ပြေလွင်မြင့်
လတ်တလောပုံရိပ်
📸📸📸📸📸
“ငါကိုယ်တော် တရားရေးမဏ္ဍိုင်ကို တည့်မတ်လိုက်တာဖြင့်
အဆင်များ ပြေကြရဲ့လားဟဲ့”
“အဆင်ပြေတာဖြင့် လူသတ်မှုတောင် ကျေအေးလို့ရနေပါပြီဘုရား” (ကာတွန်းကိုကျော်၊ ကြံခင်း)
“သားသားအမြင်ကတ်တဲ့သူ သတ်ချင်တိုင်းသတ်လို့ရပြီ၊ အဲဒါ အဲဒါ ၄၉၄ကြောင့်”(ကာတွန်း- Saw Naing Htoo)
(၃၀-၇-၂၀၁၈)စံတော်ချိန်သတင်းစာပါ ကာတွန်းနှစ်ကွက်၏
ထင်ဟပ်ချက် ဖြစ်ပါသည်။
မထီမဲ့မြင်
⚽⚽⚽⚽
ရန်ကုန်မြို့သူမြို့သားများ၊စာနယ်ဇင်းမီဒီယာနှင့်ဥပဒေအသိုင်းအ၀ိုင်းတွင်အုတ်အော်သောင်းတင်းဖြစ်ခဲ့ပြီး နိုင်ငံတော်အကြီးအကဲကိုပါ အကြီး အကျယ်အံ့အားသင့်စေခဲ့ခြင်းမှာ လူသတ်မှုတွင် ၎င်းတို့၏ မိဘအုပ်ထိန်း သူတို့က လာရောက်အပ်နှံခဲ့သည့် စွပ်စွဲခံရသူများကို ရာဇ၀တ်ကျင့်ထုံး ဥပဒေပုဒ်မ-၄၉၄ အရအမှုရုပ်သိမ်း၍ တရားရှင်လွှတ်ပစ်လိုက်ခြင်းဖြစ်ပြီး တရားဥပဒေစိုးမိုးရေးကို မထီမဲ့ရာရောက်သည် ဟု မှတ်ယူသောကြောင့် ဖြစ်နိုင်ပေသည်။
ရွှေသမင်လာတဲ့လမ်း
⚽⚽⚽⚽⚽⚽⚽⚽
အမှုရုပ်သိမ်းခြင်းမှာကျေအေးခြင်း မဟုတ်ပါ။ အမှုရုပ်သိမ်းခြင်းကို တရားရုံးက ၎င်းသဘောအလျောက် လုပ်ပိုင်ခွင့်မရှိပါ။
တရားရုံးစစ်ဆေးဆဲအမှုများ ရုပ်သိမ်းခြင်းနှင့်စပ်လျဉ်းသည့် အဓိက လုပ်ပိုင်ခွင့်ကို အစိုးရရှေ့နေ(ဥပဒေအရာရှိ)အား ရာဇ၀တ် ကျင့်ထုံး ဥပဒေပုဒ်မ-၄၉၄က ပေးအပ်ထားသည်။ တရားရုံးကစီရင်ချက်မချမီ လူတစ်ယောက်အပေါ်စွဲဆိုထားသောအမှု၊ သို့မဟုတ်-ပြစ်မှု တစ်ရပ် ရပ်နှင့်စပ်လျဉ်း၍ အစိုးရရှေ့နေ(ဥပဒေအရာရှိ)သည် တရားရုံး၏ သဘောတူညီချက်ဖြင့် ရုပ်သိမ်းနိုင်ကြောင်းပြဌာန်းထားပါသည်။
သို့ရာတွင် လူသတ်မှုကဲ့သို့ထောင်ဒဏ်-၁၀နှစ်နှင့်အထက် ကြီးလေး သည့်ပြစ်ဒဏ်ထိုက်သောအမှုမျိုးကိုရုပ်သိမ်းနိုင်သူမှာ မြို့နယ် နှင့်ခရိုင် အဆင့် ဥပဒေအရာရှိများမဟုတ်ပေ။ တိုင်းဥပဒေချုပ်သာဖြစ်သည်။တိုင်းဥပဒေချုပ်သည် အမှုကိုရုပ်သိမ်း ကြောင်း ဆုံးဖြတ်နိုင်သည့် အပြင် တိုင်းဒေသကြီးအစိုးရအဖွဲ့က