မြန်မာဗုဒ္ဓဘာသာဝင်မိန်းမများအထူးထိမ်းမြားမှုနှင့် အမွေဆက်ခံမှုဥပဒေကြမ်း ၁၉၃၇ ခုနှစ်
ဦးမြသိန်း (ဝိဇ္ဇာ၊ ဥပဒေဝိဇ္ဇာ)
မြန်မာဗုဒ္ဓဘာသာဝင် အမျိုးသမီးများ၏အကျိုးကို ကာကွယ် စောင့်ရှောက်ပေးရန်လိုအပ်သည်ဖြစ်၍ ''မြန်မာဗုဒ္ဓဘာသာဝင်မိန်းမများ အထူးထိမ်းမြားမှုနှင့် အမွေဆက်ခံမှုအက်ဥပဒေ'' ကို အက်ဥပဒေအမှတ် ၂၄/၁၉၃၉ အဖြစ် အင်္ဂလိပ်အစိုးရလက်ထက်ကစတင်ပြဋ္ဌာန်းခဲ့ပြီး ဖဆပလ အစိုးရလက်ထက်တွင် ''၁၉၅၄ ခုနှစ်၊ ဗုဒ္ဓဘာသာဝင်မိန်းမများ အထူး ထိမ်းမြားမှုနှင့် အမွေဆက်ခံမှုအက်ဥပဒေ''ကို အက်ဥပဒေအမှတ် ၃၂/ ၁၉၅၄ အဖြစ် ၁၉၅၄ ခုနှစ် ဧပြီလ၂၃ ရက်နေ့က ပြဋ္ဌာန်းခဲ့ပါသည်။
''မြန်မာဗုဒ္ဓဘာသာဝင်မိန်းမများ အထူးထိမ်းမြားမှုနှင့် အမွေဆက်ခံခြင်း အက်ဥပဒေ(၁၉၃၉)'' ကို ''၁၉၅၄ခုနှစ်၊ မြန်မာဗုဒ္ဓဘာသာဝင်မိန်းမများ အထူးထိမ်းမြားမှုနှင့်အမွေဆက်ခံမှုအက်ဥပဒေ'' ပုဒ်မ ၃၁ အရ ရုပ်သိမ်း ခဲ့ပြီးဖြစ်ပါသည်။
ယခုတစ်ဖန် ပြည်ထောင်စုသမ္မတမြန်မာနိုင်ငံတော်၊ ပြည်ထောင်စု လွှတ်တော်ရုံးက အမိန့်ကြော်ငြာစာအမှတ်(၁၁၁/၂ဝ၁၄)ဖြင့် ၂ဝ၁၄ နိုဝင်ဘာလ ၂၈ ရက်နေ့က '' မြန်မာဗုဒ္ဓဘာသာဝင်မိန်းမများ အထူးထိမ်းမြား ခြင်းဆိုင်ရာ ဥပဒေကြမ်း''ကို အများပြည်သူများဖတ်ရှုလေ့လာပြီး အကြံ ဉာဏ်များပေးနိုင်ရန် ထုတ်ပြန်ခဲ့ပြီး သင့်လျော်သောအချိန်တွင် ပြည်ထောင်စု လွှတ်တော်၌ ဆွေးနွေးကြတော့မည်ဖြစ်ပေသည်။
ပြည်ထောင်စုသမ္မတ မြန်မာနိုင်ငံတော် ပြည်ထောင်စုလွှတ်တော်က လိုအပ်သော ဥပဒေများကို ပြဋ္ဌာန်း၍ မလိုအပ်သောဥပဒေများကို ဖျက်သိမ်း ပြီး ပြင်ဆင်သင့်သည်များကို နိုင်ငံတော်နှင့်ပြည်သူများအကျိုးငှာ ပြင်ဆင် လျက်ရှိပါသည်။
လွန်ခဲ့သောနှစ်ပေါင်း ၇၈ နှစ်၊ တိတိပပဆိုရလျှင် ၁၉၃၇ ခုနှစ်အတွင်း အင်္ဂလိပ်အစိုးရအုပ်စိုးစဉ်လက်ထက် အထက်လွှတ်တော်၌ လွှတ်တော် အမတ်များက ယင်း ''မြန်မာဗုဒ္ဓဘာသာဝင်မိန်းမများ အထူးထိမ်းမြားမှုနှင့် အမွေဆက်ခံမှုဥပဒေမူကြမ်း'' အပေါ် ဆွေးနွေးခဲ့ပုံများမှာ ဥပဒေလေ့လာ လိုက်စားသူများအဖို့ အလွန်လေ့လာမှတ်သားထိုက်ပြီး ဥပဒေအနှစ်သာရတို့ နှင့် ပြည့်နှက်လျက်ရှိပါသည်။
