ရှေ့သို့ ခေါ်ဆောင်လာရန် ညွှန်ကြားချက်ဖြင့် လူဖမ်းဝရမ်းတစ်စောင် ထုတ်ပေးနိုင်သည်။ ထို့ပြင် ထိုသူကို လုံလောက်သောအာမခံသူများရှာပေးရန် အမိန့်ချမှတ်နိုင်သည်။ ထိုသူက ညွှန်ကြား ချက်အတိုင်းဆောင်ရွက်ရန်ပျက်ကွက်ခဲ့သော် ၄င်းအားအကျဉ်းထောင်သို့ပို့နိုင်ပါသည်။
ခံဝန်အသစ်ချုပ်ဆိုရန် တောင်းဆိုနိုင်သည့်အာဏာ
xxxxxxxxxxxxxxxxxxxxxxxxxxxxxxxxပြစ်မှုဆိုင်ရာကျင့်ထုံးဥပဒေပုဒ်မ ၅၁၄က အရ အောက်ပါအခြေအနေ (၃)ရပ် တွင် အာမခံအသစ်တင်သွင်းရန် ဆင့်ဆိုနိုင်ပါသည်။
(၁) အာမခံသူသည် လူမွဲအဖြစ် ခံယူသွားခြင်း
(၂) အာမခံသူ သေဆုံးခြင်း
(၃) ကျင့်ထုံးပုဒ်မ ၅၁၄ ပါ ပြဌာန်းချက်များအရ ခံဝန်ချုပ်ကို သိမ်းယူခြင်း
++++++++++++++++++++++++++
ရုံးပြောင်းသည့်အခါ ခံဝန်ချုပ်အသစ်တစ်ရပ် ပြန်လည်ပြုလုပ်ရခြင်း
xxxxxxxxxxxxxxxxxxxxxxxxxxxxxxxxရုံးရှေ့သို့ တရားခံလာရောက်ရန်အတွက် ခံဝန်ချုပ်ချုပ်ဆိုထားခြင်းဖြစ်လျှင် အမှုကို အခြားတရားရုံး တစ်ရုံးရုံးသို့ လွှဲပြောင်းသည့်အခါ မူလချုပ်ထားသည့် ခံဝန်ချုပ်မှာ အကျိုးသက်ရောက်ပြီးဖြစ်သည့်အတွက် ခံဝန်ချုပ်တာဝန်မှ ခံဝန်သူများ သည်ကင်းလွတ်သွားပါသည်။ ခံဝန်ချုပ်ဆိုထားသည့် ရုံးရှေ့ဖြစ်စေ၊ လွှဲပြောင်းပေးခြင်း ခံရသည့် ရုံးရှေ့ဖြစ်စေ တရားခံမလာသည့်အကြောင်းကြောင့် ခံဝန်ချုပ်အရ အရေးယူ ၍ မရတော့ပါ။ မောင်ငယ် နှင့် အစိုးရ (အတွဲ - ၂ ၊ ရန်ကုန်၊ စာ ၅၈၁) တွင် ကြည့်ပါ။
တရားရုံးများလက်စွဲအပိုဒ် ၅၂၁(၂)တွင် ခံဝန်ချုပ်ကို ကျနသေချာစွာ အဓိပ္ပါယ်ကောက်ယူရမည်။ ထို့ပြင် အမှုကို လွှဲပြောင်းပေးလိုက်သည့် တရားရုံးသို့ လာရောက်ခြင်း မရှိသည့်အချက်၌ ထိုတရားရုံးသို့ လာရောက်ရန်တာဝန်ကို ထိုခံဝန်ချုပ်တွင် သီးခြားဖော်ပြထားခြင်းမရှိလျှင် ခံဝန်ချုပ်ပါငွေကို ဘဏ္ဍာတော် အဖြစ် သိမ်းယူခြင်းမပြုနိုင်။ သို့ဖြစ်၍ အမှုတခုခုကို လွှဲပြောင်းလိုက်သောအခါ တရားခံမှာ ခံဝန်နှင့်ရှိနေလျှင် အမှုကိုလွှဲပြောင်းလိုက်သော တရားရုံးသို့လာရောက်စေရန် ခံဝန်ချုပ် အသစ်တစ်ရပ်ကို သာမန်အားဖြင့် ၄င်း တရားခံထံမှ ရယူရမည် ဟု ဖော်ပြထားပါ သည်။ ထို့ကြောင့် ရုံးပြောင်းသည့်အခါ ခံဝန်ချုပ်အသစ်ကိုထပ်မံချုပ်ဆိုရန်လိုအပ်မည် ဖြစ်ပါသည်။
