မောင်ရင့်မာ ( ကျောင်းကုန်း )
'' သြော်-ဘရူးတပ်စ်၊ မင်းလည်းပါသကိုး''
ကမ္ဘာလောကသည် ဆန်ပေးတိုင်း ဆေးရတတ်သည်မဟုတ်ပါချေ။ လူတစ်ယောက်၏ဘဝတွင် ဘရူးတပ်(စ်)ကဲ့သို့သော နောက်ကျောကို ဓားနှင့် ထိုးသူ၊ ခရစ်တော်ကို သူသတ်တို့လက်သို့ထိုးအပ်ခဲ့သည့် ခရစ်တော်၏ လူယုံ ယုဒကဲ့သို့သော သစ္စာမဲ့သူ၊ ထိုသို့သော မိတ်ဆွေမျိုးနဲ့ ကြုံကောင်းကြုံရနိုင်ပါသည်။ ''မိတ်ဆွေ'' ဆိုပေမည့် ''မြွေဆိပ်လို မိတ်ဆွေ'' ဖြစ်ပါသည်။
''မြွေဆိပ်လိုမိတ်ဆွေ''ရှိသည်ဆိုလျှင် ''ရိုးသားတဲ့ရန်သူ''ဆိုသည်လည်း ရှိရပေလိမ့်မည်။
''ရန်သူနှင့်အတူ အိပ်စက်ခြင်း'' ဟူသော အက်ဆေးတစ်ပုဒ်ကိုဖတ်မိခဲ့ စဉ်က ကျွန်တော့်ရင်ထဲသို့ တွန်းတွန်းထိုးထိုး ဝင်ရောက်လာသောစကားလုံး တစ်ခုရှိသည်။ ရိုးသားတဲ့ရန်သူ။
ရိုးသားသော ရန်သူရှိသလော။ ချစ်စရာကောင်းသည့် ရန်သူရှိသလော။ ရန်သူကို ချစ်၍ရနိုင်သလော။ ရန်သူနှင့် အတူပေါင်းဖွဲ့၍ အိပ်စက်ပျော်နိုင်ပါသလော။
ဘဝခရီးတစ်လျှောက်တွင် ကျွန်တော်တို့သည် မလွဲမသွေ ကြုံဆုံရမည့် လူနှစ်စားရှိသည်။
ချစ်သူစစ်စစ်နဲ့ ရန်သူစစ်စစ်။ ကွယ်လွန်သူ ကဗျာဆရာမောင်ချောနွယ်ကတော့ အဲသလိုဆိုခဲ့ဖူးသည်။ ရန်သူနှင့် မိတ်ဆွေ၊ အဲသည်နှစ်ခု။ မိတ်ဆွေ ဆိုသည်မှာ တစ်ဦးတစ်ယောက်၏ ဘဝခရီးအတွက် လိုအပ်ချက်တစ်ခုဖြစ်သည် ဆိုခြင်းကို အငြင်းမပွားတန်ရာသော်လည်း ရန်သူသည် ဘဝအတွက် လိုအပ်ချက်တစ်ခုဖြစ်၊ မဖြစ် အငြင်းပွားဖွယ် ရှိမည်ထင်သည်။ အငြင်းပွား ဖွယ်ရာရှိနိုင်သည်။
Inna Cummin ပြောဖူးသောစကားကို ကျွန်တော်သဘောကျသည်။
''ကျွန်မမှာ မိတ်ဆွေသုံးဦးရှိတယ်။ ချစ်သူ၊ မုန်းသူ၊ အလေးဂရုမထား သူတို့ပဲဖြစ်ပါတယ်။ ကျွန်မကို ချစ်သူတွေက ယဉ်ကျေးသိမ်မွေ့အောင် သင်ပေးတယ်။ မုန်းသူတွေက သတိထားတတ်အောင်သင်ပေးတယ်။ ကျွန်မကို အလေးမထားသူတွေကတော့ ကိုယ့်ကိုယ်ကိုယ်တန်ဖိုးထားတတ်အောင် သင်ပေးတယ်''တဲ့။
