ငွေကြေးဆိုင်ရာစီရင်ပိုင်ခွင့်အာဏာကို ကျော်လွန်၍ စီရင်ပိုင်ခွင့်

တရားမကျင့်ထုံးဥပဒေပုဒ်မ ၆ တွင် 

အခြားနည်းဖြင့် အတိအလင်းပြဋ္ဌာန်းပါရှိသည့်အတိုင်း မှတပါး တရားရုံး တစ်ရုံးက သာမန်အားဖြင့် စီရင်ပိုင်ခွင့်အာဏာရှိသောအမှု၏တန်ဖိုး နှင့် စပ်လျဉ်း၍ ငွေကြေးဆိုင်ရာကန့်သတ်ချက်များ (ရှိလျှင်) ကိုကျော်လွန်၍ အမှုများကို စီရင်နိုင်ရန် အဆိုပါတရားရုံးအား ဤဥပဒေပါ မည်သည့်ပြဋ္ဌာန်းချက်ကမျှ အခွင့်အာဏာအပ်နှင်းရာ မရောက်ရှိစေရ။

(ဦးမြ၊ တရားမကျင့်ထုံးဥပဒေ (ပ ဒု) စာ - ၁၂ )

--

တရားရုံးများလက်စွဲအပိုဒ် ၁၂၆ တွင် အောက်ပါအတိုင်းဖော်ပြထားသည်။

"တရားသူကြီးများသည်၊ အမှုကို လက်ခံခြင်းမပြုမီ၊ တန်ဘိုးနှင့်စပ်လျဉ်း၍ ထိုအမှုမှာ မိမိတို့ စီရင်ပိုင်ခွင့်ရှိသောအမှုဖြစ်ကြောင်း မိမိတို့ ကိုယ်တိုင် သဘောကြေနပ်ရှိစေရန် တာဝန်ရှိကြောင်း သတိချပ်စေလိုသည်။"

---

တရားမရုံးများ၏ ငွေကြေးဆိုင်ရာစီရင်ပိုင်ခွင့်

xxxxxxxxxxxxxxxxxxxxxxxxxxxxxxxxxxxxxxxx

ပြည်ထောင်စုတရားလွှတ်တော်ချုပ်၏ (၁၉-၂-၂၀၁၆) ရက်စွဲပါ အမိန့်ကြော်ငြာစာအမှတ် - ၁၂၈/၂၀၁၆ အရ 

ကိုယ်ပိုင်အုပ်ချုပ်ခွင့်ရတိုင်းတရားသူကြီး၊  ကိုယ်ပိုင်အုပ်ချုပ်ခွင့်ရဒေသတရားသူကြီး၊ 

ခရိုင်တရားသူကြီး နှင့် တွဲဖက်ခရိုင်တရားသူကြီးများသည် တန်ဖိုးကျပ် သိန်း ၁၀၀၀၀ ထက်မပိုသည့် တရားမ မူလမှု သို့မဟုတ် မူလမှုခင်းများကို စီရင်ရန် ငွေကြေးဆိုင်ရာ စီရင်ပိုင်ခွင့်အာဏာရှိသည်။

ဒုတိယခရိုင်တရားသူကြီးများသည်  တန်ဖိုးကျပ် သိန်း ၅၀၀၀ ထက်မပိုသည့် တရားမ မူလမှု သို့မဟုတ် မူလမှုခင်းများကို စီရင်ရန် ငွေကြေးဆိုင်ရာ စီရင်ပိုင်ခွင့်အာဏာရှိသည်။

ပြည်ထောင်စုတရားလွှတ်တော်ချုပ်၏ (၁၉-၅-၂၀၁၁) ရက်စွဲပါ အမိန့်ကြော်ငြာစာအမှတ် - ၁၀၁/၂၀၁၁ အရ 

မြို့နယ်တရားသူကြီး နှင့် တွဲဖက်မြို့နယ်တရားသူကြီးများသည် တန်ဖိုးကျပ် သိန်း ၁၀၀ထက်မပိုသည့် တရားမမူလမှု သို့မဟုတ် မူလမှုခင်းများကို စီရင်ရန် ငွေကြေးဆိုင်ရာစီရင်ပိုင်ခွင့်အာဏာရှိသည်။

