အဆိုလွှာတွင် ရုံးခွန်ထမ်းဆောင်ခြင်း
🌂🌂🌂🌂🌂🌂🌂🌂🌂
အဆိုလွှာတွင် တရားရုံး၏ စီရင်ပိုင်ခွင့်အာဏာနှင့် ရုံးခွန်အလို့ငှာ အမှုတန်ဖိုးကို ဖော်ပြရသည်။
(အမိန့် ၇၊ နည်း ၁)
စွဲဆိုသည့်အမှုတန်ဖိုးအပေါ်ဖြစ်စေ၊ အမှုတန်ဖိုး တိတိကျကျ သတ်မှတ်၍ မရသော အမှုမျိုးတွင်ဖြစ်စေ အမှုအမျိုးအစားအလိုက် ရုံးခွန် အက်ဥပဒေနှင့်အညီ ရုံးခွန်ထမ်းဆောင်ရသည်။ အဆိုလွှာတွင် ရုံးခွန် လုံလောက်စွာ ထမ်းဆောင်မထားပါက လိုအပ်သောရုံးခွန်တံဆိပ်ခေါင်း ကို ထပ်မံထမ်းဆောင်ရန် တရားရုံးက အချိန်သတ်မှတ်ပေးမည်ဖြစ်သည်။ ဤသို့ သတ်မှတ်သည့်အချိန်အတွင်း ထပ်မံထမ်းဆောင်ရန် ပျက်ကွက်ပါက အမိန့် ၇၊ နည်း ၁၁ အရ အဆိုလွှာပယ်ခြင်းခံရမည် ဖြစ်သည်။ (အဆိုလွှာပယ်ခြင်းသည် ပလပ်ခြင်းမဟုတ်သဖြင့် အမိန့် ၇၊ နည်း ၁၃ အရ ယင်းအမှုကို ပြန်လည်စွဲဆိုနိုင်သည်။)
ရုံးခွန်အက်ဥပဒေ၏ ရည်ရွယ်ချက်မှာ တစ်ဖက်အမှုသည်အပေါ် လက်နက်သဖွယ် အသုံးပြုရန်မဟုတ်ဘဲ နိုင်ငံတော်အတွက် အခွန်ဘဏ္ဍာရရှိရန် ဖြစ်သည်။
(ချစ်တီးနတ်လီမိတက်ဘဏ် နှင့် ဦးတော်၊ ၁၉၅၇၊ မတစ၊ လွှတ်တော်ချုပ်၊ ၅၆)
ကြားကာလ အမြတ်အစွန်းရလိုမှုနှင့် စာရင်းရှင်းလင်းပေးစေလိုမှုများတွင် ဒီကရီကျငွေသည် တောင်းဆိုသောငွေထက် ပိုနေပါက ထိုပိုသော ငွေအတွက် ရုံးခွန်ထပ်မံမထမ်းဆောင်လျှင် ဒီကရီကို အတည်ပြုခွင့်မရပေ။ (ရုံးခွန်အက်ဥပဒေပုဒ်မ ၁၁)။ သို့အတွက် အဆိုပါအမှုများ စွဲဆိုသည့်အခါ တရားစွဲဆိုသည့်နေ့အထိ ရရန်ရှိသည့်ငွေများကို အမှုတန်ဖိုး အဖြစ် ဖော်ပြ၍ ရုံးခွန်ထမ်းဆောင်ထားပြီး ဒီကရီကျငွေက ပိုမိုချမှတ် ပါက ရုံးခွန်ထပ်မံထမ်းဆောင်ပါမည့်အကြောင်း အဆိုလွှာတွင်ဖော်ပြပေးကြသည်။
တရားပြိုင်သည် အမိန့် ၂၁၊ နည်း ၁၃ အရ အမွေဝေစုရရှိလျှင် ရုံးခွန်ထမ်းဆောင်ရသည်။
(ဦးဖိုးမြနှင့် ဘုန်းတော်ကြီး ရီယိုဖရက်၊ ၁၉၃၉၊ ရန်ကုန်၊ ၁၃၄)
ရုံးခွန်နှင့်ပတ်သက်၍ မူလမှုတွင် ကန့်ကွက်ခဲ့ခြင်း မရှိပါက ဇာရီမှုတွင် ရုံးခွန်ကိစ္စ အရေးဆိုပိုင်ခွင့်မရှိ။
