တရားစီရင်ရေးမဏ္ဍိုင် တည့်မတ်နိုင်ရန်အတွက် အမှုသည်များ၊ သက်သေ များ၊ တရားရုံးနှင့် တစ်နည်းနည်းသက်ဆိုင် နေသူများကလည်း ပူးပေါင်းဆောင်ရွက်ရမည်ဖြစ်သည်။
တရားမျှတမှုကို သန့်ရှင်းသောလက်ဖြင့် တောင်းခံရန် လိုအပ်ပေသည်။ သန့်ရှင်းသောလက်ဖြင့် မတောင်းခံခြင်းကြောင့် ဥပဒေနှင့်ညီသော်လည်း တရား မျှတမှု နှင့် အလှမ်းဝေးနေရသည့် သာဓကတစ်ခု တင်ပြလိုပါသည်။
တရားရုံးများတွင် တရားမမှုများ၌ အများဆုံးတွေ့ရှိရသည့် အမှုများမှာ အတိုးဖြင့် ငွေချေးမှုများဖြစ်သည်။ ဥပဒေအရ ငွေတိုးချေးစားသည့်လိုင်စင် မရှိသူများ သည် အတိုးဖြင့် ငွေချေးငှါးပေးနိုင် ခြင်း မရှိပေ။ ထိုအချက်ကို ငွေချေးပေးသူ များက သိရှိကြပြီး ငွေချေးယူသူအချို့ကလည်း သိရှိကြသည်။ သို့ရာတွင် ငွေချေးယူသူများက ငွေချေးပေးသူအလိုကျ အရပ် စာချုပ်များချုပ်ဆိုပေးခြင်း၊ စာချုပ်အလွတ်များပေါ်တွင် လက်မှတ်ရေးထိုးပေးခြင်းတို့ ပြုလုပ်ကြသည်။ ထိုသို့ချုပ်ဆိုရာတွင် ငွေချေးစဉ်က ငွေကျပ် (၂၀) သိန်းချေးယူခဲ့သော် လည်း (၃) နှစ်ခန့် အတိုးနှင့်အရင်းမဆပ်နိုင်သည့်အခါ အတိုးအရင်းပေါင်း၍ ငွေကျပ် (၈၀) သိန်း ကို မေတ္တာဖြင့် အတိုးမဲ့ချေးယူခဲ့ခြင်းဖြစ်ကြောင်း လက်မှတ်ရေးထိုး ပေးခဲ့သည်။ ထို့နောက် ငွေရှင်က ၎င်းနှင့်မကင်းရာမကင်းကြောင်းဖြစ်သော သက်သေ (၂) ဦး ကို လက်မှတ်ရေးထိုးစေခဲ့ပြီး ထိုစာချုပ်ကိုအခြေပြု၍ ငွေရလိုမှုဖြင့် တရားစွဲဆိုသည်။ ထိုကိစ္စကို ငွေရှင်ကစာချုပ်ပါအတိုင်း အတိုးမဲ့ချေးယူခြင်းဖြစ်ကြောင်း အမှုတည်ဆောက် တရားစွဲဆိုရာ သက်သေ (၂) ဦး ကလည်း ထောက်ခံထွက်ဆိုကြသည်။
သက်သေခံ ဥပဒေအရ စာရွက်စာတမ်းသက်သေခံချက်ခိုင်လုံလျှင် နှုတ်သက်သေခံချက်ကို ထည့်သွင်း စဉ်းစား၍မရကြောင်း အတိအလင်းပြဋ္ဌာန်းထားသည်။ ထို့ကြောင့် ငွေယူသူ က ငွေများကို အတိုးနှင့်ချေးယူခဲ့ခြင်းဖြစ်ပြီး အတိုးအရင်းပေါင်း၍ စာချုပ်ချူပ်ဆို ထား ခြင်းဖြစ်ကြောင်း ထုချေသော်လည်း စာချုပ်ပါလက်မှတ်မှာ ၎င်း၏ လက်မှတ်ဖြစ်ကြောင်း ပေါ်ပေါက်ပြီး ထိုစာချုပ်ကို ဖြားယောင်းခြင်း၊ သွေးဆောင်ခြင်းနှင့် ခြိမ်းခြောက်ခြင်း ကြောင့် ချုပ်ဆိုခဲ့ခြင်းဖြစ်ကြောင်း မပေါ်ပေါက်လျှင် အမှုတွင် ငွေရှင်ကိုသာ အနိုင်ပေးရ မည်ဖြစ်သည်။
