မောင်စာဂ
တရားခွင်တွင် အမှုမှန်ပေါ်ပေါက်ရေးအတွက် အမှုနှင့် သက်ဆိုင်သူ သက်သေများအား စစ်မေးကြရာ၌ အဓိက စစ်မေးခြင်း၊ ပြန်လှန်စစ်မေးခြင်းနှင့် ပြန်ရှင်း စစ်မေးခြင်း ဟူ၍ စစ်မေးခြင်း သုံးမျိုးရှိကြောင်းနှင့် အဓိကစစ်မေး ခြင်းနှင့် ပြန်လှန်စစ်မေးခြင်းတို့နှင့်စပ်လျဉ်း၍ ရေးသား ဖော်ပြခဲ့ပြီးဖြစ်သည်။ ယခုဆောင်းပါးတွင် တစ်ဖက် အမှုသည်က သက်သေကို ပြန်လှန်စစ်မေးပြီးနောက် သက်သေတင်ပြသူက ထပ်မံ၍ စစ်မေးခြင်းဖြစ် သည့် ပြန်ရှင်းစစ်မေးခြင်း သို့မဟုတ် ပြန်လည် စစ်မေး ခြင်း သို့မဟုတ် ထပ်မံစစ်မေးခြင်း နှင့်စပ်လျဉ်း၍အကျဉ်း
ချုပ်ရှင်းလင်းရေးသားပါမည်။
ပြန်ရှင်းစစ်မေးခြင်း၏ရည်ရွယ်ချက်
ပြန်ရှင်းစစ်မေးခြင်းမှာ ပြန်လှန်စစ်မေးရာ၌ ထွက်ဆို သည့် မရှင်းမလင်းဖြစ်နေသော အကြောင်းအရာများကို ရှင်းလင်းစေရန် ရည်ရွယ်၍စစ်မေးခြင်းဖြစ်သည်။ မည်သည့်အခြေအနေမျိုးတွင် ရှင်းလင်းစစ်မေးရန်လိုအပ် ပါမည်နည်း။ အတွေ့အကြုံများပေါ်အခြေခံ၍ဖော်ပြ ပါရစေ။ အဓိကစစ်မေးခြင်းနှင့် ပြန်လှန်စစ်မေးခြင်းတွင် သက်သေ၏ထွက်ဆိုချက် ကွဲလွဲသွားသည့်အခါ သို့မဟုတ် ရှေ့နောက်မညီညွတ်ဖြစ်နေသည့်အခါ ရှင်းလင်း စေရန် ပြန်ရှင်းစစ်မေးခွင့်ရှိသည်။ ပြန်လှန်စစ်မေးစဉ် သက်သေ ၏ ထွက်ဆိုချက်သည် အဓိပ္ပာယ်အမျိုးမျိုး ထွက်နေသော အခါ သို့မဟုတ် မယုံသင်္ကာစရာ သံသယဖြစ်ဖွယ် တွေ့ရှိ ရသည့်အခါ ရှင်းလင်းစေရန် ပြန်ရှင်း စစ်မေးခွင့်ရှိသည်။ ရဲအရာရှိထံ အစစ်ခံချက်၏မည်သည့် အစိတ်အပိုင်းကို မဆို ပြန်လှန်စစ်မေးစဉ်က အသုံးပြုခဲ့ လျှင်ထိုရဲအရာရှိထံ အစစ်ခံချက်အစိတ်အပိုင်းကို ပြန်ရှင်းစစ်မေးခြင်းတွင် အသုံးပြု၍မေးခွင့်ရှိသည်။
ပြန်ရှင်းစစ်မေးခြင်း၏ အရေးကြီးမှု
အဓိကစစ်မေးခြင်းနှင့် ပြန်လှန်စစ်မေးခြင်းတို့ တစ်မျိုး စီအရေးကြီးကြသကဲ့သို့ ပြန်ရှင်း စစ်မေးခြင်းသည်လည်း အရေးကြီးသည်ဟုဆိုချင်ပါသည်။ အဘယ်ကြောင့်နည်း။ အဓိကစစ်မေးခြင်းပြီးလျှင် ပြန်လှန်စစ်မေးခြင်းပြုလုပ်ရ သည်။ အဓိကစစ်မေးခြင်းအပေါ် ပြန်လှန်စစ်မေးခြင်းဖြင့် မချေဖျက်နိုင်ခဲ့သော် အဓိကစစ်မေးစဉ်က ထွက်ဆိုခဲ့ သော