ပြေလွင်မြင့်
လူ့အခွင့်အရေး ချိုး ဖောက် ခံရခြင်းနှင့် ကြီးလေးသော ပြစ်ဒဏ် ထိုက်သင့်နိုင်ဖွယ်ရှိသည့် ရာဇ၀တ်ပြစ်မှုများ ကျူးလွန်ခံရခြင်းတို့ကြောင့် ဘေးအန္တရာယ်ကျရောက်လျက်ရှိသည့် အိမ်အကူမိန်းကလေးနှစ်ဦးအပေါ် လူသားချင်း စာနာထောက်ထားမှု၊ အမှန်တရားမြတ်နိုးမှု အစရှိသည့်ကောင်းမွန်သော စိတ်စေတနာ၊ မလျှော့သောဇွဲတို့ဖြင့် ၎င်း၏ သတင်းအတတ်ပညာကို အသုံးပြု၍ ကူကယ်စောင့်ရှောက်ခဲ့သော စိတ်ယဉ်ကျေးမှုအဆင့်မြင့်မားသည့် Myanmar Now သတင်းဌာနမှ သတင်းထောက် ချုပ်ကိုဆွေဝင်းအား နိုင်ငံတော် သမ္မတက အလျင်အမြန်ချီးကျူး ဂုဏ်ပြုခဲ့ပြီး ပြည်သူနှင့်အရပ်ဘက်အဖွဲ့အစည်းများက နှစ်ထောင်း အားရ အားပေးချီးမြှောက်နေချိန် တွင် အပြည်ပြည်ဆိုင်ရာ လူ့အခွင့် အရေးကြေညာစာတမ်းနှင့် အခြေခံဥပဒေပါနိုင်ငံသားများ၏ မူလအခွင့်အရေးကို ကာကွယ်စောင့် ရှောက်ရန် ရည်ရွယ်ဖွဲ့စည်းထား သည့် မြန်မာနိုင်ငံအမျိုးသား လူ့ အခွင့်အရေးကော်မရှင်အဖွဲ့ဝင် များသည် လူသားချင်းစာနာမှုနှင့် ယင်းတို့၏ တာဝန်ရှိမှုကို မျက် ကွယ်ပြုရာရောက်သည့် ပြုလုပ်မှုများအ ပြင် ပြေပြစ်ချေငံမှုနှင့် တာဝန်ခံမှု ကင်းမဲ့သော သတင်းစာရှင်းလင်းပွဲရလဒ်တို့ကြောင့် ပြည်သူအများစု၏ လူမှုကွန်ရက်စာမျက်နှာများ တွင် ပြင်းပြင်းထန်ထန် ဝေဖန် ပြစ်တင် ရှုတ်ချခြင်းခံနေရပြီး ကော်မရှင်အဖွဲ့ဝင်အချို့ကို ထိရောက်စွာ အရေးယူပေးရန် ပြည်ထောင်စု အစိုးရသို့ တိုက်တွန်းကြောင်း အ ဆိုကို ပြည်သူ့လွှတ်တော်က တစ်ခဲနက် အတည်ပြုဆုံးဖြတ်ခဲ့ပြီး ဖြစ်ပါသည်။