''နိုင်ငံရေးဆိုတာ ရန်သူကို မိတ်ဆွေဖြစ်အောင်လုပ်တာ''ဟူ၍ ဆရာ ဒဂုန်တာရာမကွယ်လွန်မီ တဖွဖွပြောခဲ့သည်။ ထိုအချက်နှင့်စပ်လျဉ်း၍ အငြင်းပွားမှုမရှိခဲ့သော်လည်း ''မုန်းသူမရှိချစ်သူသာရှိ''ဟု ဆိုခဲ့ခြင်းနှင့် စပ်လျဉ်း၍မူ အငြင်းပွားသူများရှိခဲ့သည်။ ငြင်းခုံ၊ ဝေဖန်၊ စောဒကတက်သံများ ညံညံကျယ်ခဲ့သည်။ ဆရာ၏အဘိဓမ္မာကို ကျားကုတ်ကျားခဲခုခံသူများလည်း ရှိသည်။
''ချစ်သူကို မုန်းသူဖြစ်အောင်'' လုပ်တတ်သော သူမျိုးလည်းရှိပေလိမ့်မည်။
ကျွန်တော်သည် ရန်သူနှင့် မိတ်ဆွေတို့၏ ခြားနားသောသဘောကို တွေးတောဆင်ခြင်ကြည့်မိပါသည်။
ချစ်သောသူများပင်ဖြစ်စေကာမူ တစ်ယောက်ကိုတစ်ယောက် အကျိုးမလိုလားတော့ဘူးဆိုလျှင်၊ တစ်ဦး၏ ပျက်စီးရာပျက်စီးကြောင်းကို တစ်ဦးက ပြုလုပ်နေမည်ဆိုလျှင်၊ ပျက်စီးစေလို၊ ဆုံးရှုံးစေလို၊ ထိခိုက်နစ်နာစေလိုသော သဘောဆန္ဒရှိမည်ဆိုလျှင် ထိုသူသည် ရန်သူပဲဖြစ်ပါသည်။
မုန်းသောသူများပင်ဖြစ်စေကာမူ တစ်ယောက်ကို တစ်ယောက်အကျိုး လိုလားမှုရှိမည်ဆိုလျှင်၊ တစ်ဦး၏ အကျိုးရှိရာရှိကြောင်းကို တစ်ဦးက ပြုလုပ်မည်ဆိုလျှင်၊ ပွားစည်းစေလိုအောင်မြင်စေလိုခိုင်မြဲစေလိုမထိခိုက် မနစ်နာစေလိုသော သဘောဆန္ဒရှိမည်ဆိုလျှင် ထိုသူသည် မိတ်ဆွေပဲ ဖြစ်ပါသည်။
အင်းဝနှင့် ဟံသာဝတီတို့ အကြိမ်ကြိမ်ဆင်နွှဲခဲ့သော စစ်ပွဲများအတွင်း လူယောက်ျား၊ မိန်းမ၊ ကလေး၊ ဆင်၊ မြင်း၊ ကျွဲ၊ နွား၊ စစ်သည် သူရဲကောင်းများစွာ ကျဆုံးကျေပြုန်းခဲ့သည်။ အင်းဝသည် ဟံသာဝတီကို မသိမ်းပိုက်နိုင်သကဲ့သို့ ဟံသာဝတီကလည်း အင်းဝကို မသိမ်းပိုက်နိုင်ခဲ့။ အရှုံးအနိုင်လည်း မပေါ်ခဲ့ချေ။ ထို့နောက် အင်းဝဘုရင်မင်းခေါင် နတ်ရွာစံသည်။ ထိုသတင်းသည် မင်းခေါင်၏ရန်သူ ဟံသာဝတီဘုရင်အတွက် ဝမ်းမြောက်ဖွယ်ဟူ၍ ယိုးမှားစရာရှိသည်။ သို့သော် သူ့ရှင်ရာဇာဓိရာဇ်အဖို့ရာ ဘုရင်မင်းခေါင်နတ်ရွာ လားသည့်သတင်းသည် ကြေကွဲဖွယ်ရာသတင်းတစ်ပုဒ်ပဲဖြစ်နေသည်။ ရန်သူ ဘုရင်၏ နာရေးကို ကြားသိရသောအခါ ဟံသာဝတီဘုရင် သူ့ရှင်ရာဇာဓိရာဇ်သည် ဝမ်းနည်း ယူကျုံးမရဖြစ်ခဲ့သည်။ ရှိုက်ကြီးတငင်ငိုကြွေးခဲ့လေသည်။