အမှု ရုပ်သိမ်းသင့်သည်ဟုသဘောရရှိကြောင်း၎င်းထံသို့အကြောင်းကြားပြီး ၎င်းကလည်းအမှုရုပ်သိမ်း သင့်သည်ဟုတွေ့ရှိုပါက သက်ဆိုင်ရာ ဥပဒေရုံးသို့ အမှုရုပ်သိမ်းရန်ညွှန်ကြားနိုင်ကြောင်း ပြည်ထောင်စု ရှေ့နေချုပ်နည်းဥပဒေအပိုဒ် - ၁၂၂၊ ၁၂၃ တို့တွင် ဖော်ပြထားသည်။
ပရိသတ်ရာနှင့်ချီ၍တက်ရောက်ပြီး စီစီတီဗွီနှင့်လုံခြုံရေးများလည်းရှိ သည်ဆိုသော နှစ်သစ်ကူးပါတီ၏ပျော်ပွဲရွှင်ပွဲညတွင် လူတစ်ယောက်ကို ၀ိုင်းဝန်းထိုးကြိတ်ကန်ကျောက်သဖြင့် ဦးခေါင်းခွံရိုးကွဲအက်သေဆုံး ရကြောင်းဖြင့်စွဲဆိုသည့်အမှုအား စစ်ဆေးဆဲတွင် နစ်နာသူ၏အမှု ရုပ်သိမ်းပေးရန်လျှောက်ထားချက်အပေါ် တရားစွဲအဖွဲ့အစည်းက ပြတ်ပြတ်သားသားကန့်ကွက်ခဲ့သည်ကိုလျစ်လျူပြုလျက် အမှုရုပ် သိမ်းကြောင်းကို ခရိုင်ဥပဒေအရာရှိထံသို့ အကြောင်းကြားစာပေးပို့ခဲ့ သူမှာ “တိုင်းဒေသကြီးဥပဒေချုပ်” ဖြစ်သည်။
တိုင်းဥပဒေချုပ်သည် ဖွဲ့စည်းပုံအခြေခံဥပဒေပုဒ်မ-၂၄၈(ခ)အရ ၎င်း၏ ရာထူးတာဝန် အလျောက် “တိုင်းဒေသကြီးအစိုးရအဖွဲ့ဝင်” လည်းဖြစ်လေရာ အမှုရုပ်သိမ်းရန် ဆုံးဖြတ် ချက်ချမှတ်ခဲ့ခြင်းမှာ ၎င်းတစ်ဦးတည်း၏ သဘောဖြင့်ပြုလုပ်ခြင်းလား၊ တိုင်းဒေသကြီး အစိုးရအဖွဲ့ ၏သဘောထား ပါဝင်ခဲ့သလားဆိုသည်ကို မကွဲပြားသေးစေကာမူ မည်မျှ ခိုင်မာသည့် အကြောင်းကြောင့် အမှုရုပ်သိမ်းလိုက်ခြင်းဖြစ်သလဲ -ဆိုသည်မှာ အများ ပြည်သူသိချင်နေသည့် မေးခွန်းတစ်ခုပဲဖြစ်လေသည်။
ပြည်သူ့ မျှော်လင့်ချက်
⚽⚽⚽⚽⚽⚽⚽⚽
သို့ဖြစ်၍လည်း “ပြည်သူ့ဘဏ္ဍာ စားထားခြင်းဖြစ်သည့်အတွက် တရား စီရင်ရေးသည် ပြည်သူ့ဘက်က ဖြစ်ရမည်ဖြစ်ကြောင်း၊ လူ သေဆုံးမှုတွင် တရားလိုသည် နိုင်ငံတော် ဖြစ်ကြောင်း” စသည်ဖြင့် ၎င်း၏မိန့်ခွန်းတွင် ထည့်သွင်းပြောဆိုခဲ့ပြီး“အမှုရုပ်သိမ်းရခြင်း၏ နောက် ခံအကြောင်းရင်း များ၊အခြားဆက်နွယ်ပတ်သက်မှုများနှင့်စပ်လျဉ်း၍ တိတိကျ ကျစိစစ်ကာ ဥပဒေနှင့်အညီ မှန်မှန်ကန်ကန် ဆောင်ရွက်ရန်” သမ္မတကြီးက မှာကြား သဖြင့်သာ တအုံနွေးနွေးခံစားနေရသည့် ပြည်သူလူထုမှာ အနည်းငယ် စိတ်သက်သာရာရခဲ့ခြင်းဖြစ်လေသည်။