ကော်မရှင်အဖွဲ့ဝင်များကို အကြီးအကျယ် မကျေမနပ်ဖြစ်ရ သည့် အဓိကအချက်မှာ အိမ်အ ကူမိန်းကလေးနှစ်ဦးအပေါ် ရာဇ ၀တ်ပြစ်မှုများကျူးလွန်ခဲ့သည်ဟု ကောက်ယူနိုင်သည့် ရဲတပ်ဖွဲ့၏ အစီရင်ခံစာရရှိပါလျက်တရားဥပ ဒေနှင့်အညီ ရင်ဆိုင်ဖြေရှင်းစေ ရေးထက် ဥပဒေအပြင်အပ၌ ငွေ ကြေးပေး၍ ညှိနှိုင်းကျေအေးခဲ့ခြင်း ကို လက်ပိုက်ကြည့်နေခဲ့သည့် မှား ယွင်းသော လုပ်ရပ်ကြောင့်ဖြစ် ကြောင်း တွေ့ရပါသည်။ လွှတ် တော်ကိုယ်စားလှယ်များက ဤအ ချက်ကို အလေးထား၍ ဝေဖန် ထောက်ပြခဲ့ကြောင်း တွေ့ရပါ သည်။
‘‘Criminal နဲ့ သွားနိုင်တဲ့ လမ်းကြောင်းကို ပိတ်မထားပါ ဘူး။ လျော်ကြေးပေးတယ်ဆိုတဲ့ စာထဲမှာလည်း တရားမစွဲဘူးဆို တာမပါပါဘူး’’ဟု အဖွဲ့ဝင်ဖြစ်သူ ဥပဒေပညာရှင်တစ်ဦးက ရှင်းပြ ခဲ့သည်။ အိမ်အကူမိန်းကလေး၏ လက်ဆစ်များ အချိုးခံရခြင်း၊ နှာ ခေါင်းကိုဓားဖြင့် အလှီးခံရခြင်း စသည်တို့အတွက် ဥပဒေ၏အ ကာအကွယ်ကို ရယူနိုင်ရန် ကော် မရှင်ကမည်သို့ ညွှန်ပြပေးခဲ့သည် ဆိုသော အချက်မပါဝင်ချေ။ အ ဆိုပါရှင်းပြချက်အရ တရားစွဲရန် မပိတ်ပင်ခဲ့ဘူးဆိုလျှင် မိန်းက လေးနှစ်ဦး ညှဉ်းပန်းနှိပ်စက်ခံရ ခြင်းအားငွေကြေးပေးလျော်သည် မှာ မည်သည့်အတွက် ဖြစ်ပါသ နည်းဟု မေးခွန်းထုတ်စရာရှိမည် ဖြစ်သည်။
ကော်မရှင်အဖွဲ့ဝင်များသည် ကော်မရှင်ဖွဲ့စည်းခြင်း၏ ရည်ရွယ်
ချက်များကို သွေဖည်ပြုလုပ်ခဲ့ရုံ မျှမက ၎င်းတို့က ပြုလုပ်သည့် သတင်းစာရှင်းလင်းပွဲ၌ပင်လျှင် အိမ်စာလုပ်မလာသည့်ကျောင်း သားကဲ့သို့ သတင်းထောက်၏မေး ခွန်းများကို ကျေလည်အောင်ဖြေ ဆိုပေးနိုင်ခြင်းမရှိခဲ့သည့်အတွက် ပြည်သူအများစု၏ မကျေနပ်မှုကို မြင့်တက်စေခဲ့ပါသည်။
သို့ရာတွင် မြန်မာနိုင်ငံအမျိုး သား လူ့အခွင့်အရေးကော်မရှင် သည် တည်ရှိနေဆဲဖြစ်သည့်အ ပြင် ၎င်းတို့အားဥပဒေနှင့်အညီ အ ရေးယူနိုင်ရန်လည်း ခဲယဉ်းနေဆဲ အခြေအနေ၌ ရှိနေသေးကြောင်း တွေ့ရပါသည်။
မြန်မာနိုင်ငံ အမျိုးသား လူ့ အခွင့်အရေးကော်မရှင်ဥပဒေကို ၂၀၁၄ မတ်လ ၂၈ ရက်တွင် ပြည် ထောင်စုလွှတ်တော်ဥပဒေအမှတ် (၂၁/၂၀၁၄) အဖြစ် ပြဋ္ဌာန်းခဲ့ပြီးဥက္ကဋ္ဌ၊ ဒုဥက္ကဋ္ဌနှင့် ကော်မရှင်အဖွဲ့ဝင်များကို ယခင်နိုင်ငံတော်သမ္မ တက ၂၀၁၄ စက်တင်ဘာ ၂၄ ရက်တွင် ဖွဲ့စည်းတာဝန်ပေးအပ် ခဲ့ခြင်း ဖြစ်ပါသည်။
