ပြေလွင်မြင့်
ပြုံးစရာကာတွန်းလေးတစ်ကွက် တွေ့ရတယ်။
တရားရေးဆိုတဲ့ တိုင်ကြီးတစ်တိုင် ကို ကလောင်ရှည်ကြီးထမ်းထားတဲ့ လူတစ်ယောက်က စက်ဝိုင်းပတ်ပတ် ပြီး လမ်းလျှောက်နေတဲ့ပုံ။ ကလောင် တစ်ချောင်းထမ်းပြီး တရားစီရင်မှုကို စောင့်ကြပ်နေတဲ့ သဘောထင်ပါရဲ့။ အဲဒီလူက “ထိရဲထိကြည့်၊ ဟင်း၊ဟင်း” ဆိုပြီး ကြိမ်းဝါးနေသေးတာ။ လင်းတ လိုလို ငှက်တစ်ကောင်ရဲ့ မှတ်ချက် လည်းပါတယ်။ ““ဒီလို လူမျိုးတွေ လည်း- ရှိသေးတယ်နော်”” တဲ့။
တကယ့်ကို ကာတွန်းလေးက ချစ် စရာ၊ ပြုံးစရာလေးပါပဲ။
အဲဒီနေ့မှာပဲ အမျိုးသမီး တရား ရေးအရာရှိတစ်ယောက်က ကျွန်တော့် ကိုပြောတယ်။
““အဲဒါ၊ ရှင့်ကိုရေးတာပဲဖြစ်မယ်၊ ရှင်တစ်ယောက်ပဲ ကာကွယ်ခုခံနေ တာမဟုတ်လား””
ကျွန်တော် သေချာပြန်တွေးကြည့် တယ်။ ကာတွန်းက ကျွန်တော့်ကိုရည် ရွယ်ပြီး ရေးတယ်လို့တော့ဖြင့် မထင် ပါဘူး။
ဒါပေမဲ့၊ ကျွန်တော်က သူမ,ပြော သလို ကာကွယ်ခုခံနေတာလား။ ကာ ကွယ်ခုခံဖို့ လိုသလား။ ကာကွယ်ခုခံ နေတာဆိုရင်ကော၊ ဘာအတွက်လဲ၊ ဘာကြောင့်လဲ။ ဘာအကြောင်းကြောင့် လဲ။
တရားစီရင်ရေးဆိုတာ တစ်စုံတစ် ယောက်၊ တစ်စုတစ်ဖွဲ့က ကာကွယ် ပေးဖို့လိုအပ်တဲ့ အဖွဲ့အစည်းတစ်ခု ဖြစ်တယ်လို့ ကျွန်တော်မထင်ပါဘူး။
ဘာကြောင့်လဲဆိုတော့ ဥပဒေ မရှိရင် တရားစီရင်ရေးဆိုတာမရှိဘူး။ တရားစီရင်ရေးဌာန၊ တရားစီရင်တဲ့ အဖွဲ့အစည်းသည်ပင်လျှင် ဥပဒေပြ ဋ္ဌာန်းချက်အရ ပေါ်ပေါက်လာရတာ ဖြစ်ပါတယ်။ တရားသူကြီး၊ ဥပဒေအ ရာရှိ၊ ရှေ့နေရှေ့ရပ်၊ ရဲတပ်ဖွဲ့ အစရှိ တဲ့သူတွေဟာ တရားစီရင်မှုမှာ အဓိ ကပါဝင်တဲ့သူတွေပါပဲ။ အဓိကဇာတ် ကောင်တွေပါပဲ။
တရားစီရင်မှုဆိုတာ တရားသူကြီး တစ်ဦးတည်းနဲ့ပဲ သက်ဆိုင်အကျုံး ၀င်တဲ့ ကိစ္စမဟုတ်တာ လူတိုင်းသိပါ တယ်။
