အမျိုးသားပညာရေးဥပဒေကို ပြင်ဆင်သည့် ဥပဒေကြမ်းအား လေ့လာသုံးသပ်ခြင်း
National Network for Education Reform (NNER)နှင့် ဒီမိုကရေစီပညာရေးလှုပ်ရှားမှု ဦးဆောင်ကော်မတီတို့မှ ကိုယ်စားလှယ်များ ကိုယ်စား ဒေါက်တာသိန်းလွင်၊ ဒေါက်တာညိုညိုသင်းနှင့် ဦးအောင်မှိုင်းဆန်းတို့ လက်မှတ်ရေးထိုး တင်သွင်းထားသည့် အမျိုးသားပညာရေးဥပဒေကို ပြင်ဆင်သည့် ဥပဒေကြမ်းနှင့် ပတ်သက်ပြီး ရှုထောင့် အမျိုးမျိုးမှ သုံးသပ် ရေးသားသည့် ဆောင်းပါးများအနက် သတင်းနှင့်စာနယ်ဇင်းလုပ်ငန်း၏ အများပြည်သူ ဝန်ဆောင်မှုမီဒီယာဆိုင်ရာ စံနှုန်းများနှင့်ကိုက်ညီသော ဆောင်းပါးများကို ရွေးချယ်ဖော်ပြပေးသွားမည်ဖြစ်ပါသည်။ ဆောင်းပါးတွင် ဖော်ပြထားသည့် သုံးသပ်ချက်များသည် ဆောင်းပါးရှင်၏ ကိုယ်ပိုင်ရှုမြင် သုံးသပ်ချက်များသာ ဖြစ်ပြီး သတင်းနှင့် စာနယ်ဇင်း လုပ်ငန်း၏ အယူအဆ မဟုတ်ပါ။ အမျိုးသားပညာရေးဥပဒေကို စိတ်ဝင်စားသူများအနေဖြင့်လည်း ဆောင်းပါးများ ရေးသားပေးပို့နိုင်ပြီး သတင်းနှင့်စာနယ်ဇင်းလုပ်ငန်း၏ မူဝါဒနှင့်ကိုက်ညီပါက ဖော်ပြပေးသွား မည်ဖြစ်ပါသည်။
အမျိုးသားပညာရေး ဥပဒေကို ပြင်ဆင်သည့် ဥပဒေကြမ်း အခန်း(၁) ပုဒ်မ ၂ (ဆ) အမျိုးသားပညာရေး၏ အဓိပ္ပာယ် ဖွင့်ဆိုချက်တွင် မူလအမျိုးသား ပညာရေးဥပဒေပါ ''ဘက်စုံအတွေးအခေါ် မှန်ကန်၍'' ဟူသော စာသားကို ''လွတ်လပ်စွာတွေးခေါ်၍'' ဟု အစားထိုးထားပါသည်။ မည်သူ၏ အတွေး အခေါ်ကို မည်သူက ချုပ်ချယ်၍ ရပါသနည်း။ (Stone walls do not a prison make. nor iron bars a cage) တွေးခေါ်မှု၏ မူလအဓိပ္ပာယ်၌ လွတ်လပ်အဓိပ္ပာယ်ပါပြီးဖြစ်ပါသည်။(to use your mind to consider sth.to form connected ideas, to try to solve problems, etc; a person's mind and all the ideas that they have in it when they are thinking) ဘက်စုံအတွေးအခေါ်ဆိုသည်မှာ အဘက်ဘက်၊ သူ့ဘက်ကိုယ့်ဘက် ပြည့်စုံစွာ ရှုထောင့်စုံမှ တွေးခေါ်၍ ဆိုလိုခြင်း ဖြစ်ပါသည်။ ''မှန်ကန်၍''ဟူသော စကားရပ်မှာ ပညာ၏ သဘောလက္ခဏာ ဖြစ်ပါသည်။ မှားမှန် ကောင်းဆိုးချင့်ချိန် ဝေဖန်ပညာဥာဏ်သာ ဖြစ်ပါသည်။ ထို့ကြောင့် လေးနက် ဆီလျော်သည့် အဓိပ္ပာယ်ဖွင့်ဆိုချက်က ပိုမိုကောင်းမွန်ပါသည်။
အမျိုးသားပညာရေး ဥပဒေကို ပြင်ဆင်သည့် ဥပဒေကြမ်း အခန်း(၁) ပုဒ်မ ၂(ည) ကျောင်းပညာရေး၏ အဓိပ္ပာယ်ကို ''ကျောင်းပညာရေး ဆိုသည်မှာ မူကြိုပညာရေး၊ မူလတန်းပညာရေး၊ အလယ်တန်းပညာရေး၊ အထက်တန်း ပညာရေး၊ နည်းပညာနှင့် သက်မွေး ပညာရေးနှင့် အဆင့်မြင့်ပညာရေးတို့ အကျုံးဝင်သည့် ပညာရေးကိုဆိုလိုသည်''ဟု ပြန်လည်ပြင်ဆင်ဖွင့်ဆိုထားပါ သည်။ ပြင်ဆင်သည့် ဥပဒေကြမ်းသည် ကျောင်းပညာရေး ; (Formal Education)၊ ကျောင်းပြင်ပ ပညာရေး (Non-Formal Education) နှင့် ကိုယ်တိုင်သင်ပညာရေး (Informal Education) ဆိုသည့် ပညာပေးမှု၊ ပညာရယူမှု ပုံစံသုံးမျိုးကို ခွဲခြားစဉ်းစားထား ရှိပုံ မပေါ်ပါ။ ကျောင်းပညာရေး ဆိုသည်မှာ သင်ရိုးညွှန်းတမ်းကို အမှီပြုသင်ကြားသဖြင့် သင်ယူသူ၏ အသက်အရွယ်၊ သင်ယူရမည့် အချိန်ကာလ၊ နေရာ၊ အတန်း၊ ပညာရည်စစ်ဆေး တိုင်းတာမှုစနစ် စသည်တို့ ရှိရမည်ဖြစ်ပါသည်။ ထို့ကြောင့် မူလအမျိုးသား ပညာရေးဥပဒေပါ ''ကျောင်းပညာရေး ဆိုသည်မှာ သင်ယူသူ၏ အသက်အရွယ်၊ သင်ယူရမည့်အချိန်ကာလ၊ နေရာ၊ အတန်း၊ ပညာရည်စစ်ဆေး တိုင်းတာမှုစနစ်နှင့် တိကျသောသင်ရိုးညွှန်းတမ်းဖြင့် သင်ကြားပေးသော ကျောင်းအခြေပြု မူကြိုပညာရေး၊ မူလတန်းပညာရေး၊ အလယ်တန်းပညာရေး၊ အထက်တန်းပညာရေး၊ နည်းပညာနှင့် သက်မွေးပညာရေးနှင့် အဆင့်မြင့် ပညာရေးတို့ အကျုံးဝင်သည့်ပညာရေးကို ဆိုလိုသည်။''ဟူသော အဓိပ္ပာယ် ဖွင့်ဆိုချက်က ပိုမိုပြည့်စုံနေသည်ကို တွေ့ရှိရပါသည်။
အမျိုးသားပညာရေး ဥပဒေကို ပြင်ဆင်သည့် ဥပဒေကြမ်း အခန်း(၁) ပုဒ်မ ၂(ဘ) အထူးပညာရေး အစီအစဉ်၏ အဓိပ္ပာယ်ကို ''မသန်စွမ်းတစ်ဦးချင်း စီ၏ သီးခြားလိုအပ်ချက်များကို ဖြည့်ဆည်းနိုင်ရန်အတွက် သင့်တော်သော သင်ကြားနည်း စနစ်များကို ပညာသင်ပေးခြင်းကို ဆိုလိုသည်''ဟု ပြင်ဆင် ဖွင့်ဆိုထားပါသည်။ သင့်တော်သော သင်ကြားနည်း စနစ်များဖြင့် သို့မဟုတ် သင့်တော်သော သင်ကြားနည်းစနစ်များကို သင်ပေးခြင်းဟု ရေးသင့်ပါသည်။ သင်ကြားနည်းစနစ်များကို ပညာသင်ပေးခြင်းဟု ရေးသည်မှာ မရှင်းလင်းပါ။ အစီအစဉ် ဆိုသည်မှာသင်ကြားနည်းစနစ်များကို ပညာသင်ပေးခြင်း မဟုတ်ပါ။ သင်ကြားနည်း စနစ်များကသာ အစီအစဉ်တွင် ပါဝင်ရပါမည်။ အထူးပညာ ရေးအစီအစဉ်ဆိုသည်မှာ မသန်စွမ်းသူများအတွက် အထူးအစီအစဉ်ဖြင့် ပညာသင်ကြား ပေးခြင်းကို ဆိုလိုပါသည်။
အမျိုးသားပညာရေး ဥပဒေကို ပြင်ဆင်သည့် ဥပဒေကြမ်း အခန်း (၁) ပုဒ်မ ၂(ဃ) အမျိုးသားပညာရေး အဆင့်အတန်းနှင့် အရည်အသွေး အာမခံမှု အကဲဖြတ်ကော်မတီ၏ အဓိပ္ပာယ်ကို ''လွတ်လပ်သော ပညာရှင်များပါဝင်ဖွဲ့ စည်းထားသော''ဟု ဖြည့်စွက်ပြင်ဆင်ထားပါသည်။ သို့သော် အမျိုးသား ပညာရေးဥပဒေ ပုဒ်မ ၅၅ ကို အစားထိုးသည့် စာသား ''၅၅။(က)'' တွင် ''ပုဒ်မ ၅၄ ပါ လုပ်ငန်းများကိုဆောင်ရွက်ရန် အမျိုးသားပညာရေး အဆင့် အတန်းနှင့် အရည်အသွေးအာမခံမှု အကဲဖြတ်ကော်မတီကို အနည်းဆုံး ကိုးဦးဖြင့် ဖွဲ့စည်းရာတွင် ကျောင်းသားသမဂ္ဂများ၊ ဆရာသမဂ္ဂများမှ အသိ အမှတ်ပြုသော