ဒဏ်ငွေမှ စရိတ်စက (သို့မဟုတ်) လျော်ကြေး သတ်မှတ်ပေးနိုင်ခြင်း
တည်ဆဲဥပဒေ တစ်ရပ်ရပ်အရ တရားရုံး တစ်ရုံးရုံးက ငွေဒဏ် ချမှတ်တဲ့ အခါမှာဖြစ်ဖြစ်၊ ငွေဒဏ် ပါတဲ့ ပြစ်ဒဏ်ကို အယူခံမှု၊ ပြင်ဆင်မှု၊ အခြားအမှု တစ်မျိုးမျိုးမှာ ငွေဒဏ်ပြစ်ဒဏ် (သို့မဟုတ်) ငွေဒဏ်ပါတဲ့ ပြစ်ဒဏ်ကို အတည်ပြုတဲ့ အခါမှာပဲ ဖြစ်ဖြစ် တရားရုံးက စီရင်ချက် ချမှတ်တဲ့အခါ ရရှိတဲ့ ဒဏ်ငွေအားလုံးကို သော်လည်းကောင်း၊ တစ်ချို့တစ်ဝက်ကို သော်လည်းကောင်း တရားခံက အမှုမှ နစ်နာသူထံ စရိတ်စက (သို့မဟုတ်) လျော်ကြေး ပေးစေရန် သတ်မှတ်ပေးနိုင်ကြောင်း ပြစ်မှုဆိုင်ရာ ကျင့်ထုံးဥပဒေ ပုဒ်မ ၅၄၅(၁)မှာ ပြဋ္ဌာန်းထားတဲ့ ပြဋ္ဌာန်းချက် အကြောင်းကို ယနေ့ လေ့လာဆွေးနွေး တင်ပြပေးသွားမှာ ဖြစ်ပါတယ်။
ဒီပြဋ္ဌာန်းချက်အရ နစ်နာသူအား ဒဏ်ငွေမှ စရိတ်စက (သို့မဟုတ်) လျော်ကြေး သတ်မှတ်ပေးစေတယ် ဆိုတဲ့ကိစ္စဟာ လက်တွေ့နယ်ပယ်မှာ ကျင့်သုံးဆောင်ရွက်မှု နည်းပါးလှတယ် ဆိုတာကိုတော့ သတိထားမိပါတယ်။ သို့သော်လည်း ဥပဒေပညာကို နှံ့နှံ့စပ်စပ် လေ့လာမှတ်သားနိုင်ကြစေဖို့ ဗဟုသုတ အလို့ငှာ တင်ပြပေးမှာ လည်း ဖြစ်ပါတယ်။ ကျင့်သုံးဆောင်ရွက်မှု နည်းပင် နည်းလင့်သည် ဆိုလင့်ကစား တစ်ချိန်က အဆင့်မြင့် တရားရုံးတစ်ရုံးက ဒီလို ဒဏ်ငွေမှ လျော်ကြေး သတ်မှတ်ပေးခဲ့ဖူးတာကို တွေ့ကြုံခဲ့ဖူးလို့ ကျွန်တော် စိတ်ဝင်တစား မှတ်သား လေ့လာခဲ့ပါတယ်။ စိတ်ဝင်စားဖို့ ကောင်းတဲ့ ပြဋ္ဌာန်းချက် တစ်ရပ်ဖြစ်လို့ အကျယ်တ၀ံ့ ဆွေးနွေးပါ့မယ်။
