နောက်ကွယ်က ကြိုးကိုင်တဲ့သူ
ကိုဖြူ ။ ။ မိမိကိုယ်တိုင် ပြစ်မှုကျူးလွန်သူ မဟုတ်ပေမဲ့ ပြစ်မှုကျူးလွန်သူနဲ့ ထပ်တူ အပြစ်ရှိတဲ့အကြောင်း ပြောပြပါ ဆရာ။
ယူတီကေ ။ ။ ပြစ်မှုဆိုင်ရာ ဥပဒေ(ရာဇသတ်ကြီး) ပုဒ်မ (၁၀၇-က-၁၂၀) ထိ ပြဋ္ဌာန်းထားပါတယ်။ “အားပေးကူညီမှု” လို့ ခေါ်ပါတယ်။
အားပေးကူညီခြင်း။
လူသားတွေ တစ်ဦးနဲ့တစ်ဦး ထိတွေ့၊ ဆက်ဆံကြရတဲ့အခါ မိမိက အခြားသူကိုဖြစ်စေ၊ အခြားသူက မိမိကို ဖြစ်စေ ဆန္ဒမေးမြန်းတာ၊ တိုင်ပင်တာ၊ အကြံဥာဏ်တောင်းတာတွေ ရှိတတ်ပါတယ်။ မေးမြန်းသည်ဖြစ်စေ၊ မမေးမြန်းဘဲ ဖြစ်စေ အခြားသူ တစ်ဦးတစ်ယောက်ကို ထောက်ခံတာ၊ အားပေးတာ၊ အကြံဥာဏ်ပေးတာ၊ တိုက်တွန်းတာတွေ လူတိုင်းမှာ ပြုလုပ်ဖူး ကြပါတယ်။ဥပမာ။ ၁။ တက္ကသိုလ်ဆက်တက်မယ်၊ မတက်ဘူး။
၂။ အလုပ်ဝင်လုပ်တယ်၊ မလုပ်ဘူး။
၃။ စစ်ထဲဝင်မယ်၊ မ၀င်ဘူး။
၎။ မိန်းမယူမယ်၊ မယူသေးဘူး။
၅။ သူချိန်းတဲ့ည သွားတွေ့မယ်၊ မတွေ့သင့်ဘူး။
အခြားသူ တစ်ယောက်ပြုလုပ်မဲ့ကိစ္စ၊ မပြုလုပ်မဲ့ကိစ္စတွေကို ပြုရန် (မပြုလုပ်ဘဲ) ပျက်ကွက်စေရန် အားပေးတိုက်တွန်း ကြရပါတယ်။ ဥပဒေနဲ့ မလွတ်ကင်းတဲ့ကိစ္စ မဟုတ်တဲ့ (ဥပဒေနှင့် မညီမဟုတ်) တဲ့ အထက်ပါကိစ္စများကို အားပေးကူညီရင် ပြစ်မှုကြောင်းအရ တာဝန်မရှိ၊ အပြစ်မရှိပါဘူး။ ပြစ်မှုမမြောက်ပါဘူး။ ထောင်မကျနိုင်ပါဘူး။ (သို့သော် အကြံပေး၊ တိုက်တွန်းခဲ့တဲ့ ကိစ္စ မအောင်မြင်၊ မကြီးပွား၊ အဆင်မပြေရင်တော့၊ လူမှုရေးအပြစ်ပြောတာ ခံရတတ်ပါတယ်။)
ဥပမာ။ - သူငယ်ချင်းကို စစ်ထဲဝင်ဖို့ တိုက်တွန်းခဲ့မိတယ်။ ဌာနဆိုင်ရာ အကြီးအကဲ (ညွှန်ချုပ်)ဖြစ်ပြီး၊ ကြီးပွားနေရင်၊ တိုက်တွန်းအားပေးသူကို ကျေးဇူးမတင်ကြပါဘူး။ အဲ - တိုက်ပွဲကျသွားခဲ့ရင်တော့ “မင်းတို့ သူငယ်ချင်းကို သေတွင်းထဲ ၀ိုင်းပြီး ပို့လိုက်ကြတာလေ” လို့ လူမှုရေး အပြစ်တင်တာ ခံရတတ်ပါတယ်။
- အလားတူပါပဲ။ သူငယ်ချင်းကို မိန်းမယူဖို့ တိုက်တွန်းခဲ့တယ်။ ချွေးမက သဘောကောင်း၊ လုပ်တတ်ကိုင်တတ်၊ ကြီးပွားသွားရင်တော့ သူငယ်ချင်းမိဘများက ဘာမှမပြောပါဘူး။ ချွေးမက ဆိုးလို့၊ သားက မိဘကို မတွေ့ရဘူး၊ မထောက်ပံ့ရဘူးဆိုရင် မိန်းမယူဖို့ တိုက်တွန်းတဲ့ သူငယ်ချင်းတွေ အပြစ်ပြောခံရပါတယ်။
