Pyay Lwin Myint
“ခုတလောမိန်းမနဲ့ကလေးတွေကိုသတ်ပြီး ယောကျာ်းက ကိုယ့်ကိုယ်ကိုယ်သတ်သေတာခေတ်စားနေတယ်။ဒီတော့ မောင်က မိန်းမနဲ့ကလေးတွေနဲ့ အတူမနေဘဲ တခြားခပ်ဝေးဝေးမှာ သွားနေပါလားဟင်”
(ကာတွန်းမောင်ဗဂျီ)
“ဖော်ထုတ်မရတဲ့အမှုတို့၊ ဖော်ထုတ်လို့မသင့်တဲ့ အမှုတို့ကို ဘယ်လိုအစီရင်ခံရမလဲ တပည့်” “သေတဲ့သူကိုပဲ အပြစ်ပုံချ ရပါမယ်ဆရာ”
(ကာတွန်းစီစီတီဗွီ)
(၄-၇-၂၀၁၇) Daily Eleven နှင့် စံတော်ချိန် သတင်းစာ တို့မှ ကာတွန်းနှစ်ပုဒ်ကို ဖတ်ပြီး ပြုံးနေမိသည်။ ကာတွန်းဆရာတွေ တာဝန်ကျေသည်။ ခါးသီးစရာကိုပဲ ဖတ်သူပြုံးအောင် စွမ်းဆောင် နိုင်ကြသည်။ တရားဥပဒေစိုးမိုးရေးဌာန၊ အဖွဲ့များအပေါ် အပ်ဖျား ချွန်မြနှင့် ထောက်လိုက်ခြင်းပဲဖြစ်သည်။ ထိခိုက်နစ်နာခဲ့သူတို့၏ နာကျင်ခံစားမှုများ ကိုယ်စား ဆိုပါစို့။
“ဂျက်ဆီကာကိုဘယ်သူမှမသတ်ဘူး” ဇာတ်ကားကို နှစ်သက်သူ အတော်များလိမ့်မည် ထင်သည်။ အစိုးရအဖွဲ့၊ ၀န်ကြီး၏ သားက ကျူးလွန်သည့် လူသတ်မှုဖြစ်သည်။ ချောမောလှပသည့် မိန်းမပျိုလေး ဂျက်ဆီကာ၏ ဘားဆိုင်ဖွင့်ပွဲ(ဧည့်ခံပွဲ)သို့ ခင်မင်ရင်းနှီးသူ ၃၀၀ ခန့် တက်ခဲ့သည်။ ပွဲချိန်ကြာ၍အရက်ကုန်သွားစဉ် ၀န်ကြီး၏သားက သူငယ်ချင်းများနှင့်အတူ အရက်ထပ်တောင်း၊ တောင်းမရတော့ ရောင်းဖို့ပြောရာမှ ဂျက်ဆီကာနှင့် စကားများသည်။ သေနတ်ထုတ်၍ ချိန်သည်။ ပထမတစ်ချက် အမိုးကို ပစ်လိုက်ပြီး၊ နောက်တစ်ချက် တည့် တည့်ထိမှန်၍ ဂျက်ဆီကာ လဲကျသေဆုံး သွားသည်။ ၀န်ကြီးနှင့် သူ့လူတွေက သားဖြစ်သူ ပြစ်ဒဏ်မကျခံရရေး အတွက် အမှုကို လိုက်ဖျက်သည်။ အမှုစစ်အရာရှိကို ရူပီး(၁၀)ဘီလီယံ ပေးသည်။ ကျည်ဆံစစ်ဆေးသည့် မှုခင်းတပ်ဖွဲ့ကလည်း ကျည်ဆံကို လဲပစ်သည်။ သက်သေများကို ငွေပေးသည်၊ ခြိမ်းခြောက်၍လည်း ဖျက်သည်။ အခင်းဖြစ်စဉ် အခင်းဖြစ်နေရာ၌ ရှိနေခဲ့သူ အဓိက သက်သေမှာ ဗစ်ကရန်ဖြစ်ပြီး ဂျက်ဆီကာ၏ အရင်းနှီးဆုံး ယောကျာ်းလေး သူငယ်ချင်းလည်း ဖြစ်သည်။
