ပစ္စည်းခွဲဝေပေးစေလိုမှု နှင့် အမွေပုံပစ္စည်းစီမံခန့်ခွဲပေးစေလိုမှုတို့၏ ခြားနားချက်များ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx(ယခင်ပိုစ်အဟောင်းအား ပြန်လည်ဖြည့်စွက်ပြင်ဆင်ရေးသားထားခြင်းဖြစ်ပါသည်။)
မောင်မျိုး ။ ။ အကို ပစ္စည်းခွဲဝေပေးစေလိုမှုနှင့် အမွေပုံပစ္စည်းစီမံခန့်ခွဲပေးစေလိုမှု မှာ မတူညီတဲ့အချက်လေးတွေ ဆွေးနွေးရအောင်ပါ။
TMH ။ ။ ဟုတ်။ ကျနော်လေ့လာထားသလောက်လေးပြောပါ့မယ်။ အရင်ဆုံး အမှုတစ်ခုချင်းရဲ့အင်္ဂါရပ်ကနေစရမည်ထင်ပါတယ်။
မောင်မျိုး ။ ။ ပြောပါအကို။
TMH ။ ။ ဒေါ်ကြည်ကြည်ဇင် (ခ) ၀ိုင်အိုလက်လင်း နှင့် ဒေါ်ဝိကြိန် (၁၉၉၉၊ မတစ၊စာ-၁၀၃)အမှုတွင် ""ပစ္စည်းခွဲဝေပေးစေလိုမှုတွင် အချင်းဖြစ် ပစ္စည်းကို တရားလိုနှင့် တရားပြိုင်များ အကျိုးခံစားမှု (သို့မဟုတ်) အခွင့်အရေးအညီအမျှရှိရန်လိုသည်။ ထို့အပြင် အချင်းဖြစ်ပစ္စည်း တွင် တရားလိုနှင့် တရားပြိုင်တို့သည် အညီအမျှလက်ရှိဖြစ်ရန်လို သည်။"" ဟုထုံးဖွဲ့ထားပါတယ်။
ထိုအမှုမှာ ကိုးကားထားတဲ့ မောင်ဘတူ နှင့် မသက်စု( ၅၊ ရန်ကုန်၊စာ-၇၈၅) မှာတော့ A partition suit lies only if the parties have (1) unity of interest or title in the property sought to be partitioned, and (2) unity of possession. လို့ ထုံးဖွဲ့ထားပါတယ်။ ဦးဘန်စွမ်း နှင့် ဒေါ်သီ ပါ ၆ ( ၁၉၆၇၊ မတစ၊စာ - ၅၂၅(ရုံးချုပ်) တွင်လည်း လေ့လာနိုင်ပါတယ်။
ဆိုချင်တာက တရားလို နှင့် တရားပြိုင်များ အချင်းဖြစ် ပစ္စည်းမှာ unity of interest or title နှင့် unity of possession ရှိရင် "ပစ္စည်းခွဲဝေပေးစေလိုမှု" စွဲဆိုရန်ဖြစ်ပါတယ်။
မောင်မျိုး ။ ။ ဟုတ်ကဲ့ အကို။
TMH ။ ။ အထက်ပါ ၁၉၉၉၊ မတစ ၊ စာ-၁၀၃ အမှုစီရင်ထုံးမှာ unity of interest or title ကို “ အကျိုးခံစားမှု (သို့မဟုတ်) အခွင့်အရေး အညီအမျှ” လို့ဘာသာပြန်ထုံးဖွဲ့ထားပြီး unity of possession ကို “အညီအမျှလက်ရှိ” လို့ ဘာသာပြန်ဆိုထုံးဖွဲ့ထားပါတယ်။
မောင်မျိုး ။ ။ ဘာသာပြန်ချက်ပြဿနာရှိလို့လားအကို။
TMH ။ ။ အလျဉ်းသင့်လို့ပြောပြချင်တာပါ။ တရားရုံးချုပ် ညွှန်ကြားရေးမှူး (ငြိမ်း) ဆရာကြီး ဦးမြ ထောက်ပြသည့် ဘာသာပြန်နှင့်ပတ်သက်ပြီး အငြင်းပွားစရာလေးပါ။
မောင်မျိုး ။ ။ ဟုတ်။
TMH ။ ။ ဆရာက unity of interest (အကျိုးခံစားခွင့်များပေါင်းစည်းမှု) နှင့် unity of Possession (လက်ရှိဖြစ်ခြင်းပေါင်းစည်းမှု)ဟုဘာသာပြန် ပါတယ်။ unity ကို "ပေါင်းစည်းမှု" ဟုဘာသာပြန်ပါတယ်။
