အခန်း (၁)
++++++++
အယူခံပိုင်ခွင့်
++++++++
တရားစီရင်ရေးမူဖြစ်ခြင်း
××××××××××××××
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ အခန်း(၁)၊ နိုင်ငံတော်၏အခြေခံမူများအခန်း ပုဒ်မ ၁၉(ဂ)၌ အမှုများတွင် ဥပဒေအရ အယူခံပိုင်ခွင့်ရရှိရေး (to guarantee in all cases the right of appeal under law) ကို တရားစီရင်ရေးမူတစ်ရပ်အနေဖြင့် ပြဋ္ဌာန်းထားရှိပါသည်။
ပြည်ထောင်စုတရားစီရင်ရေးဥပဒေ၊ အခန်း(၂)၊ တရားစီရင်ရေးဆိုင်ရာ မူများအခန်း ပုဒ်မ ၃(ဂ)တွင် "အမှုများတွင် ဥပဒေအရ အယူခံပိုင်ခွင့် ရရှိရေး" သည် တရားစီရင်ရေးဆိုင်ရာ အခြေခံမူ တစ်ရပ်အနေဖြင့် ပြဋ္ဌာန်းထားရှိပါသည်။
သို့ဖြစ်ရာ "အယူခံပိုင်ခွင့်" သည် ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေအရဖြစ်စေ၊ ပြည်ထောင်စုတရားစီရင်ရေးဥပဒေ အရဖြစ်စေ တရားစီရင်ရေးဆိုင်ရာ အခြေခံမူတစ်ရပ်ဖြစ်ပါသည်။
---
အယူခံမှုဆိုသည်မှာ
×××××××××××××
ပြည်ထောင်စုတရားစီရင်ရေးဥပဒေပုဒ်မ ၂(ဂ)တွင် "အယူခံမှု" ဆိုသော စကားရပ်ကို အောက်ပါအတိုင်း အဓိပ္ပာယ်ဖွင့်ဆိုပါသည်။
"အယူခံမှု ဆိုသည်မှာ တရားရုံးတစ်ရုံးက ချမှတ်သည့် စီရင်ချက်၊ ဒီကရီ သို့မဟုတ် အမိန့်ကို အယူခံမှု စီရင်ပိုင်ခွင့်ရှိသော တရားရုံးသို့ ဥပဒေနှင့် အညီ အယူခံသည့်အမှုကို ဆိုသည်။"
----
အယူခံမှု စီရင်ပိုင်ခွင့်အာဏာရ တရားရုံးများ
×××××××××××××××××××××××××
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ နှင့် ပြည် ထောင်စုတရားစီရင်ရေးဥပဒေတို့အရ အောက်ပါတရားရုံးများသည် အယူခံမှုများ ကို စီရင်ပိုင်ခွင့် အာဏာရှိသည်။
(က) ပြည်ထောင်စုတရားလွှတ်တော်ချုပ်
(ခ) တိုင်းဒေသကြီး သို့မဟုတ် ပြည်နယ်တရားလွှတ်တော်များ
(ဂ) ခရိုင်တရားရုံးများ၊ ကိုယ်ပိုင်အုပ်ချုပ်ခွင့်ရတိုင်းတရားရုံးများ၊
ကိုယ်ပိုင်အုပ်ချုပ်ခွင့်ရ ဒေသတရားရုံးများ
(က) ပြည်ထောင်စုတရားလွှတ်တော်ချုပ်
======================
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၂၉၆ ၏ ပုဒ်မခွဲ (ခ)၊ (ဂ) နှင့် (ဃ) တွင် အောက်ပါအတိုင်းပြဋ္ဌာန်းထား ပါသည်။
(ခ) ပြည်ထောင်စုတရားလွှတ်တော်ချုပ်သည် နိုင်ငံတော်၏ အမြင့် ဆုံး တရားရုံး ဖြစ်သည့် အားလျော်စွာ နောက်ဆုံးအပြီးအပြတ် အယူခံဝင်ရာ တရားရုံး ဖြစ်သည်၊
(ဂ) ပြည်ထောင်စုတရားလွှတ်တော်ချုပ်၏ စီရင်ချက်များသည် အမှု အားလုံးတွင် အပြီးအပြတ်ဖြစ်၍ အယူခံဝင်ခွင့် မရှိစေရ၊
(ဃ) ပြည်ထောင်စုတရားလွှတ်တော်ချုပ်သည် ဖွဲ့စည်းပုံအခြေခံဥပဒေ ပါ ပြဋ္ဌာန်းချက်တစ်ရပ်ရပ်ကိုဖြစ်စေ၊ အခြားဥပဒေပါ ပြဋ္ဌာန်းချက် တစ်ရပ်ရပ်ကိုဖြစ်စေ မဆန့်ကျင်စေဘဲ တိုင်းဒေသကြီး သို့မဟုတ် ပြည်နယ်တရားလွှတ်တော်၏ စီရင်ချက်များကို ဆုံးဖြတ် နိုင်သော အယူခံမှု စီရင်ပိုင်ခွင့်အာဏာရှိသည်။ ထို့အပြင် အခြား တရားရုံးများက ချမှတ်သော စီရင်ချက်များကိုလည်း ဥပဒေနှင့် အညီ စစ်ဆေးဆုံးဖြတ်နိုင်သော အယူခံမှု စီရင်ပိုင်ခွင့်အာဏာ ရှိသည်၊
