အပေါင်ဒီကရီကို အတည်ပြုရာတွင် အမိန့် ၃၄ ပြဋ္ဌာန်းချက်များကို လိုက်နာရန်ဖြစ်ခြင်း။
××××××××××××××××××××××××××××××××××
အပေါင်ပစ္စည်းရောင်းချပေးစေလိုမှုမှ ဒီကရီအရ အပေါင်ပစ္စည်းရောင်းချပေး စေရေး လျှောက်ထားမှုများနှင့် အပေါင်ပစ္စည်းရွေးနုတ်ခွင့်ရလိုမှုမှ ဒီကရီအရ ကျသင့် ငွေပေးသွင်း၍ အပေါင်ပစ္စည်း လက်ရောက်ရရှိစေရေး လျှောက်ထားမှုများကို တရားမ ကျင့်ထုံးဥပဒေ အမိန့် ၂၁ ပါ ပြဋ္ဌာန်းချက်များအတိုင်း ဆောင်ရွက်ရန် မဟုတ်ဘဲ အမိန့် ၃၄ ပါ ပြဋ္ဌာန်းချက်များကို လိုက်နာ၍ မူလတရားမကြီးမှုတွင်သာ ဆက်လက် ဆောင် ရွက်ရမည်ဖြစ်ပါသည်။
ဦးထွန်းထွန်း ပါ ၃ နှင့် မန်နေဂျာ(မြန်မာ့စီပွားရေးဘဏ်၊ ဟင်္သာတမြို့) (၂၀၀၃ ခုနှစ်၊ မတစ၊ စာ ၂၄၂) တွင် အောက်ပါအတိုင်းထုံးဖွဲ့ပါသည်။
"တရားမကျင့်ထုံးဥပဒေ အမိန့် ၂၁ တွင် ပြဋ္ဌာန်းထားသည့် နည်း ဥပဒေများမှာ ယေဘုယျ ပြဋ္ဌာန်းချက်များသာဖြစ်ပြီး အပေါင်ဒီကရီပါ မရွှေ့မပြောင်းနိုင်သောပစ္စည်းကို ရောင်းချခြင်းအတွက် ပြဋ္ဌာန်းထားသော အမိန့် ၃၄ မှာ အပေါင်မှုများအတွက် သီးခြား ပြဋ္ဌာန်းချက်ဖြစ်ရာ အပေါင်ဒီကရီပါ မရွှေ့မပြောင်းနိုင်သောပစ္စည်း ရောင်းချခြင်းကိစ္စတွင် တရားမကျင့်ထုံးဥပဒေ အမိန့် ၃၄ ပါ ပြဋ္ဌာန်းချက်များအရသာ လိုက်နာရန်ဖြစ်ပေသည်။
---
အပေါင်ဒီကရီကို အတည်ပြုရာတွင် ဇာရီမှုသီးခြားဖွင့်လှစ်ရန်မလိုခြင်း။
××××××××××××××××××××××××××××××××××
တရားရုံးများလက်စွဲအပိုဒ် ၁၂၀၈၊ တရားမမှတ်ပုံစာရင်းစာအုပ် ၂ ကို ပြုပြင်ထားရန်ရှိရန် ညွှန်ကြားချက်များ၊ ဇယားကွက် ၂ ပြုပြင်ထားရှိရန် ညွှန်ပြချက်တွင် အောက်ပါအတိုင်းဖော်ပြထားပါသည်။
"အပေါင်ဒီကရီများအရ၊ ရောင်းချခြင်း နှင့် ပတ်သက်သော ဆောင် ရွက်သည့် မှုခင်းများကို ဤဇယားကွက်* နံပါတ်စဉ် အောက်တွင် M အက္ခရာ စာလုံးကို မင်နီနှင့် ရေးသားခြင်းဖြင့် ခြားနားဖော်ပြရမည်။
*အပေါင်ဒီကရီများအရ ရောင်းချခြင်းနှင့်ပတ်သက်သော ဆောင် ရွက်သည့် မှုခင်းစက္ကူရပ်များကို တရားမကြီးမှု အမှုတွဲတွင် တွဲထား သော်လည်း၊ ထိုဆောင်ရွက်သော မှုခင်းကို ဤမှတ်ပုံစာရင်း စာအုပ် တွင် မှတ်ပုံတင် တင်သွင်းရမည်။ ဤမှတ်ပုံတင်စာအုပ်ရှိ နံပါတ်ကို တရားမကြီး အမှုတွဲမျက်နှာဖုံးပေါ်ရှိ တရားမကြီးမှု နံပါတ်အောက် တွင် မင်နီနှင့် ရေးသားထားရမည်။"