ဆရာ့ရဲ့ အမည်ခံ အမည်ငှားနှင့် နှုတ်ပိတ်ခြင်းဆိုင်ရာဥပဒေ စာ - ခ မှာ _
“ 1999 BLR 103 စီရင်ထုံးတွင်ပြဆိုသော အညီအမျှဆို သည့် ဝေါဟာရကို ပြန်လည်စိစစ်သင့်ပါသည်။ ၁/၂ ၊ ၁/၃ ၊ ၁/၄ စသည်ဖြင့် အစုအသီးသီး (အကျိုးခံစားပိုင်ခွင့်များ) ပေါင်းစည်းထား သော(ဖွဲ့စည်းထားသော)မြေ၊အဆောက်အအုံစသည်တို့တွင်ပိုင်ဆိုင် သူများ၏အနေအထား (အစုများတူညီခြင်း ရှိနိုင်သည့်နည်းတူ မတူ ကွဲပြားခြင်းလည်းရှိနိုင်သည်။)တို့ကို ဆင်ခြင်ရာသည်။" ဟု ဆရာက ထောက်ပြပါတယ်။
မောင်မျိုး ။ ။ မရှင်းဘူး။ နမူနာတစ်ခုလောက်ပြောပြပါလား။
TMH ။ ။ ဥပမာ ဗုဒ္ဓဘာသာလင်မယားပိုင်ပစ္စည်း ခွဲဝေပေးစေလိုမှုမှာ လင်၏ အမွေရလက်ထက်ပွားပစ္စည်း နေအိမ် နှင့် ခြံမြေဆိုပါတော့။ အမွေရ လက်ထက်ပွားဖြစ်လို့ အမွေရသူ လင် က ၂/၃ ၊ မယားက ၁/၃ ရမယ် မဟုတ်လား။ အညီအမျှ ဖြစ်လို့လား။ မဖြစ်ဖူးလေ။ ၁၉၉၉၊ မတစ၊ စာ-၁၀၃ မှာ ပြန်ဆိုသလို အကျိုးခံစားခွင့်အညီအမျှ နှင့် အညီအမျှ လက်ရှိဖြစ်မှ ပစ္စည်းခွဲဝေပေးစေလိုမှုစွဲရမှာဆို ဒီလိုပစ္စည်းမျိုး ပစ္စည်း ခွဲဝေပေးစေလိုမှု စွဲမရတော့ဘူးလေ။ ဟုတ်တယ်မလား။ ဒါ့ကြောင့် အချင်းဖြစ်ပစ္စည်းပေါ်မှာ အမှုသည်များရမည့်အစုတွေ မတူနိုင်တော့ "အညီအမျှ" ဆိုတဲ့ ပြန်ဆိုချက်က အငြင်းပွားစရာ ဖြစ်လာတာပေါ့။ ဒါ့ကြောင့် ဆရာကြီးက unity ကို "ပေါင်းစည်းမှု" လို့ ပြန်ဆိုရန် ဖြစ် ကြောင်း ထောက်ပြခဲ့တာပါ။
မောင်မျိုး ။ ။ ဒါဆို အချင်းဖြစ်ပစ္စည်းမှာ တရားလို၊ တရားပြိုင်များ unity of interest or title (အကျိုးခံစားမှု(သို့)အခွင့်အရေး ပေါင်းစည်းမှု) နှင့် unity of possession (လက်ရှိဖြစ်ခြင်း ပေါင်းစည်းမှု) ရှိရင် ပစ္စည်းခွဲဝေပေးစေလိုမှုစွဲဆိုရမယ်လို့ မှတ်ထားရမှာပေါ့ အကို။
TMH ။ ။ ဟုတ်။ ကျနော်တော့ အဲဒီလိုပဲမှတ်ထားတယ်။
မောင်မျိုး ။ ။ အမွေပုံပစ္စည်းစီမံခန့်ခွဲပေးစေလိုမှုကြတော့ရော။
TMH ။ ။ အဲဒီအမှုမျိုးက အမွေစားတစ်ဦးဦးက အခြားအမွေစားတစ်ဦး သိုမ ဟုတ် တစ်ဦးထက်ပိုသူများအပေါ် အမွေဝေစုကိုရထိုက်ကြောင်းနှင့် သေသူအမွေရှင်၏ကျန်ရှိခဲ့သောပစ္စည်းအရပ်ရပ်ကို တရားရုံးက စီမံ ခန့်ခွဲ၍ အမွေစားများရထိုက်သောအမွေဝေစုခွဲဝေပေးဖို့ တောင်းခံ တာဖြစ်ပါတယ်။