++++++++++++++++++++++++++
အာမခံသူက အာမခံကိုပြန်လည်ရုပ်သ်ိမ်းခြင်း။
xxxxxxxxxxxxxxxxxxxxxxxxxxxxxxxxပြစ်မှုဆိုင်ရာကျင့်ထုံးဥပဒေပုဒ်မ ၅၀၂(၁)အရ အာမခံပေးထားသူ အားလုံးက ဖြစ်စေ၊ တစ်ဦးတစ်ယောက်ကဖြစ်စေ ခံဝန်ချုပ်ကိုဖျက်သိမ်းပေးရန် လျှောက်ထားနိုင် ပါသည်။ ယင်းသို့လျှောက်ထားလာသည့်အခါ တရားခံ ရုံးရှေ့မရှိပါက တရားခံကို ရုံးရှေ့ခေါ်လာစေရန် ကျင့်ထုံးပုဒ်မ ၅၀၂(၂)အရ လူဖမ်းဝါရမ်း ထုတ်ရပါမည်။
တရားခံ ရုံးရှေ့ရောက်လာသည့်အခါမှ ကျင့်ထုံးပုဒ်မ၅၀၂(၃)အရ ခံဝန်ချုပ်ကို ဖျက်သိမ်းရန် ရာဇ၀တ်တရားသူကြီးက ညွှန်ကြားရမည်ဖြစ်ပါသည်။
ထို့နောက် တရားသူကြီးက တရားခံကို အခြားလုံလောက်သော အာမခံသူ များရှာပေးရန်တောင်းဆိုရမည်ဖြစ်ပြီး တရားခံကလိုက်နာဆောင်ရွက်ရန် ပျက်ကွက် ပါက အချုပ်သို့ပို့နိုင်ပါသည်။
++++++++++++++++++++++++++
အာမခံဖောက်ဖျက်မှုအတွက် ပြစ်မှုဆိုင်ရာအထွေထွေမှုဖွင့်ရခြင်း။
xxxxxxxxxxxxxxxxxxxxxxxxxxxxxxxxအာမခံဖောက်ဖျက်မှုအတွက် ပြစ်မှုအသေးမှု (ပြစ်မှုဆိုင်ရာအထွေထွေမှု) ဖွင့်ရန်ဖြစ်ပါသည်။ ယင်းပြစ်ထွေမှုတွင် ပြည်ထောင်စုသမ္မတမြန်မာနိုင်ငံတော်က လျှောက်ထားသူဖြစ်ပြီး အာမခံသူများက လျှောက်ထားခံရသူများအဖြစ် ဖော်ပြရေးဖွင့် ရန်ဖြစ်ပါသည်။
အာမခံဖောက်ဖျက်မှုကို စီရင်ပိုင်ခွင့်ရှိသော တရားသူကြီး။
xxxxxxxxxxxxxxxxxxxxxxxxxxxxxxxxပြစ်မှုဆိုင်ရာကျင့်ထုံးဥပဒေ ပုဒ်မ ၅၁၄ အရ ခံဝန်ချုပ်ရယူခဲ့သည့် တရားရုံး သည် မိမိပေးထားသောခံဝန်ကို ဖောက်ဖျက်မှုအတွက် မိမိကိုယ်တိုင် အရေးယူ၍ ရပါသည်။ ဆိုလိုသည်မှာ မိမိရုံးကို မလာသည့်ကိစ္စတွင် မိမိကိုယ်တိုင် အမှုဖွင့်ပြီး အရေးယူနိုင်ပါသည်။ အဆိုပါတရားသူကြီးသည် ပထမတန်းအာဏာရဖြစ်စေ၊ ဒုတိယ တန်းအာဏာရ ဖြစ်စေ၊ တတိယတန်းအာဏာရဖြစ်စေ အရေးယူနိုင်ပါသည်။
တရားရုံးများလက်စွဲအပိုဒ် ၅၂၁(၁)တွင် ခံဝန်ချုပ်မှာ သူတစ်ဦးတစ်ယောက် တရားရုံးရှေ့သို့ လာရောက်ရန်ဖြစ်လျှင် ထိုတရားရုံးကသာလျှင် ခံဝန်ချုပ်ကို ဘဏ္ဍာ တော်အဖြစ် သိမ်းယူကြောင်းကျေညာနိုင်သည်ဟု ပြဌာန်းထားပါသည်။