ငွေချေးယူသူက ငွေမပေးနိုင်သောအခါ ငွေရှင်က တရားမဇာရီမှုဖွင့်၍ တောင်းခံလေသည်။ သို့သော်လည်းမပေးဆပ်နိုင်သောကြောင့် ငွေချေးယူသူ ပိုင်ဆိုင်သည့် ငွေကျပ် (၂၅၀) သိန်းခန့်တန်သည့် အိမ်နှင့်မြေကို လေလံတင် ရောင်းချ ပေးရန် လျှောက်ထားရာ တရားရုံးက ဥပဒေနှင့်အညီ ငွေကျပ် (၂၅၀) သိန်းကျပ်နှင့် လေလံတင် ရောင်းချရန်စီစဉ်ခဲ့သည်။ မြန်မာတို့၏ဓလေ့အရ အမှုဖြစ်နေသောပစ္စည်းကို မဝယ်ယူလို သဖြင့် ဝယ်ယူသူမရှိ၍လည်းကောင်း၊ ပိုင်ရှင်က ဝယ်ယူလျှင် သတ်ပစ်မည်ဟု ကြိမ်းဝါး၍လည်းကောင်း ဝယ်ယူမည့် သူ မရှိ၍ လေလံဈေးကို တဖြည်းဖြည်း လျှော့ချခဲ့ ရာ နောက်ဆုံးတွင် ငွေကျပ် (၇၀) သိန်းအထိ လျှော့ချခဲ့ပြီး ငွေရှင်က ငွေကျပ် (၇၁) သိန်းကျပ်ဖြင့် အကြွေးဖြင့်ခုနှိမ်ကာ ဝယ်ယူခဲ့သည်။
ထို့နောက် အိမ်ကိုလက်ရောက် ပေးအပ်ရန် အမိန့်ထုတ်ဆင့်ခဲ့သော်လည်း မပေးအပ်သဖြင့် အင်အားသုံး ဖယ်ရှားစေခဲ့ရာ ချေးယူသူက ပြန်လည်ခုခံခဲ့သဖြင့် နောက်ဆက်တွဲအမှုများ ထပ်မံဖြစ်ပွားခဲ့ရသည်။ ထိုကဲ့သို့သောအမှုမျိုးတွင် ရှုံးနိမ့်သူက တရားရုံးအား ဆန္ဒပြခြင်းနှင့် အိမ်ကို လက်ရောက်ပေးအပ်ရန်ဆောင်ရွက်ရသူ ဘီလစ်စာရေး အား ကိုယ်ထိလက်ရောက် ရိုက်နှက်ခြင်းတို့ မကြာခဏဖြစ်ပွားကြသည်ကို အများအသိပင်ဖြစ်သည်။
အထက်ပါအမှုကို သာမန်အားဖြင့်ကြည့်ပါက ငွေကျပ် (၂၀) သိန်း ချေးယူ ခဲ့သည်ကို တရားရုံး က မျှတမှုမရှိဘဲ ငွေကျပ် (၂၅၀) သိန်းခန့်တန်သည့် အိမ်ကို ငွေရှင် အား မတရားပေးအပ်သည်ဟု ဆိုနိုင်ပေမည်။ အမှန်တကယ်ဖြစ်ပွားခဲ့သောအမှုဖြစ်ပါသည်။ သို့ရာတွင် ဥပဒေကိုနားလည်သူက တရားရုံး သည် ဥပဒေနှင့်အညီဆောင်ရွက်ခဲ့ သည်ကို သိရှိနိုင်ပါသည်။ သို့ဆိုလျှင် ဥပဒေက မတရား၍လားဟု မေးရန်အကြောင်း ရှိပေသည်။ စာရွက်စာတမ်း သက်သေခံချက်များကို နှုတ်သက်သေခံချက်ဖြင့် ပယ်ဖျက်၍ရမည်ဆိုပါက အမှုများတွင်များစွာရှုပ်ထွေးပြီး အလွယ်တကူဖန်တီး၍ရသော နှုတ်သက်သေခံချက်များကို လိမ်လည်ဖန်တီးလာနိုင်ကာ အမှုဆုံးဖြတ်ရန် ခက်ခဲသွား မည်ဖြစ်သည်။