မြန်မာနိုင်ငံအမျိုးသား လူ့ အခွင့်အရေးကော်မရှင်အဖွဲ့၏ ရာထူးသက်တမ်းမှာ ငါးနှစ်ဖြစ် ကြောင်း၊ အဖွဲ့ဝင်များသည် တစ် ဆက်တည်း ရာထူးသက်တမ်း နှစ် ခုထက် ပိုမိုထမ်းဆောင်ခွင့် မရှိ ကြောင်း ယင်းဥပဒေပုဒ်မ ၁၃၊ ၁၄ တွင် ပြဋ္ဌာန်းထားသည်။
ယင်းဥပဒေပုဒ်မ ၁၈ တွင် နိုင်ငံတော်သမ္မတသည် ပြည်သူ့ လွှတ်တော်ဥက္ကဋ္ဌ၊ အမျိုးသား လွှတ်တော်ဥက္ကဋ္ဌတို့နှင့် ညှိနှိုင်းပြီး ကော်မရှင်အဖွဲ့ဝင်တစ်ဦးဦးအား တာဝန်မှရပ်စဲနိုင်သည့်အချက် လေးချက်ကို ဖော်ပြထားသည်။ အကျဉ်းဖော်ပြရလျှင်
(က) ကျန်းမာရေးချွတ်ယွင်းမှု ကြောင့် တာဝန်ထမ်းဆောင်နိုင် စွမ်းမရှိတော့ကြောင်း တွေ့ရှိခြင်း၊
(ခ) တရားရုံးတစ်ခုခုက ပြစ်မှု ကြောင်းအရ ထောင်ဒဏ်ချမှတ်ခံ ရခြင်း၊
(ဂ) တရားရုံးတစ်ခုခုက လူမွဲအ ဖြစ် ကြေညာခြင်းခံရခြင်း၊
(ဃ)ကော်မရှင်က ချမှတ်ထား သော စည်းကမ်းချက်များကို လိုက်နာရန် ပျက်ကွက်ခြင်း -
အဆိုပါ အချက်လေးချက် တွင် အချက် သုံးချက်မှာ အနိမ့်ဆုံး အဆင့်ရှိ စာရေးဝန်ထမ်းတစ်ဦး၏ ယေဘုယျစည်းမျဉ်းသဖွယ် လျော့ လွန်းပြီး နောက်ဆုံးအချက်ဖြစ် သည့် ‘ကော်မရှင်က ချမှတ်ထား သော စည်းကမ်း’ဆိုသည်မှာ လည်း မြင်သာမှုမရှိေ၀၀ါးလှပါ သည်။ (ရာဇ၀တ်ကျူးလွန်မှုကို ငွေပေး၍ကျေအေးစေသည့်စည်း ကမ်းချက်မူ ရှိမည်မထင်ချေ)
၂၀၀၈ ခု ဖွဲ့စည်းပုံအခြေခံ ဥပဒေတွင် ပြည်ထောင်စုလွှတ် တော်သည် နိုင်ငံတော်သမ္မတနှင့် ဒုတိယသမ္မတများအပါအ၀င် ပြည်ထောင်စုဝန်ကြီးများ ပြည် ထောင်စုတရားသူကြီးချုပ်၊ ပြည် ထောင်စုရှေ့နေချုပ်၊ ပြည်ထောင် စုစာရင်းစစ်ချုပ် အစရှိသော သူ များကိုပင် စွပ်စွဲပြစ်တင်၍ ရာထူး တာဝန်မှ ဖယ်ရှားနိုင်သောအချက် များကို ဖော်ပြထားသည်။ ယင်း တို့မှာ -
