ရွှေပြည်တော် မျှော်တိုင်းမဝေးစေလိုလျှင် ဖြင့်
ဆောင်းပါးရှင် - အောင် စိုး(ပြည်)
အခုတလော ဖြစ်နိုင်သမျှတော့ အိမ်အပြင်ကို မထွက်ရအောင် ဆင်ခြင်မိပါတယ်။
ဒါပေမဲ့ မလွဲသာ မရှောင်သာတဲ့ အခါမျိုးမှာတော့ မထွက်လို့ကို မဖြစ်ပါဘူး။ ကိစ္စများမြောင် လူတို့ဘောင်ဆိုတဲ့အတိုင်း အပြင်ထွက်စရာကိစ္စလေးတွေကလည်းပေါ်ပေါ်လာတတ်ပါ
တယ်။ ဒါ့အပြင် ကျွန်တော်တို့ စာရေးစာဖတ်ဝါသနာတူသူများ စုဝေးရာဖြစ်တဲ့ မြို့ထဲက
န၀၀ါသီ စာကြည့် ခန်းကလေးဆီကိုလည်း တစ်နေ့တစ်ခေါက်တော့ သွားဖြစ်ခဲ့ပါတယ်။ စာကြည့်ခန်းလေး ရောက်တဲ့အခါ အသစ်ထွက်တဲ့ ဂျာနယ်လေးတွေ ဖတ်ကြ၊ စာဖတ်လာ
သူ အချင်းချင်း ရောက်တတ်ရာရာအကြောင်းအရာမျိုးစုံတို့အပေါ် ဆွေးနွေးကြ၊ ညှိနှိုင်းကြ ပြီးတော့ ငြင်းကြခုန်ကြ၊ အချိန်တန်တော့ အိမ်ပြန်ကြနဲ့ ပျော်စရာလည်း ကောင်းလှပါတယ်။
ဒါပေမဲ့ အိမ်ပြင်မထွက်ချင်ဘူးဆိုတဲ့ အကြောင်းကလေးကိုလည်း ဆက်ပြီး ရှင်းပြပါမယ်။
ပြောကြဆိုကြတဲ့အထဲမှာ နိစ္စဓူဝ ရင်ဆိုင်ကြုံတွေ့နေရတဲ့ ယာဉ်စည်းကမ်း လမ်းစည်း
ကမ်း မလိုက် နာကြ တဲ့ မော်တော်ဆိုင်ကယ် စီးသူများ အကြောင်းကလည်း မပါမဖြစ်ပါဘဲ။ ဟုတ်ပါတယ်။ ကျွန်တော်တို့ မြို့လေးမှာ က မော်တော်ဆိုင်ကယ်စီးသူတွေကလည်း တစ်ဖြည်းဖြည်း များများလာတယ်။ Brand အမျိုးမျိုး၊ ဒီဇိုင်းအမျိုးမျိုး၊ အရောင်အသွေး အမျိုးမျိုး၊ အင်ဂျင်ပါဝါ အမျိုး မျိုး ၊ ဈေးနှုန်းအမျိုးမျိုးနဲ့ပြီးတော့ ထုတ်လုပ်တဲ့နိုင်ငံကလည်းအမျိုးမျိုးပါပဲ။ ဆိုင်ကယ်အရောင်းဆိုင်တွေဆိုတာကတော့ ပြောရရင် မိန်းလမ်း မကြီးပေါ်မှာ တစ်ဆိုင်နဲ့ တစ်ဆိုင် ခြားလှတယ်လို့တောင် မဆိုနိုင်ပါဘူး။ ဒါကြောင့်လည်း အချို့က ရယ်စရာ မောစရာ အနေနဲ့ ဆိုင်ကယ်ဆိုင်တွေကလည်း တစ်အိမ်ခြား တစ်ဆိုင်လောက်တောင် ရှိနေပြီ လို့ ပြောစမှတ်ပြုလာကြတဲ့အထိပါပဲ။
ဆိုင်ကယ်တွေထဲမှာ အများဆုံးဝင်တာကတော့ အိမ်နီးချင်း တရုတ်နိုင်ငံက လာတဲ့ ဆိုင်ကယ်များပဲ ဖြစ်ပါတယ်။ တရုတ်ဆိုင်ကယ်များမှာလည်း Brand အမျိုးမျိုး၊ ဒီဇိုင်းအမျိုးမျိုး၊ အင်ဂျင်ပါဝါအမျိုးမျိုး ရှိပြန် တယ်။ ဈေးနှုန်းကလည်း အမျိုးမျိုးပါပဲ ။ အချို့ဆိုင်ကယ်များ ဆို ဈေးနှုန်းက သုံးသိန်းခွဲလောက်အထိ သက်သက်သာသာ ရှိလှပါတယ်။ အပိုပစ္စည်း လည်း ပေါတော့ တရုတ်ဆိုင်ကယ်စီးသူတွေကများတယ်။ အခုနောက်ပိုင်းမှာတော့ ဗီယက် နမ်ဆိုင်ကယ်နဲ့အိန္ဒိယထုတ်ဆိုင်ကယ်များလည်း ရောင်းချနေကြတာ တွေ့ရပါတယ်။ထိုင်းနိုင်ငံ က ၀င်တဲ့ ဆိုင်ကယ်များကတော့ ပိုက်ဆံများများ တတ်နိုင်သူများကသာ များသော အားဖြင့် ၀ယ်စီးလေ့ ရှိကြပြီး အရည်အသွေးကလည်း အခြားနိုင်ငံထုတ် Brand ထက် ပိုကောင်း
တယ်လို့ ဆိုပါတယ်။
ဆိုင်ကယ်ဈေးနှုန်းလေးတွေ သူ့အမျိုးအစားအပေါ်မူတည်ပြီး အသင့်အတင့်ချိုလာတဲ့
အတွက်ဝယ်စီးနိုင်သူတွေလည်းများလာတယ်။တစ်ချိန်ကဆိုရင်သာမန်မိသားစုတစ်စုဟာ
ဆိုင်ကယ်တစ်စီးဝယ်စီးနိုင်ဖို့ဆိုတာမလွယ်လှပါဘူး။နောက်ပိုင်းမှာတော့အိမ်နီးချင်း
တရုတ်ကြီးရဲ့ကောင်းမှုကြောင့် မြန်မာနိုင်ငံအတွင်းမှာ တရုတ်ဆိုင်ကယ်များ ပေါပေါများ
များစီးနိုင်လာခဲ့ကြပါတယ်။တရုတ်ကုမ္မဏီကြီးကြီးသေးသေးများကလည်း မြန်မာနိုင်ငံ
အတွင်းကိုသူတို့ ဈေးကွက်အတွက်သူ့ထက်ငါအပြိုင်အဆိုင် ဈေးကွက်ကိုဝင်ရောက်ထိုးဖေါက်
ရင်း အရစ်ကျ ရောင်းချ မှုတွေလည်းလုပ်လာခဲ့ကြပါတယ်။ နောက်ပိုင်းမှာတော့ကျေးလက်
ရော မြို့ပေါ်ပါ အိမ်တိုင်းနီး ပါးလောက် ဈေးအတန်အသင့်ရှိတဲ့ ဆိုင်ကယ်လေးများကို ၀ယ်ယူ စီးနင်းနိုင်လာကြပါတယ်။ဟိုတုန်းကမြို့ပေါ်ကမိန်းကလေးများသာဆိုင်ကယ်ကို မောင်းနှင်
ကြပေမယ့်အခုအချိန်မှာတော့ ကျေးလက်တောရွာများကမိန်းကလေးများပါဆိုင်ကယ်ကိုယ်စီ
မောင်းနှင်နေကြ ပါပြီ။ ကျေးလက်တောရွာများမှာ တာဝန်ကျတဲ့ မြို့ပေါ်က ကျောင်း ဆရာ မလေးများဟာလည်းမိမိတို့တာဝန်ကျရာ ကျေးရွာများကိုကိုယ်တိုင်ဆိုင်ကယ်မောင်း နှင်ပြီး
