တ ရား မ မှု တွ င် အ မှု သည် မ လာ ခြင်း
ငြင်းချက်ထုတ်ရန်နေ့တွင် အမှုသည်မလာပဲ ရှေ့နေသာလာသည့်ကိစ္စတွင် ဖြစ်ပေါ်လာနိုင်သည့် အကျိုးဆက်များ။
အမှုကိုကြားနာသည့် အခြားရက်မှာ ငြင်းချက်ထုတ်ရန် သတ်မှတ်သည့်နေ့ဖြစ်ပါသည်။
အမိန့် ၁၀၊ နည်း ၁ နှင့် ၂ တို့အရ တရားရုံးကစစ်ဆေးခွင့်ရှိသည်ဖြစ်ရာ သက်ဆိုင်ရာ အမှုသည်ဖြစ်စေ၊ အမှုနှင့်စပ်လျဉ်း၍အရေးကြီးသော အချက်အလက်များကို ချေပပြောဆိုနိုင်သူ ရှေ့နေဖြစ်စေ၊ ယင်းသို့ပြောဆိုသူ တစ်ဦးဦး နှင့် ရှေ့နေဖြစ်စေ တရားရုံးသို့ လာရောက်ရန်လိုကြောင်း ယုံမှားဖွယ်မရှိပါ။
ငြင်းချက်ထုတ်သည့်နေ့တွင် ဆိုင်ရာ အမှုသည်ဖြစ်စေ၊ ဆိုင်ရာရှေ့နေဖြစ်စေ တရားရုံးသို့ သွားဖို့လိုပါသည်။
(ဦးမြ၊ သောင်းပြောင်းထွေလာဥပဒေပြသနာ အမှတ်-၄၊ စာ-၁၀၀)
-----
အမိန့်- ၃ ၊ နည်း - ၁ အရ ရှေ့နေရုံးရှေ့ရောက်ရှိခြင်းသည် သက်ဆိုင်ရာ အမှုသည်ရုံးရှေ့ရောက်ရှိခြင်းဖြစ်ပါသည်။
-----
သို့ရာတွင် ငြင်းချက်ထုတ်သည့်နေ့သည် အမှုကို ကြားနာရန်နေ့ရက်ဖြစ်သဖြင့် တရားရုံးက အမှုကြားနာစစ်ဆေးခြင်းကို နောက်တစ်ရက်သို့ ရွှေ့ဆိုင်းချိန်း ဆိုခြင်း မပြုပါက အဆိုပါ နေ့တွင်ပင် စတင်စစ်ဆေးနိုင်ပါသည်။
အကယ်၍ တရားလိုဘက်က စတင်စစ်ဆေးမည်ဆိုပါက တရားလို မရှိလျှင် တရားလိုရုံးချိန်းပျက်ကွက်ခြင်းဖြစ်၍ အမိန့် - ၉ ၊ နည်း - ၈ အရ အမှုကို ပလပ်နိုင်ပါသည်။
အကယ်၍ တရားပြိုင်ဘက်က စတင်စစ်ဆေးမည့်အမှုဖြစ်ပါက တရားပြိုင်ရုံးချိန်းပျက်ကွက်ခြင်းဖြစ်၍ အမိန့် - ၉ ၊ နည်း - ၆ အရ အမှုကို တစ်ဖက်သတ် ဆက်လက်စစ်ဆေးခြင်းပြုလုပ်နိုင်ပါသည်။
သို့ဖြစ်ရာ ငြင်းချက်ထုတ်သည့်နေ့တွင် အမှုသည် နှင့် ရှေ့နေ နှစ်ဦးစလုံးရုံးရှေ့လာရောက် ရန်လိုအပ်မည်ဖြစ်ပါသည်။ မိမိဘက်မှ လစ်ဟင်းမှုမဖြစ်စေရန် ကြိုတင်စီမံမှုပြုလုပ်ထားရပါမည်။
-----
ထို့ကြောင့် ငြင်းချက်ထုတ်သည့်နေ့တွင် အမှုသည် နှင့် ရှေ့နေ နှစ်ဦးစလုံးရုံးရှေ့လာရောက် ရန်လိုအပ်မည်ဖြစ်ပါကြောင်းတင်ပြအပ်ပါသည်။
