|| ပြေလွင်မြင့် ||
တရားစီရင်ရာတွင် ဘက်လိုက်မှုကင်းရှင်းရန် မရှိမဖြစ်လိုအပ်ပြီး မည်သည့်ပုဂ်္ဂိုလ်၊ မည်သည့်အဖွဲ့အစည်းမျှ ၀င်ရောက်ခြယ်လှယ်ခြင်း၊ သြဇာလွှမ်းမိုးခြင်းမရှိစေရန်နှင့် အဆိုပါလွတ်လပ်မှုကို ကျင့်သုံးရာတွင် တရားရုံး၏ စီရင်ဆုံးဖြတ်ချက်များသည် လွတ်လပ်စွာ ဆောင်ရွက်ကြောင်းကို တာဝန်ခံနိုင်ရန် လိုအပ်မည်ဖြစ်ကြောင်း၊ ထိုသို့ဆောင်ရွက်သည်ကို အများသိမြင်စေရန် လိုအပ်မည်ဖြစ်ကြောင်း ပြည်ထောင်စုတရားသူကြီးချုပ် ဦးထွန်းထွန်းဦးက ပြောဆိုခဲ့ပါသည်။
အခြေခံဥပဒေအရ ပေါ်ပေါက်လာသည့် တရားစီရင်ရေးစနစ် လေးနှစ်သက်တမ်းရှိလာသည့်အချိန်တွင် ပြည်ထောင်စုတရားလွှတ်တော်ချုပ်နှင့် ပြည်နယ်၊ တိုင်းဒေသကြီး တရားလွှတ်တော်များ၊ ခရိုင်တရားရုံးများ၏ အဋ္ဌမအကြိမ် လုပ်ငန်းညှိနှိုင်းအစည်းအဝေး ကျင်းပသည့်နေ့တွင် ပြောဆိုလိုက်ခြင်းဖြစ်ပြီး အဆိုပါပြောဆိုချက် သည် တရားစီရင်မှုနှင့် တရားရေးဆိုင်ရာ စီမံခန့်ခွဲမှုကိစ္စများကို ၎င်းကိုယ်တိုင် ပဲ့ကိုင်စီမံခဲ့သည့် အတွေ့အကြုံအပေါ် ခြုံယူဆင်ခြင်မှုဖြစ်သည်ဟု ယူဆဖွယ်ရာရှိပါသည်။
ခမ်းနားသော အဆိုပါမိန့်ခွန်း၌ နိုင်ငံတစ်ဝန်းရှိ တရားသူကြီးများသို့ သတိပေးလိုက်သော အချက်နှစ်ချက် တွေ့ရသည်။
၁။ မည်သူ၏ လွှမ်းမိုးစွက်ဖက်မှုကိုမျှမခံဘဲ လွတ်လပ်စွာစီရင်ဆုံးဖြတ်ရန်နှင့်
၂။ ထိုသို့ စီရင်ဆုံးဖြတ်လျက်ရှိနေပြီဖြစ်ကြောင်းကို အများသိမြင်အောင်ပြုလုပ်ရန် ဖြစ်သည်။
လွတ်လပ်စွာတရားစီရင်မှုဆိုသည်ကို “ပြောဖို့လိုသေးလား”ဟု “ခုထိ ပြောနေရတုန်းပဲလား” ဟု မေးသူတို့ ရှိကောင်းရှိနိုင်ပါသည်။ အဘယ်ကြောင့်ဆိုသော် ၁၉၈၉ ခုနှစ် တရားစီရင်ရေးဥပဒေနှင့် အသစ်ထပ်မံပြဋ္ဌာန်းခဲ့ သည့် တရားစီရင်ရေးဥပဒေတိုင်းတွင် “ဥပဒေနှင့်အညီ လွတ်လပ်စွာတရားစီရင်ခြင်း” ဟူသော စကားရပ်ပါရှိမြဲ ဖြစ်သောကြောင့် ဖြစ်ပါသည်။