လူတို့၏သဘောသဘာဝအရ မိမိအပြစ်ကိုမမြင်ဘဲ အခြားသူ၏အပြစ်ကို သာမြင်တတ်ကြသည်။ အထက်ပါအမှုတွင် အတိုးမဲ့ မေတ္တာဖြင့် ချေးပေးခဲ့ခြင်းမရှိကြောင်း ငွေချေးယူသူကသိရှိသော်လည်း ၎င်းကိုယ်တိုင်သဘောတူ၍ စာချုပ်တွင် လက်မှတ်ရေးထိုးပေးခဲ့ခြင်းဖြစ်သည်။ ငွေချေးပေးသူကလည်း စာချုပ်မှာ အဖြစ်မှန်ကို ဖုံးကွယ်၍ချုပ်ဆိုထားခြင်ြး ဖစ်ကြောင်း သိရှိသော်လည်းလိမ်ညာ၍ တရားစွဲသည်။ သက်သေ (၂) ဦးက လည်း မဟုတ်မမှန် ထွက်ဆိုကြသည်။ ထို့ကြောင့် အမှုတွင် ပေါ်ပေါက်ချက်များ အရ ဆုံးဖြတ်ခြင်းဖြစ်၍ ဥပဒေနှင့်ညီသော်လည်း အမှန်တရားနှင့် ကင်းကွာနေ သည်၊ တရားမျှတမှုမရှိဟု ဆိုနိုင်ပေသည်။ ထိုအခြေအနေတွင် တရားစီရင်ရေး ၏ သဘောသဘာဝနှင့် ဥပဒေ၏သဘောသဘာဝကို တတ်သိကျွမ်းကျင်မှု မရှိသော မီဒီယာများသည် သဘောရိုးဖြင့် တရားရုံးကမမှန်မကန်ပြုလုပ် နေသည်ဟု သတင်း ရေးသားမည်ဆိုပါက ပြည်သူများက တရားရုံးများအပေါ် အမြင်စောင်းလာပေမည်။ ထို့ကြောင့် တရားမျှတမှုကို သန့်ရှင်းသောလက်ဖြင့် တောင်းခံရမည်ဆိုသည့် ဆိုရိုး စကား ပေါ်ပေါက်လာခြင်းဖြစ်သည်။
အထက်ပါဖြစ်ရပ်မျိုးကို တရားမမှုဖြင့်မစွဲဆိုဘဲ တရားခံသည် ငွေများကို လိမ်လည်၍ရယူသည်၊ ယုံကြည်အပ်နှံရေးဖောက်ဖျက်သည်ဟု ရဲစခန်းတွင် အမှုဖွင့် တိုင်ကြားပြီး ရဲက ၎င်းတို့တင်ပြသည့်အတိုင်းလက်ခံကာ ဥပဒေအရာရှိ ကလည်း ထိုတင်ပြချက်အတိုင်း အကြံပေး၍ တရားစွဲဆိုသည့်အမှုများလည်း ရှိတတ်ပါသည်။ တရားရုံးကလည်း ၎င်းတို့တင်ပြသည့်အတိုင်းလက်ခံကာ တရားခံကို အပြစ်ပေးမည်ဆို ပါက တရားခံတွင် များစွာနစ်နာရမည်ဖြစ် ပါသည်။ တိုင်ကြားသူတင်ပြသည်ကို သေချာစွာမစစ်ဆေးဘဲ သဘောရိုးနှင့် ဆောင်ရွက်ခြင်းမျိုးရှိသကဲ့သို့ အဂတိတရားတစ်ပါးပါး အရ ဆောင်ရွက်ခြင်းမျိုး လည်း ရှိတတ်ပါသည်။