သက်သေခံချက်များသည် ခိုင်မာသော သက်သေခံ ချက်အဖြစ်တည်မြဲနေသည်။ ထိုနည်းတူစွာ အဓိက စစ်မေးခြင်းအပေါ် ပြန်လှန်စစ်မေးခြင်းဖြင့် ချေဖျက်နိုင် ခဲ့သော သက်သေခံချက်များကို ပြန်ရှင်းစစ်မေးခြင်းဖြင့် ပြန်လည်မရှင်းလင်းနိုင်ခဲ့သော် ပြန်လှန်စစ်မေးခြင်းဖြင့် ချေဖျက်နိုင်ခဲ့သော သက်သေခံချက်များသည် ခိုင်မာ သော သက်သေခံချက်များ ဖြစ်သွားသည်။ အဓိကစစ်မေး စဉ်က ထွက်ဆိုခဲ့သော အဆိုပါထွက်ဆိုချက်ကို အတည် မယူတော့။ ပြန်လှန်စစ်မေးစဉ် ထွက်ဆိုသော ထွက်ဆို ချက်က အတည်ဖြစ်သွားသည်။ အကယ်၍ အဓိက စစ်မေးခြင်းအပေါ် ပြန်လှန်စစ်မေးခြင်းဖြင့် ချေဖျက်နိုင် ခဲ့သော သက်သေထွက်ဆိုချက်ကို ပြန်ရှင်းစစ်မေးခြင်းဖြင့် ပြန်လည်ရှင်းလင်းနိုင်ခဲ့သော် အဓိကစစ်မေးစဉ်က ထွက်ဆိုခဲ့သောသက်သေခံချက်သည် ပို၍ပင်ခိုင်မာသွား တော့သည်။ ထို့ကြောင့် ပြန်ရှင်းစစ်မေး ခြင်းသည်လည်း အရေးကြီးသော ပညာရပ်တစ
ခုဖြစ်ကြောင်း ဆိုလိုက် ရပါသည်။
ကြုံခဲ့ရသည့် မှတ်မှတ်သားသား ဖြစ်စဉ်တစ်ခု
ပြန်ရှင်းစစ်မေးခြင်းနှင့်စပ်လျဉ်း၍ မှတ်မှတ်သားသား ဖြစ်စဉ်အများထဲမှတစ်ခုကို ကောက်နုတ် ဖော်ပြပါရစေ။ သေသူကို တရားခံက ဓားနှင့်ခုတ်ပြီးထွက်ပြေးသွား သည်ဆိုသော မျက်မြင်သက်သေကို တရားခံ၏ ရှေ့နေ က ဤသို့မေးမြန်းခဲ့သည်။
တရားခံရှေ့နေ - သေသူကို တရားခံက ဓားဖြင့်ခုတ် တယ်ဆိုတဲ့နေရာဟာ ခင်ဗျားရဲ့ခြံဝင်းထဲမှာ မဟုတ်ဘဲ ခင်ဗျားနဲ့ဘေးချင်းကပ် ဦးမဲရဲ့ခြံဝင်းထဲမှာ ဖြစ်တယ် ဆိုတာ ဟုတ်တယ်မို့လား၊
သက်သေ - ဟုတ်ပါတယ်။
တရားခံရှေ့နေ - အဲဒီအချိန်က ခင်ဗျားဟာ ခင်ဗျား ရဲ့ အိမ်ရှေ့ခြံဝင်းထဲမှာရှိနေတယ်ဆိုတာ ဟုတ် တယ်မို့ လား။
သက်သေ - ဟုတ်ပါတယ်။
တရားခံရှေ့နေ - ခင်ဗျားရဲ့ခြံဝင်းနဲ့ ဦးမဲရဲ့ ခြံဝင်းကြား ထဲမှာ ဝါးဝင်းထရံကာထားတယ်။ အဲဒီဝါးဝင်းထရံက လည်း စိပ်စိပ်ရက်ထားတာမို့လို့ ဟိုဘက် ဒီဘက်မမြင် ရဘူးဆိုတာ ဟုတ်တယ် မဟုတ်လား။
သက်သေ - ဟုတ်ပါတယ်။ မမြင်ရပါဘူး။
တရားခံရှေ့နေ - ဒါကြောင့် ဟိုဘက်အိမ်ခြံဝင်းထဲက အလုပ်တစ်ခုခုလုပ်နေရင် ခင်ဗျားတို့ အိမ်ဘက် ခြံဝင်း ထဲကမမြင်ရဘူး၊ ဒီလိုပဲ ခင်ဗျားတို့အိမ်ဘက်က အလုပ် တစ်ခုခုလုပ်နေရင် ဟိုဘက်အိမ်က မမြင်နိုင်ဘူးဆိုတာ ဟုတ်တယ်မို့လား။