ဒုတိယမြို့နယ်တရားသူကြီးများသည် တန်ဖိုးကျပ် သိန်း ၃၀ ထက်မပိုသည့် တရားမမူလမှု သို့မဟုတ် မူလမှုခင်းများကို စီရင်ရန် ငွေကြေးဆိုင်ရာစီရင်ပိုင်ခွင့်အာဏာရှိသည်။

---

ငွေကြေးဆိုင်ရာစီရင်ပိုင်ခွင့်ကို ကျော်လွန်၍ စီရင်ဆုံးဖြတ်ခွင့်။

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

"It is the plaintiff's valuation in his plaint which fixes the jurisdiction of the Court and not the amount which may be found and decreed by the Court. The purpose and intention of the legislature as well as the provisions of the Suits Valuation Act, the Court Fees Act and the Court of Civil Procedure contemplate the passing of a decree in excess of the pecuniary jurisdiction of the Court in case where the precise amount could not be ascertained at the time of institution of the suit or filing of the plaint."

(တရားလို၏အဆိုလွှာတွင် တန်ဖိုးဖြတ်ထားချက်သည် တရားရုံး၏စီရင်ပိုင်ခွင့်အာဏာကို သတ်မှတ်သည်။ တရားရုံးက ဒီကရီချမှတ်သောငွေပမာဏ မဟုတ်ချေ။ ဥပဒေပြုအာဏာပိုင်အဖွဲ့၏ ရည်ရွယ်ချက်အရ လည်းကောင်း၊ အမှုများတန်ဖိုးဖြတ်ရေးအက်ဥပဒေ၊ ရုံးခွန်အက်ဥပဒေ နှင့် တရားမကျင့်ထုံးဥပဒေပါ ပြဋ္ဌာန်း ချက်များအရလည်းကောင်း၊ အမှုစွဲဆိုစဉ်ကဖြစ်စေ၊ အဆိုလွှာတင်သွင်းစဉ်ကဖြစ်စေ၊ ငွေပမာဏ အတိအကျကို မသတ်မှတ်နိုင်သော အမှု၌ တရားရုံး၏ငွေကြေးဆိုင်ရာ စီရင်ပိုင်ခွင့်ကို ကျော်လွန်၍ ဒီကရီ ချမှတ်ရန် မျှော်မှန်းထားသည်။)

A.K.A.C.T.V.CHIDAMBARAM CHETTIAR v. A.L.P.R.S.MUTHIA CHETTIAR (၁၉၃၇၊ ရန်ကုန်စီရင်ထုံး၊ စာ - ၂၁၄)

---

"A Court is bound to accept a plaint in a suit for accounts which is valued within the pecuniary limits of its jurisdiction, to hear and determine the suit and to pass a decree for the amount found at the trial to be due to the plaintiff, whatever the amount may be."

(တရားရုံးသည် မိမိ၏ငွေကြေးဆိုင်ရာစီရင်ပိုင်ခွင့်အာဏာ အတွင်း ကျရောက်သည့် စာရင်းရှင်းလင်းပေးစေလိုမှု အဆိုလွှာကို လက်ခံ၍ အဆိုပါအမှုကို ကြားနာဆုံးဖြတ်ခွင့်ရှိသည်။ ထို့ပြင် စစ်ဆေးချက်အရ တွေ့ရှိရသောငွေပမာဏမည်သို့ပင်ဖြစ်စေ အဆိုပါငွေပမာဏအတွက် ဒီကရီချမှတ်ပေးနိုင်သည်။)

A.K.A.C.T.V.CHIDAMBARAM CHETTIAR v. A.L.P.R.S.MUTHIA CHETTIAR (၁၉၃၇၊ ရန်ကုန်စီရင်ထုံး၊ စာ - ၂၁၄)

----

"the plaintiff's valuation in his plaint determines the jurisdiction of the Court and the Court is competent to execute its own decree, although the amount found and decreed by the Court exceeds the limit of its pecuniary jurisdiction."

