မောင်စာဂ
ပြန်ခေါ်သက်သေ
ပြန်ခေါ်သက်သေဆိုသည်မှာ တရားခံအား စွဲချက် မတင်မီ စစ်ဆေးပြီးဖြစ်သည့် တရားလိုပြ သက်သေကို တရားခံဘက်က နောက်ထပ်ပြန်လှန်မေးခွန်းများ မေးမြန်းရန် လိုအပ်သဖြင့် တရားရုံး၏ ခွင့်ပြုချက်အရ ပြန်လည်ခေါ်ယူစစ်ဆေးသော သက်သေကိုဆိုသည်။ ပြန်ခေါ်သက်သေကို ရာဇဝတ်ပြစ်မှုများ စစ်ဆေးသည့် အခါ တွေ့ရသည်။ ရာဇဝတ်ပြစ်မှုဟု ဆိုသော်လည်း သမ္မာန်မှုများကို စစ်ဆေးသည့် အခါမတွေ့ရပါ။ ဝရမ်းမှု ကို စစ်ဆေးသည့်အခါတွင်သာ တွေ့ရသည်။
ဝရမ်းမှုဆိုသည်မှာ သေဒဏ် သို့မဟုတ် ခြောက်လ ထက်ပိုသော ထောင်ဒဏ်အပြစ်ပေးနိုင်သည့် ပြစ်မှုများ ဖြစ်သည်။ ဝရမ်းမှုမဟုတ်သော ပြစ်မှုများသည် သမ္မာန်မှု များဖြစ်သည်။ သမ္မာန်မှုနှင့် ဝရမ်းမှုတို့ စစ်ဆေးပုံ စစ်ဆေးနည်း မတူပါ။
သမ္မာန်မှုကို စစ်ဆေးပုံစစ်ဆေးနည်းအကျဉ်း
တရားသူကြီးရှေ့သို့ တရားခံရောက်ရှိသောအခါ တရားခံအပေါ် စွဲဆိုထားသောပြစ်မှုနှင့် စပ်လျဉ်းသည့် အကြောင်းအရာကို တရားသူကြီးက ရှင်းလင်းပြောပြ သည်။ ထို့နောက် မည်သည့်အတွက်ကြောင့် ပြစ်ဒဏ် စီရင်ခြင်းမပြုထိုက်ကြောင်း ထုချေရှင်းလင်းရန် ရှိ/ မရှိ တရားခံကို မေးမြန်းသည်။
တရားခံက စွဲဆိုထားသည့် ပြစ်မှုကို ကျူးလွန်ခဲ့ ကြောင်း ဝန်ခံလျှင် တရားခံ၏ ဝန်ခံချက်ကိုတရားသူကြီး က ရေးမှတ်ယူသည်။ တရားခံကို ထိုက်သင့်သည့် ပြစ်ဒဏ်ကျခံစေရန် အမိန့်ချမှတ်သည်။
အကယ်၍ တရားခံကစွဲဆိုထားသည့် ပြစ်မှုကို ကျူးလွန်ခြင်းမရှိကြောင်း ငြင်းဆိုခဲ့လျှင် တရားခံ၏ ငြင်းဆိုချက်ကို တရားသူကြီးက ရေးမှတ်သည်။ ပြီးလျှင် တရားခံ၏ ရှေ့မှောက်တွင် တရားလိုကို စတင်စစ်ဆေး သည်။ တရားလိုကပြသော တရားလိုပြသက်သေများကို ဆက်လက်၍ စစ်ဆေးသည်။ တရားလိုနှင့် တရားလိုပြ သက်သေများကို စစ်ဆေးပြီးသည့်အခါ တရားခံကို စစ်ဆေးသည်။ တရားခံကပြသော သက်သေများကို ဆက်လက်စစ်ဆေးသည်။
တရားလိုနှင့် တရားခံ နှစ်ဖက်သက်သေများကို စစ်ဆေးပြီးသည့်အခါ တရားခံအပြစ်ကျူးလွန်ခြင်း ရှိ/ မရှိ နှစ်ဖက်လျှောက်လဲချက်များကို ကြားနာသည်။ တရားခံအပေါ် အပြစ်ကျူးလွန်ကြောင်း ပေါ်ပေါက်မှု မရှိပါက အမှုမှ အပြီးအပြတ်လွှတ်ကြောင်း အမိန့်ချမှတ် သည်။ တရားသေ လွှတ်သည်ဟု ခေါ်ဝေါ်ကြသည်။ အကယ်၍ တရားခံ၌ အပြစ်ရှိကြောင်း တွေ့ရှိလျှင် တရားခံအပေါ် ဥပဒေနှင့် အညီ ပြစ်ဒဏ်စီရင်သည့်အမိန့် ချမှတ်သည်။