အမှုအခင်းတစ်ခု ပေါ်ပေါက်လာ ရင် ရဲတပ်ဖွဲ့က စုံစမ်းစစ်ဆေးမှု ( investigate)လုပ်ရတယ်။ သက်သေ၊ သက်သေခံအရာ(၀တ္ထုပစ္စည်း)တွေ နဲ့ အမှုတည်ဆောက်ရတယ်။ ပြစ်မှု ကျူးလွန်ကြောင်း အထောက်အထား ရှိတဲ့ တရားခံကို ဖမ်းဆီးရတယ်။ သူ ကျူးလွန်တဲ့ပြစ်မှုက တည်ဆဲဥပဒေ များအရ ဘယ်ပုဒ်မနဲ့အကျုံးဝင်တယ် (ဘယ်ပြစ်မှုနဲ့ တရားစွဲတင်ရမယ်) ဆို တာကို သက်ဆိုင်ရာဥပဒေအရာရှိထံ မှာ ဥပဒေအကြံဉာဏ် တောင်းခံရ တယ်။ ဥပဒေအကြံပြုချက်အရ တ ရားရုံးကို တရားစွဲဆိုတင်ပို့ရတယ်။
တရားခံက ကျွမ်းကျင်တဲ့ရှေ့နေ ရှေ့ရပ်ကို မိမိစိတ်တိုင်းကျ ငှားရမ်း ပြီး ခုခံချေပခွင့်ရှိတယ်။ (သေဒဏ်၊ တစ်သက်တစ်ကျွန်းဒဏ်ကျခံနိုင်တဲ့ ပြစ်မှုမျိုးနဲ့ တရားစွဲခံရတဲ့တရားခံက ရှေ့နေမငှားနိုင်ပါဘူးဆိုရင်တောင်မှ သူ့အတွက် အမှုလိုက်ပါဆောင်ရွက် ပေးမယ့် ရှေ့နေတစ်ယောက်ယောက် ကို နိုင်ငံတော်စရိတ်နဲ့ ငှားရမ်းပေးရ တယ်။
အမှုစစ်ဆေးစီရင်တဲ့ တရားရုံး တစ်ခုမှာ စွပ်စွဲခံရတဲ့တရားခံရယ်၊ စွပ် စွဲသူ(သာမန်အားဖြင့်တရားလို)ရယ်၊ နှစ်ဖက်တင်ပြတဲ့သက်သေတွေရယ် ပါဝင်ရတယ်။
တရားခံဘက်က သူ့ရဲ့ရှေ့နေက လိုက်ပါဆောင်ရွက်တယ်။ တရားလို (ရာဇ၀တ်မှုတွေမှာဆိုရင် နိုင်ငံတော်)ဘက်က ဥပဒေအရာရှိက လိုက်ပါ ဆောင်ရွက်တယ်။ တရားသူကြီးက သက်သေစစ်ဆေးပေါ်ပေါက်ချက်များ အရ တရားခံအပြစ်ရှိ၊မရှိ ဥပဒေပြဋ္ဌာန်း ချက်များအရ စီရင်ဆုံးဖြတ်တယ်။ ပြစ်ဒဏ်ပေးတာ များတယ်၊ နစ်နာ တယ်လို့ တရားခံကယူဆရင် အထက် တရားရုံးကို အယူခံတက်ရောက်ခွင့် ရှိတယ်။ တရားခံကို ပြစ်မှုမထင်ရှား လို့ လွှတ်လိုက်တဲ့အခါ၊ သို့မဟုတ်- ပြစ်ဒဏ်ပေးတာ နည်းတယ်လို့ ယူဆ တဲ့အခါ၊တရားလို(ဥပဒေအရာရှိ)ဘက် က အထက်ရုံးကို အယူခံမှု/ပြင်ဆင်မှု တက်ရောက်ခွင့်ရှိတယ်။
အထက်ရုံးရောက်တဲ့အခါ အောက် တရားရုံးရဲ့ စီရင်ဆုံးဖြတ်ချက်ဟာ မှား ယွင်းကြောင်း၊ မှန်ကန် မျှတမှုမရှိ ကြောင်း၊ ဥပဒေနဲ့မညီညွတ်ကြောင်း တရားဝင်/နည်းလမ်းတကျ လျှောက် လဲခွင့်ရှိတယ်။ အရေးဆိုခွင့်ရှိတယ်။