လွတ်လပ်သည့်ပညာရှင်များ အနည်းဆုံးငါးဦး(အများဆုံး တစ်လောကလုံးများလား) ဟု ဖော်ပြထားပြီး ဝန်ကြီးဌာနမှ ခန့်အပ်သော ပညာရှင်များ(ဟုဆိုသော်လည်းနောက်၌) နှစ်ဦးဟု ရေးထားပြန်ပါသည်။ လွှတ်တော် ကိုယ်စားလှယ်များမှ ရွေးချယ်သော ပညာရှင်နှစ်ဦးဟု ဖော်ပြထား သဖြင့် ''လွတ်လပ်သော ပညာရှင်များ ပါဝင်ဖွဲ့စည်းထားသော'' ဟူသည့် စကားရပ်နှင့် ရှေ့နောက်မကိုက်ညီပါ။ လွတ်လပ်သော ပညာရှင်များကိုပင် ကျောင်းသား သမဂ္ဂများ၊ ဆရာ သမဂ္ဂများမှ ထိန်းချုပ်ရန် ဆန္ဒပြင်းပြနေသည် ကို တွေ့ရပါသည်။
အမျိုးသား ပညာရေးဥပဒေ အခန်း (၄) ကို ပြင်ဆင်သည့် ဥပဒေကြမ်း၏ ဒီမိုကရေစီပညာရေးလွတ်လပ်ခွင့်ကို အာမခံခြင်း၊ အပိုဒ် (ဂ) အမျိုးသားသင်ရိုး ညွှန်းတမ်း ရေးဆွဲရေး ကော်မတီ၌လည်း ထိုနည်းလည်းကောင်း လွတ်လပ်သည့် ပညာရှင်များဖြင့် ဖွဲ့စည်းမည်ဟုဆိုကာ ကျောင်းသားသမဂ္ဂများ၊ ဆရာသမဂ္ဂများမှ ထိန်းချုပ်ခြယ်လှယ်လိုသော ဆန္ဒပြင်းပြနေသည်ကို တွေ့ရပါသည်။ဥပဒေ ဆိုသည်မှာ လူတစ်ဦး၊ လူတစ်စု ဖြစ်စေချင်သည့် အရာများကို ရေးသားထား ခြင်းမဟုတ်ပါ။ (The law is the whole system of rules that everyone in a country or society must obey).
အမျိုးသားပညာရေး ဥပဒေကို ပြင်ဆင်သည့် ဥပဒေကြမ်း အခန်း (၁) ပုဒ်မ ၂(သ)သည် အမျိုးသား ပညာရေး ဥပဒေပါ မိဘဆရာအသင်းကို ပယ်ဖျက် ပြီး ကျောင်းအုပ်ချုပ်ရေးအဖွဲ့နှင့် အစားထိုးထားခြင်းဖြစ်သည်။ အမျိုးသား ပညာရေးဥပဒေကို ပြင်ဆင်သည့် ဥပဒေကြမ်းသည် မိဘဆရာ အသင်း၌ ကျောင်းအုပ်ကြီး၊ ဆရာကိုယ်စားလှယ်များ၊ မိဘများ၊ အုပ်ထိန်းသူများ၊ ရပ်ရွာမှ လေးစား ယုံကြည်သူများ ပါဝင်နေသည်ကို သိရှိပုံမရ။ ကျောင်းအုပ်ကြီးက ဥက္ကဋ္ဌ၊ မိဘ ကိုယ်စားလှယ်တစ်ဦးက ဒုဥက္ကဋ္ဌ၊ ဆရာ ကိုယ်စားလှယ်များထဲမှ အတွင်းရေးမှူး၊ မိဘကိုယ်စားလှယ်တစ်ဦးက တွဲဖက်အတွင်းရေးမှူး၊ မိဘ ကိုယ်စားလှယ်တစ်ဦးက ဘဏ္ဍာရေးမှူး၊ အဖွဲ့ဝင်နှစ်ဦး (ဆရာတစ်ဦး၊ မိဘ တစ်ဦး) ဘဏ်မရှိသည့် ဒေသတွင် ငွေထိန်းမှာ မိဘ ကိုယ်စားလှယ်တစ်ဦး၊ စာရင်းစစ်အဖွဲ့တွင် ခေါင်းဆောင်သည့် မိဘကိုယ်စားလှယ်တစ်ဦး၊ အဖွဲ့ဝင် နှစ်ဦး၊ ဆရာတစ်ဦး၊ မိဘတစ်ဦး စသည်ဖြင့် ကျောင်းသားအင်အား၊ မိဘ အင်အား၊ ဆရာအင်အား အပေါ်အခြေခံ၍ ဖွဲ့စည်းကြပါသည်။ စုဆောင်းရရှိ သည့် ဘဏ္ဍာငွေကို အဆောက်အအုံနှင့် ပရိဘောဂ အတွက် ၄ဝရာခိုင်နှုန်း၊ ပညာရေးလက်တွေ့ဖွံ့ဖြိုးမှုအတွက် ၃ဝ ရာခိုင်နှုန်း၊ အားကစားအတွက် ၂ဝ ရာခိုင်နှုန်းနှင့် ကျောင်းစာကြည့်တိုက်အတွက် ၁ဝ ရာခိုင်နှုန်းစီ နှစ်စဉ်အချိုးကျ သုံးစွဲရပါသည်။ နှစ်ပတ်လည် မိဘဆရာ သင်းလုံးကျွတ်အစည်းအဝေးများတွင် ကျောင်းအုပ်ကြီးက ခရေစေ့တွင်းကျ ရှင်းပြရပါသည်။ ထို့ကြောင့် ရည်ရွယ်ချက် မွန်မြတ်လှသည့် မိဘဆရာပူးပေါင်း ကလေးပညာကောင်း ဟူသည့် ဆောင်ပုဒ် ထားရှိသည့် မိဘဆရာအသင်းကို ကျောင်းအုပ်ချုပ်ရေးအဖွဲ့ဖြင့် ပြင်ဆင်အစား မထိုးထိုက်ပါ။