ကျောင်းတက်နိုင်နေကြပါပြီ။
တရုတ်ဆိုင်ကယ်တွေ ဈေးသင့်တင့်စွာနဲ့ ၀င်လာတာနဲ့အမျှ အချို့သော လူငယ်
ကလေးများဟာဆိုင်ကယ် Carry အလုပ်နဲ့အသက်မွေးဝမ်းကြောင်းပြုတဲ့ လုပ်ငန်းတစ်ခု
လည်းပေါ်ထွန်းလာကြပြန်ပါတယ်။ ကျေးလက်တောရွာနေ အချို့သော အရွယ်ခပ်လတ်လတ် အမျိုးသမီးများနဲ့ မြို့ပေါ်နေ အမျိုး သမီးကြီး အချို့တို့ဟာလည်း အမျိုးသားများနဲ့ ရင်ဘောင် တန်းပြီးမိမိတို့ရဲ့ဝမ်းစာရေးအလို့ငှာသုံးဘီးဆိုင်ကယ်များကိုခရီးသည်ပို့ဆောင်ခြင်းနဲ့ကုန်
စည်ပို့ဆောင်ခြင်းလုပ်ငန်းတို့မှာကိုယ်တိုင်မောင်းနှင် လုပ်ကိုင်လာကြတာတွေ့လာရ
ပါတယ်။
ဒါတွေကို ကြည့်ခြင်းအားဖြင့် ဆိုင်ကယ်စီးနင်းသူ(မောင်းနှင်သူကို ဆိုလိုပါတယ်) ဦးရေဟာ တစ်နိုင်ငံလုံးမှာ တစ်နေ့တစ်ခြား တိုးတက်မြင့်မား လာနေတာကိုလည်း ခန့်မှန်း
လို့ ရနိုင်ပါတယ်။ ဆိုင်ကယ်မောင်းနှင်သူဦးရေ များလာသလို တစ်နိုင်ငံလုံးအတိုင်းအတာနဲ့ ဆိုင်ကယ်မောင်းရင်း ကိုယ့် ဘာသာအရှိန်လွန်ပြီးတိမ်းမှောက်တာမျိုးဖြစ်စေ၊ ဆိုင်ကယ်
အချင်း ချင်း ဖြစ်စေ၊ ဆိုင်ကယ်ကလူကို ဖြစ်စေ၊ ဆိုင်ကယ်နဲ့ ကားနဲ့ဖြစ်စေ၊ ဆိုင်ကယ်နဲ့
စက်ဘီး နဲ့ ဖြစ်စေ တိုက်မိခိုက်မိတဲ့ မတော်တဆမှုများဟာ လည်း တစ်နေ့တစ်ခြား များပြားလို့လာနေတာ တွေ့ရပါတယ်။ တကယ်တော့ ဒီလို ဆိုင်ကယ်မတော် တဆမှုတွေ များပြားနေရခြင်းဟာ ဆိုင်ကယ်မောင်းနှင်သူ၊ ဆိုင်ကယ်မောင်းနှင်သူနောက်က ထိုင်လိုက်
တဲ့ ဆိုင်ကယ်စီးနင်း သူများနဲ့ ခြေလျင်လမ်းလျှောက်ကြသူများတို့ရဲ့ မော်တော်ယာဉ်ဥပဒေနဲ့ နည်းဥပဒေတို့ပါ ယာဉ်စည်းကမ်းလမ်းစည်းကမ်းတို့ကို တိကျစွာ မလိုက်နာမှုများကြောင့်
လည်း ပါဝင်ပါတယ်။
ကျွန်တော်တို့တိုင်းပြည်အတွင်းမှာလူငယ်၊လူရွယ်၊လူကြီးယခင်စက်ဘီးစီးခဲ့ကြတဲ့