(က) နိုင်ငံတော်၏ ကျေးဇူးသစ္စာ တော်ကို ဖောက်ဖျက်ခြင်း
(ခ)ဖွဲ့စည်းပုံအခြေခံဥပဒေပါပြဋ္ဌာန်း ချက်တစ်ရပ်ရပ်ကို ဖောက်ဖျက် ကျူးလွန်ခြင်း
(ဂ)အကျင့်သိက္ခာပျက်ပြားခြင်း
(ဃ) အရည်အချင်းပျက်ယွင်းခြင်း
(င) ဥပဒေအရ ပေးအပ်သောတာ ၀န်များကို ကျေပွန်စွာမဆောင် ရွက်ခြင်း
ပြီးခဲ့သည့် ပထမအကြိမ် လွှတ်တော်သက်တမ်းကာလအ တွင်း ဖွဲ့စည်းပုံအခြေခံဥပဒေဆိုင် ရာ ခုံရုံးဥက္ကဋ္ဌနှင့် အဖွဲ့ဝင်တို့ရာ ထူးမှ ဖယ်ရှားရေးအတွက် ပြည် ထောင်စုလွှတ်တော်ကဆောင် ရွက်စဉ်အတွင်း ယင်းအဖွဲ့တစ်ဖွဲ့ လုံးနုတ်ထွက်သွားခဲ့ရသည်။ နိုင်ငံ တော်သမ္မတသည် ပြည်ထောင်စု စာရင်းစစ်ချုပ်အား ရာထူးမှဖယ် ရှား၍ သတ္တုတွင်းဝန်ကြီးကို အစားထိုးခန့်အပ်ခဲ့သည်။
သို့ဖြစ်ရာ နိုင်ငံတော်သမ္မတ သည် ပြည်ထောင်စုဝန်ကြီးနှင့် ပြည်ထောင်စုရှေ့နေချုပ်၊ စာရင်းစစ်ချုပ်တို့ကို ၎င်းတို့၏ ရာထူးတာ ၀န်မှ ဖယ်ရှားနိုင်သည့်အခွင့်အာ ဏာရှိသော်လည်း ထိုသို့ဖယ်ရှား ခြင်း မပြုနိုင်သည့် ပြည်ထောင်စု တရားသူကြီးချုပ်နှင့် တရားသူ ကြီးများကိုပင် စွပ်စွဲပြစ်တင်သည့် နည်းလမ်းဖြင့် ရာထူးတာဝန်မှ ဖယ်ရှားနိုင်သော်လည်း အခြေခံ ဥပဒေအရ ဖွဲ့စည်းတာဝန်ပေး အပ်ခြင်း မဟုတ်သည့် မြန်မာနိုင်ငံ အမျိုးသားလူ့အခွင့်အရေးကော်မ ရှင် ဥက္ကဋ္ဌနှင့် အဖွဲ့ဝင်များကိုမူ နိုင်ငံတော်သမ္မတ၏ အခွင့်အာ ဏာဖြင့် ရာထူးတာဝန်မှဖယ်ရှား နိုင်သည့် ပြဋ္ဌာန်းချက်မတွေ့ရချေ။
ကော်မရှင်အဖွဲ့ဝင်တစ်ဦး သည် နိုင်ငံတော်၏ကျေးဇူးသစ္စာ ကို ဖောက်ဖျက်လျှင်ဖြစ်စေ၊ အ ကျင့်သိက္ခာပျက်ပြားလျှင်ဖြစ်စေ၊ အရည်အချင်းပျက်ယွင်းလျှင်ဖြစ် စေ၊ တာဝန်မကျေပွန်လျှင်ဖြစ် စေ၊ ယုတ်စွအဆုံး မြန်မာနိုင်ငံ လူ့ အခွင့်အရေးကော်မရှင်ဖွဲ့စည်းရ ခြင်း၏ ရည်ရွယ်ချက်များနှင့် သွေ ဖည်ဆန့်ကျင်၍ ဆောင်ရွက်လျှင် ဖြစ်စေ နိုင်ငံတော်သမ္မတအနေ ဖြင့်လည်းကောင်း၊ ပြည်ထောင်စု လွှတ်တော်အနေဖြင့်လည်း ကောင်း ၎င်းတို့၏ရာထူးတာဝန် ကို ရပ်စဲနိုင်သည့် ပြဋ္ဌာန်းချက် မတွေ့ရချေ။
