ရှာဖွေပုံစံကို ဘာကြောင့် သက်သေခံ တင်ရသလဲ။
ရှာဖွေပုံစံဖြင့် သိမ်းဆည်းထားသောပစ္စည်း သို့မဟုတ် စာရွက်စာတမ်းများကို သက်သေခံတင်ပြလို၍ ဖြစ်သည်။
(သက်သေခံဥပဒေ ပုဒ်မ ၁၀၄။ ၁၃၆)
ရှာဖွေသူအရာရှိက ဘာကြောင့် ရှာဖွေပုံစံဖြင့် သိမ်းဆည်းထားသောပစ္စည်း (တုတ်။ ဓားလက်နက်----) တို့ကို သက်သေခံအဖြစ် နံပါတ်တပ်ပြီး မတင်သလဲ။
ရှာဖွေသူအရာရှိက ရဲပုံစံ၃၂အရဘီလစ်ထံအပ်နှံပြီး ဘိလစ်က ပုံစံ၃တွင်ဖြည့်ကာ အမှုတွဲ၌ ပစ္စည်းစာရင်းတင်ပြသဖြင့် ယင်းပစ္စည်းများသည် သက်သေခံဝင်သွားသည်။
(တရားရုံးလက်စွဲအပိုဒ် ၁၀၇၅ မှ ၁၀၉၀)
ရှာဖွေသူအရာရှိက ဘာကြောင့်ရှာဖွေပုံစံဖြင့် သိမ်းဆည်းထားသော စာရွက်စာတမ်းကို ဦးစွာ သက်သေခံ မတင်သလဲ။
သိမ်းဆည်းထားသော စာရွက်စာတမ်းသည် မည်သည့်အတွက်ကြောင့် ၎င်းထံရောက်ရှိနေကြောင်း သက်သေထင်ရှားတင်ပြပြီးမှ အမှုနှင့်စပ်ဆိုင်သော သက်သေခံကို တင်ပြရသည့်အတွက်ဖြစ်သည်။ ရှာဖွေပုံစံနှင့် သိမ်းဆည်းခဲ့ကြောင်း ထင်ရှားစွာ သက်သေပြပြီးမှ သိမ်းဆည်းခဲ့သော သက်သေခံစာရွက်စာတမ်းကို သက်သေခံတင်ပြနိုင်သည့် အတွက်ကြောင့်ဖြစ်သည်။
(သက်သေခံဥပဒေ ပုဒ်မ ၁၀၄။ ၁၃၆)
ထို့အပြင် သက်သေခံဥပဒေပုဒ်မ၆၁အရ စာတမ်းအမှတ်အသားကို သက်သေထင်ရှား တင်ပြရမည်ဖြစ်ကြောင်း ပြဋ္ဌာန်းထားရာ သက်သေခံတင်ပြမှ သက်သေခံဝင်မည် ဖြစ်ပါသည်။
ရှာဖွေပုံစံဖြင့် သိမ်းဆည်းထားသောပစ္စည်း (တုတ် ဓား။ လက်နက်-----)တို့သည် ရဲပုံစံ၃၂ဖြင့် ဘီလစ် အပ်ပြီး ပစ္စည်းစာရင်း အမှုတွဲတွင် ပါရှိပြီးနောက် ရှာဖွေပုံစံကို သက်သေခံတင်လိုက်လျှင် ၎င်းပစ္စည်းများသည် အလိုလျှောက် သက်သေခံဝင်သွားပါသည်ဟု သဘောရရှိပါသည်။
ထို့ကြောင့် ရှာဖွေပုံစံကို သက်သေခံတင်သွင်းရုံဖြင့် ရှာဖွေပုံစံဖြင့် သိမ်းဆည်းထားသော စာရွက်စာတမ်းများသည် အလိုအလျှောက် သက်သေခံမဝင်ကြောင်း သုံးသပ်ရပါသည်။
