မေနွယ်အေး
တရားရေးမဏ္ဍိုင်ကြံ့ခိုင်ရေးသည် နိုင်ငံတော်အတွက် အရေးကြီးသလို အမှန် တရားကိုချစ်မြတ်နိုးသည့် ပြည်သူ၊ ပြည်သားအားလုံး လိုလားတောင့်တသည့် အရာလည်း ဖြစ်သည်။ ပြည်ထောင်စုလွှတ်တော်၌ ကျင်းပသည့် ကတိသစ္စာ ပြုပွဲအခမ်းအနား၌ နိုင်ငံတော်သမ္မတ ဦးဝင်းမြင့် ပြောကြားသည့် မိန့်ခွန်းတွင် ပြည်ထောင်စုအစိုးရအဖွဲ့၏ ဦးစားပေးရည်မှန်းချက်ပန်းတိုင်တစ်ခုမှာ တရား ဥပဒေစိုးမိုးရေးဖြစ်ကြောင်း၊ ယိမ်းယိုင်နေသည့် တရားစီရင်ရေးကို တည့်မတ် ရမည်ဖြစ်ကြောင်း ပြောကြားခဲ့သည်။ တရားဥပဒေစိုးမိုးရေးအတွက် တရား မျှတမှုဆိုင်ရာ ပေါင်းစပ်ညှိနှိုင်းရေးညီလာခံတွင် နိုင်ငံတော်၏အတိုင်ပင်ခံ ပုဂ္ဂိုလ်ကလည်း ''တရားမျှတမှုရရှိရေးအတွက် တရားစီရင်ရေးစနစ်နဲ့ တရားရုံး တွေဟာ အားကောင်းခိုင်မာဖို့ လိုအပ်ပါတယ်''ဟု ပြောကြားခဲ့သည်။
မိမိအနေဖြင့်လည်း ပြည်သူတစ်ဦးအနေဖြင့် တရားစီရင်ရေးမဏ္ဍိုင်ကို ကြံ့ခိုင်စေချင်ပါသည်။ ဒါမှသာ အေးချမ်းလုံခြုံသော လူမှုပတ်ဝန်းကျင်တွင် စိတ်ချလုံခြုံစွာနေထိုင်နိုင်မည် ဖြစ်သည်။ တရားရေးမဏ္ဍိုင်ကြံ့ခိုင်၍ မျှတပြီး ဘက်မလိုက်သည့် မှန်မှန်နှင့် မြန်မြန် တရားစီရင်ရေးစနစ်ဖြစ်မှသာ ပြည်သူ များအနေဖြင့် ယုံကြည်ကိုးစား စိတ်ချလာမည်ဖြစ်သည်။ တရားရေးမဏ္ဍိုင်ကို ပြည်သူက အားကိုးလာသည်နှင့်အမျှ မတရားမှုများကို ဥပဒေပြင်ပကမရှင်းဘဲ တရားရုံးများကို အားကိုးအားထားပြု ဖြေရှင်းဆောင်ရွက်ကြမည် ဖြစ်သည်။ တရားရေးမဏ္ဍိုင်ကြံ့ခိုင်ရန်အတွက် စဉ်းစားရာတွင် တရားရုံးရှေ့မှောက်၌ ဘာတွေဖြစ်နေလဲဟု သိရန်လိုသည်။ မည်သည့်ကိစ္စမဆို အနာသိလျှင် ဆေးရှိ သည်။ ပထမဦးစွာ အနာသိအောင် ရှာရမည်ဖြစ်သည်။ အနာသိလျှင် ဆေးရှိ ပြီးသားဖြစ်က ထိုဆေးကို သုံးရမည်။ ဆေးမရှိသေးက ဖော်ရမည်ဖြစ်သည်။
ပြည်သူများသည် ရဲစခန်းနှင့် တရားရုံးများသို့သွားရန် ကြောက်ကြသည်။ အမှုအခင်းဖြစ်လျှင် အလုပ်ပျက်၊ ငွေကုန်၊ အချိန်ကုန်ကြသည့်အပြင် လူမှုရေး ပြဿနာများလည်း ပေါ်ပေါက်ကြ၍ ရဲစခန်းနှင့် တရားရုံးသို့ မသွားလိုကြပေ။ မတတ်သာ၍သာ သွားကြသည်။ တရားရုံးသို့ ကြိမ်ဖန်များစွာသွားလျှင် မလိုလား အပ်သောပြဿနာ ပို၍ပေါ်ပေါက်ပြီး ပို၍ပျက်စီးရခြင်းမျိုးလည်း ရှိသည်။ ထို့ကြောင့် ပြည်သူများသည် မတတ်သာ၍ အမှုအခင်းဖြစ်ကြလျှင်လည်း အမှုများကို မှန်မှန်နှင့်မြန်မြန် ပြီးချင်ကြသည်။