ဤအချက်မှာ မြန်မာနိုင်ငံ အမျိုးသားလူ့အခွင့်အရေး ကော် မရှင်ဥပဒေ၏ အားနည်းချက်ဖြစ် သည်။လက်ရှိအတည်ဖြစ်ဆဲ မြန်မာနိုင်ငံ အမျိုးသားလူ့အခွင့် အရေးကော်မရှင်ဥပဒေအရဆို လျှင် ယင်းကော်မရှင်အဖွဲ့ဝင်များ ကို ထိရောက်စွာအရေးယူရန် တိုက်တွန်းသည့် ပြည်သူ့လွှတ် တော်၏အဆိုကို အကောင်အ ထည်ဖော်နိုင်သည့် နည်းလမ်း ကင်းမဲ့နေဆဲ ဖြစ်သည်။ ကော်မ ရှင်အဖွဲ့ဝင် (အချို့ဟုဆိုပါသည်) က မိမိတို့ အမှားကိုမိမိတို့ကိုယ် တိုင် သိမြင်ဝန်ခံ၍ နုတ်ထွက်လွှာ တင်သွင်းသည့် နည်းလမ်းမှအပ အခြားမရှိချေ။ တာဝန်ယူ၍ နုတ် ထွက်ခြင်း ယဉ်ကျေးမှုကို တစ် ကြိမ်မျှတော့ဖြင့် လုပ်ပြသင့်ပါ သည်။
နိုင်ငံတော်သမ္မတသည် အိမ် အကူမိန်းကလေးနှစ်ဦး ညှဉ်းပန်း နှိပ်စက်ခံခဲ့ရသည့် ကိစ္စကိုဖော် ထုတ်ပေးနိုင်ခဲ့သည့် သတင်း ထောက်ချုပ်ကိုဆွေဝင်းအား အ လျင်အမြန် ချီးကျူးဂုဏ်ပြုခဲ့သည့် အကြောင်းတစ်ချက်မှာ တည်ရှိဆဲ အမျိုးသားလူ့အခွင့်အရေးကော် မရှင်၏ လုပ်ကိုင်ဆောင်ရွက်ခဲ့မှု ကို ပြည်သူအများစုကဲ့သို့ ကျေနပ် ကြည်ဖြူခြင်းမရှိဟု ယူဆဖွယ်ရာ ရှိပါသည်။
သို့ဖြစ်ရာ မြန်မာနိုင်ငံအမျိုး သားလူ့အခွင့်အရေးကော်မရှင် ဥပဒေကို ပြင်ဆင်ပြဋ္ဌာန်းသင့်ပါ သည်။ ပြည်သူနှင့်ပြည်သူ့ကိုယ် စားလှယ်များက လက်မခံနိုင်သော ကော်မရှင်အဖွဲ့ဝင်များကို ဖယ် ရှား၍ ပြန်လည်ဖွဲ့စည်းသင့်ပါသည်။ ထိုသို့ပြန်လည်ဖွဲ့စည်းသည့်အခါ သိုးရေခြုံထားသော သားသတ်သ မားအား သမင်တောကိုစောင့် ရှောက်ရန် တာဝန်ပေးအပ်ခြင်း မျိုး မဖြစ်စေရေး အလေးဂရုပြုသင့်ပါကြောင်း ဖော်ပြအပ်ပါ သည်။
Credit - 7Day