မှတ်သားရန်အချက်မှာ သမ္မာန်မှုများကို စစ်ဆေးရာ၌ တရားခံအပေါ် နည်းလမ်းတကျစွဲချက်တင်ခြင်းမျိုးမရှိ။ တရားရှင်လွှတ်သည့် အမိန့်မျိုးချမှတ်ခြင်းမရှိ။ စစ်ဆေး ပြီး တရားလိုပြသက်သေများကို ပြန်ခေါ်သက်သေအဖြစ် စစ်ဆေးပိုင်ခွင့်မရှိခြင်းတို့ပင်။
ဝရမ်းမှုကို စစ်ဆေးပုံ စစ်ဆေးနည်းအကျဉ်း
တရားသူကြီးရှေ့သို့ တရားခံရောက်ရှိသောအခါ စွဲဆိုထားသော ပြစ်မှုနှင့် စပ်လျဉ်း၍ ကျူးလွန်ခြင်း ရှိ/ မရှိ တရားခံကို မေးမြန်းခြင်းမရှိပါ။ တရားခံ၏ ရှေ့မှောက်တွင် တရားလိုကို စစ်ဆေးသည်။ ပြီးလျှင် တရားလိုပြသော သက်သေများကို ဆက်လက်စစ်ဆေး သည်။ တရားလိုနှင့် တရားလိုပြသက်သေများကို စစ်ဆေးပြီးနောက် တရားခံအပေါ်စွဲချက်တင်ထိုက် မတင်ထိုက်၊ တရားလိုနှင့် တရားခံ နှစ်ဖက် အမှုသည် များ၏ လျှောက်လဲချက်ကို ကြားနာသည်။
တရားလိုနှင့် တရားလိုပြသက်သေများ၏ ထွက် ဆိုချက်အရ တရားခံအပေါ် ပြစ်မှုထင်ရှား စီရင်ခြင်း ခံထိုက်သည့် အမှုတစ်စုံတစ်ရာ ပေါ်ပေါက်ခြင်းမရှိလျှင် တရားခံကို စွဲချက်မတင်မီ လွှတ်ကြောင်း အမိန့်ချမှတ် သည်။ တရားရှင်လွှတ်သည်ဟု ခေါ်ဝေါ်သည်။
အကယ်၍ တရားလိုနှင့် တရားလိုပြသက်သေများ၏ ထွက်ချက်အရ တရားခံအပေါ်စွပ်စွဲထားသည့် ပြစ်မှုကို ကျူးလွန်ခဲ့သည်ဟု ယူဆရန် အကြောင်းပေါ်ပေါက်ပါက တရားခံကို စွဲချက်တင်ကြောင်း အမိန့်ချမှတ်ရသည်။ စွဲချက်ကို တရားခံအား ဖတ်ပြပြီး ရှင်းပြရသည်။ အပြစ် ရှိ/ မရှိ၊ အပြစ်ကျူးလွန်ခြင်း ရှိ/ မရှိ မေးမြန်းရသည်။ တရားခံက အပြစ်ကျူးလွန်ကြောင်း၊ အပြစ်ရှိကြောင်း ဖြေကြားလျှင် ယင်းဖြေကြားချက်ကို တရားသူကြီးက ရေးမှတ်ရမည်။ ပြီးလျှင် တရားခံအပေါ် ပြစ်မှု ထင်ရှားတွေ့ရှိ၍ ပြစ်ဒဏ်စီရင်သည့် အမိန့်ချမှတ်ရ သည်။