ပြည်ထောင်စုတရားစီရင်ရေးဥပဒေအရ ပြည်ထောင်စုတရားလွှတ်တော် ချုပ်၏ အယူခံမှုစီရင်ပိုင်ခွင့်အာဏာနှင့်စပ်လျဉ်းသည် ပြဋ္ဌာန်းချက်များမှာ အောက်ပါအတိုင်း ဖြစ်ပါသည်။
ပုဒ်မ၁၂။ ပြည်ထောင်စုတရားလွှတ်တော်ချုပ်သည် ဖွဲ့စည်းပုံအခြေခံ ဥပဒေပါ ပြဋ္ဌာန်းချက်တစ်ရပ်ရပ်ကိုဖြစ်စေ၊ အခြားဥပဒေပါ ပြဋ္ဌာန်းချက် တစ်ရပ်ရပ်ကို ဖြစ်စေ မဆန့်ကျင်စေဘဲ-
(က) ပြည်ထောင်စုတရားလွှတ်တော်ချုပ်က မူလစီရင်ပိုင်ခွင့် အာဏာကို ကျင့်သုံး၍ ချမှတ်သော စီရင်ချက်၊ ဒီကရီ သို့မဟုတ် အမိန့်ကို အယူခံမှု စီရင်ပိုင်ခွင့်အာဏာ ရှိသည်။
(ခ) တိုင်းဒေသကြီး သို့မဟုတ် ပြည်နယ်တရားလွှတ်တော် က ချမှတ်သော စီရင်ချက်၊ ဒီကရီ သို့မဟုတ် အမိန့်ကို အယူခံမှု စီရင်ပိုင်ခွင့်အာဏာ ရှိသည်။
(ဂ) အခြားတရားရုံးက ချမှတ်သော စီရင်ချက်၊ ဒီကရီ သို့မဟုတ် အမိန့်ကို ဥပဒေနှင့်အညီ စစ်ဆေးဆုံးဖြတ် နိုင်သော အယူခံမှု စီရင်ပိုင်ခွင့်အာဏာရှိသည်။
ပုဒ်မ၁၄။ ပြည်ထောင်စုတရားလွှတ်တော်ချုပ်သည် သေဒဏ်အမိန့်ကို အတည်ပြုမှုနှင့် သေဒဏ်အမိန့်ကို အယူခံမှုများအား စီရင်ပိုင်ခွင့်အာဏာ ရှိသည်။
ပုဒ်မ၁၈။ ပြည်ထောင်စုတရားလွှတ်တော်ချုပ်၏ စီရင်ချက်များသည် အမှု အားလုံးတွင် အပြီးအပြတ်ဖြစ်၍ အယူခံဝင်ခွင့် မရှိစေရ။ ပြည်ထောင်စု တရားလွှတ်တော်ချုပ်က မိမိ မူလစီရင်ပိုင်ခွင့် အာဏာကိုကျင့်သုံး၍ ချမှတ်သည့် စီရင်ချက်၊ ဒီကရီ သို့မဟုတ် အမိန့်ကိုမူ ဖွဲ့စည်းပုံအခြေခံ ဥပဒေပုဒ်မ ၁၉၊ ပုဒ်မခွဲ (ဂ)ပါ အယူခံပိုင်ခွင့် မဆုံးရှုံးစေရန် အလို့ငှာ အယူခံခွင့် ရှိသည်။"
ပုဒ်မ၂၂။ (က) ပြည်ထောင်စုတရားလွှတ်တော်ချုပ်သည် နိုင်ငံတော်၏ အမြင့်ဆုံးတရားရုံးဖြစ်သည့် အားလျော်စွာ နောက်ဆုံးအပြီး အပြတ် အယူခံဝင်ရာ တရားရုံး ဖြစ်သည်။
(ခ) ပြည်ထောင်စုတရားသူကြီးချုပ် ပါဝင်သော ပြည်ထောင်စု တရားလွှတ်တော်ချုပ်၏ စီရင်ချက်များသည် အမှု အားလုံး တွင် အပြီးအပြတ်ဖြစ်၍ အယူခံဝင်ခွင့် မရှိစေရ။
(ခ) တိုင်းဒေသကြီး သို့မဟုတ် ပြည်နယ်တရားလွှတ်တော်များ
=================================
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေပုဒ်မ ၃၀၆၊ ပုဒ်မခွဲ (ခ) နှင့် ပြည်ထောင်စုတရားစီရင်ရေးဥပဒေ ပုဒ်မ ၃၈၊ ပုဒ်မခွဲ (ခ) တို့တွင် တိုင်းဒေသကြီး သို့မဟုတ် ပြည်နယ်တရားလွှတ်တော်များတွင် ဥပဒေနှင့်အညီ အယူခံမှုကို စီရင်ပိုင်ခွင့်အာဏာရှိကြောင်း ပြဋ္ဌာန်းထားပါသည်။
ပြည်ထောင်စုတရားစီရင်ရေးဥပဒေ ပုဒ်မ ၃၉ တွင် တိုင်းဒေသကြီး သို့မ ဟုတ် ပြည်နယ်တရားလွှတ်တော်သည် ကိုယ်ပိုင်အုပ်ချုပ်ခွင့်ရ တိုင်းတရားရုံး၊ ကိုယ်ပိုင်အုပ်ချုပ်ခွင့်ရဒေသ တရားရုံး သို့မဟုတ် ခရိုင်တရားရုံးက ချမှတ်သော စီရင်ချက်၊ ဒီကရီ၊ အမိန့်ကို ဥပဒေနှင့်အညီ အယူခံမှု စီရင်ပိုင်ခွင့်အာဏာရှိကြောင်း ပြဋ္ဌာန်းထားပါသည်။
