ရွှေသမင်လာသည့်လမ်းသို့ ဓားထမ်း၍လိုက်ပါ

ပြေလွင်မြင့်

ယခင်က အဂတိလိုက်စားမှု များကိုတိုက်ဖျက်ရန် ကျယ်ကျယ် လောင်လောင်ကြွေးကြော်ခဲ့ပါ သည်။ အဂတိလိုက်စားမှုတိုက် ဖျက်ရေးကော်မရှင်ကို လူသိရှင် ကြား ဥပဒေပြဋ္ဌာန်း၍ ဖွဲ့စည်း ဆောင်ရွက်ခဲ့ပါသည်။ ထိရောက် မှု ရှိ၊ မရှိ အများအသိအမြင်ပဲ ဖြစ်ပါသည်။ အဂတိလိုက်စား သည့် နည်းမျိုးစုံဖြင့် ချမ်းသာ ကြွယ်ဝလာသူများမှာ နန်းယံ၌ ပန်းပန်ဆဲဖြစ်ပါသည်။ တိုက်ဖျက် ရန် မဆိုထားဘိ မော်၍ မျှကြည့် နိုင်ခဲ့သည်မဟုတ်ပါ။

‘မော်၍ မကြည့်နိုင်’သည် မှာ အထူးတန်းပွဲကြည့်စင်မှ လူ ကြီးမင်းများကို ဖြစ်ပါသည်။

‘ငုံ့၍ကြည့်’သည်တို့ အနည်း ငယ်ရှိပါသည်။ အထူးတန်းပွဲ ကြည့်စင်မှမဟုတ်သော လူကြီး မင်းလေး တစ်ယောက်၊ နှစ် ယောက်ကို ကိုင်းဖျားကိုင်းနား ခုတ်ထွင်သကဲ့သို့ သုတ်သင်ရှင်း လင်းခဲ့ကြောင်း ဆိုလိုသည်။

ဒေါက်တာသန်းဝင်းက ‘အ ဂတိလိုက်စားမှုများ ထင်ရှား သိ သာစွာ လျော့နည်းကျဆင်းရေး အတွက်’ဟူ၍ ပြောဆိုသည်။ လက်တွေ့တွင်မူ အဂတိလိုက် စားမှုသည် နိုင်ငံတစ်ဝန်း ထင်ရှား သိသာစွာလည်းကောင်း၊ မထင် ရှားမသိသာစွာ လည်းကောင်း၊ မည်သည့်အခါကမျှ လျော့နည်း ကျဆင်းခြင်းမရှိခဲ့ကြောင်း ပြော ပြရန်လိုမည် မထင်ပါ။ လွှတ် တော်ကိုယ်စားလှယ်များ၏ ခါး သီးနာကျင်သော ဆွေးနွေးချက် များက ထိုအချက်ကို ထင်ရှားစေ လိမ့်မည် ထင်ပါသည်။

လွန်ခဲ့သော ၁၀ နှစ်ကျော် ခန့်က ခရိုင်အဆင့်အရာရှိတစ် ယောက် ပြောဖူးသည်။

‘‘တို့ကို တမင် လာဘ်မစား စားအောင် လစာတွေကို မလောက်မငပေးနေတာကွ။ တို့ က မလောက်ငတော့ ရှာရတယ်။ လူကြီးတွေက ဒါကိုသိတယ်။ တမင်သိသိချည်းနဲ့ ကြည့်နေတာ။ ဒီတော့ ငါတို့ အပြစ်မကင်းတော့ ဘူး။ အပြစ်မကင်းတော့မှ တို့ကို ကုပ်ဆွဲပြီး သူတို့ခိုင်းချင်ရာခိုင်းလို့ ရမယ်။ ဥပဒေ၊ စည်းမျဉ်းနဲ့မညီ လို့ မလုပ်နိုင်ပါဘူးလို့ ငါတို့မငြင်း နိုင်ခဲ့ဘူး။ ငြင်းရင် တွေ့မယ်လေ။ အပြစ်ကင်းအောင်မှ မနေနိုင်ပဲ။  ထမင်းအိုးလေးမကွဲအောင် ခိုင်း တာလုပ်ရတာပေါ့’’