တရားစီရင်ရေးဆိုင်ရာ မူတစ်ရပ်အဖြစ် အတိအလင်းပါရှိခဲ့စမြဲဖြစ်သော်လည်း တရားရုံးများသည် အဆိုပါတရားစီရင်ရေးဆိုင်ရာမူနှင့်အညီ မည်သူ၏ စွက်ဖက်လွှမ်းမိုးမှုကိုမျှမခံဘဲ ဥပဒေမျက်နှာ တစ်ခုတည်းကိုသာကြည့်၍ ပြတ်ပြတ်သားသား စီရင်ဆုံးဖြတ်ခဲ့သည်ဟု မည်သူကမျှ အသိအမှတ်မပြုခဲ့ကြပါ။ မည်သူကမျှ မယုံကြည်ခဲ့ကြပါ။
နိုင်ငံတော်သမ္မတကြီးက ၎င်းင်း၏ ပြည်ထောင်စုအစိုးရအဖွဲ့ဝင်များသိ်ု့ ပထမဆုံးပြောကြားသည့် မိန့်ခွန်းတွင် စာနယ်ဇင်းမီဒီယာကို စတုတ္ထမဏ္ဍိုင်အဖြစ် အလေးထားဖို့လိုကြောင်း ထည့်သွင်းပြောကြားပြီးနောက် အချုပ်အခြာအာဏာကို ကိုင်စွဲအသုံးပြုခွင့်ရသော မဏ္ဍိုင်သုံးရပ်အနက် မြန်မာစာနယ်ဇင်းများ၏ ပထမပစ်မှတ်မှာ တရားရေးမဏ္ဍိုင် ဖြစ်ခဲ့ပါသည်။
စာနယ်ဇင်း(အချို့)၏ ဝေဖန်ထောက်ပြသည်ဆိုခြင်းထက် အငြိုးတကြီးနှင့် အလွန်အကျွံ စွပ်စွဲတိုက်ခိုက်ခဲ့ခြင်းအပေါ် တရားရေးနယ်ပယ်တွင် တာဝန်ထမ်းသူများက နာကျင်ခံပြင်းခဲ့ကြသော်လည်း (အပေါစားလက်ခုပ်သံများကို မျှော်ကိုး၍ တရားလက်လွတ်ပြောဆိုမှုများကို ဖယ်ရှားခဲ့လျှင်ပင်) အချို့သော စွပ်စွဲချက်များကို မဟုတ်မမှန်ပါဟု ယတိပြတ်မငြင်းနိုင်သည်ကို ၀န်ခံကြရမည်ထင်ပါသည်။ “တရားရေးက အုပ်ချုပ်ရေးရဲ့ စွက်ဖက်မှုခံနေရတယ်”၊ “အုပ်ချုပ်ရေးအောက်ရောက်နေတယ်” ဆိုသောစွပ်စွဲချက်မှာ အကျယ်လောင်ဆုံးဖြစ်သည်။
ယခုအချိန်အထိ အပြင်းထန်ဆုံး စွပ်စွဲချက်အဖြစ် တည်ရှိနေဆဲဖြစ်ပြီး ငြင်းဆိုရန် ခဲယဉ်းနေဆဲဖြစ်သည်။ စွပ်စွဲချက်များ အကြောင်းမဲ့ပေါ်ထွက်ခဲ့ခြင်း မဟုတ်သည်ကိုတော့ဖြင့် ရှင်းပြရန်မလိုဟု ထင်ပါသည်။
အဆင့်မြင့်တရားသူကြီးတစ်ဦးက အဆင့်မမြင့်တရားသူကြီးတစ်ဦးကို မေးခွန်းထုတ်ဖူးသည်။
“နေပါဦး၊ မောင်ရင်တို့ တရားသူကြီးတွေက ထွေအုပ်တို့၊ ရဲတို့ကို ဘာကြောင့် မလွန်ဆန်နိုင်ရတာလဲ”
“အနှစ်နှစ်ဆယ်ကျော်လောက် ခိုင်းတာလုပ်ခဲ့ရတာ အကျင့်ပါနေလို့ ဖြစ်ပါလိမ့်မယ် ခင်ဗျ”