ဝန်ကြီး၏(လူ)များက ဗစ်ကရမ်အား ငွေ(၁၀)ဘီလီယံနှင့် ကျည်ဆံ၊ ကြိုက်ရာတစ်ခု ရွေးခိုင်းသည်။ ဗစ်ကရမ်က(၁၀) ဘီလီယံကို ရွေးလိုက်သည်။ အမှုကို ရုံးတင်စစ်ဆေးသည့်အခါ သက်သေတစ်ဦး နှစ်ဦးစက အမှန်အတိုင်း ထွက်ဆိုသော်လည်း အဓိက မျက်မြင် သက်သေ ဗစ်ကရမ်က တရားခွင်ထဲ၌ ပြောင်ပြောင်ပဲ ဗြောင်လိမ် ထွက်ဆိုသည်။ ငါးနှစ်ကြာစစ်ဆေးပြီးနောက်၊ ၀န်ကြီး၏သား မနစ်ရ်ှပါ(၃)ဦးကို တရားရုံးက လွှတ်ပစ်လိုက်သည်။ လူ(၃၀၀)ခန့်ရှိ နေသည့် ဧည့်ခံပွဲအတွင်း ဖြစ်ခဲ့သည့်အမှုမှာ သက်သေမရှိ။ သတင်းထောက် မီရာဂစ်တီက အမှုမှန်ပေါ်ရေး ကျားကုတ်ကျားခဲ ကြိုးပမ်းခဲ့ပုံများကို (No one killed Jessica)၌ ရိုက်ပြခဲ့ခြင်းဖြစ်သည်။ ဇာတ်ကြောင်းပြန်ပြောသူ မီရာ ဂစ်တီ၏ ဖီလော်ဆော်ဖီကိုလည်း စွဲမက်စရာ ထည့်သွင်းထားသဖြင့် ဇာတ်က တော်တော့်ကို ကြွနေသည်။
ဘ၀တစ်ခုရဲ့တန်ဖိုးက ကျွန်မတို့နိုင်ငံမှာ သိပ်ဈေးပေါနေ သလား။ အမှန်တရား ပျောက်နေတာလောက် ရှက်ဖို့ကောင်းတာ မရှိဘူး။ ၁၉၆၀ပြည့်နှစ် ဗြိတိသျှရေးဆွဲခဲ့တဲ့ ဥပဒေကို ခုထိ အသုံးပြုနေတုန်း။ တရားစီရင်ရေးကို မပြောင်းလဲနိုင်သေးသမျှ အခုလိုအဖြစ်တွေ ဆက်ရှိနေဦးမယ်၊ သက်သေတွေကို အကာအကွယ်ပေးတဲ့ ဥပဒေ လစ်ဟာနေတယ် စသည် စသည်ဖြင့်။
×××××××××××××××××××××××××××××××
တရားစွဲအဖွဲ့အစည်း (ရဲတပ်ဖွဲ့)၊ တရားရုံးများနှင့် တရားစီရင်ရေး စနစ်ကို ခပ်ဆပ်ဆပ် ဝေဖန်သော အိန္ဒိယဇာတ်ကား တစ်ချို့ကို ကျွန်တော်ကြိုက်သည်။ မိတ်ဆွေစာရေးဆရာ နေသစ်နီ ကလည်း ရုပ်ရှင်ခံစားမှု ဆောင်းပါးများ အပိုင်ရေးတတ်သည်။ “ဟောင်းနွမ်းသည့် ဥပဒေနှင့် တရားစီရင်ရေးစနစ်၊ အာဏာပိုင်တို့၏ စွက်ဖက်မှု၊ လွှမ်းမိုးမှု၊ မတော်မတရားပြုလုပ်မှု” တို့ကို ဝေဖန်ရုံမျှမက “သက်သေတွေအတွက် အကာအကွယ်ပေးတဲ့ဥပဒေ လစ်ဟာနေကြောင်း” ထောက်ပြချက် တစ်ခုလည်း ပါသည်။
