ဥပဒေစကား ပြောကြားပါရစေ
▄▄▄▄▄▄▄▄▄▄▄▄▄▄▄▄▄▄▄▄▄▄▄ဦးဟန်ညွန့်(ဥပဒေ)
အမျိုးသားပညာရေးဥပဒေ
▄▄▄▄▄▄▄▄▄▄▄▄▄▄
အမျိုးသားပညာရေးဥပဒေ ပြဋ္ဌာန်းရေးအတွက် ကျောင်းသားများ ဦးဆောင် လှုပ်ရှားကြသည်။ မိဘများက ကျောင်းသားများကို ကြိုဆိုသည်။ ထိန်းပေး သည်။ အမျိုးသားရေးမို့ အရေးကြီးသည်။ အစိုးရကလည်း သတိထားသည်။ အမှားမခံနိုင်။ ငြင်းခုံဆွေးနွေးမှုများ ကြီးထွားသည်။ ပြည်သူအများ ဆွေးနွေး အကြံပေးကြပြီ။ ဥပဒေကြမ်းအပေါ် ကြားနာမည့်အစီအစဉ်ပင် အမျိုးသား လွှတ်တော်က ထုတ်ပြန်ကြေညာလိုက်ပေပြီ။
ဥပဒေကျောင်းသားစိတ်
▄▄▄▄▄▄▄▄▄▄▄▄▄
စာရေးသူမှာအသက် (၆ဝ) ကျော်သော်လည်း ကျောင်းသားစိတ်က တစ်ရွေး သားမျှ မကုန်သေး။ ကျောင်းသားအရေးဆိုလျှင် တစ်ရေးနိုးအိပ်ရာကထပြီး လုပ်ချင်သည့် အကျင့်၊ လက်တွန့်သည့် ကျောင်းသား မဟုတ်ခဲ့။ ဥပဒေ ပညာ လေ့လာခွင့်၊ သင်ယူခွင့်ရခဲ့သော ဥပဒေကျောင်းသားစိတ်ဖြင့် အမျိုးသား ပညာရေး အလေးပေးချင်သည်။ ခေတ်အဆက်ဆက် ပညာရေးစနစ်၊ အားနည်းချည့်နဲ့မှုများကြောင့် ကျောင်းသားများ အစမ်းသပ်ခံ ဘဝ ရောက်ခဲ့ရ သည်မှာတော့ ဘယ်သူမှ ငြင်းနိုင်မည်မဟုတ်။ ဤသို့သော အခြေအနေ၊ ခံစားမှုများကြောင့်လည်း ပညာရေးဥပဒေပြင်ဆင်ရေး ကြွေးကြော်သံများ ဆူညံလာခြင်းမဟုတ်လား။
ဒီမိုကရေစီပညာရေး
▄▄▄▄▄▄▄▄▄▄▄
''ပညာရေးကိစ္စဟု ပြောမည့်အစား ဒီမိုကရေစီ ပညာရေး''ကိစ္စ ဟု ပြောမှ၊ ရေး မှပို၍ တိကျမည်။ ဘာ့ကြောင့်လဲ။ ဒီမိုကရေစီဆန်သော ပညာရေး၊ လွတ်လပ်သော ပညာရေး၊ အချုပ်အချယ်ကင်းသော ပညာရေး၊ ကျောင်းသား သမဂ္ဂ၊ ဆရာများသမဂ္ဂ ပါဝင်သောပညာရေး။ လိုတိုရှင်း ခြုံ၍ရေးနိုင်သော စကားလုံးမှာ ''အမျိုးသားပညာရေး'' ဖြစ်သည်။ အမျိုးသားပညာရေးသည် ဒီမိုကရေစီပညာရေး။ ဒီမိုကရေစီပညာရေးသည် ''အမျိုးသား ပညာရေး'' ဖြစ်သည်။ (ပြင်ဆင်သည့် ဥပဒေကြမ်းပုဒ်မ ၃ ကို ရည်ညွှန်း)
