တရားရုံးတွေက အမှုတွေမှာ စီရင်ချက် ချမှတ်ကြရာမှာ အမှုရဲ့ အနိုင်အရှုံးကို အဆုံးအဖြတ် ပြုဖို့အတွက် အရေးပါတဲ့ ပြဿနာရပ်တွေအပေါ် ဝေဖန်သုံးသပ် ဆုံးဖြတ်ကြရပါတယ်။ တစ်ခါတစ်ရံမှာ ဆုံးဖြတ်ရမယ့် ပြဿနာနဲ့ မသက်ဆိုင်ပေမယ့်လည်း အမှုစွဲဆိုပုံ စွဲဆိုနည်း၊ လုပ်ထုံးလုပ်နည်း၊ ဥပဒေ အယူအဆ စတာတွေနဲ့ ပတ်သက်လာခဲ့ရင် တရားရုံးက ပညာပေးတဲ့အနေနဲ့ စီရင်ချက်မှာ အပိုသုံးသပ် မှတ်ချက်ပြုတာမျိုးတွေလည်း ရှိတတ်ပါတယ်။ အဲဒီလို ပညာပေးသော အပို သုံးသပ် ဆုံးဖြတ်ချက်မျိုးကို ခရီးသွားဟန်လွဲ ဆုံးဖြတ်ချက် (Obiter Dictum)လို့ ခေါ်ပါတယ်။ ဒီလို ခရီးသွားဟန်လွဲ ဆုံးဖြတ်ချက် မျိုးဟာ အမှုရဲ့ ပင်မပြဿနာကို ဆုံးဖြတ်ပေးတာမျိုး မဟုတ်လို့ ယင်းဆုံးဖြတ်ချက်ကို လိုက်နာဖို့တော့ တာဝန်မရှိမှာ မဟုတ်ပါဘူး။
ဒေါ်အုန်းစိန် နှင့် ဒေါ်နှင်းဆီ (၁၉၆၀ ပြည့်နှစ်၊ မတစ၊ စာ-၂၆၄)အမှုကို ကနဦး လေ့လာ ကြည့်ရအောင်ပါ။ အမှုကို အယူခံတင်သွင်းရာ၌ ကာလစည်းကမ်းသတ် ကျော်လွန်ရခြင်းမှာ ရှေ့နေ၏ပေါ့ဆမှု ကြောင့်ဖြစ်၍ ကာလစည်းကမ်းသတ် ဥပဒေ ပုဒ်မ ၅ အရ ကာလစည်းကမ်းသတ် ကျော်လွန်ခြင်းကို ခွင့်ပြုရန် တင်ပြခဲ့ရာ တရားရုံးချုပ်က ရှေ့နေအနေဖြင့် ပေါ့ဆခြင်းသည် ပုဒ်မ ၅ အရ စည်းကမ်းသတ် ကာလကို တိုးချဲ့ပေးရန် အကြောင်းမဟုတ်ကြောင်း ဆုံးဖြတ်ပေးခဲ့ပြီးနောက်၊ ဆက်လက်ပြီး ဆုံးဖြတ်ပေးခဲ့တာက "ရှေ့နေကြောင့် အမှုသည် နစ်နာလျှင် ရှေ့နေအပေါ် အရေးယူရန်သာ ဖြစ်သည်" ဆိုပြီး ဆုံးဖြတ်ပေးခဲ့ပါတယ်။ အဆိုပါ ဒုတိယ သုံးသပ်ဆုံးဖြတ်ချက်ဟာ အမှုမှာ စဉ်းစားသုံးသပ် ဆုံးဖြတ်ပေးရမယ့် ပင်မပြဿနာနဲ့ သက်ဆိုင်ခြင်း မရှိလို့ ဒါဟာ "ခရီးသွားဟန်လွဲ ဆုံးဖြတ်ချက်" ဖြစ်တယ်ဆိုတာကို သတိပြု လေ့လာမှတ်သားကြရမှာ ဖြစ်ပါတယ်။ အမှုမှာ ယင်းဆုံးဖြတ်ချက်ဟာ ဥပဒေ အယူအဆနဲ့ ပတ်သက်ပြီး ပညာပေးတဲ့သဘော သက်ရောက်တဲ့ ဆုံးဖြတ်ချက်မျိုးသာ ဖြစ်တာမို့ အမှုအတွက် အကျိုး သက်ရောက်မှု ရှိလာမှာ မဟုတ်ဘူးဆိုတာကိုတော့ သတိပြုနိုင်ကြလိမ့်မယ် ထင်ပါတယ်။ ပညာယူနိုင်ကြစေဖို့ပဲ ရည်ရွယ်တယ် ဆိုတာ ဆုံးဖြတ်ချက်အရ မြင်သာနိုင်မှာလည်း ဖြစ်ပါတယ်။
