တရားစီရင်ရေးဆိုင်ရာ ကျင့်ဝတ်ရေးဆွဲခြင်းနှင့် အကောင်အထည်ဖော်ခြင်းဆိုင်ရာ အဆင့်မြင့်ဆွေးနွေးပွဲ ကို ဖေဖော်ဝါရီ လ၂၈ ရက်နေ့က နေပြည်တော်ရှိဟိုတယ်တစ်ခုတွင် ပြည်ထောင်စုတရားလွှတ်တော်ချုပ်က ပြုလုပ်ခဲ့ပြီး ဒိန်းမတ်သံရုံးမှ သံ အရာရှိများ အပြည်ပြည်ဆိုင်ရာဥပဒေပညာရှင်များအဖွဲ့(ICJ)၊ကုလသမဂ္ဂဖွံ့ဖြိုးမှုအစီအစဉ်(UNDP)တို့မှ ပညာရှင်များလည်း တက်ရောက်ခဲ့ကြောင်း သတင်းတစ်ရပ်တွင် ဖတ်ရသည်။
“မြန်မာနိုင်ငံတရားသူကြီးများအတွက် တရားစီရင်ရေးဆိုင်ရာကျင့်ဝတ်-မူကြမ်း (Court of Jud icial Conduct for Myanmar Judges-Draft) ကို စာအုပ်ပုံထဲမှပြန်ရှာလျက် ဖုတ်ဖက်ခါပြီး ဖတ်ကြည့်ပါသည်။
(Bangalore)ဘန်ဂလောမူကို အခြေခံရေးဆွဲထားသော တရားသူကြီးများ လိုက်နာကျင့်ဆောင်အပ်သည့်“ကျင့်ဝတ်” များကိုအင်္ဂလိပ်၊ မြန်မာနှစ်ဘာသာဖြင့် ဖော်ပြထားသည်။ မူရင်း အင်္ဂလိပ်ဘာသာမှ ကြိုးစားပြန်ဆိုထားခြင်းဖြစ်ပြီး ပြန်ဆိုချက် အချို့ချောမွေ့ပြေပြစ်ခြင်းမရှိသည်ကို တော်တော်ကြီး သည်းခံရစေကာမူ “အငယ်ဆုံးတရားသူကြီးမှ အကြီးဆုံးတရားသူကြီး အထိ”(ဒုတိယမြို့နယ်တရားသူကြီးမှပြည်ထောင်စုတရားသူကြီးချုပ်အထိ) တရားသူကြီးတိုင်း မလိုက်နာနိုင်စရာ အကြောင်းမရှိသောအချက်များဖြစ်သည်ဟု ယူဆဖွယ်ရာ ရှိပါသည်။
××××××××××××××××××××××
ဘောလခဲခရိုင်တွင်တာဝန်ထမ်းစဉ်၊တစ်နေ့သ၌ မူးယစ်ဆေးဝါးနှင့်စပ်လျဉ်း၍ အထက်တန်းကျောင်းသူကျောင်းသား များကို သွားရောက်ဟောပြောခဲ့ရပါသည်။ မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများဆိုင်ရာဥပဒေပုဒ်မ-၁၅ အရ
သုံးစွဲသူကို မည်သို့အရေးယူပြီး၊ ပုဒ်မ-၁၆(ဂ)အရ မူးယစ်ဆေးလက်ဝယ်ထားသူကို ပြစ်ဒဏ်မည်မျှ၊ပုဒ်မ-၁၉(က)အရ ရောင်းချရန်လက်ဝယ်ထားသူကိုပြစ်ဒဏ်မည်မျှစသည်ဖြင့်မပြောလို။