(ဂ) ခရိုင်တရားရုံးများ၊ ကိုယ်ပိုင်အုပ်ချုပ်ခွင့်ရ တိုင်းတရားရုံးများ၊ ကိုယ်ပိုင် အုပ်ချုပ်ခွင့်ရ ဒေသတရားရုံးများ
=================================
ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ ပုဒ်မ ၃၁၅ တွင် ခရိုင်တရားရုံးများ၊ ကိုယ်ပိုင်အုပ်ချုပ်ခွင့်ရ တိုင်းတရားရုံးများ၊ ကိုယ်ပိုင်အုပ် ချုပ်ခွင့်ရဒေသတရားရုံးများသည် ဥပဒေနှင့်အညီ အယူခံမှုများကို စီရင်ပိုင်ခွင့် အာဏာရှိကြောင်း ပြဋ္ဌာန်းထားပါသည်။
ပြည်ထောင်စုတရားစီရင်ရေးဥပဒေ ပုဒ်မ ၅၄ တွင် ကိုယ်ပိုင်အုပ်ချုပ်ခွင့်ရ တိုင်းတရားရုံး၊ ကိုယ်ပိုင်အုပ်ချုပ်ခွင့်ရ ဒေသတရားရုံး နှင့် ခရိုင်တရားရုံးများသည် မြို့နယ်တရားရုံးနှင့် ဥပဒေအရ တည်ထောင်သော အခြားတရားရုံးက ချမှတ်သော စီရင်ချက်၊ ဒီကရီ၊ အမိန့်ကို ဥပဒေနှင့်အညီ အယူခံမှု စီရင်ပိုင်ခွင့်အာဏာရှိကြောင်း ပြဋ္ဌာန်းထားပါသည်။
--------
ဥပဒေပြဋ္ဌာန်းထားမှသာ အယူခံဝင်ခွင့် ရရှိခြင်း
××××××××××××××××××××××××××
ရာဇဝတ်ကျင့်ထုံးဥပဒေပုဒ်မ ၄၀၄ တွင် အောက်ပါအတိုင်းပြဋ္ဌာန်းထား ပါသည်။
"No appeal shall lies from any judgment or order of a criminal Court except as provided for by this Code or by any other law for the time being in force."
"ဤကျင့်ထုံးဥပဒေတွင်ဖြစ်စေ၊ အခြားတည်ဆဲဥပဒေ တစ်ရပ်ရပ်တွင်ဖြစ် စေ ပြဋ္ဌာန်းပါရှိချက်မှတစ်ပါး ပြစ်မှုဆိုင်ရာ တရားရုံးက ချမှတ်သည့် စီရင် ချက် သို့မဟုတ် အမိန့် တစ်စုံတစ်ရာကို အယူခံခွင့် မရှိစေရ။"}
THE RANGOON BOTATOUNG COMPANY, LIMITED v. THE COLLECTOR, RANGOON ( ၁၉၁၁-၁၂၊ အောက်မြန်မာပြည် စီရင်ထုံးများ၊ အတွဲ-၆၊ စာ - ၁၅၀) အမှုတွင် #"An appeal does not exist in the nature of things …." ဟု ညွှန်ပြပါသည်။
သည်ဘားမားအွိုင်းကုမ္ပဏီ လီမိတက်ပါ ၂ နှင့် မစ္စတာအမ်၊ ရာမန်(၁၉၆၂၊ မြန်မာနိုင်ငံတရားစီရင်ထုံး၊ ရုံးချုပ်၊ စာ ၁၅၈)အမှုတွင် အောက်ပါအတိုင်းထုံးဖွဲ့ ထားပါသည်။
"အယူခံပိုင်ခွင့် ရှိ မရှိ ဆိုသည့်အချက်မှာ အက်ဥပဒေအရ ဖြစ်စေ၊ အက် ဥပဒေကဲ့သို့ အကျိုးသက်ရောက်သော နည်းဥပဒေအရဖြစ်စေ၊ အခွင့်ပြု မှသာလျှင် အယူခံပိုင်ခွင့်ရှိသည်။"
မောင်ခင်မောင် နှင့် ပြည်ထောင်စုမြန်မာနိုင်ငံ (၁၉၇၀၊ မြန်မာနိုင်ငံတရားစီ ရင်ထုံး၊ စစ်ဖက်အယူခံတရားရုံး၊စာ-၁)အမှုတွင်လည်း အောက်ပါအတိုင်း ထုံးဖွဲ့ပါသည်။
"တရားရုံးတို့၏ စီရင်ပိုင်ခွင့်ကို တရားဥပဒေက အပ်နှင်းသည်။ ယင်းသို့ အပ်နှင်းသော ဥပဒေကို ကျော်လွန်၍ တရားရုံးများသည် မိမိတို့ သဘော အတိုင်း စီရင်ပိုင်ခွင့်ကို ဖန်တီးနိုင်သည် မဟုတ်။ အလားတူပင် မူလ အမှုစစ်ရုံး၏ စီရင်အမိန့်ချမှတ်ချက်တို့မှ အယူခံဝင်ခွင့်ဟူသည်မှာလည်း တရားဥပဒေက ဖန်တီးမှသာ ဖြစ်ပေါ်သော အခွင့်အရေးဖြစ်သည်။ ဥပဒေ က မပြုလုပ်ပဲ အယူခံဝင်ခွင့် မဖြစ်ပေါ်ချေ။ အယူခံ တရားရုံးသည်လည်း ဥပဒေက အပ်နှင်းသမျှသော စီရင်ပိုင်ခွင့်ကိုသာ ရသည်။ စီရင်ပိုင်ခွင့်ကို ဥပဒေက အပ်နှင်းသမျှသာရကြသဖြင့် ဥပဒေကို ကျော်လွန်၍ တရားရုံး များသည် စီရင်ပိုင်ခွင့်ကို မိမိတို့ဘာသာ ချဲ့ထွင်ဖန်တီး၍ ယူခွင့် မရှိကြ ချေ။ ထိုနည်းတူစွာပင် ဥပဒေက အပ်နှင်းသော စီရင်ပိုင်ခွင့်နှင့် တာဝန်ကို ငြင်းဆန်၍လည်း မရချေ။ ဥပဒေအတွင်း ကျရောက်သော ကိစ္စတို့ကို စစ်ဆေးစီရင်ပေးရမည်သာဖြစ်ပေသည်။ မရှိသော စီရင်ပိုင်ခွင့်ကို ယူခြင်း သည်လည်းကောင်း၊ ရှိသော စီရင်ပိုင်ခွင့်ကို မသုံးပဲ ငြင်းဆန်ခြင်းသည် လည်းကောင်း၊ ဥပဒေကို ဆန့်ကျင်ခြင်းမြောက်သည်။"
ဦးပန်းညွန်ပါ ၂ နှင့် ပြည်ထောင်စုမြန်မာနိုင်ငံတော်ပါ ၂(၁၉၉၄၊ မတစ၊ စာ ၅၅)အမှုတွင် အောက်ပါအတိုင်း ညွှန်ပြပါသည်။
"ပြစ်မှုဆိုင်ရာကျင့်ထုံးဥပဒေ ပုဒ်မ ၄၀၄ တွင် ပြစ်မှုဆိုင်ရာကျင့်ထုံး ဥပဒေနှင့် တည်ဆဲဥပဒေတွင် ပြဋ္ဌာန်းချက်မှတစ်ပါး ပြစ်မှုဆိုင်ရာတရားရုံး ၏ စီရင်ချက် သို့မဟုတ် အမိန့်ကို အယူခံခွင့်မရှိစေရဟု ပြဋ္ဌာန်း၍ အယူခံ ခွင့်ကို တရားဥပဒေအရ သတ်မှတ်ထားသည်။"
သို့ဖြစ်ရာ ရာဇဝတ်တရားရုံးက ချမှတ်သော စီရင်ချက် သို့မဟုတ် အမိန့် ကို အယူခံဝင်ခွင့် ရရှိရန်အတွက် ယင်းစီရင်ချက် သို့မဟုတ် အမိန့်သည် -
- ရာဇဝတ်ကျင့်ထုံးဥပဒေတွင် အယူခံဝင်ခွင့်ရှိကြောင်း ပြဋ္ဌာန်း
ထားရမည်။ (သို့မဟုတ်)
- အခြားတည်ဆဲဥပဒေ (အထူးဥပဒေ၊ ဒေသန္တရဥပဒေ) တစ်ရပ် ရပ်တွင် အယူခံဝင်ခွင့်ရှိကြောင်း ပြဋ္ဌာန်းထားခြင်း ဖြစ်ရပါမည်။
----
အယူခံဝင်ခွင့် နှင့် အယူခံစီရင်ပိုင်ခွင့်ကို ဥပဒေအရသာ ရုပ်သိမ်းနိုင်ခြင်း
××××××××××××××××××××××××××××××××××
မောင်ခင်မောင် နှင့် ပြည်ထောင်စုမြန်မာနိုင်ငံ (၁၉၇၀၊ မတစ၊ စစ်ဖက် အယူခံတရားရုံး၊ စာ -၁)အမှုတွင် အောက်ပါအတိုင်း ညွှန်ပြခဲ့ပါသည်။
"ဥပဒေက ပေးသော အယူခံခွင့်ကို ဥပဒေကသာ ရုပ်သိမ်းနိုင်သကဲ့သို့ ဥပဒေက အပ်နှင်းသော အယူခံတရားရုံး၏ စီရင်ပိုင်ခွင့် နှင့် တာဝန်ကို ဥပဒေကသာ ရုပ်သိမ်းနိုင်ပေသည်။"
---
သီးခြားပြဋ္ဌာန်းချက်မရှိလျှင် ရာဇဝတ်ကျင့်ထုံးဥပဒေပါ အယူခံဆိုင်ရာ ပြဋ္ဌာန်းချက်များကို လိုက်နာရခြင်း
×××××××××××××××××××××××××××××××××××
အယူခံခွင့်နှင့်ပတ်သက်၍ အထူးဥပဒေ၊ ဒေသန္တရဥပဒေတို့တွင် သီးခြား ပြဋ္ဌာန်းထားလျှင် ယင်းပြဋ္ဌာန်းချက်က ရာဇဝတ်ကျင့်ထုံးဥပဒေကို လွှမ်းမိုးမည်ဖြစ်သည်။ (ရာဇဝတ်ကျင့်ထုံးဥပဒေပုဒ်မ ၁ ကိုကြည့်ပါ။)
MAUNG PO LONE v. KING-EMPEROR (၁၉၂၄၊ အိန္ဒိယစီရင်ထုံးများ၊ အတွဲ ၂၊ ရန်ကုန်၊ စာ ၃၂၁)အောက်ပါအတိုင်း ထုံးဖွဲ့ပါသည်။
"The High Court has power on appeal or revision under the Criminal Procedure Code to question the judgments or order of Magistrates acting under the Upper Burma Regulation, 1887, even though under the Regulation in question no specific provision appears to have been made for either appeal or revision."