ခေါင်းစဉ်ပါ အကြောင်းအရာနဲ့ ပတ်သက်လို့ ပြစ်မှုဆိုင်ရာ ကျင့်ထုံးဥပဒေ ပုဒ်မ ၅၄၅(၁)ကို အသေးစိတ် လေ့လာကြည့်မယ် ဆိုရင် တည်ဆဲဥပဒေ တစ်ရပ်ရပ်အရ တရားရုံး တစ်ရုံးရုံးက ငွေဒဏ် ချမှတ်ရာမှာ ဖြစ်ဖြစ်၊ ငွေဒဏ်ပါတဲ့ ပြစ်ဒဏ်ကို အထက်အဆင့်မြင့် အယူခံ/ပြင်ဆင် တရားရုံးက ငွေဒဏ်ပြစ်ဒဏ် (သို့မဟုတ်) ငွေဒဏ်ပါတဲ့ ပြစ်ဒဏ်ကို အတည်ပြုရာမှာပဲ ဖြစ်ဖြစ် တရားရုံးက စီရင်ချက် ချမှတ်ရာဝယ် ရရှိတဲ့ ဒဏ်ငွေအားလုံး (သို့မဟုတ်) တစ်ချို့တစ်ဝက်ကို အောက်ပါအချက် (၃)ချက်နဲ့ စရိတ်စက/ လျော်ကြေးငွေ သတ်မှတ်ပေးနိုင်မှာ ဖြစ်ပါတယ်။
(၁) တရားစွဲဆိုရာမှာ အထိုက်အလျောက် ကုန်ကျတဲ့ စရိတ်စက၊
(၂) တရားမရုံးမှာ နစ်နာသူ အနေနဲ့ လျော်ကြေး လုံလုံလောက်လောက် ရရှိနိုင်လိမ့်မယ်လို့ တရားရုံးက ထင်မြင်တဲ့အခါ ပြစ်မှုကြောင့် ထိုသူရဲ့ ဆုံးရှုံးမှု၊ နစ်နာမှုအတွက် လျော်ကြေးငွေ၊
(၃) တစ်ဦးတစ်ယောက်ဟာ ခိုးမှု၊ အလွဲသုံးစားမှု၊ ယုံကြည်အပ်နှံရေး ဖောက်ဖျက်မှု၊ လိမ်လည်မှု၊ ခိုးရာပါပစ္စည်း လက်ခံမှု/ လက်ဝယ်ထားမှု၊ ယင်းပစ္စည်းကို ထုခွဲရာမှာ ကူညီမှုများနှင့် ပတ်သက်တဲ့ ပြစ်မှုတစ်ရပ်ရပ်နဲ့ ပြစ်ဒဏ်ထင်ရှား စီရင်ခြင်း ခံရတဲ့အခါမျိုးမှာ ထိုပစ္စည်းကို လက်ရှိထားခွင့် ရှိသူသို့ ပြန်ပေးရလျှင် သဘောရိုးနဲ့ ၀ယ်ယူခဲ့မိတဲ့ အခြားသူ မည်သူ့ကိုမဆို ပစ္စည်းဆုံးရှုံးရတဲ့ အတွက် တရားခံက လျော်ကြေးငွေ ပေးအပ်စေရန် တရားရုံးက အမိန့်ချမှတ် ပေးနိုင်ပါတယ်။
ပုဒ်မ ၅၄၅ ရဲ့ ပုဒ်မခွဲ(၂)မှာ အယူခံခွင့်ရှိတဲ့ အမှုတွေမှာ ငွေဒဏ် ချမှတ်ခဲ့ရင် အယူခံ တင်သွင်းရန် အတွက် ခွင့်ပြုထားတဲ့ အချိန်ကာလ မကုန်ဆုံးမီမှာ ဖြစ်ဖြစ်၊ အကယ်၍ အယူခံ တင်သွင်းခဲ့ရင်လည်း အဆုံးအဖြတ် မပြုရသေးမီမှာ ဖြစ်ဖြစ် အဆိုပါ ဒဏ်ငွေများကို ထုတ်ပေးခြင်း မပြုရကြောင်း ကန့်သတ် ပြဋ္ဌာန်းထားတာ တွေ့ရှိရပါတယ်။ သတိပြု လိုက်နာရမယ့် အချက်တစ်ရပ်ပဲ ဖြစ်ပါတယ်။ ဒါ့အပြင် သတိထားရမယ့် နောက်တစ်ချက်က ပုဒ်မ ၅၄၆ အရ အကြောင်းအရာ တစ်ရပ်နဲ့ စပ်လျဉ်းလို့ နောက်ထပ် စွဲဆိုမယ့် တရားမမှုမှာ တရားရုံးက လျော်ကြေး ချမှတ်ပေးတဲ့ အခါမှာ ပုဒ်မ ၅၄၅ အရ လျော်ကြေးအဖြစ် သတ်မှတ်ပေးခဲ့တဲ့ (သို့မဟုတ်) ရရှိခဲ့ပြီးဖြစ်တဲ့ ငွေကြေး တစ်စုံတစ်ရာကို တရားရုံးက ထည့်သွင်းခုနှိမ် ပေးရမယ် ဆိုတာကိုလည်း သတိထားရမှာ ဖြစ်ပါတယ်။
ရဲအရေးမပိုင်တဲ့ ပြစ်မှုတစ်ခုခုနဲ့ တရားရုံးသို့ ဦးတိုက်တိုင်လျှောက်မှု တွေမှာ ရုံးက တရားခံအပေါ် ပြစ်မှုထင်ရှား စီရင်ခဲ့ရင် ၎င်းတရားခံအပေါ် ချမှတ်တဲ့ ပြစ်ဒဏ်အပြင်၊ ယင်းသို့ တိုင်လျှောက်ချက် အတွက် ကုန်ကျစရိတ်၊ ဒါ့အပြင် မိမိသက်သေများကို ဖြစ်စေ၊ တရားခံကို ဖြစ်စေ အမိန့်ဆင့်စာ ချမှတ်ရတဲ့ အတွက် ပေးရတဲ့ ကုန်ကျစရိတ်တွေကို တရားခံက တိုင်တန်းသူ တရားလိုထံ ပေးစေရန် အမိန့်ချမှတ်နိုင်ပါတယ်။ တကယ်လို့ ထိုစရိတ်ငွေတွေကို ပေးဆောင်ဖို့ ပျက်ကွက်နေမယ် ဆိုရင်တော့ တရားခံကို ရက်ပေါင်း(၃၀) ထက် မပိုတဲ့ အလုပ်မဲ့ထောင်ဒဏ် ကျခံစေရန် အမိန့်ချမှတ်နိုင်ကြောင်း ပုဒ်မ ၅၄၆(၁)မှာ ပြဋ္ဌာန်းထား ပါတယ်။ ပုဒ်မ ၅၄၇ အရ ငွေဒဏ်မှတစ်ပါး ယခုကဲ့သို့သော စရိတ်စကငွေ (သို့မဟုတ်) လျော်ကြေးငွေကို ပေးဆောင်ရမည် ဖြစ်သော၊ ထို့ပြင် ငွေတောင်းခံရန် နည်းလမ်းကို အခြားနည်း အတိအလင်း ပြဋ္ဌာန်းထားခြင်း မရှိတဲ့ ငွေတစ်ရပ်ရပ်ကို ငွေဒဏ်ကဲ့သို့ပဲ တောင်းခံနိုင်ခွင့် ရှိမှာ ဖြစ်ပါတယ်။
လေ့လာမှတ်သားဖွယ် စီရင်ထုံး ကောက်နုတ်ချက်များကို ဗဟုသုတ အဖြစ် ဆက်လက် တင်ပြပေးပါ့မယ်။
* ပုဒ်မ ၅၄၅ အရ ခွင့်ပြုသော လျော်ကြေးမှာ တရားစွဲရာတွင် ကုန်ကျသင့် ကုန်ကျထိုက်သော စရိတ်များကို ကာမိစေရန် ရည်ရွယ်သည်။
(အောက်မြန်မာပြည် အတွဲ-၁၊ စာ-၄၈)
* စီရင်ချက်ချမှတ်စဉ် ဒဏ်ငွေမှ လျော်ကြေးပေးစေရန် အမိန့် ချမှတ်သင့်သည်။ စီရင်ချက် ချမှတ်ပြီးနောက် နောက်ထပ် အမိန့် ချမှတ်ခြင်း မပြုနိုင်။