မြန်မာ့ပညာရေးကိုကောင်းစေချင်သော ကျောင်းသားများ
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
မြန်မာ့ပညာရေးကို ကောင်းစေချင်သော ကျောင်းသားများအား လေးစားသည်။ ကမ္ဘာ့နိုင်ငံများနှင့် ရင်ပေါင်တန်းနိုင်သော မြန်မာ့ပညာရေး၊ အဆင့်မြင့်သော မြန်မာ့ ပညာရေး၊ တက်စုံရွက်စုံလွှင့်နိုင်၊ ကူးခပ်နိုင်သော မြန်မာ့ ပညာရေးဖြစ်ရမည်။ ဖြစ်သင့်သည်။ ဤစေတနာဖြင့် ကျောင်းသားတို့အရေးဆိုသည်။ မိဘတို့ ဝိုင်းကူသည်။ ဆရာ ဆရာမတို့ စုပေါင်းပါဝင်သည်။ အစိုးရက အတည်ပြုဆုံးဖြတ်မည်။ တက်ညီ၊ လက်ညီ၊ ဆန္ဒညီ၊ ဥပဒေနှင့် အညီဖြစ်သည်။ ဥပဒေရေးမှဖြင့် ဥပဒေနှင့် မညီ၍မဖြစ်။ စာအုပ်ကြီးသမား၊ ပုဒ်ထီးပုဒ်မ သမား၊ လက်တွေ့ဘဝနှင့် ကင်းကွာသော သီးခြားကမ္ဘာ မဖြစ်ဖို့သာ အဓိကပါ။ ထို့ကြောင့် ဥပဒေစကား ပြောကြားပါရစေ။ ဥပဒေနှင့်အညီ ဆွေးနွေးပါရစေ။
လွတ်လပ်လွန်းခြင်း
▄▄▄▄▄▄▄▄▄▄
ဥပဒေတစ်ရပ်သည် လွတ်လပ်ခြင်းရှိရမည်။ လုပ်သာကိုင်သာရှိရမည်။ တက်သာ ဆုတ်သာ ဖြစ်ရမည်။ ဖိနှိပ်မှု၊ ချုပ်ချယ်မှုတွေ မများစေရ။ အရည် အသွေးကောင်းရမည်။ အာမခံချက် ပါဝင်ရမည်။ ပညာရေး လွတ်လပ်ခွင့်ကို အာမခံရမည်။ အာဏာပိုင်၏ အာဏာရှင်လွှမ်းမိုးမှုဖြင့်သာ အရာရာမ ဆုံးဖြတ်ရ။ ဒီမိုကရေစီဆွေးနွေး တင်ပြမှုကိုလည်း စဉ်းစားပေးအပ်သည်။ လွတ်လပ်ခြင်းနှင့် လွတ်လပ်လွန်းခြင်း စကားလုံးမှာ မတူပါ။ လွတ်လပ်ခွင့် ကိုသာ ဖော်ဆောင်ပါ။
ချုပ်ချယ်မှုများလွန်းခြင်း
▄▄▄▄▄▄▄▄▄▄▄▄
နေစရာထိုင်စရာပင်မရှိ။ အသက်ပင် ရဲရဲမရှူဝံ့။ သမဂ္ဂမဖွဲ့ရ။ ကျောင်းသားတွေ ဘာပဲလုပ်လုပ် ခွင့်ပြုချက်မရရင် ဘာမှမလုပ်ရ။ စာတွေ အလွတ်ကျက်ကြ။ စာမေးပွဲ မှန်မှန်ဖြေ။ ကျောင်းမှန်မှန်တက်။ ပြောတဲ့စကား တစ်သဝေ မတိမ်း နားထောင်။ ဟိုယောင်ယောင် ဒီယောင်ယောင်မလုပ်နဲ့။ တိကျတဲ့ အဆောင် စည်းကမ်း၊ ကျောင်းစည်းကမ်းတွေ လိုက်နာကြ။ မလိုက်နာ ရင် ကျောင်း ထုတ်ပစ်။ ဆရာဆရာမတွေ ဘာမှပြန်မပြောနဲ့။ ထားရာနေ၊ စေရာ သွား။ ဤကား ချုပ်ချယ်မှုများလွန်းသည်။ အကြောက်တရားသည် ရေရှည်မခံ။ တွန်းလှန် ပုန်ကန်ချင်စိတ် ဖြစ်ပွားစေမည်။ ဥပဒေရေးသည့်အခါ စဉ်းစားစရာ။
ကျောင်းသားကိုယ်တိုင် ဆုံးဖြတ်ရွေးချယ်ခွင့်
▄▄▄▄▄▄▄▄▄▄▄▄▄▄▄▄▄▄▄▄▄▄▄
ပြင်ဆင်သည့် ဥပဒေကြမ်း၊ ပုဒ်မ ၁၇ တွင် ''တက္ကသိုလ်ဝင်ခွင့်အတွက် သင်ယူလိုသည့် ဘာသာရပ်နှင့် တက္ကသိုလ်ကို ကျောင်းသားကိုယ်တိုင် ဆုံးဖြတ်ရွေးချယ်ခွင့်ရှိရန်'' ဟု ဖော်ပြထားသည်။ စာရေးသူ ကြိုဆိုသည်။ သို့သော် မည်သို့နည်းလမ်း သတ်မှတ်မည်လဲ။ ကျောင်းသားကိုယ်တိုင် ဆုံးဖြတ်ခွင့်ကို မည်သို့ ကူညီမည်လဲ။ နည်းဥပဒေများရေးမှ စဉ်းစားမည်လား။ လက်ခံနိုင်သော အရေအတွက်၊ လက်ခံနိုင်သော တက္ကသိုလ်၊ ဝါသနာထုံသော ဘာသာရပ်၊ ဝါသနာမပါဘဲ တက္ကသိုလ်ကပေး၍ ယူရသော ဘာသာရပ်။ မကျွမ်းကျင်ဘဲ သူများခိုင်း၍ သင်ရသည့် ဘာသာရပ်။ စာမေးပွဲ ဖြေသည့်အခါကျမှ တဖုန်းဖုန်းကျသည့် ဖြစ်ရပ်။
ဘဝတစ်လျှောက်လုံး အသုံးဝင်မည့် အသိပညာ
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
ဥပဒေကြမ်း၊ ပုဒ်မ ၂၂ (ဃ) သင်ရိုးညွှန်းတမ်း၊ (၈၈)တွင် ''ကျောင်းသား များဘဝတစ်လျှောက်လုံး အသုံးဝင်မည့် အသိပညာ၊ အတတ်ပညာ၊ စွမ်းရည် များနှင့် စဉ်းစား တွေးခေါ်မြော်မြင်မှုများ ရရှိစေရမည်။ လက်တွေ့ဘဝနှင့် ကိုက်ညီဆက်စပ်မှုရှိရမည်''ဟု ဖေါ်ပြထားသည်။ အလွန်ကောင်းသည့် အချက်ပါ။ ပြည်ထောင်စုလွှတ်တော် က အတည်ပြုစဉ်းစားမည်ဟု ကျွန်တော်ယုံသည်။ ဥပဒေကြမ်းထဲမှာ ယခုလို ကောင်းသည့်ပြဋ္ဌာန်းချက်တွေ အများကြီးပါ။ ပြင်ဆင်ရေးဆွဲသူများအား လေးစားပါသည်။
နှစ်သက်ရာပါတီ ဝင်ရောက်ခွင့်ရှိသည်
▄▄▄▄▄▄▄▄▄▄▄▄▄▄▄▄▄▄▄▄▄