ဆက်လက်သုံးသပ် လိုသည်မှာ အမျိုးသားပညာရေးဥပဒေအခန်း (၃)ပုဒ်မ ၄ (က) (ခ) (ဂ) နှင့်(ဃ)တို့ကို ပြင်ဆင်ရေးသားထားသည့် ပုဒ်မ ၄ (က)တွင် ''နိုင်ငံတော်သည် ပညာရေးလွတ်လပ်ခွင့်ကို အာမခံရေး''ဟု လည်းကောင်း၊ ပုဒ်မ ၄(ခ)တွင် ''ပညာရေးလွတ်လပ်ခွင့်တွင် ကျောင်းသားများ လွတ်လပ်ခွင့်၊ ဆရာများ လွတ်လပ်ခွင့်၊ သင်ရိုးညွှန်းတမ်း လွတ်လပ်ခွင့်၊ ဘာသာ စကားလွတ်လပ်ခွင့်၊ အတွေးအခေါ် လွတ်လပ်ခွင့်၊ ဒေသဆိုင်ရာ လွတ်လပ်ခွင့်၊ ကျောင်းများ လွတ်လပ်ခွင့် စသည်တို့ပါဝင်ရေး''ဟူသော အခြေခံမူများကို ဥပဒေဖြင့် ရေးဆွဲပြဋ္ဌာန်းချင်သည့် သဘောမှာ စည်းမဲ့ကမ်းမဲ့၊ ပရမ်းပတာ ပညာရေးစနစ်သို့ ဦးတည်နေသည်ဟုယူဆပါသည်။ လွတ်လပ်မှုနှင့်အတူတွဲ စပ်နေသည့် တာဝန်ယူမှု၊ တာဝန်ခံမှုသဘောတရားများကို ထိမ်ချန်မထားအပ်ပါ။ အမျိုးသားပညာရေးဥပဒေကို ပြင်ဆင်သည့် ဥပဒေကြမ်းသည် ကျောင်းပညာရေး ၏ အဓိပ္ပာယ်၊ သင်ရိုးညွှန်းတမ်း၏ အဓိပ္ပာယ်များကိုပြည့်စုံစွာ ကျောထောက် နောက်ခံပြုထားခြင်းမရှိပါ။ မည်သည့် တိုင်းပြည်၏ သင်ရိုးညွှန်းတမ်း၌မဆို သင်ရိုးညွှန်းတမ်း အညွှန်းဘောင်ရှိကြသည်ချည်းဖြစ်၍ ပရမ်းပတာ လွတ်လပ် မှုမရနိုင်ပါ။ ကျောင်းသားများကို ကြိုက်သလို လွတ်လပ်ခွင့်ပေးပြီး ပညာသင် ကြားပေးသည့် ပညာရေးစနစ် ဤကမ္ဘာ၌မရှိပါ။ ဘွဲ့လွန်ကျောင်းသားများ၊ ပါရဂူဘွဲ့ကျမ်းပြုသူများကိုပင် ကျမ်းကြီးကြပ်သူများ၊ ကျမ်းစစ်ဆေးသူများ၊ ခုံသမာဓိများဖြင့် စစ်ဆေးမေးမြန်း၍ ဘွဲ့အပ်နှင်းချီးမြှင့်လေ့ရှိပါသည်။ ဆရာများလွတ်လပ်ခွင့်ဟု ရေးသားထားပုံကို ထောက်ရှုပါက အမျိုးသား ပညာရေးဥပဒေကို ပြင်ဆင်သည့် ဥပဒေသည် ဆရာနှင့် ဆရာအလုပ်ကို လုပ်ကိုင်သူဆိုသည့် စကားရပ်များကို ကွဲကွဲပြားပြား ခွဲခြားနိုင်စွမ်း မရှိသည် ကိုတွေ့ရပါသည်။ တစ်နည်းအားဖြင့် Professional Ethics ကို အခြေခံ ထားကြောင်းသိရှိနိုင်ပါသည်။ ဘာသာစကား လွတ်လပ်ခွင့်ဆိုသည်မှာ မိမိ ပြောဆိုရေးသားသုံးစွဲလိုသည့် ဘာသာစကားကို မိမိပြောဆိုရေးသားသုံးစွဲ ခွင့်ပင်ဖြစ်ပါသည်။ မည်သူကမည်သူ့ကို ပိတ်ပင်ထားပါသနည်း။ ကျောင်းများ တွင် ကျောင်းသားတတ်သည့် ဘာသာစကားကို ဆရာကမတတ်၊ ဆရာတတ် သည့် ဘာသာစကားကို ကျောင်းသားကမတတ်လျှင် သင်ကြားသင်ယူမှုကို မည်သို့ပြုလုပ်ကြပါမည်နည်း။ မသင်ကြား မသင်ယူဘဲ နေကြမည်လော။ သင်ကြားသင်ယူမှုကို မဏ္ဍိုင်ပြုသည့် ဘာသာစကားတစ်ခုကိုသုံးစွဲ၍ လေ့လာ ဆည်းပူး၊ သင်ကြားသင်ယူရန် အားပေးတိုက်တွန်းမှုပြုသင့်ပါသည်။