ပြစ်မှုမြောက်သော အားပေးကူညီမှုများ အကြောင်း
ပြစ်မှု - ဆိုတာ၊ ပြစ်မှုဆိုင်ရာဥပဒေအရဖြစ်စေ၊ အထူးဥပဒေအရဖြစ်စေ၊ ပြစ်ဒဏ်စီရင်ထိုက်တဲ့ ပြုလုပ်မှု ကို ခေါ်ပါတယ်။ပြုလုပ်မှု - ဆိုတာမှာ ပြုလုပ်မှုသာမက၊ ပျက်ကွက်မှုလည်း ပါဝင်ပါတယ်။
ဥပဒေနဲ့မညီသော ပြုလုပ်မှု/ ပျက်ကွက်မှု။
ဥပဒေက တားမြစ်ထားတဲ့ ပြုလုပ်မှု၊ ပျက်ကွက်မှုကို ဆိုလိုပါတယ်။ပြစ်မှုကျူးလွန်သူ ။ ဥပဒေနဲ့မညီသော ပြုလုပ်မှု၊ ပျက်ကွက်မှုကို ကိုယ်တိုင်ကျူးလွန်သူ။
(ဥပမာ ။ လူသတ်သူ၊ ဓါးပြတိုက်သူ၊ ခိုးသူ၊ လုယက်သူ၊ မီးရှို့သူ၊ လိမ်လည်သူ၊ အလွဲသုံးသူ)
အားပေးကူညီသူ (ABETOR)
အထက်ပါ (သတ်၊ တိုက်၊ ခိုး၊ လု၊ ရှို့၊ လိမ်၊ လွဲသုံး) ပြစ်မှုများ ကိုယ်တိုင်ကျူးလွန်သူကို၊ ကျူးလွန်စေရန် (တိုက်တွန်း လှုံ့ဆော်၊ ပူးပေါင်းကြံစည်၊ တမင်ကူပံ့) သူများကို အားပေးကူညီသူ လို့ ခေါ်ပါတယ်။
အားပေးကူညီမှု ။ အားပေးကူညီမှုမြောက်တဲ့ ပြုလုပ်မှုများ -
(က) လှုံ့ဆော်ခြင်း ။ အရာတစ်ခုပြုစေရန်၊ ဖြစ်မြောက်စေရန် လှုံ့ဆော်ခြင်း။
ဥပမာ ။ (C)ကိုသတ်ရန် (B)ကို (A)က “ဒီကောင်မျိုးက သတ်ပစ်မှ အေးမှာပါကွာ လုပ်သာလုပ်” လို့ တိုက်တွန်း တယ်။ (B) က (C)ကို သတ်တယ်။ (B) ဟာ လူသတ်မှုကျူးလွန်တယ်။ (A) လူသတ်ရန် (လှုံ့ဆော်ခြင်း ဖြင့်) အားပေးကူညီမှုကို ကျူးလွန်တယ်။“သာလှအောင် အမှုမှာ (A) လှုံ့ဆော်သော်လည်း (B) သည် ပြစ်မှုကျူးလွန်သည်ဖြစ်စေ၊ မကျူးလွန် ဘဲဖြစ်စေ (A) သည် လူသတ်ရန် အားပေးကူညီမှုမြောက်သည်” လို့ ထုံးဖွဲ့ထားတယ်။ ဒါကြောင့် ပြစ်မှု မကျူးလွန်သော်လည်း ကျူးလွန်စေရန် လှုံ့ဆော် (အားပေးကူညီ) လျှင် ပြစ်မှုမြောက်ပါတယ်။ ထို့ပြင် အားပေးကူညီခြင်း ခံရသူ/ပြစ်မှုကျူးလွန်သူ (B)ဟာ အပြစ်မရှိ (ပြစ်မှုကျူးလွန်ရာ မရောက်နိုင်)သူ ဖြစ်ပေမဲ့၊ အားပေးကူညီသူ (A) ဟာ ပြစ်မှုမြောက်တယ်။
ဥပမာ ။ (၇)နှစ်အောက် ကလေးငယ် (B) ကို (C)စားမဲ့ထမင်းပွဲမှာ အဆိပ်ခတ်ထားတဲ့ ဟင်းခွက် သွားချစေ တယ်။ (C)သေတဲ့ကိစ္စမှာ (B) ကလေးငယ်ဟာ အပြစ်မရှိပေမဲ့၊ အားပေးကူညီသူ (A)ဟာ လူသတ်ရန် အားပေးကူညီမှုမြောက်တယ်။