(ဦးကိုကြီးနှင့် ဒေါ်ပေ၊ ၁၉၇၆၊ မတစ၊ ၄)
💥💥💥💥💥💥💥💥💥💥💥💥💥💥
အဆိုလွှာ၌ ရုံးခွန်တံဆိပ်ခေါင်းကပ်ရမည့် နေရာနှင့် ရုံးခွန်တံဆိပ်ခေါင်းကပ်နည်း
🌂🌂🌂🌂🌂🌂🌂🌂🌂🌂🌂🌂🌂🌂🌂
အဆိုလွှာ လျှောက်လွှာ၏ ပထမစာမျက်နှာအထက်ပိုင်းတွင် ရုံးခွန်တံဆိပ်ခေါင်းကပ်ရန်အလို့ငှာ (၄)လက်မခန့် ကွက်လပ်ချန်လှပ်ထားရမည်။ စာရွက်နံဘေးကွက်လပ်တွင် ရုံးခွန်တံဆိပ်ခေါင်း မကပ်ရ။ ကပ်လျက်ပါလျှင် တရားရုံးက လက်မခံရ။ ပြန်လည်ကပ်ရန် အမှုသည်ကို ပြန်ပေးရမည်။
(တရားရုံးများလက်စွဲ အပိုဒ်-၁၁၀၉)
ရုံးခွန်တံဆိပ်ခေါင်းများကို ရနိုင်သရွေ့ အမြင့်ဆုံးတန်ဖိုးရှိ တံဆိပ်ခေါင်းများကို အသုံးပြုရမည်။ ရုံးခွန်တံဆိပ်ခေါင်းများတစ်ခု အပေါ်တစ်ခု ထပ်အောင် ကပ်ခြင်း မပြုရ။ ထပ်၍ ကပ်ပါက ရုံးက ခွင့်မပြုရ။
(တရားရုံးများလက်စွဲ အပိုဒ်-၉၀)
တရားရုံးက ရုံးခွန်တံဆိပ်ခေါင်းအစား ငွေသားကို လက်ခံယူခြင်း မပြုရ။ လက်ခံရယူသည့် အလေ့အထလည်း မရှိစေရ။ စာရေးများသည် ရုံးခွန်တံဆိပ်ခေါင်းများကို လက်ခံယူသည့်အခါ ရရှိကြောင်း ပြေစာလက်မှတ်ပေးရမည်။
(တရားရုံးများလက်စွဲ အပိုဒ်-၉၀ နှင့် ၁၀၃၀)
၁၉၉ဝ ပြည့်နှစ်၊ ရုံးခွန်အက်ဥပဒေ ပြင်ဆင်ချက်အရ ရုံးခွန် အများဆုံး ၁၅ဝဝဝဝိ/- ကျပ်အထိ သတ်မှတ်ထားသဖြင့် ယင်းအမှုမျိုးအတွက် ရုံးခွန်နှိပ်တံဆိပ်ခေါင်းများဖြင့် သီးခြားထမ်းဆောင်နိုင်သည်။ ယင်းကဲ့သို့ သီးခြားရုံးခွန်ထမ်းဆောင်သည့် ရုံးခွန်တံဆိပ်ခေါင်းစာရွက် အသီးသီးတွင် အဆိုလွှာခေါင်းစီး၌ ဖော်ပြသကဲ့သို့ ရုံးအမည်။ တရားမကြီးမှုအမှတ်၊ အမှုသည်အမည်၊ အမှုသည်များကို ရေးသား၊ ရိုက်နှိပ်ထားပြီး ရုံးခွန်တန်ဖိုး မည်မျှထမ်းဆောင်ပါကြောင်း ဖော်ပြ၍ အမှုသည် သို့မဟုတ် ရှေ့နေက လက်မှတ်ထိုးထားရန် လိုမည်ဖြစ်သည်။
💥💥💥💥💥💥💥💥💥💥💥💥💥💥💥
အဆိုလွှာ၊ ချေလွှာနှင့်အတူ ဆင့်ဆိုရန် လိပ်စာတင်သွင်းခြင်း
🌂🌂🌂🌂🌂🌂🌂🌂🌂🌂🌂🌂🌂🌂🌂