U OHN TIN Vs DAW TIN MYA (၁၉၆၅၊ မတစ၊ စာ -၁၀၄၀) မှာ အမွေပုံစီမံခန့်ခွဲပေးစေလိုမှုဆိုသည်မှာ သေသူ၏ပစ္စည်း အရပ်ရပ်တို့ကို စီမံခန့်ခွဲပေးရန်ဖြစ်သည်။ စီမံခန့်ခွဲပေးရန်ဆိုရာ၌ သေသူ ပိုင်ဆိုင်သောပစ္စည်းများနှင့် ရရန်ရှိသောပစ္စည်း၊ ကြွေးမြီများ ကိုကောက်ခံခြင်း၊ ပေးရန်ရှိသည်များကိုရှင်းလင်းပေးဆပ်ခြင်းထိုသို့ ရှင်းလင်းပြီးနောက် ကျန်ပစ္စည်းများကို သက်ဆိုင်ရာ အမွေခံအမွေ စားများကို ခွဲဝေပေးခြင်းဖြစ်ကြောင်း အဓိပ္ပါယ်ဖွင့်ဆိုပါတယ်။
မူရင်း အင်္ဂလိပ် ဘာသာအတိုင်းဆိုရင်တော့ “Administration means management of the deceased’s estate by the Court on request and consists of ascertainment and presentation of the estate, collection of assets, payment of debts and legacies, acts in respect adverse claims to assets and finally distribution among the heirs." လို့ အဓိပ္ပါယ်ဖွင့်ထားပါတယ်။
မောင်မျိုး ။ ။ ခြားနားချက်ကို သိပ်နားမလည်ဘူးအကို။
TMH ။ ။ U OHN TIN Vs DAW TIN MYA (၁၉၆၅၊ မတစ၊ စာ-၁၀၄၀) မှာ ကွယ်လွန်သူ၏အမွေကို အုပ်ထိန်းမှုတွင် ပစ္စည်းခွဲဝေခြင်းသည် ဖြစ်ရပ်တစ်ခုဖြစ်သော်လည်း လိုအပ်သောကိစ္စ မဟုတ်ပေ။ အမွေ အုပ်ထိန်းမှုတွင် ပစ္စည်းခွဲဝေခြင်းပါဝင်နေသော်လည်း ပစ္စည်းခွဲဝေမှု တစ်ခုသည် အမွေအုပ်ထိန်းမှုတစ်ခု မဟုတ်ကြောင်း ခြားနားပြပါ တယ်။
မူရင်းအတိုင်းဆိုရင် "The partition may be an incident but it is not a necessary incident of the administration of the deceased’s estate. A suit for partition is not an administration suit though the latter involves the former."လို့ဆိုပါတယ်။
ဆိုချင်တာက အမွေပုံပစ္စည်းစီမံခန့်ခွဲပေးစေလိုမှု (အမွေ အုပ်ထိန်းမှု)မှာ တရားလို၊ တရားပြိုင်များကြား အမွေပုံပစ္စည်းကို partition လုပ်ပေးရုံ တစ်ခုတည်း မဟုတ်ဘူးဗျ။ အမွေရှင်သေတဲ့ နေ့ကျန်ခဲ့တဲ့ ပစ္စည်းတွေကောက်ရဦးမယ်။
အမွေရှင်ရဲ့အကြွေးတွေ ပေးရဦးမယ်။ ပြီးလို့ တကယ်ကျန်တာမှ အမွေစားတွေကို partition လုပ်ပေးရတာ။ ဒါ့ကြောင့်လည်း ၁၉၆၅၊မတစ၊ စာ-၁၀၄၀ စီရင်ထုံး က Administration ထဲမှာ partition အကျုံးဝင်သော်လည်း partition ဆိုတာ administration မဟုတ်ဘူးလို့ ခြားနားပြသွား တာကိုး။
မောင်မျိုး ။ ။ ဟုတ်ကဲ့။
TMH ။ ။ ဦးတင်လှ နှင့် ဒေါ်စိန်ရှင် (၁၉၇၈၊မတစ၊စာ - ၅၂) မှာတော့ မြန်မာ ဗုဒ္ဓဘာသာအမွေခံအမွေစားများသည် အမွေပစ္စည်းတွင် ပူးတွဲ ပိုင်ရှင်များလည်းမဟုတ်၊ အမွေပစ္စည်း၌လည်း ပူးတွဲလက်ရှိ ရပိုင်ခွင့် လည်းမရှိသောကြောင့် အမွေခံအမွေစားတစ်ယောက်သည် အခြား အမွေခံထံမှ မိမိ၏အမွေဝေစုကိုရလိုပါမူ အမွေအုပ်ထိန်းမှုစွဲဆိုရ မည်။ ပစ္စည်းခွဲဝေမှု မစွဲဆိုနိုင်ပေ"လို့ထုံးဖွဲ့ထားပါတယ်။