ခေတ်ကနေ ယခု ဆိုင်ကယ် စီးနင်းတဲ့ခေတ်ကို ရောက်လာကြတာ ၀မ်းသာစရာပါပဲ။
ထို့အတူ ဆိုင်ကယ်ပေါ်လာတဲ့ အချိန်မှာ ကိုယ်တိုင်ဝယ်နိုင်လို့ ပဲဖြစ်စေ၊ အုံနာကြေးပေး ငှားရမ်းပြီးတော့ပဲဖြစ်စေ ဆိုင်ကယ် Carry လိုက်တဲ့ အလုပ်အကိုင်အသစ်တစ်ခုပေါ်
လာခြင်း ဟာလည်း အတန်းပညာနည်းပါးပြီးမိန်းကလေးများထက်စာလျှင်အလုပ်အကိုင်ရ
နိုင်တဲ့ အခွင့် အလမ်းနည်းပါးလွန်းလှတဲ့ လူငယ်ယောက်ျားလေးများအတွက်လည်း ၀မ်းစာ ရှာဖွေဖို့ ထွက်ပေါက် တစ်ခုရသလိုပါပဲ။ ထို့အတူ အချို့အချို့သော မုဆိုးမနဲ့သားသည် မိခင် များဟာလည်း မိသားစုရဲ့ ၀မ်းရေးအတွက် အားငယ်အားနွဲ့နေစရာမလို၊ ယောက်ျားအလုပ် မိန်းမ အလုပ် ခွဲခြားမနေနိုင်ကြတော့ဘဲ သုံးဘီးဆိုင်ကယ်မောင်းနှင်ပြီး ရတဲ့ ၀င်ငွေလေးများနဲ့ မိသားစု ရဲ့ နေ့စဉ် စားစရိတ်လေးကို ဖြေရှင်းနိုင်ခဲ့ကြတာမို့ ပီတိဖြစ်စရာပါပဲ။
ဒါပေမယ့်ဆိုင်ကယ်ကိုအများပြည်သူဆိုင်ရာလမ်းမများပေါ်မှာ နေ့စဉ်နဲ့အမျှအသုံးချ
မာင်းနှင်နေကြသူများကို သေသေချာချာ လေ့လာကြည့်လိုက်မယ်ဆိုရင်တော့ ယာဉ်စည်း
ကမ်း ၊လမ်းစည်းကမ်းနဲ့ အညီ မောင်းနှင်သူက ခပ်ရှားရှား ဖြစ်တာကို တွေ့မြင်ရပါလိမ့်မယ်။
အချို့က ယာဉ်လိုင်စင်မရှိတဲ့ ဆိုင် ကယ်များကို စီးနင်းနေကြသေးသလို အချို့က နည်းလမ်း
တကျ ထုတ်ပေးထားတဲ့ ယာဉ်မောင်းလိုင်စင်မရှိဘဲ မောင်းနှင်နေကြတာတွေလည်းရှိနေ
ပါသေးတယ်။ ထို့အတူ ဥပဒေမှာသတ်မှတ်ထားတဲ့အသက် မပြည့်သေးဘဲ မောင်းနှင် ခွင့်မရှိသေး ဘဲ မောင်းနှင်နေကြတဲ့ ကလေးသူငယ်များနဲ့ လူငယ် များလည်း ရှိနေကြပါတယ်။
အချို့ကျပြန်တော့ ယာဉ်မောင်းလိုင်စင်ရှိနေပေမယ့် ကိုယ်နဲ့ မကွာ ယူဆောင်လာခြင်း မရှိလို့စစ်ဆေးတဲ့အခါ ပြသနိုင်ခြင်းမရှိသူတွေလည်းရှိကြပါတယ်။ အချို့ကဆိုင်ကယ်လိုင်စင်ရှိ