သက်သေ - ဟုတ်ပါတယ်။ မမြင်ရပါဘူး။
တရားခံရှေ့နေသည် သူလိုချင်သောအဖြေရသွား၍ ဆက်မမေးတော့ပါ။ ဤတွင် တရားလိုဘက် အစိုးရ ရှေ့နေက ပြန်ရှင်းမေးမြန်းခြင်းမရှိခဲ့လျှင် တရားခံရှေ့နေ ၏ ပြန်လှန်စစ်မေးချက်က အတည်ဖြစ်သွားပါမည်။ သို့သော် အစိုးရရှေ့နေက ဤသို့ပြန်ရှင်းမေးမြန်းပါသည်။
အစိုးရရှေ့နေ - ခင်ဗျားရဲ့နေအိမ်ခြံဝင်းနဲ့ ဦးမဲရဲ့ နေအိမ်ခြံဝင်းကြား ကာရံထားတယ်ဆိုတဲ့ ဝါးဝင်းထရံက ဘယ်လောက်မြင့်ပါသလဲ။
ဤတွင် တရားခံ၏ရှေ့နေက အစိုးရရှေ့နေအနေဖြင့် ပြန်ရှင်းစစ်မေးခွင့်မရှိကြောင်း ကန့်ကွက်ခဲ့သည်။ အကြောင်းပြချက်မှာ ဝင်းထရံကာရံထားခြင်းနှင့် စပ်လျဉ်း ၍ အဓိကထွက်ချက်တွင် မပါရှိကြောင်း၊ ထို့ကြောင့် အဓိကစစ်မေးစဉ်နှင့် ပြန်လှန်စစ်မေးခြင်းတို့ ကွဲလွဲမှုမရှိ သဖြင့် ပြန်ရှင်းမေးမြန်းခွင့်မရှိဟူ၍ ဖြစ်သည်။ အစိုးရ ရှေ့နေက သက်သေသည် အဓိကစစ်မေးစဉ်တွင် သူမြင် ကြောင်း ထွက်ဆိုခဲ့သည်။ ပြန်လှန်စစ်မေးစဉ်တွင် ဝါးဝင်း ထရံကာထား၍ ဟိုဘက်ခြံနှင့် သည်ဘက်ခြံ မမြင်နိုင် ကြောင်း ထွက်ဆိုသည်။ ဤအချက်ကို ရှင်းရှင်းလင်းလင်း ဖြစ်သွားအောင် ပြန်ရှင်းစစ်မေးဖို့လိုကြောင်း ရုံးတော်က ခွင့်ပြုပေးဖို့တင်ပြသည်။ ရုံးတော်က ဆက်မေးပါဟု ခွင့်ပြုသဖြင့် ဆက်မေးသည်။
သက်သေ - ဝါးဝင်းထရံက ကျွန်တော်ရဲ့ လည်ပင်း လောက်မြင့်ပါတယ်။
အစိုးရရှေ့နေ - ခင်ဗျားအခင်းဖြစ်တဲ့အချိန်က ဦးမဲခြံ ထဲမှာ တရားခံက သေသူကို ဓားနှင့် ခုတ်ပြီးထွက်ပြေး သွားတာ မြင်လိုက်ရတယ်လို့ ထွက်ဆိုခဲ့တယ်။ ခြံဝင်း နှစ်ခုကြားထဲမှာလည်း ခင်ဗျားရဲ့ လည်ပင်းလောက်မြင့်တဲ့ ဝင်းထရံကာထားတယ်၊ ဟိုဘက်ခြံနဲ့ဒီဘက်ခြံ မမြင်ရဘူး လို့ပြောတယ်။ ဒါဆို အဓိကစစ်မေးစဉ်က ခင်ဗျားမြင်ရ တယ်လို့ ဘာကြောင့် ထွက်ဆိုခဲ့ရတာလဲ မရှင်းလင်းဘဲ ဖြစ်နေတယ်။ ရုံးကိုရှင်းအောင် တင်ပြပေးပါ။
သက်သေ - ရန်ဖြစ်နေသံကြားတော့ ကျွန်တော်က ဝင်းထရံနားသွားကာ ဝင်းထရံကိုကိုင်ပြီး လှမ်းကြည့် လိုက်မိလို့ မြင်တွေ့ရတာပါ။
ပြန်ရှင်းစစ်မေးခြင်းတွင် သက်သေက ဤသို့ထွက်ဆို သဖြင့် သက်သေ၏ အဓိကစစ်မေးစဉ် ထွက်ဆိုချက်များ ပိုမိုခိုင်မာသွားစေခဲ့သည်။
