တရားခံ ထွက်ပြေးတိမ်းရှောင်သည့် သက်သေခံချက်

တရားခံ ထွက်ပြေးတိမ်းရှောင်သည့် သက်သေခံချက်

*******************************************

        ပြစ်မှုဆိုင်ရာ မှုခင်းတွေမှာ တရားခံအချို့ဟာ အကြောင်းအမျိုးမျိုးကြောင့် ထွက်ပြေးတိမ်းရှောင် ခြင်းမျိုး ရှိတတ်ပါတယ်။ အကြောင်းအမျိုးမျိုး ဆိုတဲ့ နေရာမှာ တစ်ချို့က အမှန်တကယ် ပြစ်မှုကျူးလွန် ပြီးနောက် ဖမ်းဆီးထိန်းသိမ်း ခံရမှာကို ကြောက်လို့ ထွက်ပြေးတိမ်းရှောင်တာ ရှိသလို၊ အချို့ကျပြန်တော့ ပြစ်မှု မကျူးလွန် ပါဘဲလျက် သင်္ကာမကင်း ဖြစ်ခံရလို့ ဖြစ်ဖြစ်၊ မတရား စွပ်စွဲခံရလို့ပဲ ဖြစ်ဖြစ် ကြောက်လန့်ပြီး ထွက်ပြေးတိမ်းရှောင် သွားကြတာမျိုးလည်း ရှိတတ်ပြန်ပါတယ်။ အဲဒီလို တရားခံ (စွပ်စွဲခံရသူ) ထွက်ပြေး တိမ်းရှောင်ခဲ့ပြီးနောက် ဖမ်းဆီးရမိ လာတဲ့အခါ တရားရုံးမှာ တရားစွဲတင်ပို့ ခြင်းခံရပါတော့တယ်။ ထိုအခါမျိုးမှာ တရားခံ ထွက်ပြေး တိမ်းရှောင်ခဲ့တဲ့ အကြောင်းရင်းဟာ ၄င်း ပြစ်မှုကျူးလွန် ခဲ့ခြင်း ဖြစ်လို့သာ ထိုသို့ ထွက်ပြေးတိမ်းရှောင် ခဲ့ခြင်းဖြစ်ကြောင်းဖြင့် တရားလိုဘက်မှ စွပ်စွဲပြောဆို ပါလိမ့်မယ်။ ယေဘုယျ အားဖြင့် စဉ်းစားကြည့်မယ် ဆိုရင်တော့ ပြောမယ် ဆိုရင်လည်း ပြောစရာ ဖြစ်နေတော့တာပေါ့။

       ဒါပေမယ့် အဲဒီလို ထွက်ပြေးတိမ်းရှောင်တဲ့ သူတိုင်းဟာ အမှန်တကယ် ပြစ်မှုကျူးလွန်သူ ဖြစ်တယ်လို့ တပ်အပ်ဆိုနိုင် ပါ့မလား ဆိုတာက စဉ်းစားစရာပါ။ မောင်ရွှေ နှင့် နိုင်ငံတော် (၁၉၆၁၊ မတစ၊ စာ-၂၄၃) စီရင်ထုံးကို ဦးစွာ လေ့လာကြည့်ပါမယ်။
အဆိုပါ စီရင်ထုံးမှာ __ "တရားခံ အပြစ်ရှိ-မရှိ သုံးသပ်ရာတွင် အချင်းဖြစ်ပွားပြီးနောက် ၄င်းသည် အကြောင်းမဲ့ ထွက်ပြေးတိမ်းရှောင် ခဲ့သည် ဆိုသောအချက်ကို ထည့်သွင်း စဉ်းစားနိုင်သည်။ ယင်းအချက် သည် တရားလိုဘက်ကို ထောက်ခံထားသော အထောက်အထား တစ်ရပ် ဖြစ်သည်။ အခြား အထောက် အထားရှိလျှင် ယင်းအချက်ကို ထည့်သွင်း စဉ်းစားနိုင်သည်"လို့ သုံးသပ် ထားတာကို တွေ့ရပါတယ်။