သို့ရာတွင် ပထမတန်းအာဏာရ ရာဇ၀တ်တရားသူကြီးသည် တရားရုံး တစ်ရုံးရှေ့ရောက်ရှိရန်အတွက် အခြားသူက (၀ါ) အခြားရုံးက ချုပ်ဆိုသည့် ခံဝန်ကို ဖောက်ဖျက်မှုကို အရေးယူဆောင်ရွက်နိုင်သည်ကို သတိချပ်ရန်ဖြစ်ပါသည်။
အာမခံသူများ၏ ခံဝန်ချုပ်အပေါ် တာဝန်ရှိမှုအတိုင်းအတာ။
xxxxxxxxxxxxxxxxxxxxxxxxxxxxxxxxဦးမြကြီးပါ ၂ နှင့် ပြည်ထောင်စုမြန်မာနိုင်ငံ (၁၉၅၉၊ မတစ၊ လွှတ်တော်၊ စာ -၁၆၀) အမှုတွင် ခံဝန်ချုပ်မှာ ငွေ ၅၀၀ိ အတွက်ဖြစ်ရင် လက်မှတ်ရေးထိုးသူ တရားခံ နှင့် အာမခံသူ (၂)ဦး စုစုပေါင်း (၃)ဦးသည် အတူတကွသော်လည်းကောင်း၊ အသီး အခြားသော်လည်း စုစုပေါင်း ၅၀၀ိ အတွက် တာဝန်ရှိပြီး ထိုပမာဏထက်မပိုကြောင်း အောက်ပါအတိုင်းဆုံးဖြတ်သည်။
That the bond was one for the sum of K 500 and that all the three signatories i.e, the accused Maung Aung Khin, applicants U Mya Gyi and U Tha Lun were jointly and severally liable for a total sum of K 500 and no more.
မာမက်အာလမ်ပါ ၂ ဦး နှင့် ပြည်ထောင်စုဆိုရှယ်လစ်သမ္မတမြန်မာနိုင်ငံတော် (၁၉၈၁၊ မတစ၊ စာ - ၉၄) အမှုတွင်
တရားခံအား အာမခံပေး၍ ပြစ်မှုဆိုင်ရာကျင့်ထုံး ဥပဒေပုဒ်မ ၄၉၆ နှင့် ၄၉၉ တို့အရ ခံဝန်သူများနှင့် ခံဝန်ချုပ်ဆိုရာတွင် ခံဝန်ပြုသည့် ငွေအရေအတွက်ကို ခံဝန်သူများအနက် တစ်ဦးတည်းကဖြစ်စေ၊ ခံဝန်သူများ အတူ တကွ စုပေါင်း၍ဖြစ်စေ ဆုံးရှုံးခံရန်သာဖြစ်ကြောင်း အောက်ပါအတိုင်းဆုံးဖြတ်သည်။
" တရားခံတစ်ဦးအား ရုံးချိန်းရက်တွင် တရားရုံးရှေ့မှောက်သို့ လာ ရောက်ရန်အတွက် တရားရုံးက တရားခံအား အာမခံပေး၍ ပြစ်မှုဆိုင်ရာ ကျင့်
ထုံးဥပဒေပုဒ်မ ၄၉၆ နှင့် ၄၉၉ တို့အရ ခံဝန်သူများဖြင့် ခံဝန်ချုပ်ဆိုစေရာ
တွင် သတ်မှတ်ထားသည့်ခံဝန်ပုံစံ၌ ခံဝန်ပြုသည့်ငွေအရေအတွက်ကို တရားခံ၏ပျက်ကွက်မှုတွင် အတူတကွဖြစ်စေ၊ သီးခြားဖြစ်စေ ဆုံးရှုံးခံပါမည် ဟုဖော်ပြ၍ လက်မှတ်ရေးထိုးကြရပေသည်။ ထိုခံဝန်ချုပ်ပေါ်တွင် ဖော်ပြ ထားသော ခံဝန်ပြုသည့် ငွေအရေအတွက်ကို ပျက်ကွက်မှုအတွက် ဆုံးရှုံးခံ ပါမည်ဟု တရားခံကိုယ်တိုင်ကလည်းခံဝန်ချုပ်ဆို၍ လက်မှတ်ရေးထိုးရပေ သည်။ ခံဝန်ပြုသည့် ငွေအရေအတွက်ကို ခံဝန်သူများက အတူတကွဖြစ်စေ၊ သီးခြားဖြစ်စေဆုံးရှုံးခံပါမည်ဟုဆိုရာတွင် ယင်းငွေအရေအတွက်ကို ခံဝန်သူ များအနက် တစ်ဦးတည်းကဖြစ်စေ၊ ခံဝန်သူများစုပေါင်း၍ အတူတကွဖြစ်စေ၊ ဆုံးရှုံးခံရန်သာဖြစ်ပေသည်။ အလားတူပင် ခံဝန်ချုပ်တွင် လက်မှတ်ရေးထိုး ထားသည့် တရားခံကိုယ်တိုင်ကလည်း ခံဝန်ပြုသည့် ငွေအရေအတွက် ဆုံးရှုံး ခံရန်တာဝန်ရှိပေသည်။ လျှောက်ထားသူ(၁)မာမက်အာလမ်နှင့် လျှောက် ထားသူ(၂)ရရှစ်တို့သည် တရားခံ မူဆာအာလီ၏ပျက်ကွက်မှုအတွက် ခံဝန် ချုပ်အရ ခံဝန်ပြုသော ငွေကျပ် ၃၀၀၀ိ/- ကိုသာ တစ်ဦးချင်း ဖြစ်စေ၊ နှစ်ဦး ပေါင်း၍ဖြစ်စေပေးလျော်ရန်တာဝန်ရှိပေသည်။ တစ်ဦးလျှင် ငွေကျပ် ၃၀၀၀ိ/- စီ၊ စုစုပေါင်းငွေကျပ် ၆၀၀၀ိ/- ပေးလျော်ရန် တာဝန်ရှိသည် မဟုတ်ပေ။"
တရားရုံးများလက်စွဲအပိုဒ် ၅၂၃ တွင်လည်း
ခံဝန်ချုပ်ပါ ဒဏ်ကြေးအားလုံးကို ဖြစ်စေ၊ အချို့အ၀က်ကိုဖြစ်စေ၊ ခံဝန်ချုပ်ချုပ် ချုပ်ဆိုသည့် အရင်းခံ လူထံမှဖြစ်စေ၊ ခံဝန်သူတစ်ဦးဦးထံမှဖြစ်စေ တောင်းခံနိုင်သည်။ သို့ရာတွင် စုစုပေါင်း ခံဝန်ချုပ်တွင် ဖော်ပြထားသော ဒဏ်ကြေးငွေထက်ပို၍ မတောင်းခံနိုင်ကြောင်း ပြဌာန်းထားပါသည်။
သို့ဖြစ်ရာ ခံဝန်ချုပ်ကို ကျပ် ၁၀သိန်းဖြင့် ပြုလုပ်ထားလျှင် ခံဝန်ဖောက်ဖျက် သည့်အခါ ယင်း ခံဝန်ငွေ ၁၀သိန်းကို တရားခံ နှင့် အာမခံသူနှစ်ဦး တို့ထံမှ စုစုပေါင်း ကျပ် ၁၀သိန်းကိုသာ ခံဝန်ဖောက်ဖျက်မှုအတွက် တောင်းခံခွင့်ရှိပါသည်။ တစ်ဦးစီထံမှ ကျပ် ၁၀ သိန်း တောင်းခံရန် မဟုတ်။ ထို ၁၀ သိန်း ကို တစ်ဦးတည်းထံမှ တောင်းခံနိုင် သကဲ့သို့ သုံးဦးလုံးထံမှလည်း မျှ၍ တောင်းခံနိုင်ပါသည်။
ခံဝန်ချုပ်ပါငွေပမာဏကို လျော့ပေါ့ပေးနိုင်ခွင့်အာဏာ
xxxxxxxxxxxxxxxxxxxxxxxxxxxxxxxxပြစ်မှုဆိုင်ရာကျင့်ထုံးဥပဒေပုဒ်မ ၅၁၄(၅) အရ တရားရုံးသည်မိမိသဘော
အတိုင်း ခံဝန်ချုပ်တွင် ဖော်ပြပါရှိသော ဒဏ်ကြေးအချို့အ၀က်ကို လွတ်ငြိမ်းချမ်းသာ ခွင့်ပြု၍ တစ်စိတ်တစ်ဒေသကိုသာ ပေးဆောင်စေရန် အတင်းအကြပ် တောင်းဆိုနိုင် ပါသည်။
ဒဏ်ကြေးကို ပေးဆောင်ပါက ခံဝန်ချုပ်၏ တာဝန်ကင်းလွတ်ခြင်း
