တရားခံ ဘယ်သူလဲဟေ့ !
တစ်နေ့သောအခါ ကြင်နာစွာအသဲနစ်အောင် ချစ်ခဲ့ရတဲ့ ဇနီးမယားဟာ
လင် ယောက်ျားနဲ့ စိတ်အခပ်မသင့် တော့ လင်ယောင်္ကျားအလစ်မှာ အိမ်က တီဗွီတွေ၊ အောက်စက်တွေ နဲ့ သူမရဲ့ ရွှေထည် ငွေထည်လက်ဝတ်လက်စား တွေကို ယူပြီး ဆင်းသွားပါတယ်။
ယောက်ျားဖြစ်သူ သိတော့ အတော့်ကို မကျေမချမ်းဖြစ်တော့တာပေါ့။
မင်းငါ့အကြောင်းသိစေရမယ်လို့ ကြိမ်းဝါးပြီး ဇနီးဖြစ်သူကို ခိုးမှုနဲ့ တရားစွဲဖို့လုပ်တယ်။ ဇနီးဖြစ်သူကလည်း အင် မတန်ကို ပါးနပ်တယ်ဗျ။
ဘယ်လိုပါးနပ်တာလည်းဆိုတော့ ရပ်ကွက်ထဲက အငြိမ်းစား တရားသူကြီးတစ်ယောက်ကို သူ့ဆွေမျိုးထဲကတစ်ယောက် သူ့ယောက်ျားနဲ့ စိတ်ဆိုးပြီး ပစ္စည်းတွေယူပြီး အိမ်က ဆင်းသွားလို့ဆရာ၊
အဲဒါ တရားစွဲလို့ ရနိုင် / မရနိုင် လာမေးတာပါလို့မေးတော့-
အဲဒီ အငြိမ်းစားတရားသူကြီးဆိုတဲ့သူကလည်း အမှန်အတိုင်းပြောလိုက်မိတယ်တဲ့ဗျာ။
အဲဒီလို မေးမြန်းစုံစမ်းပြီးတော့မှ သူ့ခင် ပွန်း အလစ်မှာ အိမ်က ပစ္စည်းတွေ အကုန်မသွားခဲ့တာကိုး။
သူ့ယောက်ျားကတော့ ဒီမိန်းမတော့၊ ဒီမိန်းတော့လို့ ဟဲလေးသီချင်းကို ဆိုပြီး ရဲစခန်းကို သွားတိုင် ပေမယ့် ရဲစခန်းကလည်း သူ့ကို အမှုဖွင့်မပေးဘူး။ ဒီအတိုင်းတော့ ဖွင့် လို့ မရဘူးလို့ ရဲစခန်းမှုခင်းစာရေးကြီးပြောတဲ့ စကားကို အဓိပ္ပါယ်ကောက်လွဲပြီး လက်ဖက်ရည်ဖိုးပေးပါ့မယ၊် ဒီလောက်တော့ ကျုပ်မအပါဘူး၊ နားလည်မှု ရှိပါတယ်လို့သွားပြောတာ ရဲစခန်းစာရေးကြီး ဒေါသထွက်ပြီး အော်လွှတ်လိုက်တာကြောင့် ကြောက်ကြောက်နဲ့ ထွက်ပြေးခဲ့ရာက နောက်ဆုံးတရားရုံးဝင်းထဲက လျှောက်လွှာစာရေးထံမှာ လျှောက်လွှာရေးခပေး၊ လျှောက်လွှာရေးပြီး တရားရုံးမှာ ဦးတိုက်လျှောက်ထားဖို့ သွားလိုက်တော့တယ်။ သူ့လျှောက်လွှာ လက်ခံရရှိတဲ့ ဒုတိယမြို့နယ်တရားသူကြီးလေးက ပြစ်မှုဆိုင်ရာ ကျင့်ထုံးဥပ ဒေပုဒ်မ-၂၀၀ အရ သူ့ကို စစ်ဆေးပြီး နောက်ဆုံးမှာတော့