       အချင်းဖြစ်ပွား ပြီးတဲ့နောက်ပိုင်းမှာ တရားခံ ထွက်ပြေး တိမ်းရှောင်ရုံ သက်သက်မျှနဲ့ ၎င်းကို အပြစ်ရှိတယ်လို့ တပ်အပ် ဆိုရမှာ မဟုတ်ဘဲ၊ အမှုမှာ ပေါ်ပေါက်နေတဲ့ အခြားသော သက်သေခံ အထောက်အထား တွေမှာလည်း တရားခံ ပြစ်မှုကျူးလွန်တယ်လို့ ကောက်ယူနိုင်တဲ့ သက်သေခံချက်တွေ ပေါ်ပေါက်နေတဲ့အပြင်၊ တရားခံကလည်း အချင်းဖြစ်ပွား ပြီးနောက် အကြောင်းမဲ့ ထွက်ပြေးတိမ်းရှောင် နေခဲ့တယ် ဆိုရင် အဲဒီလို တရားခံ ထွက်ပြေးခဲ့ခြင်း အကြောင်းရင်းဟာ ပြစ်မှုကျူးလွန်ခဲ့လို့သာ ထွက်ပြေးခြင်း ဖြစ်တန်ရာတယ်ရယ်လို့ (တရားလိုဘက်ကို ထောက်ခံတဲ့ အထောက်အထား တစ်ရပ်အဖြစ်) ထည့်သွင်းစဉ်းစား နိုင်တယ်လို့ တစ်နည်းအားဖြင့် ဆိုလိုပါတယ်။

       တရားခံ ထွက်ပြေးတိမ်းရှောင်တယ် ဆိုရုံ သက်သက်မျှနဲ့ မိမိ(တရားလို)ဘက်က ပြသရမယ့် သက်သေပြရန် တာဝန်ကို ရှောင်လွှဲသွားပြီး တရားခံကို အပြစ်ပုံချ သွားလို့တော့ ရမှာ မဟုတ်ပါဘူး။ သက်သေခံဥပဒေက ပြဋ္ဌာန်းသတ်မှတ်ထားတဲ့ သက်သေပြရန် တာဝန်ကို မကျေသရွေ့တော့ ၎င်းတရားခံဟာ အပြစ်ရှိသူ ဖြစ်တယ်လို့ သံသယ ကင်းကင်းနဲ့ သတ်မှတ်နိုင်မှာ မဟုတ်ပါဘူး။ ဒီနေ့ အဓိကထားပြီး မျှဝေတင်ပြပေးလိုတဲ့ စီရင်ထုံး(၄)ခုကို စာရှုသူတို့ လေ့လာမှတ်သား နိုင်ကြရန် အလို့ငှာ အောက်မှာ တင်ပြပေးလိုက်ပါတယ် __

* ထိုသို့ တိမ်းရှောင်ရုံနှင့် အပြစ်ရှိသည်ဟု တထစ်ချ မယူဆနိုင်ပေ။ အကြောင်း တစ်ခုခုကြောင့် ရှောင်တိမ်းခြင်းလည်း ဖြစ်နိုင်သည်။
(မောင်ထွန်းစိန် နှင့် နိုင်ငံတော်၊ ၁၉၅၄၊ လွှတ်ချုပ်၊ စာ-၁၁)

* တရားခံသည် အချင်းဖြစ် ညနေ၌ သေသူနှင့် စကားများ နေကြခြင်းကို တွေ့ခြင်းဖြင့် လည်းကောင်း၊ ရွာမှ တရားခံသည် အချင်းဖြစ်ပြီး တိမ်းရှောင်နေခြင်းဖြင့် လည်းကောင်း ဤအခြင်းအရာ များကြောင့် တရားခံပင်လျှင် ပြစ်မှုကျူးလွန်သူဟု ယူဆရန် မဖြစ်နိုင်ပေ။
(မောင်ရွှေ နှင့် နိုင်ငံတော်၊ ၁၉၆၀၊ လွှတ်တော်၊ စာ-၂၄၃(၂၅၂))