အဲဒါ အတည်ဖြစ်ဆဲ ဥပဒေပြဋ္ဌာန်း ချက်တွေအရ ယေဘုယျကျင့်သုံးနေ တဲ့ တရားစီရင်မှုဖြစ်စဉ်ပါပဲ။
တရားစီရင်ရေးဇာတ်ခုံမှာ ပါဝင် ကြရတဲ့ ရဲအရာရှိ၊ ဥပဒေအရာရှိ၊ ရှေ့ နေရှေ့ရပ်၊ တရားသူကြီး စသူတို့ အားလုံးဟာ သူတို့ပြုလုပ်ဆောင်ရွက် ရမယ့် လုပ်ငန်းတာဝန်နဲ့ ပတ်သက်လို့ တတ်မြောက်ဖို့လိုအပ်တဲ့ ပညာရပ် တွေကို ဆည်းပူးခဲ့တဲ့သူတွေချည်းပါ ပဲ။ လေ့ကျင့်ထားတဲ့သူတွေချည်းပါပဲ။ ထိုက်တန်တဲ့ အရည်အချင်းရှိလို့ ခန့် ထားခဲ့သူတွေချည်းပါပဲ။
သူတို့တာဝန် ဘာလဲဆိုတာ သူ တို့ ကောင်းကောင်းသိတယ်။ ဘာလုပ် ရမလဲဆိုတာ သူတို့ ကောင်းကောင်း သိတယ်။ ဘာမလုပ်ရဘူးဆိုတာလည်း သူတို့ ကောင်းကောင်းသိတယ်။ သူ တို့ ဘယ်နေရာအထိရောက်အောင် သွားခွင့်ရှိတယ်၊ ဘယ်နေရာကိုရောက် ရင် ရပ်ရမယ်ဆိုတာ ကောင်းကောင်း နားလည်တယ်။
အဲဒီလိုလူတွေပါဝင်တဲ့ တရားစီ ရင်ရေးဆိုတာကို တစ်ယောက်ယောက် က ကာကွယ်ပေးဖို့၊ ခုခံပေးဖို့၊ လိုအပ် မယ်လို့ ကျွန်တော်မထင်မြင်ပါဘူး။ ကျွန်တော် မယူဆပါဘူး။ ဘယ်သူ့ အကာအကွယ်ကိုမှ ရယူဖို့မလိုပါဘူး။
သို့ပေတဲ့၊ ကျွန်တော်က တရား စီရင်ရေးနဲ့ပတ်သက်တဲ့ ဆောင်းပါး လေးတွေ၊ ကျွန်တော့်ရဲ့ ထင်မြင်ယူဆ ချက်တွေကို ဟောတစ်ပုဒ်၊ ဟောတစ် ပုဒ်ဆိုသလို အတော်များများရေးဖြစ် ခဲ့ပါပြီ။ ၀န်ခံရမယ်ဆိုရင် ရေးရတာ အတော်ငြီးငွေ့နေပါပြီ။
ဒါပေမဲ့ ရေးစရာအကြောင်းအရာ တွေက ရှိနေသေးတယ်။ အသစ်အ သစ်တွေလည်း ပေါ်ပေါက်နေသေး တယ်။ ပွင့်လင်းမြင်သာရှိလာတယ်- ဆိုတဲ့ ခုလိုအခါမျိုးမှာ သတင်းစာ၊ ဂျာနယ်တွေ အပြိုင်းအရိုင်း ပေါ်လာ တာကို စာရေးဆရာတစ်ယောက်အ နေနဲ့ ကျေနပ်အားရမိတာအမှန်ပါ။
ဘိန်းချလို့ရတဲ့ပိုက်ဆံနဲ့ပဲဖြစ်ဖြစ်၊ သစ်မှောင်ခို ကျောက်မှောင်ခိုလုပ်လို့ ရလာတဲ့ ပိုက်ဆံနဲ့ပဲဖြစ်ဖြစ်၊ ချဲဒိုင်-ဘောလုံးဒိုင် လုပ်လို့ရလာတဲ့ပိုက်ဆံ နဲ့ပဲဖြစ်ဖြစ်၊ ပြောရရင်-မတော်မတရား ရှာဖွေရရှိလာတဲ့ အစီးအပွားနဲ့ပဲဖြစ် ဖြစ်၊ ချွေးနှဲစာလေးတွေကို