မောင်မျိုး ။ ။ ဟုတ်ကဲ့။
TMH ။ ။ မြန်မာဗုဒ္ဓဘာသာ အမွေခံ အမွေစားများသည် အမွေပစ္စည်းမှာ tenants-in-common(အတူပိုင်သူများ)ဖြစ်ပါတယ်။ ဆရာ ဦးမြက တော့ tenants-in-common ကို “ဝေစုအလျောက်ဘုံပိုင်ဆိုင်သူ များ”လို့ ဘာသာပြန်ဆိုမှ ပိုမိုနားလည်မည်ဖြစ်ကြောင်း ဆိုပါတယ်။ joint tenants(ပူးတွဲပိုင်ဆိုင်သူများ)မဟုတ်တော့ အမွေခွဲဖို့ဆိုအမွေ ပုံပစ္စည်းစီမံခန့်ခွဲပေးစေလိုမှု(အမွေအုပ်ထိန်းမှု) စွဲမှရမှာဖြစ်ပါတယ်။
မောင်မျိုး ။ ။ ဒါဆို အမွေခံအမွေစားတစ်ယောက်သည် အခြားအမွေခံထံမှ မိမိ၏ အမွေဝေစုကို ရလိုပါမူ Administration ပဲ စွဲနိုင်မယ်။ partition မစွဲနိုင်ဘူးလို့ မှတ်ရမှာလားအကို။
TMH ။ ။ အဲဗျ။ အဲဒီလို တရားသေမမှတ်နဲ့လေ။ ဒါက ဗုဒ္ဓဘာသာအတွက် ပြောတာ။ ဗုဒ္ဓဘာသာမှာတောင် ဦးဘန်စွမ်း နှင့် ဒေါ်သီ ပါ ၆ (၁၉၆၇၊ မတစ၊ စာ - ၅၂၅) မှာပါတဲ့ အခြေအနေဆို ပစ္စည်းခွဲဝေ ပေးစေလိုမှုစွဲနိုင်တယ်။ အဲဒီအမှုမှာက အမွေဆိုင်များက အမွေဆိုင် မြေကို နှစ်အတန်ကြာ ပူးတွဲနေထိုင်အသုံးပြုကြတဲ့ကိစ္စရပ် ဖြစ်ပါ တယ်။
နောက်တစ်ခုက ဟိန္ဒူဘာသာမှာကြတော့ အမွေပစ္စည်းကို tenants-in-common (ဝေစုအလျောက်ဘုံပိုင်ဆိုင်သူများ) အမွေ ဆက်ခံသည့်အမွေစားအမွေခံရှိသလို၊ joint tenants(ပူးတွဲပိုင်ဆိုင် သူများ) အမွေဆက်ခံသည့် အမွေစားအမွေခံ ရှိသေးတယ်။ Joint Tenants (ပူးတွဲပိုင်ဆိုင်သူများ)ကို Coparceners လို့ခေါ်တယ်။ ပူးတွဲအမွေဆိုင်ပစ္စည်းကို Coparcenary property လို့ခေါ်တယ်။ Coparcenary property ဆိုရင် ပစ္စည်းခွဲဝေပေးစေလိုမှုစွဲရမှာ ဖြစ် ပါတယ်။
အစ္စလာမ်ဘာသာဝင် အမွေခံအမွေစားများသည်လည်း အမွေပစ္စည်းတွင် tenants in common ဖြစ်လို့ အမွေပုံပစ္စည်း စီမံခန့်ခွဲပေးစေလိုမှု (အမွေအုပ်ထိန်းမှု) စွဲဆိုရန်ဖြစ်ပါတယ်။
သေတမ်းစာမရေးဘဲသေဆုံးသွားသည့်ခရစ်ယာန်ဘာသာ ၀င်တစ်ဦး ကျန်ရစ်သောအမွေပစ္စည်းကလည်း အမွေဆက်ခံခြင်း ဥပဒေအရ အစုသတ်မှတ်ထားတာမို့ အမွေပုံပစ္စည်းစီမံခန့်ခွဲပေးစေ လိုမှု (အမွေအုပ်ထိန်းမှု) စွဲဆိုရန်ဖြစ်ပါတယ်။
မောင်မျိုး ။ ။ ဗုဒ္ဓဘာသာလင်မယားက ပစ္စည်းခန်းမှာ tenants-in-common ဖြစ် တယ်။ ဒါပေမယ့် လင်မယားကွာရှင်းပြီးနောက် ပစ္စည်းခွဲဝေပေးစေ လိုမှု(partition)စွဲတယ်။ ဘာဖြစ်လို့လဲ။
TMH ။ ။ မြန်မာဗုဒ္ဓဘာသာ လင်မယားကြက ဘာသာခြားတွေနဲ့ မတူတာက ပစ္စည်းခန်းမှာ သူတို့က tenants-in-Common ဖြစ်နေတယ်။ ဒါပေ မယ့် လင်မယားကွာပြီးနောက် ပစ္စည်းအပေါ်မှာ ပစ္စည်းခွဲဝေပေးစေ လိုမှု (partition) စွဲရတယ်။