အဆိုလွှာ၊ ချေလွှာတို့တွင် အမိန့် ၆၊ နည်း ၃ နှင့် အမိန့် ၇၊ နည်း ၁ တို့အရ အဆိုလွှာ၊ ချေလွှာတို့တွင် တရားလို၊ တရားပြိုင်တို့၏ နေရပ်လိပ်စာများ ဖော်ပြရသည့်အပြင် တရားလိုသည် အဆိုလွှာ တင်သွင်းသည့်အခါ မိမိအား .ဆင့်ဆိုရန် လိပ်စာဖော်ပြထားသည့် သီးခြားစာတွဲ (a proceeding stating his address for service) (တစ်နည်းအားဖြင့် ၄င်းအားဆင့်ဆိုရန် လိပ်စာသီးခြားလျှောက်လွှာ)ကို တစ်ပြိုင်တည်းတင်သွင်းရမည်။
(အမိန့် ၅၊ နည်း ၂ဝ-က(၁))
ထို့အတူ လာရောက်ခုခံမည့် တရားပြိုင်က ၄င်းအား တရားရုံးသို့ လာရောက်၍ ချေလွှာတင်ရန် ဆင့်ဆိုသည့်နေ့ သို့မဟုတ် ထိုနေ့မတိုင်မီ မိမိအား ဆင့်ဆိုရန် လိပ်စာဖော်ပြထားသည့်လျှောက်လွှာ၊ စာတွဲကို တင်ရမည်။
(အမိန့် ၅၊ နည်း ၂ဝ-က(၂))
တရားလိုက မိမိအား ဆင့်ဆိုရန် လိပ်စာတင်သွင်းရန် ပျက်ကွက်လျှင် အဆိုလွှာကို ပလပ်ခြင်းခံရမည်။ ထို့အတူ တရားပြိုင်က မိမိအား ဆင့်ဆိုရန် လိပ်စာတင်သွင်းရန် ပျက်ကွက်လျှင် ချေလွှာကို ပလပ်ခြင်းခံရမည်။ ထိုသို့ လိပ်စာတင်ရန် ပျက်ကွက်သော အမှုသည် အပေါ် ယင်းသို့သော ပလပ်သည့်အမိန့်ချပေးရန် တစ်ဖက်က လျှောက်ထားနိုင်သည်။ ယင်းသို့ လျှောက်ထားချက်အပေါ် တရားရုံးက သင့်လျော်မျှတသည့် အမိန့်ချမှတ်ပေးနိုင်သည်။
(အမိန့် ၅၊ နည်း ၂၀-က(၄))
အဆိုအချေများတွင် လိပ်စာများဖော်ပြထားသည်ကို အကြောင်းပြုပြီး အမိန့် ၅၊ နည်း ၂၀-က အရ ဆင့်ခေါ်ရန် လိပ်စာဖော်ပြရန် မလိုဟု မှားယွင်းယူဆတတ်ကြသည်။ အဆိုတွင် အမိန့် ၇၊ နည်း ၁(ခ)နှင့် (ဂ)အရ တရားလိုနှင့် တရားပြိုင်အသီးသီး၏ နေရပ်ကို ဖော်ပြရသည်မှန်သော်လည်း အမိန့် ၅၊ နည်း ၂ဝ-ကတွင် ဆင့်ခေါ်ရန် လိပ်စာကို ရည်ညွှန်းထားကြောင်း တွေ့ရပေလိမ့်မည်။ ယင်းပြဋ္ဌာန်းချက်များကို တိတိကျကျလိုက်နာမည်ဆိုပါက ဆင့်ခေါ်ရန်လိပ်စာကို သီးခြားစာတွဲ (ဆိုလိုသည်မှာ သီးခြားစာရွက်)တွင် ဖော်ပြရန် ဖြစ်သည်။ အချို့က အဆိုအချေပါအမှုသည်များ၏ နေရပ်ကို ညွှန်း၍ အမိန့် ၅၊ နည်း ၂ဝ-က အလို့ငှာ ဆင့်ခေါ်ရန်လိပ်စာဖြစ်ကြောင်း အဆိုအချေမှာပင် တစ်ပါတည်းဖော်ပြကြသည်ကို တွေ့ရသည်။ ဤနည်းဖြင့် အမိန့် ၅၊ နည်း ၂ဝ-ကပါ ပြဋ္ဌာန်းချက်များကို စတိသဘော လိုက်နာကြသည်။ တရားရုံးများက အမှုသည်များ၏ လိပ်စာကို အမိန့် ၅၊ နည်း ၂ဝ-က တွင် အတိအလင်းသတ်မှတ်ထားသည့်အတိုင်း သီးခြားစာတွဲဖြင့် တင်သွင်းစေရန်အတွက် ကြီးကြပ်ကွပ်ကဲကြရန် လိုအပ်ကြောင်း နှိုးဆော်လိုက်သည်။
မူလရုံးတရားပြိုင်တို့သည် အမိန့် ၅၊ နည်း ၂၀-က(၂)အရ လိုအပ်သည့်လိပ်စာကို တရားရုံးတွင် တင်သွင်းရန် ပျက်ကွက်ခဲ့ကြခြင်းဖြစ်သည်။ တရားမကျင့်ထုံးဥပဒေ အမိန့် ၅၊ နည်း ၂ဝ-က ကို ပြဋ္ဌာန်းခဲ့သည်မှာ နှစ်ပေါင်းများစွာ ကြာမြင့်ခဲ့ပြီးဖြစ်သော်လည်း ယင်းပြဋ္ဌာန်းချက်ကို အမှုသည်များ၊ ရှေ့နေများ၊ တရားသူကြီးများ ကောင်းစွာ လေ့လာကြဟန် မတူချေ။ နည်း ၂ဝ-က(၂) အရဆိုလျှင် အမှုကို ဆိုင်ပြိုင်ရန် ရည်ရွယ်သူတရားပြိုင် သို့မဟုတ် အယူခံတရားပြိုင် သို့မဟုတ် လျှောက်ထားခံရသူသည် ရုံးခေါ်စာ သို့မဟုတ် နို့တစ်စာ၌ ဖော်ပြထားသော ရုံးချိန်းနေ့မတိုင်မီဖြစ်စေ၊ ယင်းနေ့တွင်ဖြစ်စေ မိမိအား ဆင့်ဆိုရန်လိပ်စာကို တင်သွင်းရမည် ဖြစ်သည်။
(မောင်သာဌေးပါ-၄ နှင့် ဦးခင်မောင်မြင့်၊ ၁၉၈၉၊ မတစ၊ ၇၈ (၈၀) (၈၁))
တရားပြိုင်က ၄င်းအား ဆင့်ဆိုရန် လိပ်စာမတင်သွင်းသဖြင့် လိပ်စာတင်ရန် တရားရုံးက ၃ ကြိမ်ညွှန်ကြားသော်လည်း မတင်သွင်းသည့်အပြင် ရုံးချိန်းတစ်ချိန်း၌ လိပ်စာတင်သည့်လျှောက်လွှာတင်သော်လည်း တရားလိုဘက်မှ ကန့်ကွက်သဖြင့် ၄င်း၏လျှောက်လွှာကို မတင်လိုတော့ကြောင်းနှင့် ၄င်းတွင် ကုစားရန် အခြားနည်းရှိကြောင်း ရှေ့နေက ပြောပြီး ပြန်ယူသွားသည်။ ဤပျက်ကွက်မှုမှာ ဥပဒေပါ ပြဋ္ဌာန်းချက်ကို မလိုက်နာရာကျသည့်အပြင် တရားရုံးကို မထီလေးစားပြုရာရောက်သဖြင့် ချေလွှာကို ပလပ်သည့်အမိန့်မှာ မှန်ကန်သည်။
(ဦးကြီးစိန် (ခ) ဝူချီစင်းနှင့် ဦးလှမြိုင်၊ တရားမပြင်ဆင်မှုအမှတ်- ၃၅၁/၉၄ (၁၅-၂-၉၅))။ ။