ရိုးရိုး သားသား ခြစ်ကုတ်စုဆောင်းရရှိလာ တဲ့ ပိုက်ဆံနဲ့ပဲဖြစ်ဖြစ်၊ သတင်းစာ/ ဂျာနယ်ထုတ်ဝေခွင့်ရလို့ စာနယ်ဇင်း မီဒီယာရယ်လို့ ဖြစ်ခဲ့တယ်ဆိုရင်လည်း စာရေးတဲ့သူတစ်ယောက်အနေနဲ့ ကျေ နပ်ရမှာပါပဲ။ လက်နက်နဲ့ငြိမ်းချမ်းရေး တောင် လဲခဲ့သေးတာပဲ။
သို့သော်၊ အဲဒီလိုလူကြီးမင်းတွေ က ဥပဒေအရ စနစ်တကျဖွဲ့စည်းထား တဲ့ ဌာနအဖွဲ့အစည်းတွေကို၊ သို့မ ဟုတ်- သက်ဆိုင်တဲ့ဘာသာရပ်၊ လုပ် ငန်းတာဝန်အလိုက် ကျွမ်းကျင်အောင် လေ့ကျင့်ဆည်းပူးထားတဲ့ သူတွေကို စာနယ်ဇင်း မီဒီယာအနေနဲ့ ဝေဖန် ထောက်ပြတဲ့အခါ နည်းလမ်းကျနတာ တွေ့ရသလို၊ နည်းလမ်းမကျနတာတွေ ကိုလည်း တွေ့ရတယ်။ အမှန်ကို ဝေ ဖန်ထောက်ပြနိုင်တာတွေ့ရသလို လမ်းဘေးက lay man တွေလို ရေးမိ ရေးရာ၊ ပြောမိပြောရာ၊ လောဘ-အာ ဃာတ မကင်းစင်သူတွေက တက် ထောင်မောင်းနင်း ရေးချင်တိုင်းရေး နေတာတွေလည်း ဖတ်ရတယ်။ (အဲ ဒါမျိုးကိုမှသဘောကျတဲ့ လူပြိန်းတွေ ရှိနေတာလည်း သိပါတယ်)
နားမလည်တဲ့ လူပြိန်းတွေက လက်ခုပ်လက်ဝါးတီးကြပေမဲ့ သေ ချာနားလည်တဲ့သူတွေက စိတ်မချမ်း သာကြဘူး။ ဘယ်သူကတော့ဖြင့် ဘယ်လိုရေးလိုက်ပြန်ပြီ။ ဘယ်သူက ဘယ်လို လက်လွတ်စပယ်ပြောလိုက် တာကို ပုံကြီးချဲ့ပြီး ရေးပြန်ပြီ၊ နားမ လည်ပါးမလည်နဲ့ ပြောနေ၊ ရေးနေ တာတွေကို ဒီတိုင်း ကြည့်နေဦးမှာ လား-တဲ့။ ပြန်ရေးမှဖြစ်မှာပေါ့-တဲ့။ တစ်ပုဒ်နှစ်ပုဒ် ရေးပြီးရင်၊ ဒါတွေမရေး ချင်၊ မရေးတော့ဘူး-တွေးခဲ့ပေမဲ့ ထန်းတက်လက်မှတ်ရတဲ့ ထန်းသမား လိုပဲ။ ဆရာမောင်စွမ်းရည်က ““မြို့ ပေါ်မှာသောင်တင်၊ ကလောင်မင်အက် ဆစ်စွက်၊ ဟိုပက်ဒီကော်၊ တစ်နေ့ သော်ပိုင်နိုးနိုင်နိုးနဲ့၊ ဝေဖန်ရေးကျားဆိုး ကို၊ အားကြိုးမာန်ခဲ၊ အမြီးကိုဆွဲမိပေါ့”” ကဗျာထဲရေးတဲ့အတိုင်း ကျားဆိုးရဲ့ အမြီးဆွဲမိတာနဲ့ တူနေပြီ။