ခရီးသွားဟန်လွဲ ဆုံးဖြတ်ချက်အကြောင်း ပြောရမယ်ဆိုရင် ဒေါ်ရင်ရင်မေ နှင့် ဒေါ်ခင်လှမော် စီရင်ထုံးဟာလည်း နားလည်လွယ်ကူ သဘောပေါက်စေနိုင်တဲ့ စီရင်ထုံးဖြစ်တာမို့ အမှုအကြောင်းကို အနည်းအကျဉ်း ပြောပြလိုပါတယ်။ မူရင်းစီရင်ထုံးကို အကျယ် လေ့လာကြည့်တဲ့အခါ အိမ်ငှားဖြစ်တဲ့ ဒေါ်ရင်ရင်မေနှင့် အတူနေထိုင်သူ ဦးဝင်းမြင့်က အချင်းဖြစ်ဥပစာမှာ ကျူရှင်ပြသခြင်းကြောင့် အနီးအနားမှာ နေထိုင်ကြသူ တွေကို အနှောင့်အယှက် ဖြစ်စေတယ် ဆိုပြီး အိမ်ရှင်ဖြစ်သူ တရားလို ဒေါ်ခင်လှမော်က ၁၉၆၀ ပြည့်နှစ်၊ မြို့ပြဆိုင်ရာ ငှားရမ်းခကြီးကြပ်ရေး အက်ဥပဒေ ပုဒ်မ ၁၂ (၁) (က) (ဒုတိယပိုင်း)နဲ့ ပုဒ်မ ၁၂ (၁) (ဂ) တို့အရ ငှားရမ်းထားသည့် အခန်းမှ နှင်ထုတ်ဖယ်ရှား ပေးစေလိုမှု စွဲဆိုခဲ့ရာမှာ မြို့နယ်တရားရုံးက အိမ်ရှင် ဒေါ်ခင်လှမော်ကို ယင်းဥပဒေ ပုဒ်မ ၁၂ (၁) (ဂ) အရ အနိုင်ဒီကရီ ချမှတ်ပေးခဲ့တာကို တွေ့ရပါတယ်။ အိမ်ငှား ဒေါ်ရင်ရင်မော်က ထိုစီရင်ချက်နဲ့ ဒီကရီကို မကျေနပ်လို့ တိုင်းတရားရုံးသို့ အယူခံဝင်ရောက်ခဲ့ရာမှာ၊ အိမ်ရှင် ဒေါ်ခင်လှမော်ကလည်း တရားမကျင့်ထုံး ဥပဒေ အမိန့် ၄၁ နည်းဥပဒေ ၂၂ အရ ပြန်လှန်ကန့်ကွက်လွှာ တင်ပြသွင်းခဲ့လို့ တိုင်းတရားရုံးက ထိုအယူခံလွှာနှင့် ပြန်လှန်ကန့်ကွက်လွှာကို ပလပ်ခဲ့ပါတယ်။
ဒုတိယအယူခံရုံးဖြစ်တဲ့ တရားရုံးချုပ်က စီရင်ဆုံးဖြတ်ရာမှာ "အိမ်ငှား ဒေါ်ရင်ရင်မေ၏ ပြုလုပ်မှုကြောင့် ငှားရမ်းထားသည့် ဥပစာတွင် ခင်းထားသော ပါကေးတုံးများ ပျက်စီးကုန်သည်ကို သက်သေခံ အထောက်အထားများအရ အသေးစိတ် သုံးသပ်ပြီးနောက် မူလရုံးနှင့် တိုင်းတရားရုံးတို့က အမှုတွင် ထင်ရှားပေါ်ပေါက်နေသည့် သက်သေခံ အထောက်အထားများကို မျက်ကွယ်ပြုခဲ့ခြင်းသည် ဥပဒေအရ လွဲမှားမှုပင် ဖြစ်ကြောင်း၊ ဒေါ်ရင်ရင်မေ၏ ပြုလုပ်မှုကြောင့် ဥပစာ၏ အခြေအနေ ဆိုးဝါးသွားကြောင်း တွေ့ရှိရသည့်အတွက် ဒေါ်ခင်လှမော်အား ပုဒ်မ ၁၂ (၁) (ဂ)အရ အနိုင်ဒီကရီ ချမှတ်ပေးခဲ့ခြင်းသည် မှားယွင်းသည်ဟု မဆိုနိုင်ကြောင်း သုံးသပ်ဆုံးဖြတ်ခဲ့ပါတယ်။