(တရားလို၏အဆိုလွှာတွင် တရားလို၏ အမှုတန်ဖိုးဖြတ်ထားချက်သည် တရားရုံး၏ စီရင်ပိုင်ခွင့်အာဏာကို သတ်မှတ်သည်။ တရားရုံးက စိစစ်တွေ့ရှိပြီး ဒီကရီချမှတ်သော ပမာဏသည် ငွေကြေးဆိုင်ရာ စီရင်ပိုင်ခွင့် အာဏာကို ကျော်လွန်စေကာမူ မိမိဒီကရီကို အတည်ပြုနိုင်သည်။)

U PO MYA v. FATHER RIOUFREYT (၁၉၃၉၊ ရန်ကုန်စီရင်ထုံး၊စာ ၁၃၄)

--

"It is a well settled principle that it is the plaintiff's valuation in his plaint which prima facie determines the jurisdiction of the Court and not the amount which may be found or decreed by the Court, whatever it may be. Since an execution proceeding is the continuation of the suit, this Court has jurisdiction to entertain the execution application."

(အဆိုလွှာတွင် တရားလိုဖြတ်သည့်အမှုတန်ဖိုးသည် အမြင်အားဖြင့် တရားရုံး၏ စီရင်ပိုင်ခွင့်အာဏာကို သတ်မှတ်ခြင်းဖြစ်ပြီး တရားရုံးက ဒီကရီချမှတ်သော ငွေပမာဏ မည်သို့ဖြစ်စေ ယင်းပမာဏ  မဟုတ် ဟူသော မူသဘောတရားသည် အတည်တကျဖြစ်လျက်ရှိပေသည်။ ဇာရီမှုသည် မူလမှု၏ အဆက်ဖြစ်သောကြောင့်  အဆိုပါတရားရုံးသည် ဇာရီလျှောက်လွှာကို လက်ခံဆောင်ရွက်ရန် စီရင်ပိုင်ခွင့် အာဏာရှိသည်။) 

DAW THAN v. RAMNIRANJAN LHILA (၁၉၆၅၊ မတစ၊ ရုံးချုပ်၊စာ - ၅၉၀)

--

တရားမကျင့်ထုံးဥပဒေတွင် တရားရုံး၏ စီရင်ပိုင်ခွင့်အာဏာ ထက်ကျော် လွန်သော တန်ဖိုးရှိသည့် ပစ္စည်း နှင့် စပ်လျဉ်း၍ အကြောင်းသင့် ဆက်စပ်နေသော ငြင်းချက်ကို စစ်ဆေးစီရင်ခြင်း မပြုရဟုဆိုသော ပြဋ္ဌာန်း ချက် မရှိချေ။ ပုဒ်မ ၆ က ဆိုသမျှမှာ မည်သည့်တရားရုံးကမျှ မိမိ၏ ငွေကြေးဆိုင်ရာ စီရင်ပိုင်ခွင့်အာဏာ ကန့်သတ်ချက် များ ကို ကျော်လွန်သော တန်ဖိုးရှိသည့် အမှုများကို စီရင်ပိုင်ခွင့်အာဏာ မရှိဟူ၍ ဖြစ်သည်။ တရားရုံး၏စီရင်ပိုင်ခွင့်အာဏာကို အမှုတန်ဖိုးက သတ်မှတ်သည်။ တရားပြိုင်ဘက်မှ ထုချေတင်ပြသည့် အကြောင်းသင့် ဆက်စပ်နေသော ငြင်းချက်၏တန်ဖိုးမဟုတ်ချေ။

အေ၊အမ်၊အေ၊အမ်၊ချစ်တီးရားဖမ်း နှင့် မရွှေအိန် နှင့် အခြားသူများ 

(အေအိုင်အာ ၁၉၃၇၊ ရန်ကုန် ၂၁၉) 

Tun Myo Htay