အမျိုးသားပညာရေးဥပဒေကို ပြင်ဆင်သည့် ဥပဒေကြမ်း အခန်း(၁)ပုဒ်မ ၂ (ဟ)သည် အမျိုးသားပညာရေးဥပဒေပါ ကျောင်းအကျိုးတော်ဆောင် အဖွဲ့အား အစားထိုးသည့် တက္ကသိုလ်အုပ်ချုပ်ရေးကောင်စီ၏ အဓိပ္ပာယ် ဖော်ပြချက် ဖြစ်ပါသည်။ အမျိုးသားပညာရေးဥပဒေ အခန်း (၃)ပုဒ်မ ၄(က)(ခ)(ဂ)နှင့်(ဃ)တို့ကို ပြင်ဆင်ရေးသား ထားသည့် ပုဒ်မ ၄ (ခ)တွင် လွတ်လပ်ခွင့် အမျိုးမျိုးဖော်ပြထားသော်လည်း တက္ကသိုလ်ကျောင်းများ၏ စီမံခန့်ခွဲရေးကို တက္ကသိုလ်အုပ်ချုပ်ရေးကောင်စီက တာဝန်ယူဆောင်ရွက်မည်ဟုဆိုပါသည်။ ယင်းကောင်စီတွင် ''တက္ကသိုလ်နှင့် ကောလိပ်များမှ ဘာသာရပ်ဆိုင်ရာ ပါမောက္ခများ၊ စီမံခန့်ခွဲရေးနှင့် ဘဏ္ဍာရေးဆိုင်ရာတာဝန်ရှိသူများ၊ တက္ကသိုလ် ကောလိပ် ဆရာသမဂ္ဂများ၏ ကိုယ်စားလှယ်များ၊ ကျောင်းသား သမဂ္ဂကိုယ်စား လှယ်များ၊ နိုင်ငံ့ဂုဏ်ထူးဆောင်ပုဂ္ဂိုလ်များနှင့် လွတ်လပ်သော ပညာရှင်များ ပါဝင်သည့်ကောင်စီဖြစ်သည်''ဟု ဆိုပါသည်။ ဤအချက်နှင့်ပတ်သက်၍ STATUTES OF THE UNIVERSITY OF CAMBRIDGE ၏ အခန်း (၄)း THE COUNCIL AND ITS COMMITTEES အခန်း၌ [2. The Council shall consist of the Chancellor, the Vice-Chancellor, nineteen elected members and four appointed members in the following classes: ဟု ရေးသားထားပါသည်။ ထို့နောက် Elected student members အပိုဒ်ကို ဆက်လက်ကောက်နုတ် ဖော်ပြအပ်ပါ သည်။(d) three from among the students in the University. of whom at least one shall be from among those certified by the Registrary to be graduate students. Members in class (d) shall be elected by the students in the University for a period and in a manner determined by Special Ordinance. ဤကောက်နုတ်ချက်ဖြင့် ထောက်ချင့်ကြည့်ပါက အမျိုးသားပညာရေးဥပဒေကို ပြင်ဆင်သည့် ဥပဒေ ကြမ်းသည် တက္ကသိုလ်အုပ်ချုပ်ရေးကောင်စီတွင် တက္ကသိုလ်ကောလိပ် ဆရာသမဂ္ဂများ၏ ကိုယ်စားလှယ်များ၊ ကျောင်းသားသမဂ္ဂကိုယ်စားလှယ်များ က နေရာရယူနိုင်ရေးကို ဦးတည်ကြိုးပမ်း၍ ရေးသားထားသဖြင့် ယင်းဥပဒေ ကြမ်းသည် တရားမျှတမှုမရှိပါ။ တက္ကသိုလ်များသည် မိမိတက္ကသိုလ်၏ သဘောသဘာဝနှင့် ကိုက်ညီသော တက္ကသိုလ်ပဋိညာဉ်စာတမ်းတစ်ခုစီ ရေးဆွဲ၍ ဆောင်ရွက်သင့်ပါသည်။
