ပြန်လှန်စစ်မေးရာတွင် တားမြစ်ကန့်သတ်ထားသည့် အချက်များကို လေ့လာခြင်း (အပိုင်း-၁)
ကျယ်ပြောနက်ရှိုင်းလှတဲ့ "ပြန်လှန်စစ်မေးခြင်း" ဟူသော သမုဒ် ရေပြင်ကျယ်ကြီး ထဲမှာ အတိုင်းအဆမဲ့၊ ဦးတည်ရာမဲ့ ကူးခတ်နေခြင်းမျိုး မဖြစ်ရအောင် "သက်သေခံဥပဒေ" ဟူသော မေခလာ နတ်သမီးက အမှန်တရား ရှိရာ ပန်းတိုင်ဆီသို့ ရည်ဆောင်ညွှန်ပြ ပေးပါတယ်။ "ပညာ"ဟူသော ရေလှိုင်း အလျဉ်၊ လားရာကို ဥာဏ်ချင့်ယှဉ်ပြီး ဇွဲ လုံ့လကြီးမားစွာနဲ့ မဟာဇနက မင်းသားလို ကူးခတ်တတ်သူဟာ ပြန်လှန်စစ်မေးခွင့်ရှိသော ရှေ့နေရှေ့ရပ်များပဲ ဖြစ်ရမှာပေါ့ ... ။
အမှန်တရားကို ဖော်ထုတ်ဖို့နဲ့ တစ်ဘက်သူရဲ့ အမှားကို ရုံးက မြင်သာအောင် ဖွင့်ချနိုင်ဖို့အတွက် ပြန်လှန်စစ်မေးခြင်းဟာ အထိရောက်ဆုံး သော နည်းလမ်းပဲ ဖြစ်ပါတယ်။ ပြန်လှန်စစ်မေးခွင့်ဟာ ကျယ်ဝန်းနက်နဲတယ် ဆိုတာ မှန်ပါတယ်။ သို့သော် အမှန်တရား ပေါ်ပေါက်စေရေးအတွက် အမှုအခင်းများ စစ်ဆေးစီရင်ရာမှာ မလိုအပ်ဘဲ ကြန့်ကြာနှောင့်နှေးခြင်း၊ သင့်မြတ်လျော်ကန်မှု မရှိခြင်း စတာတွေ ပေါ်ပေါက်မှု မရှိစေနိုင်ဖို့ အတွက် ပြန်လှန်စစ်မေးခြင်း အပေါ် တားမြစ်ကန့်သတ် ထားတဲ့ အချက်တွေလည်း ရှိတယ်ဆိုတာကို အပိုင်း(၁)အဖြစ် ဆွေးနွေးတင်ပြသွားမှာ ဖြစ်ပါတယ်။
* သက်သေခံဥပဒေ ပုဒ်မ ၅၆
"တရားရုံးက သက်သေခံချက် မယူဘဲ လက်ခံနိုင်သော အကြောင်းခြင်းရာ များကို သက်သေ ထင်ရှားပြရန် မလိုချေ။" (သက်သေခံဥပဒေ ပုဒ်မ ၅၆)ဒီပုဒ်မရဲ့ ဆိုလိုရင်းက ရှင်းပါတယ်။ သက်သေခံချက် မယူဘဲ လက်ခံနိုင်တဲ့၊ လက်ခံရမယ့် အကြောင်းခြင်းရာ ဆိုတာမျိုးကတော့ (ပုဒ်မ ၅၆ နဲ့ ဆက်စပ်လေ့လာရမယ့်) ပုဒ်မ ၅၇ အပိုဒ်(၁)ပါ မြန်မာနိုင်ငံအတွင်း အာဏာတည်တဲ့ ဥပဒေ၊ နည်းဥပဒေများ၊ အပိုဒ်(၁၃)ပါ ကုန်းပေါ်၊ ရေပေါ် သွားလာရာမှာ လိုက်နာရမယ့် လမ်းစည်းကမ်း စတဲ့ အကြောင်းခြင်းရာမျိုးပဲ ဖြစ်တယ်ဆိုတာ မြင်သာပါတယ်။ ဥပမာအားဖြင့် -- တရားရုံးက သက်သေခံချက် မယူဘဲ လက်ခံနိုင်တဲ့ အကြောင်းခြင်းရာမျိုး ဖြစ်ပြီး၊ ဥပဒေပါ အင်္ဂါရပ်ကို ရည်ညွှန်းမေးမြန်းတဲ့ ပြန်လှန်မေးခွန်းမျိုး ဖြစ်တဲ့ -- "လင်ရှိမယားမှန်း မသိလို့ တရားလိုရဲ့ ဇနီးနဲ့ အတူနေထိုင် ပေါင်းသင်းမိခဲ့မယ် ဆိုရင် (ပြစ်မှုဆိုင်ရာဥပဒေ ပုဒ်မ ၄၉၇ အရ) မယားခိုးမှု မမြောက်တာကို သိသလား" ဆိုတာမျိုး၊ ဒါ့အပြင် "ချွန်ထက်တဲ့ အရာနဲ့ အပြင်းအထန် ဒဏ်ရာရစေခဲ့ရင် ပြစ်မှုဆိုင်ရာ ဥပဒေ ပုဒ်မ ၃၂၆ မြောက်တယ်ဆိုတာ သိသလား" ဆိုတာမျိုးတွေဟာ ဥပဒေ အချက်အလက်တွေ ဖြစ်နေပြီး သက်သေခံချက် မယူဘဲ ဥပဒေအရ လက်ခံထားတဲ့ အကြောင်းခြင်းရာ မျိုးတွေသာ ဖြစ်လို့ ပြန်လှန်မေးခွန်းနဲ့ သက်သေထင်ရှား ဖော်ထုတ်နေဖို့ မလိုအပ်ပါဘူး။
ထိုနည်းလည်းကောင်းပါပဲ။ "ယာဉ်စည်းကမ်း၊ လမ်းစည်းကမ်းအရ မော်တော်ယာဉ်တွေဟာ တောင်ပေါ်လမ်းရှိ အကွေ့တိုင်းမှာ ဟွန်းတီးပြီး အမြန်နှုန်း လျေှာ့၍ မောင်းနှင်ရမည်ကို သိပါသလား" ဆိုတဲ့ မေးခွန်းမျိုး ဟာလည်း သက်သေခံဥပဒေ ပုဒ်မ ၅၇ အပိုဒ်(၁၃)အရ ကုန်းပေါ်၌ ဖြစ်စေ၊ ရေပေါ်၌ ဖြစ်စေ သွားလာရာတွင် လိုက်နာရမည့် လမ်းစည်းကမ်းကို ရည်ညွှန်း မေးမြန်းနေခြင်းမျိုး ဖြစ်တာမို့ သက်သေခံချက် ရယူနေစရာ မလိုအပ်ပါဘူး။ တရားခွင်မှာ မကြာခဏ ဆိုသလို ဒီလိုပုံစံမျိုး မေးမြန်းတဲ့သူ တွေလည်း ရှိနေလို့ ဒီလို ဥပဒေ ပြဋ္ဌာန်းချက်ကို ဆွေးနွေးတင်ပြ ရခြင်းလည်း ဖြစ်ပါတယ်။ တချို့ကလည်း တစ်ဘက်သူရဲ့ ပျော့ကွက် ဟာကွက်၊ အားနည်းချက်၊ ပြစ်ချက်တွေကို ရုံးတော်သိမြင်စေဖုိ့ အစကတည်းက ပျိုးပြီး မေးမြန်းလာရင်းက ဒီလို ဥပဒေ အချက်အလက်မျိုး မေးတဲ့ အဆင့်အထိ ရောက်ရှိလာရတာ ဖြစ်လို့ ဒီလိုမှ မေးမြန်းဖော်ထုတ်ခွင့် မရရင် ဘယ်လို မေးရမှာလဲလို့ စောဒက တက်လာကြလိမ့်မယ် ဆိုတာကို သိပါတယ်။ အဲလိုစောဒကကို မရှင်းလင်းခင် အထက်ဖော်ပြ ခဲ့ပြီးဖြစ်တဲ့ ပြန်လှန်မေးခွန်း ပြဿနာများနဲ့ စပ်လျဉ်းပြီး ဥပဒေ ပညာရှင်များ ရှင်းပြထားတဲ့ ဥပဒေ ဗဟုသုတ အချို့ကိုလည်း ဆက်လက် လေ့လာကြည့်ကြ ရအောင်ပါ။