“သီးခြားကျင့်သုံးတာ သုံးနှစ်ကျော်ရှိနေပြီပဲဗျာ။ ခုထိအကျင့်ပါနေတုန်းလား၊ သဘာဝ ကို မကျပါဘူး”
မြို့နယ်အုပ်ချုပ်ရေးမှူးက တရားလိုပြု၍ တိုင်ကြားသောအမှုတစ်မှုကို မြို့နယ်တရားသူကြီးက ရာဇသတ်ကြီးပုဒ်မ ၁၈၈ ဖြင့် အရေးယူခဲ့သည်။ ဥပဒေအရ လွဲမှားနေခြင်းနှင့်စပ်လျဉ်း၍ ၎င်းက “ဒီပုဒ်မနဲ့ အကျုံးမ၀င်ဘူးလို့တော့ ထင်ပါတယ်ဆရာ၊ ကျွန်မက သူတို့နဲ့ပတ်သက်ပြီး တစ်ခုခုလုပ်မပေးရင် မကောင်း ဘူးလားလို့ပါ” ဟု ဖြေသည်။ သည်လိုခပ်တုံးတုံးတွေလည်း အခြေခံအကျဆုံး တရားရုံးတွေမှာ ရှိနေတုန်းပဲဖြစ် သည်။
ပြည်ထောင်စုတရားလွှတ်တော်ချုပ်ကို ဖွဲ့စည်းပြီးနောက် အခြေခံဥပဒေပုဒ်မ- ၁၁ အရ အာဏာသုံးရပ်ကို တတ်နိုင်သမျှ ခွဲဝေပိုင်းခြား ကျင့်သုံးမှုသည် အထက်ပိုင်းတွင် ပိုမိုပီပြင်လာသည်ဟု ယူဆဖွယ်ရာရှိသော်လည်း အောက်ခြေ၌ မပီမပြင်ဖြစ်နေခဲ့သေးသည်ကို ယုံမှားဖွယ်ရာမရှိပါ။
အချို့သော ပြည်နယ်တိုင်းတို့တွင် “၀န်ကြီးချုပ်က ဟိုလိုဒီလိုဖြစ်စေချင်တာ” ဟူသော တီးတိုးစကားဖြင့် တရားသူကြီး အငယ်စားများကို တရားသူကြီး အလတ်စားများက ခြောက်လှန့်နေတုန်းရှိသေးသည်။ “ကိုယ့်စီရင်ချက်ကို ကိုယ်တာဝန်ယူပါ” ဟု တဖွဖွပြောတုန်းမှာပဲ တရားလိုကျေနပ်ပါက ကျေအေးခွင့်ပြုရမည့် အမှုကို ၀န်ကြီးချုပ်က မကျေနပ်ဆိ်ုသည့် အကြောင်းကြောင့် ကျေအေးခွင့်မပြုဝံ့သော တရားသူကြီးမျိုး ရှိနေတုန်းဖြစ်သည်။ ကိုယ့်တရားရုံးနံဘေးက အသံကျယ်သော လွှတ်တော်အမတ်၏ တစ်မျက်နှာတည်းကိုကြည့်ပြီး သူ့အလိုလိုက်၍ စီရင်ဆုံးဖြတ်နေသော တရား သူကြီးမျိုး ရှိနေတုန်းဖြစ်သည်။ ကိုယ်က မရိုး မဖြောင့် လုပ်ထားသည့်အတွက် ကိုယ့်ထက် ပို၍ မရိုးမဖြောင့်သူဖြစ်နေသည့်တိုင် ထိုသူက ဒုက္ခပေးနိုင်သူဖြစ်သဖြင့် “မျက်နှာရိပ် မျက်နှာကဲကြည့်၊ ဗောင်းတော်ညိတ် စိတ်တော်သိ” စီရင်ဆုံးဖြတ်နေသော တရားသူကြီးမျိုးရှိနေတုန်းဖြစ်သည်။