ဥပမာ ။ အရူး (B) ကို ရပ်ကွက်ထဲကအိမ် မီးရှို့ရန် (A)က လှုံ့ဆော်တယ်။ မီးရှို့တယ်။ (B) ဟာအရူးဖြစ်လို့ ပြစ်မှု မမြောက်ပေမဲ့၊ အားပေးကူညီသူ (A) အားပေးကူညီမှုမြောက်တယ်။
အားပေးကူညီမှုဟာ ပြစ်မှုဖြစ်တဲ့အတွက် အားပေးကူညီသူကို အားပေးကူညီခြင်းဟာလည်း ပြစ်မှုဖြစ်တယ်။ (D)ကို (C)က သတ်စေရန် ( B ) ကို ( A ) ကလှုံ့ဆော်တယ်။ (A) အားပေး -- ( B ) အားပေး။ (C)သတ် --- (D) သေ --- တဲ့ဖြစ်စဉ်မှာ (C) ဟာ လူသတ်မှုကျူးလွန်သူ (A) နဲ့ (B) ဟာ လူသတ်ရန် အားပေး ကူညီသူမြောက်တယ်။
(ခ) ပူးပေါင်းကြံစည်ခြင်း
မတရားတဲ့ကိစ္စကို ပြုလုပ်စေရန်၊ သို့မဟုတ် တရားတဲ့ကိစ္စကို မတရားတဲ့နည်းလမ်းနဲ့ ပြုလုပ်စေရန် အလို့ငှာ လူအ များစုပေါင်းခြင်း၊ သဘောတူခြင်း၊ ပူးပေါင်းကြံစည်ခြင်းကို ဆိုလိုပါတယ်။ ပူးပေါင်းကြံစည်ခြင်းဖြစ်ဖို့ အင်္ဂါရပ် (၃)ရပ် လိုအပ်ပါတယ်။(၁) လူတစ်ဦးထက် ပိုရမယ်။
(၂) တစ်စုံတစ်ခုပြုဖို့ တိုက်ရိုက်၊ သွယ်ဝိုက်ပြီး သဘောတူကြရမယ်။
(၃) ပူးပေါင်းကြံစည်တဲ့ အကြံအတိုင်း ပြုတဲ့ပြုလုပ်မှု လုပ်ခဲ့ရမယ်။
ဥပမာ။ (D) ကို အဆိပ်ခတ်သတ်ရန် ပူးပေါင်း၍ (A) (B) (C)တို့ ကြံစည်ကြတယ်။ (A) (B) အဆိပ်ဝယ်ခဲ့တယ်။ (C)က (D)ကို ထမင်းဖိတ်ကျွေးတယ်။ အဆိပ်ခတ်သတ်လိုက်တယ်။ (C)လူသတ်မှု ကျူးလွန်သူ။ (A) (B)က ပူးပေါင်း ကြံစည်၍ အားပေးကူညီသူဖြစ်တယ်။
(ဂ) တမင်ကူပံ့ခြင်း
ပြစ်မှုကျူးလွန်ရာမှာ လွယ်ကူစေရန် တိုက်ရိုက်ကူညီပံ့ပိုးတာကို ဆိုလိုပါတယ်။ (D) ကို အဆိပ်ခတ်သတ်ရန် ကိစ္စ အဆင်ပြေချောမွေ့စေဖို့ (D)ရဲ့ မိတ်ဆွေ (O)က (C)နဲ့ (D)ကို ထမင်းစား ဖိတ်ကျွေးတယ်။ (C)က အဆိပ်ခတ်၍ (D)သေရာမှာ ( O )ဟာ တမင်ကူပံ့ခြင်းဖြင့် အားပေးကူညီမှုမြောက်တယ်။အားပေးကူညီသူအပေါ် ချမှတ်ရမည့်ပြစ်ဒဏ်
ပုဒ်မ-၁၀၉ - အားပေးကူညီသူအား ချမှတ်ရန် ပြစ်ဒဏ်အတိအလင်း ပြဋ္ဌာန်းမထားရင်၊ ကျူးလွန်တဲ့မူရင်းပြစ်မှုရဲ့ ပြစ်ဒဏ်ချ မှတ်ရမည်။ပုဒ်မ-၁၁၄ - ပြစ်မှုကျူးလွန်သူနဲ့အတူ အားပေးကူညီသူရှိနေခဲ့ရင် ထိုပြစ်မှုကို ကိုယ်တိုင်ကျူးလွန်ဘိသကဲ့သို့ ပြစ်ဒဏ်ချမှတ် ရမယ်။