ဗြိတိသျှ လက်အောက်ခံဖြစ်ခဲ့သည်ချင်း အတူတူ ပြဌာန်းဥပဒေ များ ဖြစ်တည်စီးဆင်းမှုနှင့် တရားစီရင်မှု အနေအထားမှာ သူတို့နှင့် ကျွန်တော်တို့ သိပ်မကွာလှပါ။ ရုပ်ရှင်ကား ဖြစ်သဖြင့် ပိုပိုကဲကဲလေး လုပ်ပြတတ်သည်မှတစ်ပါး ဝေဖန်ချက်၊ ထောက်ပြချက်များမှာ လျော်ကန်မှုမရှိဟု မဆိုသာပါ။ ဂျက်ဆီကာအမှုကို ပြလျက် “သက်သေကို ကာကွယ်ပေးတဲ့ ဥပဒေ မရှိသောကြောင့်” ဟု ဇောင်းပေး၍ ကောက်ချက်ချခဲ့သည်။ ရုပ်ရှင်ခံစားမှု ရေးသည့် ဆရာ နေသစ်နီကလည်း ထိုအချက်ကို ထောက်ခံခဲ့ပါသည်။ ကျွန်တော် ကတော့ဖြင့် နည်းနည်းထပ်၍ စဉ်းစားကြည့်ချင် သေးသည်။
×××××××××××××××××××××××××××××××××
ခရိုင်တရားရုံးတစ်ခုတွင် ကြုံခဲ့ဖူးသည့် လူသတ်မှုတစ်မှု အကြောင်း ပြောပါမည်။ အမှုက ကေတီဗီတွင် ဖြစ်ပွားခဲ့သည်။ မောင်တူးနှင့် မောင်မူး တူဝရီးနှစ်ယောက်သည် သူတို့ရွာမှ မြို့ပေါ်သို့ မော်တော် ဆိုင်ကယ်ဖြင့်လာသည်။ကေတီဗီမှာ သီချင်းဆိုသည်။ သောက်စားသည်။ ကေသွယ် ဆိုသော မိန်းကလေးက အခန်းဖော် အဖြစ် ဧည့်ဝတ်ပြုသည်။အချိန်စေ့တော့ ပြန်ထွက်လာခဲ့ပြီး ကောင်တာ၌ ငွေရှင်းသည်။ ငွေရှင်းစဉ် ကေသွယ်၏ချစ်သူဆိုသော လူငယ် တစ်ဦး ရောက်လာသည်။ မောင်တူးက အခန်းထဲပြန်ဝင်ပြီး သီချင်းဆိုဦးမည်၊ ကျသင့်ငွေ ပေးမည်၊ ကေသွယ်ကိုလည်း ခေါ်ဦးမည် -ဟုဆိုရာ ကေတီဗီမန်နေဂျာနှင့် ၀န်ထမ်းများက လက်မခံ။ ထိုသို့ လုပ်၍မရဟု ပြောသည်။ မောင်တူးကို ချော့မော့ဖျောင်းဖျပြီး ခြံ အပြင်သို့ လိုက်ပို့ကြသည်။ တူဖြစ်သူ မောင်မူးက မော်တော်ဆိုင်ကယ်ရှိရာသို့ သွား၍ စက်နှိုးသည်။ နောက်ဖက်မှဖြောင်းခနဲ အသံ ကြားလိုက်သည်။ သွေးသံရဲရဲ၊ ခေါင်းကွဲနေသည့် မောင်တူးကို ၀ိတ်တာလေးတွေက ဆွဲ ထူ၍ ဆိုင်ကယ်ပေါ်သို့ တင်ပေးသည်။ မောင်တူးက မောင်မူး၏ခါးကို ဖက်ပြီး လိုက်လာခဲ့သည်။ မြို့အထွက်၌ ဆိုင်ကယ်ကို ဆီ ဖြည့်ဖို့ရပ်သောအခါ မောင်တူးသည်ဆိုင်ကယ်ပေါ်မှ လျှောခနဲ ပြုတ်ကျသွားသည်။ ဆေးရုံပို့ရာ မောင်တူး သေဆုံးသွားသည်။