ထို့ကြောင့် နှစ်ဖက်သက်သေများကလည်း အမှန်ကိုထွက်ဆိုကြရန် လိုအပ် ပေသည်။ မြန်မာတို့၏ဓလေ့အရလည်း အမှန်တရားကိုသိရှိသည့် မျက်မြင် သက်သေများသည် တရားရုံးရှေ့တွင် သက်သေခံရန် ဝန်လေး တတ်ကြသည်။ မြန်မာတို့သည် ရုံးရောက်၊ ဂါတ်ရောက်သည်ကို ကြောက်ရွံ့ကြသည်၊ ရှက်ရွံ့ကြသည်။ အဖြစ်မှန်ကိုသိလျှက်နှင့် ရုံးရှေ့တွင်သက်သေ မခံလိုကြပေ။ အမှုမှန် ပေါ်ပေါက်ရေး အတွက် မျက်မြင်သက်သေများကလည်း အမှန်အတိုင်းထွက်ဆို ရန် လိုအပ်ပေမည်။
မြန်မာတို့သည် ဥပဒေပြဋ္ဌာန်းချက်များကို လိုက်နာရန်အားနည်းတတ်ကြ သည်။ သာမန်အားဖြင့် တိုက်တာ၊ မြေယာကဲ့သို့သော မရွှေ့မပြောင်းနိုင်သောပစ္စည်း များကို ရောင်းချခြင်း၊ လွှဲပြောင်းပေးအပ်ခြင်း၊ မေတ္တာဖြင့်ပေးကမ်းခြင်းတို့ကို မှတ်ပုံတင် စာချုပ်ဖြင့်ဆောင်ရွက်မှသာ တရားဝင်အတည်ဖြစ်ကြောင်း ဥပဒေအရသတ်မှတ်ထား သည်။ မှတ်ပုံတင်စာချုပ်ချုပ်ဆိုလျှင် သတ်မှတ်ထား သည့်အခွန်အခများကို နိုင်ငံတော် သို့ ပေးသွင်းရမည်ဖြစ်သည်။ အချို့က ထိုကဲ့သို့မှတ်ပုံတင်စာချုပ်ချုပ်ဆိုရမည်ကို မသိရှိ ၍လည်းကောင်း၊ အချို့က သိရှိသော်လည်း အခွန်မထမ်းဆောင်လို၍လည်းကောင်း မှတ်ပုံတင်စာချုပ် မချုပ်ဆိုဘဲ ဆောင်ရွက်ကြသည်။ အမှုဖြစ်လာသောအခါ ဥပဒေအရ မှတ်ပုံတင်စာချုပ်မချုပ်ဆိုခဲ့သဖြင့် တရားမဝင်ကြောင်း ဆုံးဖြတ်သည့်အခါ တရားရုံးက မတရား ဆုံးဖြတ်သည်ဟု ထင်မြင်ကြလေသည်။
ထိုကိစ္စနှင့် စပ်လျဉ်း၍ ဂျပန်နိုင်ငံမှ ဥပဒေပညာရှင်တစ်ဦးနှင့် ဆွေးနွေးခဲ့ဖူးသည်။ ၎င်းတို့နိုင်ငံတွင် မရွှေ့မပြောင်းနိုင်သော ပစ္စည်း လွှဲပြောင်းရောင်းချရာတွင် မှတ်ပုံတင်ရန်မလိုကြောင်း၊ သို့ရာတွင် (၉၀) ရာခိုင် နှုန်းကျော်သည် မှတ်ပုံတင်ကြကြောင်း၊ ပိုင်ဆိုင်မှု အငြင်းပွားခြင်းကိုကာကွယ်ရန် အတွက် နိုင်ငံတော်သို့ အခွန်အခပေးကာ မှတ်ပုံတင်ကြခြင်းဖြစ်ကြောင်း၊ အခွန် မဆောင်လိုသူများကသာ မှတ်ပုံမတင်ကြကြောင်း ဖြေကြားပါသည်။ မိမိတို့နိုင်ငံတွင် ဥပဒေအရမှတ်ပုံတင်ရမည်ဖြစ်သော်လည်း မသိနားမလည်၍ လည်းကောင်း၊ အခွန် မပေးဆောင်လို၍လည်းကောင်း မှတ်ပုံမတင်ကြပေ။ လွှဲပြောင်းရောင်းချသူ၏ (၉၀) ရာခိုင်နှုန်းကျော်သည် မှတ်ပုံမတင်ကြသည်ကို တွေ့ရှိရသည်။ အမှန်တကယ် ရောင်းဝယ်သည့်တိုင်အောင် အထူး ကိုယ်စားလှယ် လွှဲစာ (SP) များဖြင့် အဆင့်ဆင့် ရောင်းချကြသည်။ ခြောက်ဦး၊ ခုနှစ်ဦး အထိ (SP) ဖြင့် အရောင်းအဝယ်ပြုလုပ် ထားသည်ကို တွေ့မြင်ဖူးပါ သည်။
လက်ရှိရင်ဆိုင်နေရသည့်စိန်ခေါ်မှုများတွင် မြေယာပြဿနာများသည် ရှေ့တန်းမှ ပါဝင်နေပါသည်။ မိဘဘိုးဘွားလက်ထက်ကတည်းက နေထိုင်လုပ်ကိုင် စားသောက်လာသူများသည် အဆိုပါမြေယာများကို ၎င်းတို့အမည်ပေါက် မှတ်ပုံတင်၍ သတ်မှတ်ထားသည့်အခွန်အခများကို နိုင်ငံတော်သို့ပေးသွင်းရ မည်ဖြစ်ပါသည်။ ထိုသို့ မဆောင်ရွက်ခဲ့သဖြင့် ဥပဒေကိုနားလည်သော မသမာသူများက အဆိုပါမြေယာများကို ၎င်းတို့အမည်ပေါက် ဂရန်အမည် ဖောက်ခြင်းနှင့် မှတ်ပုံတင်ခြင်းများကို ဆောင်ရွက်ခဲ့သည်။ သက်ဆိုင်ရာဌာန များကလည်း သေချာစွာမစစ်ဆေးခြင်း၊ အဂတိတရား တစ်ပါးပါးကို လိုက်စား ခြင်းဖြင့် ခွင့်ပြုခဲ့ကြ သည်။
ဥပဒေအရ ဂရန်အမည်ပေါက်သူနှင့် မှတ်ပုံတင် ထားသူကိုသာ သာမန်အားဖြင့် ပိုင်ရှင်အဖြစ်သတ်မှတ်ပေသည်။ အဆိုပါ အမည်ပေါက်ရန်လျှောက်ထားစဉ်က ကန့်ကွက်ရန်အတွက် အများပြည်သူ ဆိုင်ရာနေရာများနှင့် သတင်းစာတို့တွင် ကြော်ငြာခြင်းများဆောင်ရွက်ခဲ့ သော်လည်း သာမန်ပြည်သူ များဖြစ်သည့် လက်ရှိဖြစ်သူက မသိနားမလည်၍ ကန့်ကွက်ခြင်းမပြုခဲ့ပေ။ ထိုသို့ ကြော်ငြာရာတွင်လည်း မြို့နယ်၊ ကွင်းအမှတ်၊ အကွက်အမှတ်၊ ဦးပိုင်အမှတ်စသည်ဖြင့် မြေစာရင်းမြေပုံပါအချက်များကို ကြော်ငြာခြင်းဖြစ်၍ ဗဟုသုတနည်းပါးသည့် လက်ရှိ ဖြစ်သူကိုယ်တိုင် အဆိုပါ ကြော်ငြာစာကို ဖတ်ရှုရသည့်တိုင်အောင် ၎င်း၏မြေကွက်ကို ကြော်ငြာနေသည် ဟု သိရှိမည်မဟုတ်ပေ။ ထို့ကြောင့် အမည်ပေါက်ပြီး နောက်ပိုင်းတွင် လက်ရှိ ဖြစ်သူများကို ဖယ်ရှားစေသည့်အခါ ၎င်းတို့က သက်ဆိုင်ရာဌာနများတွင် ကန့်ကွက်ခဲ့ကြသည်။ ဌာနများက လုပ်ထုံးလုပ်နည်းနှင့်အညီ ဆောင်ရွက်ထားခြင်း ဖြစ်၍ ၎င်းတို့အနေဖြင့် ဆက်လက်ဆောင်ရွက်ပေးနိုင်ခြင်းမရှိကြောင်း ငြင်းဆိုကြသည်။