အဆိုပါ ဆုံးဖြတ်ချက်ဟာ ခရီးသွားဟန်လွဲ ဆုံးဖြတ်ချက် ဟုတ်၊ မဟုတ် အငြင်းပွားခြင်း အပေါ်မှာ တရားရုံးချုပ် စုံညီခုံရုံးက စိစစ်ဆုံးဖြတ် ပေးရာမှာ _ ခရီးသွားဟန်လွဲ ဆုံးဖြတ်ချက် "Obiter Dictum" ဆိုသည်မှာ အမှုတွင် အဆုံးအဖြတ် ပေးရန်ရှိသော ပြဿနာနှင့် မသက်ဆိုင်ဘဲ အပိုသုံးသပ်မှုကို ခေါ်ဆိုခြင်း ဖြစ်သည်။ ယင်းအပိုသုံးသပ်မှုကို လိုက်နာရန် မလိုပေ။ ဆုံးဖြတ်ချက် တစ်ရပ်သည် အပိုသုံးသပ်မှု ဟုတ် မဟုတ် အမှုတစ်မှုချင်းအလိုက် စိစစ်ရသည် ဟူ၍ ကနဦး အဓိပ္ပာယ် ရှင်းလင်းဖွင့်ဆို ပေးခဲ့တာကို လေ့လာမှတ်သားရပါတယ်။
ဆက်လက်ပြီး အဆိုပါစီရင်ထုံးမှာပဲ ကေအယ်လ်စီတီ ချီဒမ်ဘရမ် ချစ်တီးရား နှင့် အဇစ်မြားနှင့် အခြားသူများ၊ (၁၉၃၈ ခုနှစ်၊ ရန်ကုန် ၃၁၆ (၃၁၉)) ကိုလည်း အောက်ပါအတိုင်း ကိုးကား ဖော်ပြခဲ့တာကို တွေ့ရပါတယ် __ "These observations were Obiter, as being unnecessary for the decision of the point before the learned Chief Justice, and from these dicta we are compelled with the greatest respect to express our dissent."
မူလရုံးဟာ နှစ်ဘက်အဆိုအချေအရ "တရားပြိုင်နှင့် မိသားစုသည် ဥပစာအား အခြေအနေ ဆိုးဝါးအောင် ပြုလုပ်ခဲ့သည် ဆိုခြင်းမှာ မှန်သလား" ဆိုတဲ့ ငြင်းချက်တစ်ရပ်ကို ထုတ်နုတ်စစ်ဆေး ကြားနာခဲ့ကြောင်းလည်း လေ့လာတွေ့ရှိရပါတယ်။ စုံညီခုံရုံးရဲ့ စီရင်သုံးသပ် ဆုံးဖြတ်ချက်ကို အောက်မှာ ဖော်ပြပေးလိုက်ပါတယ် __
တရားရုံးချုပ်က ဒေါ်ခင်လှမော် အနေဖြင့် အောက်ရုံးက မိမိအား လုံးဝ အနိုင်ပေးသော ဒီကရီကို အယူခံ ၀င်ရန် မလိုအပ်ကြောင်း၊ တစ်ဘက်မှ အယူခံသည့် အယူခံမှုတွင် မိမိအား နစ်နာစေသည့် အောက်ရုံး၏ ယူဆချက်တစ်ခုခုသည် မှားယွင်းနေကြောင်းကို တင်ပြခွင့် ရှိကြောင်း ညွှန်ပြကာ အိမ်ငှား ဒေါ်ရင်ရင်မေ၏ ပြုလုပ်မှုကြောင့် ငှားရမ်းထားသည့် ဥပစာတွင် ခင်းထားသော ပါကေးတုံးများ ပျက်စီးကုန်သည်ကို သက်သေခံ အထောက်အထားများအရ အသေးစိတ် သုံးသပ်ပြီးနောက် မူလရုံးနှင့် တိုင်းတရားရုံးတို့က အမှုတွင် ထင်ရှားပေါ်ပေါက်နေသည့် သက်သေခံ အထောက်အထားများကို မျက်ကွယ်ပြု ခဲ့ခြင်းသည် ဥပဒေအရ လွဲမှားမှုပင်ဖြစ်ကြောင်း၊ ဒေါ်ရင်ရင်မေ၏ ပြုလုပ်မှုကြောင့် ဥပစာ၏ အခြေအနေ ဆိုးဝါးသွားကြောင်း တွေ့ရှိရသည့်အတွက် ဒေါ်ခင်လှမော်အား ပုဒ်မ ၁၂ (၁) (ဂ)အရ အနိုင်ဒီကရီ ချမှတ်ပေးခဲ့ခြင်းသည် မှားယွင်းသည်ဟု မဆိုနိုင်ကြောင်း သုံးသပ် ဆုံးဖြတ်သည်။