(၁၈၉၂-၉၆၊ အထက်မြန်မာပြည်၊ စာ-၈၀)
* ဆင့်စာခ သာမက တရားဝင် ကုန်ကျသော စရိတ်များနှင့် ရရှိစေသည့် ဒဏ်ရာအတွက် လျော်ကြေးတို့ကို ပုဒ်မ ၅၄၅ အရ ခွင့်ပြုနိုင်သည်။
(အက်စ်ဂျေ အယ်လ်ဘီ၊ စာ-၄၀၉)
* ငွေကြေးဆုံးရှုံးမှု မရှိသော အသေးအဖွဲ အမှုများတွင် လျော်ကြေး မပေးသင့်။
(အက်စ်ဂျေ အယ်လ်ဘီ၊ စာ-၅၃၈)
* နစ်နာသည်ထက် ပို၍ လျော်ကြေး မပေးသင့်။
(အောက်မြန်မာပြည်၊ အတွဲ-၃၊ စာ-၅၀)
ဥပဒေတစ်ရပ်ရပ်မှာ (ယခုကဲ့သို့ ဒဏ်ငွေထဲမှ ပေးတဲ့ လျော်ကြေး မဟုတ်တဲ့) လျော်ကြေး ချမှတ်ပေးနိုင်ကြောင်း ပြဋ္ဌာန်းချက် မရှိရင်တော့ လျော်ကြေးအမိန့် ချမှတ်နိုင်ခွင့် မရှိဘူးဆိုတာကို သတိချပ် ရပါမယ်။ ၁၉၆၄ ခုနှစ်၊ မော်တော်ယာဉ် ဥပဒေ ပုဒ်မ ၂၃ မှာ လျော်ကြေး ချမှတ်ပေးနိုင်ခွင့် ရှိတယ်လို့ မှတ်သားရပါတယ်။ ၁၉၆၄ ခုနှစ်၊ မော်တော်ယာဉ် ဥပဒေ ပုဒ်မ ၂၃ အရ တရားခံအပေါ် ငွေဒဏ်ပြစ်ဒဏ် စီရင်ခဲ့တဲ့ အမှု တစ်မှုမှာ တရားရုံးက လျော်ကြေး သတ်မှတ်ပေးခဲ့ခြင်း အပေါ် တွေးခေါ်ယူဆပုံ နဲ့ လုပ်ထုံးလုပ်နည်း ဆိုင်ရာ စံနမူနာပြ စီရင်ထုံးတစ်ခု ပေါ်ထွက်ခဲ့ဖူး ပါတယ်။ အဲဒါကတော့ ပြည်ထောင်စု မြန်မာနိုင်ငံ နှင့် မောင်ဘငြိမ်း (၁၉၇၀၊ မတစ (ရုံးချုပ်)၊ စာ-၁၂၃) စီရင်ထုံးပဲ ဖြစ်ပြီး ဖတ်ရှုမှတ်သားသင့်လို့ အကျယ်တ၀ံ့ပဲ ဖော်ပြပေး လိုက်ပါတယ်။
ဆုံးဖြတ်ချက်။ ။ ပုဒ်မ ၂၃ တွင် ဖော်ပြသော လျော်ကြေးသည် ပြစ်ဒဏ်မဟုတ်၊ ငွေဒဏ်မဟုတ်၊ လျော်ကြေးကို အရတောင်းသည်၊ ပေးဆပ်ရသည်။ ငွေဒဏ်ကို စီရင်သည်၊ တပ်ရိုက်သည်။ အသုံးအနှုန်းမှအစ အတွေးအခေါ် အထိ မတူချေ။ ယခုခေတ်တွင် အချို့သော ရာဇ၀တ် ပြစ်မှုများ၌ ထောင်ဒဏ်အစား နစ်နာသူအား လျော်ကြေး