အမျိုးသားပညာရေးဥပဒေကို ပြင်ဆင်သည့်ဥပဒေကြမ်း အပိုဒ် ၁၇ တွင် မူလအမျိုးသားပညာရေးဥပဒေ ပုဒ်မ ၄၊ ပုဒ်မခွဲ (ဇ)အား ပုဒ်မခွဲ (ဌ)အဖြစ် အစားထိုးမည့်စာပိုဒ် ''တက္ကသိုလ်ဝင်ခွင့်အတွက် သင်ယူလိုသည့် ဘာသာရပ်နှင့် တက္ကသိုလ်ကို ကျောင်းသားကိုယ်တိုင်ဆုံးဖြတ်ရွေးချယ်ခွင့် ရရှိရန်၊ တက္ကသိုလ်ဝင်ခွင့်သည် အခြေခံပညာ အထက်တန်း စာမေးပွဲရမှတ် ဖြင့် ဆုံးဖြတ်ခြင်းမဟုတ်ဘဲ သင်ယူမည့်ဘာသာရပ်၏ လိုအပ်ချက်အရ ကျောင်းသား၏ လေ့လာသင်ယူထားရှိမှုအပေါ် အခြေခံရွေးချယ်ရန်၊ ကျောင်းသား၏ ဘာသာရပ်ဆိုင်ရာလိုအပ်ချက်များကို တက္ကသိုလ်က ဖြည့်ဆည်းပေးသည့် စနစ်ထားရှိရေး။''ဟု ဖော်ပြထားခြင်းမှာ အလွန်အစွန်း ရောက်နေပါသည်။ ကျောင်းသား၏ဘာသာရပ်ဆိုင်ရာ လိုအပ်ချက်များကို တက္ကသိုလ်က ဖြည့်ဆည်းပေးသည့် စနစ်ဆိုသည်မှာ ဤကမ္ဘာပေါ်၌ မည်သည့် တက္ကသိုလ်မျှ မရှိပါ။ တက္ကသိုလ်၏လိုအပ်ချက်၊ တက္ကသိုလ်က ပြဋ္ဌာန်းထားသည့် ဘာသာရပ်ဆိုင်ရာ လိုအပ်ချက်များကိုသာ ကျောင်းသားက ပြည့်မီအောင် ကြိုးစားရသည်ချည်းဖြစ်ပါသည်။
ဥပမာ Oxford, Cambridge. Harvard, Stanford. Columbia, Massachusetts Institute of Technology (MIT) စသည့် တက္ကသိုလ်များ ကို မည်သူမဆို လူတိုင်း လွတ်လပ်စွာ တက်ရောက်ပညာသင်ယူခွင့်ရှိပါသည်။ သို့သော် သက်ဆိုင်ရာတက္ကသိုလ်၏လိုအပ်ချက်ကိုပြည့်မီရမည့် ကျောင်းသား၏ လေ့လာသင်ယူထားရှိမှုကိုမူ ကန့်သတ်ထားလေ့ရှိပါသည်။ ကျောင်းသား၏ ဘာသာရပ်ဆိုင်ရာ လိုအပ်ချက်များကို တက္ကသိုလ်ကဖြည့်ဆည်းပေးရမည် ဆိုခြင်းသည် ဆရာကိုကြေးတန်းစားအဖြစ်ရှုမြင်နေပုံရသည်။ မြန်မာ့ ယဉ်ကျေးမှုစရိုက်လက္ခဏာ တန်ဖိုးထားမှုများတွင် ဘုရား၊ တရား၊ သံဃာ၊ မိဘ၊ ဆရာတို့ကို အနန္တဂိုဏ်းဝင်အဖြစ် သတ်မှတ်ထားသည့် အစဉ်အလာကို ဖျက်ဆီးရာ ရောက်ပါလိမ့်မည်။ သင်ယူလိုသည့် ဘာသာရပ်နှင့် တက္ကသိုလ်ကို ကျောင်းသားကိုယ်တိုင် ဆုံးဖြတ်ရွေးချယ်ခွင့် ရရှိရန် ခွင့်ပြုနိုင်ပါသည်။ တက္ကသိုလ်၏ လိုအပ်ချက်ဖြစ်သည့် ရုပ်ဝတ္ထုပစ္စည်းများကို ငွေရှိလျှင် အချိန်တိုအတွင်း ဖြည့်တင်း၍ ရနိုင်ပါသည်။ သို့သော် အရည်အချင်းပြည့်ဝ သည့် ဆရာများကိုမူ ချက်ချင်းမရရှိနိုင်ပါ။ ဆရာအလုပ်ကို လုပ်ကိုင်မည့် သူများကိုမူ ချက်ချင်းရနိုင်ပါသည်။ ရလဒ်အားဖြင့် ပညာအရည်အသွေး နိမ့်ကျခြင်းဖြစ်လာပါလိမ့်မည်။ ထို့ကြောင့် တက္ကသိုလ်များသည် ယင်းတို့၏ ဘာသာရပ်လိုအပ်ချက၊ ကျောင်းသားဦးရေ၊ ဝင်ခွင့်အရည်အချင်းနှင့် ကျောင်းလခများကို သတ်မှတ်ထားလေ့ရှိပါသည်။
