စွန့်ပစ်မှု(desertion)ကို အခြေခံ၍ မြန်မာ့ဓလေ့ထုံးတမ်း ဥပဒေအရ "လင်မယားကွာရှင်း ပြတ်စဲပေးစေလိုမှု" စွဲဆိုပိုင်ခွင့်ရှိမရှိ။
လင်ခန်းမယားခန်းပြတ်စဲနိုင်သည့် အကြောင်းတရားများ
xxxxxxxxxxxxxxxxxxxxxxxxxxxxxxxxxxx
ဒေါ်ခင်ပု နှင့် ဒေါက်တာသာမြ (၁၉၄၉၊ မတစ (တရားလွှတ်တော်) စာ ၂၈၃) စီရင်ထုံး စာမျက်နှာ ၃၁၅ တွင် မြန်မာဗုဒ္ဓဘာသာအချင်းချင်းတွင် လင်ခန်းမယားခန်းသည် အောက်ပါတစ်နည်းနည်း
ဖြင့် ပြတ်စဲသွားနိုင်သည်ဟု ပြဆိုထားသည်။
(က) နှစ်ဦးသဘောတူကွာရှင်းခြင်း ။
(ခ) အပြစ်ကျူးလွန်သူ လင် သို့မဟုတ် မယားက သတ်မှတ်ကာလကြာ စွန့်ပစ်ခြင်း နှင့် စွန့်ပစ်ခံရသူက လင်မယားပြတ်စဲလိုသောဆန္ဒကို ဖော်ထုတ်သောနောက်ပိုင်း အပြုအမူအရ ပြတ်စဲခြင်း။
(ဂ) ဖောက်ပြားခြင်း၊ ရက်စက်ခြင်းစသည့် အိမ်ထောင်ရေးပြစ်မှု သက်သေထင်ရှားခြင်းကြောင်း စီရင်ပိုင်ခွင့်အာဏာရ တရားရုံးကချမှတ်သော ဒီကရီအရ ခွင့်ပြုသော ကွာရှင်းခြင်း ။
စွန့်ပစ်ခံရသည့် ကာလအပိုင်းအခြား
xxxxxxxxxxxxxxxxxxxxxxxxx
လင်ယောက်ျားက မယားအား စွန်ပစ်မှု - ၃ နှစ်
မယားက လင်ယောက်ျားအား စွန့်ပစ်မှု - ၁ နှစ်
စွန့်ပစ်ခြင်းအတွက် သတ်မှတ်ထားသောအချိန်ကာလကုန်ဆုံးသွားသည် နှင့် ထိမ်းခြားခြင်းပျက်ပြယ်ခြင်းရှိမရှိ နှင့် စွန့်ပစ်ခြင်းကြောင့် ထိမ်းမြားခြင်း ပျက်ပြယ်ရန်လိုအပ်ချက်။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
သတ်မှတ်ထားသောအချိန်ကာလအတွင်း စွန့်ပစ်ပြီး ထောက်ပံ့ခြင်းမပြုလျှင် သို့မဟုတ် တစ်စုံတစ်ရာအဆက်အသွယ်မပြုလျှင် ထိမ်းမြားခြင်း မပျက်ပြယ်ပေ။
စွန့်ပစ်ခြင်းခံရသူက ထိမ်းမြားမှုကို ပျက်ပြယ်လိုပါက ပျက်ပြယ်နိုင်ခွင့်ပေးခြင်းမျှသာ ဖြစ်သည်။
စွန့်ပစ်ခြင်းခံရသူက -
လင်ခန်းမယားခန်း ပြတ်စဲလိုသော ရည်ရွယ်ချက်မရှိလျှင်
သို့မဟုတ်
စွန့်ပစ်ခြင်းခံရသူက ကွာရှင်းလိုသော အပြုအမုကို ဖော်ပြခြင်းမရှိလျှင်
လင်ခန်းမယားခန်း မပြတ်စဲပေ။
ဒေါ်ခင်ပု နှင့် ဒေါက်တာသာမြ (၁၉၄၉၊ မတစ (တရားလွှတ်တော်) စာ ၂၈၃)
စွန့်ပစ်ခြင်းကြောင့် လင်ခန်းမယားခန်းပြတ်စဲရန် တရားရုံးဒီကရီလိုသလား။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
ဒေါ်ခင်ပု နှင့် ဒေါက်တာသာမြ (၁၉၄၉၊ မတစ (တရားလွှတ်တော်) စာ ၂၈၃) စီရင်ထုံး စာမျက်နှာ ၃၁၅ တွင် ဖော်ပြထားသည့် အထက်ပါ လင်ခန်းမယားခန်းပြတ်စဲနိုင်သည့် အကြောင်းတရား (၃)ပါးတွင် အမှတ်စဉ် (ဂ)၌ တရားရုံးဒီကရီအရ ကွာရှင်းနိုင်သည့် အိမ်ထောင်ရေးပြစ်မှုတွင