တရားခံက အပြစ်မရှိကြောင်း၊ အပြစ်ကျူးလွန်ခြင်း မရှိကြောင်း ဖြေကြားလျှင် ဆက်လက် စစ်ဆေးရန်ဖြစ်၍ သက်သေခံချက်ရယူပြီးသော တရားလိုဘက် သက်သေ တစ်ဦးတစ်ယောက်ကို ပြန်လှန်စစ်မေးရန် တရားခံတွင် ဆန္ဒ ရှိ/ မရှိ၊ အကယ်၍ ပြန်လှန်စစ်မေးရန် ဆန္ဒရှိလျှင် မည်သည့် သက်သေကို ပြန်လှန်စစ်ဆေးလိုကြောင်း တရားခံအား ချက်ချင်းတင်ပြစေရသည်။ တရားခံက ယင်းကဲ့သို့ ဆန္ဒရှိကြောင်း တင်ပြလာလျှင် တရားခံတင်ပြ သည့် အမည်စာရင်းပါ သက်သေများကို ပြန်ခေါ် စစ်ဆေးခွင့် ပေးရသည်။ ထိုသို့ ပြန်ခေါ်စစ်မေးခွင့်ပြုသည့် သက်သေကို ပြန်ခေါ်သက်သေဟု ခေါ်ဆိုကြခြင်းဖြစ် သည်။
တရားခံက ပြန်ခေါ်သက်သေစစ်မေးရန် မရှိကြောင်း တင်ပြလာလျှင် တရားရုံးသည် တရားခံကို စစ်မေးသည်။ တရားခံပြသက်သေများကို ဆက်၍ စစ်မေးသည်။ ပြန်ခေါ်သက်သေစစ်မေးရန်ရှိကြောင်း တင်ပြလာသည့် အခါ ပြန်ခေါ်သက်သေကို စစ်မေးသည်။ ပြီးမှ တရားခံ ကို စစ်မေးသည်။ တရားခံပြသက်သေများကို ဆက်လက် စစ်မေး သည်။ တရားခံနှင့် တရားခံပြသက်သေများကို စစ်မေးပြီးသည့်အခါ တရားခံသည် အပြစ်ကျူးလွန်ခြင်း ရှိ/ မရှိ တရားလိုနှင့် တရားခံတို့၏ နှစ်ဖက်လျှောက်လဲ ချက်များကို ကြားနာသည်။ တရားခံအပေါ် အပြစ် ကျူးလွန်ကြောင်းတွေ့ရှိက ပြစ်မှုထင်ရှားတွေ့ရှိ၍ ပြစ်ဒဏ်စီရင်သည့် အမိန့်ချမှတ်သည်။ အပြစ်ကျူးလွန် ကြောင်း မတွေ့ရှိပါက အမှုမှ အပြီးအပြတ် (တရား သေလွှတ်) ကြောင်း အမိန့်ချမှတ်သည်။
မှတ်သားရန်အချက်မှာ ဝရမ်းမှုများကို စစ်ဆေးရာ၌ တရားခံအပေါ် နည်းလမ်းတကျ စွဲချက်တင်ခြင်းမျိုးရှိ သည်။ တရားရှင်လွှတ်သည့် အမိန့်မျိုးချမှတ်ခြင်းရှိသည်။ စစ်ဆေးပြီး တရားလိုပြသက်သေများကို ပြန်ခေါ် သက်သေအဖြစ် စစ်မေးပိုင်ခွင့်ရှိခြင်းတို့ပင်။
ပြန်ခေါ်သက်သေစစ်မေးခြင်း၏ ရည်ရွယ်ချက်
ပြန်ခေါ်သက်သေစစ်မေးခြင်းသည် စစ်ဆေးပြီး တရားလိုပြသက်သေအား ဒုတိယအကြိမ် ပြန်လှန် စစ်မေးခြင်းဖြစ်သည်။ တရားခံ၏ ခုခံချေပရာလမ်း ကြောင်းများ ပီပီပြင်ပြင်၊ ထင်ထင်ရှားရှား၊ ခိုင်ခိုင်မာမာ ဖြစ်စေရန် ရည်ရွယ်၍ စစ်မေးခြင်းဖြစ်သည်။ တစ်နည်း အားဖြင့် တရားခံအတွက် ခုခံချေပခွင့် လုံလုံလောက် လောက်၊ ပြည့်ပြည့်ဝဝရရှိစေရန် ရည်ရွယ်ပြဋ္ဌာန်းထား သည့် ထူးကဲလှစွာ ဥပဒေက ပေးအပ်ထားသော အခွင့် အရေးတစ်ရပ်ဟု ဆိုနိုင်သည်။