အဂတိလိုက်စားမှုတိုက်ဖျက်ရေးအဖွဲ့၏အဂတိကင်းစင်မှု၊ဖြောင့်မှန်မှုနှင့် သမ္မတကြီးကပေးအပ်သည့်တာဝန်ကို“မည်သို့”“မည်ပုံ”“ထမ်းဆောင်”လိမ့်မည်ကို စောင့်ကြည့်ရန် ရှိနေ သေးစေကာမူ မိမိတို့၏ လုံခြုံမှုကိုပါ ထိပါးခြိမ်းခြောက်ခံရသကဲ့သို့“စိတ်ပျက်လက်ပျက်” ဖြစ်ခဲ့ကြသည့် ပြည် သူတို့အတွက် သမ္မတကြီး၏ရပ်တည်မှုသည် “မျှော်လင့်ချက် အလင်း တစ်မျှင်” ဖြစ်သည်ဟုဆိုရပါမည်။
နစ်နာသူ
⚽⚽⚽
ရာဇ၀တ်မှုများတွင် နစ်နာသူ(ကျူးလွန်ခံရသူ)တို့က ရုပ်သိမ်းလွှာတင် သည့် အကြောင်းအရင်း များစွာ ရှိတတ်ပါသည်။
(က) ထိခိုက်မှုနည်းသဖြင့် ကျေနပ်ခွင့်လွှတ်ခြင်း
(ခ) ထိခိုက်မှုကြီးမား စေကာမူ ငွေကြေး အမြောက်အမြားပေး၍ ညှိနှိုင်းသည်ကို မလွန်ဆန် နိုင်ခြင်း
(ဂ) ကျန်ရစ်သူ(တို့)၏လုံခြုံမှုကို တိုက်ရိုက်ဖြစ်စေ၊သွယ်ဝိုက်၍ဖြစ်စေ၊ထပ်မံခြိမ်းခြောက်ခံရခြင်းနှင့်
(ဃ) တရားဥပဒေစိုး မိုးမှုယန္တရားကို မောင်းနှင်နေသူတို့၏ ဖြောင့်မှန်မှုကို မယုံကြည်ရခြင်း တို့ကြောင့် နစ်နာသူတို့က ရုပ်သိမ်းလွှာတင်လေ့ရှိပါသည်။
သို့ဖြစ်၍ နစ်နာသူသည် ခြိမ်းခြောက်ခံရမှု၊မလျော်သြဇာလွှမ်းမိုးခံရမှုနှင့် တာဝန်ရှိသူတို့၏ ဘက်လိုက်လုပ်ဆောင်မှုကို တွေ့မြင်နေ မှုတို့ ကြောင့် (စိတ်မချမ်းမြေ့စွာလက်လျှော့ လိုက် ရခြင်း)မဟုတ်ဘဲ ၎င်း၏လွတ်လပ်သောသဘောဆန္ဒဖြင့်ရုပ်သိမ်းလွှာတင်ခြင်းဖြစ်သလား- ဆိုသည့်အချက်ကို တရားဥပဒေယန္တရားပေါ်မှ ရဲတပ်ဖွဲ့၊ အစိုးရရှေ့နေနှင့် တရားသူကြီးတို့က အလေးအနက်ဂရုပြုစိစစ်ရန် လိုပါသည်။
တရားစွဲအဖွဲ့အစည်း
⚽⚽⚽⚽⚽⚽⚽