ဘယ်နှပုဒ်ပဲရေးရေး၊ ဘယ်လောက် များများ၊ ဘယ်လောက်ရှည်ရှည်ဝေး ဝေးပဲရေးရေး။ ကျွန်တော်ဦးတည်ခဲ့ တာ၊ ရည်ရွယ်ခဲ့တာ တစ်ခုတည်းပါပဲ။ independent of judiciary ပါ။ လွတ်လပ်တဲ့တရားစီရင်မှုပါ။ အမှီအ ခိုကင်းတဲ့ တရားစီရင်ရေးပါ။
တရားစီရင်မှု ဆောင်ရွက်နေသူ တွေကို သူတော်ကောင်း သူမြတ် လောင်းတွေ ဖြစ်တဲ့အကြောင်း၊ အာ မခံချက်ပေးနေတာ မဟုတ်ပါဘူး။ ခြောက်ပြစ်ကင်း သဲလဲစင်တွေ ဖြစ်တဲ့အကြောင်း၊ ထောက်ခံစာရေး နေတာ မဟုတ်ပါဘူး။ သူတို့ဟာ ခင် ဗျားတို့လိုပဲ ခင်ဗျားတို့ဖြတ်သန်းနေ တဲ့ခေတ်ကို ခင်ဗျားတို့နဲ့အတူတကွ ဖြတ်သန်းနေတဲ့ သူတွေပါ။ သူတို့ဟာ ခင်ဗျားတို့လောက်ပဲ ကောင်းနိုင်လိမ့် မယ်-ထင်ပါတယ်။
လွတ်လပ်ပြီး အမှီအခိုကင်းတဲ့ တရားစီရင်မှု-ဆိုတာ တတ်မြောက် ကျွမ်းကျင်ပြီး ဖြောင့်မတ်မှန်ကန်တဲ့ အုပ်ချုပ်ရေးသမားတွေ၊ ပြည့်ဝရင့် ကျက်တဲ့ ပညာရှင်တွေ၊ အမြော်အမြင် ကြီးသူ၊ အတွေ့အကြုံရင့်သန်သူတွေ က ရှေ့နောက်ဆင်ခြင်ပြီး သဘော ထားကြီးစွာနဲ့ encourage လုပ်ပေးရ တာမျိုး၊ ဝေဖန်ထောက်ပြရတာမျိုးပါ။
လောဘ၊ အာဃာတမကင်းစင် သူ၊ ဉာဏ်ပညာနည်းသူ၊ တရားစီရင် မှုနဲ့ပတ်သက်ပြီး နကန်းတစ်လုံးမှ နား မလည်သူတွေက ကိုယ့်စိတ်နဲ့မတွေ့ တိုင်း၊ ကိုယ့်အလိုဆန္ဒနဲ့ မကိုက်ညီ တိုင်း၊ မျက်မမြင်ဆင်စမ်းသလို၊ ဂျပိုး သူခိုးတွေကိုပြောသလို၊ လက်လွတ် စပယ်ပြောပြီး ချိုးဖဲ့နှိပ်ကွပ်နေရတာ မျိုး မဟုတ်ပါဘူး။ ကိုယ်အနိုင်ရစေချင် တဲ့သူကို အနိုင်ရရှိရေးအတွက် ချိုးဖဲ့ နှိပ်ကွပ်နေတာ၊ တိုင်စာနဲ့ ခြိမ်းခြောက် တာ၊ တစ်နည်းနည်း ဖိအားပေးတာ ဟာ လွတ်လပ်ပြီး အမှီအခိုကင်းတဲ့ တရားစီရင်ရေးကို အနှောင့်အယှက် ပေးနေတာပါပဲ။ တရားဥပဒေစိုးမိုး ရေးကို အဖျက်အမှောင့် လုပ်နေတာ ပါပဲ။
ဒီစာမူကို အဆုံးမသတ်မီ ၀မ်းသာ စရာသတင်းတစ်ခု ဖတ်ရပါတယ်။