်
- ဖောက်ပြားခြင်း
- ရက်စက်ခြင်း
(၂)မျိုးကိုသာဖော်ပြထားသည်ကိုတွေ့မြင်နိုင်ပါသည်။ စွန့်ပစ်ခြင်း မပါသည်ကိုတွေ့မြင်နိုင်ပါသည်။
တရားရုံးက ကွာရှင်းဒီကရီ ချမှတ်နိုင်ရန် လိုအပ်သည့် အိမ်ထောင်ရေးပြစ်မှုများတွင် စွန့်ပစ်ခြင်းကို မထည့်ဘဲ သီးခြားဖော်ပြထားခြင်းက စွန့်ပစ်ခြင်းကို အကြောင်းပြုပြီး ကွာရှင်းသည့် ကိစ္စ တရားဝင်စေရန် ဒီကရီမလိုအပ်မှုကို ညွှန်ပြသည်။ တစ်ဦးက သတ်မှတ်ကာလကြာ စွန့်ပစ်ပြီး ကျန်တစ်ဦးက လင်မယားပြတ်စဲလိုသော မိမိ၏ဆန္ဒကို တစ်နည်းနည်းဖြင့် ဖော်ထုတ်သောအခါ လင်ခန်းမယားခန်းပြတ်စဲသွားသည်ဖြစ်၍ တရားရုံး၏ ဒီကရီမလို။ (ဦးမြ၊ ဥပဒေပြသနာအဖြာဖြာ ၊ စာ၃၇)
၁၈၇၆ ခုနှစ်တွင် စီရင်သော မ(မိ)နှင်းနုံ နှင့် မောင်(င)အောင်ပါ ၂ (SJLB 73) အမှုတွင်
မြန်မာဗုဒ္ဓဘာသာ အချင်းချင်းကွာရှင်းခြင်းသည် တရားရုံးဒီကရီမလိုဘဲ ခိုင်လုံသည်ဟု ပြဆိုထားသည်။ (ဦးမြ၊ ဥပဒေပြသနာအဖြာဖြာ ၊ စာ၃၈)
ဒေါက်တာဧမောင်က ၄င်း၏ မြန်မာဗုဒ္ဓဘာသာ တရားဥပဒေကျမ်း (၁၉၇၀ပြည့်နှစ်ထုတ်) စာမျက်နှာ ၉၀ တွင် ဒေါ်ခင်ပု နှင့် ဒေါက်တာသာမြ စီရင်ထုံးများကို ရည်ညွှန်းပြီးနောက် စွန့်ပစ်ခြင်းကို အကြောင်းပြုပြီး လင်မယားပြတ်စဲခြင်းသည် အနှစ်သာရအားဖြင့် နှစ်ဦးသဘောတူကွာရှင်းခြင်းဖြစ်ကြောင်း ပြဆိုထားခြင်းသည် စွန့်ပစ်ခြင်းကို အကြောင်းပြုပြီး လင်မယားကွာရှင်းပေးရန်အတွက် တရားစွဲဆိုရန် မလိုကြောင်းမြင်သာစေသည်။
(ဦးမြ၊ ဥပဒေပြသနာအဖြာဖြာ ၊ စာ - ၄၇)
စွန့်ပစ်ခြင်းကို အခြေခံ၍ လင်မယားကွာရှင်းပြတ်စဲပေးစေလိုမှုစွဲဆိုလျှင် မည်ကဲ့သို့ဖြစ်နိုင်သနည်း။
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
စွန့်ပစ်ခံရသူက စွန့်ပစ်သူအပေါ် လင်မယားကွာရှင်းပေးစေရန် တရားမစွဲဆိုမီ တရားလိုသည် လင်မယားကွာရှင်းပြတ်စဲလိုသော မိမိဆန္ဒကို ထုတ်ဖော်ခဲ့ခြင်းမရှိပါလျှင် အမှုနိုင်မည်မဟုတ်။
လင်မယားကွာရှင်းပေးစေရန် တရားစွဲဆိုခြင်းကပင် တရားလိုသည် မိမိ၏အဆိုပါဆန္ဒကို
ဖော်ထုတ်ခြင်းဖြစ်သည်ဟု ကောက်ယူနိုင်စေဦး တရားမစွဲဆိုမီဖော်ထုတ်ခြင်းမပြုသဖြင့် တရားစွဲဆိုရန်အကြောင်းသည် တရားမစွဲဆိုမီ ပေါ်ပေါက်ရမည်ဟုပြဆိုသော 1952 BLR(H.C) 410 စီရင်ထုံးအရ အဆိုလွှာပယ်ခြင်းခံရမည်။
(စကားချပ်။ The cause of action must be antecedent to the institution of the suit.