သတ်မှတ်သည့် နည်းစနစ်ကို စမ်းသပ်လျက် ရှိကြရာဝယ် ကျွန်ုပ်တို့က လျော်ကြေးမပေးက ထောင်ဒဏ် သတ်မှတ်ခြင်းသည် လျော်ကန် သင့်မြတ်သည်ဟုလည်း မဆိုသာချေ။ ထို့ကြောင့် မော်တော်ယာဉ် ဥပဒေ ပုဒ်မ ၂၃ တွင် လျော်ကြေးပေးရန် ပျက်ကွက်မှသာလျှင် ရာဇ၀တ်ကျင့်ထုံး ပုဒ်မ ၃၈၆ အရ ပစ္စည်း ၀ရမ်းကပ်ခြင်း စသည့်နည်းဖြင့် (တရားရုံးများလက်စွဲ အပိုဒ် ၇၃၁ ကိုကြည့်) အရ ကောက်ခံနိုင်ရန် ပုဒ်မခွဲ-၄ က "ငွေဒဏ်ကဲ့သို့ အရ တောင်းခံရမည်" ဟု လမ်းညွှန် ပြဋ္ဌာန်းထားခြင်း ဖြစ်သည်။ လျော်ကြေး မပေးက ထောင်ဒဏ်ကျခံစေရမည် ဟု မောင်ဘငြိမ်း ပြင်ဆင်မှုတွင် အမိန့်ချမှတ် ခဲ့ခြင်းသည် ဥပဒေ ပြဋ္ဌာန်းချက်နှင့် မညီချေ။
ထပ်မံဆုံးဖြတ်ချက်။ ။ တိုက်ခိုက်မိ၍ ကျိုးပဲ့ပျက်စီးသော ဓာတ်မီးတိုင်၊ မော်တော်ယာဉ် စသည်တို့သည် ထင်ရှားသော "ပစ္စည်း"များ ဖြစ်ကြသည်။ ထိုကဲ့သို့ ထင်ရှားသော ပစ္စည်းထက် ပို၍ ပျက်စီးသော ပစ္စည်းများ ရှိလျှင် အထင်အရှား ပြရန် လျော်ကြေးတောင်းသူတွင် တာဝန်ရှိသည်။ ပျက်စီးရခြင်းသည် ပြစ်မှုနှင့် သွယ်ဝိုက်၍သာ သက်ဆိုင်ခြင်း မဟုတ်ဘဲ တိုက်ရိုက် သက်ဆိုင်ကြောင်းလည်း ပြဖို့ လိုလိမ့်မည်။ ရုံးက လျော်ကြေး တောင်းခံရသူအား ခုခံချေပရန် အခွင့်အရေး ပေးရပေလိမ့်မည်။ ဌာန၊ ပုဂ္ဂိုလ် စသော နစ်နာသူထံ ပုဒ်မ ၂၃(င)အရ လျော်ကြေးပေးရန် အမိန့်ကို ရာဇ၀တ်အမှုတွင် ရုံးက ချမှတ်ပေးပြီး စေကာမူ တရားမကြောင်း ဖြင့်လည်း စွဲဆိုနိုင်သေးသည် ဖြစ်ရာ လက်ထောက် ရှေ့နေချုပ် တင်ပြသကဲ့သို့ ရာဇ၀တ် အမှုတွင် တိုက်ရိုက်ပျက်စီးသော ပစ္စည်းအတွက် မများလွန်းသော လျော်ကြေးကိုသာ တောင်းသင့်သည်။ ဌာနဆိုင်ရာက စဉ်းစား ဆုံးဖြတ်ပြီးနောက် ဆက်လက်၍ လျော်ကြေး ရသင့်သေးသည် ဟု ယူဆက တရားမကြောင်း စွဲဆိုသင့်သည်။