အမှုဖြစ်စဉ်အကျဉ်းမှာ ထိုအတိုင်းဖြစ်ပါသည်။
ရဲက ကေတီဗီမန်နေဂျာနှင့် ကေသွယ်၏ ချစ်သူဆိုသူတို့ နှစ်ဦးကို ရာဇသတ်ကြီး ပုဒ်မ-၃၀၂(လူသတ်မှု)ဖြင့် တရားစွဲတင် သည်။ မောင်တူး အရိုက်ခံရသော တုတ်ကို သက်သေခံအဖြစ် တင်ပြသည်။ ရာဘာပိုက်လုံးထဲတွင် အင်္ဂတေများသွပ်ထားသော တုတ်ဖြစ်သည်။ ထိုတုတ်ဖြင့် ရိုက်ခဲ့ခြင်းဖြစ်သည်။ သို့သော် မည်သူ့တုတ်မှန်းမသိ။ မည်သူရိုက်လိုက်သည်ကို မြင်ကြောင်း မည်သည့်သက်သေကမျှ မထွက်ဆို။ အခင်းဖြစ်သည့် ကေတီဗီ ခြံအပြင်ဘက်နေရာ၌ အလင်းရောင်ယဲ့ယဲ့ရှိသည်။ ဆိုင်ကယ်စက်နှိုး နေတုန်းမို့ မောင်မူးက မမြင်လိုက်ဟုဆိုသည်။ ၀ိတ်တာလေး သုံးယောက်ကလည်း မည်သူရိုက်သည်ကို မတွေ့လိုက်ပါ တဲ့။
ညကိုးနာရီ အချိန်။ အခင်းဖြစ်နေရာရှိ လူငါးယောက်အထဲမှ တစ်ယောက်ယောက် ရိုက်ခဲ့တာ သေချာပါသည်။ သို့သော်၊ မည်သူက ရိုက်ကြောင်း မည်သည့်သက်သေကမျှ မထွက်ဆိုသဖြင့် အမှုစစ် တရားသူကြီးက မည်သည့်တရားခံကို စွဲချက်တင်ရမည်မသိ ဖြစ်နေသည်။ အရိုက်ခံရသည့် ဒဏ်ရာက တစ်ချက်တည်း။ ရိုက်သူက တစ်ယောက်တည်း။ တရားခံက နှစ်ယောက်။ တစ်ယောက်က ချုပ်ပေး၍ တစ်ယောက်က ရိုက်သည်ဆိုသည့် သက်သေခံချက်မျိုးလည်း မရှိ။ သက်သေများ လိမ်လည်ထွက်ဆိုနေသည်မှာ သေချာသည်။ သို့သော် တရားခွင်မှာ ရိုက်စစ်လို့ ရသည်မဟုတ်။ ခြိမ်းခြောက် စစ်ဆေးလို့ ရသည်မဟုတ်။ နှစ်ဦးစလုံးကို စွဲချက်မတင်ဘဲ လွှတ်လိုက်ပါက ရဲမှ ထပ်မံ စုံစမ်းဖော်ထုတ်၍ ပြန်လည်တရားစွဲဆို နိုင်ပါသည်။ သို့သော် သက်သေခံချက် မလုံလောက်၍ တရားရှင် လွှတ်သည့် မည်သည့်အမှုကိုမျှ ထပ်မံစုံစမ်းဖော်ထုတ်၍ ပြန်လည်စွဲဆို တင်ပို့သည်မျိုး မရှိစဖူး။ တရားခံနှစ်ဦးစလုံးကိုစွဲချက်တင်ခဲ့လျှင်လည်း ၎င်းတို့ကငြင်းမည်။ မမြင်ပါဟု ထွက်ဆိုမည်။