ဦးဖိုးသီး နှင့် မောင်ကျော်ဆင့် (၁၉၅၂၊ မတစ (လွှတ်တော်) စာ- ၄၁၀)
တရားမစွဲဆိုမီ စွန့်ပစ်ခံရသူက လင်မယားပြတ်စဲလိုသော ဆန္ဒကိုဖော်ထုတ်လိုက်ပါလျှင်လည်း လင်ခန်းမယားခန်းပြတ်စဲသွားမည်ဖြစ်သည်။ထိုသို့ လင်မယားကွာရှင်းပေးစေရန် တရားရုံး၏ ဒီကရီလိုသည်မဟုတ်။(SJLB 73) တွင်ကြည့်ပါ။
ထိုသို့ဆိုလျှင် (စွန့်ပစ်ခြင်းအရ) လင်မယားကွာရှင်းပေးစေရန် လင် သို့မဟုတ် မယားတွင် တရားစွဲဆိုခွင့် မရှိနိုင်။
(ဦးမြ၊ ဥပဒေပြသနာအဖြာဖြာ ၊ စာ ခဂ)
စွန့်ပစ်ခံရသူက ပစ္စည်းခန်းအပေါ်အရေးဆိုလိုလျှင် မည်သို့တရားစွဲဆိုမည်လဲ။
xxxxxxxxxxxxxxxxxxxxxxxxxxxxxxxxxxxxxxxxxxxxxxxx
စွန့်ပစ်သူက လင်မယားဖြစ်ဆဲဖြစ်သည်ဟု ဆိုလာလျှင် လင်မယားမဟုတ်တော့ကြောင်း မြွက်ဟကြေညာပေးရန် သီးခြားသက်သာခွင့်ဥပဒေပုဒ်မ - ၄၂ အရ တရားစွဲဆိုရန် ဖြစ်ပေလိမ့်မည်။
(ဦးမြ၊ ဥပဒေပြသနာအဖြာဖြာ ၊ စာ ခဂ)
(စွန့်ပစ်ခံရသူက ပစ္စည်းခန်းပါအရေးဆိုလိုလျှင် )
ဦးဆင် နှင့် မမလေး ( ၁၉၄၁၊ ရန်ကုန်၊ စာ - ၁၄ ) အမှုမှာကဲ့သို့ တရားလို နှင့် တရားပြိုင်တို့သည် လင်မယားမဟုတ်တော့ ကြောင်း မြွက်ဟကြေညာပေးရန် နှင့် ပစ္စည်းခွဲဝေပေးစေရန် တရားစွဲဆိုရန် ဖြစ်ပေလိမ့်မည်။(ဦးမြ၊ ဥပဒေပြသနာအဖြာဖြာ ၊ စာ ၄၇)
ပြစ်မှုဆိုင်ရာဥပဒေပုဒ်မ - ၄၉၇
xxxxxxxxxxxxxxxxxxxx
စွန့်ပစ်ခံရသူ မယားတစ်ဦးက နောက်အိမ်ထောင်ပြုရန် ရည်ရွယ်လျှင် နောက်ယောက်ျား ပြစ်မှုဆိုင်ရာဥပဒေပုဒ်မ - ၄၉၇ မဖြစ်စေရန် ပထမလင်အား လင်ခန်းမယားခန်းပြတ်စဲကြောင်း မိမိဆန္ဒကို တနည်းနည်းဖြင့် ထုတ်ဖော်ပြသပြီးမှ ထပ်မံထိမ်းမြားလက်ထပ်ခြင်းကို ဆောင်ရွက်သင့်သည်ဟု ယူဆပါသည်။ ။
TUN MYO HTAY