“အနည်းဆုံးထောင်ဒဏ်၁၀နှစ်မှအများဆုံး နှစ်အကန့် အသတ်မရှိထောင်ဒဏ်အထိ” အစရှိသည့် ကြီးလေးသောပြစ်ဒဏ်များ၊ပုဒ်ထီးပုဒ်မများဖြင့် ပျိုနုသောပုရစ်ဖူးလေးများကို ပယ်ပယ်နယ်နယ် မပြောလိုပါ။ ခြောက်လှန့်ရာရောက်မည်စိုးသည့်အတွက် “ကျင့်ဝတ်၊ စည်းကမ်း၊ ဥပဒေ” အစရှိသည်ဖြင့် အာဏာစက်အထိ အဆင့်ဆင့်ရွေ့လျော သက်ရောက်ပုံကို ပြောခဲ့ပါသည်။ ထိုစဉ်က ကျွန်တော်သည် ဓမ္မသတ်ကိုရာဇသတ်ချုပ်၊ ရာဇသတ်ကို ကလိယုဂ်ချုပ်-ဆိုသည့် ရှေးထုံးနိယမတို့ကို ပြောခဲ့ ပါသည်။
ယခုအခါ ကျွန်တော်သည် အဆိုပါပြောဆိုချက်ကို ပြန်၍ ဆင်ခြင်ကြည့်မိပါသည်။
“ကျင့်ဝတ်”ဆိုသည်ကို လိုက်နာစောင့်ထိန်းအပ်သောဝတ္တရားတစ်ခု ဖြစ်ပြီး မလိုက်နာ၊ မစောင့်ထိန်းလျှင်လည်း(သာမန်အားဖြင့်) ပြစ်ဒဏ်ချမှတ်၍ အပြစ်ပေးစီရင်နိုင်သည့်ကိစ္စမျိုးမဟုတ်ကြောင်း၊
ဥပမာ-သိင်္ဂါလောဝါဒသုတ်လာမိဘ၀တ်၊ သား သမီးဝတ်၊တပည့်ဝတ်၊ဆရာ့ဝတ်-တို့မှာ စည်းကမ်း၊ဥပဒေ မမည်သေးသည့် ကျင့်ဝတ်များဖြစ်ကြောင်း၊ ကျောင်းဝင်းထဲသို့ ၀င် လာသည့်ဆရာမ၏ ဆွဲခြင်းကို မူလတန်းကျောင်းသားလေးက ပြေးကြိုယူငင်ခြင်း၊ ဆရာမပန်ဖို့ နှင်းဆီပန်း ခူးလာပေးခြင်းတို့မှာ “လာမူကြိုဆီး”ဆိုသည့်ကျင့်ဝတ်တစ်ခုသာဖြစ်ကြောင်း၊ ကျင့်ဝတ်မျှသာဖြစ်သည့်အတွက် ဆရာမလေးကိုပန်းမပေး၊ ပြေးမကြို မိခဲ့လျှင်လည်း ကျောင်းသားကိုအပြစ်မပေးနိုင်ကြောင်း၊ အရေးမယူနိုင်ကြောင်း။ ကျောင်းသားတစ်ဦးသည် နံနက် ၉နာရီ ကျောင်းတက်ရမည်ဖြစ်ပါလျက် လမ်း၌ဆော့ကစားနေ၍ကျောင်းချိန်နောက်ကျခြင်းမှာ စည်းကမ်းဖောက်ဖျက်ရာရောက်သဖြင့် ဆရာကြီး၏ကြိမ်လုံးစာ မိနိုင်ကြောင်း။ ကျောင်းသားချင်း ရန်ဖြစ်၍ သွေးထွက်သံယိုဖြစ်သည်အထိ နာကျင်ဒဏ်ရာရရှိစေလျှင် ဥပဒေပြဌာန်းချက်ကို ချိုးဖောက်ကျူးလွန်ရာရောက်သဖြင့် ဥပဒေအရ အပြစ်ပေးစီရင်ခြင်းခံရနိုင်ကြောင်း၊စသည်စသည်ဖြင့် ကျင့်ဝတ်၊စည်းကမ်း၊ဥပဒေတို့ကိုကြိုးစား၍ ရှင်းလင်းပြောပြခဲ့ပါသည်။
ကျွန်တော်သည် ကျင့်ဝတ်ဆိုသည်မှာ လိုက်နာကျင့်ဆောင်အပ်သောဝတ္တရားဖြစ်သည်-ဆိုသော ဖွင့်ဆိုချက်အပေါ် အခြေပြု၍ ကျင့်ဝတ်ဆိုသည်မှာအစဉ်အလာဓမ္မသတ်သဘောမျှသာဖြစ်ကြောင်း၊ မင်းနှင့်ပြည်သူတို့ပြုလုပ်ပြဌာန်းသည့် ဥပဒေ ကဲ့သို့ “ကျင့်ဝတ်ချိုးဖောက်သူ”ကို အရေးယူ အပြစ်ပေးခြင်းမပြုနိုင်ကြောင်းပြောခဲ့ခြင်းဖြစ်ရကားအချို့သောကျင့်ဝတ်၊ဓမ္မသတ်များမှာ ရာဇသတ်နှင့်တစ်သားတည်းဖြစ်နေသည်ကိုပြောပြဖို့ရာ ကြွင်းကျန်လစ်ဟင်းခဲ့ကြောင်း တွေ့ရပါသည်။