ဆရာ ဦးမြ၊ တရားမဇာရီမှုများ စာ - ၂၅၆ တွင် အောက်ပါအတိုင်း ညွှန်ပြထား ပါသည်။
"အပေါင်မှုတွင် အပြီးသတ် ဒီကရီ ချမှတ်ပြီးနောက် အပေါင်ပစ္စည်း ကို ရောင်းချခြင်းဖြင့် ဒီကရီကို အတည်ပြုပေးရန် လျှောက်ထားလာလျှင် ဇာရီ မှတ်ပုံတင် (တရားမမှတ်ပုံတင် အမှတ် -၂) တွင် ရေးသွင်းပြီးနောက် မူလ အမှုတွင်ပင် ဇာရီအမှတ်ကို ရေးမှတ်ရသည်။ အခြားအမှုများမှာကဲ့သို့ သီးခြား ဇာရီမှု ရေးဖွင့်ဖို့မလို။ အမှုအမှတ် အောက်တွင် (M) ဆိုသော အင်္ဂလိပ် စကားလုံးကို မင်နီဖြင့် ရေးမှတ်ရသည်။ (တရားမမှတ်ပုံတင်စာအုပ် အမှတ် ၂ ကို ပြုပြင်ထားရှိရန် ညွှန်ကြားချက်များကို ကြည့်ပါ။)
ပစ္စည်းရောင်းချရန် ကြော်ငြာခြင်း၊ ရောင်းချခြင်း၊ အတည်ပြုခြင်းတို့ မှာ အခြားမရွှေ့မပြောင်းနိုင်သည့်ပစ္စည်းများ ရောင်းချရာတွင် ဆောင်ရွက် ရန် သတ်မှတ်ထားသည့် နည်းလမ်းများအတိုင်းဖြစ်သည်။"
----
အပေါင်ဒီကရီကျငွေကို အရစ်ကျပေးဆပ်ခွင့်ပြုနိုင်သလား
××××××××××××××××××××××××××××××××××
ဦးအေး ပါ ၂ နှင့် ဦးချစ်ခင် (၁၉၆၆၊ မတစ၊ စာ ၂၂၀) တွင် အောက်ပါ အတိုင်းထုံးဖွဲ့ပါသည်။
"……..အယူခံတရားလိုများက အပေါင်ဒီဂရီကို လစဉ်အရစ်ကျ ပေးဆပ်ရန် တောင်းဆိုခြင်းကိုလည်း လက်မခံနိုင်ပေ။ တရားမကျင့်ထုံး အမိန့် ၂၀၊ နည်း ၁၁ ပြဋ္ဌာန်းချက်မှာ ရိုးရိုးအားဖြင့် ငွေပေးရန်ဖြစ်သော ဒီဂရီ ကိုသာလျှင် လစဉ်အရစ်ကျ ပေးဆောင်ရန် တောင်းဆိုနိုင်ခွင့်ရှိသည်ကိုသာ လျှင် တွေ့ရှိရသည်။ "
၁။ ဦးခင်မောင်ကြီး ၂။ ဒေါ်ခင်ထွေး နှင့် ပြည်ထောင်စုမြန်မာနိုင်ငံ ပြည်သူ့ ဘဏ်(ယခင် နိုင်ငံတော် ကူးသန်းရောင်းဝယ်ရေးဘဏ်)(၁၉၇၃၊ မတစ၊ စာ ၆)တွင် အောက်ပါ အတိုင်းထုံးဖွဲ့ပါသည်။
"အပေါင်အပြီးသတ်ဆုံးဖြတ်ချက် ချမှတ်ထားသော အမှုတွင် အရစ် ကျ ပေးဆပ်ခွင့်မပြုနိုင်။"
---
အပေါင်ဒီကရီကျငွေ နှင့် ရောင်းချသောပစ္စည်းတန်ဖိုး ကွာဟလျှင် ရောင်းချနိုင်သလား။
××××××××××××××××××××××××××××××××××
ဦးအေး ပါ ၂ နှင့် ဦးချစ်ခင် (၁၉၆၆၊ မတစ၊ စာ ၂၂၀)တွင် အောက်ပါအတိုင်း ထုံးဖွဲ့ပါသည်။