ကြပေမယ့် ဆိုင်ကယ်နဲ့ အတူ ပါမလာဘဲ အိမ်မှာ ကျန်ရစ်ခဲ့သူတွေ ရှိကြသလို အချို့ကတော့ လိုင်စင် သက် တမ်းပြတ်နေတဲ့ဆိုင်ကယ်စီးနင်းလာသူတွေ လည်းရှိနေကြပါတယ်။ အချို့ကတော့ဆိုင်ကယ်ကို နှစ်ယောက်ထက်ပိုစီးနင်းကြပြီးအချို့ကျပြန်တော့ဆိုင်ကယ်
မောင်းနှင်သူရောနာက်ကထိုင်စီးနင်းသူတို့ပါဆိုင်ကယ်စီးဦးထုပ်မဆောင်းကြတာတွေလည်း
ရှိနေကြပါတယ်။အချို့ရှေ့ကဆိုင်ကယ် မောင်းနှင်သူကသာ ဆိုင်ကယ်စီးဦးထုပ်ဆောင်း
ထားပြီး နောက်ကလူကဦးထုပ်မပါတာမျိုးလည်းမကြာခဏတွေ့နိုင်ပါတယ်။အချို့ဆိုင်ကယ်
စီးဦးထုပ်ဆောင်းပြန်တော့လည်းဥပဒေမှာညွှန်ကြားထားတဲ့အတိုင်း မေးသိုင်းကြိုးကို သေချာ
စွာမတပ်ဆင်ဘဲ မေးသိုင်းကြိုးတွဲလောင်းတွဲလောင်းနဲ့စီးသူတွေလည်း တွေ့နေရပါတယ်။
အချို့ကျပြန်တော့ဆိုင်ကယ်လိုင်စင်စာအုပ်များရော မောင်းနှင်ခွင့်လူလိုင်စင်များပါ ဆိုင် ကယ်မောင်းနှင်လာစဉ် ပြည့်ပြည့်စုံစုံ ပါရှိလာခဲ့ပေမယ့် လက်တွေ့မှာတော့ ဆိုင်ကယ် မှာ ရှေ့ရော နောက်ပါ ကညနက ထုတ်ပေးထားတဲ့ ယာဉ်လိုင်စင်နံပါတ်ပြား တပ်ဆင်ထားခြင်း မရှိသူတွေ၊ညအချိန်လုံလောက်တဲ့မီးရောင်ရှိဖို့လိုအပ်တဲ့မီးလုံးများကျွမ်းနေတာတွေကိုလည်း
တွေ့ရပြန်ပါတယ်။ အချို့သော ဆိုင်ကယ်များကျပြန်တော့ယာဉ်အန္တရာယ်ကင်းရှင်းရေးအတွက် မဖြစ်မနေတပ်ဆင်ထားသင့်တဲ့ နောက်ကြည့်မှန်များတပ်ဆင်ထားခြင်းမရှိဘဲ မောင်းနှင်နေကြတာကို တွေ့ရှိနိုင်ပါတယ်။ နောက်ကြည့်မှန် မတပ်ဘဲ မောင်းနှင်ကြတာကတော့ အထူးသဖြင့် လူငယ်များ မောင်းနှင်တဲ့ ဆိုင်ကယ်များမှာ တွေ့ရှိရပါတယ်။
ပြီးခဲ့တဲ့ ၂၀၁၅ခုနှစ်၊ ရွေးကောက်ပွဲမတိုင်မီ မဲဆွယ်စည်းရုံးရေးကာလများ ကို ပြန်ကြည့် မယ်ဆို ရင်လည်း လက်ရှိအာဏာရပါတီအတွက် စည်းရုံးသူများ ရော၊ အတိုက်အခံပါတီကြီးနဲ့ အခြားသော ပါတီငယ်များ၊ တစ်သီးပုဂ္ဂလအတွက် စည်းရုံးနေကြသူများပါ အများပြည်သူဆိုင်
ရာ လမ်းမကြီးများပေါ်မှာယာဉ်စည်းကမ်း၊လမ်းစည်းကမ်းကိုအပြိုင်အဆိုင်ချိုးဖေါက်နေ