ကျင့်ဝတ်ဆိုသည်မှာ ဓမ္မသတ်သဘောမျှဖြစ်သော်လည်း ရာဇသတ်နှင့်တစ်ထပ်တည်းဖြစ်နေတတ်ပါသည်။ မလိုက် နာမနေရသည့်ဥပဒေပြဌာန်းချက်လည်းဖြစ်နေတတ်ပါသည်။ ကျင့်ဝတ်မျှသာဖြစ်သဖြင့်(ဥပဒေမဟုတ်သည့်အတွက်) မလိုက် နာ၊မကျင့်ဆောင်လျှင်လည်းဖြစ်သည်ဟု အခါခပ်သိမ်းယူဆ၍မဖြစ်နိုင်သည်မျိုးရှိပါသည်။ဥပမာ-သတ်မှု၊ခိုးမှု၊ကာမဂုဏ်ကျူးမှု ဥပဒေပြဌာန်းချက်-တို့သည် ငါးပါးပဉ္စသီပါကျင့်ဝတ်သီလနှင့်ထပ်တူဖြစ်နေသည့်သဘောဖြစ်ပါသည်။
×××××××××××××××××××××××××××××××××
ဆရာဝန်ကျင့်ဝတ်၊ စစ်သည်ကျင့်ဝတ် ၊မီဒီယာကျင့်ဝတ်၊ ရှေ့နေကျင့်ဝတ်၊ တရားသူကြီးကျင့်ဝတ်-စသည်ဖြင့်ရှိပါသည်။
ဆရာဝန်များသည် ဟစ်ပိုကရေးတီးကျမ်းသစ္စာကို ဆေးပညာကျင့်ဝတ်အဖြစ် လိုက်နာစောင့်ထိန်းရပါသည်။ ဆေးပညာဘွဲ့နှင်းသဘင်များတွင် “ကမ္ဘာတစ်လွှား သမားဟူးရားကြီးများကိုသက်သေထား၍” ဟုဆိုကာ ယင်းသို့သဘောရှိသော ကျမ်းသစ္စာမျိုးကိုတိုင်တည်ရွတ်ဆိုရပါသည်။
မြန်မာနိုင်ငံဆေးကောင်စီဥပဒေပုဒ်မ-၃၀(င)တွင် ယင်းကျင့်ဝတ်ကျိုးပျက်ပါက မည်သို့ပြစ်ဒဏ်ချမှတ်နိုင်သည်ကို ဖော်ပြထားကြောင်းတွေ့ရပါသည်။ ရှေ့နေရှေ့ရပ်များ၏ကျင့်ဝတ်သိက္ခာများကို ပြည်ထောင်စုရှေ့နေချုပ်ရုံးမှ အခါအားလျော်စွာ စာအုပ်ထုတ်လေ့ရှိပါ သည်။
ရှေ့နေလိုက်ပါသူများအက်ဥပဒေ(The Legal Practioners Act)ပုဒ်မ-၁၃တွင် ပညာသည်ကျင့်ဝတ်(ရှေ့နေကျင့်ဝတ်) များကို အတိအလင်းဖော်ပြထားပြီး
ယင်းကျင့်ဝတ်ကျိုးပျက်ပါက မည်သို့ အရေးယူခြင်းခံရနိုင်ကြောင်းဖော်ပြထားပါသည်။ ပညာရှင်၊သို့မဟုတ်-ပညာသည်များအနေဖြင့်၎င်းတို့၏အသက်မွေးမှုဘ၀တွင် လိုက်နာစောင့်ထိန်းအပ်သည့် ကျင့်ဝတ်များသည် မလွဲမသွေလိုက်နာစောင့်ထိန်းရမည့် စည်းကမ်းဥပဒေများလည်းဖြစ်သည်ကို ဖော်ပြလိုရင်းဖြစ်ပါသည်။
×××××××××××××××××××××××××××××××××