"အယူခံတရားလိုများ၏ အပေါင်ဒီဂရီမှာ ကျပ်ငွေ ၄၀,၀၀၀ မျှသာ ဖြစ်၍၊ ဆန်စက်နှင့်တကွ သက်ဆိုင်သော ပစ္စည်းများ၏တန်ဘိုးမှာ ၂ သိန်း ကျော် ၃သိန်းမျှ ကာလတန်ဘိုးရှိသဖြင့် မမျှတသောကြောင့်၊ ယင်းပစ္စည်းများ ကို ကြေညာ၍ လေလံတင်ရောင်းချခြင်း မပြုသင့်ကြောင်း ဆိုသော ပထမ ငြင်းချက်နှင့်ပတ်သက်၍ တရားမကျင့်ထုံး အမိန့် ၂၁၊ နည်း ၁၇(၄) ခြွင်းချက် နှင့်အကျုံးမ၀င်ပေ။ ထိုခြွင်းချက်မှာ ရိုးရိုးအားဖြင့် ငွေပေးရန်ဖြစ်သော ဒီဂရီ နှင့်သာသက်ဆိုင်သည်။ အပေါင်ဒီကရီမှာ ရိုးရိုးအားဖြင့် ငွေပေးရန်ဖြစ်သော ဒီဂရီမျိုးမဟုတ်သဖြင့် ခြွင်းချက်တွင် အကျုံးမ၀င်ပေ။"
---
အပေါင်မှုတွင် ချမှတ်သော ရောင်းချရန်ဒီကရီအရ ပစ္စည်းကိုရောင်းချရာတွင် ၀ရမ်းကပ်ရန်လိုအပ်သလား။
××××××××××××××××××××××××××××××××××
အပေါင်မှုတွင်ချမှတ်သော ရောင်းချရန်ဒီကရီအရ ပစ္စည်းကို ရောင်းချရာတွင် ၀ရမ်းကပ်ရန် မလို။ ဦးခင်မောင်ကြည် နှင့် မအိဝေဇင်ထွန်း ပါ၃ (၂၀၀၀၊ မတစ၊ စာ ၆၅)
---
အပေါင်ဒီကရီအရပစ္စည်းရောင်းချရာတွင် တရားရှုံးသည် တရားမကျင့်ထုံးဥပဒေပုဒ်မ၆၀ အရ ကန့်ကွက်ခွင့်ရှိသလား။
××××××××××××××××××××××××××××××××××
တရားမကျင့်ထုံးဥပဒေ ပုဒ်မ ၆၀ သည် အပေါင်ဒီကရီအရ ဒီကရီအတည်ပြု ခြင်းနှင့် မသက်ဆိုင်ကြောင်း၊ အပေါင်ဒီကရီကို အတည်ပြုရာတွင် ရောင်းချရန်အမိန့် ချမှတ်ထားသော ပစ္စည်း၌ မိမိအနေဖြင့်ရောင်းချရန် ပိုင်ဆိုင်ခွင့် တစ်စုံတစ်ရာ မရှိပါဟု တရားရှုံးက ကန့်ကွက်ခြင်းမပြုနိုင်ကြောင်း၊ ယင်းကန့်ကွက်ချက်ကို တင်ပြရန်အချိန် မှာ တရားမကြီးမှုကြားနာစဉ်က ရောင်းချရန် ဒီကရီမချမှတ်မီဖြစ်ကြောင်း U LU GALE and one v. M. MAHOMED HABI (1929 A.I.R . Ran 275)တွင် အောက်ပါအတိုင်း ညွှန်ပြပါသည်။
"Section 60, Civil Procedure Code, does not apply to executions under a mortgage decree. A judgment-debtor cannot raise an objection that he has no saleable interest in the property ordered to be sold in execution of a mortgage decree. The proper time to raise such objection is at the hearing of the suit and before the decree ordering the sale is passed."