သလားလို့ ထင်ရလောက်အောင် တွေ့မြင်ခဲ့ရပါတယ်။ စည်းရုံးရေးအတွက် မြို့ပေါ်လမ်း မကြီးများပေါ်မှာ ဆိုင်ကယ်များ စီးကြရာမှာ အန္တရာယ်ကင်းရှင်းရေးအတွက် သတ်မှတ်ထား
တဲ့ ဆိုင်ကယ်စီး ဦးထုပ်များ ဆောင်းကြရမဲ့အစား ခေါင်းပေါ် မှာ နှဖူးစည်းများ စည်းသူစည်း၊ ဆိုင်ကယ်စီး ဦးထုပ်များအစား အခြားသော ပါတီနဲ့ ပတ်သက်တဲ့ ဦးထုပ်အပျော့များ ဆောင်း သူဆောင်းနဲ့ တွေ့ရပါတယ်။ တကယ်တော့ တိုင်းပြည်ကို ဦးစီးဦးဆောင်နိုင်ဖို့ အများပြည်
သူကို မဲဆွယ်စည်းရုံးနေကြသူများ ဖြစ်ကြတဲ့အတွက် ကိုယ်တိုင်ကိုယ်ကျ သတိထားပြီး စည်းကမ်းရှိပြကြဖို့ လိုအပ်လှပါတယ်။
အလျဉ်းသင့်လို့ တစ်ဆက်တည်း တင်ပြရမယ်ဆိုရင်တော့ အချို့သော မိန်းကလေးများ ဆိုင်ကယ် အနောက်က ထိုင်လိုက်ပြီး စီးကြရာမှာ ဆိုင်ကယ်စီး ဦးထုပ်မဆောင်းကြတဲ့အပြင် ဆိုင်ကယ်ပေါ်မှာ ထိုင်လိုက်ရင်း ဘယ်ဘက်လက်က ဟန်းဖုန်းကိုင်ရင်းညာဖက်လက်က ဖုန်းမျက်နှာပြင်ကိုပွတ်ကာ Chatting လုပ်နေတတ်ကြတာကို အသဲယားဖွယ် မြင်တွေ့
နေကြရခြင်းပါဘဲ။ အရှိန်နဲ့သွားနေတဲ့အချိန် မတော်တဆ ဘရိတ်အုပ်လိုက်မယ်၊ တိုက်မိ
ခိုက် မိမယ်ဆိုရင် အနောက်က ထိုင်ရုံသာထိုင်နေသူတစ်ဦးအတွက်အင်မတန်အန္တရာယ်ကြီး
မားလှပါတယ်။ကိုယ့်ရဲ့မဆင်ခြင်မှုကြောင့်မလိုလားအပ်တဲ့ကိစ္စရပ်များလည်းဆင့်ကဲဆင့်ကဲ
ဖြစ်ပေါ်လာနိုင်သလို ကိုယ့်မိသားစုကို ဆင်းရဲတွင်းထဲ စွဲသွင်း သလို ဖြစ်သွားနိုင်တယ်ဆိုတာ ကိုလည်း သတိပြုကြရပါမယ်။ တကယ်တော့ အနောက်က ထိုင်လိုက်ရင်း ယာဉ်အန္တရာယ်
ကင်းရှင်းအောင် မစီးနင်းခြင်းဟာလည်း လမ်းစည်းကမ်း၊ ယာဉ်စည်းကမ်း ချိုးဖေါက်ခြင်း တစ်မျိုးပါပဲ။
ဥပဒေနဲ့နည်းဥပဒေများ ပြဌာန်းထားခြင်းဟာလိုက်နာဖို့အတွက် ဖြစ်ပါတယ်။
မော်တော်ယာဉ် ဥပဒေနဲ့ နည်း ဥပဒေတို့မှာ ပါတဲ့ ယာဉ်မောင်းနှင်သူများ၊ ယာဉ်စီးနင်း