ပုဒ်မ-၁၁၀/ပုဒ်မ-၁၁၁ - အားပေးကူညီခံရသူက ကွဲလွဲသောပြစ်မှုကို ကျူးလွန်ခဲ့ရင် ထိုကျူးလွန်တဲ့ ပြစ်မှုအတွက် ပြဋ္ဌာန်းတဲ့ပြစ်ဒဏ်ကို အားပေးကူညီသူကလည်း ကျခံရပါတယ်။
ဥပမာ - (A) က (B) ကို (C)အားသတ်ရန် ငွေပေး၍ ခိုင်းခဲ့တယ်။ (B)က (C)အိပ်တတ်တဲ့ အိပ်ယာပေါ်မှာ အိပ်နေတဲ့သူကို သတ်ခဲ့တယ်။ သေသူဟာ ( C ) မဟုတ်ဘဲ၊ ထိုညကမှ အိမ်ကိုလာတည်းတဲ့ ဧည့်သည်ဖြစ်နေ တယ်။ ဧည့်သည်သေရန် အားပေးကူညီသူမှာ အကြံအစည် မရှိသော်လည်း ထိုသူအားသတ်ရန် တိုက်ရိုက်အား ပေးသကဲ့သို့ ပြစ်မှုမြောက်တယ်။
ဥပမာ - (A) ဟာ ကလေးငယ်ကို အဆိပ်ပါတဲ့ ဟင်းခွက် ချခိုင်းထားရာမှာ၊ လူမှားပြီး အခြားသူ အဆိပ်သင့် ပြီး သေတယ်။ ထိုသူ သေစေရန် တိုက်ရိုက်အားပေးသကဲ့သို့ တာဝန်ရှိတယ်။
ဥပမာ (A) တပ်ဖွဲ့အကြီးအကဲဟာ တပ်ဖွဲ့ကို ဆန္ဒပြနေတဲ့ လူအုပ်အား ငြိမ်းချမ်းစွာ လူစုခွဲခိုင်းတယ်။ တပ်ဖွဲ့ဝင်တစ်ဦးက လူအုပ်ထဲက မိန်းမတစ်ဦးရဲ့ ခေါင်းကို သေနတ်နဲ့ ပစ်လို့ သေသွားတယ်။ (သို့မဟုတ်) လူအုပ်ထဲက မိန်းကလေးငယ်တစ်ဦးကို မဟားဒယား ဖက်ထားတယ်။ အကြီးအကဲဟာ ဒီပြုလုပ်မှု့မှာ ထပ်တူ၊ တိုက်ရိုက် တာဝန်ရှိတယ်။
ပျက်ကွက်မှုကို အားပေးကူညီခြင်း
အားပေးကူညီသူဟာ မိမိကိုယ်တိုင်ပြုလုပ်ရန် တာဝန်မရှိတဲ့ကိစ္စကို အခြားသူအား မပြုလုပ်ဘဲ ပျက်ကွက်စေရန် အားပေးကူညီရင် ပြစ်မှုမြောက်တယ်။ဥပမာ - ရဲအချုပ်ကြပ်၊ ထောင်မှူး၊ ထောက်လှမ်းရေး၊ အချုပ်ကြပ်တို့ ချုပ်နှောင်ထားတဲ့ (C)ကို အစာမကျွေး၊ ရေမပေးဘဲထားရန် အထက်အရာရှိ က အချုပ်ကြပ်ကို ညွှန်ကြားတယ်။ အချုပ်တရားခံ (C)သေတယ်။ အားပေး ကူညီသူအရာရှိဟာ မိမိကိုယ်တိုင် အချုပ်တရားခံများကို အစာကျွေး၊ ရေပေးရန် တာဝန်မရှိပေမဲ့၊ လူသတ်မှု အားပေးကူညီမှုမြောက်တယ်။
အားပေးကူညီမှုအနှစ်ချုပ်
၁။ အားပေးကူညီခံရသူ (ကျူးလွန်သူ)ဟာ ထိုပြစ်မှုကို ကျူးလွန်သည်ဖြစ်စေ၊ မကျူးလွန်ဘဲဖြစ်စေ၊ အားပေးကူညီသူမှာ အပြစ် ရှိတယ်။၂။ အားပေးကူညီခံရသူဟာ (ငယ်၊ ရူး၊ မူး) စတဲ့ ပြစ်မှု မမြောက်နိုင်တဲ့သူဖြစ်သော်လည်း အားပေးကူညီသူမှ အပြစ်ရှိတယ်။