တရားစီရင်ရေးတွင် လက်တွေ့လုပ်ဆောင်နေသည်များကို သိရှိနိုင်ရန် တရားရုံးများသို့ အခါအားလျော်စွာသွားရောက်လေ့လာခဲ့သည်။ ထိုသို့ လေ့လာ ရာ၌ မှန်ကန်မြန်ဆန်သည့် တရားစီရင်ရေးစနစ်ဖြစ်စေရန် ပါဝင်ပတ်သက် နေသူများအားလုံးက ကြိုးပမ်းဆောင်ရွက်သင့်ကြောင်း လေ့လာမိသည်။ တရားစီရင်ရေးမဏ္ဍိုင်ဆိုသည်နှင့် တရားရုံးများနှင့် တရားရေးဝန်ထမ်းများကိုသာ မြင်မိ၍ မရပေ။ တရားစွဲအဖွဲ့အစည်းများဖြစ်သည့် ဥပဒေအရာရှိများ၊ စီမံ ခန့်ခွဲရေးဆိုင်ရာ အစိုးရဌာနအဖွဲ့အစည်းများနှင့် ရဲတပ်ဖွဲ့ဝင်များလည်း ပါဝင်သလို ပြင်ပရှေ့နေများလည်း ပါဝင်မည်ဖြစ်သည်။ ထို့ပြင် အမှုသည်များနှင့် သက်သေများသည်လည်း တရားရုံးရှေ့မှောက်၌ မှန်မှန်ကန်ကန် ရိုးရိုးသားသား ထွက်ဆိုချက်ပေးကြလျှင် တရားရေးမဏ္ဍိုင် ကြံ့ခိုင်လာမည် ဖြစ်သည်။
တရားစီရင်ရာတွင် သက်သေထွက်ဆိုသူများသည် အရေးပါသည့် အခန်း ကဏ္ဍက ပါဝင်သည်။ သက်သေများတွင် တရားလိုပြသက်သေ၊ တရားခံပြ သက်သေနှင့် အစိုးရသက်သေတို့ပါဝင်ပြီး အရည်အချင်းပြည့်ဝသည့် သက်သေ ဖြစ်ရန်လိုသလို အမှန်တရားကိုလည်း ထွက်ဆိုနိုင်ရမည်။ တရားရုံးက သက်သေ များကို ဆင့်ခေါ်ရာ၌ မပျက်မကွက် မှန်မှန်ကန်ကန် လာရောက်ထွက်ဆိုခြင်းသည် တရားရေးမဏ္ဍိုင်ကြံ့ခိုင်ရေးအတွက် အထောက်အကူပြုခြင်းဖြစ်သည်။ အမှုများ မှန်မှန်နှင့် မြန်မြန်ပြီးမြောက်စေရန်အတွက် တရားရုံးက ချိန်းဆိုသည့်နေ့တွင် သက်သေများ လာရောက်ရန်လိုသည်။ ရုံးသို့မလာရောက်ခြင်းသည် တရားရုံးကို မလေးစားရာရောက်သည်။ သက်သေမလာ၍ တရားစီရင်ရာတွင် နှောင့်နှေး ကြန့်ကြာပါက မျှော်မှန်း၍မရသည့် ဆုံးရှုံးမှုများပေါ်ပေါက်လာနိုင်သည်။
တရားရုံးများ၌ ဝန်ထမ်းသက်သေများကို ဆင့်ခေါ်ရာတွင် တစ်ခါတစ်ရံ၌ အခက်အခဲရှိကြောင်း လေ့လာသိရှိခဲ့ရသည်။ အချို့သော ပြစ်မှုများတွင် ဝန်ထမ်းသက်သေများကို စစ်ဆေးရန် ပျက်ကွက်၍မရပေ။၎င်းတို့၏ထွက်ဆို ချက်သည် အမှုတွင် အရေးပါသည်။ ဝန်ထမ်းများအနေဖြင့် လုပ်ငန်းများ မအားလပ်သည့်အတွက် လာရောက်နိုင်ခြင်းမရှိသည်မှာ မှန်သော်လည်း တရားရုံးဘက်မှကြည့်လျှင် အရေးကြီးသည့် သက်သေလာရောက်ခြင်းမရှိသည့် အတွက် ၎င်းတို့အားစောင့်ရသည့် အချိန်ကြာသည်ဟု