ဗုဒ္ဓဘာသာလင်မယားကွာရှင်းသောအခါမိမိတို့အိမ်ထောင် ၌ဖြစ်ထွန်းခဲ့သောပစ္စည်းများကို ခွဲဝေပေးရန်တရားစွဲဆိုနိုင်ခြင်းသည် ပစ္စည်းခွဲဝေရန်လိုအပ်သည့် အကျိုးခံစားပိုင်ခွင့်များပေါင်းစည်းမှု နှင့် လက်ရှိဖြစ်ခြင်း ပေါင်းစည်းမှုရှိခြင်းကြောင့်ဖြစ်သည်လို့ ဆရာကြီးက အမည်ခံ အမည်ငှားနှင့် နှုတ်ပိတ်ခြင်းဆိုင်ရာဥပဒေ စာအုပ် စာ - ဂ မှာ ရှင်းပြပါတယ်။
မောင်မျိုး ။ ။ ဟုတ်ကဲ့
++++++++++++++++
TMH ။ ။ partition နှင့် administration နောက်ခြားနားချက်တစ်ခု ဆက်ပြောပါ့မယ်။
မောင်မျိုး ။ ။ ဟုတ်ကဲ့။
TMH ။ ။ ပစ္စည်းခွဲဝေပေးစေလိုမှုမှာ အမှုသည်များပိုင်ဆိုင်သည့် ပစ္စည်းအား လုံးပါဝင်ရမည် ဖြစ်ပါသည်။ ဆိုချင်တာက ပစ္စည်းအားလုံးကို ထည့် သွင်း တရားစွဲဆိုရမယ်။ ချန်ထားရင် အမှုရှုံးမှာဖြစ်ပါတယ်။ မမြ နှင့် မမြဲ ( ၁၈၉၇- ၀၁) အထက်မြန်မာပြည်စီရင်ထုံး ၊အတွဲ ၂ စာ ၂၉၉) အမှုမှာ ကြည့်ပါ။
မမြ နှင့် မမြဲ အမှုမှာ“a suit for partition cannot be brought unless the whole estate is brought into the division” လို့ဆိုပါတယ်။
Ma Sim Ti and others v. Saw Maung Pu and others (၁၉၅၂၊ မတစ၊ လွှတ်တော် ၊ စာ - ၃၄၄) မှာလည်း “The general principle is that a partition suit should embrace all the joint properties belonging to the parties to avoid multiplicity of suits." လို့ပြဆိုပါတယ်။
မောင်မျိုး ။ ။ အမွေပုံပစ္စည်းစီမံခန့်ခွဲပေးစေလိုမှုကြတော့ကော အကို။
TMH ။ ။ အမွေမှုကြတော့ အမွေပုံပစ္စည်းအချို့ကို ချန်လှပ်ထားရုံမျှဖြင့် အမှု ကို ပလပ်ရန် မဟုတ်ကြောင်း သတိချပ်ဖို့ဖြစ်ပါတယ်။
မောင်မျိုး ။ ။ ဘာဖြစ်လို့ ဒီအမှုမျိုးကြတော့ပစ္စည်းမစုံတာကို ပယ်မရတာလဲ။
အဆိုလွှာမှာ အမွေခွဲမည့်ပစ္စည်းအားလုံး ဖော်ပြလေ့ရှိတယ် မဟုတ် လား။
TMH ။ ။ ဦးသင်ပါ ၂ နှင့် ဒေါ်ချစ်ပု ( ၁၉၆၂၊မတစ၊စာ ၃၂၉(ရုံးချုပ်)) မှာ အမွေမှုဆိုတာ သေသူရဲ့အမွေစားအမွေခံများကြားမှာ စာရင်းရှင်း ပေးစေလိုမှုဖြစ်တာကြောင့် ကွယ်လွန်သူ၏ပစ္စည်းများကို တရားလို တင်သွင်းသောစာရင်းတွင်အပြည့်အစုံမဖော်ပြဘဲထားကြောင်း အမှု သည်တစ်ဦးဦးက စွပ်စွဲသက်သေထူနိုင်သည်။ သို့သော် ယင်းသို့ အပြည့်အစုံမတင်ပြသည်ကို အကြောင်းပြု၍ တရားလို၏အမှုကို မပယ်နိုင်ကြောင်း ထုံးဖွဲထားပြီးဖြစ်ပါတယ်။
မောင်မျိုး ။ ။ ဟုတ်။ သဘောပေါက်ပြီ။