{၁၈၈၇ အထက်မြန်မာပြည် စည်းမျဉ်းဥပဒေတွင် အယူခံမှုအတွက်သော် လည်းကောင်း၊ ပြင်ဆင်မှုအတွက်သော်လည်းကောင်း သီးခြားပြဋ္ဌာန်း ထားခြင်းမရှိလျှင် ယင်းဥပဒေအရဆောင်ရွက်သောရာဇဝတ်တရားသူကြီး ၏စီရင်ချက် သို့မဟုတ် အမိန့်ကို တရားလွှတ်တော်သည် ရာဇဝတ်ကျင့် ထုံးဥပဒေအရ အယူခံမှု သို့မဟုတ် ပြင်ဆင်မှု စီရင်ပိုင်ခွင့်အာဏာရှိ သည်။}
ထို့ကြောင့် အယူခံခွင့်နှင့်ပတ်သက်၍ အထူးဥပဒေ၊ ဒေသန္တရဥပဒေ တို့တွင် သီးခြားပြဋ္ဌာန်းထားခြင်း မရှိလျှင် ရာဇဝတ်ကျင့်ထုံးဥပဒေပါ အယူခံခွင့် ဆိုင်ရာ ပြဋ္ဌာန်းချက်များကို လိုက်နာရမည်ဖြစ်သည်။
------
အယူခံဝင်နိုင်သော ဆုံးဖြတ်ချက်များ
×××××××××××××××××××××
ရာဇဝတ်ကျင့်ထုံးဥပဒေတွင် အယူခံဝင်ခွင့်ကို ပုဒ်မ ၂၅၀၊ ပုဒ်မ ၄၀၅ မှ ၄၁၈၊ ပုဒ်မ ၄၇၆-ခ၊ ပုဒ်မ ၄၈၆၊ ပုဒ်မ ၅၁၅ နှင့် ပုဒ်မ ၅၂၄ တို့တွင် ပြဋ္ဌာန်းထား ရှိပါသည်။
အယူခံဝင်ခွင့်ရှိသော ဆုံးဖြတ်ချက်များနှင့်စပ်လျဉ်း၍ နောက်ပိုင်းတွင် အခန်းခွဲကာ သီးခြားတင်ပြသွားမည် ဖြစ်ပါသည်။
---
အယူခံမဝင်နိုင်သော ဆုံးဖြတ်ချက်များ
××××××××××××××××××××××
အထက်တွင်ဖော်ပြထားသည့်အတိုင်း ရာဇဝတ်ကျင့်ထုံးဥပဒေ တွင်ဖြစ်စေ၊ အခြား တည်ဆဲဥပဒေတစ်ရပ်ရပ်တွင်ဖြစ်စေ အယူခံဝင်ခွင့်ရှိကြောင်း ပြဋ္ဌာန်းထားခြင်း မရှိလျှင် ဆုံးဖြတ်ချက်တစ်ရပ်ကို အယူခံဝင်ခွင့် မရှိပေ။ (ရာဇဝတ်ကျင့်ထုံးဥပဒေပုဒ်မ ၄၀၄ တွင်ကြည့်ပါ။)
ရာဇဝတ်ကျင့်ထုံးဥပဒေပုဒ်မ ၄၁၃ နှင့် ၄၁၄ ပြဋ္ဌာန်းချက်များအရ ပြစ်မှုထင်ရှားစီရင်ခြင်းခံရသူက အောက်ဖော်ပြပါ ပြစ်ဒဏ်များအပေါ် အယူခံဝင်ခွင့် မရှိပေ။
(၁) စက်ရှင်တရားရုံးက ၃ လ ထက်မပိုသည့် ထောင်ဒဏ် သို့မဟုတ် ၂၀၀၀၀ိ/- ထက်မပိုသည့် ငွေဒဏ်သာ ချမှတ်ထားခြင်း
(၂) ခရိုင်ရာဇဝတ်တရားသူကြီး သို့မဟုတ် ပထမတန်း အာဏာရ ရာဇဝတ်တရားသူကြီးက ချမှတ်ထားသော ၁ လ ထက်မပိုသည့် ထောင်ဒဏ် သို့မဟုတ် ၅၀၀၀၀ိ/- ထိ ငွေဒဏ်ကိုသာ ချမှတ် ထားခြင်း
(၃) စက်ရှင်တရားရုံး သို့မဟုတ် ခရိုင်ရာဇဝတ်တရားသူကြီး သို့မ ဟုတ် ပထမတန်းအာဏာရ ရာဇဝတ်တရားသူကြီးက ငွေဒဏ် မဆောင်သည့်အတွက် ချမှတ်သော ထောင်ဒဏ်ကိုသာ ချမှတ် ထားခြင်း။
(၄) အခွင့်အာဏာရရှိသည့် ရာဇဝတ်တရားသူကြီးတစ်ဦးက အကျဉ်း နည်းဖြင့် စစ်ဆေးရာတွင် ၁ လ ထက်မပိုသော ထောင်ဒဏ် သို့မဟုတ် ၂၀၀၀၀ိ/- ထက်မပိုသော ငွေဒဏ်ကိုသာ ချမှတ်ထား ခြင်း
ဦးလှတင် နှင့် ဒေါ်ညို (၁၉၆၇၊ မတစ၊ ရုံးချုပ်၊ စာ ၇၆၇(၇၆၉)) အမှု တွင် ထောက်ပံ့ကြေးပမာဏကို တိုးမြှင့်ပေးရန် အယူခံဝင်ခွင့် မရှိကြောင်း အောက်ပါ အတိုင်းညွှန်ပြပါသည်။
"ပုဒ်မ ၄၈၈ အရ ထောက်ပံ့ကြေးပေးရန် ချမှတ်သည့်အမိန့်နှင့်ပတ်သက် ၍ ထောက်ပံ့ကြေးပမာဏကို တိုးမြှင့်ပေးရန် မယားလုပ်သူ၌ ပုဒ်မ ၄၀၆ (က)အရ အယူခံဝင်ခွင့် မရှိဟူ၍ ဖြစ်သည်။"
KING-EMPEROR v.NGA TUN LU (၁၉၃၅၊ အိန္ဒိယစီရင်ထုံးများ၊ အတွဲ ၁၃၊ရန်ကုန်၊စာ ၂၈၇) အမှုတွင် အာမခံမပေးပျက်ကွက်သည့်အတွက် ထောင်ဒဏ် ချမှတ်သည့်အမိန့် အယူခံဝင်ခွင့်မရှိကြောင်း အောက်ပါအတိုင်းညွှန်ပြပါသည်။
"There is no general provision in the Criminal Procedure Code allowing an appeal from an order of imprisonment in default of furnishing security passed under s.123 of the Code. Under s.415 a sentence which would not otherwise be subject to appeal is not appealable merely because the person affected has been ordered to furnish security to keep the peace."
{ရာဇဝတ်ကျင့်ထုံးဥပဒေ၌ ပုဒ်မ ၁၂၃ အရ အာမခံမပေးပျက်ကွက်သည့် အတွက် ထောင်ဒဏ်ချမှတ်သည့်အမိန့်ကို အယူခံဝင်နိုင်ခွင့်ရှိသည်ဟု ယေဘုယျ ပြဋ္ဌာန်းချက် တစုံတရာမရှိ။ ပုဒ်မ ၄၁၅ အရမှာ အပြစ်ပေးခံရ သူအား ငြိမ်ဝပ်စွာ နေထိုင်ရန် အာမခံတောင်းသည့်အမိန့်ချမှတ်ရုံမျှနှင့် အခြားနည်း အယူခံဝင်နိုင်ခွင့် မရှိသည့်ပြစ်ဒဏ်ကို အယူခံမဝင်စေရဟု ဆိုသည်။}
ဦးစွိုင်းနွိုက်ဉာဏ် နှင့် ပြည်ထောင်စုဆိုရှယ်လစ် သမ္မတမြန်မာနိုင်ငံတော် (၁၉၈၃၊ မြန်မာနိုင်ငံတရားစီရင်ထုံး၊ စာ ၁၅၅) အမှုတွင် စွဲချက်မတင်မီလွှတ်သော အမိန့်အပေါ် အယူခံပိုင်ခွင့် မရှိကြောင်း အောက်ပါအတိုင်း ညွှန်ပြပါသည်။
"ပြစ်မှုဆိုင်ရာ ကျင့်ထုံးဥပဒေ အခန်း ၃၁၊ ပုဒ်မ ၄၀၄ ၌ ပြစ်မှုဆိုင်ရာကျင့် ထုံးဥပဒေပါ ပြဋ္ဌာန်းချက်အရ သို့မဟုတ် အခြားတည်ဆဲဥပဒေပါ ပြဋ္ဌာန်း ချက်အရမှလွဲ၍ ပြစ်မှုဆိုင်ရာ အမှုများ စစ်ဆေးသော တရားရုံးက ချမှတ် သော စီရင်ချက် သို့မဟုတ် အမိန့်နှင့် စပ်လျဉ်း၍ အယူခံဝင်ခွင့်မရှိဟု ပြဋ္ဌာန်းထားသည်။ ပြစ်မှုဆိုင်ရာကျင့်ထုံးဥပဒေ အခန်း ၃၁ ပါ ပုဒ်မ ၄၀၅ မှ ၄၃၁ အထိတွင် စွဲချက်မတင်မီလွှတ်သည့်အမိန့်နှင့်စပ်လျဉ်း၍ အယူခံ ဝင်ခွင့်ရှိကြောင်း ပြဋ္ဌာန်းထားခြင်းမရှိပေ။ ပြင်ဆင်မှုများနှင့်သက်ဆိုင် သော အခန်း ၃၂၊ ပုဒ်မ ၄၃၆ ၌ စွဲချက်မတင်မီလွှတ်သော အမိန့်များနှင့် စပ်လျဉ်း၍ ပြင်ဆင်မှု ဖွင့်လှစ်ဆောင်ရွက်နိုင်သည့် လုပ်ပိုင်ခွင်ကို သတ် မှတ်ပေးထားသည်။ ထို့ကြောင့် ဒေါ်ခင်မာရီက ရှမ်းပြည်နယ်တရားရုံးသို့ မြို့နယ်တရားရုံး၏ စွဲချက်မတင်မီလွှတ်သောအမိန့်ကို ပယ်ဖျက်ပေးရန် အတွက် အယူခံမှု တင်သွင်းခြင်းသည်လည်းကောင်း၊ ရှမ်းပြည်နယ်တရား ရုံးက ဒေါ်ခင်မာရီ၏ အယူခံမှုလျှောက်လွှာကို လက်ခံ၍ ထိုအယူခံမှု၌ စွဲချက်မတင်မီလွှတ်ခဲ့သည့် မြို့နယ်တရားရုံး၏ အမိန့်ကို ပယ်ဖျက်ခြင်း သည်လည်းကောင်း ပြစ်မှုဆိုင်ရာ ကျင့်ထုံးဥပဒေပါ ပြဋ္ဌာန်းချက်များနှင့် ညီညွတ်ခြင်းမရှိပေ။ ပြည်နယ်တရားရုံးသည် မြို့နယ်တရားရုံး တစ်ရုံးရှိ ပြစ်မှုဆိုင်ရာ အမှုတစ်မှု၏ဆောင်ရွက်မှုတရပ်ရပ်မှာ မှားယွင်းနေ၍ ပြင် ဆင်ပေးရန် လိုအပ်သည်ဟု ယူဆပါက ပြစ်မှုဆိုင်ရာကျင့်ထုံးဥပဒေပုဒ်မ ၄၃၅ မှ ပုဒ် ၄၄၀ အထိပါ ပြဋ္ဌာန်းချက်များနှင့်အညီ ပြင်ဆင်မှု (က) ဖွင့်လှစ်ဆောင်ရွက်နိုင်ပေသည်။"
U BA HLAING v. BALABUX SODANI (၁၉၃၆၊ အိန္ဒိယစီရင်ထုံးများ၊ အတွဲ ၁၄ ၊ရန်ကုန်၊စာ ၆၃၃) အမှုတွင် တရားခံပြေးမှုတွင် ချမှတ်သော ပစ္စည်း စီမံခန့်ခွဲသည့်အမိန့်အပေါ် အယူခံပိုင်ခွင့်မရှိကြောင်း အောက်ပါအတိုင်း ညွှန်ပြပါ သည်။
"Therefore proceedings under s.512(1) of the Code are judicial proceedings which are not an inquiry.An order made at the conclusion of such proceedings for the disposal of property produced before the Court is made under the provisions of s.523 of the Code, and not under the provisions of s.517, and therefore no appeal lies against such an order."
{ရာဇဝတ်ကျင့်ထုံးဥပဒေပုဒ်မ ၅၁၂(၁)အရ ဆောင်ရွက်မှုသည် စုံစမ်းစစ် ဆေးမှုမဟုတ် တရားစီရင်ရေးဆိုင်ရာ ဆောင်ရွက်မှုဖြစ်သည်။ ယင်း ဆောင်ရွက်မှု၏အဆုံး၌ ရုံးရှေ့တင်ပြသည့် ပစ္စည်းကို စီမံခန့်ခွဲသည့်အမိန့် သည် ကျင့်ထုံးပုဒ်မ ၅၂၃ အရ ချမှတ်ခြင်းဖြစ်သည်။ ပုဒ်မ ၅၁၇ အရ ပြဋ္ဌာန်းချက်အရမဟုတ်။ ထို့ကြောင့် ယင်းအမိန့်မျိုးကို အယူခံဝင်ခွင့်မရှိ။}
ဦးတစ်တူး နှင့် ပြည်ထောင်စုမြန်မာနိုင်ငံတော်ပါ၂ (၁၉၉၅၊ မြန်မာနိုင်ငံ တရားစီရင်ထုံး၊စာ ၅၅) အမှုတွင် တရားခံပြေးမှုသည် ပြစ်မှုဆိုင်ရာကျင့်ထုံးဥပဒေ ပုဒ်မ ၅၁၂ အရ ဆောင်ရွက်ချက်ဖြစ်၍ စီရင်ချက်ချမှတ်ရန်လည်း မလိုသော ကြောင့် အယူခံခွင့်မရှိကြောင်းနှင့် ယင်းအမှုတွင် ချမှတ်သည့် သက်သေခံပစ္စည်း အပေါ် စီမံခန့်ခွဲသည့် အမိန့်ကို အယူခံခွင့် မရှိကြောင်း အောက်ပါအတိုင်း ညွှန်ပြပါ သည်။