ဥပဒေကြမ်းပုဒ်မ ၂၂ (ခ)(ဃ)(ဃ)ကိုတော့ ကျွန်တော် သဘောမတူ။ ဘာကြောင့်လဲ။ နိုင်ငံ့ဝန်ထမ်း ဥပဒေပုဒ်မ ၁ဝ(ဆ)မှာ ''ပါတီနိုင်ငံရေး ကင်းရှင်းခြင်း'' ဟု အတိအလင်း ပြဋ္ဌာန်းပြီးဖြစ်နေ၍ပါ။ ထို့ပြင် ရွေးကောက်ပွဲ ဥပဒေများမှာလည်း လျှို့ဝှက်မဲရုံတွင် လျှို့ဝှက်မဲပေးစနစ် ကျင့်သုံးပြီးဖြစ်သောကြောင့် မည်သည့်ပါတီကို မဲပေးပေး၊ နိုင်ငံသားတစ်ဦး၏ လွတ်လပ်ခွင့်ပေးပြီးသားဟု ကျွန်တော်ထင်သည်။ ထို့ကြောင့် ဤပုဒ်မ ကို ပြန်လည်စဉ်းစား ပေးပါ။
နိုင်ငံတော်သမ္မတက လက်မှတ်ရေးထိုးသည့်နေ့
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
ဥပဒေကြမ်း ပုဒ်မ ၁ (ခ)တွင် ''ဤဥပဒေကို နိုင်ငံတော် သမ္မတက လက်မှတ်ရေးထိုးသည့်နေ့တွင် အတည်ဖြစ် သည်''ဟု ဖော်ပြထားသည်။ ဤဖော်ပြချက် ကျွန်တော် သဘောမတူပါ။ ဘာ့ကြောင့်လဲ။ ဖွဲ့စည်းပုံ အခြေခံဥပဒေ (၂ဝဝ၈) ပုဒ်မ ၁ဝ၅ နှင့် မညီ၍ပါ။ နိုင်ငံတော်သမ္မတ ကိုယ်တိုင် လက်မှတ်ထိုးနိုင်သကဲ့သို့ လက်မှတ်မထိုးသည့် ကိစ္စရပ်များ လည်း ပြဋ္ဌာန်းချက် ရှိ၍ ဖြစ်ပါသည်။ အကြောင်းပြချက်ပြည့်စုံလျှင်မူ ဖော်ပြနိုင် ပါမည်။ ဥပဒေ ပညာရှင်များ၊ ကျောင်းသားများ ပြန်လည် စဉ်းစားပေး စေချင် ပါသည်။
အခြေခံဥပဒေနှင့် ညီရမည်
▄▄▄▄▄▄▄▄▄▄▄▄▄▄▄
ဥပဒေများ ပြဋ္ဌာန်းသည့်အခါ တည်ဆဲဖွဲ့စည်းပုံ အခြေခံဥပဒေနှင့် ညီညွတ်ရပါမည်။ တည်ဆဲဖွဲ့စည်းပုံ အခြေခံဥပဒေဖြစ်နေပါသေးသည်။ ဤမူသဘော၊ ဤမူဝါဒကို ဥပဒေပညာရှင်တိုင်း သိကြသည်။ စာများများ ဖတ်ကြသော တက္ကသိုလ် ဥပဒေကျောင်းသား များလည်း နားလည် ကြသည်။ ဥပဒေကြမ်း၏ အထူးကောင်းမွန်သော အားသာ ချက်တွေကအများကြီးပါ။ အားနည်းချက်တွေ ပြင်လိုက် လျှင် ပို၍ကောင်းမည်ထင်သည်။ ဥပဒေကျောင်းသားများ ၏ ဥပဒေအသိ၊ ဥပဒေအတွေ့အကြုံ၊ တက္ကသိုလ် ဥပဒေ ပညာဌာနမှ ပို့ချချက်များ၊ ဥပဒေကျောင်းသားတို့၏ တက်ကြွသော