သူများ၊ လမ်းလျှောက်သူများ လိုက်နာကြရမဲ့ ယာဉ်စည်းကမ်းနဲ့ လမ်း စည်းကမ်းများဟာလည်း သက်ဆိုင်ရာ ယာဉ်မောင်းနှင်သူ၊ စီးနင်းသူနဲ့ အများ ပြည်သူတို့အန္တရာယ်ကင်းရှင်းစေဖို့
ပြဌာန်း ထားခြင်းပဲ ဖြစ်ပါတယ်။ကျွန်တော်တို့နိုင်ငံဟာများမကြာခင်ကာလမှာနိုင်ငံ့ခေါင်း
ဆောင် အသစ်၊ အစိုးရအဖွဲ့အသစ်တို့နဲ့အတူ တိုင်းပြည် ဖွံ့ဖြိုးတိုးတက်ရေးအတွက်
လူသစ်၊ စိတ်သစ်များနဲ့ ကမ္ဘာပေါ်မှာ ဖွံ့ဖြိုးမှုအနည်းဆုံးဆိုတဲ့ နိုင်ငံအဆင့်ကနေ ရုန်းထွက်
နိုင်ဖို့ ကြိုးစား ကြရတော့မယ့် အချိန်ကျရောက်နေပါပြီ။ ဒီလိုအချိန်အခါမျိုးမှာ ကျွန်တော်တို့ဟာ သာမန်ပြည်သူပြည်သား တိုင်း လိုက်နာနိုင်လောက်ပြီး မိမိကိုယ်တိုင်အတွက်လည်း အန္တရာယ် ကင်းရှင်းစေမဲ့ အခြေခံအားဖြင့်လည်း လိုက်နာနိုင် ကြ တဲ့စည်းကမ်းမျိုးကိုမှ မလိုက်နာနိုင်ကြ
ဘူးဆိုရင်ကျွန်တော်တို့ မျှော်မှန်းနေကြတဲ့ ရွှေပြည်တော်ဟာလည်း မျှော်တိုင်းဝေးနေအုံးမှာ
ပဲဖြစ်ပါတယ်။ကိုယ်လျှောက်လိုတဲ့လမ်းကို ကိုယ်ကိုယ်တိုင်ကမှ မဖေါက်လိုရင်ကိုယ့်ရည်မှန်း
ချက်ဟာ ဝေးနေအုံးမှာပဲဖြစ်ပါတယ်။ကျွန်တော်တို့ဟာကျွန်တော်တို့အလိုရှိတဲ့အစိုးရတစ်
ရပ်ပေါ်ထွန်းလာရေးကိုလည်းညီတူညာတူ ရွေးချယ်လို့ ပြီးခဲ့ပါပြီ။
မကြာခင်ကာလအတွင်းကလည်း နိုင်ငံခေါင်းဆောင်အသစ်ဖြစ် လာတော့မဲ့ သူရဲ့လမ်းညွှန်စကားနဲ့အညီ တိုင်းပြည်ထူထောင်ရေးမှာအခြေခံအကျဆုံးလို့ဆိုအပ်တဲ့
နိုင်ငံနဲ့အ၀ှမ်းအမှိုက်ကောက်ခြင်းလုပ်ငန်းများကိုကျွန်တော်တို့ ပြည်သူတွေတစ်ညီတစ်ညွတ်
တည်းလုပ်ကိုင်ပြသခဲ့ကြတာကိုလည်းမှတ်မိကြအုံးမှာပါ။ ဒါကြောင့်အခုလည်း
ရွှေပြည်တော်မျှော်တိုင်း မဝေး စေဖို့ လူတိုင်းလူတိုင်းလည်း လိုက်နာနိုင်တဲ့ အခြေခံကျ
လှတဲ့ ယာဉ်စည်းကမ်းလမ်းစည်းကမ်းတို့ကိုလိုက်နာခြင်း ဖြင့် အနာဂတ် အတွက် စည်းကမ်း
ရှိတဲ့ လူ့ဘောင်တစ်ရပ်ကို ထူထောင်ကြပါစို့လို့ တိုက်တွန်းရေးသားလိုက်ရပါတယ်။
ေ အာင် စိုး ( ပြည် )