ဖွဲ့စည်းပုံအခြေခံဥပဒေ၊ ပြည်ထောင်စုတရားစီရင်ရေးဥပဒေတို့တွင်တရားစီရင်ရေးမူများကို ဖော်ပြထားပါသည်။ အဆိုပါ မူများကိုသွေဖည်ပြုလုပ်ပါက မည်သို့အရေးယူခံရနိုင်သည်ကို မဖော်ပြပါ။ တရားစီရင်မှုတစ်ခုသည် အဆိုပါမူများနှင့်ညီညွတ်ပါ ကမည်သို့အကာအကွယ်ရနိုင်သည်ကို မဖော်ပြပါ။ အခြေခံဥပဒေ အရ ဖွဲ့စည်းခဲ့သည့် ပြည်ထောင်စုတရားလွှတ်တော်ချုပ်မတိုင်မီ၊ နိုင်ငံတော်တရားရုံးချုပ်လက်ထက်(၂၀၀၁-ခုနှစ်)က
“တရားသူကြီးများကျင့်ဝတ်နှင့် သိမှတ်ဖွယ်ရာများ” အိတ်ဆောင်စာအုပ်တစ်အုပ် ပြုစုထုတ်ဝေဖူးပါသည်။(စာအုပ်ဝါ-ဟုသိကြပါသည်)
ယင်းစာအုပ်တွင်၊ အသုံးလုံး၊ ငလေးလုံး၊ အမြင်လေးမြင်၊ စွမ်းရည်သုံးရပ်-စသည့် ကာလ၊ဒေသ၊ပယောဂအလျောက် တရားစီရင်မှုနှင့်မစပ်ဆိုင်သည်များ ရောထွေးပါနေသော်လည်း ရာဇနီတိ၊ဓမ္မသတ်၊အမေးတော်ပုံကျမ်း-တို့မှ မှတ်သားဖွယ်ရာ များလည်းပါပါသည်။ တရားသူကြီးကျင့်ဝတ်(၁၀)ချက် ကို မနုသာရကျမ်းမှထုတ်နုတ်ဖော်ပြထားပါသည်။
သို့သော် ထိုကျင့်ဝတ် များကို အငယ်ဆုံးတရားသူကြီးမှအကြီးဆုံးတရားသူကြီးအထိ လိုက်နာကျင့်ဆောင်ခဲ့ခြင်းရှိမရှိ၊ ယင်းကျင့်ဝတ်ကို စံ၊ သို့မဟုတ် ပေတံသဖွယ်ထား၍ ထိန်းကျောင်းခြင်း၊အရေးယူခြင်း၊ အကာအကွယ်ပေးခြင်း ရှိမရှိ စဉ်းစားဖွယ်ရာရှိပါသည်။
သေချာသောအချက်မှာ ကျင့်ဝတ်သီလနှင့်ညီသော တရားသူကြီးများကို အကာအကွယ် မပေးနိုင်သကဲ့သို့ ကျင့်ဝတ်သီလနှင့် မညီသော တရားသူကြီးများကိုလည်း ဆုံးမသွန်သင်ရန်၊ အရေးယူရန် ပျက်ကွက်ခဲ့ခြင်း ဖြစ်ပါသည်။ ရွှေစာလုံးဖြင့် တစ်ခမ်းတစ်နား ပုံနှိပ်ဖော်ပြထားစေကာမူ “စည်းနှောင်အား”မရှိပါက
အချည်းနှီးဖြစ်ပါသည်။
××××××××××××××××××××××××××××××××
Professional ဆိုသောစကားမှာ တော်တော်ကျယ်ဝန်းပါသည်။ ပညာရှင်၊ပညာသည်တို့၏တာဝန်ထမ်းဆောင်မှုသည် လောက၏အကျိုးစီးပွားအလို့ငှာ မိမိတို့တတ်ကျွမ်းသည့်ပညာ ဖြင့် လောက၀န်ကိုထမ်းခြင်းဖြစ်ပါသည်။ မိမိတို့ကျွမ်းကျင်တတ်မြောက်သည့်အတတ်ပညာ၊အသိပညာ၊ကောင်းမွန်သောစိတ် စေတနာဖြင့် သစ္စာရှိရှိ၊ရဲရဲဝံ့ဝံ့ထမ်းဆောင်ဖို့လိုပါသည်။ ပညာသည်ကျင့်ဝတ် သွေဖည်ကျိုးပျက်ခဲ့လျှင် ကျောတစ်ရာရင်တစ်ရာ ခတ်၍မြိုင်ရပ်နှင်စေသည့်ထိန်းကွပ်(ထိန်းကျောင်း)မှုမျိုးရှိဖို့လိုသကဲ့သို့ ပညာသည်ကျင့်ဝတ်ကို သစ္စာသမာဓိ ခိုင်ကျည်စွာဖြင့် ကျင့်သုံးခဲ့လျှင်လည်း အခွင့်အာဏာပိုင်တို့နှင့်ဆန္ဒမညီသည့်တိုင် ကင်းလွတ်ခွင့်၊ သို့မဟုတ် အကာအကွယ် ရစေသင့်ပါသည်။
တရားစီရင်ရေးပုံရိပ်နှင့် တရားစီရင်မှုနယ်ပယ်၏ ပစ္စက္ခအခြေအနေကို အထူးတလည် ပြောပြဖို့လိုမည် မထင်တော့ပါ။
ဤအခြေသို့ဆိုက်ခဲ့ခြင်းမှာ ကျင့်ဝတ်သိက္ခာစောင့်စည်းမှု ကျိုးပျက်ခြင်းကြောင့်လော၊ သို့မဟုတ် ကျင့်ဝတ်သိက္ခာစောင့် စည်းမှုကို ခြိမ်းခြောက်ခံရခြင်းကြောင့်လော၊ သို့မဟုတ်-နှစ်ခုစလုံးကြောင့်လော ဆိုသည်ကို စောကြောနိုင်၊ သင်ခန်းစာယူနိုင် ကြဖို့လိုပါသည်။ ယိုယွင်းခြင်း၊ ဆုတ်ယုတ်ခြင်း၊ ပျက်စီးပြိုလဲခြင်းဟူသမျှတွင် အကြောင်းအရင်းများစွာ ရှိစမြဲဖြစ်ပါသည်။
၁၉၉၁ ခုနှစ်က ထောက်လှမ်းရေးတပ်ဖွဲ့ဝင်ရှေ့အစစ်ခံချက်ကို သက်သေခံအဖြစ်လက်ခံခဲ့သည့် ရဲနောင်ပါ-၂စီရင်ထုံး မှာသံသယဖြစ်ဖွယ်ရာကျင့်ဝတ်သိက္ခာကျိုးပျက်မှု၏အကျည်းတန်ပြယုဂ်တစ်ခုဖြစ်ခဲ့ပြီး ၂၀၁၃ ခုနှစ်က အခြေခံဥပဒေဆိုင်ရာ ခုံရုံးတစ်ဖွဲ့လုံးနုတ်ထွက်သွားခဲ့ရခြင်းမှာ ကျင့်ဝတ်သိက္ခာခြိမ်းခြောက်ခံရမှု၏ မလှပသောပြယုဂ်တစ်ခုဖြစ်ခဲ့ပါသည်။
သားသမီးကို ထိန်းကျောင်းဖို့ အမိအဖကိုယ်တိုင် အကျင့်သိက္ခာကောင်း ရှိရပါမည်။ အမိအဖက အကျင့်သိက္ခာကောင်း မရှိ၊သားသမီးကိုလည်း ကောင်းမွန်အောင်မထိန်းမကျောင်းနိုင်လျှင်
ရပ်ရွာက ၀င်ရောက်ထိန်းကျောင်းမည်သာ ဖြစ်ပါသည်။ စောင့်စည်းအပ်သည်ဆိုလျှင် ကျင့်ဝတ်သိက္ခာကို မလိုက်နာလျှင်မနေရသည့်ထိန်းကွပ်မှုရှိဖို့ လိုပါသည်။စည်းနှောင်အားရှိစေ ရပါမည်။
ထို့အတူ ကျင့်ဝတ်သိက္ခာ စောင့်ထိန်းမှုကို အကာအကွယ်ရစေသည့် အာမခံချက်ရှိဖို့လည်း လိုပါသည်။
ကျင့်ဝတ်သိက္ခာဆိုသည်မှာ ဒန်အိုးဒန်ခွက်ကဲ့သို့ ပဲလှော်နှင့်လဲ၍ရသည့်ပစ္စည်း မဟုတ်သောကြောင့်ဖြစ်ပါသည်။
ပြေလွင်မြင့်
7 daynews journal (8-3-2017)