ယူဆနိုင်သည်။ ယခု နောက်ပိုင်းတွင် ဝန်ထမ်းသက်သေများကို ဆင့်ခေါ်ရာ၌ လာရောက်ရန် ပျက်ကွက်လိုလျှင် သက်ဆိုင်ရာအထက်အဆင့်ဆင့်က တာဝန်ခံလက်မှတ်ရေးထိုး မှသာ တရားရုံးက ခွင့်ပြုကြောင်း သိရသည်။ ထို့ကြောင့် ဝန်ထမ်းသက်သေများကို ဆင့်ခေါ်ရာတွင် သက်ဆိုင်ရာဌာနအဖွဲ့အစည်းများအနေဖြင့် ဝိုင်းဝန်းကူညီ ဆောင်ရွက်ပေးကြစေလိုကြောင်း တရားရုံးများက ဆန္ဒရှိသည်။
ထပ်မံလေ့လာခဲ့ရသည်မှာ ရှေ့နေများ၏ အခန်းကဏ္ဍဖြစ်သည်။ ရှေ့နေ များအား ရှေ့နေပညာကို နည်းစနစ်ကျစွာ သင်ကြားပေးသည့် သင်တန်းများ မရှိခြင်းသည်လည်း တရားစီရင်ရေးလုပ်ငန်းစဉ်အတွက် အခက်အခဲတစ်ခု ဖြစ်ကြောင်း သိရသည်။ နည်းစနစ်ကျသည့် ဥပဒေအကျိုးဆောင်များထံမှ သင်ကြားခဲ့သည့် ရှေ့နေများသည် ကျင့်ဝတ်များနှင့် လုပ်ထုံးလုပ်နည်းများကို ကောင်းစွာနားလည်ပြီး စနစ်တကျဆောင်ရွက်နိုင်ကြသည်။ သို့သော် ထိုသို့ သင်ကြားခြင်း မခံရပါက တရားစီရင်ရေးလုပ်ငန်းတွင် နည်းလမ်းမကျမှုများ ပေါ်ပေါက်တတ်ကြောင်း သိရသည်။ ယခုနောက်ပိုင်းတွင် ရှေ့နေပညာရပ်ကို စနစ်တကျ သင်ကြားပေးသည့် သင်တန်းများပေါ်ပေါက်လာပြီဟု သိရှိရသည့် အတွက် တရားရေးမဏ္ဍိုင်ကြံ့ခိုင်လာတော့မည့် နိဒါန်းပင်ဖြစ်သည်။
ထို့ပြင် တရားသူကြီးများ၊ တရားစီရင်ရေးနှင့် သက်ဆိုင်နေသည့် ဝန်ထမ်း များအနေဖြင့်လည်း အရည်အချင်းပြည့်ဝပြီး စိတ်စေတနာမှန်ကန်ရန် လိုအပ် သည်။ တရားရေးမဏ္ဍိုင်ကြံ့ခိုင်ရေးအတွက် တာဝန်ရှိသူများအားလုံးနှင့် ပါဝင် ပတ်သက်နေသူများအားလုံးသည် မိမိတို့လုပ်ဆောင်ရမည့်ကိစ္စရပ်များကို အဂတိကင်းစွာ ကြိုးစားလုပ်ဆောင်ကြပြီး ပူးပေါင်းဆောင်ရွက်ရမည့် ကိစ္စရပ် များကိုလည်း အတူတကွပူးပေါင်းဆောင်ရွက်ကြရမည် ဖြစ်သည်။
နိဂုံးချုပ်အားဖြင့် တရားရေးမဏ္ဍိုင်ကြံ့ခိုင်ရေးအတွက် နိုင်ငံတော်သမ္မတ နှင့် နိုင်ငံတော်၏အတိုင်ပင်ခံပုဂ္ဂိုလ်တို့က အထူးအလေးထားပြောကြားသလို လက်တွေ့တွင်လည်း တရားရုံးများ၊ တရားရုံးဖြင့် အသက်မွေးဝမ်းကျောင်း ပြုသူများက ပြုပြင်ပြောင်းလဲမှုများ လုပ်ဆောင်နေသည်ကို တွေ့ရှိရသည်။ ထို့ကြောင့် ပါဝင်ပတ်သက်သူအားလုံးက တစိုက်မတ်မတ် အရှိန်အဟုန်ဖြင့် လုပ်ဆောင်ကြလျှင်ဖြင့် တရားရေးမဏ္ဍိုင်ကြံ့ခိုင်လာမည်မှာ မလွဲဧကန်ပင် ဖြစ်သည်။ ။
မြန်မာ့အလင်း
