ပြေလွင်မြင့်
“ကလင်၊ကလင်၊ကလင်”
“လွှတ်တော် channel ကို ကြည့်ဖြစ်လားကိုပြေလွင်မြင့်”
“ဘာတွေ့လိုက်လို့လဲဗျ”
“သြော်-အမတ်တစ်ယောက်က သူတင်တဲ့ဥပဒေကြမ်းတစ်ခုကို ခံစားမှုအပြည့်နဲ့ပြောဆိုသွားတာလေ”
“အဲဒီတော့အောင်မြင်သွားသလား၊ကျွန်တော်မကြည့်လိုက်ရလို့”
“ဟင့်အင်း၊မအောင်မြင်ပါဘူး။သူကလူထုအကျိုးပြုထက်လူထုအကြိုက်ဖြစ်ဖို့ဦးတည်တတ်တယ်ဗျ။ဒါကြောင့်၊သူတင် တဲ့ဥပဒေကြမ်းတွေကအောင်မြင်တာနည်းတယ်။လွှတ်တော်ကြီးအသက်ဝင်စတုန်းကလည်း contempt of courts ကို ပယ် ဖျက်ပေးဖို့တင်ဖူးတယ်လေ”
“ကျွန်တော်မှတ်မိပြီ။တရားသူကြီးကိုအကာအကွယ်ပေးတဲ့ဥပဒေလိုဖြစ်နေပါတယ်ဆိုပြီး သူတင်ပြခဲ့တာပေါ့”
` “သူ အဲဒါမျိုးပြောတာကို သဘောကျတဲ့သူတွေလည်းရှိမှာဗျ”
“ရှိနိုင်တာပေါ့ဗျ၊တရားရုံးဆိုတာရုံးရောက်လာတဲ့အမှုသည်တိုင်းကိုအနိုင်ပေးပြီး၊ရွေးကောက်ပွဲနီးမှ စည်းရုံးရေးဆင်း သလိုလူတိုင်းကျေနပ်အောင်မျက်နှာချိုသွေးနေလို့ဖြစ်တာမှမဟုတ်ပဲ။ဒါနဲ့၊အဲဒီဥပဒေဟာတရားသူကြီးတွေကိုအကာအကွယ် ပေးထားတဲ့ဥပဒေလိုဖြစ်နေတယ်ဆိုတာ-အမှန်ပဲလို့ခင်ဗျားထင်သလား”
“ခင်ဗျားကလည်း ကျုပ်ကိုငတုံးအောက်မေ့နေပြန်ပါပြီ။ လွှတ်တော်အမတ်တွေကလည်း၊မတုံးကြောင်းပြလိုက်လို့သူ့အဆို ကထောက်ခံမဲသုံးမဲပဲရပြီးခွက်ခွက်လန်ရှုံးသွားတာပေါ့။ဒါနဲ့၊တရားရုံးများမထီမဲ့မြင်ပြုမှုအက်ဥပဒေကို သူကဘာကြောင့်သဲကြီး မဲကြီးဖြစ်နေတာလဲကိုပြေလွင်မြင့်”
“သူ့မေးမှသိမှာပေါ့ဗျာ။သူ့ကို အဲဒီဥပဒေနဲ့အရေးယူအပြစ်ပေးပြီးရှေ့နေလိုင်စင်ရပ်စဲခံရဖူးတယ်လို့ပြောကြတယ်ဗျ”
“ဟုတ်လား၊ခုလည်းဥပဒေကြမ်းတင်တာကိုလွှတ်တော်ကလက်မခံတော့ ဘာပြောသွားတယ်မှတ်သလဲ”
“ဘာပြောသွားလဲ”
“လွဲမှားတဲ့တရားစီရင်ရေးစနစ်တဲ့ဗျာ၊ဗလာချီအုပ်လို့လေ။လွှတ်တော်ဥက္ကဌကကြီးက သတိပေးရသတဲ့။ဂျာနယ်တွေ မှာ ဒီလောက်ဟိုးလေးတကျော်ရေးတာ ခင်ဗျားမတွေ့ဘူးလား”
“ခုတလောအလုပ်တွေများလို့ ဂျာနယ်မဖတ်ဖြစ်ဘူးဗျာ”
“ကျွန်တော်စဉ်းစားနေတာကဒီလိုဗျ။တရားရုံးတွေကို အဲဒီလိုပစ္စလက္ခတ်ပြောနေတာသိရက်နဲ့ ဘာမှမတုန့်ပြန်ဘဲငြိမ် ချက်သားကောင်းနေတာ ဘယ်လိုသဘောလဲလို့”
“ကျွန်တော်ဘယ်ပြောတတ်မှာလဲဗျာ”