(Beyond the resonnable doubt) ဆိုသော စကားရှိသည်။ “အပြစ်ရှိတယ်ဆိုတာ သံသယ လုံးဝမရှိသည်အထိ” ။ သို့ဆိုပါက တရားခံ နှစ်ဦးစလုံးမှာ အမှုမှ အပြီးအပြတ် လွတ်သွားနိုင်သည်။ အမှုက လူတစ်ယောက်လုံး အင်္ဂတေတုတ် ဖြင့် အရိုက်ခံရ၍ သေဆုံးခဲ့ခြင်း ဖြစ်ကြောင်း သေချာသည်။ သက်သေများအလယ်မှာ ဖြစ်ပွားခဲ့ခြင်း လည်းဖြစ်သည်။ တရားခံနှစ်ဦးအနက် တစ်ဦးဦး ပြုလုပ်ခဲ့ကြောင်းလည်း သေချာသည်။ မည်သူလုပ်လိုက်သလဲ ဆိ်ုသည့် သက်သေခံချက်မရှိ။ အပြစ်ပေးဖို့ လုံလောက်သည့် သက်သေခံချက် ရနိုင်ဖို့မလွယ်။ ထိုအမှုဆုံးဖြတ်မည့်တရားသူကြီးကို စာနာမိပါသည်။
××××××××××××××××××××××××××××××
ကျွန်တော် ပြောလိုသည်မှာ သက်သေများ၏ ရိုးဖြောင့်မှုကိုပဲ ဖြစ်ပါသည်။ တရားခံနှစ်ဦးမှာ ၀န်ကြီး၏သားများ မဟုတ်။ တရားရုံးက စိုးရွံ့လောက်သည့် အာဏာရှိသော အသိုင်းအ၀ိုင်းမှ မဟုတ်။ ကျိကျိတက် ချမ်းသာသူများလည်း မဟုတ်။ သူတို့ကို မည်သူကမျှ သေနတ်ဖြင့် မခြိမ်းခြောက်နိုင်။ ငွေစကြေးစ၊ နည်းများမဟူ ရယူလျက် ဖုံးကွယ်လိုက်ခြင်း ဖြစ်သည်။ အငြိုငြင်မခံလို ၍ လိမ်လည်ခဲ့ခြင်း ဖြစ်နိုင်သည်။ သူတို့ကို ကာကွယ်ပေးမည့် ဥပဒေတစ်ခု မရှိ သောကြောင့်ချည်း မဟုတ်တာ သေချာပါသည်။ စင်စစ်၊ လူတစ်ဦးတစ်ယောက်ကို ခြိမ်းခြောက်ဟန့်တားပါက အရေးယူနိုင်သည့် ဥပဒေပြဌာန်းချက် ရှိပြီးဖြစ်ပါသည်။ ကျွန်တော်တို့သည် မတော်မတရားမှု တစ်ခုခုဖြစ်တိုင်း ဥပဒေအကာအကွယ်မဲ့ နေသည်ဟု လွယ်လင့်တကူပြောတတ်သည်။ အခွင့်အာဏာရှိသူတို့၏ လွှမ်းမိုးမှု၊ ချုပ်ကိုင်စွက်ဖက်မှု၊ တရားဥပဒေစိုးမိုးရေးနှင့် တရားစီရင်မှုစနစ်ကို ပုံဖော်နေသူများ၏ အားနည်းမှု၊ ပျက်စီးမှု၊ အဂတိလိုက်စားမှု စသည်တို့ကို အပြစ်ဖို့ပြောတတ်သည်။ အုပ်ချုပ်ရေးနယ်နှင့် တရားစီရင်မှု နယ်ပယ်တို့မှ တာဝန်ရှိသူများ၏ တာဝန်မကျေပွန်မှု၊ ယိုယွင်းပျက်စီးမှု၊ မရိုးဖြောင့်မှု၊ ဖောက်ပြန်မှု၊ သစ္စာမဲ့မှု၊ ကိုယ်ကျင့်တရား ပျက်စီးမှုများ ရှိပါလိမ့်မည်။