၃။ ပြစ်မှုကျူးလွန်တဲ့နေရာမှာ အားပေးကူညီသူရှိနေသည်ဖြစ်စေ၊ မရှိဘဲဖြစ်စေ အားပေးကူညီသူမှာ အပြစ်ရှိတယ်။
၎။ အားပေးကူညီလိုက်တဲ့ပြစ်မှုကို တလွဲကျူးလွန်လာရင်လည်း၊ ထိုပြစ်မှုအတွက် အားပေးကူညီသူမှာ တိုက်ရိုက်တာဝန်ရှိ တယ်။ အပြစ်ရှိတယ်။
စဉ်းစားရန်ဖြစ်စဉ်များ
၁။ တရားသူကြီးထံ လာဘ်ပေးရန် လိုက်ပို့ပေးတဲ့လူ။ မိတ်ဆက်ပေးသူ။၂။ အဓိကရုန်းများ ဖြစ်ပေါ်စေရန် နောက်ကွယ်က ကြိုးကိုင်နေတဲ့သူ။
၃။ အဓိကရုန်းများ၌ ရုတ်တရက် ကားများနဲ့ရောက်လာတဲ့လူစုကို နောက်ကွယ်က စနစ်တကျ စီစဉ်ပေးနေတဲ့သူ။
၎။ မိမိမွေးနေ့မှာလာဖို့ ဖိတ်ရခက်တဲ့ သူငယ်ချင်းကို လက်ထိပ်ခတ်ပြီး ခေါ်လာတဲ့သူငယ်ချင်းတစ်စု။
၅။ မိမိဘက်က သက်သေ လိမ်လည်ထွက်ဆိုပေးဖို့ အငှားသက်သေ ငှားပေးသည့် အမှုပွဲစား။
၆။ သူငယ်ချင်း မိန်းမခိုးရာမှာ မိမိကားနဲ့ ကားတင် ခိုးပေးတဲ့သူငယ်ချင်း။
၇။ “မောင်ထွန်းအောင်ဟာ ဓါးပြမှုကို အစီအစဉ် ပြုလုပ်ပေးခဲ့ပြီး၊ ဓါးပြများကို စည်းရုံးပေးခဲ့တယ်။ သို့ရာတွင် ဓါးပြတိုက်ရာတွင် လိုက်ပါသွားခြင်းမရှိ။ အခြားသူများ ဓါးပြမှုကျူးလွန်ခဲ့ပြီး မောင်ထွန်းအောင်ဟာ မိမိဝေစုများ ရယူခဲ့တယ်။ ဓါးပြမှု အဓိက ကျူးလွန်သူကဲ့သို့ မောင်ထွန်းအောင်ကို ပြစ်မှုထင်ရှားစီရင်တယ်။” (မောင်ထွန်းအောင်အမှု ၁၉၄၆-ရန်ကုန်-၃၁၃)
၈။ “မိုးကျော်ကို မောင်လှမြင့် သတ်ဖြတ်စဉ်က ဦးလာဘနဲ့ မတင်လှတို့က သတ်ဖြတ်တဲ့နေရာမှာ မရှိကြဘဲ ကျောင်းပေါ်မှာ ရှိနေတယ်။ သို့ရာတွင် ဦးလာဘက လှမြင့်အား ရဲဒင်းထုတ်ပေးပြီး မိုးကျော်ကို သတ်ခိုင်းခဲ့ကြောင်း၊ ထို့နောက် သေသူ မိုးကျော်အလောင်းမှ အသားများကို ဟင်းချက်၍ လူအများကို ကျွေးခဲ့ကြောင်း တွေ့ရှိရ၍ အားပေးကူညီမှုအရ သေဒဏ် ကျခံစေ။ (လူသားစား ဦးလာဘ (ခ) ဦးရွှေမြိုင်ပါ - ၃အမှု-၁၉၇၉-မတစ-၁၃၆)
ကိုဖြူ ။ ။ ဒါဆို နောက်ကွယ်က ကြိုးကိုင်တဲ့ လူတွေဟာ ဘယ်နေရာမှာနေနေ အပြစ်က မလွတ်ဘူးပေါ့နော်။
ယူတီကေ ။ ။ ဖေါ်ထုတ်ပြီး အရေးယူနိုင်ရင်ပေါ့ဗျာ။
UTK (မဟာဝိဇ္ဇာ၊ သိပ္ပံ၊ ဥပဒေ)