သုတေသနပြုချက်များ ဘယ်ရောက်သွား ပြီလဲ။ ထဲထဲဝင်ဝင် ပါဝင်ကြပါ။ ဆွေးနွေးကြပါ။ အကြံ ပေးကြပါ။ သားတို့၊ သမီးတို့ သင်ထားသော ဥပဒေပညာရပ်ဖြင့် တတ်သမျှ၊ မှတ်သမျှ၊ သမိုင်းပေးတာဝန် ပါဝင်စေချင်သည်မှာ ဥပဒေကျောင်းသား ဟောင်းတစ်ဦး (အသက် ၆၅ နှစ်ရှိပြီ)က မေတ္တာရပ်ခံတာပါ။
အပြည်ပြည်ဆိုင်ရာ ကွန်ဗင်းရှင်းများ မမေ့နှင့်
▄▄▄▄▄▄▄▄▄▄▄▄▄▄▄▄▄▄▄▄▄▄▄▄
ဥပဒေတစ်ရပ်ရေးဆွဲတိုင်း အပြည်ပြည်ဆိုင်ရာ ကွန်ဗင်းရှင်းများနှင့် ညီညွတ်ရမည်။ သဘောတူစာချုပ် တွေမှာ မြန်မာလက်မှတ်ထိုးထားတာ ဘာရှိသလဲ။ ကမ္ဘာနှင့် မြန်မာ ဆက်နွှယ်မှု၊ သဘောတူညီမှုတွေ မမေ့နှင့်။ သို့မှသာ ကမ္ဘာတည်မည့် မြန်မာ့ဥပဒေဖြစ်မည်။ ပွဲလယ်တင့်မည်။ သို့ဖြစ်၍ ပညာရေးဥပဒေ စတင်ရေးဆွဲစဉ်က ကမ္ဘာ့ဥပဒေပညာရှင်၊ ကမ္ဘာ့ပညာရေးသုတေသီတွေ ငှားရမ်း၊ ဖိတ်ကြား၍ လေးလေး စားစားမေးမြန်းခဲ့၊ ဆွေးနွေးခဲ့၊ အကြံတောင်းခဲ့ခြင်းဖြစ်သည်။ သူတို့သူတို့ ပြောတိုင်းလည်း ခေါင်းညိတ်ရမည်ဟု မဆိုလို။ မြန်မာ့မြေ၊ မြန်မာ့ရေ၊ မြန်မာ့ပညာရေး၊ မြန်မာ့ကျောင်းသားနှင့် ကိုက်ညီမှ၊ ဆက်စပ်မှ၊ သုံး၍ရမှ၊ လက်တွေ့ဆန်မှ လက်ခံ ကြပေသည်။ စပ်ဆိုင်သောအချက်များ ထုတ်နုတ်ကြည့် ကြပါ။
ဝန်ကြီးဌာနအချင်းချင်း လုပ်ပိုင်ခွင့် မရောထွေးအောင်
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
ဥပဒေရေးလျှင် ဤအချက်ကလည်း အရေးကြီးသေးသည်။ ပညာရေးဝန်ကြီး၏ တာဝန်သည် အခြားဝန်ကြီး ဌာနနှင့် ရောထွေး၍မရ။ လုပ်ပိုင်ခွင့်မတူညီ။ သူ့တာ၊ ကိုယ့်တာ ရှိသည်။ ဌာနအချင်းချင်း ကူညီသည်က တခြား။ ပူးပေါင်းဆောင်ရွက်သည်က တစ်မျိုး၊ ဝင်ရောက်စွက်ဖက်၊ ရောထွေးလျှင်မူ၊ မူဝါဒနှင့်မညီ။ ဤသည်ကို မစဉ်းစားသင့်ဘူးလား။
ဥပဒေကြမ်းသည် ဥပဒေကြမ်းသာ ဖြစ်သည်
▄▄▄▄▄▄▄▄▄▄▄▄▄▄▄▄▄▄▄▄▄▄▄