"ဤစီရင်ချက်တွင် တစ်ပါတည်း မှတ်ချက်ပြုလိုသည်မှာ မူလရုံးသည် ပြစ်မှုဆိုင်ရာ အထွေထွေမှု အမှတ် ၃၀/၉၄ ၌ သက်သေခံ ကားအမှတ် ည/၃၆၇၅ ကို တရားလို ဦးတစ်တူးသို့ အယူခံရက်ကျော်က ပြန်လည် ထုတ်ပေးစေရန် ချမှတ်ခဲ့သည့်အမိန့်တွင် အယူခံရက်ကျော်က ပြန်လည် ပေးအပ်စေရန် ဆိုသော စကားရပ်များမှာ လွန်စွာ မှားယွင်းနေကြောင်း တွေ့ရှိရသည်။ တရားခံပြေးမှုတွင် အယူခံခွင့် မရှိကြောင်းကို မူလရုံး တရားသူကြီး သတိချပ်သင့်သည်။ တရားရုံးများလက်စွဲစာပိုဒ် ၅၁၃(၅) အရ တရားခံပြေးအပေါ် ပြစ်မှုကြောင့် ယုတ္တိထင်ရှား ရှိ မရှိ ကို အမှုစစ် တရားသူကြီးက ဆင်ခြင်သုံးသပ်ရန်ဖြစ်သည်ကိုလည်း မူလရုံး တရားသူ ကြီး သတိချပ်သင့်သည်။ စီရင်ချက်ရေးသားရန်လည်း မလိုချေ။
အမှုတစ်ခုလုံးအပေါ် ခြုံ၍ စိစစ်လျှင် ပြစ်မှုဆိုင်ရာအထွေထွေမှု အမှတ် ၃၀/၉၄ သည် ပြစ်မှုဆိုင်ရာကျင့်ထုံးဥပဒေပုဒ်မ ၅၁၂ အရ အရေး ယူဆောင်ရွက်ခဲ့ခြင်းဖြစ်၍ မူလရုံးက ချမှတ်သော အမိန့်မှာ ပြစ်မှုဆိုင်ရာ ကျင့်ထုံးဥပဒေ ပုဒ်မ ၅၁၇ အရ စီမံခန့်ခွဲခြင်း မဟုတ်ချေ။ ယင်းဥပဒေပုဒ်မ ၅၂၃ အရ စီမံခန့်ခွဲခွင့်သာ ရှိပေမည်။ (ဦးဘိုကြီးနှင့် နိုင်ငံတော်အမှုကို ရည်ညွှန်းသည်။)"
----
အယူခံဝင်ရာတွင် တင်ပြခွင့်ရှိသော အချက်အလက်များ
×××××××××××××××××××××××××××××××
ရာဇဝတ်ကျင့်ထုံးဥပဒေပုဒ်မ ၄၁၈(၁) တွင် အောက်ပါအတိုင်း ပြဋ္ဌာန်း ထားပါသည်။
"An appeal may lie on matter of fact as well as a matter of law, × × × × × × × × ×
× × × × × × × × ×
Explanation – The alleged severity of a sentence shall, for the purposes of this section, be deemed to be a matter of law."
{အမှု အကြောင်းခြင်းရာအချက်အလက်နှင့် ဥပဒေဆိုင်ရာ အချက်အလက် များအပေါ် အယူခံနိုင်သည်။× × × × . × × × × × × × × ×
× × × × × × × × ×.
ရှင်းလင်းချက်။ ပြစ်ဒဏ်ပြင်းထန်သည်ဟူသော အချက်ကို ဤပုဒ်မပါ ကိစ္စများအလို့ငှာ ဥပဒေကြောင်းဆိုင်ရာ အချက်ဖြစ်သည်ဟု မှတ်ယူရမည်။}
မျက်မှောက်ခေတ် တရားစီရင်ရေးတွင် ဂျူရီမှု စစ်ဆေးစီရင်ခြင်းမရှိသဖြင့် အထက်ဖော်ပြပါပြဋ္ဌာန်းချက်တွင် ဂျူရီလူကြီးများနှင့်သက်ဆိုင်သည့် စကားရပ်များ ကိုဖော်ပြခြင်းမပြုတော့ဘဲ ချန်လှပ်ထားခဲ့ခြင်းဖြစ်ပါသည်။
အထက်ဖော်ပြပါ ရာဇဝတ်ကျင့်ထုံးဥပဒေပုဒ်မ ၄၁၈(၁)ပါ ပြဋ္ဌာန်းချက် အရ အယူခံမှုတွင် အောက်ပါအချက်အလက် ၂ ရပ်စလုံးကို တင်ပြခွင့်ရှိပါသည်။
(၁) အကြောင်းခြင်းရာ အချက်အလက် (matter of fact)
(၂) ဥပဒေဆိုင်ရာ အချက်အလက် (matter of law)
----
လေးစားစွာဖြင့်
အပိုင်း(၂) ဆက်လက်ဖော်ပြပါမည်။
ဦးထွန်းမျိုးဌေး