++++++++++++++++
TMH ။ ။ နောက်ခြားနားချက်တစ်ခုက တရားစွဲဆိုရန်အကြောင်း။
မောင်မျိုး ။ ။ ဟုတ်ကဲ့
TMH ။ ။ ပစ္စည်းခွဲဝေပေးစေလိုမှုတွင်ပေါ်ပေါက်သော တရားစွဲဆိုရန် အချင်း ဖြစ်အကြောင်းအရာသည် ထပ်တလဲလဲ ပေါ်ပေါက်သည်ဖြစ်၍ ပစ္စည်းခွဲမပေးသရွှေ့ကာလပတ်လုံးတရားစွဲဆိုရန် နေ့စဉ်နှင့်အမျှ အကြောင်း ပေါ်ပေါက်နေမည်သာဖြစ်သည်ဟု မရှမ်းပါ (၅) နှင့် ဦးသန်းမြင့် (၁၉၉၀၊ မတစ၊ စာ- ၈၈) တွင်လမ်းညွှန်ပါတယ်။
မောင်မျိုး ။ ။ အမွေမှုကြတော့ကော အကို
TMH ။ ။ အမွေပုံပစ္စည်းစီမံခန့်ခွဲပေးစေလိုမှုမှာ တရားစွဲဆိုရန်အကြောင်းက အမွေရှင်ကွယ်လွန်သည့်အခါကစပြီး ပေါ်ပေါက်ပါတယ်။
ဦးခင်မောင်အေး (ကွယ်လွန်သူ ဒေါ်ခင်သန်းလွင်၏ တရားဝင်ကိုယ်စားလှယ်) နှင့် ဒေါ်ဝင်းမြင့် (ကွယ်လွန်သူ ဦးကျော်စိုး ၏ တရားဝင်ကိုယ်စားလှယ်) ပါ၃ (၂၀၁၄ ၊ မတစ၊ စာ - ၅၆(၇၀)) တွင်
"အမွေခွဲဝေပေးရန်တောင်းဆိုနိုင်သည့်အကြောင်းသည် အမွေ ရှင်ကွယ်လွန်ချိန်တွင်စတင်ပေါ်ပေါက်သည်ဖြစ်သောကြောင့် အမွေ ပုံစီမံခန့်ခွဲပေးစေလိုမှုကို အမွေဆိုင်တစ်ဦးကတရားလိုပြုလုပ်၍ စွဲဆို ရာ၌ တရားစွဲဆိုရန်အကြောင်းပေါ်ပေါက်သည့်နေ့ကို အမွေရှင် သေဆုံးသည့်နေ့အဖြစ် အဆိုလွှာ၌ ဖော်ပြတရားစွဲဆိုရသည်။ " ဟု ညွှန်ပြပါတယ်။
ထိုပြင် ယင်းစီရင်ထုံးမှာပဲ တရားပြိုင်တစ်ဦးက အမွေဝေစု တောင်းခံနိုင်ခွင့်ကို အောက်ပါအတိုင်း ထပ်မံညွှန်ုပြပါတယ်။
"တရားရုံးက ဦးဆောင်ဦးရွက်ပြု၍ အမွေပုံစီမံခန့်ခွဲသော အမှု၌ တရားပြိုင်တစ်ဦးက အမွေဝေစုတောင်းဆိုခွင့်မှာမူ တရားလို အား အမွေဝေစုသတ်မှတ်ပေးသော ပဏာမဒီကရီအပေါ် အခြေခံ ကာတောင်းဆိုရခြင်းဖြစ်သည်မှာ နည်းဥပဒေ ၁၃(၂)ပါ ပြဌာန်းချက် များအရ မြင်သာသည်။"
++++++++++++++++
TMH ။ ။ နောက်တစ်ခုက ပဏာမဒီကရီ။
မောင်မျိုး ။ ။ ဟုတ်ကဲ့။
TMH ။ ။ ပစ္စည်းခွဲဝေပေးစေလိုမှုမှာ အမိန့် ၂၀၊ နည်း ၁၈(၂)ပါ ပြဌာန်းချက် အရစာရင်းကောက်ဖို့ပြဌာန်းချက်မရှိလို့ ပဏာမဒီကရီမှာ ခွဲဝေရ မည့်ပစ္စည်းကို အတိအလင်းဖော်ပြပြီး ပဏာမဒီကရီချမှတ်ရမှာဖြစ် ပါတယ်။ ဒေါ်သန်းသန်းဆွေ နှင့် ဦးရောင်းတင် (၂၀၁၄ ၊ မတစ၊ စာ- ၁၇၆) မှာကြည့်ပါ။
မောင်မျိုး ။ ။ ဟုတ်ကဲ့
TMH ။ ။ ဥပမာ လင်မယားနှစ်ဦးပိုင်ပစ္စည်းဆိုပါတော့ဗျာ။ လင်မယား နှစ်ဦး ပိုင်ပစ္စည်းတွေ ဘာတွေကျန်တယ်။ ကျန်တဲ့ပစ္စည်းတွေထဲမှာတော့ ဘယ်ပစ္စည်းကတော့ဖြင့် လက်ထက်ပွား၊ ဘယ်ပစ္စည်းတော့ဖြင့် အမွေရလက်ထက်ပွား၊ ဘယ်ပစ္စည်းကတော့ဖြင့် နှစ်ပါးစုံ ဖြစ်တယ် ဆိုတာ ပဏာဒီကရီမှာ အတိအလင်းဖော်ပြရမှာဖြစ်ပါတယ်။