ငြင်းချက်ထုတ်ရန်သမ္မာန်စာအရ တရားပြိုင်လာရောက်ရန်နေ့ရက်တွင် တရားပြိုင်မလာပဲ ၄င်း၏ရှေ့နေသာ လာရောက်ခြင်း နှင့်စပ်လျဉ်း၍ သတိပြုရန်အချက်။
- ငြင်းချက်ထုတ်ရန်သမ္မာန်စာအရ တရားပြိုင်လာရန်နေ့ရက်သည် အမိန့်-၉၊ နည်း - ၁အရ ကြားနာရန်နေ့ရက်ဖြစ်ခြင်း
- အမိန့်- ၉၊ နည်း- ၁ တွင် -
တရားပြိုင်လာရောက်ဖြေဆိုရန် သမ္မာန်စာတွင် သတ်မှတ်သည့်ရက်၌ အမှုသည်များသည် ကိုယ်တိုင်ဖြစ်စေ၊ ၄င်းတို့၏ဆိုင်ရာရှေ့နေများဖြင့်ဖြစ်စေ တရားရုံးအဆောက်အအုံတွင် တက်ရောက်ရမည်။ တရားရုံးက အမှုကြားနာစစ်ဆေးခြင်းကို နောက်တစ်ရက်သို့ ရွှေ့ဆိုင်းချိန်း ဆိုခြင်း မပြုပါက အဆိုပါ သတ်မှတ်ရက်၌ပင် အမှုကြားနာစစ်ဆေးရမည်။ ဟုပြဌာန်းထားပါသည်။
- ငြင်းချက်ထုတ်ရန်သမ္မာန်စာအရ တရားပြိုင်လာရန်နေ့ရက်တွင် တရားပြိုင် လာရောက်ရန် လိုအပ်ခြင်း။
-----------
(ဦးမြ၊ သောင်းပြောင်းထွေလာဥပဒေပြသနာ အမှတ်-၄၊ စာ-၉၉)
xxxxxxxxxxxxxxxxxxxxxxxxxxxxxxxxxxxxxxxxxxxxx
ရှေ့နေတစ်ဦးသည် သက်ဆိုင်ရာ အမှုသည် ကိုယ်စားလာရောက်ခြင်း ဟုတ်မဟုတ် ဆိုသည့် ကိစ္စမှာ သက်ဆိုင်ရာနေ့တွင် ဆောင်ရွက်မည့်ကိစ္စရပ်ပေါ်တွင် မူတည်သည်။
ငြင်းချက်ထုတ်ရန် တရားပြိုင်ထံ ရုံးခေါ်စာထုတ်ရာတွင် ရက်ချိန်းနေ့၌ တရားပြိုင်မလာပဲ ရှေ့နေတစ်ဦးက ကိုယ်စားလှယ်စာတင်ပြီး ချေလွှာတင်ရန် ရက်ချိန်းတောင်းလေ့ရှိပါသည်။
တစ်ခါတစ်ရံ အဆိုပါ ရှေ့နေကိုယ်စားလှယ်စာကို အခြားရှေ့နေက ၀ယ်ပြီး ရက်ချိန်းတောင်းသည်များလည်းရှိပါသည်။
တရားမကျင့်ထုံးဥပဒေ အမိန့် - ၉ ၊ နည်း - ၁အရ ဆိုပါလျှင် ထိုနေ့သည် အမှုကိုကြားနာရန်ရက်ဖြစ်ပါသည်။
အကယ်၍ တရားပြိုင်လည်းမလာ ရှေ့နေသည် အမှုနှင့်စပ်လျဉ်း၍ အရေးကြီးသောအချက် အလက်များကို ချေပ ပြောဆိုနိုင်သူလည်းမဟုတ် ယင်းသို့ပြောဆိုနိုင်သူ တစ်ဦးဦးလည်း မလာသည့်အပြင် တရားရုံးက အမှုကို ကြားနာမည်ဟု ပြောဆိုလျှင် ဒုက္ခလှလှကြီးတွေ့နိုင်သည်။
သို့ရာတွင် လက်တွေ့တွင် တရားပြိုင်လာရန် ချိန်းဆိုသော နေ့၌ အမှုကြားနာလေ့မရှိသောကြောင့် ထိုနေ့သည် အမှုကို ကြားနာရန်ရက်ဖြစ်ကြောင်း မသိသူများပင်ရှိပါသည်။
လေးစားစွာဖြင့်။
.jpeg)