အဆိုပါပြောဆိုချက်ကို စဉ်းစားဖို့ကောင်းသည်။ စဉ်းစားထိုက်သည် ထင်ပါသည်။

သိပ်မကြာသေးခင်က အ ဖြစ်အပျက်တစ်ခုကို ပြောပါမည်။

သူငယ်တစ်ယောက်သည် ဌာနတစ်ခုတွင် ဦးစီးအရာရှိအ ဖြစ် မကြာသေးမီက အလုပ်ဝင် ခဲ့သည်။ ဆွေကြီးမျိုးကြီး၊ မျက်နှာ ကြီးထဲက မဟုတ်ပါ။ ‘ဆရာမိဘ၊ ကွပ်ဆုံးမ၍’ ချို့တဲ့နွမ်းပါးလှ သည့် ဘဝငယ်စဉ်ကပင် ရိုးရိုး ကုပ်ကုပ် ကြိုးကြိုးစားစား နေခဲ့သူဖြစ်ပြီး ရာထူးဝင်စာမေးပွဲကို သုံး ကြိမ်ဆက်တိုက် ရေးဖြေအောင် မြင်ပြီးမှ ထိုအလုပ်ရခဲ့ခြင်းဖြစ်ပါ သည်။

‘‘ကိုယ့်အလုပ်ကို ကျွမ်းကျင် အောင် လေ့လာပေါ့ကွာ။ သင်ယူ ပါ။ ဌာနက အားကိုးထိုက်အောင် ကြိုးစားလုပ်ကွာ။ အထူးသဖြင့် ရိုးရိုးသားသားလုပ်’’။ နေပြည် တော်တွင် အလုပ်မဝင်မီ သူလာ နှုတ်ဆက်စဉ်က သွန်သင်လိုက်မိ ပါသည်။

လအနည်းငယ်ကြာသောအ ခါ လုပ်ငန်းကျွမ်းကျင်အောင်ဆို ပြီး သူ့ကို မြို့ကြီးတစ်မြို့သို့ ပို့ သည်။ သူက မသွားချင်။ နေပြည် တော်မှာပဲ နေချင်သည်။ ဘာ ကြောင့်လဲဆိုတော့ သူတို့ဌာန သဘာဝက အောက်ခြေမှာ ငွေ ရေးကြေးရေးကိစ္စတွေရှိသည်။ သည်လိုကိစ္စအရှုပ်တွေထဲမှာ သူ မပါချင်ဟု ပြောသည်။ ‘‘ဝန်ထမ်းပဲ ကွာ သွားဆိုသွားရမှာပေါ့။ တခြားကိစ္စက မင်းကိုယ်တိုင် ရှင်း အောင်နေရင်ပြီးတာပါပဲ’’ဟု ပြောလိုက်သည်။

သူ့အလုပ်က အပိုဝင်ငွေရ သည့် ဌာနခွဲတစ်ခုကို တာဝန်ခံကြီးကြပ်ရသော အလုပ်ဖြစ်သည်။ သူက သဘောတူလက်ခံမည်ဆို လျှင် နေ့စဉ်မက်မောစရာ ဝင်ငွေ ရမည်။ သူ့လက်အောက်ဝန်ထမ်း က ညနေတိုင်လျှင် ‘‘ဆရာ့အ တွက်’’ဆိုကာ စာအိတ်လေးတစ် အိတ်လာပေးသည်။ သူက လက် မခံဘဲ ငြင်းခဲ့သည်ဟု ဆိုသည်။ သည်အထိ ပြဿနာမရှိသေး။

‘‘ဒါပေါ့ကွ၊ ကိုယ်ကောင်းဖို့ ပဲလိုတာ။ မင်း မြဲမြဲမှတ်။ သူတို့ ကိုယ်တိုင် သိပ်ပြီးမရိုးသားလှတဲ့ အထက်လူကြီးများတောင်မှ ကိုယ့်လက်အောက်အရာရှိလေး တွေ ရိုးသားဖြောင့်မတ်တာကို သဘောကျတယ်ကွ’’