ပြန်ခေါ်သက်သေစစ်မေးရာတွင် '' အဓိကစစ်မေး ခြင်း''ဟူ၍ မရှိတော့။ တရားခံဘက်က စတင်၍ပြန်လှန် စစ်မေးသည်။ တရားလိုဘက်က ပြန်ရှင်းစစ်မေး(ထပ်မံ စစ်မေး)သည်။ ထို့နောက် တရားရုံးက ရုံးမေးပြုလုပ် သည်။
ပြန်ခေါ်သက်သေတောင်းဆိုခြင်းနှင့် တရားစီရင်ထုံးများ
ပြစ်မှုဆိုင်ရာကျင့်ထုံးဥပဒေပုဒ်မ ၂၅၆(၁)တွင် ပြန်ခေါ်သက်သေအဖြစ် ပြန်လှန်စစ်မေးလိုကြောင်း တရားခံက တင်ပြတောင်းဆိုလာလျှင် တင်ပြတောင်း ဆိုလာသည့် သက်သေများကို တရားရုံးက ပြန်ခေါ်ပေး ရမည်ဖြစ်ကြောင်း အတိအလင်း ပြဋ္ဌာန်းထားသည်။ ပြန်ခေါ်သက်သေစစ်မေးခြင်းနှင့် စပ်လျဉ်း၍ ဆုံးဖြတ် ထားသည့် တရားစီရင်ထုံးအချို့ကို ဖေါ်ပြပါမည်။
မောင်အံ့ဘွယ်ပါ ၂ နှင့် ပြည်ထောင်စုမြန်မာနိုင်ငံ စီရင်ထုံးတွင် တရားလိုပြ သက်သေများကို ပြန်ခေါ် နိုင်သည့်အခွင့်အရေးကို ပြစ်မှုဆိုင်ရာကျင့်ထုံးဥပဒေပုဒ်မ ၂၅၆(၁)ကပေးအပ်ထားကြောင်း၊ ယင်းပြဋ္ဌာန်းချက် သည် မလိုက်နာမနေရ အမိန့်သဘောသက်ရောက် ကြောင်း၊ အမှုစစ်တရားသူကြီးအနေဖြင့် ယင်းပြဋ္ဌာန်း ချက်ကို လိုက်နာရန်ပျက်ကွက်ခြင်းသည် တရားမျှတမှု ကင်းမဲ့ရာ ရောက်သည်ဖြစ်စေ၊ မရောက်သည်ဖြစ်စေ၊ အမှုကိုပျက်ပြယ်စေသည်ဟု ယူဆရမည်ဖြစ်ကြောင်း ဆုံးဖြတ်ထားသည်။ ( ၁၉၄၈ ခုနှစ်၊ မြန်မာနိုင်ငံတရား စီရင်ထုံး (လွှတ်) စာ - ၈၆၃ )
ကိုသန်းအောင်နှင့် ပြည်ထောင်စုမြန်မာနိုင်ငံတော်ပါ (၂) စီရင်ထုံးတွင် ''ပြစ်မှုဆိုင်ရာကျင့်ထုံး ဥပဒေပုဒ်မ ၂၅၆(၁)တွင် တရားခံက ပြန်ခေါ်သက်သေအဖြစ် စစ်ဆေးလိုကြောင်း တင်ပြလာလျှင် တရားရုံးက ခွင့်ပြု ရမည်ဖြစ်ကြောင်း ဖော်ပြထားသည်မှန်သော်လည်း အမှုကြန့်ကြာစေလိုသည့် သဘောဖြင့် ထိုအခွင့်အရေးကို နှစ်ကြိမ်ခွဲပြီး မမှန်မကန်တောင်းဆိုခြင်းကိုမှု ခွင့်ပြုရန် မသင့်ပေ။
တရားခံက သက်သေ(၃)ဦးကို ပြန်ခေါ်စစ်ဆေးလို ကြောင်း တောင်းဆိုခဲ့ပြီးနောက် လေးလခန့်ကြာမှ နောက်သက်သေတစ်ဦးကို ပြန်ခေါ်စစ်ဆေးလိုကြောင်း တင်ပြခြင်းသည် အမှုကိုကြန့်ကြာအောင် တမင်ဖန်တီး နေသည့်သဘောသက်ရောက်သည်။ သက်သေဆရာဝန် ကို စစ်ဆေးခဲ့စဉ် တရားခံဘက်က ရှေ့နေရှေ့ရပ်ဖြင့် အပြည့်အစုံ ပြန်လည်မေးမြန်းခဲ့ပြီးဖြစ်၍ ၎င်းအား ပြန်ခေါ်စစ်ဆေးရန် ထူးခြားသော အကြောင်းရှိသည်ဟု မပေါ်လွင်ပေ'' ဟူ၍ ဆုံးဖြတ်ခဲ့သည်။ ( ၁၉၉ဝ ခုနှစ်၊ မြန်မာနိုင်ငံတရားစီရင်ထုံး စာ - ၇၅ )