ယောက်ျားကောင်းတို့သည်သာ ရန်သူ၏ ကျဆုံးမှုကို ဝမ်းနည်းစရာ၊ နှမြောတသကြေကွဲစရာအဖြစ် ခံစားနိုင်သည့် ကြီးမြတ်သော နှလုံးသားရှိကြသည်။
ရန်သူကို မိတ်ဆွေဖြစ်အောင် အောင်အောင်မြင်မြင်လုပ်ပြသွားနိုင်ခဲ့သူ တစ်ဦးရှိသည်။ မဝေးကွာလှသေးသော လတ်လတ်ဆတ်ဆတ်သမိုင်း၌ အသေအချာရှိခဲ့ဖူးပါသည်။
တစ်ချိန်သောအခါက မြစ်ဝကျွန်းပေါ်ဒေသတွင် တစ်မြေတည်းနေ တစ်ရေတည်းသောက်တို့သည် ရန်သူကြီးများသဖွယ် စစ်ခင်းခဲ့ကြသည်။ မုန်းတီးစရာအကြောင်း လုံလောက်စွာမရှိပါဘဲလျက် အချင်းချင်း သတ်ဖြတ်ခဲ့၊ ရွာတွေ မီးရှို့ခဲ့ကြသည်။ ကျွန်တော်တို့၏ အမိအဖတွေ တစ်ရွာပြီး တစ်ရွာ စစ်ရှောင်ပြေးခဲ့ကြသည်။ အသက်ကို ဖက်နှင့် ထုပ်ခဲ့ကြရသည်။
ကရင်ခေါင်းဆောင် ဗိုလ်စောစံဖိုးသင်က ''စောစံဖိုးသင်ပြောသောပုံပြင်''တွင် ဤသို့ပြန်ပြောပြဖူးသည်။
''ဘီအိုင်အေခေါင်းဆောင် ဗိုလ်ချုပ်အောင်ဆန်းဟာ ကျွန်တော့်ရန်သူပါ။ ကျွန်တော် အခုပြောချင်တာက ဗိုလ်ချုပ်ဟာ ရန်သူကို မိတ်ဆွေဖြစ်အောင် ဘယ်လိုလုပ်တတ်သလဲဆိုတာ အင်မတန် ထူးကဲတဲ့ အချက်ပဲဖြစ်ပါတယ်''။
၁၉၄၃ ခုနှစ် သြဂုတ်လ ၁ ရက် မြန်မာပြည်လွတ်လပ်ရေးကြေညာသောအခါ ဗိုလ်စောစံဖိုးသင်က ရန်ကုန်သို့ ဆင်းလာခဲ့သည်။ သူ့မိတ်ဆွေအချို့က မသွားနဲ့ဟု တားသည်။ သခင်တွေက ခင်ဗျားကို သတ်လိမ့်မယ်ဟု ပြောသည်။ သို့သော် သူသွားခဲ့သည်။ သခင်ဗိုလ်၊ သခင်မောင်ကြီးတို့နှင့်တွေ့သည်။ ထို့နောက် သခင်သန်းထွန်း၊ နောက်ဆုံး ဗိုလ်ချုပ်နှင့်တွေ့သည်။
''ခင်ဗျား ဘယ်သူလဲ'' ဗိုလ်ချုပ်က မေးသည်။
''ကျုပ်- ခင်ဗျားရဲ့ ရန်သူပဲ၊ စောစံဖိုးသင်ဆိုတာကျွန်တော်ပဲ၊'' ဗိုလ်ချုပ်က ရုတ်တရက်အံ့သြသွားသည်။ ထို့နောက် စောစံဖိုးသင်ကြီး အကြီးအကျယ် အံ့သြတုန်လှုပ်သွားအောင် တုံ့ပြန်လိုက်သည်။