* အချင်းဖြစ်ပြီးလျှင် ပြီးချင်း ရွာမှ တိမ်းရှောင်နေရုံကာမျှဖြင့် တရားခံသည် ပြစ်မှုကျူးလွန်သူ ဟူ၍ မယူဆသင့်ကြောင်း မောင်ထွန်းစိန် နှင့် နိုင်ငံတော် (၁၉၅၄၊ လွှတ်ချုပ်၊ စာ-၁၁)တွင် ရှင်းလင်း ဖော်ပြ ထားသည်ကို တွေ့ရှိနိုင်လေသည်။ ဤအမှုတွင်လည်း အယူခံ တရားလိုနှင့် ရန်ဖြစ်ကြသူများမှာ သေဆုံးသူ၏ ညီအစ်ကိုများ ဖြစ်လေရာ အယူခံ တရားလိုသည် ထိုညီအစ်ကိုများကို ကြောက်ရွံ့သောကြောင့် ယခုကဲ့သို့ ရှောင်တိမ်းသွားသည်ဟု ယူဆနိုင်လေသည်။
(မောင်သူတော်လေး နှင့် နိုင်ငံတော်၊ ၁၉၆၅၊ ရုံးချုပ်၊ စာ-၉၄၅(၉၄၈))

* အယူခံတရားလိုသည် အခင်းဖြစ်ပြီးနောက် နှစ်လနီးပါးခန့် တိမ်းရှောင်နေသည်ကား မှန်၏။ သို့ရာတွင် ၎င်းက ၎င်းအပေါ် လူသတ်မှုဖြင့် မဟုတ် မတရား စွပ်စွဲထားသောကြောင့် ကြောက်ရွံ့ပြီး တိမ်းရှောင်နေမိကြောင်း ထုချေထားရာ၊ တိမ်းရှောင်နေသည် ဆိုသော အချက်ကြောင့် အယူခံ တရားလိုသည် လူသတ်သမား ဖြစ်ရမည်ဟု တထစ်ချ မယူဆနိုင်ပေ။
(မောင်တင်လှိုင် နှင့် နိုင်ငံတော်၊ ၁၉၆၆၊ ရုံးချုပ်၊ စာ-၆၅၄(၆၆၀))

       ဆိုခဲ့ပြီးတဲ့ စီရင်ထုံးတွေကို သာဓကယူပြီးတဲ့ နောက် __ တရားခံဟာ အခင်းဖြစ်ပွားပြီး နောက်ပိုင်း ထွက်ပြေးတိမ်းရှောင် နေတယ် ဆိုရုံမျှနဲ့ ၎င်းကို ပြစ်မှုကျူးလွန်သူ ဖြစ်တယ်လို့ ပုံသေကားချပ် မှတ်ယူလို့ မရနိုင်ဘူး ဆိုတာကို ပိုမို သတိပြုမိ လ်ိမ့်မယ်ထင်ပါတယ်။ ပတ်ဝန်းကျင် သက်သေခံချက်တွေ ပြည့်စုံလုံလောက်အောင် တရားလိုဘက်က တင်ပြနိုင်ရမယ့် အပြင်၊ ကွင်းဆက်မပြတ်တဲ့ သက်သေခံချက်တွေနဲ့ ဆက်စပ် စဉ်းစားသုံးသပ် နိုင်လောက်အောင် သက်သေထင်ရှား ပေါ်လွင်နေဖို့ လိုမှာလည်း ဖြစ်ပါတယ်။ သို့မှသာ တရားခံ ထွက်ပြေး တိမ်းရှောင်ခဲ့ရခြင်း အကြောင်းရင်းဟာ ၎င်း ပြစ်မှုကျူးလွန်ခဲ့ခြင်း ဖြစ်၍သာ ထွက်ပြေးခဲ့ခြင်း ဖြစ်ကြောင်း တရားလိုဘက် ထောက်ခံတဲ့ သက်သေခံ အထောက်အထား တစ်ရပ် အဖြစ် တရားရုံးက သက်သေထင်ရှား သုံးသပ်မှာ ဖြစ်ပါတယ်။

လွှမ်းမိုးအောင် (တရားရေး)

3-2-2015 1:53 am.