ဒါ့အပြင် လက်ထပ်ပွားဖြစ်လို့ ဒီပစ္စည်းမှာ တရားလိုက ဘယ်နှစ်ပုံ၊ အမွေရလက်ထက်ပွားပစ္စည်းဖြစ်တဲ့ ဘယ်ပစ္စည်းမှာ တရားလိုက ဘယ်နှစ်ပုံ၊ နှစ်ပါးစုံပစ္စည်းဖြစ်တဲ့ ဘယ်ပစ္စည်းမှာ တရားလိုက ဘယ်နှစ်ပုံစသည်ဖြင့် အတိအလင်းကို ပဏာမဒီကရီ မှာ ဖော်ပြအမိန့်ချပေးရမှာဖြစ်ပါတယ်။
မောင်မျိုး ။ ။ အမွေပုံပစ္စည်းစီမံခန့်ခွဲပေးစေလိုမှုကြတော့ကော အကို။
TMH ။ ။ အမွေစီမံခန့်ခွဲပေးစေလိုမှုတွင် ပဏာမဒီကရီဟူသည်မှာ အမှန်စင် စစ်အမွေပုံကိုစီမံခန့်ခွဲစေရန်ချမှတ်သည့် ဒီကရီအမျိုးအစားဖြစ်သည် ဟု ဦးခင်မောင်အေး ( ကွယ်လွန်သူ ဒေါ်ခင်သန်းလွင်၏ တရားဝင် ကိုယ်စားလှယ်) နှင့် ဒေါ်ဝင်းမြင့် (ကွယ်လွန်သူ ဦးကျော်စိုး၏ တရားဝင်ကိုယ်စားလှယ်) ပါ၃ (၂၀၁၄ ၊ မတစ၊ စာ -၅၆(၇၀))တွင် ပြဆိုပါတယ်။
U AH YAUNG Vs MA KAR KYU HMWE (၁၉၆၄၊ မတစ၊ ၁၁၄) အမှုမှာ “at the stage of the preliminary decree, it is only necessary to consider whether the deceased left any estate. The trial Court should not decide at this stage what constitutes the estate to be administered.”လို့ ထုံးဖွဲ့ ထားပါတယ်။
ဒေါ်တင်တင်ဝင်း နှင့် ဒေါ်သန်းကြည်ပါ ၃ (၁၉၈၄၊ မတစ၊ ၁၄၈) အမှုမှာလည်း “အမွေမှုတွင် ပဏာမဒီကရီမချမှတ်မီ တရားလို သည် အမွေဆိုင်တစ်ဦး ဟုတ် မဟုတ်၊ စီမံခန့်ခွဲရန်ပစ္စည်း ရှိ မရှိ၊ ရှိလျှင် တရားလိုသည် အမွေပစ္စည်းများတွင် ဝေစုမည်မျှရထိုက် သည်ကိုသာ စိစစ်ဆုံးဖြတ်ရန်လိုသည်။ အမွေပစ္စည်းများ စာရင်း ကောက်ယူရန်ကိစ္စကို ပဏာမဒီကရီချမှတ်ပြီးမှ ဆောင်ရွက်ရန်ဖြစ်
ပေသည်။” ဟု ထုံးဖွဲ့ထားပါတယ်။
ပဏာမဒီကရီအဆင့်မှာ တရားလိုသည်အမွေဆိုင် ဟုတ် မဟုတ် အမွေပစ္စည်းကျန်မကျန် ပထမစိစစ်ရတယ်။ တရားလိုသည် အမွေဆိုင်လည်း ဟုတ်တယ် စီမံခန့်ခွဲရန် အမွေပစ္စည်းလည်းကျန် တယ်ဆိုရင် အမွေပုံပစ္စည်းများ၏ ဘယ်နှစ်ပုံရထိုက်ကြောင်း ဆက် လက်ဆုံးဖြတ်ပြီး အမိန့် ၂၀၊ နည်း ၁၃(၁)အရ ကွယ်လွန်သူ ကျန် ရစ်သောပစ္စည်းများစာရင်းကို ကောက်ယူစေရန်အမိန့်ချရမှာ ဖြစ်ပါ တယ်။
မောင်မျိုး ။ ။ သဘောပေါက်ပြီ။ ပစ္စည်းခွဲဝေပေးစေလိုမှုမှာ ပဏာမဒီကရီမှာ ခွဲဝေ ပေးရမည့်ပစ္စည်းကို အတိအလင်းဖော်ပြဖို့လိုတယ်။ အမွေပုံပစ္စည်း စီမံခန့်ခွဲပေးစေလိုမှုမှာတော့ ပဏာမဒီကရီမှာ သေသူကျန်ရစ်သည့် အမွေပစ္စည်းဘာတွေဆိုတာ အတိအလင်း ဆုံးဖြတ်ရန် မလိုဘူး။ အမွေပစ္စည်းဘာတွေကျန်တယ်ဆိုတာကို အမိန့် ၂၀၊ နည်း ၁၃(၁) အရ စာရင်းကောက်စေရမှာ။ ဟုတ်တယ် မဟုတ်လား အကို။