တရားလို(နိုင်ငံတော်)ဘက်မှလိုက်ပါသော အစိုးရရှေ့နေ(ဥပဒေအရာရှိ၊ ဥပဒေချုပ်)စသူတို့ သည် (၁)နစ်နာသူ၏လွတ်လပ်သော သဘောဆန္ဒ အရဖြစ်ကြောင်းကျေနပ်ရမည့် အပြင် (၂)တရားစွဲအဖွဲ့ဖြစ်သောရဲတပ်ဖွဲ့က ရုပ်သိမ်းခွင့်လျှောက်လွှာကိုထောက်ခံ(မကန့်ကွက်)မှ သာလျှင် အမှုကိုရုပ်သိမ်းရေးအတွက် တရားရုံးသို့ဆက်လက်တင်ပြလေ့ရှိရာ ရဲတပ်ဖွဲ့က ကန့်ကွက်ပါက(ယာဉ်မတော်တဆဖြစ်၍ လူသေစေသည့် ပုဒ်မ-၃၀၄-က ကဲ့သို့အမှုမျိုး၌ပင် လျှင်)အမှုရုပ်သိမ်းဖို့မဖြစ်နိုင်တော့သည့်အခြေအနေတွင် ရဲကကန့်ကွက်ခဲ့ပါ လျက် လူသတ်မှု ကို ရုပ်သိမ်းဖို့ရာ တိုင်းဥပဒေချုပ်၏ ရဲတင်းသောဆုံးဖြတ်ချက်မှာ အံ့အားသင့်စရာ၊ ထူးခြား ဆန်းပြားသည့် ပဟေဠိတစ်ပုဒ် ဖြစ်ခဲ့ရပါသည်။
ယခုကိစ္စ၌ရဲတပ်ဖွဲ့သည်ပရိသတ်ဗိုလ်ပုံအလယ်တွင်ဖြစ်ပွား၍လုံခြုံရေးနှင့်စီစီတီဗွီကင်မရာများလည်းရှိနေခဲ့သည်ဆိုသောအခင်း ဖြစ်အမှုကို စုံစမ်းစစ်ဆေးရာ၌အားနည်းခဲ့သည်ဟု သံသယ ဖြစ်ဖွယ်ရှိစေကာမူ အမှုရုပ်သိမ်းခြင်းကိုမထောက်ခံရုံမျှမက ပြတ်ပြတ်သားသား ကန့်ကွက်ခဲ့ပါ သည်။ လူမှုကွန်ယက်တွင်ပျံ့နှံ့နေသည့် ခရိုင်ရဲတပ်ဖွဲ့မှူးရုံး၏ ၁၉-၃-၂၀၁၈ ရက်စွဲပါ စာအမှတ် - ၁၀၀၅၉ (၂၁)/၆၀၁/ဦး-၄ တွင် “ အဆိုပါ အမှုသည် အများပြည်သူစိတ်ဝင်စားပြီး ပြည်သူလူထုအား အထိတ်တလန့်ဖြစ်စေ သည့်အပြင် ငြိမ်ဝပ်ပိပြားရေးကို ထိခိုက်စေသည့် အမှုဖြစ်၍ ကန့်ကွက်ကြောင်း” ပြန်ကြားခဲ့ ပါလျက် တိုင်းဥပဒေချုပ်က အမှုကိုရုပ်သိမ်းရန်ဆုံးဖြတ်ခဲ့ခြင်းမှာ ထူးခြားဆန်းပြားလှပါသည်။
တိုင်းဥပဒေချုပ်
⚽⚽⚽⚽⚽⚽
အမှုရုပ်သိမ်းခွင့်ပြုသည့် ခရိုင်တရားရုံး၏ စီရင်ချက်(စာမျက်နှာ-၂)တွင် ဤသို့ဖော်ပြထားပါ သည်။
“တရားလိုနှင့်နစ်နာသူတို့၏အမှုရုပ်သိမ်းခွင့်ပြုရန်တင်ပြလာမှုအပေါ် တရားစွဲအဖွဲ့အစည်းက ကန့်ကွက်ကြောင်း၊ သဘောထားမှတ် ချက်တင်ပြ ထားသော်လည်း အရှေ့ပိုင်းခရိုင်ဥပဒေရုံးမှ တရားလို၏အမှုရုပ်သိမ်းခွင့်လျှောက်ထားမှုအပေါ် ရန်ကုန်တိုင်းဒေသကြီး ဥပဒေချုပ်ရုံးသို့ တင်ပြခဲ့ရာရန်ကုန်တိုင်းဒေသကြီးဥပဒေချုပ်ရုံးက အမှုတွဲပေါ်ပေါက်ချက်အား စိစစ်ရာ သေဆုံး သူကိုတရားခံ(×××××) ၊ (×××××)နှင့် (×××××)တို့က ထိုးကြိတ်ရိုက်နှက်ခဲ့ကြောင်း ထင်ရှားပေါ်ပေါက်မှုမရှိခြင်း၊ သေဆုံးသူ ဦးခေါင်းတွင် ရရှိသောဒဏ်ရာသည် မည်သူကပြုလုပ်ကြောင်း နှင့် တရားခံ(၃)ဦးနှင့်ပတ်သက်ကျူးလွန်ကြောင်း သက်သေခံချက်များ အားနည်းလျက်ရှိ၍ အမှုအားဆက်လက်စစ်ဆေးပါက အကျိုးထူးဖွယ်ရာ မရှိသဖြင့် ရန်ကုန်တိုင်းဥပဒေချုပ်ရုံးမှ အမှုအားရုပ်သိမ်းခွင့်ပြုကြောင်း အကြောင်းကြားလာသဖြင့်”တိုင်းဒေသကြီး ဥပဒေချုပ်က အမှုရုပ်သိမ်းခွင့်ပြုသည့်သည့် အဓိကအချက်မှာ အထက်ပါအတိုင်းဖြစ်သည်ဟုဆိုရပါမည်။
သို့ရာတွင် အမှုရုပ်သိမ်းခြင်းနှင့်စပ်လျဉ်း၍ ဥပဒေက မည်သူ့ကိုမျှ ထင်ရာမြင်ရာ လုပ်ခွင့်ပေး ထားသည်တော့ဖြင့် မဟုတ်ပါ။
ပြည်ထောင်စုရှေ့နေချုပ်နည်းဥပဒေ- ၁၂၅တွင် ဆင်ခြင်ရမည့်အချက်များကိုဖော်ပြထား ပါသည်။
ယင်းတို့မှာ-
(က)ဥပဒေဆိုင်ရာ လိုအပ်ချက် တစ်ရပ်ရပ်အရ အမှုရုပ်သိမ်းဖို့လိုခြင်း
(ခ)သက်သေခံချက်အရပြစ်မှုမမြောက်ကြောင်းထင်ရှားခြင်း
(ဂ)ပြစ်မှု ထင်ရှားပေါ်လွင်စေရန် တရားလိုဘက်မှ သက်သေနှင့်အထောက်အထား မတင်ပြ နိုင်ခြင်း
(ဃ)တရားခံအား တရားလိုပြ သက်သေအဖြစ် ပြောင်းလဲ အသုံးပြုရန် ပေါ်ပေါက်ခြင်း
(င)အမှုသည်အချင်းချင်း ကျေနပ်မှုရရှိပြီးဖြစ်၍သော်လည်းကောင်း၊ သွေးရင်းသားရင်း များဖြစ်၍သော်လည်းကောင်း၊ အမှုကို ဆက်လက်စစ်ဆေးပါက အကျိုးထူးဖွယ်ရာ မရှိ ကြောင်းနှင့် အမှန်တရားကို ထုတ်ဖော်ပြောဆိုမည်မဟုတ်ကြောင်း ပေါ်ပေါက်ခြင်း
(စ) အမှုရုပ်သိမ်းခြင်းအားဖြင့် အလားတူအမှုမျိုးထပ်မံဖြစ်ပွားစေရန်အကြောင်း မရှိခြင်း-ဟူ၍ဖြစ်ပါသည်။
ဤအမှုမျိုးမှာ (ဥပဒေသဘောအရ)“တရားလိုသည် နိုင်ငံတော်” ဖြစ်သဖြင့် အပိုဒ်(ဂ)တွင် ဖော်ပြသည့် “ပြစ်မှုထင်ရှားပေါ်လွင်စေရန် တရားလိုဘက်မှ သက်သေနှင့်အထောက်အထား မတင်ပြနိုင်ခြင်း” ဆိုရာတွင် ပရိသတ်များစည်ကားသည့်ပါတီပွဲ၊ စီစီတီဗီမှတ်တမ်းနှင့် လုံခြုံရေး များရှိနိုင်သည့်ပါတီပွဲတွင် နှာစေးချောင်းဆိုး၍ သေဆုံးခြင်းမဟုတ်ဘဲ လူတစ်စုက၀ိုင်းဝန်းပြု လုပ်ကျူးလွန်ခြင်းကြောင့် ဦးခေါင်းခွံ ရိုးကွဲအက်၍ သေဆုံးခဲ့သည်ဆိုသည့်လူသတ်မှုတွင် ခိုင်မာလုံလောက် သည့်သက်သေခံချက်များကို ရှာဖွေစုစည်း၍ တရားလို(နိုင်ငံတော်)အတွက် “အမှုကိုတည်ဆောက်ရန်” တာဝန်ရှိသူမှာ တရားစွဲအဖွဲ့ (ရဲတပ်ဖွဲ့)ဖြစ်ပါသည်။