---
ပစ္စည်းကိုရောင်းချခြင်း အတည်မပြုမီ အပေါင်ရွေးနုတ်ခွင့်လျှောက်ထားနိုင်ခြင်း။
××××××××××××××××××××××××××××××××××
ဦးထွန်းထွန်း ပါ ၃ နှင့် မန်နေဂျာ(မြန်မာ့စီပွားရေးဘဏ်၊ ဟင်္သာတမြို့) (၂၀၀၃၊ မတစ၊ စာ ၂၄၂) တွင် အောက်ပါအတိုင်းထုံးဖွဲ့ပါသည်။
"………အပေါင်ဒီကရီအရ မရွှေ့မပြောင်းနိုင်သောပစ္စည်းကို ရောင်း ချသည့်ကိစ္စ၌ ရောင်းချခြင်းကို အတည်မပြုမီ (before the confirmation of the sale) ပေါင်သူက ဖြစ်စေ၊ အပေါင်ပစ္စည်းအား ရွေးနုတ်ပိုင်ခွင့်ရှိသူ တစ်ဦးဦးကဖြစ်စေ၊ အပေါင်ရွေးနုတ်ခွင့်ပြုပါရန် လျှောက်ထားနိုင်ခွင့်ရှိပြီး ယင်းသို့ လျှောက်ထားရာတွင် လေလံဆွဲဝယ်သူက ၀ယ်ယူသည့်ငွေ (Purchase-money)များအနက် အမှန်တကယ် တရားရုံးသို့ ပေးသွင်းပြီးဖြစ် သော ငွေ၏ ၅%(five percent of the purchase-money(if any) paid into Court by the purchaser) ကို ဇာရီရုံးသို့ ပေးသွင်းရမည်ဖြစ်ကြောင်း၊ အပေါင်ပစ္စည်းရောင်းချမှုများအတွက် တရားမကျင့်ထုံးဥပဒေ အမိန့် ၃၄၊ နည်း ၃(၂) ၏ ခြွင်းချက်တွင် ပြဋ္ဌာန်းထားရာ အဆိုပါ သီးခြားပြဋ္ဌာန်းချက်ကို လိုက်နာရန် လိုအပ်ကြောင်း တရားရုံးများက သတိပြုရန် လိုအပ်ပေသည်။"
ဆရာ ဦးမြ၊ တရားမဇာရီမှုများ စာ - ၂၅၇ တွင် အောက်ပါအတိုင်း ဖော်ပြထား ပါသည်။
" ပစ္စည်းရောင်းချခြင်းကို အတည်မပြုမီ ပေါင်နှံသူ တရားရှုံးကဖြစ် စေ၊ အပေါင်ပစ္စည်းကို ရွေးနုတ်ခွင့်ရှိသူ အခြားအမှုသည်တဦးဦးကဖြစ်စေ အောက်ပါငွေများကို ပေးသွင်းပြီး အပြီးသတ် အပေါင်ရွေးနုတ်ခွင့် အမိန့်ကို လျှောက်ထားရယူနိုင်သည်။ [ အမိန့် ၃၄၊ နည်း ၃ (၂) ခြွင်းချက်]။
(၁) အပေါင်ပစ္စည်းအပေါ် ပေးရန်ရှိသည့် ကြွေးမြီ (အတိုးအပါ အ၀င်)
(၂) နည်း(၇)အရ တွက်ချက် ရရှိသော အပေါင်ပစ္စည်းနှင့် စပ်လျဉ်း၍ အပေါင်ခံသူက ကုန်ကျသော စရိတ်စက အရပ်ရပ်နှင့် ပြီးခဲ့သည့် စာရင်းရှင်းလင်းမှု ပြုလုပ်ပြီး နောက်တင်ရှိသောအတိုး။