သို့သော် တစ်လခန့်ကြာ သောအခါ ကျွန်တော့်ဆီသို့ ဖုန်း ဆက်လာသည်။

‘‘ဦးလေး ကျွန်တော်ဘယ်လို လုပ်ရမလဲ။ ကျွန်တော့်အခုနေရာ က လူကြီးကို တစ်လဆယ်သိန်း ပို့ပေးရတဲ့နေရာတဲ့’’

‘‘ဟေ’’။ 

တစ်လလျှင် ငွေ ဆယ်သိန်းပို့ပေးရမည်ဆိုသော သူ့လူကြီး၏ ရာထူးအဆင့်ကို မေး ကြည့်တော့ ကျွန်တော်လန့်သွား သည်။ ထိုသူငယ်ကို ကျွန်တော် စာနာမိပါသည်။ ထိုသူငယ်သည် သူ့အထက်လူကြီးငြိုငြင်မည်ကို စိုးရိမ်ပါလိမ့်မည်။ ဒါလေးမှ အဖြစ်ရှိအောင် မလုပ်နိုင်ဘူး၊ အသုံး မကျဘူးဟု အထင်သေးမည်ကို စိုးရိမ်ပါလိမ့်မည်။ ‘လူကောင်းလူ ညံ့စာရင်း’သွတ်သွင်းခံရမည်ကို လည်း ပူပန်ပါလိမ့်မည်။ အနှိမ်ခံ၊ အနှိပ်ကွပ်ခံရမည်ကိုလည်း ကြောင့်ကြပါလိမ့်မည်။

မိုးခါးရေသောက်ပါ၊ အဟုန် ပြင်းသည့် ရေစီးကြောင်းကြီးထဲ မှာ ရှင်သန်နိုင်အောင် အလိုက် သင့်လှော်ပါဟု ပြောင်းပြောရ မည်လား။ ရိုးသားဖြူစင်သူအဖြစ် ဘဝကို ဖြတ်သန်းနိုင်ရန် သူ့ကို မည်သို့သွန်သင်ညွှန်ပြရမည်မသိ ဖြစ်ရပါသည်။

လာဘ်ပေးလာဘ်ယူ (သို့ မဟုတ်) အဂတိလိုက်စားသည်ဟု တိုင်ကြားချက်ရရှိ၍ စုံစမ်းစစ် ဆေးသည့် ဌာနအဖွဲ့အစည်းများ ကိုယ်တိုင်က ရိုးသားဖြောင့်မှန်ဖို့ လိုပါသည်။ သူခိုးလက်က တစ် ဝက်လုဖို့ မျှော်လင့်ရည်သန်နေ သည့် ‘သူဝှက်’မဖြစ်ဖို့လိုပါသည်။ ရိုးသားဖြောင့်မှန်သည့်တိုင် အမြင်ကျယ်ဖို့ ‘အဂတိလိုက်စားမှု’ဆိုသည်ကို နက်နက်နဲနဲနားလည်နိုင် ဖို့လိုပါသည်။

များသောအားဖြင့် ဝန်ထမ်း အရာရှိများကို စီမံကွပ်ကဲသည့် အခွင့်အာဏာပိုင်သော ဌာနအ ကြီးအကဲဆိုသူတို့သည် လက် အောက်အရာရှိများကို မတော် မတရား အစီးအပွားရှာစေသူများ ဖြစ်နေတတ်ပါသည်။ ထိုသူတို့ သည် ပြဿနာတစ်စုံတစ်ရာ မပေါ်သေးသမျှ လက်အောက် ဝန်ထမ်း၏ ကန်တော့စာ (ပေးစာ၊ ကမ်းစာ)ကို နို့သက်ခံစို့သူများဖြစ် တတ်ပါသည်။ ပြဿနာပေါ်သည့် တိုင် ကယ်နိုင်လျှင် ကယ်တင်၍ ခေတ္တသိမ်းဝှက်ထားတတ်ပါ သည်။ မေ့လျော့သလောက်ရှိ တော့မှ ရာထူးတိုးပေးလိုက်ပြီး ထပ်မံ၍ အစီးအပွားရှာဖို့ အခွင့် အလမ်းဖန်တီးပေးတတ်ပါသည်။ မကယ်နိုင်သည့်အခါတွင်မူ ‘‘စိတ် မကောင်းပါဘူး တပည့်ရာ’’ဆို လျက် ‘အရေးယူပြ’တတ်ပါသည်။