ရဲတပ်ဖွဲ့သည် နိုင်ငံတော်ကိုယ်စားသက်သေခံချက်များ ရှာဖွေ၊စုစည်း၊ တင်ပြရန်တာဝန်ရှိပါ သည်။ လိုအပ်ချက်များရှိခဲ့ပါကလည်း “တရားစွဲမတင်မီ အကြံပြုချက်” (Pretrial Advise) ပေးရသည့် “အစိုးရ၏ရှေ့နေဖြစ်သောဥပဒေအရာရှိ” သည် “အမှုစုံစမ်းထောက်လှမ်းသည့် ကာလ”(Investigative Period)အတွင်း သက်သေခံချက်နှင့် သက်သေခံအရာများ ရှာဖွေ စုစည်း၍ အမှုကို ခိုင်မာစွာတည်ဆောက်ပြီးမှ တရားစွဲတင်ရန် ဥပဒေအကြံဥာဏ် ပေးခဲ့ရ မည်ဖြစ်ပါသည်။
သို့စဉ်လျက် အမှုရုပ်သိမ်းရန်လျှောက်ထားမှုကို ရဲတပ်ဖွဲ့ကကန့်ကွက်ပြီး (လေး)လခန့်ကြာ သည်အထိစောင့်ဆိုင်းနေခဲ့ပြီးမှ တရားလိုပြသက်သေ များစစ်ဆေးပြီးစီးသည်အထိ မစောင့်နိုင်တော့ဘဲ ဆရာဝန်အပါအ၀င် သက်သေ(၈)ဦးစစ်ဆေးရန်ကျန်ရှိသေးသည့် အမှုကို “သက်သေခံချက်အားနည်းသည်”ဟုဆိုခြင်းမှာ မိမိတို့၏လစ်ဟင်းမှုကို ဖြောင့်ဆိုလိုက်ခြင်းဖြစ် သည်ဟုသာ ကောက်ယူရန်ရှိပေသည်။
ထို့ပြင် “သက်သေခံချက်အားနည်းသည်”ဆိုခြင်းမှာ စွဲဆိုထားသည့် လူသတ်မှုမမြောက်ခြင်း လား၊ လူသတ်မှုမမြောက်သည့်အပြင် အခြားမည်သည့်ပြစ်မှုမှ ငြိစွန်းမှုမရှိသည်အထိ အားနည်းခြင်းဖြစ်သလားဆိုသည်မှာလည်း စိတ်ဝင်စားစရာ မေးခွန်းတစ်ခုပဲဖြစ်ပါသည်။
တရားဥပဒေစိုးမိုးရေးရှုထောင့်
⚽⚽⚽⚽⚽⚽⚽⚽⚽⚽⚽
ပြည်ထောင်စုရှေ့နေချုပ်နည်းဥပဒေ-၁၂၅(စ)တွင် “အမှုရုပ်သိမ်းခြင်း အားဖြင့် အလားတူ အမှုမျိုးထပ်မံဖြစ်ပွားစေရန်အကြောင်းမရှိခြင်း”ဆို သည့်အချက်ကိုအလေးအနက်ထည့်သွင်း စဉ်းစားရန်ညွှန်ပြထားသည်ကိုတွေ့ပါလိမ့်မည်။ယင်းအပိုဒ်၁၂၅(က)မှ(င)အထိ အချက်များနှင့် အကြုံးဝင်စေကာမူလည်း အပိုဒ်-၁၂၅(စ)တွင်အကြုံးမ၀င်ပါက အမှုရုပ်သိမ်းခြင်းမပြုဖို့ ပိတ် ပင်သည့်သဘော ဖြစ်ပါသည်။
