ပြစ်မှုတစ်ရပ်ကို အကြိမ်ကြိမ်စွဲဆိုလာပါကဆောင်ရွက်ရန်လုပ်ထုံး။(စစ်ဆေးဆဲ)
ဦးထွန်းမျိုးဌေး
ပြစ်မှုဆိုင်ရာ အမှုများ (စစ်ဆေးဆဲ) တွင် ပြစ်မှုတစ်ရပ်ကို အကြိမ်ကြိမ်စွဲဆိုသည့်ကိစ္စရပ်များ တခါတရံကြုံတွေ့နိုင်ပါသည်။
ဥပမာ -
ရဲစခန်းတွင် ပထမသတင်းပေးတိုင်ချက် ဖွင့်ထားသည့် အမှုကို တရားရုံးသို့ လာ၍ ဦးတိုက်လျှောက်ထားသည့် ကိစ္စရပ်များတွင် တရားရုံးက ဦးတိုက်လျှောက်လွှာကို အရေးယူပြီးဆောင်ရွက်နေဆဲ ရဲထံတိုင်ထားသည့် အမှုက တက်လာသည့်ကိစ္စရပ်များ၊
ပြုလုပ်မှုတစ်ရပ်တည်းကို နစ်နာသူက ပထမသတင်းပေးတိုင်ချက်တစ်ခုဖွင့်ပြီး ရဲအရာရှိက ပထမသတင်းပေးတိုင်ချက်တစ်ခု ဖွင့်လှစ်၍ တရားစွဲတင်ပို့လာသည့် ကိစ္စရပ်များ စသည်တို့ဖြစ်ပါသည်။
ယင်းသို့ကြုံတွေ့ပါက မည်သို့ဆောင်ရွက်ရသည်ကို ကျင့်ထုံးဥပဒေ၊ ရုံးလက်စွဲ၊ ညွှန်ကြားချက်များတွင် အတိအလင်း ပြဌာန်းချက်မတွေ့ရပါ။
သို့ရာတွင် ဒေါက်တာမောင်မောင်စိန်ပါ - ၂ နှင့် ပြည်ထောင်စုဆိုရှယ်လစ်သမ္မတမြန်မာနိုင်ငံတော် ပါ - ၂ (၁၉၇၈၊ မတစ၊စာ - ၉၄) အမှုတွင်
(၁) မူလရှိပြီး ဖြစ်သည့်အမှု နှင့် ပေါင်း၍ ဆောင်ရွက်သွားရန်ဖြစ်ကြောင်း၊
(၂) အမှုများပူးပေါင်းဆောင်ရွက်သည့်အခါ ပင်တိုင်အမှု၏ နေ့စဉ်မှတ်တမ်းတွင် အမှုများကို ပူးပေါင်းလိုက်ကြောင်းဖော်ပြရန်ဖြစ်ကြောင်း၊
(၃) နောက်တိုးအမှုများမှ စာရွက်စာတမ်းများကို ပင်တိုင်အမှုတွဲ၌ တွဲထားရန်ဖြစ်ပြီး
နောက်တိုးအမှုများတွင် ယင်းသို့ ဆောင်ရွက်ကြောင်းဖော်ပြပြီး အမှုများ ပ်ိတ်လိုက်ရန်ဖြစ်ကြောင်း၊
အောက်ပါအတိုင်းလမ်းညွှန်ထားပါသည်။
"ပြစ်မှုတစ်ရပ်အတွက် အကြိမ်ကြိမ်စွဲဆိုခြင်းဖြစ်သည်ဟုတွေ့ရှိပါက တိုင်လျှောက်လွှာများအတွက် ဖွင့်လှစ်ထားသော အမှုတွဲများကို မူလရှိပြီးဖြစ်သည့် ပြစ်မှုဆိုင်ရာ မူလမှုအမှတ် - ၅၅၄/ ၇၇ နှင့် ပူးပေါင်း၍ ဆောင်ရွက်သွားရန်သာဖြစ်သည်။ အမှုများပူးပေါင်းဆောင်ရွက်သည့်အခါ ပင်တိုင်အမှု၏ နေ့စဉ်မှတ်တမ်းတွင် အမှုများကို ပူးပေါင်းလိုက်ကြောင်းဖော်ပြ၍ နောက်တိုး အမှုများမှ စာရွက်စာတမ်းများကို ပင်တိုင်အမှုတွဲ၌ တွဲထားရန်ဖြစ်ပြီး နောက်တိုးအမှုများတွင် ယင်းသို့ဆောင်ရွက်ကြောင်း ဖော်ပြပြီး အမှုပိတ်လိုက်ရန်ဖြစ်သည်။ ယင်းသို့ဆောင်ရွက်မှသာ ဥပဒေပြဌာန်းချက်များနှင့် ညီညွတ်ပြီး တရားမျှတမှု ရှိသည်ဟု ဆိုနိုင်ပေမည်။"
အထက်ပါ လုပ်ထုံးသည် စစ်ဆေးဆဲအမှုများတွင် ပြစ်မှုတစ်ရပ်ကို အကြိမ်ကြိမ်စွဲဆိုလာသည့် ကိစ္စရပ်အတွက်ဖြစ်ပါသည်။
စစ်ဆေးပြီးအမှုအတွက် ထပ်မံစွဲဆိုလာသောကိစ္စရပ်ဖြစ်ပါက ပြစ်မှုဆိုင်ရာကျင့်ထုံးဥပဒေပုဒ်မ - ၂၀၃၊ ၂၅၃(၂)နှင့် ၅၆၁-က တို့ အရ ဆောင်ရွက်ရန်ဖြစ်ပါကြောင်းတင်ပြအပ်ပါသည်။
ဦးထွန်းမျိုးဌေး