TMH ။ ။ ဟုတ်ပါတယ်။ ပစ္စည်းခွဲဝေပေးစေလိုမှုမှာ ပဏာမဒီကရီက အထက် ကပြောသလို ပစ္စည်းတွေဖော်ပြရေးရတာဆိုတော့ ရှင်းပါတယ်။ သိပ်မခက်လှပါဘူး။ အမွေပုံပစ္စည်း စီမံခန့်ခွဲပေးစေလိုမှုကြတော့ ပဏာမဒီကရီကို တရားမကျင့်ထုံးဥပဒေ နောက်ဆက်တွဲ ဃ၊ အမှတ် ၁၅ ပုံစံ ၀င်အောင်ရေးဖို့လိုအပ်တော့ ပဏာမဒီကရီကို စနစ်တကျနှင့် ကျစ်ကျစ်လစ်လစ်ရေးဖို့ကြ အတော်လက်ဝင်တယ်။ အလျဉ်းသင့်လို့ အမွေပုံပစ္စည်းစီမံခန့်ခွဲပေးစေလိုမှု ပဏာမဒီကရီ ရေးပုံလေးပြောပြချင်ပါတယ်။
မောင်မျိုး ။ ။ ဟုတ်ကဲ့။
TMH ။ ။ ဆရာ ဒေါက်တာမောင်မောင် ရေးပြခဲ့သည့် ပဏာမဒီကရီ ဖြစ်ပါ တယ်။ DAW KHIN KHIN KYWE Vs DAW TIN TIN KYWE (၁၉၆၄ မတစ (C.C) ၅၉၉(၆၀၆)) မှာ ပါရှိတယ်။ ဆရာဦးမြ တရားရေးဝန်ထမ်းအရည်သွေးမြင့်သင်တန်းပို့ချချက်များ ၊ စာ ၂၀၅ မှာ ဘာသာပြန်ပြထားတာလေးကိုပဲ ဖော်ပြပါရစေ။
" ဆရာကြွယ်၏အမွေကို စီမံခန့်ခွဲစေရန် ဒီကရီ ချမှတ် လိုက်သည်။ တရားလို ဒေါ်တင်ကြွယ်ဝေစုကို အမွေပုံ၏ ၈ ပုံ ၁ ပုံ သတ်မှတ်သည်။ ဆရာကြွယ်သေသည့်နေ့တွင် တည်ရှိသော အမွေပုံပစ္စည်းများကို ကော်မရှင်နာက စာရင်းကောက်ယူစေရမည်။ ထို့အပြင် တရားလိုသည် အမှုတွင် အချိုးကျ တရားစရိတ်များ ရရှိစေရမည်။"
ဒီအမှုမှာ အချိုးကျတရားစရိတ်ရစေဆိုတာ ဒေါ်တင်ကြွယ် သည် အမွေပုံ ၄ ပုံ ၁ ပုံ တောင်းပါတယ်။ ဒေါက်တာ မောင်မောင် က ၈ ပုံ ၁ ပုံပဲ ရထိုက်တယ်လို့ ဆုံးဖြတ်ခဲ့တဲ့အတွက် တရားစရိတ် အချိုးကျရစေလို့ ဖော်ပြတာဖြစ်ပါတယ်။
++++++++++++++++
TMH ။ ။ နောက်ခြားနားချက်တစ်ခုက
ပဏာမဒီကရီချမှတ်ပြီးနောက်ပိုင်းမှာ ကော်မရှင်နာ ဆောင်ရွက်ရန်အပိုင်း။
မောင်မျိုး ။ ။ ဟုတ်
TMH ။ ။ အမွေပုံပစ္စည်းစီမံခန့်ခွဲပေးစေလိုမှုမှာ ကော်မရှင်နာက ဆောင်ရွက် ရန် ၂ ပိုင်း ရှိတယ်။ ပထမပိုင်းက ပဏာမဒီကရီနှင့်အညီ စာရင်း ကောက်ဖို့။ အမိန့် - ၂၆၊ နည်း ၉၊ ၁၁ အရ ပစ္စည်းစာရင်း အရင် ကောက်ပေးဖို့ ခန့်ရတယ်။ ပြီးမှ အမိန့် ၂၆၊ နည်း ၁၃ အရ ပစ္စည်းခွဲပေးဖို့ ကော်မရှင်နာခန့်မှာဖြစ်တယ်။
မောင်မျိုး ။ ။ ပစ္စည်းခွဲဝေပေးစေလိုမှုကြတော့ကော။
TMH ။ ။ ပစ္စည်းခွဲဝေပေးစေလိုမှုကြတော့ ပဏာမဒီကရီမှာ ခွဲဝေပေးရမည့် ပစ္စည်းစာရင်းအတိအလင်းပါပြီးသားဆိုတော့ ပစ္စည်းစာရင်းကောက် ပေးဖို့ကော်မရှင်နာခန့်ဖို့ မလိုဘူး။ အမိန့် ၂၆၊ နည်း ၁၃ အရ ပစ္စည်းခွဲပေးဖို့ကော်မရှင်နာ တန်းခန့်ရမှာဖြစ်ပါတယ်။
မောင်မျိုး ။ ။ ကျေးဇူးတင်ပါတယ်အကို။
လေးစားစွာဖြင့်