မကြာသေးခင်က အုတ်အော် သောင်းတင်းလုပ်ခဲ့တဲ့ သတင်းထောက် မိန်းကလေးရဲ့အမှု၊ ပြစ်ဒဏ်တိုးမြှင့် ပေးဖို့အတွက် တရားလိုရှေ့နေ မိန်း ကလေးဘက်က ပြင်ဆင်မှုတင်သွင်း ခဲ့တာမှာ ကယားပြည်နယ် တရား လွှတ်တော်က လက်ခံကြားနာခြင်းမ ပြုဘဲ ပယ်ချလိုက်တယ်ဆိုတဲ့သတင်း ပါ။ တကယ်က “ပယ်ချ”တာမဟုတ် ပါဘူး။ (summary dismiss) ““အ ကျဉ်းနည်းပလပ်””လိုက်တာ ဖြစ်ပါ တယ်။ ““လက်ခံဆောင်ရွက်ဖို့ အ ကြောင်းမပေါ်ပေါက်တဲ့အတွက် အမှု ပ လပ်လိုက်တာဖြစ်တယ်”” ဆိုတာကို လည်း တရားလွှတ်တော်တရားသူကြီး ဦးတင်ဌေးကပြောပါသတဲ့။
ကျွန်တော် စဉ်းစားမိပါတယ်။
အကယ်၍များ သူမ,တင်သွင်းတဲ့ ပြင်ဆင်မှု၊ အဲသလိုပလပ်လိုက်တာ ကို ရှေ့နေမိန်းကလေးဘက်က မကျေ နပ်ဘူးဆိုပါတော့။ အဲသလို မကျေနပ် တဲ့အတွက် မီဒီယာစာမျက်နှာတစ်ခု ကနေ ကြေညာချက် ထုတ်ပြန်ခဲ့မယ် ဆိုပါတော့။
““ကယားပြည်နယ် တရားလွှတ် တော်သည် ၎င်းတင်သွင်းသည့် ပြင် ဆင်မှုကို မတရားသဖြင့် စီရင်ဆုံးဖြတ် ခဲ့ခြင်းဖြစ်ကြောင်း၊ တရားသူကြီးသည် အဂတိလိုက်စား၍ စီရင်ဆုံးဖြတ်ခဲ့ခြင်း ရှိမရှိ၊ အုပ်ချုပ်ရေးနှင့် တရားစီရင် ရေး အာဏာပိုင်များက ၀င်ရောက် စွက်ဖက်ခဲ့ခြင်းရှိမရှိ၊ နိုင်ငံတော်အ ကြီးအကဲများအနေဖြင့် စုံစမ်းစစ်ဆေး ရေးအဖွဲ့ ဖွဲ့၍ ဆောင်ရွက်ပေးသင့်ပါ ကြောင်း၊ ရှေ့နေတစ်ဦး၏ မိမိနေအိမ် အတွင်း လွတ်လပ်စွာနေထိုင်မှုကို ထိ ခိုက်ပါကြောင်း၊ လူ့အခွင့်အရေးကို ထိပါးကျူးကျော်ရာရောက်ပါကြောင်း၊ ရှေ့နေကွန်ရက်နှင့် လူမှုအဖွဲ့အစည်း များအနေဖြင့်လည်း ၀ိုင်းဝန်းပူးပေါင်း ပါဝင်ကြပါရန် တိုက်တွန်းပါကြောင်း၊ ပြင်းထန်စွာကန့်ကွက်ပါကြောင်း”” အစရှိတဲ့ ကြေညာချက်မျိုးကို ထုတ် ပြန်ခဲ့မယ်ဆိုပါတော့။ အဖွဲ့အစည်း တချို့မှာ မသိနိုးနား နိုးကြားနေတဲ့သူ အချို့ကလည်း ဓာတ်တိုင် နှစ်တိုင် လောက် လမ်းလျှောက်ဆန္ဒဖော်ထုတ် ခဲ့မယ်ဆိုပါတော့။
အဲဒါဆို နှစ်ဖက်ဆိုင်ပြိုင်တဲ့အမှု မှာ လွတ်လပ်စွာစီရင်ရမယ့် တရားစီ ရင်မှုကို ၀င်ရောက်စွက်ဖက်ရာ ရောက် ပါမယ်။ စဉ်းစားကြည့်ပါတယ်။ ၃၁-၁၂-၂၀၁၃ ရက်နေ့မှာ နိုင်ငံတော် သမ္မတရုံးက ထုတ်ပြန်တဲ့ ပြစ်ဒဏ် လွတ်ငြိမ်းခွင့်အမိန့်ကို တရားလွှတ် တော်က ထည့်သွင်းစဉ်းစားခဲ့ဟန်တူ ပါတယ်။