သတိပြုမှတ်သားရန်အချက်
တစ်ခါတစ်ရံတွင် အဓိကစစ်မေးချက်နှင့် ပြန်လှန် စစ်မေးချက်တို့တွင် ကွဲလွဲထွက်ဆိုသော အချက်မရှိ။ ပြန်ရှင်းရန် အကြောင်းအချက်လည်း မပေါ်ပေါက်။ သို့ရာတွင် ပြန်လှန်စစ်မေးစဉ် သက်သေ၏ထွက်ဆိုချက် များအရ အကြောင်းအရာအသစ်များကို အစိုးရရှေ့နေ ဘက်က မေးမြန်းရန်လိုအပ်သည့်အခါမျိုး ပေါ်ပေါက် တတ်သည်။ ယင်းသို့သော အခြေအနေတွင် မေးမြန်းမည့် အကြောင်းအရာသစ်ကို ဖော်ပြ၍ မေးမြန်းခွင့်ပြုရန် တရားရုံးသို့ တင်ပြရသည်။ တရားရုံး၏ ခွင့်ပြုချက်ဖြင့် မေးမြန်းနိုင်သည်။ ထိုသို့မေးမြန်းလျှင် တရားခံဘက်သို့ ပြန်လှန်စစ်မေးခွင့်ပေးရသည်။ ဤသို့စစ်မေးခြင်းဖြင့် လည်း အမှုမှန်ပေါ်ပေါက်စေသည်။
ဆောင်ရန်နှင့်ရှောင်ရန် ပညာရှင်တို့၏ အဆိုအမိန့်များ
အဓိကစစ်မေးခြင်းနှင့် ပြန်လှန်စစ်မေးခြင်းတွင် သက်သေ၏ထွက်ဆိုချက်သည် ကွဲလွဲနေပါက မည်သည့် ထွက်ဆိုချက်မှန်ကြောင်း သက်သေကရှင်းလင်းစေရေး အတွက် ပြန်ရှင်း၍ မေးမြန်းခွင့်ရှိသည်။ ပြန်လှန်စစ်မေးစ် က သက်သေသည် ပေါ့ပေါ့တန်တန် ထွက်ဆိုသွားလျှင်ဖြစ် စေ၊ အဓိပ္ပာယ်အမျိုးမျိုးကောက်ယူနိုင်သော ထွက်ချက် ပေးသွားလျှင်ဖြစ်စေ၊ မယုံသင်္ကာစရာ ထွက်ဆို သွားလျှင် ဖြစ်စေ ပြန်ရှင်းမေးမြန်းခွင့်ရသည်။ အဓိပ္ပာယ်အမျိုးမျိုး ကောက်ယူနိုင်သော ထွက်ချက်မျိုးမထွက်ဆိုလျှင် သို့မဟုတ် ရှင်းလင်းရန် မလိုသောထွက်ဆိုချက်မျိုးဖြစ်လျှင် ပြန်လှန်စစ်မေးစဉ်က ထွက်ဆိုခဲ့သော သက်သေ၏ထွက် ဆိုချက်အပေါ် ပြန်ရှင်းစစ်မေးခွင့်မရှိ။
လက်မခံနိုင်သော ထွက်ဆိုချက်အတွက် ပြန်ရှင်းစစ် မေးခွင့်ရှိသည်။ အဓိကထွက်ဆိုချက်များမှာ မမှန်မကန် ထွက်ဆိုခဲ့ခြင်းသာဖြစ်သည်ဟု ပြန်လှန်စစ်မေးစဉ်တွင် ထွက်ဆိုလျှင် ဘာကြောင့် မမှန်မကန် ထွက်ဆိုခဲ့ရသလဲဟု ပြန်ရှင်းတွင်မေးခွင့်ရှိသည်။
ပြန်လှန်စစ်မေးစဉ်က သက်သေသည် သွေးဆောင် မေးမြန်းခြင်းခံခဲ့ရပြီး သက်သေ၏ ထွက်ဆိုချက်သည် လည်း သံသယဖြစ်စရာရှိနေလျှင် ပြန်လှန်စစ်မေးစဉ်က သက်သေထွက်ဆိုချက်၏ အဓိပ္ပာယ်နှင့် အကြောင်းယုတ္တိ ကို ရှင်းလင်းစေရေးအတွက် ပြန်ရှင်းတွင် သင့်ရာမေးခွန်း များကို မေးနိုင်သည်။