ဦးကျော်ဒင်၊ အထက်လွှတ်တော်အမတ် ။ ။ရွေးချယ်ရေးကော်မတီက တင်ပြလာသည့်အတိုင်း မြန်မာဗုဒ္ဓဘာသာဝင်မိန်းမများ အထူးထိမ်းမြားမှုနှင့် အမွေဆက်ခံမှုဥပဒေမူကြမ်းကိုလွှတ်တော်မှစဉ်းစားနိုင်ပါရန် လေးစားစွာ တင်ပြပါသည်။ ဤဥပဒေပြဋ္ဌာန်းရန် ရည်ရွယ်ချက်နှင့် အကြောင်းခြင်းရာ များကို ကြိုတင်ဖြန့်ဝေပြီးဖြစ်သော်လည်း မြန်မာဗုဒ္ဓဘာသာဝင်မိန်းမများက ဗုဒ္ဓဘာသာဝင်မဟုတ်သူများနှင့် လက်ထပ်လိုက်သည့်အခါ၊ ယင်းမိန်းမများ၏ ဥပဒေအရအဆင့်အတန်းမည်သို့ရှိမည်၊ အကျိုးမည်သို့ရှိမည်တို့ကို လွှတ် တော်မှ စဉ်းစားနိုင်ရန် အတိုချုပ်တင်ပြပါမည်။ ဗမာနိုင်ငံ(မြန်မာနိုင်ငံ)သည် ဗုဒ္ဓဘာသာဝင် အများစုနေထိုင်သော နိုင်ငံတစ်နိုင်ငံဖြစ်ပါသည်။ ကျွန်ုပ်တို့ ကျင့်သုံးလျက်ရှိသော မြန်မာဓလေ့ထုံးတမ်းဥပဒေမှာ မြန်မာနိုင်ငံ တွင် အစဉ်တစိုက်လိုက်နာကျင့်သုံးလျက်ရှိသော မြန်မာနိုင်ငံ၏ ရေမြေ အရင်းခံဥပဒေဖြစ်ပါသည်။ ယင်းဥပဒေမှာ လက်ထပ်ထိမ်းမြားခြင်း၊ ကွာရှင်း ပြတ်စဲခြင်း၊ အမွေဆက်ခံခြင်းတို့နှင့်သက်ဆိုင်ပြီး ယင်းဥပဒေမှာ လူမှုရေးသက်သက်သာဖြစ်၍ ဘာသာရေးနှင့် လုံးဝ မသက်ဆိုင်ပါ။
ခရစ်ယာန်ဘာသာဝင်တို့တွင် လက်ထပ်ထိမ်းမြားခြင်းမှာ ဘာသာရေး အခမ်းအနားတစ်ခုဖြစ်ပြီး ဟိန္ဒူဘာသာဝင်တို့သည် ဟိန္ဒူဘာသာဝင် မဟုတ်သူတို့နှင့်လက်ထပ်ခွင့်မရှိပါ။ မဟာမေဒင်ဥပဒေတွင် လက်ထပ်ထိမ်း မြားခြင်းနှင့် ပတ်သက်လျှင် လိုက်နာရသည့်စည်းကမ်း၊ ထုံးနည်းများ ရှိပါ သည်။ မဟာမေဒင်ဘာသာဝင်အချင်းချင်းသာ လက်ထပ်၍ရပါသည်။