ကျော်အောင် ပါ ၂ နှင့် ပြည်ထောင်စုမြန်မာနိုင်ငံတော် စီရင်ထုံးတွင်''လျှောက်ထားသူများက စစ်ပြီး တရားလိုပြ သက်သေများကို ပြန်ခေါ်စစ်ဆေးရန်အတွက် တင်ပြ ခြင်းသည် ၎င်းတို့အပေါ် စွဲချက်တင် စစ်ဆေးသည့်အခါ အပြစ်မရှိကြောင်း ငြင်းဆိုပြီးချက်ချင်းတင်ပြခြင်းဖြစ် ကြောင်း တွေ့ရသဖြင့် ပြစ်မှုဆိုင်ရာကျင့်ထုံး ဥပဒေပုဒ်မ ၂၅၆ (၁) အရ တင်ပြထားခြင်းဖြစ်သည်။ ပြစ်မှုဆိုင်ရာ ကျင့်ထုံးဥပဒေပုဒ်မ ၂၅၆(၁)အရစစ်ဆေးပြီး တရားလိုပြ သက်သေကို ပြန်ခေါ်စစ်ပေးရန် တင်ပြခြင်းအား တရား ရုံးအနေဖြင့် ငြင်းဆိုခွင့်မရှိဘဲ မလွဲမသွေ ဆင့်ခေါ် စစ်ဆေးခွင့်ပြုရမည်ဖြစ်သည်'' ဟူ၍ လည်းကောင်း။
''ခရိုင်တရားရုံးက လျှောက်ထားသူများမှ ပြစ်မှုဆိုင်ရာ ကျင့်ထုံးဥပဒေပုဒ်မ ၂၅၆ (၁) အရ ပြန်လှန်စစ်မေးရန် အတွက် ဆင့်ခေါ်ပေးရန်တင်ပြသည့် စစ်ဆေးပြီး တရားလိုသက်သေကို ပြစ်မှုဆိုင်ရာ ကျင့်ထုံးဥပဒေပုဒ်မ ၂၅၇(၁)ပါ ပြဋ္ဌာန်းချက်များအား ရည်ညွှန်း၍ အမှုမှာ (၂) နှစ်နီးပါးမျှ ကြာမြင့်နေသည့် အမှုဖြစ်ကြောင်း၊ တရားခံများ၊ ရှေ့နေများဖြင့် ပြန်လှန်စစ်မေးရန် အခွင့် အရေးပေးပြီးဖြစ်ကြောင်း အမှုကြန့်ကြာစေရန်၊ အနှောင့်အယှက်ပြုရန် တရားမျှတစွာ ဆုံးဖြတ်နိုင်ရေးကို ထိခိုက်နိုင်ရန် ပြန်ခေါ် သက်သေများကို ပြန်ခေါ်နေခြင်း ဖြစ်ကြောင်း အကြောင်းပြ၍ သက်သေများကို ပြန်ခေါ် စစ်ဆေးခွင့်ပြုရန် ငြင်းပယ်ခဲ့ခြင်းသည် ဥပဒေအရ မှန်ကန်ခြင်းမရှိပေ'' ဟူ၍လည်းကောင်း ဆုံးဖြတ်ခဲ့သည်။ (၂ဝဝ၂ ခုနှစ်၊ မြန်မာနိုင်ငံစီရင်ထုံး စာ-၁၁ )
တရားရုံးချုပ်က ညွှန်ကြားထားရှိခြင်း
နိုင်ငံတော်တရားရုံးချုပ် တရားသူကြီးများ၏ ၁၉၆၆ ခုနှစ်၊ ဇူလိုင်လ ၄ ရက် နေ့စွဲပါ ညွှန်ကြားလွှာ အမှတ် ၃/ ၆၆ မှ သိရှိသိထိုက်သည့် အချက်အချို့ကို ကောက်နုတ် ဖော်ပြပါဦးမည်။