သို့သော် ပရိသတ် ဗိုလ်ပုံအလယ်၌ ဂျက်ဆီကာ အသတ်ခံရမှု တွင် အမှုမှန် မပေါ်ပေါက်ခဲ့ရခြင်းနှင့် မောင်တူးကို မည်သူ သတ်သလဲ ဟု အဖြေရှာဖို့ ခဲယဉ်းခဲ့ခြင်း စသည်တို့မှာ ၀န်ကြီး၏လူများက မတော်မတရား ခြိမ်းခြောက်ခဲ့သည့် အကြောင်းတစ်ခု တည်းကြောင့် မဟုတ်ဘဲ သက်သေအချို့၏ သစ္စာမဲ့မှု၊ အငြိုအငြင်မခံလိုမှု၊ အကြောက်လွန်မှု၊ ငွေကြေးဓန မက်မောမှု၊ စသည်တို့ကြောင့်လည်း ပါဝင်ကြောင်း ပြောလိုရင်းဖြစ်ပါသည်။
ဥပဒေတစ်ခုခေတ်မမီ၊ ဟောင်းနွမ်း၍ ပယ်ဖျက်ပြင်ဆင်ခြင်း၊ အသစ်ရေးဆွဲခြင်း၊ စနစ်တစ်ခုမကောင်းသဖြင့် ပြောင်းလဲ ခြင်း၊ စနစ်အသစ်တစ်ခု စီမံရေးဆွဲအသုံးပြုခြင်း၊ တာဝန်ရှိသူတို့ တာဝန်မဲ့ပြု၍ အရေးယူခြင်း စသည်တို့ကို လူတိုင်း မလုပ်နိုင်ပါ။ လူတိုင်း လုပ်လို့မရပါ။ လုပ်ပိုင်ခွင့်လည်း မရှိပါ။ လုပ်ပိုင်ခွင့်ရှိသူတို့က (စိတ်ဝင်စားသည့်အခါ) လုပ်ပါလိမ့်မည်။ ကျွန်တော်တို့က လုပ်နိုင်သည်ကို လုပ်ကြရုံပဲ ဖြစ်ပါသည်။ မြင်လျှင် မြင်သည့်အတိုင်း၊ တွေ့လျှင် တွေ့သည့်အတိုင်း၊ သိလျှင် သိသည့်အတိုင်း အမှန်ကို သစ္စာရှိစွာဖြင့်၊ သို့မဟုတ်- မိမိကိုယ်ကို မိမိ ရိုသေစွာဖြင့်၊ ရိုးရိုးသားသား၊ မခြွင်းမချန်၊ မပိုမကဲ ထုတ်ပြောဖို့ တာဝန်ယူခြင်းပဲ ဖြစ်ပါသည်။ သက်သေခံခြင်း ဆိုသည်မှာ တာဝန်ချည်းမဟုတ်၊ အခွင့်အရေးလည်း ဖြစ်ပါသည်။
“အကြံခက်ပါသနော်၊ သံလျက်တော် ယူသည့်သူခိုးကိုလ” ဆိုသည့် အခြေအနေများ လွင့်ပြယ်သွားလျှင် ဂျက်ဆီကာ ကို ဘယ်သူမှ မသတ်ဘူး- ဆိုသည့်ကိစ္စများ နည်းတန်သမျှ နည်းသွား လိမ့်မည် ထင်ပါသည်။ ။
ပြေလွင်မြင့်