ထို့ကြောင့် အမည်ပေါက်သူက တရားရုံးများတွင် လက်ရှိနေထိုင်သူများကို ဖယ်ရှားပေး ရန် လျှောက်ထားကြသည်။ တရားရုံးများကလည်း သာမန်အားဖြင့် နိုင်ငံတော်က ထုတ်ပေးထားသည့်ဂရန် ကို မူတည်၍သာအဆုံးအဖြတ်ပြုနိုင်မည်ဖြစ်သည်။ လက်ရှိဖြစ်သူများက အဆိုပါဂရန်အမည်ပေါက်သူသည် လိမ်လည်၍မရိုးမဖြောင့်သောသဘောဖြင့် ဆောင်ရွက်ကြောင်း သက်သေထင်ရှားပြသနိုင်မှသာလျှင် အနိုင်ရမည် ဖြစ်ပေသည်။
အထက်တွင်ဆိုခဲ့သည့်အတိုင်း အဆိုပါမြေနှင့်စပ်လျဉ်း၍ ကန့်ကွက်ရန်ရှိ မရှိကို လုပ်ထုံးလုပ်နည်းနှင့်အညီကြော်ငြာခဲ့ပြီးဖြစ်၍ လက်ရှိဖြစ်သူ အနေဖြင့် သက်သေပြရန် ခဲယဉ်းလှသည်။ ဥပဒေကိုနားမလည်သူများအပေါ် လက်တစ်လုံးခြားဆောင်ရွက်ခဲ့ သည့်အပေါ် တရားရုံးများက ကုစားရန်ခဲယဉ်း လှသည်။ နောက်ဆုံးတွင် တရားရုံးက အင်အားသုံးဖယ်ရှားသည့်အခါ မတရား လုပ်သည်ဟုဆိုကာ တရားရုံးများအပေါ် အမြင်စောင်းကြသည်။ လက်ရှိဖြစ်သူ က ဥပဒေနှင့်အညီ မှတ်ပုံတင်ရန်ပျက်ကွက်ခဲ့သည်ကို အခွင့်ကောင်းယူ၍ အခြားသူက ဂရန်လျှောက်ထားသည်၊ သက်ဆိုင်ရာဌာနက သေချာ စွာ စစ်ဆေးခြင်းမပြုဘဲ ဂရန်ထုတ်ပေးသည်။ အများသိရန် ကြော်ငြာစဉ်တွင်လည်း လက်ရှိဖြစ်သူက ကန့်ကွက်ရန်ပျက်ကွက်ခဲ့သည်။
တရားသူကြီးများသည် နတ်မဟုတ်၊ တန်ခိုးရှင်မဟုတ်၊ အကြားမြင်ဆရာများ မဟုတ်၊ သာမန်လူသားများသာဖြစ်၍ အမှုတွဲတွင်ပေါ်ပေါက်သော အချက်အလက် များကို ပြဋ္ဌာန်းဥပဒေများအား ဆန့်ကျင်သွေဖယ်ခြင်းမရှိဘဲ ဆုံးဖြတ်ကြရသူများဖြစ် သည်။ အမှုတွဲပါအချက်အလက်နှင့် ဖြစ်ရပ်မှန်တို့ ဆန့်ကျင်နေပါက ဥပဒေနှင့်ညီသော် လည်း ဖြစ်ရပ်မှန်နှင့်ကွဲလွဲမည်သာဖြစ်သည်။ ထို့ကြောင့် တရားရုံးများက မှန်ကန်စွာ ဆုံးဖြတ်နိုင်ရေးအတွက် ပြည်သူများ သာမက သက်ဆိုင်ရာအုပ်ချုပ်ရေးအဖွဲ့အစည်း များကလည်း မိမိတို့၏တာဝန် ကို ကျေပွန်စွာထမ်းဆောင် ကြရမည်ဖြစ်သည်။ သို့မှသာ တရားရုံးများက မှန်ကန်စွာဆုံးဖြတ်နိုင်ပေမည်။
အားလုံးကို အစဉ်လေးစားလျက် ...
ဂျူနီယာတုတ်ကလေး
.
