ပြစ်မှုဆိုင်ရာဥပဒေပုဒ်မ - ၄၁၇ (ကာမလိမ်လည်မှု) ကိုစွဲချက်တင်တော့မည် ဆိုလျှင်ဖြင့် အောက်ပါ ကောက်ယူချက်လေးကို ထည့်သွင်းစဉ်းစားစေချင်ပါသည်။
xxxxxxxxxxxxxxxxxxxxxxxxxxxxxxxxxxxxxx
အယူခံတရားခံ ( မူလရုံး၌ စွဲဆိုသည့် တရားလို အမျိုးသမီး) အတွက် လိုက်ပါဆောင်ရွက်သည့် ပညာရှိ ၀တ်လုံတော်ရ ရှေ့နေကြီး ဦးမြစိန်က မိန်းကလေးတစ်ဦးသည် ယောက်ျားလေးတဦးအား ကာမရာဂစပ်ယှက်ရန်ခွင့်ပြုခဲ့သော် ထိုယောက်ျား၏တောင်းရမ်းထိမ်းမြားပါမည်ဟူသော ကတိရရှိ သောကြောင့်သာလျှင် ဖြစ်ပေလိမ့်မည်ဟုတင်ပြထားသည်။
----
တရားသူကြီး ဦးစိန်သင်းက အောက်ပါအတိုင်းမှတ်ချက်ပြုသည်။
ကိလေသာစိတ် မကုန်ခန်းကြသော ပုထုဇဉ်များအတွက် သွေးသားတောင့်တမှုကြောင့် မည်သည့် ရည်ရွယ်ချက်မျိုးမျှမရှိဘဲ ကာမရာဂစပ်ယှက်ခြင်းသည်လည်း ရှိနိုင်လေရာ ပညာရှိရှေ့နေကြီး၏ လျှောက်လဲချက်များကိုလက်ခံနိုင်ရန်ခဲယဉ်းလေသည်။
ယောက်ျား နှင့် မိန်းမ တို့ ကာမစပ်ယှက်သည့်ကိစ္စတိုင်းတွင် ယောက်ျားလေးက မိန်းကလေးအား ထိမ်းမြားပါမည်ဟူသော ကတိပေးခဲ့ပြီးဖြစ်သည်ဟု ယူဆမည်ဆိုပါက ၊အကျင့်ဖေါက်ပြား မိန်းမသားများ၏မာယာကျော့ကွင်းသို့ သက်ဆင်းရရှာသည့် ယောက်ျားများအတွက် အခက်ကြုံဖွယ်ရာရှိချေမည်။
ထို့ကြောင့် အကျင့်စာရိတ္တပျက်ပြားခြင်းကို အားပေးကူညီရာရောက်မည့် အတွေးအခေါ် ယူဆချက်မျိုးများမှ ရှောင်ရှားသင့်လေသည်။
မောင်သန်းဌေး နှင့် မပု(ခေါ်)မသန်းရင် (၁၉၆၆၊မတစ၊စာ - ၁၀၂၁(၁၀၂၅)
------
မောင်သန်းဌေး နှင့် မပု(ခေါ်)မသန်းရင် (၁၉၆၆၊မတစ၊စာ - ၁၀၂၁) စီရင်ထုံးကို မောင်မျိုးချစ် နှင့် မလှပု (၁၉၈၇၊ မတစ၊ စာ - ၁၀၈)တွင် ပယ်ဖျက်ထားသည့်ဟု စောဒကတက်ရန်ရှိပါသည်။
မောင်မျိုးချစ် နှင့် မလှပု (၁၉၈၇၊ မတစ၊ စာ - ၁၀၈) တွင် မောင်သန်းဌေး အမှုပါ အောက်ပါ ကိစ္စရပ်နှင့် ပတ်သက်သော ဆုံးဖြတ်ချက်ကိုသာ ပယ်ဖျက်ခဲ့ခြင်းဖြစ်ပါသည်။
"ဗုဒ္ဓဘာသာဝင် အမျိုးသားတစ်ဦးက အမျိုးသမီးတဦးအား ဖြားယောင်းသွေးဆောင်ပြီး ကျူးကျူးလွန်လွန်ဖြစ်၍ ပဋိသန္ဓေရရှိသည့်ကိစ္စတွင် ထိမ်းမြားလက်ထပ်ရန် ဂတိမရှိသော်လည်း အမျိးသမီးက လျော်ကြေးတောင်းဆိုခွင့်ရှိသည်ဟု ဖြေဆိုလိုက်ပြီး မခင် နှင့် မောင်မြင့်ကြီး၊ ဘိုးသိုက်နှင့် မနှင်းဇံ ၊ မယုံ နှင့် မောင်ဘိုးလူ ၊ မောင်သန်းဌေး နှင့် မပုတို့ အမှုများရှိ ယင်းကိစ္စနှင့် စပ်လျဉ်းသမျှ ဆုံးဖြတ်ချက်ကို ပယ်ဖျက်လိုက်သည်။
သို့ဖြစ်ရာ လျော်ကြေးရထိုက်ခွင့်ရှိမရှိ ဆုံးဖြတ်ချက်ကို သာပယ်ဖျက်ခဲ့ခြင်းဖြစ်ကြောင်း မြင်သာပါသည်။
(စာကြွင်း - မခင် နှင့် မောင်မြင့်ကြီး၊ (S.J -စာ - ၁၁၄)
ဘိုးသိုက်နှင့် မနှင်းဇံ (S.J -စာ - ၂၃၅)၊ မယုံ နှင့် မောင်ဘိုးလူ (၁၈၉၇-၀၂) အထက်မြန်မာပြည်စီရင်ထုံး-စာ၄၉၉) )
-----
ယင်းသို့သောအနေအထားတွင် အထက်တွင်ဖော်ပြခဲ့သည့် မောင်သန်းဌေး နှင့် မပု(ခေါ်)မသန်းရင် (၁၉၆၆၊မတစ၊စာ - ၁၀၂၁(၁၀၂၅) ပါ တရားသူကြီး ဦးစိန်သင်း ၏
မှတ်ချက်သည် ပယ်ဖျက်ထားသည့် အထဲတွင်မပါရှိသဖြင့် လေးစားလိုက်နာရန်ဖြစ်ပါကြောင်း တင်ပြအပ်ပါသည်။
လေးစားစွာဖြင့်။