ဗုဒ္ဓဘာသာဝင်မိန်းမအဖို့ ဗုဒ္ဓဘာသာဝင်မဟုတ်သူ ယောက်ျား တစ်ယောက်နှင့် လက်ထပ်ပြီးနောက် မည်မျှပင်ခင်ပွန်းသည်ကို ချစ်မြတ်နိုး ၍ ခင်ပွန်းသည်ကို ပံ့ပိုးကူညီစောင့်ရှောက်သည်ဖြစ်စေ နောက်ဆုံး၌ ဥပဒေ ၏ အကာအကွယ်ကင်းမဲ့မှုကြောင့် တရားမဝင်အငယ်အနှောင်းဘဝနှင့်သာ နေရပြီး သားသမီးများမှာလည်း တရားမဝင်တန်ဖိုးမရှိ(bastard) သားသမီး များသာဖြစ်ရလျက် ဥပဒေအရ မည်သည့်အကျိုးခံစားခွင့်မျှမရရှိခဲ့ကြပါ။ ဗုဒ္ဓဘာသာဝင်မဟုတ်သူယောက်ျားက ဗုဒ္ဓဘာသာဝင်မိန်းမကို လက်ထပ်လို လျှင်လည်း ယခုဥပဒေအရမှတ်ပုံတင်အရာရှိထံတွင် လွယ်ကူစွာလက်ထပ် နိုင်ခွင့်ရှိပါ၍ ကြီးကျယ်သည့် အခမ်းအနားပင်မလိုပါ။
မစ္စတာမာဇအမ်ဒီရဖီ၊ အထက်လွှတ်တော်အမတ် ။ ။ကျွန်ုပ်၏ ဂုဏ် သရေရှိ၊ ပညာရှိမိတ်ဆွေ အနည်းငယ်မျှ သည်းခံစောင့်ဆိုင်းမည်ဆိုပါက မကြာမီ ကျွန်ုပ်တင်ပြမည့်အချက်ကို သိရှိလာပါလိမ့်မည်။ ကျွန်ုပ်မှီငြမ်းပြု ၍ တင်ပြလိုသည်မှာ မြန်မာနိုင်ငံအစိုးရအက်ဥပဒေပုဒ်မ ၄၄ ၊ ပိုဒ်ခွဲ ၂၊ ပိုဒ်မခွဲငယ် ၃ တွင် မြန်မာနိုင်ငံလွှတ်တော်သည် ဥပဒေပြုရာ၌ သူတစ်ဦး၏ ဘာသာရေးနှင့်စပ်လျဉ်း၍ ၎င်း၏ပစ္စည်းစီမံခန့်ခွဲမှုတစ်စုံတစ်ရာကို ထိခိုက် စေရန် ပြဋ္ဌာန်းခွင့်မရှိဆိုသည့်အချက်ပင်ဖြစ်ပေသည်။ ဥပဒေကြမ်းကို ဖတ်ရှု လေ့လာမည်ဆိုပါက ဗုဒ္ဓဘာသာဝင်မဟုတ်သူ ယောက်ျားများအတွက် ရည်ရွယ် ထားကြောင်း ပေါ်လွင်ထင်ရှားပါသည်။ ဤဥပဒေမှာ ဗုဒ္ဓဘာသာဝင် မဟုတ်သူယောက်ျား၏မူလလိုက်နာရသည့် ဥပဒေမှ လုံးဝပြောင်းလဲလိုက်ခြင်း ပင်ဖြစ်သည်။ မူဆလင်ဥပဒေအရ ယောက်ျားသေဆုံးလျှင် ကျန်ရစ်သူဇနီးက ကျန်ရစ်သည့် အမွေပုံတွင်(နှစ်ပြား)ရှစ်ပုံတစ်ပုံရ၍ ကျန်(ဆယ့်လေးပြား) ရှစ်ပုံခုနစ်ပုံကို သားသမီးများအား ခွဲဝေပေးသည်။ ထို့အပြင် ¤င်းမသေမီ ¤င်းပိုင်ပစ္စည်း၏ သုံးပုံတစ်ပုံကို သေတမ်းစာရေးခွင့်ရှိပြီး ကျန်သုံးပုံနှစ်ပုံကို မူဆလင်အမွေခန်းတရားအရ အမွေဆိုင်များကို ခွဲဝေပေးသည်။ သို့ဖြစ်ရာ ဤဥပဒေကြမ်းသည် ထိုသူ၏ ပစ္စည်းစီမံခန့်ခွဲမှုကို ထိခိုက်စေပါသည်။ ထို့ကြောင့် ဗုဒ္ဓဘာသာဝင်အမျိုးသမီးတစ်ဦးကို ယူလိုက်သည်နှင့် ဗုဒ္ဓဘာသာဝင် မဟုတ်သော လင်ယောက်ျားအဖို့ မိမိနှင့်သက်ဆိုင်သည့် မူလဥပဒေကို လုံးဝ ဆုံးရှုံးရပြီး ဗုဒ္ဓဘာသာဓလေ့ထုံးတမ်း ဥပဒေကသာ လွှမ်းမိုးသွားသည့်သဘော ဖြစ်နေပါသည်။