“ဥပဒေနဲ့အညီဖွဲ့ထားတဲ့ဌာနအဖွဲ့အစည်းတစ်ခုကို သူတို့အဲသလိုပြောချင်တိုင်းပြောလို့ရသလားဗျ”
“ကျိုးကြောင်းဆီလျော်ရင်ပြောခွင့်ရတဲ့နေရာမှာတောင် အကျိုးအကြောင်းမဆီလျော်လို့်သတိပေးတားမြစ်နေပြီပဲဗျာ။ သူတို့မို့ ပြောချင်တိုင်းပြောခွင့်ရှိတယ်ဆိုပြီးဥပဒေနဲ့ကင်းလွတ်ခွင့်ပေးထားတာတော့ ကျွန်တော်မဖတ်ဖူးသေးဘူး”
“ပြည်သူလူထုရဲ့စိတ်ထဲမှာ သူဟာတရားရုံးတွေကိုပိုးစိုးပက်စက်ပြောချင်တိုင်းပြောနေတာတောင်ဘာမှအရေးယူမခံ ရဘူး။ပြီးတော့ ရုံးတွေမှာရှေ့နေလည်းလိုက်နေသေးတယ်။သူ့ကိုအားကိုးလိုက်ရင် တို့အမှုနိုင်မှာပဲထင်ကြမှာပေါ့ဗျ”
“ထင်တာရှိနိုင်ပါတယ်၊ရုံးတွေကိုတော့သူလိုက်တဲ့အမှုအနိုင်ပေးရမယ်လို့ညွှန်ကြားထားတာမရှိလောက်ပါဘူး၊တရား သူကြီးတွေကလဲ အဲသလောက်မတုံးပါဘူး”
“အမှုသည်တွေကတော့ဘယ်ပြောလို့ရမလဲဗျ။တရားရုံးတွေအပေါ်လွှမ်းမိုးနိုင်မယ်၊နိုင်စားမယ်ထင်ပြီး အားကိုးရှာချင် မှာပေါ့ဗျာ။ဘယ်သူမဆို နိုင်ချင်ကြတာကိုး။တစ်ချို့ဆို၊လွှတ်တော်အမတ်လည်းလုပ် တစ်ဖက်ကရှေ့နေလည်းလုပ်တဲ့သူကိုမှ အထင်တကြီးနဲ့ငှားတာတဲ့။လွှတ်တော်တက်ဖို့ရှိတယ်ပြောတာကိုပဲ ကိုယ်တိုင်မလိုက်နိုင်လည်းရှေ့နေပါဝါလေးပဲလက်မှတ် ထိုးပေးရင်တော်ပါပြီလို့ တောင်းပန်ကြ၊ ခယ,ကြသတဲ့”
“ ဟုတ်ရဲ့လားဗျာ”
“အရင်တုန်းက ပါဝါလက်မှတ်ထိုးပေးရုံနဲ့ နှစ်သိန်း၊နောက်တော့သုံးသိန်းလောက်ဈေးပေါက်သတဲ့”
“ဒါဆို ကိုယ်တိုင်အမှုလိုက်ပေးရင်တော်တော်ရမယ်ထင်တယ်”
“ကြားတာတော့ ရှေ့နေခသိန်းရာချီပြီးရတာရှိသတဲ့။ တစ်သက်လုံးတစ်ခါမှမရခဲ့ဖူးတဲ့နှုန်းပေါ့။ ကျွန်တော်တောင်၊ နောက်တစ်ခါရွေးကောက်ပွဲကျရင် ဇာတိပြန်ပြီးအရွေးခံရကောင်းမလားစဉ်းစားတယ်။အမတ်ဖြစ်ပြီးမှရှေ့နေလည်းလိုက်ရင် အမတ်လုပ်တဲ့ထောက်ပံ့ကြေးလည်းရမယ်။ရှေ့နေခလည်းမက်မက်စက်စက်တောင်းလို့ရမယ်”
“ကိုယ့်လူက အတော့်ကိုရည်ရွယ်ချက်ကြီးမားတာပါလား”
“ဒါကြောင့် ဖုံတက်နေတဲ့ကျွန်တော့်လိုင်စင်ကိုပြန်အသက်သွင်းမလားလို့”
“အင်းလေ၊အမတ်လုပ်ရင်ရှေ့နေလိုင်စင်ပြန်အပ်ရမယ်လို့ ပြဌာန်းချက်မှမရှိပဲ။ခင်ဗျားသဘောပေါ့”
“ဟုတ်တယ်ဗျာ။ရှေ့နေအမတ်တစ်ယောက်ဆို ရန်ကုန်ကသူ့အမှုရှိတဲ့ရုံးကိုကော်မတီဝင်အဖြစ်နဲ့သွားစစ်သတဲ့”
“လေ့လာတယ်ပြောပါဗျာ၊ဖွဲ့စည်းပုံအခြေခံဥပဒေမှာစစ်ဆေးပိုင်ခွင့်ရှိတယ်လို့မပါပါဘူး”
“ခင်ဗျားကမပါဘူးပြောတယ်။သူကအချုပ်ခန်းဝင်စစ်ပြီးရဲကခိုးမှုနဲ့တရားစွဲထားတဲ့ခုနစ်ယောက်လား၊ရှစ်ယောက်လား၊ မိသားတစ်စုလုံးကိုချုပ်ထားတာတွေ့ခဲ့ရပါတယ်ဆိုပြီး အော်ကြီးဟစ်ကျယ်လုပ်လို့ စာနယ်ဇင်းတွေမှာအုတ်အော်သောင်းတင်း ရေးလိုက်ကြတာ မတွေ့ဘူးလား”
“ခိုးမှုတရားခံကို ချုပ်မိန့်ပေးတာဥပဒေနဲ့ဆန့်ကျင်လို့လားဗျာ”
“ဥပဒေနဲ့အရဒီလိုပဲလုပ်ရတယ်ဆိုတာ ကောင်းကောင်းနားမလည်တဲ့စာနယ်ဇင်းတွေတောင်ရှိတယ်ဗျ၊သူပြောတာကို ပဲ အဟုတ်မှတ်ပြီးလိုက်ရေးနေတာ”
“ဟ၊စာနယ်ဇင်းပါဆှိ၊ နားမလည်ရင်နားလည်အောင်လေ့လာပြီးမှရေးပေါ့ဗျာ”
“အဲဒါတော့မသိဘူး။ရှေ့နေကြီးအဲသလိုပြောပြီးကတည်းကစာနယ်ဇင်းကသူ့ကိုကြော်ငြာပေးသလိုဖြစ်ပြီးအတော့်ကိ်ု ကျော်ကြားသွားတာ။အမှုလာငှားတဲ့သူတွေ၊တရားရုံးကိုမကျေနပ်လို့တိုင်စာလာပို့တဲ့တရားရှုံးတွေ၊သူ့ရုံးမှာခြေချင်းလိန်ဆိုပဲ”
“ကြားရတာစိတ်ပျက်စရာဗျာ၊မသိတာလည်းအပြစ်ပဲလို့ ပြောရတော့မှာပဲ”
“ဟေ့လူ- ကိုပြေလွင်မြင့်၊မသီတာစမ်းချောင်းနဲ့ဘာဆိုင်လို့လဲဗျ”
“ကိုယ့်လူ၊ကျုပ်က မသီတာကိုပြောတာမဟုတ်ဘူး။မသိတာကိုပြောတာ၊မသိတာ နားမလည်တာကိုပြောတာ”
“ဆောရီး၊ကျုပ်က ဖုန်းပြောနေရင်းခင်ဗျားအိပ်ငိုက်သွားတယ်ထင်လို့”
“ခင်ဗျားကအတင်းအဖျင်းတွေချည်းပြောနေလို့ နည်းနည်းတော့ငိုက်သွားတယ်။ခု-ဒေါပွလို့မျက်လုံးပြန်ကျယ်သွားပြီ”
“ပြောချင်တာမပြီးသေးဘူးဗျ။ဘယ်ရောက်သွားပြီလဲ။အဲ-သိပြီ၊အဲဒီရှေ့နေကြီးရဲ့လုပ်ကွက်တွေကို ကျွန်တော်သတိပြု မိလာတာလေးပြောဦးမယ်။ရန်ကုန်အမှုသူလိုက်တယ်၊မန္တလေးအမှုလည်းလိုက်တယ်။အဲဒီတုန်းက ရန်ကုန်တရားစီရင်ရေးက ယိမ်းယိုင်ပြီး မန္တလေးတရားစီရင်ရေးကပြိုလဲနေပါပြီလို့ပြောတယ်။မွန်ပြည်နယ်ဘက်ကအမှုလည်းသူ့ကိုလာငှားရော၊မွန်ပြည် နယ်မှာတရားဥပဒေစိုးမိုးရေးရှိမရှိ သိချင်လို့အဲဒီအမှုကိုလက်ခံတာပါတဲ့။ ရှမ်းပြည်နယ်ကအမှုလာငှားပြန်တော့ ရှမ်းပြည်နယ် တရားစီရင်ရေးက တရားခွင်ပေါ်မှာငွေထုပ်ကြီးတင်စစ်နေတာပါလို့ဆိုပြန်ရော၊လုပ်ကွက်တွေနော်၊လုပ်ကွက်တွေ”