မိမိ၏သက်သေအား တစ်ဖက်မှပြန်လှန်စစ်မေးနေစဉ် လိုအပ်သည့်မှတ်စုတို့ကိုလိုက်၍ ရေးမှတ်လျက် မိမိ သက်သေ၏ အရိပ်အကဲကို မလွတ်တမ်းကြည့်နေသင့် သည်။ သို့မှသာ သက်သေ၏ဆန္ဒ၊ ရည်ရွယ်ချက်နှင့်ဆက် ၍ ပြောလိုသည့်စကား စသည်တို့ကို တွေ့မြင်နိုင်မည်။
အဓိကစစ်မေးချက်မှ မည်သည့်အချက်များ မှေးမှိန် သွားကြောင်း (သို့) ကွဲလွဲသွားကြောင်းကို လည်းကောင်း၊ အဓိကစစ်မေးချက်တွင် မပါသောအချက်များကို သက် သေကထွက်ဆိုသွား၊ မသွားကိုလည်းကောင်း၊ ပြန်ရှင်း စစ်မေးခြင်းမပြုမီ စဉ်းစားဆင်ခြင်မှုပြုရမည်။
သက်သေသည် ပြန်လှန်စစ်မေးစဉ်က ယိမ်းယိုင်မသွား လျှင်ဖြစ်စေ၊ ရှင်းလင်းရန် မလိုအပ် လျှင်ဖြစ်စေ၊ အဓိက စစ်မေးစဉ် ထွက်ဆိုချက်များကို သက်သေက မမေ့လျှင် ဖြစ်စေ ပြန်ရှင်းစစ်မေးခြင်းကို မပြုပါနှင့်။
ပြန်လှန်စစ်မေးခြင်းတွင် သက်သေက မိမိဘက်သို့ အသာပေးပြီး ထွက်ဆိုသွားလျှင် ထိုအသာပေးသည့် အချက်ကို ပြန်ရှင်းစစ်မေးခြင်းမပြုပါနှင့်။ လျှောက်လဲ သည့်အခါ ထိုအချက်ကို ထည့်သွင်း လျှောက်လဲပါ။
ပြန်လှန်စစ်မေးခြင်း၏ရည်ရွယ်ချက်တစ်ချက်မှာ အဓိကစစ်မေးစဉ်က ကြံစည်ဖန်တီးပြီး လိုရာရွေးနုတ် ထွက်ဆိုသွားသည်ကို ဖော်ထုတ်ထင်ရှားစေရန်ပင်ဖြစ် သည်။ ပြန်ရှင်းစစ်မေးခြင်းသည် ပြန်လှန်စစ်မေးစဉ်က လိုရာရွေးနုတ်ထွက်ဆိုသွားခြင်းကို ဖော်ထုတ်ထင်ရှားစေ ရန်ပင်ဖြစ်သည်။
ပြန်ရှင်းစစ်မေးသည့်အခါတွင် မလိုအပ်သော အကြောင်းအရာအသစ်ကို မမေးပါနှင့်။ ပြန်လှန်စစ်မေး ခွင့်ရသွားအောင် တံခါးဖွင့်မပေးပါနှင့်။
ပြန်လှန်စစ်မေးသည့်အခါ ပြန်လှန်စစ်မေးသူ မေး သည့်မေးခွန်းကို သက်သေကဖြေပြီးနောက် သက်သေ ကအလိုလို ပိုမိုထွက်ဆိုသည့်အခါ ရှိတတ်သည်။ ထိုသို့ ပိုမိုထွက်ဆိုသဖြင့် ပြန်လှန်စစ်မေးသူက ကန့်ကွက် တားဆီးသဖြင့် ယင်းပိုမိုထွက်ဆိုချက်ကို မှတ်တမ်းမတင် သည့်အခါ ပိုမို ထွက်ဆိုချက်ကို ပြန်ရှင်းစစ်မေးမည့်သူက ရေးမှတ်ထားပြီး ပြန်ရှင်းစစ်မေးသည့်အခါ မေးမြန်းပါ။
ပြန်ရှင်းစစ်မေးခြင်းသည် အဓိကသော့ချက်ဖြစ်သည်