ဦးသိန်းမောင်၊ ရှေ့နေချုပ် ။ ။နာယကကြီးခင်ဗျာ၊ ကျွန်တော်သည် ရွေးချယ်ရေးကော်မတီတွင် အဖွဲ့ဝင်တစ်ဦးဖြစ်ပါသည်။ ကျွန်တော့်အနေနှင့် လွှတ်တော်က လက်ခံလာစေရန် ကြိုးစား၍တင်ပြပါမည်။ လွှတ်တော်က ယခု ကဲ့သို့သောဥပဒေမျိုးကို ပြဋ္ဌာန်းနိုင်သည်မှာ လွှတ်တော်၏လုပ်ပိုင်ခွင့်အတွင်း intra vires ကျရောက်ပါသည်။ ဤဥပဒေကြမ်းသည် ဗုဒ္ဓဘာသာဝင်မဟုတ် သူများကို ဖိနှိပ်ခွဲခြားဆက်ဆံရန်မဟုတ်ဘဲ မိမိတို့တိုင်းပြည်ရှိ ဗုဒ္ဓဘာသာဝင် မိန်းမများကို ဖိနှိပ်ခွဲခြားဆက်ဆံနေခြင်းမှ ကယ်တင်နိုင်ရန်ဖြစ်ပါသည်။
ဤဥပဒေကြမ်း၏ ရည်ရွယ်ချက်မှာ မြန်မာဗုဒ္ဓဘာသာဝင် မိန်းမ တစ်ယောက်ကို ဗုဒ္ဓဘာသာဝင်မဟုတ်သူ ယောက်ျားတစ်ယောက်က လက်ထပ် ပေါင်းသင်းခဲ့လျှင် မြန်မာဓလေ့ထုံးထမ်းဥပဒေကို လိုက်နာရမည်ဖြစ်ပါသည်။
မြန်မာဗုဒ္ဓဘာသာဝင်မိန်းမကိုဖြစ်စေ၊ အခြားဘာသာဝင်မိန်းမကိုဖြစ်စေ လက်ထပ်လိုက်သည်နှင့် လင်ယောက်ျားအဖို့ ဇနီးသည်နှင့် မိသားစုအတွက် လင်ယောက်ျား၏ တာဝန်ဝတ္တရားများရှိလာပါသည်။ ပစ္စည်းခန်းမှာ လက်ထပ် ပြီးနောက် ဖြစ်ပေါ်စေသည့်အကြောင်းအရာဖြစ်ပါသည်။ ကျွန်ုပ်၏ဂုဏ်သရေ ရှိမိတ်ဆွေ ဦးကျော်ဒင်၏ တင်ပြချက်ကို ဖြည့်စွက်တင်ပြရလျှင် မြန်မာဗုဒ္ဓ ဘာသာဝင်မိန်းမကို လက်ထပ်မည့် ဗုဒ္ဓဘာသာဝင်မဟုတ်သူယောက်ျားသည် ဤဥပဒေဖြင့်သာ လက်ထပ်ရမည်ဟု မဆိုလိုပါ။
ခရစ်ယာန်ဘာသာဝင်ယောက်ျားက မြန်မာဗုဒ္ဓဘာသာဝင်မိန်းမကို လက်ထပ်သည့်အခါ ခရစ်ယာန်ဘာသာဝင်များ လက်ထပ်ထိမ်းမြားသောဥပဒေ အရ လက်ထပ်နိုင်ပါသည်။ ဟိန္ဒူ ၊ စစ်(ခ်)နှင့် ဂျိမ်းဘာသာဝင်တို့ကလည်း မြန်မာဗုဒ္ဓဘာသာဝင် မိန်းမကို အထူးလက်ထပ်ထိမ်းမြားခြင်းဥပဒေအရ လက်ထပ်နိုင်ပါသည်။ မဟာမေဒင်ဘာသာဝင်ယောက်ျားကလည်း မြန်မာဗုဒ္ဓ ဘာသာဝင်မိန်းမကို လက်မထပ်မီ မြန်မာဗုဒ္ဓဘာသာဝင်မိန်းမက မဟာမေဒင် ဘာသာသို့ကူးပြောင်းပြီး လက်ထပ်နိုင်ပါသည်။ မြန်မာဗုဒ္ဓဘာသာဝင်မိန်းမက မဟာမေဒင်ဘာသာသို့မကူးပြောင်းလိုသည့်အခါ ယခုဥပဒေအရ လက်ထပ်ရန် သာဖြစ်ပါသည်။ မဟာမေဒင်ဘာသာဝင်ယောက်ျားက မြန်မာဗုဒ္ဓဘာသာဝင် မိန်းမကို လက်ထပ်လိုက်သည့်နောက် မဟာမေဒင်ဥပဒေကို လိုက်နာရမည်လော၊ မြန်မာ့ဓလေ့ထုံးတမ်းဥပဒေကိုလိုက်နာရမည်လောဟု အငြင်းပွားကြလျှင် မြန်မာနိုင်ငံ၏ မြန်မာ့ဓလေ့ ထုံးတမ်းဥပဒေ ကိုသာလိုက်နာရပါမည်။ နိုင်ငံ၏ဥပဒေlaw of the landကိုသာ လိုက်နာရပါမည်။ ယင်းမူမှာ အင်္ဂလန်နိုင်ငံ တွင်လည်း လက်ရှိလိုက်နာကျင့်သုံးနေသော ဥပဒေဖြစ်ပါသည်။ ထို့ကြောင့် မြန်မာဗုဒ္ဓဘာသာဝင်မိန်းမကို လက်ထပ်လျှင် မြန်မာ့ဓလေ့ထုံးတမ်းဥပဒေကို သာ လိုက်နာရမည်မှာ ခိုင်မာသော ဥပဒေမူဖြစ်ပါသည်။ ဗုဒ္ဓဘာသာဝင် မဟုတ်သူယောက်ျားက မြန်မာဗုဒ္ဓဘာသာဝင်မိန်းမကို လက်ထပ်ပြီးနောက် အကျိုးဆက်များကို တာဝန်မယူနိုင်ဆိုခြင်းမှာ အဓိပ္ပာယ်ကင်းမဲ့လှပါသည်။
ဥပမာနိုင်ငံခြားသားတစ်ယောက်သည် တစ်စုံတစ်ရာကို ဖောက်ဖျက်ကျူးလွန် ၍ ဒဏ်ငွေဆောင်ရခြင်း၊ ပစ္စည်းသိမ်းဆည်းခံရခြင်းများ ရှိခဲ့လျှင် ၎င်းသည် ဘာသာခြားဖြစ်၍ ထိုသို့လက်မခံနိုင်ပါဟု ပြောဆို၍မရနိုင်ပါ။ ဗုဒ္ဓ ဘာသာဝင် မဟုတ်သူ ယောက်ျားက မြန်မာဗုဒ္ဓဘာသာဝင်မိန်းမတစ်ယောက် ကို လက်ထပ်လျှင် ဖြစ်ပေါ်လာမည့်အကျိုးဆက်များ ဥပဒေအခွင့်အရေး များကို လက်မခံနိုင်ဆိုပါက ယင်းမိန်းမကိုလက်ထပ်ခြင်းမှ ရှောင်ကြဉ် ရန်သာရှိပါသည်။ မြန်မာနိုင်ငံ၌ မြန်မာဗုဒ္ဓဘာသာဝင်မိန်းမကို လက်ထပ် ပြီးမှ မိမိကိုးကွယ်ရာ မဟာမေဒင်ဥပဒေကိုသာ လိုက်နာသင့်သည်ဟု လှေနံနှစ်ဖက်နင်း၍မရပါ။
စိန်ကြည်နှင့်မအိ အထက်မြန်မာပြည်စီရင်ထုံးအတွဲ၈၊ စာမျက်နှာ ၃၉၉ တွင် ဆာချား(လ်)ဖောက်က လင်ယောကျာ်း၏ ဥပဒေကိုသာလိုက်နာ၍ ဇနီးမယား၏ ဥပဒေကိုမျက်ကွယ်ပြုရမည်ဆိုသည့်အချက်မှာ အကျိုး အကြောင်းခိုင်လုံသော ဥပဒေသမဟုတ်ပါ။ ဗြိတိသျှတရားရုံးများတွင်လည်း လက်ထပ်ထိမ်းမြားသည့်ကိစ္စများနှင့်စပ်လျဉ်း၍ “lex loci contractus” ပဋိညာဉ်ပြုရာဒေသ၏ဥပဒေ၊ law of the land” ယင်းနိုင်ငံ၏ ဥပဒေနှင့် သာ လိုက်နာဆုံးဖြတ်ခဲ့ကြကြောင်း ထင်ရှားသည်။ထို့ကြောင့်အင်္ဂလန်တွင် လက်ထပ်လျှင် အင်္ဂလိပ်ဥပဒေနှင့်သာ လိုက်နာဆုံးဖြတ်ရမည်ဟုဆိုသည်။ ၄င်းတို့၏ မူလဥပဒေများကို လိုက်နာရန်မဟုတ်ချေ။ မြန်မာနိုင်ငံအစိုးရ အက်ဥပဒေပုဒ်မ ၄၄၊ ပုဒ်မခွဲ ၂၊ ပုဒ်မခွဲငယ် ၃ အရဟု တင်ပြချက်များကို ထည့်သွင်းစဉ်းစားရန်အကြောင်းမရှိပါကြောင်းနှင့် ဤဥပဒေကြမ်းနှင့်လည်း သက်ဆိုင်ခြင်းမရှိကြောင်းတင်ပြပါသည်။
ဒေါက်တာဒေါ်စောစ၊ အထက်လွှတ်တော်အမတ် ။ ။နာယကကြီးရှင့် မြင့်မားခိုင်မာသော ဥပဒေတင်ပြချက်များကို ကြားရပြီးနောက် ဆက်လက် ဆောင်ရွက်ရန်သာရှိပါကြောင်း။
ဦးကျော်ဇံ (ရန်ကုန်)၊ အထက်လွှတ်တော်အမတ် ။ ။ ဤဥပဒေကြမ်း က သတိပေးလိုက်သည်မှာ မြန်မာဗုဒ္ဓဘာသာဝင်မဟုတ်သော ယောက်ျား တို့သည် မြန်မာနိုင်ငံသို့လာရောက်ပြီး ကျွန်ုပ်တို့၏ မြန်မာဗုဒ္ဓဘာသာဝင် မိန်းမများကို မထိပါးစေရန်နှင့်ထိပါးလာပါက ဤဥပဒေကို တစ်သဝေမတိမ်း လိုက်နာရမည်သာဖြစ်သည်ဟု အစရှိသည်အားဖြင့် အထက်လွှတ်တော် အမတ်အသီးသီးတို့ကဆက်လက်ဆွေးနွေးကြပြီးနောက် မြန်မာဗုဒ္ဓဘာသာ ဝင်မိန်းမများ အထူးထိမ်းမြားမှုနှင့်အမွေဆက်ခံမှုအက်ဥပဒေ (၁၉၃၉ ခုနှစ် အက်ဥပဒေအမှတ် ၂၄) ဟူ၍ ဦးစွာပထမ ပြဋ္ဌာန်းထွက်ပေါ်လာခဲ့ ပါသည်။
သို့ပါ၍ ပြည်ထောင်စုလွှတ်တော်၏ အမိန့်ကြော်ငြာစာအမှတ် (၁၁/ ၂ဝ၁၄)ဖြင့်အများ ပြည်သူဖတ်ရှုလေ့လာပြီး အကြံဥာဏ်များပေးပို့နိုင်ရန် ထုတ်ပြန်ခဲ့သည့် မြန်မာဗုဒ္ဓဘာသာဝင်မိန်းမများ အထူးထိမ်းမြားခြင်း ဆိုင်ရာဥပဒေကြမ်းသည် လက်ထပ်ထိမ်းမြားခြင်း၊ ကွာရှင်းပြတ်စဲခြင်း၊ အမွေဆက်ခံခြင်းတို့နှင့်သာသက်ဆိုင်ပြီး လူမှုရေးသက်သက်သာဖြစ်၍ ဘာသာရေးနှင့် လုံးဝသက်ဆိုင်မှုမရှိကြောင်း ဗုဒ္ဓဘာသာဝင်မိန်းမများကို ဖိနှိပ်ခွဲခြားဆက်ဆံခြင်းမှ ကယ်တင်ရန် မြန်မာဗုဒ္ဓဘာသာဝင်မိန်းမများကို မထိပါးစေရန်နှင့် ထိပါးလာပါက ဤဥပဒေဖြင့် အကာအကွယ်ပြုရန်သာ ဖြစ်ကြောင်း ကိုးကားရေးသားတင်ပြလိုက်ရပါသည်။