“သူ့ကိုလာမငှားသေးတဲ့မြို့တွေက တရားရုံးတွေက သူ့ရဲ့ပါးစပ်သေနတ်နဲ့လွတ်နေသေးတာပေါ့လေ”
“လွှတ်တော်ထဲတောင် စည်းလွတ်ဝါးလွတ်ပြောနေတာပဲကိုပြေလွင်မြင့်ရယ်။ တရားဥပဒေစိုးမိုးရေးလုပ်နေတာလို့ သူ့ကိုယ်သူ စိတ်ကြီးဝင်နေနိုင်သေးတာဗျ”
“သူ့ကိုဦးစားပေးမှတရားဥပဒေစိုးမိုးရေး၊သူလိုက်တဲ့အမှုနိုင်မှတရားဥပဒေစိုးမိုးရေး။အဲဒီလိုများထင်နေသလားဗျာ”
“ပြည်မြို့ရောက်သွားတဲ့ပညာရှင်ဆရာကြီးတစ်ယောက်ကို နိဗ္ဗာန်အကြောင်းပြောပြပါလို့ တောင်းဆိုကြသတဲ့”
“ကိုယ့်လူ၊ဘာသာရေးနဲ့မရောထွေးနဲ့လေဗျာ၊မဆိုင်တာမပြောနဲ့ဗျာ”
“ဆိုင်လာပါလိမ့်မယ်ဗျာ၊ပညာရှင်ဆရာကြီးရဲ့ပြောပုံလေးကိုသဘောကျလို့ပါ။ နိဗ္ဗာန်ကိုသူမရောက်ဖူးတော့ နိဗ္ဗာန်အ ကြောင်း သူဘယ်ပြောနိုင်မလဲတဲ့။ပြောလည်းခင်ဗျားတို့နားလည်မှာမဟုတ်ဘူးတဲ့။သူပြောနိုင်တာက နိဗ္ဗာန်ကိုတားဆီးနေတဲ့ တဏှာကိုတော့ဖြင့်သူကောင်းကောင်းသိတယ်တဲ့။တဏှာအကြောင်းပြောကြရအောင်ဗျာဆိုပြီး၊ ကာမတဏှာ၊ ဘ၀တဏှာ၊ ၀ိဘ၀တဏှာဆိုတာတွေပြောတယ်။တဏှာ-၃ပါးကိုအာရုံ-၆ပါးနဲ့မြှောက်-၁၈ပါး၊အဲဒါကိုအတိတ်၊ပစ္စုပ္ပန်၊အနာ၈တ်ကာလ-၃ပါး နဲ့မြှောက်-၅၄ပါး၊အဲဒါကို အဇ္ဈတ္တ၊ဗဟိဒ္ဓ၊သန္တာန်-၂ပါးနဲ့မြှောက်-၁၀၈ပါး”
“ကိုယ့်လူ၊ဘာတွေလဲဗျာ။အိပ်ချင်လာပြီ”
“ဟိုလူတွေလည်းခင်ဗျားလိုအိပ်ချင်နေမှာပဲဗျ။တဏှာအစစ်-၁၀၈ဆိုတာကိုကျကျနနရှင်းပြပြီးတော့မှ အဲဒီ-တဏှာရဲ့ ဆန့်ကျင်ရာကိုထွက်မြောက်နိုင်မှနိဗ္ဗာန်ကိုတွေ့မှာတဲ့။့့့့့ ဆိုတော့မှ မျက်လုံးပြူးကုန်တာ”
“ဘာ၊ဘယ်လို-ဘယ်လို”
“rule of law ရဲ့ အချုပ်ကဘယ်သူမဆိုဥပဒေရဲ့ရှေ့မှောက်မှာတန်းတူညီမျှရှိရမှာလေဗျာ။no one is above the law ဆိုပြီး ခင်ဗျားတို့ပဲအော်အော်နေတာလေ။အထူးတန်းပွဲကြည့်စင်ပေါ်စိုင်ကော်လို့ရောက်ပြီး အခွင့်အရေးပိုရလိုလို့ ခြောက်စား ဟောက်စားလုပ်ပြနေတာက rule of law ရဲ့ အတားအဆီးပဲ၊အဖျက်အမှောင့်ပဲ”
“တစ်ခေါက်လောက်ပြန်ပြောပြပါလားဗျာ”
“တစ်ခုပဲမေးမယ်။ခင်ဗျားတို့က ရွာမီးရှို့မှ၊ဗုံးခွဲမှ၊၀ရုန်းသုန်းကားအကြမ်းဖက်မှ၊အဖျက်အမှောင့်လို့ ထင်နေတာလား”
“ဂွပ်”
The Ladies News Journal