(၃) ၀ယ်ယူသူအား လျော်ကြေးအဖြစ် ပေးရန် ရောင်းဈေး၏ ၅%နှင့် ညီမျှသောငွေ။ ထိုလျော်ကြေးငွေကို အဖိုးငွေနှင့် အတူ ၀ယ်ယူသူအား ပေးရမည်။
ဦးထွန်းထွန်း ပါ ၃ နှင့် မန်နေဂျာ(မြန်မာ့စီပွားရေးဘဏ်၊ ဟင်္သာတမြို့) (၂၀၀၃၊ မတစ၊ စာ ၂၄၂(၂၄၇)) တွင် အောက်ပါအတိုင်းညွှန်ပြပါသည်။
"တရားမကျင့်ထုံးဥပဒေ အမိန့် ၃၄၊ နည်းဥပဒေ ၃(၂)ခြွင်းချက်တွင် ပါရှိသော five percent of the purchase-money(if any) paid into Court by the purchaser စကားရပ်၌ purchase-money နောက်တွင် paid into Court ဟူသောစကားရပ် ကပ်လျက်ပါရှိသည်ကို သတိပြုရန်လိုသည်။ purchase-money ကို paid into Court က အထူးပြုထားခြင်းဖြစ်သည်။
တရားရုံးတွင် ပေးသွင်းသည်ဖြစ်စေ၊ မပေးသွင်းသည်ဖြစ်စေ၊ ၀ယ်ယူသည့်ငွေတစ်ရပ်လုံးအပေါ်တွင် လျော်ကြေးငွေပေးစေလိုပါက paid into Court ဟူသောစကားရပ်ကို ထည့်သွင်းရန်အကြောင်းမရှိပေ။ တရားရုံး တွင် အမှန်တကယ် ပေးသွင်းငွေပေါ်တွင်သာ လျော်ကြေးငွေပေးစေလိုသော ကြောင့် ယင်းစကားရပ်ကို purchase-money နှင့် ကပ်လျက် ထည့်သွင်း ထားကြောင်း ထင်ရှားသည်။
အမှန်အားဖြင့် ၀ယ်ယူသူသည် ၄င်း အမှန်တကယ် ပေးသွင်းထား သည့် ငွေပေါ်တွင်သာ လျော်ကြေးရထိုက်ခွင့်ရှိသည်။ အမှန်တကယ် မပေး သွင်းရသေးဘဲနှင့်ဝယ်ယူရန် သဘောတူသည့်ငွေပေါ်တွင် လျော်ကြေးပေး မည်ဆိုပါက ၀ယ်ယူသူအတွက် မလျော်အခွင့်အရေးပေးရာ ရောက်ပေလိ့မ် မည်။
x x x x x x x x
x x x x x x x x x
သို့ဖြစ်၍ တရားမကျင့်ထုံးဥပဒေ အမိန့် ၃၄၊ နည်းဥပဒေ ၃(၂)၏ ခြွင်းချက်ပါ "၀ယ်ယူသူက တရားရုံးတွင်ပေးသွင်းသော ၀ယ်ယူသည့်ငွေ" သည် အမှန်တကယ် ရုံးသို့ပေးသွင်းငွေကို ဆိုလိုသည်။ တရားရုံးတွင် ပေး သွင်းသည်ဖြစ်စေ၊ မပေးသွင်းသည်ဖြစ်စေ၊ ၀ယ်ယူသည့်ငွေ တစ်ရပ်လုံး မဟုတ်ချေ။ ၀ယ်ယူသူ သူတစ်စိမ်းသည် နစ်နာကြေးအဖြစ် တရားရုံးတွင် အမှန်တကယ်ပေးသွင်းသည့် ငွေပမာဏ အပေါ်တွင်သာ ၅% ရရှိနိုင်သည်။ အပြီးသတ် လေလံဆွဲဝယ်ငွေအဖြစ် လက်ခံသော ငွေပမာဏအပေါ် ရနိုင် မည်မဟုတ်ချေ။"
ဦးထွန်းမျိုးဋ္ဌေး