ထိုသို့သော တရားသူကြီး အငယ်စား အလတ်စားများကြောင့် စာနယ်ဇင်းအချို့၏ ပြင်းထန်သော စွပ်စွဲချက်နှင့် ပစ်မှတ်တို့မှ မရုန်းသာ၊ မလှုပ်သာဖြစ်ခဲ့ရသည့်အခြေအနေတွင် တရားစီရင်မှု နယ်ပယ်တစ်ဝန်းလုံးကို တာဝန်ခံ နေရသူက “တရားစီရင်ရာတွင် ဘက်လိုက်မှုကင်းရှင်းရန် မရှိမဖြစ်လိုအပ်ကြောင်း” သတိပေးလိုက်ခြင်းကို အခါမသင့်ဟု မဆိုသာချေ။ မည်သည့်ပုဂ်္ဂိုလ်၊ အဖွဲ့အစည်းကမျှ ၀င်ရောက်ခြယ်လှယ်စွက်ဖက်လွှမ်းမိုးခြင်း မရှိစေရန်၊ လွတ်လပ်မှုကိုကျင့်သုံးရန်နှင့် တာဝန်ခံနိုင်ရန်လိုအပ်ကြောင်း သတိပေးချက်မှာ အခါမသင့်ဟု မဆိုသာချေ။
လွတ်လပ်သည့် တရားစီရင်မှုကို စွက်ဖက်လွှမ်းမိုး ခြယ်လှယ်လိုသူများသည် မည်သူမဆိုဖြစ်နိုင်သည်ကို သတိချပ်ရန်လိုကြောင်း “သတိပေးချက်” အဖြစ်လည်း အခါမသင့်ဟု မဆိုသာချေ။
တရားရုံးဆိုသည်မှာ အတည်ဖြစ်ဆဲဥပဒေများကို လိုက်နာဆောင်ရွက်ပေးရသည့် ဌာနအဖွဲ့အစည်း တစ်ခုမျှသာဖြစ်သည့်အလျောက် မည်သည့်အခြေအနေတွင်မဆို (ဥပဒေနှင့်အညီ) လွတ်လပ်သော တရားစီရင်မှုကိုသာ မြဲမြဲမြံမြံ ကိုင်စွဲထားသင့်သည်မှာ ယုံမှားဖွယ်မရှိပါ။
သို့ရာတွင် စနစ်တစ်ခု၊ ခေတ်တစ်ခု၌ ပခုံးတွင် တစ်ပွင့်မျှမရှိသူတို့၏ အတင်းအဖျင်းသာသာ အစီရင်ခံစာဖြင့် ပြန်တမ်းဝင်အရာရှိဆို သူတို့ ဘာမှန်းမှမသိလိုက်ဘဲ၊ ကျွမ်းပစ်ခဲ့ရသည့် သာဓကမျိုးရှိခဲ့သည်။ (ထောက်လှမ်းရေးတပ်ကြပ်ကို ဘုရားသခင်တမျှ အလေးပေးခဲ့သော လူကြီးသူမမျိုးရှိခဲ့သည်) ဥပဒေနှင့် မညီညွတ်စေကာမူ ၎င်းတို့နှင့် ညီညွတ်ပါက အန္တရာယ်ကင်းသည့်သဖွယ် ကသမ်းကယမ်းကာလမျိုး ရှိခဲ့ဖူးသည်။ ပေါင်းစားမှ အရိုးမမျက်မည့် ကာလမျိုး၊ ထိုသူတို့နှင့် အဆင်မပြေပါက နဂါးမျက်စောင်းရှေ့ ကားကားကြီးရပ်မိသလိုမျိုး၊ ပြာကျလွင့်စဉ်သွားခဲ့ရသူများ ရှိခဲ့ဖူးသည်။ ဤသည်ကို မည်သူကမျှ စီမံခန့်ခွဲမှု အမှားအယွင်းဟူ၍ မမြင်ကြ။ မြားကိုသာမြင်၍ လေးညို့ကိုမမြင်ကြ။ မြင်နိုင်သည့် အရည်အချင်းမရှိခဲ့ကြ။