“အလားတူအမှုမျိုး ထပ်မံဖြစ်ပွားစေရန် အကြောင်းရှိမရှိ”ဆိုသည်မှာ တရားဥပဒေစိုးမိုးရေး ကိစ္စဖြစ်ပါသည်။
သို့သော် လူအများရှေ့ကျူးလွန်သည့်လူသတ်မှုကို “တရားဥပဒေစိုးမိုးမှုယန္တရား”တွင် အဓိက တာဝန်ရှိသည့်အပြင် တိုင်းဒေသကြီးအစိုးရအဖွဲ့ဝင်လည်းဖြစ်သော “တိုင်းဒေသကြီးဥပဒေချုပ်” က ရုပ်သိမ်းကြောင်းဆုံးဖြတ်ခဲ့ခြင်းမှာ ပြည်ထောင်စုရှေ့နေချုပ်နည်း ဥပဒေအပိုဒ်-၁၂၅(စ) တွင် ညွှန်ပြခဲ့သည့် “တရားဥပဒေစိုးမိုးရေုးနှင့်စပ်လျဉ်းသည့် အဓိကအချက်ကို ဆင်ခြင်ရန် ပျက်ကွက်”သည်ဟု ဆိုရမည်ပဲ ဖြစ်ပါသည်။
တရားသူကြီး၏အခန်းကဏ္ဍ
⚽⚽⚽⚽⚽⚽⚽⚽⚽⚽
အမှုရုပ်သိမ်းသည့်စီရင်ချက်(စာမျက်နှာ-၃)တွင် အမှုစစ် တရားသူကြီးက ဤသို့အကြောင်းပြ ပါသည်။
“ တရားခံများသည် သေဆုံးသူအားထိုးကြိတ်ရိုက်နှက်ခဲ့ကြောင်း သက်သေနှင့်သက်သေခံ အထောက်အထားတင်ပြနိုင်မှုအားနည်းခြင်း၊သေဆုံးသူ၏ ဦးခေါင်းတွင်ရရှိသောဒဏ်ရာသည် မည်သူကပြုလုပ်၍ ရရှိကြောင်း နှင့်တရားခံများပြစ်မှုကျူးလွန်ကြောင်း သက်သေခံချက်များ အားနည်းခြင်း၊ ခရိုင်ဥပဒေအရာရှိနှင့်တိုင်းဥပဒေချုပ်ရုံးတို့မှ လျှောက်ထားချက်အရ အမှုဆက် လက်စစ်ဆေးလျှင်လည်း အကျိုးထူးဖွယ်ရာ မမြင်ခြင်း” ဟူ၍ ဖြစ်ပါသည်။ တရားသူကြီးသည် အစိုးရရှေ့နေများနှင့် တစ်သံတည်း ဖြစ်နေသည်ကို တွေ့ရပါသည်။
အစိုးရရှေ့နေသည် ဘုရားသခင်မဟုတ်ပါ။ အစိုးရရှေ့နေတို့က အမှု ရုပ်သိမ်းလိုတိုင်း တရားရုံးက သဘောတူရမည်မဟုတ်ပါ။
ပြည်သူ့တရားသူကြီးအဖွဲ့ ညွှန်ကြားချက်အမှတ်-၁၁၊ အပိုဒ်-၁၁ (ဂ)(၂)တွင်- “ရုပ်သိမ်းခွင့်ပြုခြင်းအားဖြင့် အလားတူအမှုမျိုးတိုးတက် ဖြစ်ပွားစေရန် အကြောင်းရှိမရှိ စဉ်းစား သုံးသပ်ရမည်”ဟုဆိုထားသဖြင့် ယင်းအချက်ကို အထူးတလည် ဂရုပြုဆင်ခြင်ခဲ့သင့်ပါသည်။