xxxxxxxxxxxxxxxxxxxxxxxxxxxxxxxxတရားရုံးများလက်စွဲအပိုဒ် ၅၂၂ တွင် ခံဝန်ချုပ်ပါ ဒဏ်ကြေးကိုပေးဆောင်ပြီး ဖြစ်သောအခါ ခံဝန်ချုပ်သည်တာဝန်မှကင်းလွတ်သည်။ ထို့ပြင် ပုဒ်မ၅၁၄၊ ပုဒ်မခွဲ(၅) အရ ခံဝန်ချုပ်ပါ ဒဏ်ကြေးအချို့အ၀က်ကို လွတ်ငြိမ်းချမ်းသာခွင့် ပြုသည်ဖြစ်စေ၊ မပြု သည်ဖြစ်စေ ခံဝန်ချုပ်ချုပ်ဆိုသည့် အရင်းခံလူအပေါ်၌သော်၎င်း၊ ခံဝန်သူများအပေါ်၌ သော်၎င်း တာဝန်ထပ်မံတင်ခြင်းမရှိချေ ဟု ပြဌာန်းထားပါသည်။
အာမခံသူက ခံဝန်ငွေကို ပေးလျော်ရန်ပျက်ကွက်လျှင် အရေးယူနိုင်သော ပစ္စည်း
ပြစ်မှုဆိုင်ရာကျင့်ထုံးဥပဒေပုဒ်မ ၅၁၄(၂)တွင် ခံဝန်သူသည် ဒဏ်ကြေးကို မပေးဆောင်ခဲ့လျှင် ထိုသူပိုင် ရွှေ့ပြောင်းနိုင်သောပစ္စည်းကိုရောင်းချရန်သာ အာဏာ အပ်နှင်းထားပါသည်။ အာမခံသူ၏ ရွှေ့ပြောင်းနိုင်သောပစ္စည်းကို ၀ရမ်းထုတ်ဆင့်၍ ရောင်းချပြီး ဒဏ်ကြေးငွေကိုရယူရန်ဖြစ်ပါသည်။
မည်သည့်နည်းနှင့်မျှ ဒဏ်ကြေးမရလျှင် ဆောင်ရွက်ရန်နည်းလမ်း
xxxxxxxxxxxxxxxxxxxxxxxxxxxxxxxxပြစ်မှုဆိုင်ရာကျင့်ထုံးဥပဒေပုဒ်မ ၅၁၄(၄)အရ အာမခံသူက ဒဏ်ကြေးကို မပေးသည့်အပြင် ၀ရမ်းကပ်၍ ရောင်းချခြင်းဖြင့်လည်း ထိုဒဏ်ကြေးကို မရရှိနိုင်လျှင် အာမခံသူကို တရားမထောင်၌ (၆)လအထိ ကျခံစေရမည် ဖြစ်ပါသည်။
ပြစ်မှုဆိုင်ရာကျင့်ထုံးဥပဒေပုဒ်မ ၅၁၄ အရ အရေးယူဆောင်ရွက်ထားသောအမှုတွင် တရားခံရုံးရှေ့ရောက်လာလျှင် ခံဝန်သူများအပေါ် ဆက်လက်ဆောင်ရွက်ရန် နည်းလမ်း။
ရက်ချိန်းပျက်သောနေ့အတွက် အာမခံသူများမှာတာဝန်ရှိပါသည်။သို့ရာတွင် တရားခံရောက်လာလျှင် အာမခံပေးထားသူအပေါ် ဆက်လက်အရေးယူရန်အကြောင်း မရှိတော့သဖြင့် အမှုကိုပိတ်သင့်ပါသည်။
သို့ရာတွင် ပြစ်မှုဆိုင်ရာကျင့်ထုံးဥပဒေပုဒ်မ ၅၁၄ နှင့် အာမခံသူများအား ခံဝန်ငွေပေးလျော်ရန် ချမှတ်လိုက်ပြီးနောက်တွင်မှ တရားခံ ရောက်ရှိလာခြင်းဖြစ်ပါမူ ချမှတ်ထားသောအမိန့်ကို ပြင်ဆင်ခွင့်ရှိမည် မဟုတ် ပါ။ အထက်ရုံး အနေဖြင့် လျှော့ပေးသင့်မသင့်စဉ်းစားရန် လုံလောက်သောအကြောင်း တစ်ရပ်သာဖြစ်ပါသည်။ (ဆရာဦးမြ ၊ သောင်းပြောင်းထွေလာဥပဒေပြသနာ အမှတ် - ၈ ၊ စာ -၂၆၉)
Xxxxxxxxxxxxxxxxxxxxxxxxxxxxxxxxxxx
လေးစားစွာဖြင့်
TUN MYO HTAY