''သို့ရာတွင် ယခင်ကလည်း အပြည့်အစုံပြန်လှန်မေး ပြီးဖြစ်သော တရားလိုပြသက်သေတစ်ဦးကို စွဲချက် တင်ပြီးနောက် တရားခံက ပြန်ခေါ်လိုသည်ဟု တောင်း ဆိုလျှင် တရားသူကြီးသည် နှစ်ဖက် ရှေ့နေအမှုလိုက်တို့ အား ညှိနှိုင်းစေ၍ မလိုအပ်ဘဲ မခေါ်စေရန် အကြံပေးရ မည်။'' [ တရားရုံးများ ညွှန်ကြားလွှာလက်စွဲ၊ (၁၉၄၆-၁၉၇ဝ) စာ-၂၆ ]
''စွဲချက်တင်ပြီးနောက်မှ စစ်ဆေးသည့် တရားလိုဘက် သက်သေတို့ကို တရားခံကပြန်ခေါ်နိုင်ခွင့်မရှိဟု ညွှန်ကြား ပြဋ္ဌာန်းထားသည့် ရာဇဝတ်ကျင့်ထုံးပုဒ်မ ၂၅၄၊ ၂၅၆ နှင့် တရားရုံးများ ညွှန်ကြားလွှာအမှတ် ၁၆/ ၄၈ နှင့် ၁၄/ ၅၃ တို့တွင်ပါရှိသည့် ပြဋ္ဌာန်းချက်များကို တိကျစွာ လိုက်နာ ဆောင်ရွက်ကြရန်။'' [တရားရုံးများ ညွှန်ကြား လွှာလက်စွဲ၊ (၁၉၄၆-၁၉၇ဝ) စာ-၂၇ ]
အခွင့်အရေးကို ဥပဒေနှင့်အညီကျင့်သုံးပါ
ပြန်ခေါ်သက်သေအဖြစ် စစ်မေးပေးရန် တောင်းဆို ပိုင်ခွင့်သည် တရားခံ၏ အခွင့်အရေးတစ်ရပ်ဖြစ်သည့် အပြင် တရားရုံးက သာမန်အားဖြင့် ဥပဒေအရ ငြင်းဆို ပိုင်ခွင့်မရှိသည့် အခွင့်အရေးလည်းဖြစ်နေရာ ဤကဲ့သို့ သော အခွင့်အရေးကို အလွဲသုံးစားပြုကာ အမှုကို ကြန့်ကြာစေရန် မဆောင်ရွက်ပါနှင့်။ တရားစီရင်ရေးကို အနှောင့်အယှက်ဖြစ်စေရန် မကျင့်သုံးပါနှင့်။ တရား မျှတစွာ ဆုံးဖြတ်နိုင်ရေးကို ထိခိုက်စေရန် ဦးမတည်ပါ နှင့်။ အမှုကိုဆုံးဖြတ်ရာတွင် အချက်အလက်ပြည့်စုံ ခိုင်မာစေရေး၊ အမှန်တရား ပေါ်ပေါက်ရေးနှင့် တရားခံ အတွက် ဥပဒေကပေးအပ်ထားသော ဥပဒေအကာ အကွယ်၊ ဥပဒေအခွင့်အရေးများ ပြည့်ပြည့်ဝဝရရှိရေးတို့ ကို ဦးတည်ကာ ဥပဒေနှင့်အညီ ကျင့်သုံးဆောင်ရွက်ကြ စေလိုသည်။
ဥပဒေကပေးအပ်ထားသော ထူးကဲလှစွာ အနှစ်သာရ နှင့် ပြည့်ဝနေသော ပြန်ခေါ်သက်သေ စစ်မေးခွင့်အခွင့် အရေးကို ဥပဒေစိတ်ထား၊ ဥပဒေအသိ၊ ဥပဒေအမြင်နှင့် ဥပဒေနှင့် လျော်ညီစွာ ကျင့်သုံးဆောင်ရွက်နိုင်ကြပါစေ။ တရားရေးမဏ္ဍိုင်မြဲခိုင်စေရေး၊ တရားမျှတမှန်ကန်စွာ စီရင်ဆုံးဖြတ်နိုင်ရေး ဦးတည်ဆောင်ရွက်နိုင်ကြပါစေ။
မောင်စာဂ
ကိုးကားချက်
ပြစ်မှုဆိုင်ရာကျင့်ထုံးဥပဒေ ( ရာဇဝတ်ကျင့်ထုံးဥပဒေ) အခန်း ၂ဝ နှင့် ၂၁
သက်သေခံအက်ဥပဒေ အခန်း (၁ဝ)
