တရားမမှုခင်းတွင် ကျင့်သုံးသည့် ပြဌာန်းချက်များ၌ တရားမကြီးမှု တွင် ကျင့်သုံးသော ပြဌာန်းချက် နှင့် ဇာရီမှုတွင် ကျင့်သူံးသော ပြဌာန်းချက် ဟူ၍ ရှိနေရာ ထုံးနည်းများ မတူညီကြောင်း သိကြပါသည်။ သို့ပါလျက် မကြီးတွင် ကျင့်သုံးသော ပြဌာန်းချက်များကို ဇာရီမှုတွင် မည်သည့် အတွက် အားကိုးအားထား ပြုပြီး လျှောက်ထားကြသည်ကို စဉ်းစား၍ မရပါ။
တရားမကျင့်ထုံးပုဒ်မ ၁၄၁ တွင် တရားမမှုခင်း များနှင့်စပ်လျဉ်း၍ ဤဥပဒေတွင် ပြဌာန်းထားသည့် လုပ်ထုံးလုပ်နည်းများကို တရားမ စီရင်ပိုင်ခွင့် အာဏာ ကျင့်သုံးသော တရားရုံးတစ်ရုံးရှိ အမှုအရပ်ရပ်တွင် သက်ဆိုင်နိုင်သမျှ လိုက်နာရမည် ဟု ပြဌာန်းထားပါသည်။
ပုဒ်မ ၁၄၁ အရ တရားမကြီးမှုတွင် ကျင့်သုံးသည့် ပြဌာန်းချက်များသည် တရားမအထွေထွေ မှုခင်းတွင် သက်ဆိုင်နိုင်သမျှ ကျင့်သုံးခွင့်ရှိကြောင်း ရှင်းလင်းပါသည်။ သို့သော် ဇာရီမှုတွင် ကျင့်သုံးခွင့် မရှိပါ။ (ဦးထွန်း နှင့် ဦးဘမင်း ၁၉၈၅ မတစ ၆၆)
အမိန့် ၂၁ နည်း ၅၈ အရ ဝရမ်းခွာပေးရန် တတိယလူ၏ လျှောင်ထားမှုဖြင့် မထွေဖွင့် ဆောင်ရွက်ခြင်း တွင် အမှုသစ် စွဲဆိုခွင့်နှင့်တကွ ရုပ်သိမ်းခွင့်ပြုရန် လျှောက်ထားခြင်းပြဿနာ အား စိတ်ဝင်စား၍ လေ့လာကြည့်ပါသည်။
နည်း ၅၈ အရ မထွေမှုတွင် တရားလို တရားပြိုင် ဟူ၍ မရှိပါ။ အမိန့် ၂ နည်း ၂ တွင်ပါရှိသော တရားစွဲ ဆိုရန်အကြောင်းလည်း မဟုတ်ပါ။ ထို့အတူ အမိန့်၂၃ နည်း ၁ တွင်ပါရှိသော အမှုဖြစ်အကြောင်းခြင်းရာ(the subject -matter of a suit) မရှိပါ။ ဝရမ်းခွာပေးရန် လျှောက်ထားမှုသည် အဆုံးအဖြတ် ပြုပြီးသော ဒီကရီ ကို အတည်ပြုရာ၌ တတိယလူမှ ပစ္စည်းအပေါ် အခွင့်အရေး ရှိကြောင်း တရားရုံး သို့ တင်ပြ လျှောက်ထားမှု သက်သက်မျှသာ ဖြစ်ပါသည်။
အမိန့်၂၃ နည်း ၁ တွင် အမှုစွဲဆိုပြီးနောက် မည်သည့်အခါမဆို တရားလို သည် တရားပြိုင် အားလုံးအပေါ်ဖြစ်စေ တစ်ဦးဦးအပေါ် ဖြစ်စေ စွဲဆိုသော အမှု သို့မဟုတ် တောင်းဆိုချက် တစ်စိတ်တစ်ဒေသ ကို ရုပ်သိမ်းနိုင် ခြင်းပြု နိုင်သည်မှာ မှန်ပါသည်။ နည်း ၅၈ အရ မထွေမှုသည် အမှုဖြစ်ကြောင်းခြင်းရာ မရှိ၊ တရားလို တရားပြိုင် ဟူ၍ မရှိသောကြောင့် ရုပ်သိမ်းရန် အကြောင်းအရာ မရှိကြောင်း ရိုးရိုးရှင်းရှင်း တွေးလျှင်ပင် အဖြေတွေ့နိုင်ပါသည်။
အမိန့် ၂၃ ပြဌာန်းချက်ကို အကြောင်းပြု ပြီး တတိယ အား တရားစွဲဆိုရန်အကြောင်း ဖန်တီးပေးခြင်း မပြုနိုင်ပါ။ တရားမမှုတစ်မှုတွင် ဒီကရီ တစ်ရပ် ချမှတ်ပြီး ဖြစ်လျှင် အယူခံရုံးက ပယ်ဖျက်ခြင်းမပြုသရွှေ့ ထိုအမှုကို ပလပ်ခြင်းမပြုနိုင်ဟု ( မမြစန်း နှင့် ဒေါ်မိုးစိန် ၁၉၉၉ မတစ ၁၆၉) တွင် ပြဆိုသည်။ ထို့ကြောင့် အတည်ဖြစ်နေသော ဒီကရီ ကို အတည်ပြုသည့် ကိစ္စတွင် အစွယ်အပွား ပြဿနာဖြစ်သည့် တတိယလူ၏ ပစ္စည်းနှင့်ပါတ်သက်သော အခွင့်အရေး စုံစမ်းစစ်ဆေးမှုတွင် ရုပ်သိမ်းခွင့် လျှောက်ထားခြင်းမှာ ဥပဒေ နှင့် ညီညွတိခြင်း မရှိဟု မြင်ပါသည်။
တရားမကျင့်ထုံး ပုဒ်မ ၁၄၁ အရ မထွေမှုတွင် တရားမစီရင်ပိုင်ခွင့် အာဏါ ကျင့်သုံးခွင့် ရှိသည်မှာ မှန်ပါသည်။ သက်ဆိုင်နိုင်သမျှသာ ကျင့်သုံးရခြင်းဖြစ်သည်ကို သတိပြုရပါမည်။ တရားမကြီးမှု စစ်ဆေးစဉ် မမှန်သက်သေဖန်တီးကြောင်း ရာဇဝတ်ကျင့်ထုံး ပုဒ်မ ၄၇၆ အရ လျှောက်ထား၍ တရားမအထွေထွေမှုဖွင့် ဆောင်ရွက်ခဲ့ရာ တရားမကျင့်ထုံး အမိန့် ၁၁ နည်း ၁ အရ မေးမြန်းခွင့်မရှိကြောင်း (ဦးဇော်ဝမ်း နှင့် ဦးမြင့်အောင် ၂၀၁၃ မတစ ၆၆ ) အမှုတွင်ပြဆိုခဲ့သည်မှာ မဝေးကွာသေးသည့် လမ်းညွှန်မှု ဖြစ်ပါသည်။ ထို့ကြောင့် တရားမကြီး မှု တွင် ကျင့်သုံးသည့် ပြဌာန်းချက်အားလုံးကို တရားမအထွေထွေမှု တွင် အသုံးပြုခွင့် မရှိဟု သတိထားပါလျှင် .....
လေးစားစွာဖြင့်
ထက်ကိုကို