ပြစ်ဒဏ်လွတ်ငြိမ်းခွင့်ပြုတဲ့အမိန့် မှာ သတင်းထောက်မိန်းကလေးကျူး လွန် (တယ်ဆိုပြီး) အပြစ်ပေးခံရတဲ့ ပြစ်မှုတွေ အကျုံးမ၀င်တဲ့အတွက် ပြစ် ဒဏ်ရဲ့လေးပုံတစ်ပုံလျော့နည်းကျခံ စေတဲ့ သာမန်အခွင့်အရေးကိုသာ ခံ စားခွင့်ရခဲ့ပါတယ်။ သို့ပေတဲ့၊ မောင်စိုး သိန်းပါ-၅ နှင့် ပြည်ထောင်စုမြန်မာ နိုင်ငံအမှု(၁၉၇၂၊မတစ၊၁၅)မှာ““တော် လှန်ရေးကောင်စီဥက္ကဋ္ဌက အမိန့်အ မှတ်-၈၇/၁၉၇၁ ကို ထုတ်ပြန်၍ ယင်း အမိန့်မတိုင်မီက ကျခံနေရသော ရာဇ ၀တ်ပြစ်ဒဏ်များကို သုံးပုံတစ်ပုံလျှော့ ပေးခဲ့သည်။ လျှော့ပေးပြီး ပြစ်ဒဏ် ကို တရားရုံးက တိုးမြှင့်ခြင်းမပြုနိုင်၊ တိုးမြှင့်ပေးခြင်းမပြုအပ်၊ နိုင်ငံတော် အာဏာဖြင့်ထုတ်ပြန်သော အမိန့်ဖြစ် ၍ တရားဥပဒေ အာနိသင်ဆောင် သည်”” ဆိုပြီး စီရင်ထုံးပြုပါတယ်။ အဲဒီစီရင်ထုံးကို ဒေါ်တင်တင်အောင် နှင့် ပြည်ထောင်စုသမ္မတမြန်မာနိုင်ငံ တော်အမှု (၂၀၁၁၊မတစ၊၃၉)နဲ့ ဒေါ် သန်းသန်းနွဲ့နှင့် ပြည်ထောင်စုသမ္မတ မြန်မာနိုင်ငံတော်ပါ ၂ အမှု (၂၀၁၂၊ မတစ၊၅၉)တွေမှာ လိုက်နာခဲ့ပါတယ်။ ပြစ်ဒဏ်တိုးမြှင့်ဖို့ မလျော်ကန်တာ ကြောင့် ပြင်ဆင်မှုကို အကျဉ်းနည်း ပလပ်ခဲ့တာ ဖြစ်မယ်ထင်ပါတယ်။ တရားဥပဒေကလှပါတယ်။ မှိုချိုးမျှစ် ချိုးပြောသူတွေက နားမလည်နိုင်တာ ပါ။ မစောင့်စည်းနိုင်တာပါ။
တရားစီရင်မှုကို လူအုပ်နဲ့ဖိအား ပေးတာ(ဆိုရင်) မှားယွင်းပါတယ်။ the rule of law and not of men.
ဆိုကရေးတီးကို အဆိပ်ခွက်ပေး ပြီး သေဒဏ်ကျခံစေခဲ့တာဟာ Learned Judge ဆိုတဲ့ ပညာရှိတရားသူ ကြီးတစ်ဦးက ချမှတ်တဲ့ စီရင်ချက် မဟုတ်ပါဘူး။ ဉာဏ်ပညာအမြော်အ မြင်နုံ့နဲ့တဲ့သူတွေ ချမှတ်တဲ့ စီရင်ချက် ပါ။ လူများတရားနိုင်ဖြစ်ခဲ့တာပါ။
The Ladies News Journal