အမျိုးသားပညာရေး ဥပဒေကို ပြင်ဆင်သည့် ဥပဒေကြမ်း အပိုဒ် ၁၈ တွင် မူလအမျိုးသားပညာရေး ဥပဒေပုဒ်မ ၄၊ ပုဒ်မခွဲ (ဈ) အား ပုဒ်မခွဲ(ဍ) အဖြစ်အစားထိုးမည့် ''ပညာရေးသည် ဘာသာရေးအဖွဲ့အစည်း၊ နိုင်ငံရေး အဖွဲ့အစည်းတို့၏ လွှမ်းမိုးမှုမှ ကင်းလွတ်ရမည်။ လွတ်လပ်စွာ ကိုးကွယ်ခွင့်၊ နိုင်ငံရေးယုံကြည်ခွင့်နှင့် လူ့ဂုဏ်သိက္ခာကို တန်ဖိုးထားမည်။''ဟူသော စာပိုဒ်သည် ယင်းပြင်ဆင်သည့် ဥပဒေကြမ်း အပိုဒ် ၃၆ ပါ ''အမျိုးသားပညာရေးဥပဒေပုဒ်မ ၃၄(ဈ) နောက်တွင် ပုဒ်မခွဲ (ည)ကို အောက်ပါအတိုင်းဖြည့်စွက်မည်။''ဆိုသည့် ''(ည) အခြား ဘာသာရေး အဖွဲ့အစည်းများမှ ဖွင့်လှစ်ထားသော ပညာရေးကျောင်းများ''ဟူသော ထပ်မံထည့်သွင်း ထားသည့်ဖော်ပြချက်နှင့် ဆန့်ကျင်နေပြန်ပါသည်။ ယင်းပညာရေးကျောင်းများသည် ယင်းအခြား ဘာသာရေး အဖွဲ့အစည်းများ၏ လွှမ်းမိုးမှုအောက်သို့ ရောက်ရှိနေပြီး ''ပညာရေးသည် ဘာသာရေးအဖွဲ့ အစည်း၊ နိုင်ငံရေးအဖွဲ့အစည်းတို့၏ လွှမ်းမိုးမှုမှ'' ကင်းလွတ်ပါမည်လော။ ဘာသာရေး အဖွဲ့အစည်းများက ဘာသာရေးအကြောင်းပြကာ ပညာရေး ကျောင်းတည်ထောင်ချင်၊ ပညာရေးအဖွဲ့အစည်းများက ဘာသာရေးကျောင်း တည်ထောင်ချင်ကြလျှင် အထိန်းအကွပ်မရှိသည့် ကမောက်ကမ ပညာရေးစနစ် ဖြစ်သွားပါလိမ့်မည်။ ထို့အပြင် ပညာရေးကို လုပ်ကိုင်ဆောင်ရွက်လိုသည့် မည်သူမဆို လုပ်ချင်သလို လွတ်လပ်စွာ လုပ်ကြမည်ဆိုပါက အမျိုးသားပညာ ရေးဥပဒေကိုပင်လျှင် ပြုစုရန်လိုအပ်ပါ သေးသလောဟု မေးစရာဖြစ်လာ နိုင်ပါသည်။
အမျိုးသားပညာရေး ဥပဒေကို ပြင်ဆင်သည့် ဥပဒေကြမ်း အပိုဒ် ၁၉ တွင် မူလအမျိုးသားပညာရေး ဥပဒေပုဒ်မ ၄၊ ပုဒ်မခွဲ(ည)အား ပုဒ်မခွဲ (ဎ) အဖြစ် အစားထိုးမည့် စာပိုဒ် ''အခမဲ့မသင်မနေရ အလယ်တန်းပညာရေး ကို အကောင်အထည်ဖော်ရေး''ဆိုသည်မှာ မူလအမျိုးသားပညာရေးဥပဒေပါ ''အခမဲ့ မသင်မနေရ မူလတန်းပညာရေးကို ဦးတည် အကောင်အထည် ဖော်ပြီး အဆင့်ဆင့်တိုးချဲ့ဆောင်ရွက်ရေး''ဆိုသည့်အချက်ကို ပယ်ဖျက်လိုက်ခြင်း ဖြစ်ပါသည်။ မြန်မာနိုင်ငံတွင် ၁၉၄ဝ ခုနှစ် မူလတန်းပညာသင်ကြားရေး အက်ဥပဒေ (၁၉၄ဝ ပြည့်နှစ် မြန်မာနိုင်ငံတော် အက်ဥပဒေ နံပါတ် ၂ဝ) An Act to provide facilities for the introduction of free compulsory Primary Education အရ ၁၉၅ဝ ခုနှစ် ဒီဇင်ဘာလ ကတည်းက အခမဲ့မသင်မနေရ မူလတန်းပညာရေးကို စတင်ဆောင်ရွက်ခဲ့ပါသည်။ ၁၉၄၇ ခုနှစ် ဖွဲ့စည်းအုပ်ချုပ်ပုံ အခြေခံဥပဒေပုဒ်မ ၃၃ တွင် ''အထူးသဖြင့် နိုင်ငံတော်သည် အခလွတ် မသင်မနေရ မူလတန်းပညာ သင်ကြားရေးအတွက် ပြဋ္ဌာန်းချက်များကို ပြုရမည်'' ဟု ပြဋ္ဌာန်းပြီးလည်း ဖြစ်ပါသည်။ ၁၉၇၄ ခုနှစ် ဖွဲ့စည်းပုံအခြေခံဥပဒေပုဒ်မ ၁၅၂ ပုဒ်မခွဲ(၁) ၌ ''နိုင်ငံသားတိုင်း ပညာသင်ကြား ပိုင်ခွင့်ရှိသည်။'' ပုဒ်မခွဲ(၃) ၌ ''နိုင်ငံသားတိုင်းသည် ဥပဒေဖြင့် ပြဋ္ဌာန်းသည့် မသင်မနေရ အခြေခံပညာကို သင်ကြားရမည်။''ဟု ပြဋ္ဌာန်းထားပြီး ဖြစ်ခဲ့သည်။ ကြိုးပမ်းခဲ့ကြပါသည်။ ယခုတိုင်လည်း ကြိုးပမ်းနေဆဲ ဖြစ်ပါသည်။ ရာခိုင်နှုန်းပြည့် မအောင်မြင်သေးပါ။ ကျောင်းနေရွယ်ကလေးများ ကျောင်းပြင်ပ ရောက်နေပါသေးသည်။ အဘယ်ကြောင့်နည်း။ မြန်မာနိုင်ငံသား တို့၏ ပျမ်းမျှတစ်ဦးကျဝင်ငွေသည် မြင့်မားသည့် လူနေမှုအဆင့်အတန်းတစ်ခုသို့ မရောက်ရှိနိုင်သေးပါ။ မြန်မာတစ်မျိုးသားလုံး၏ ပြည်တွင်းအသားတင် ထုတ်လုပ်မှုနှင့် ဝန်ဆောင်မှုတန်ဖိုးမြင့်မားလာရန် လိုအပ်နေဆဲဖြစ်ပါသည်။ မြန်မာနိုင်ငံသားတို့၏ ထူးခြားသည့် ယဉ်ကျေးမှုစရိုက်လက္ခဏာတစ်ခုမှာ မည်သည့်ပြန်စားရရှိသည်ဖြစ်စေ၊ မရရှိသည်ဖြစ်စေ ပညာကို အလွန်တန်ဖိုး ထားခြင်းပင်ဖြစ်သည်။ မည်သည့်မိဘမဆို မိမိ၏သားသမီးများကို ပညာ သင်ကြားစေချင်သည် ချည်းဖြစ်ပါသည်။ သို့သော် ဒေသ၏ လမ်းပန်းဆက်သွယ် ရေး၊ လူမှုစီးပွားရေးနှင့် ပျမ်းမျှတစ်ဦးကျ ဝင်ငွေ နိမ့်ကျနေစဉ် ပညာသင် စရိတ်အခမဲ့ဆိုသော်ငြားလည်း ကလေးအပေါ် မိသားစု၏လိုအပ်ချက် သို့မဟုတ် ပုံမှန်ကျောင်းသို့တက်ရောက်ရန် အခက်အခဲများရှိနေဆဲတွင် ချက်ချင်း မသင်မနေရ အလယ်တန်း ပညာရေးကိုပြဋ္ဌာန်း၍ အကောင်အထည် ဖော်မည်ဆိုလျှင် မအောင်မြင်နိုင်ပါ။ နိုင်ငံသားတို့၏ ပျမ်းမျှ တစ်ဦးကျဝင်ငွေ မြင့်မားပြီး လူနေမှုအဆင့်အတန်းတိုးတက်လာပါက တစ်ဆင့်ပြီး တစ်ဆင့် တိုးချဲ့ဆောင်ရွက် ရေးကသာလျှင် ဖြစ်နိုင်ခြေရှိပြီး ဥပဒေကြောင်းအရ အကောင်အထည် ဖော်နိုင်စွမ်းလည်းရှိပါသည်။ ကျောင်းပြင်ပရောက် ကျောင်း နေရွယ်ကလေးများအတွက်လည်း ကျောင်းပြင်ပမူလတန်းပညာရေး အစီအစဉ်များဖြင့် မြို့နယ်အလိုက် နှစ်စဉ်တိုးချဲ့ဆောင်ရွက်ပေးနေပါသည်။ ကျောင်းပြင်ပ အလယ်တန်း ပညာရေးကိုလည်း စတင်ဆောင်ရွက်နေပါသည်။ ဥပဒေတစ်ခုသည် လိုက်နာနိုင်စွမ်းရှိပါမှ အာဏာတည်သကဲ့သို့ မလိုက်နာ နိုင်ပါက အရေးယူဆောင်ရွက်ရမှုများ များပြားလာမှုကြောင့် ကုန်ကျစရိတ် ပိုလာပြီး အလုပ်ရှုပ်ကာ မတိုးတက်ဘဲ နှောင့်နှေးကြန့်ကြာတတ်ပါသည်။
မြန်မာနိုင်ငံ၏ ပညာရေးစနစ်မှာ မြန်မာနိုင်ငံသားအားလုံး၏ ယဉ်ကျေးမှု စရိုက်လက္ခဏာ တန်ဖိုးထား မှုများ ကို အဓွန့်ရှည်အောင် ဆောင်ကြဉ်းပေးနိုင်သည့် ပညာရေးစနစ်တစ်ခု ဖြစ် သင့်ပါသည်။ ပုဂ္ဂလိက ခံစားချက်နှင့် အတ္တစွဲ တို့ကိုဦးတည်၍ ဥပဒေပြုခြင်းထက် ဓမ္မဓိဋ္ဌာန်ကျကျ သုံးသပ်၍ ဥပဒေပြုခြင်းက ရေရှည်တည်တံ့ကာ အများကောင်းကျိုး ဖြစ်ထွန်းစေမည် ဖြစ်ပါကြောင်း လေ့လာသုံးသပ် တင်ပြအပ် ပါသည်။ ။
ပါမောက္ခ ဒေါက်တာစိုးသန်း (ရန်ကုန်ပညာရေး တက္ကသိုလ်)
မြန်မာ့အလင်း မှ ကူးယူဖော်ပြသည်။