ထပ်မံဆုံးဖြတ်ချက်။ ။ လျော်ကြေးငွေကို ဒဏ်ငွေနှင့် ရောနှော ထည့်သွင်းလျှင် စာရင်းရှုပ်ထွေးနိုင် သဖြင့် ဘိလစ်က ၎င်းထံ အပ်နှံငွေအဖြစ် ငွေစာရင်း မှတ်ပုံတင်(၂)တွင် ထည့်သွင်း၍ ဆောင်ရွက်လျှင် စာရင်းလည်း မရှုပ်၊ ကြန့်ကြာ ခက်ခဲမှုလည်း မဖြစ်နိုင်ပါ ဟူ၍ ခရိုင်ရာဇ၀တ် တရားသူကြီးက တင်ပြသည်။ ယင်းကဲ့သို့ ဆောင်ရွက်ခြင်းသည် သင့်မြတ်သည်ဟု ကျွန်ုပ်တို့ ယူဆသည်။ တရားရုံးများ လက်စွဲ အပိုဒ်-၁၀၄၇ ပါ လုပ်ထုံးနှင့် ဆီလျော်ပေလိမ့်မည်။ လျော်ကြေးပေးရန် ရှိသူက ရုံးက ညွှန်ကြားသည့် အတိုင်း လျော်ကြေးကို တစ်ကြိမ်တည်း ဖြစ်စေ၊ အရစ်ကျ မှန်မှန်ဖြစ်စေ ပေးသွင်းပါက မူလ ရာဇ၀တ်ကြီးမှု တွင်ပင် စီရင်ချက် ချမှတ်ပြီးနောက် နေ့စဉ်မှတ်တမ်းဖြင့် ဆက်လက် ဆောင်ရွက်သင့်ကြောင်း၊ ပေးသွင်းရန် ပျက်ကွက်မှသာ ပုဒ်မ ၂၃(၄)အရ ဆောင်ရွက်ရန် ရာဇ၀တ်ကြီးမှုကို ပိတ်၍ ရာဇ၀တ်သေးဖွဲမှု ဖွင့်လှစ်သင့် ကြောင်းကို ခရိုင်ရာဇ၀တ် တရားသူကြီးက အဆိုပြုသည်မှာလည်း သင့်မြတ်သည်ဟု ကျွန်ုပ်တို့ ယူဆသည်။ တရားရုံးများ လက်စွဲ အပိုဒ်-၁၁၃၄ တွင် လုပ်နည်း အကျယ် ပါသည်။
အထက်ပါ စီရင်ထုံးရဲ့ အပေါ်ဆုံးက ဆုံးဖြတ်ချက်များကို စံနမူနာပြ မှတ်သား လိုက်နာ ကျင့်သုံးစေရန် တရားရုံးများ ညွှန်ကြားလွှာလက်စွဲ ရဲ့ စာမျက်နှာ- ၄၇ နဲ့ ၄၈ တို့မှာ ညွှန်ကြား ထုတ်ပြန်ထားတာကို လေ့လာ တွေ့ရှိရပါတယ်။ ယခု တင်ပြခဲ့ပြီး ဖြစ်တဲ့ အကြောင်းအရာများဟာ ဥပဒေ ပညာ လေ့လာလိုက်စားကြသူတိုင်း သိရှိမှတ်သား ထားသင့်တဲ့ ဥပဒေရေးရာ ဗဟုသုတ ဖြစ်တာကြောင့် တစ်စုံတစ်ရာ အကျိုးရှိစေလိမ့်မယ်လို့ မျှော်လင့်မိပါတယ်။
ကောင်းမှု မြတ်နိုး၊ ကောင်းအောင် ကြိုး၍၊ ကောင်းကျိုး ကိုယ်၌ တည်နိုင်ကြ ပါစေသောဝ်။
လွှမ်းမိုးအောင် (တရားရေး)
