မှုခင်းများ စစ်ဆေးကြရာတွင် မိမိ၏ အမှုသည်အတွက် တာဝန်ကျေလိုသော စိတ်ဓါတ် ရှိသည့် ရှေ့နေ များအား လေးစားမိပါသည်။ သို့သော် ဥပဒေ သဘော တရား နှံ့စပ်ရန်လည်း လိုအပ်ပြီး ဦးတည်ချက်ထား လိုက်ပါ ဆောင်ရွက်သင့်ပါသည်။ ဥပဒေ၏ ဆိုလိုရင်း၊ စီရင်ထုံး၏ လမ်းညွှန်ချက်များအား ကိုယ်တိုင်ရှင်းရှင်း သိပါမှ အမှုစစ်ဆေးရာတွင် အထောက်အကူ ဖြစ်ပါမည်။
တရားခံ ဘက်မှ လိုက်ပါသည့် ရှေ့နေ တစ်ချို့၏ အယူအဆ တစ်ခု သတိထားမိ၍ ဆွေးနွေးလိုပါသည်။ အကြောင်းအရာ အချက်အလက် တစ်ခုကို တရားလိုပြ သက်သေများ စစ်ဆေးတိုင်း(လိုပြ သက်သေတိုင်း) ပုံစံတူ မေးခွန်းထုတ်ကြပါသည်။ သက်သေ က ၄င်းမေးသည့် အချက် သိခြင်း မသိခြင်းမှာ အဓိက ကျဟန်မတူပါ။ ကျနော် လည်း သိချင်စိတ်ကို မထိန်းနိုင်၍ မေးမြန်းကြည့်မိရာ After thought ဖြစ်မှာကို ပူပန်ပြီး မေးခြင်းဖြစ်ကြောင်းသိရပါတော့သည်။
နောက်မှ အကြံရ၍ တင်ပြသော ဇာတ်လမ်း ဖြစ်သည် (after thought )ဟူသော အကြောင်းပြချက်ဖြင့် တရားခံ၏ ထုချေ ချက်ကို ငြင်းပယ်ခဲ့သည်မှာ ဦးတင်ထွဋ် Vs ပထစ ၁၉၆၆ မတစ ၁၉၂ ထုံးပြုချက် ပေါ်ထွက်လာပြီးကတည်းက ဖြစ်သည်ဟု ဆရာကြီး ဦးမြ က ဆိုထားပါသည်။ တရားလိုပြ သက်သေများကို ပြန်လှန်မေးခွန်းတွင် မေးမြန်းခြင်း မပြုဘဲ စွဲချက်တင်ပြီးမှ ထုချေလျှင် နောက်မှ အကြံရ၍ ထုချေသည်ဟု ယူဆရပေမည်ဟု ဦးတင်ထွဋ် အမှုတွင် ဆိုထားပါသည်။
စီရင်ထုံးကို အတောင့်လိုက် သဘောပေါက်သွားပြီး ယနေ့တွေ့မြင်နေရသည်မှာ တရားလိုပြ သက်သေတိုင်းအား ထင်ရှားပြီး(မိမိလိုချင်သည့်အချက် ရရှိပြီး)အချက်အလက်ကို တန်းစီ စစ်မေးပါတော့သည်။ တရားလိုပြ သက်သေ တစ်ဦးထံမှ မိမိလိုချင်သည့် အဖြေရလျှင် လုံလောက်မှန်း မသိကြပါ။ တရားခံ ဆင်လိုသော ဇာတ်လမ်း အား သက်သေတိုင်းကို မေးရန်မဟုတ်။ သက်သေခံ ပစ္စည်းသိမ်းဆည်းသည့် ကိစ္စ အား အမှုစစ် သို့မဟုတ် အသိသက်သေ လက်မှတ်ထိုးသူကိုသာ မေးရန် အကြောင်းရှိပါမည်။ ယင်း အကြောင်းအရာ မသိသော လိုပြ ကို မေးပါလျှင် သက်သေခံဥပဒေ ပုဒ်မ ၆၀ အရ သက်သေခံဝင်မည်မဟုတ်ပါ။ ထိုသို့ မသိသည့် သက်သေကို မမေးမိခြင်းသည် after thought. မဖြစ်ပါ။
(သောင်းပြောင်းထွေလာ ၆ စာ ၁၆၆ မှ)
မေး။ အခင်းဖြစ်နေရာ မှာ တရားခံ မရှိကြောင်း လိုပြ ဦးဖြူ အား အခင်းဖြစ်ချိန်က ခင်ဗျား နဲ့ တရားခံ အတူ ထမင်းစားနေတယ် မဟုတ်လား။
သက်သေ။ ဟုတ်ပါတယ်။
မေး။ ပြီးမှ ရန်ဖြစ်သံ ကြားလို့ ခင်ဗျားတို့ နှစ်ယောက် သွားရောက် ဖျန်ဖြေတယ်ဆို။
ဖြေ။ မှန်ပါတယ်။
သက်သေ ဦးဖြူ ၏ ထွက်ချက်ဖြင့် လုံလောက် ထင်ရှားသွားပါပြီ။
နောက်ထပ် လိုပြသက်သေများ အား တရားခံမှာ အခင်းဖြစ်နေရာ မရှိကြောင်း ဦးဖြူ နဲ့ ထမင်းစားနေကြောင်း မည်သည့်အတွက် အချိန်ကုန်ခံမေးရန် လိုပါမည်နည်း။ ဦးဖြူ နှင့် တရားခံ ထမင်းစားသည်ကို မြင်သည်ဟု သိသော သက်သေကိုမူ ယင်းအချက် တစ်ချက် မေးမြန်းခြင်းမှာ ပို၍ သင့်လျော်ပါသည်။
ရာဇဝတ်မှုတွင် တရားခံ အပြစ်ရှိကြောင်း သက်သေပြသရန် တာဝန်သည် တရားလိုဘက်တွင် တစ်ချိန်လုံးကျရောက်သည်ဟူသော SEIN HLA Vs. THE UNION OF BURMA 1951 BLR 289 ထုံးပြုချက်ကို သတိမူ မိပါလျှင် After thought ကိစ္စ အပေါ် စိုးရိမ်ပူပန်မှု ဒီကရီ အထိုက်အလျောက် လျော့ပါးသွားပါမည်။ အမှုစစ်ဆေးရာတွင် သက်သေခံ မဝင်သည့် အချက်အလက်များ မေးမြန်းခြင်းသည် ကောင်းကျိုးမရှိပါ။ သက်သေထွက်ချက်များ ဇကါတင် စိစစ်ရွေးချယ်ရာ၌ အမှန်တရားကို အနည်းနဲ့အများ အတားအဆီး အနှောင့်အယှက်တစ်ခု သာ ဖြစ်လာပါမည်။ အများပြည်သူတို့၏ အချိန်ကို ကျွမ်းကျင်မှုဖြင့် တန်ဘိုးထားသင့်ပါသည်။ မိမိ အမှုသည်၏ ဥပဒေ အရ ရသင့်သည့် အခွင့်အရေးကိုနည်းလမ်း မှန်ကန်စွာ ရှာဖွေရပါမည်။ အကျိုးရှိရှိ အသုံးချခြင်းဖြင့် မှန်မှန် နဲ့ မြန်မြန် စစ်ဆေးစီရင်ခြင်းသို့ .......
လေးစားစွာဖြင့်
ထက်ကိုကို