စစ်မေးခြင်းသုံးမျိုးရှိရာတွင် အဓိကစစ်မေးခြင်းသည် အခြေခံကျသော စစ်မေးခြင်း ဖြစ်သည်။ ပြန်လှန်စစ်မေး ခြင်းသည် မှတ်ကျောက်တင်မည့် စစ်မေးခြင်းဖြစ်သည် ဟူ၍ ဖော်ပြခဲ့ပြီးဖြစ်သည်။ ယခုတစ်ဖန် ပြန်ရှင်းစစ်မေး ခြင်းသည်ကား အဓိကသော့ချက်ဖြစ်သော စစ်မေးခြင်းဟု ဆိုချင်ပါသေးသည်။ အဘယ်ကြောင့်ပါနည်း။ အဓိက စစ်မေးချက်တွင် ထွက်ဆိုချက်ရှိသည်။ ပြန်လှန်စစ်မေး ချက်က ချေဖျက်နိုင်လျှင် ပျက်ပြယ်သွားရသည်။ ပြန်လှန် စစ်မေးချက်က မှတ်ကျောက် တင်လိုက်ခြင်းဖြစ်သည်။ တစ်ဖန်ပြန်ရှင်းစစ်မေးခြင်းဖြင့် ပြန်လည်ရှင်းလင်းလိုက် နိုင်သည်နှင့် မှတ်ကျောက်တင်ခဲ့သည့် ပြန်လှန်စစ်မေး ချက်ကလည်း ပျက်ပြယ်သွားရပြန်သည်။ အဓိကစစ်မေး စဉ်က ထွက်ဆိုချက် ပိုမို၍ ခိုင်မြဲသည်ထက်ခိုင်မြဲသွားစေသည်။ ထို့ကြောင့် ပြန်ရှင်းစစ်မေးခြင်းသည် အဓိက သော့ချက်ဖြစ်သည့် စစ်မေးချက်ဟု ကင်ပွန်းတပ်လိုက်ရ ခြင်းဖြစ်သည်။
ယခုဆောင်းပါးတွင် အစိုးရရှေ့နေ သို့မဟုတ် တရား လိုဘက်မှ လိုက်ပါဆောင်ရွက်သူ ရှေ့နေတစ်ဦးအနေဖြင့် ပြန်ရှင်းစစ်မေးခြင်းပြုရာ၌ သိရှိရန်လိုအပ်သည့် အချက် များ ဆောင်ရန်၊ ရှောင်ရန်အချက်များကို အစိတ်အပိုင်း တစ်ရပ်အနေဖြင့်သာ ဖော်ပြခြင်းဖြစ်သည်။ တရားခံနှင့် တရားခံပြသက်သေများ၊ တရားပြိုင်နှင့် တရားပြိုင် သက်သေများကို စစ်မေးသည့်အခါတွင်လည်း တရားခံ သို့မဟုတ် တရားပြိုင်ဘက်မှ ပြန်ရှင်းစစ်မေးခွင့်ရှိသည်ဖြစ် ရာ လိုအပ်သည်များ အသိဥာဏ်ဆင့်ပွား၍ ပညာရှေ့ သွားပြုကာ မှီးယူသုံးစွဲမှု ပြုနိုင်ပါသည်။ ဤပညာသည် ကျယ်ပြန့်သော၊ ကျယ်ဝန်းသော၊ နက်နဲသောပညာရပ် ဖြစ်သည်။ အနှစ်ချုပ်၍ ပြီးပြည့်စုံအောင် ဖော်ပြနိုင်စွမ်း ရှိမည်မဟုတ်ပါ။ မည်သို့ပင်ဖြစ်စေ ဤဖော်ပြချက်များ သည် ကောင်းမွန်သော ပြန်ရှင်းစစ်မေးခြင်း တစ်ရပ်ဖြစ် စေရေးအတွက် အထောက်အကူဖြစ်စေလိမ့်မည်ဟု ယုံကြည်မိသည်။
ကောင်းမွန်သော ပြန်ရှင်းစစ်မေးခြင်းဖြင့် အမှန်တရား ပေါ်ပေါက်ပါစေ။ မှန်ကန်သော တရားစီရင်ရေးကို အထောက်အကူပြုနိုင်ကြပါစေ။
ကိုးကားချက်
သက်သေခံအက်ဥပဒေနှင့် ရာဇဝတ်ကျင့်ထုံးဥပဒေ
THE LAW OF EVIDENCE (SARKAR)
ဥပဒေ ဦးစိန်လှိုင်၏ အောင်မြင်သောရှေ့နေ