အမှုတစ်မှုတွင် ရာဇ၀တ်ကျင့်ထုံးဥပဒေပုဒ်မ-၄၉၄ အရ တရားစွဲဆိုခြင်းခံ ရသူ မည်သူကိုမဆို အစိုးရရှေ့နေက အမှုမှ ရုပ်သိမ်းခွင့် ရှိကြောင်းဆို လျက်(အောက်တရားရုံးက) ရုပ်သိမ်းခွင့် ပြုခဲ့ခြင်းနှင့်စပ်လျဉ်း၍ “အမှုစစ်တရားသူကြီးသည် မိမိဆင်ခြင်တုံဥာဏ်ကို တရားစီရင်ဘိသကဲ့သို့ အသုံးပြုရန် ပျက်ကွက်သည်”ဟုသုံးသပ်ပြီး တရားရှင်လွှတ်သည့်အမိန့်ကို ပယ်ဖျက်ခဲ့ပါသည်။(၁၉၆၁၊ မတစ၊ လွှတ်တော်၊ စာ-၆၀)
အမှုတစ်မှုတွင်မူ စွဲချက်တင်ပြီးမှ ရုပ်သိမ်းခဲ့သောအမှုနှင့်စပ်လျဉ်း၍ “အမှုပင်မှန်ကန်သော်လည်း မလျော်သြဇာနှင့် ယင်းအမှုကို ပိတ်စေနိုင်လျှင် တရားစီရင်ရေး သည် သြဇာညောင်းသူတို့အတွက်သာ ဖြစ်ချေမည်။ ထို့ကြောင့် အမှုစုံစမ်းခြင်း၊ တင်ခြင်း၊ ပိတ်ခြင်းတို့တွင် မှန်ကန်မျှတ၍ အဂတိကင်းစင်ဖို့လိုသည်” ဟုညွှန်ပြခဲ့ဖူးပါသည်။ (၁၉၆၇၊မတစ၊ အထူး ရာဇ၀တ်ရုံး အယူခံအဖွဲ့ ၊စာ-၇၂)
သို့ဖြစ်ရာ အမှုစစ်တရားရုံးသည်“တရားဥပဒေစိုးမိုးရေုးကိုသာမက တရားမျှတမှုကို မျက်ကွယ် မပြုရန်”လည်းလိုအပ်ပါသည်။
ဘယ်လိုအစိုးရလဲ
⚽⚽⚽⚽⚽⚽⚽
လက်ရှိအစိုးရသည် တရားဥပဒေစိုးမိုးရေးကို အလေးထားကြောင်း ဖော်ပြ၍ ရွေးကောက်ပွဲဝင်ခဲ့သည့်အစိုးရ ဖြစ်ပါသည်။ ထိခိုက်နစ်နာ ဆုံးရှုံးခဲ့သူတို့က “အကြောင်းကြောင်းဖြင့်” အမှုပြေငြိမ်းလိုသည်ဆိုစေကာမူ တရားဥပဒေစိုးမိုးမှုယန္တရားကို မောင်းနှင်နေသူတို့က“တရားဥပဒေစိုးမိုးရေးနှင့်တရားစီရင်ရေးယန္တရားကို လွဲမှားစွာ အသုံးပြုခြင်း” မျိုးမဖြစ်စေရန် ဆင်ခြင်သင့်ပါသည်။တရားစီရင်ရေးသည် “သြဇာညောင်းသူတို့ အတွက်သာ” မဖြစ်စေရန် ချင့်ချိန်သင့်ပါသည်။
“မည်သူက ခိုင်းခိုင်း”ဥာဏ်ပညာဖြင့်ချင့်ချိန်ဆုံးဖြတ်ရပါမည်။ဥာဏ်ပညာမဲ့ သူက မြားကိုပဲ မြင်ပါသည်။ ဥာဏ်ပညာရှိသူသည် မြားကို လည်းကောင်း၊လေးကိုလည်းကောင်း၊ လေးပစ် သူကိုလည်းကောင်း၊ မြင်ပါသည်။ အိုးမဲသုတ်သူများကို ရှာတွေ့နိုင်ပါစေ၊ တရားဥပဒေ စိုးမိုးရေးကို စောင့်ရှောက်နိုင်ပါစေဟု ဆန္ဒပြုပါသည်။
ပြေလွင်မြင့်
(၂၄-၈-၂၀၁၈ ရက်နေ့ထုတ် စံတော်ချိန် သတင်းစာပါ ''အိုးမဲသုတ်သူများ''ဆောင်းပါးကို ကူးယူတင်ပြခြင်းဖြစ်ပါသည်။)