တရားရုံးချုပ်၏ အဆိုပါ သုံးသပ်ချက်သည် အမှုတွင် အဆုံးအဖြတ် ပေးရန်ရှိသော ပြဿနာအပေါ် သက်သေခံ အထောက်အထားများအရ သုံးသပ်ဆုံးဖြတ်ခြင်း ဖြစ်သည်။ ဆုံးဖြတ်ရန် မလိုသည့်အချက် အပေါ် အပိုသုံးသပ်မှု ပြုလုပ်ခြင်း မဟုတ်ပေ။ တရားရုံးချုပ်၏ ယင်းဆုံးဖြတ်ချက်ကို ခရီးသွားဟန်လွဲ "Obiter Dictum" ဆုံးဖြတ်ခြင်းဟု မဆိုနိုင်။
တရားရုံးချုပ် စုံညီခုံရုံးရဲ့ အထက်ပါ စီရင် ဆုံးဖြတ်ချက်အရ မူလရုံး ငြင်းချက်မှာ "တရားပြိုင်နှင့် မိသားစုသည် ဥပစာအား အခြေအနေ ဆိုးဝါးအောင် ပြုလုပ်ခဲ့သည် ဆိုခြင်းမှာ မှန်သလား" ဆိုတဲ့ ငြင်းချက်ကို ထုတ်နုတ် စစ်ဆေးကြားနာ ခဲ့တာဖြစ်လို့ မြို့နယ်တရားရုံးနဲ့ တိုင်းတရားရုံးက ယင်းငြင်းချက် အရ အမှုမှာ ထင်ရှားပေါ်ပေါက်တဲ့ သက်သေခံ အထောက်အထားတွေကို မျက်ကွယ်ပြုခဲ့ခြင်းသည် ဥပဒေအရ လွဲမှားမှုပင် ဖြစ်တယ်လို့ သုံးသပ်ဆုံးဖြတ်ခြင်းဟာ အပိုသုံးသပ် ဆုံးဖြတ်တဲ့ ခရီးသွားဟန်လွဲ ဆုံးဖြတ်ချက် "Obiter Dictum" မဟုတ်ဘဲ မူလရုံးငြင်းချက်မှာ သုံးသပ်ရန် လိုအပ်ချက်တွေကို ပညာပေး ထောက်ပြလမ်းညွှန်ရင်း အပြီးသတ် အကျိုးသက်ရောက်စေတဲ့ ဆုံးဖြတ်ချက်ကို ချမှတ်ပေးခဲ့ခြင်း ဖြစ်ကြောင်း လေ့လာတွေ့ရှိနိုင်မှာ ဖြစ်ပါတယ်။
အနှစ်ချုပ် ဆိုရရင် "ငြင်းချက်အရ" သက်သေခံ အထောက် အထားများအပေါ် အခြေပြု သုံးသပ် ဆုံးဖြတ်တဲ့ ဆုံးဖြတ်ချက်မျိုးဟာ အမှုအတွက် အကျိုးသက်ရောက်စေတဲ့ ဆုံးဖြတ်ချက် ဖြစ်ပြီး၊ အမှုမှ ငြင်းချက်ပါ ဆုံးဖြတ်ရမယ့် အဓိကပြဿနာကို မသက်ဆိုင်သော်လည်း၊ အမှုစွဲဆိုပုံ၊ စွဲဆိုနည်း၊ လုပ်ထုံးလုပ်နည်း၊ ဥပဒေ အယူအဆနဲ့ စပ်လျဉ်းတဲ့ ကိစ္စမျိုးတွေမှာ ပညာပေးတဲ့ အနေနဲ့ စီရင်ချက်မှာ အပိုသုံးသပ် ဆုံးဖြတ်ခြင်းမျိုးကတော့ လိုက်နာရန် မလိုတဲ့ ခရီးသွားဟန်လွဲ ဆုံးဖြတ်ချက် "Obiter Dictum"လို့ ဆိုနိုင်မှာပဲ ဖြစ်ပါကြောင်း ထပ်ဆင့်မှတ်သားနိုင်ရန် လေ့လာတင်ပြလိုက်ရပါတယ်။ ။
လွှမ်းမိုးအောင် (တရားရေး)