''A brave enemy is a good friend''
''သတ္တိရှိတဲ့ ရန်သူဟာ အကောင်းဆုံးမိတ်ဆွေပဲ'' စကားတစ်ခွန်းဖြင့် စောစံဖိုးသင်သည် ဗိုလ်ချုပ်နှင့် ဆွေးနွေးသွားခဲ့သည်။ မိတ်ဆွေရင်းချာဖြစ်သွားခဲ့သည်။ ယုံကြည်မှုတည်ဆောက်နိုင်ခဲ့သည်။ သံလိုက်လို ဆွဲဆောင်သော ညှို့ဓာတ်ရှိသူဟု သူက ပြောပါသည်။ သူသည် နောင်အခါ ဗိုလ်ချုပ်၏ အစိုးရအဖွဲ့တွင် ဝန်ကြီးပင်ဖြစ်ခဲ့လေသေးရာ ၁၉၄၇ ခုနှစ် ဇူလိုင် ၁၉ ရက် ခေါင်းဆောင်ကြီးများ လုပ်ကြံခံခဲ့ရစဉ်က ဝန်ကြီးဦးစောစံဖိုးသင်သည် မအူပင်တွင် သင်္ဘောပျက်နေခဲ့သောကြောင့် အာဇာနည်ဖြစ်ခွင့်မရခဲ့''ဟူ၍ ပြန်ပြောပြခဲ့သည်။
ရန်သူကို မိတ်ဆွေဖြစ်အောင်လုပ်နည်းကို ဗိုလ်ချုပ်က စံနမူနာပြသွားခဲ့သည်။
တစ်နည်းအားဖြင့် ငြိမ်းချမ်းရေးချိုးငှက်ကို အနုပညာမြောက်ထုဆစ်လို့ ရနိုင်သည်ဟု ပြောပြသွားခဲ့ခြင်းပဲ ဖြစ်ပါသည်။
ကျွန်တော်တို့သည် တစ်ဦးတစ်ယောက်၏ မိတ်ဆွေဖြစ်နိုင်သကဲ့သို့ တစ်ချိန်တည်းတွင် တစ်ဦးတစ်ယောက်၏ ရန်သူလည်း ဖြစ်နေနိုင်ပါသည်။ မိတ်ဆွေများ ရန်သူဖြစ်နိုင်သကဲ့သို့ ရန်သူများလည်း မိတ်ဆွေဖြစ်နိုင်သည်ကို အငြင်းမပွားတန်ရာပါ။
ရန်သူပင် ဖြစ်လင့်ကစား ရိုးသားဖြောင့်မှန်ပါက လေးစားဖွယ်ဖြစ်သည်။ ယောက်ျားကောင်းတို့သည် ရိုးသား၍ ရဲရင့်သော ရန်သူကို လေးစားအသိအမှတ်ပြုနိုင်သည်အထိ စိတ်နှလုံးကြီးမြတ်မှုရှိပြီး ကြီးမြတ်သည့် စိတ်နှလုံးရှိသူများသာ ရန်သူကို လေးစားအသိအမှတ်ပြုနိုင်ကြသည်။
ရန်သူများကို လေးစားအသိအမှတ်ပြုတတ်ခြင်းမရှိဘဲနှင့် ကျွန်တော်တို့သည် ငြိမ်းချမ်းရေးအကြောင်းကို ပြောခွင့်မရှိဟု ထင်သည်။ ငြိမ်းချမ်းရေး မဆိုထားနှင့် တစ်ဦးတစ်ယောက်နှင့် လက်ဆွဲနှုတ်ဆက်ဖို့ပင် မဖြစ်နိုင်ဟု ကျွန်တော်ထင်ပါသည်။ ။
{Source : the Mirror Daily}