နောက်ကွယ်ရောက်မှ ‘‘ခံရ မှာပေါ့။ ဒီကောင်ပါးရည်နပ်ရည် မှမရှိဘဲ’’ဆိုကာ နောက်ထပ် တပည့်မွေးတတ်ပါသည်။ သည် ဖြစ်စဉ်မျိုးမှာ အကြီးအကျယ်နာ မည်ပျက်ယွင်းနေသော ဌာနများ တွင် အမြစ်တွယ်နေဆဲဖြစ်ပါ သည်။

‘‘ငွေရှာကောင်းမှ နေရာ ကောင်းမယ်’’၊ ‘‘ဒီအီးဖြစ်မှ လူကြီး ချစ်တယ်’’ဆိုသော စကားများ အ ကြောင်းမဲ့တွင်ကျယ်ပျံ့နှံ့သည် မဟုတ်ပါ။ ပြဿနာဖြစ်ပွားသူ တိုင်းတွင် အမည်းစက်လေးတွေရှိ ခဲ့ပြီး ထိုသို့ရှိပါလျက် ထိုနေရာသို့ မည်သူ၏ ထပ်မံနေရာချထားမှု ကြောင့် မည်သည့်နည်းလမ်းဖြင့် ရောက်ရှိလာခဲ့သည်ဆိုခြင်းကို အ ဖြေရှာတွေ့ရန် ခဲယဉ်းလှသည် မဟုတ်ပါ။

 

ဌာနအဖွဲ့အစည်းတစ်ခုသို့ မိုးပေါ်က ကျလာသကဲ့သို့ ရောက် လာခဲ့ပြီး အောက်ခြေလုပ်ငန်းကို နားမလည်၊ မတတ်ကျွမ်း၊ လုပ် ငန်းကျွမ်းကျင်မှုဆိုသည်မှာ ကားတံခါးအမြန်ပြေးဖွင့်တတ်ခြင်းနှင့် တံစိုးလက်ဆောင် သိုသိပ်စွာ ဆောင်ကြဉ်းတတ်ခြင်းကိုဆိုခြင်း ဖြစ်သည်ဟုသာ နားလည်သူတို့ က ဘဝရှင်မင်းတရားကြီးသဖွယ် ထင်မိမြင်ရာ ဆင်ကန်းတောတိုး စီမံခန့်ခွဲနေခြင်းမှာ အဂတိလိုက် စားမှုကို ဖွံ့ဖြိုးတိုးတက်အောင်၊ ရှင်သန်ကြီးထွားအောင် ရေ လောင်းပေါင်းသင်ပေးသကဲ့သို့ပဲ ဖြစ်ပါသည်။

ကိုင်းဖျားကိုင်းနားကို ခုတ် ထစ်ပြခြင်းဖြင့် အဂတိလိုက်စားမှု ကို တိုက်ဖျက်ရာမရောက်နိုင်ပါ။ သမင်တစ်ကောင်ကို ပစ်ခွင်းပြ လိုက်နိုင်ရုံမျှဖြင့် ကျားဆိုးရန်ကို နှိမ်နင်းသည် မမည်ပါ။

လာဘ်ပေးလာဘ်ယူပြုနေ သူတိုင်းကို လာဘ်ပေးလာဘ်ယူ ၌ ပျော်မွေ့နေသည်ဆိုသော ရှုမြင်ချက်မှာ အခါခပ်သိမ်းမှန်သည် မဆိုသာပါ။ ပြန်စဉ်းစားကြည့် သင့်ပါသည်။ ရွှေသမင်လာသည့် လမ်းကို စူးစမ်းရှာဖွေနိုင်စွမ်းရှိဖို့ လိုမည်ထင်သည်။ အဂတိလိုက်စားမှုကို တကယ်တိုက်ဖျက်မည်လား။ ရွှေသမင်လာသည့်လမ်းကို ဓားထမ်း၍ လိုက်စေလိုပါသည်။