''အမျိုးသားပညာရေးဥပဒေကို ပြင်ဆင်သည့် ဥပဒေ ကြမ်း'' အဆင့်သာ ရှိသေးသည်။ ဥပဒေကြမ်းသည် ဥပဒေကြမ်းပါပဲ။ ဥပဒေ မဖြစ်သေး။ ပြည်ထောင်စု လွှတ်တော်က မပြဋ္ဌာန်းသေး။ ဤအခြေအနေ တွင် ပြည်သူအပေါင်းက လေ့လာ၊ အကြံပြုခြင်း သာ။ ပြောချင်တာ ပြောနိုင် သည်။ ဝေဖန်ချင်တာ ဝေဖန်နိုင်သည်။ ပြင်ချင်တာ ပြင်နိုင်သေးသည်။ လိုတိုးပိုလျှော့။ လိုတာတိုး၊ ပိုတာလျှော့။ မပေါ့မဆ ဆောင်ရွက်နိုင် သေး သည်။ ဒေါသ၊ လောဘ၊ မောဟ မဖက်။ အဂတိ တရား မစွက်။ ဘယ်ဘက်မှ လိုက်စရာမလို။ အမျိုးသား အကျိုးစီးပွားကိုတော့ ဦးထိပ်ထား။ မုန်းခြင်း၊ ချစ်ခြင်း၊ အင်အားသုံးခြင်းကို ရှောင်။ ''ဒီမိုကရေစီ ဆွေးနွေးမှု'' အစဉ်ရှေးရှု။ ပုဂ္ဂိုလ်ရေး အလေးမပေး။ တရားဥပဒေ စိုးမိုးရေးအသိဖြင့် မျှော်လင့်သော ပန်းတိုင် အရောက် ပေါက်မြောက်အောင် ချီတက်။ သို့မှသာ ဥပဒေ အချော ပြဋ္ဌာန်းနိုင်မည်။
ယဉ်ကျေးသော တိုင်းပြည်
▄▄▄▄▄▄▄▄▄▄▄▄▄▄
မြန်မာပြည်သည် ယဉ်ကျေးသည်။ ယဉ်ကျေးသော တိုင်းပြည်ဖြစ်သည်။ မိဘဆရာ ညီညွတ်သည်။ ကျောင်းသားကို အားထားသည်။ ယနေ့ လူငယ်တွေကလည်း ယခင်လူငယ်တွေ မဟုတ်တော့။ အသိဉာဏ်ကြွယ်သည်။ ပညာစုံသည်။ သိက္ခာရှိသည်။ ဆွေးနွေးညှိနှိုင်းမှုကို လက်ခံသည်။ လူကြီးဖြစ်မည့် ကျောင်းသားများ။ ယနေ့ လူငယ်၊ နောင်ဝယ် လူကြီး။ ယနေ့လူကြီးများသည်လည်း တစ်ချိန်က လူငယ်ကျောင်းသားများ မဟုတ်လား။ ဘဝ မေ့သွားသူများလည်း ရှိတန်ကောင်းသည်။ ဘာပဲဖြစ်ဖြစ် အမျိုးသားပညာရေးကို အလေးထားရမည်။ ဘက်စုံ၊ ခြုံငုံစဉ်းစားရမည်။ လူကြီးဆန်ရမည်။ ဤသို့ ကျွန်တော် တွေးမိ၊ ယုံကြည်မိ သည်။ ကျောင်းသား များကလည်း အတွေ့အကြုံများသည့် လူကြီးစကားကို နားမထောင် ချင်နေ။ လေးစားမှတ်သားဖို့တော့၊ သင်ခန်းစာယူဖို့တော့ လိုသည်။ ဥပဒေအင်္ဂါရပ် စုံလင်အောင်၊ ခဏခဏ ပြန်မပြင်ရအောင်၊ အခြေခံကောင်းဖို့ ကြိုးစားကြရ မည်သာဖြစ်သည်။ နှစ်ဖက်အမြင် ညှိကြစေချင်သည်။