စင်စစ် တရားရုံးသည် မည်သူ၏သြဇာခံမျှ မဖြစ်ထိုက်သကဲ့သို့ မည်သူ၏ ရန်ဘက်မျှလည်း မဖြစ်ထိုက်ပါချေ။မည်သူနှင့်မျှလည်း ရန်ဘက်ဖြစ်ဖို့ မလိုပါချေ။ သို့သော် သူ့အလုပ်သဘာဝကိုက အမှုသည်တို့၏ အနိုင်အရှုံးကို ပြတ်ပြတ်သားသား စီရင်ဆုံးဖြတ်ပေးရသည့် အလုပ်ဖြစ်သည်။ ဝေဒနာပျောက်ကင်းသွားသည့် လူနာ၏ကျေးဇူးတုံ့ပြန်မှုကို ပြုံးပြုံးကြီးခံယူနေသည့် ဆရာဝန်ကဲ့သို့ နိုင်သွားသောအမှုသည်၏ ကျေးဇူးတုံ့ပြန်မှုကို ပြုံးပြုံးကြီးခံယူနိုင်ခွင့် တရားသူကြီးမှာ ရှိသည်မဟုတ်ပါ။ တရားသူကြီးသည် ဖြောင့်မတ်ခိုင်ကျည်သူဖြစ်ပါက လေးစားမှု ရကောင်းရနိုင်မည်ဖြစ်သော်လည်း အချစ်ခံချင်၍တော့ဖြင့် မဖြစ်နိုင်ပါ။
သဘာဝမတူပါ။ အခန့်မသင့်လျှင် ရှုံးသွားသည့်အမှုသည်၏ ပိုးစိုးပက်စက် စွပ်စွဲချက်ကိုပင် အဆစ်ရလိုက်နိုင်ပါသည်။
တစ်မှုဆုံးဖြတ်ပြီးတိုင်း တရားရုံးက ရန်သူတစ်သိုက် မွေးပေးလိုက်သလိုရှိခဲ့သည်က ခေတ်အဆက်ဆက်ပဲဖြစ် သည်။
တရားရုံးဆိုသည်မှာ ချစ်သူရှိချင်မှရှိမည်ဖြစ်သော်လည်း မုန်းသူဧကန်ရှိမည် သေချာသည်။ ရှုံးသူဧကန် ရှိသောကြောင့် ဖြစ်သည်။ ပွင့်လင်းလာသည့်ခေတ်တွင် လွယ်လင့်တကူ ထင်ပေါ်လိုသော အပေါစားနိုင်ငံရေးသမားတို့က လွယ်လင့်တကူလုပ်ပြနိုင်သည့် တစ်ခုသောလုပ်ရပ်မှာ တရားရုံးကို လက်ညှိုးထိုးလိုက်ခြင်းပဲ ဖြစ်သည်။ သိ်ု့မဟုတ် - တရားရုံးကို ထိုးကျွေးလိုက်ခြင်းပဲ ဖြစ်သည်။ အုပ်ချုပ် ရေးအရာရှိအချို့ကပါ “လင်းနို့ခွန်ကောက်လျှင် - ကြွက်”၊ “ကြွက်ခွန်ကောက်လျှင် လင်းနို့” ဟု သူတို့မပါခဲ့သယောင်ပြုလျက် သူတို့ကပါ အဆစ်တစ်ချက် ၀င်ထုလိုက်တတ်သည်ကို သင်ခန်းစာမယူနိုင်သော ခပ်ညံ့ညံ့တရားသူကြီးများ ရှိနေသေးခြင်းမှာ လွန်စွာဝမ်းနည်းဖွယ်ဖြစ်သည်။
စင်စစ်ဘက်လိုက်မှုကင်းသော လွတ်လပ်သည့် တရားစီရင်မှုဆိုသည်မှာ တရားရုံးများက ဥပဒေမျက်နှာ တစ်ခုတည်းကိုကြည့်၍ မည်သူ့ကိုမျှ မျက်နှာချိုမသွေးဘဲ ပြတ်ပြတ်သားသား စီရင်ဆုံးဖြတ်သည့် တရားစီရင်မှုပဲဖြစ်သည်။
The Ladies News Journal