ဆရာ ဦးဘိုးသာ ရေးတဲ့ သက်သေခံ ဥပဒေ အဖွင့်ကျမ်းမှာ တရားရုံးက တရားဝင် အသိအမှတ် ပြုတဲ့ အကြောင်းခြင်းရာ တွေကို သက်သေခံ တင်ပြရန် မလိုအပ်ကြောင်း၊ တရားရုံးများက အလိုအလျောက် အသိအမှတ် ပြုမည်သာ ဖြစ်ကြောင်း ရှင်းလင်း ဖော်ပြထားတာကို တွေ့ရပါတယ်။ ထိုနည်းတူစွာပဲ၊ စာပေးစာယူ ပဉ္စမနှစ် ဥပဒေသင်တန်းအတွက် သက်သေခံ ဥပဒေ ပို့ချချက် အတွဲ(၁) မှာလည်း ဖော်ပြထား တာကို လေ့လာတွေ့ရှိ ရပါတယ်။ ဒါ့အပြင် ဆရာ ဦးသက်ဖေ ရေးတဲ့ သက်သေခံ ဥပဒေ၏ သိကောင်းစရာများ စာအုပ်မှာလည်း ဖော်ပြပါ အကြောင်းခြင်းရာ တွေဟာ လူအများ ကောင်းစွာ သိရှိတဲ့ အကြောင်းခြင်းရာများ ဖြစ်တဲ့ အလျောက် သက်သေထူရန် မလိုဘဲ၊ အလိုအလျောက် အသိအမှတ် ပြုစေခြင်းပင် ဖြစ်ကြောင်း၊ ဤပုဒ်မအရ အကြောင်းခြင်းရာ တစ်ခုခုကို အမှုသည် တစ်ဦးက အားကိုးလိုလျှင် ယင်းအကြောင်းခြင်းရာ တည်ရှိကြောင်း တရားရုံးသို့ "လျှောက်လဲ" ပြောဆိုနိုင်မည်ဖြစ်ကြောင်း၊ သက်သေခံချက် တစ်စုံတစ်ရာ တင်ပြရန် မလိုအပ်ကြောင်း ရှင်းလင်းဖော်ပြ ထားတာကို တွေ့နိုင်ပါတယ်။ ဆရာ ဦးကျော်ဇေယျ ရေးတဲ့ ပြန်လှန်စစ်မေခြင်းပညာ စာအုပ်မှာလည်း တရားဥပဒေအရ ဂရုပြုနိုင်သည်ကို ထင်ရှားအောင် မပြုရကြောင်း သက်သေခံ ဥပဒေ ပုဒ်မ ၅၆ မှာ ပြဌာန်းပါရှိတဲ့အတွက် အထက်မှာ ဖော်ပြခဲ့သော ပြန်လှန်မေးခွန်းမျိုးဟာ ဥပဒေ အချက်အလက်များသာ ဖြစ်၍ မေးမြန်းခွင့် မရကြောင်း ရှင်းပြထားတာကို လည်း တွေ့ရပါတယ်။
ဒီတော့ကာ စောဒကကို ရှင်းလင်းပြလို့ ရနေပါပြီ။ ပုဒ်မ ၅၆ နဲ့ ၅၇ တို့ဟာ တရားရုံးက သက်သေခံချက် မယူဘဲ လက်ခံနိုင်တဲ့၊ လက်ခံရမယ့် အကြောင်းခြင်းရာ တွေကို သက်သေထင်ရှားပြရန် မလိုကြောင်း၊ သက်သေခံချက် မယူရကြောင်း ဆက်စပ် ပြဋ္ဌာန်းထားတဲ့ ပုဒ်မများ ဖြစ်ကြောင်း ဥပဒေမှာ ပြဋ္ဌာန်းထားပြီး ဖြစ်တာကို တွေ့မြင်ပြီး ဖြစ်ပါလိမ့်မယ်။ အဆိုပါပုဒ်မပါ ပြဋ္ဌာန်းချက် တွေကိုတော့ စောဒကတက်လိုသူ အနေနဲ့ အထူးပြု ငြင်းဆိုနိုင်ဖို့ ခက်ခဲပါလိမ့်မယ်။ ပြန်လှန်မေးမြန်းသူ အနေနဲ့ ဒီလိုတွေ မှ မေးမြန်းခွင့် မရဘူးဆိုရင် တစ်ဘက်အမှုသည် (သို့မဟုတ်) သက်သေကို ဥပဒေ အချက်အလက်၊ ယာဉ်စည်းကမ်း၊ လမ်းစည်းကမ်း စတာမျိုးကို ရည်ညွှန်းမမေးဘဲ "လင်ရှိမယားမှန်း မသိလို့သာ တရားခံအနေနဲ့ နေထိုင်ပေါင်းသင်းမိတာကို သိသလား"၊ "ချွန်ထက်တဲ့အရာ (---)နဲ့ ထိုးခဲ့လို့ တရားလိုမှာ အပြင်းအထန် ဒဏ်ရာရစေခဲ့တာ သိသလား"၊ "သင်သည် အချင်းဖြစ်နေရာ ဖြစ်တဲ့ တောင်ပေါ်လမ်း အကွေ့မှာ ယာဉ်စည်းကမ်း လမ်းစည်းကမ်းနဲ့ အညီ ဟွန်းတီးပြီး အမြန်နှုန်း လျော့ကာ မောင်းနှင်ခဲ့ခြင်း မရှိလို့သာ ယခုကဲ့သို့ ယာဉ်တိုက်မှုဖြစ်ခဲ့တယ်ဆိုတာ မှန်သလား"လို့ တိုက်ရိုက်မေးမြန်းနိုင်ခွင့်တော့ ရှိမှာ ဖြစ်ပါတယ်။
နမူနာ မေးခွန်းများပါ အကြောင်းခြင်းရာ မျိုးတွေဟာ သက်သေခံဥပဒေ ပုဒ်မ ၅၆ နဲ့ ၅၇ အရ တရားရုံးက သက်သေခံချက် မယူဘဲ လက်ခံရမယ့် အကြောင်းခြင်းရာတွေပဲ ဖြစ်တဲ့အပြင်၊ ဒီလို အကြောင်းခြင်းရာမျိုးကို သက်သေထင်ရှား ပြသရန် မလိုတဲ့အတွက် ပြန်လှန်မေးခွန်း မေးမြန်းလို့ မရနိုင်ဘူး ဆိုတာကို မြင်သာပြီလို့ ထင်ပါတယ်။ အမှန်တရား ပေါ်ပေါက်စေရေးအတွက် အမှုအခင်းများ စစ်ဆေးစီရင်ရာမှာ မလိုအပ်ဘဲ ကြန့်ကြာနှောင့်နှေးခြင်း၊ သင့်မြတ်လျော်ကန်မှု မရှိခြင်း စတာတွေ ပေါ်ပေါက်မှု မရှိစေနိုင်ဖို့နဲ့ အချိန်ကုန် လူပမ်း မဖြစ်စေဖို့အတွက် အခုလိုမျိုး ပြန်လှန်စစ်မေးခြင်း အပေါ် သီးခြားရည်ရွယ် ပြဋ္ဌာန်းပြီး တားမြစ်ကန့်သတ်ထားခြင်း ဖြစ်လိမ့်မယ်လို့ ကျွန်တော် တွေးနေမိပါတယ်။ ပြန်လှန်စစ်မေးရာတွင် တားမြစ်ကန့်သတ်ထားသည့် အချက်များကို လေ့လာခြင်း (အပိုင်း-၁) အဖြစ် ဒီနေရာမှာ ခေတ္တရပ်နားခွင့် ပြုပါ။ အပိုင်း(၂)ကို ဆက်လက်ရေးသား ဖော်ပြပါအုံးမယ် ခင်ဗျာ။
ပညာနှင့်ယှဉ်၍ နေထိုင်သော ပညာရှင်များ ဖြစ်နိုင်ကြပါစေ။
လွှမ်းမိုးအောင် (တရားရေး)