ဥပဒေအင်္ဂါရပ်
▄▄▄▄▄▄▄▄
ဥပဒေတွင် အင်္ဂါရပ်စုံဖို့ အထူးအရေးကြီးသည်။ ခြေမပါ၊ လက်မပါ၊ ဦးခေါင်းပမာ၊ ခန္ဓာကိုယ်မပါ ဖွဲ့စည်း၍ မရ။ သူ့လုပ်ထုံး၊ သူ့လုပ်နည်းတွေ ရှိပြီးသား။ မနေ့တစ်နေ့ကမှ ပေါ်လာခြင်းမဟုတ်။ ခေတ်အဆက်ဆက်၊ စနစ်အဆက်ဆက်၊ အဆိုးအကောင်း သင်ခန်းစာတွေ တစ်ပုံတစ်ပင်။ စာအုပ်ကြီးသမားဟု အထင်မှားချင်မှား။ အလွယ်၊ အလွတ်၊ ဖြစ်ချင်တာဖြစ်ပါစေဟု သဘောမထားရ။ ကျင့်ထုံး၊ လုပ်ထုံး၊ လုပ်နည်း၊ စနစ်၊ ပုံစံများအတိုင်း ဥပဒေရေး ရပေမည်။
ဘယ်နေ့မှာ အပြီးရေးဆွဲ
▄▄▄▄▄▄▄▄▄▄▄▄▄
''ဘယ်နေ့၊ ဘယ်ရက်၊ ဘယ်နှနာရီမှာ အပြီးရေးဆွဲ''ဟု စီမံချက်ရေးသည်မှာ ကောင်းပါ၏။ သို့သော်ငြား ဥပဒေရေးလျှင် ''ဖုတ်ပူမီးတိုက်''လုပ်၍ မရနိုင်။ ''အာဏာဓား''မိုး၍လည်း ပုံပျက်၊ ပန်းပျက် ထွက်လာသည်သာ အဖတ်တင်မည်။ နောက် တစ်ခါ ပြန်ပြင်ဦး ဖြစ် မည်။ နှိုင်းနှိုင်းချိန်ချိန် ရေးရ၊ ပြောရမည်။ ဥပဒေ စကားလုံး တစ်လုံးကိုပင် လနှင့်ချီ၍၊ နှစ်နှင့်ချီ၍ ပညာရှင်များ ငြင်းခုံ၊ ဆွေးနွေး၊ ဆုံးဖြတ်ခဲ့ရသည့် ဥပဒေ ရေးဆွဲရေး အတွေ့အကြုံရှိခဲ့ဖူးသည်။ မြန်မြန်ပြီးချင် လေ၊ ကြာလေ၊ ကြာလေ ဖြစ်တတ်သည်။ ပညာရေး ဥပဒေမို့ အချိန်ဆွဲ တာ၊ နှောင့်နှေးကြန့်ကြာစေတာ မဟုတ်ရပါ။ အတွေ့အကြုံရှိသူတိုင်း သိကြမည်ပါ။ စေတနာကို နားလည်စေချင်သည်ပါ။
ရိုးရိုးသားသား
▄▄▄▄▄▄▄▄
ဥပဒေရေးဆွဲသူများအားလုံး ရိုးရိုးသားသား၊ ကြိုးကြိုး စားစား ဆောင်ရွက်ကြ မည်မှာ အသေအချာပါ။ သတိတရားထားကြမည်မှာလည်း ယုံမှားသံသယ မရှိပါ။ သမိုင်းသက်သေ တည်စေမည်ပါ။
တင်ပြချက်
▄▄▄▄▄▄
တစ်ချက်ပြောဖို့ ကျန်သွားသည်။ ဥပဒေဆိုရိုး စကားလေးပါ။
''သန့်ရှင်းမှု လိုချင်သူသည် သန့်ရှင်းသော လက်ဖြင့်သာလာပါ။ ညစ်ပတ်သော လက်ဖြင့် မစွက်ဖက် သင့်ပါ''။ ။
ဦးဟန်ညွန့် (ဥပဒေ)