အောက်က စီရင် ထုံးလေးကို ကိုးကားပြီး သူ့အမှုကို ဥပ ဒေအရ အရေးယူသင့်ကြောင်း မတွေ့ရလို့ ပြစ်မှုဆိုင် ရာ ကျင့်ထုံးဥပဒေပုဒ်မ-၂၀၃ အရ ပလပ်လိုက်တော့တယ်။
စီရင် ထုံးလေးကတော့-ဒေါ်ရင် မေ နှင့် ပြည်ထောင် စု ဆိုရှယ်လစ်သမ္မတ မြန်မာနိုင် ငံတော်ပါ(၂) {၁၉၈၃-ခုနှစ်၊ မတစ၊ စာမျက်နှာ- ၂၀ } ဖြစ်ပါတယ်။
အဲဒီမှာ ဘယ်လိုလမ်းညွှန်ဆုံးဖြတ်ထားသလဲဆိုတော့ -
ဦးဘရင် က သူ၏ ဇနီး ဒေါ်ရင် မေသည် သူမရှိခိုက် နေအိမ်အတွင်း ရှိ ဗီရိုကို သော့တုဖြင့် ဖွင့် ၍ ဗီရိုထဲမှ ရွှေထည်ပစ္စည်းများကို ခိုးယူသွားသည်ဟု တိုင် တန်းသည်။ ဦးဘရင် နှင့် ဒေါ်ရင် မေတို့သည် မကွာရှင်းရသေးသော ဇနီးမောင် နှံဖြစ်သည်။ ဒေါ်ရင် မေ က သက်သေခံပစ္စည်းများကို မိမိလည်း ပိုင် သည်ဟု ယုံကြည်၍ ယူ
သွားခြင်း ဖြစ်ရာ မရိုးမဖြောင့် သော သဘောဖြင့် ယူသွားခြင်း မဟုတ်သဖြင့် ပြစ်မှုဆိုင် ရာ ဥ ပဒေပုဒ်မ- ၃၇၈ အရ ခိုးမှု မမြောက်သောကြောင့် ဒေါ်ရင် မေအပေါ်ပြစ်မှုဆိုင် ရာ ဥပ ဒေပုဒ်မ-၃၈၀ အရ စွဲချက်တင် ရန် အကြောင်း မရှိပေ။-- တဲ့။
ကဲ - ဒီတော့လည်း အမျိုးသား ခမျာ ဘာမျှ မတတ်နိုင် တော့ဘူးပေါ့။
တရားသူကြီးလေးက နောက်ဆက်တွဲ စကားလေးလည်း အမှာပါးလိုက်သေးတယ်။ သူပြောတဲ့ အတိုင်းလုပ်ရမှာပဲတဲ့လေ။
တရားသူကြီးလေးက နောက်ဆက်တွဲ ဘာပြောလိုက်သလဲဆိုတော့-
ခင် ဗျား မိန်းမကို အသာလေးလိုက်ပြီး ပြန်ချော့ခေါ်ပေါ့ ဗျာ၊ ပစ္စည်းတွေလည်း အဲလိုလုပ်မှ ပြန်ပါလာမှာ။ သွားကြမ်းလို့တော့ မရဘူးနော်၊ သွေးထွက်သံယိုတစ်ခုခုဖြစ်ရင် ခင်ဗျားကို နာကျင်စေမှုနဲ့ အမှုဖွင့် လို့ ရတယ်။ ဒဏ်ရာကြီးရင် ကြီးသလို ပုဒ်မလည်း ကြီးသွားနိုင် တယ်။ ပုဒ်မမှာလည်း အာမခံရနိုင် တဲ့ ပုဒ်မ၊ အာမခံ မရနိုင် တဲ့
ပုဒ်မ ဆိုပြီး ရှိသေးတော့ စိတ်ထိန်းပေါ့ ဗျာတဲ့ ။
အော် တရားခံက ဘယ်သူလဲ - အငြိမ်းစားတရားသူကြီးများလား ။
သူ မလိမ္မာလို့ ပစ္စည်းတွေ ပါသွားတာများလား ။
UAS – Legal pages
